Suivent trente-huit noms de conseillers

seroit oy pour en dire ce qu'il vouldroit avant que on procedast sur le fait de ladicte publicacion, toutesvoies sur ce n'y ot pour lors prinse aucune conclusion, sauf tant que monseigneur le Chancelier dist que c'estoit l'intencion du conte de Saint-Pol de faire publier en la Court lesdictes lettres, et que il lui rapporteroit la deliberacion des dessus nommez pour y avoir tel advis que bon lui sembleroit^

Venredi, derrenier jour de mars.

Furent assemblez au Conseil en la Chambre de Parlement maistre Phelippe de Morvillier, maistre J. de Longueil, presidens, ...^, etc., pour faire response aux ambassadeurs du Roy sur les lettres de créance exposées en ladicte Chambre de Parlement, le xxvij® jour de ce mois, par maistre Nicolas Raoulin, auquel fu faicte responce pertinent et convenable sur chascun point de ladicte créance. Et, en oultre, la Court ordonna deux conseilliers d'icelle Court, c'est assavoir, maistre Ja. Branlart et maistre B. Le Viste, pour aler devers le Roy à Provins lui dire et exposer plus à plain aucunes choses touchans Testât et gouvernement de la ville de Paris et la conservacion de ce royaume.

Ce jour, Jaquin Le Marquant, tuteur des enfans mineurs d'ans de feu Jehan de Billy, dit le Charron, fist le serement acoustumé comme tuteur desdiz enfans.

Ce jour, Jehan Bard, sergent et boulengier, prisonnier en la Conciergerie pour occasion de certaines

1. Cette délibération a été reproduite in extenso par Du Boulay, Hist. Univ, Parisiensis^ t. V, p. 340.