Louis Canossa

Aie JOURNAL

pour aller faire son entrée à Bourdeaux comme royne, accompaignée de mes dictz seigneurs les enfans de France, et s'en alla le Roy à .... * à une lieue de Bourdeaux , vers madame la Régente sa mère , qui y estoit mallade.

La Royne avec les seigneurs et dames se misrent sur la marine entre Langon et Bourdeaux, en batteaux painctz et dorez magnifiquement, et y avoit moult de pièces d'artillerie grosses, qui faisoient merveilleuse tempeste , et force navires tant marchands que de guerre, toutes fort bien ecquipées.

Lors en la ville de Bourdeaux y eut grand triomphe pour recepvoir la Royne. Car, à l'entrée de la porte, fut apprestée la lictière et muletz de la Royne , tous couvers de drap d'or frizé ; aussi les damoyselles , pages et lacquais; et, depuis la dicte porte jusques à la grande église de Sainct-André , estoient les rues tendues; y furent jouez mistères, et y avoit trois grandz théâtres eslevez en hault, où estoient les armes du Roy et de la Royne. Messieurs les Enfans y estoient aussi en bel ordre. La dicte Royne avoit sur elle un ciel d'or frisé, vestue à la mode espaignolle, aiant en sa teste une coiffe ou crespine de drap d'or frizé, faicte de papillons d'or, dedans laquelle estoient ses cheveulx qui lui pendoient par derrière jusques aux talons, entortillez de rubbens ; et avoit un bonnet de veloux cramoisy en la teste, couvert de pierreries, où y avoit une plume blanche , tendue à la façon que le Roy la portoit ce jour. Aux oreilles de la dicte dame pendoient deux grosses pierres , grosses comme deux noix. Sa

1. Il y a Thouare dans le Ms., c'est évidemment un nom déiiguic i)ai- le copiste. •

robbe estoit de veloux cranioisy, doubblëe de taffetas blanc, bouffant aux mancbes au lieu de la cbemise, les mancbes de la robbe couvertes de broderies d'or et d'argent. Sa cotte estoit de satin blanc à l'en tour, couverte d'argent battu , avec force pierreries ; et y estoit le chancelier de France, Du Prat, qui la receut pour le Roy, accompaigné de plusieurs cardinaulx et prélatz ; y estoient aussi les ambassadeurs de Venise , Ferrare, Angleterre , et plusieurs princes, seigneurs et dames de France, et entre autres madame de Nevers.

Ceulx de la ville luy firent présent d'un navire d'or.

Après, le Roy, la Royne, madame la Régente, messieurs les Enfans et toute la cour de Parlement de Bourdeaux, s'en allèrent à Angoulême où semblablement fut faict entrée à la dicte Royne et les dictz Enfans, le samedy vingt-quatriesme juillet, au dict an 1 530 ; et y estoit la Royne dedans une litière, vestue à la françoise , de satin blanc , parmy lequel paissoit * le drap d'or bouffant, coiffée à la mode d'Espaigne*.

Sur elle avoit un ciel de satin bleu cramoisy, porté par ceulx de la ville, dedans lequel estoit un feu de broderie, qui est la devise de la dicte dame, et à chacun ses armes. 11 y avoit aussi théâtres et eschafaulx aux coings des rues, sur lesquelz on jouoit et cliantoit très mélodieusement, et estoient les rues tendues.

Puis, le Roy, la Royne et toute la cour allèrent à Sainct-Jean d'Angeli , à Loches, à Amboise, à Bloys, où y fîst son entrée la dicte Royne , et messieurs les Enfans aussi.