Suivent les noms de treize conseillers
Courcelles, ausquelz furent presentées de par Henry de la Tour, escuier, certaines lettres royaulx adreçans aux presidens et conseilliers de la Court, par lesquelles le Roy lui donnoit l’office de bailliage de Vitry, et en deschargoit tous autres, et requeroit ledit Henry estre receu oudit office de bailli. Et après ce que ycelles lettres eurent esté veues par les dessus nommez presidens et conseilliers, elles furent monstréez aux procureur et advocat du Roy qui dirent que messire Jehan de Chevery, chevalier, avoit esté derrenement institué et receu oudit office de bailli, et que selon les termes de justice on ne le povoit ne devoit destituer sans le oyr. Mais neantmoins, pour ce que l'evesque de Beauvais et autres ambassadeurs du Roy, qui estoient nouvellement retournez du païs de Champaigne pour traictier de la delivrance des forteresses adversaires et de reduire aucuns ennemis à l’obeissance du Roy, disoient et affirmoient que, se presentement n’estoit pourveu au fait dudit bailliage de la personne dudit Henry et qu’il ne feust receu, il s'en pourroit ensuir tres grant inconvenient pour pluiseurs causes qu’ilz reciterent, le procureur general dist qu'il ne se opposoit point qu’il ne feust receu, et aussi ne le consentoit il point, mais s’en rapportoit à la discrecion de la Court et des dessusdis presidens et conseilliers. Et pour ce fu conclud que lesdictes lettres seroient leues publiquement et que s’aucun s'opposoit à l’enterinement d'icelles, l’opposicion seroit enregistrée, et que neantmoins pour eviter les inconveniens, ledit Henry seroit receu par maniere de provision. Et après furent leues lesdictes lettres publiquement, et lors vint et comparu maistre Jehan Paris, soy disant procureur dudit de Chevery, lequel s’op-
posa à l’enterinement desdictes lettres. Et fu receu ledit Henry et fist le serement acoustumé.
Conseil, XIV (X1*1480), fol. 309 r°.
Samedi, üij° jour de novembre, furent au Conseil, en la Chambre de Parlement, m° J. de Longueil, president!..., à conseillier une cedule, apportée de par monseigneur le Chancelier par m° Jehan de la Porte, conseillier du Roy, faisant mencion de pluiseurs griefs et abus que l’en commet à Court de Romme ou prejudice de la chose publique de ce royaume et des eglises d’icellui, et aussi ou prejudice du Roy et de ses subgiez. Sur quoy fu conclud de conseillier au Roy que, pour pourveoir aux griefs et abus declarez en ladicte cedule, il estoit besoing de garder et faire garder les ordonnances royaulx touchans les libertés de l’eglise de France, et aussi les ordonnances faictes pieça sur le fait des reparacions des eglises et edifices d’icelles, et en oultre que bonne provision fust faicte en telle maniere que les notables personnes du Conseil du Roy et des estudes, ou autres, puissent estre convenablement pourveux des benefices, selon les advis autresfois fais ou qui seront fais et advisez en ceste matiere raisonnablement; et quant aux translacions et provisions des estrangiers et autres adversaires, que le Pape soit sommé de pourveoir sur ce.
Conseil, XIV (X!*1480), fol. 309 we.
In nomine Dei omnipotentis, qui propter injusticiam regna transfert de gente in gentem, et impiorum consilia dissipat, incipit registrum consiliorum Parlamenti incepti xiij' die novembris, anno M cccc xXIIII°
