Suivent les noms de seize conseillers
xiüj° jour de mars mil cccc xxvi et du vij° jour d'avril mil CCC XXVII :
Il sera dit que ledit Nicolas Brunel ne fait à recevoir à avoir requis d'estre receu à ouvrer en la monnoie dudit serement de l’Empire, et se sont à bonne cause opposez les prevostz, ouvriers et monnoiers du serement de France, et quant au surplus, qui touche le general debat d’entre lesdiz du serement de France et du serement de l’Empire, la Court dit que les ouvriers et monnoiers dudit serement de l'Empire, jà receuz et qui ont fait leur espreuve en la monnoie de Paris ou en autre monnoie royal du royaume de France, pourront ouvrer et monnoier es monnoies royaulz d’icellui royaume monnoie blanche et noire, pareillement que ceulz dudit serement de France. Et, ou regard de ouvrer par lesdiz de l’Empire en monnoie d’or, les parties seront sur ce plus à plain oyes, et, ce fait, la Court leur fera droit, et se cependant est neccessité de pourveoir sur ce, les generaulz maistres des monnoies y pourverront. Et doresenavant ne seront receuz par lesdis maistres des monnoiïes aucuns à ouvrer ou monnoier dudit serement de l’Empire, s’ilz ne sont filz d’ouvrier ou monnoier, ou filz de fille d’ouvrier ou monnoier, lequel pere ou ayeul maternel ait fait son espreuve et esté receu en aucune des monnoies dudit royaume, et sans despens, hinc inde et pour cause.
Mecredi, xxx° jour d’aoust.
Ce jour, sur la clameur ou plainte que ont fait à la Court pluiseurs povres femmes vendans denrées de freperie en la ville de Paris, de ce que les gens du Roy ou Chastellet de Paris les empeschent ou veullent
empescher qu’elles ne vendent ou achetent, chascun lundi, devant Saint-Martin-des-Champs, devant Saint- Denis-de-la-Chartre, et parmy la ville de Paris chascun jour, et les veullent contraindre à aler ès Hales de Paris, les lundis, mercredis, venredis et sabmedis, et leur font autres griefs, comme elles dient, jà soit ce qu’elles aient veu vendre denrées de freperie esdictes places sans empeschement depuis v] ans, les aucunes dient depuis douze ans, et qu’elles pour ce n’ont fait aucun prouffit aux religieux de Saint-Martin, ladicte Court, après ce qu'elle a parlé sur ce au procureur general et à l’advocat du Roy et aussi au procureur du Roy en Chastellet :
À appoinctié pour pluiseurs consideracions, que, veue la povreté et neccessité du peuple, et pour la malice du temps de guerre qui est à present, qu'il sera tolleré quousque, etc., ausdictes femmes et autres de vendre et acheter, comme font de present esdictes places devant Saint-Martin et devant Saint-Denis-de-la- Chartre, et parmi la ville, sans leur faire aucune nouvelle contrainte ou vexacion au contraire par lesdis gens du Roy oudit Chastellet. Et est signifié ausdis de Saint-Martin et de Saint-Denis que ceste tollerance ne leur aquerra aucun plus grant droit qu'ilz ont de present, et sans prejudice des ordonnanées royaux et des drois du Roy.
Venredi, premier jour de septembre.
Ce jour, party de Paris le comte de Stafford! à grant compagnie de gens d’armes pour aler en Brie.
1. Humphrey, comte de Stafford, connétable de France pour le roi Henri VI, se mit en effet en campagne. D'après
Mardi, v° jour de septembre, furent au Conseil messire Phelippe de Morvillier, president!.…, à conseillier l’arrest d’entre les ceinturiers de Saint-Marcel et les religieux de Sainte-Geneviefve, d’une part, et les ceinturiers de la ville de Paris et le procureur du Roy, d'autre part :
Il sera dit que la Court s’informera, appellez ceulz qui seront à appeller, dedens les jours de Vermendois du Parlement prochainement venant, d’aucuns fais contenus ou procès d’entre lesdictes parties, et ce fait et rapporté et joinct audit procès, la Court fera droit sur tout, ainsi qu'il appartendra par raison. Attendendum que c’est l’intencion de la Court d’estre informée de commodo et incommodo et de la matiere desdictes ceintures, de l’usage de la visitacion desdictes ceintures, et aussi de l’usage d’ycelles ceintures, tant audit lieu de Saint-Marcel que ailleurs entour Paris.
Ce jour, les advocat et procureur du Roy sont venuz en la Chambre de Parlement, au lever du siege, et ont dit qu’ilz ont veu le procès d’entre les gens du Sepulcre de Paris, d’une part, et messire Jehan Le Clerc, chevalier, d'autre part, que la Court leur avoit fait monstrer hors le secret, et leur semble que le procès touche le Roy, et que le procureur du Roy deubt avoir esté sommé, ce que n’a pas esté fait, combien que jour eust esté donné pour ce faire, comme l'en dit.
la Chronique de Monstrelet (éd. Douët d’Arcq, t. IV, p. 405), «a le comte de Stafort print d’assault la ville de Brie-Comte- Robert, et de là s'en ala passer l’eaue de Saine et fourer tout le pays jusques assez près de Sens, en Bourgongne ».
