Suivent les noms de dix-huit conseillers

Champs, requerans ledit prisonnier. Et non fuit omnino conclusum, mais a esté advisé et deliberé de interroguer premierement l'abbé de Saint-Mor et ledit prisonnier, et de recoler, se mestier est, la confession dudit prisonnier par aucuns des conseilliers de ceans, presens à ce les autres commissaires de la Court qui ont esté ou Chastellet pour le fait dudit prisonnier. Et ce fait, les parties venront sur tout ceans dire et requerir l’une contre l’autre ce que bon leur semblera; et lors, se le prisonnier est en cas d’eslargissement, la Court lui pourverra ainsi qu'il appartendra par raison.

Venredi, xj° jour de juing.

Furent au Conseil m° R. Piedefer, president..….{,

À conseillier l’arrest d’entre les chapitres des eglises de Paris et autres, demandeurs et complaignans en cas de saisine et de novelleté, d’une part, et les prevost des marchans et eschevins de la ville de Paris et autres, defendeurs et opposans, d’autre part. Et non fuit omnino conclusum, mais a esté deliberé et advisé que, premierement et avant ce que aucun appoinctement soit donné en ceste cause, sera sceu par certains commissaires de la Court ausdis defendeurs se lesdis molins contencieux, ou aucuns d’iceulz, sont en disposition de tourner à plaine moulture, etc. Et ce fait, sera par lesdis commissaires, vocatis vocandis, fait ung essay, tant des molins contencieux appartenans ausdis defendeurs, comme de ceulz non contencieux appartenans ausdis demandeurs, pour savoir combien iz rendent, ou puet rendre chascun, de moulture, et