Comporte

« Item^ tous le pays est mis en robéissance du seigneur de Lautrec pour et au nom du Roy, et se tient au pays où on le révère comme roy de Naples. Escrit à Versay, par le tout vostre et amy Jean de GouUefrac. »

Au dict an 1 528 , le dimenche, vingthuictiesme de juing, madame Renée de France, fille de feu roy Loys dousiesme de ce nom et seur de la Royne , madame Claude , dernièrement décédée , fust espousée au filz aisné^ du filz du duc de Ferrare, italien, et furent les espousailles faictes à la Saincte-Chappelle du Palays à Paris, et (il) estoit venu en France pour ce faire, incontinent après Pasques^. Il y eust au dict mariage grand triomphe et fut la feste et bancquet faict au Palays , en la salle de Sainct-Loys , qui fut fort honnorable, et y furent invitez tous les barons de Bretaigne et autres princes et seigneurs de France en gros nombre; et les espousa en la dicte Saincte-Chappelle monsieur Du Prat, chancelier de France, archevesque de Sens , à la porte de l'église , et le trésorier de la Saincte-Chappelle , évesque , chanta la messe qui fut basse.

Le Roy luy donna en mariage la comté de Chartres, avec Gisors et Montargis ^ , pour en prendre chacun an le revenu, jusques à ce qu'il luy ait baillé la somme de deux cens cinquante mil escus pour une foys paiez; et lui faisoit bailler par chacun an , pour les choses

i. Hercule d'Esté, fils du duc Alphonse et de Lucrèce Borgia.

2. Voy. le contrat de mariage de Renée, Ms. du Puy, n" 7, 701 , 845, et, dans les OEuvres de Marot, le chant nuptial composé à cette occasion.

3. Cf. Ms. Béthune 8527, f» 11 et 29, 8569, f° 88, Ms. du Puy, n"" 554 et 832.

dessus dictes , la somme de \ingtquatre mil escus au dict duc de Ferrare.

Ce mesme jour, furent baptisez en l'église Sainct- Barthëlemy, à Paris, deux Turcqs et infidelles que le Grand Maistre de Rhoddes avoit amenez de Rhoddes en France. On dit qu'ilz avoient esté en la chrestienté plus de six ans devant que d'estre baptisez et au commencement ilz ne voulurent croire à la foy de Jésus- Christ; mais à la fin, par inspiration divine, ilz furent convertis , tellement qu'ilz requirent de leur bon gré d'estre chrestiens et d'estre convertis. Et au dict baptesme y eust grande solemnité et furent les parrins des gentilzhommes, chevaliers de l'ordre de Rhoddes; dont l'un (des Turcs) fut nommé George et l'autre Anthoine; l'un avoit xxi ans et l'autre vingt et trois.

Au dict mois de septembre , au dict an, le dict duc de Ferrare et madame Renée, sa femme, partirent de Paris et s'en allèrent en leur pays, en Italie.

Et est assçavoir que, au moien du dict mariage , madame Renée, soubz l'authorité du Roy, fist et créa par toutes les villes de France un juré de chacun mestier, qu'elle donna à quelque gentilhomme, qui les vendist quinze cens escus à François de Dieppe, marchant de Paris, dont il luy en print mal.

Au dict an 1 528 , en juing , vindrent nouvelles que le duc de Gueldres, qui estoit allié du roy de France, avoit pillé et mis à sac le pays de La Haye , en Hollande , et l'avoit faict comme allié du Roy et par despit de l'Empereur.

Et au mois d'octobre ensuivant , il reprint le party de l'Empereur contre le Roy et dit que ce fust à cause

que le Roynel'avoit mis du nombre des trêves, faictes entre l'Empereur et le Roy ; parquoy il en fut mal content.

Au dict an, l'onziesme jour de juing, furent criez à son de trompe par les carrefours de Paris , et par les héraultz , les trêves entre le Roy et TEmpereur, touchant le pays de Picardie et Flandres, Artoys et Esnault *, pour huict mois , en manière que tous gens d'armes d'un costé et d'autre ne firent courses et invasions de guerres sur leurs adversaires et ne leur donnèrent empeschement par faict ne par conseil, à quelque personne des dictzpays, ne faveur à ce faire.

Iteni^ tous marchans du royaume de France et autres pays, subjectz au dict royaume, et les alliez du Roy, comme Angloys, Escossois, Vénitiens, Genevoys et autres alliez du royaume pourront franchement aller et venir et communiquer leurs marchandises, tant par mer que par terre, et vendre et achepter èsdictz pays de Flandres, Esnault, Arthoys, Hollande, Zélande, Brebançon et autres pays flamans.

Ces choses furent imprimées à Paris et vendues publiquement par la ville.

Au dict an , lundy vingtseptiesme jour de juillet , veille saincle Anne , es pays Chastrain , Dreux , Beauvoisin , Picardie, Vymes , Senloys* et autres lieux, y plust très fort et cheust très grosse gresle au matin , qui dura plus de quatre heures, dont les vins et bledz furent gastez; car la dicte gresle estoit aussi grosse d'aucunes que le poing, et tonna et esclaira très fort, et tua tout plain de bestes aux champs , et oyseaux ;

i. Hainaut.