Suivent les noms de vingt conseillers
Marquant s’il vouloit faire ledit serement, lequel a demandé delay de faire ledit serement pour savoir se pendant ycellui delay il pourroit retraire et recouvrer aucuns de ses biens estans ea la ville de Provins. Et pour ce que ledit Marquant a refusé, au moins delayé de faire promptement ledit serement, appoinctié a esté par ladicte Court que ledit Marquant retournera et demourra en prison en l’estat qu’il estoit avant la pronunciation dudit arrest. Et aura ladicte Court advis sur ce que dit a esté par ycellui Marquant. Et ce fait, la Court lui pourverra ainsi qu’il appartendra par raison, nonobstant la pronunciation de l’arrest dessusdit. Diebus sequentibus, visi sunt processus, de registro de L’'Espine.
Mecredi, xxvj° jour de may.
Ce jour, a esté conclu par les dessus nommez presidens et conseilliers d’envoier à Nostre Saint Pere le Pape le role de la Court par maistre Phelippe de Vitry, qui avoit intencion de partir prochainement pour aler à Romme, et que pour paier mises et salaires convenables qui seront à faire en la poursuite et expedicion des signatures dudit roole et autrement, chascun des inrotulez paiera ung salut d’or avant le departement dudit de Vitry, qui en aura pour sa peine de porter et poursuir ledit roole la somme de vingt salus d’or, se de moindre somme ne veult estre content; et le surplus sera emploié es autres mises dessusdictes. Et a esté nommé Guibert Le Normant pour recevoir de chascun desdis inrotulez ung salut d’or ou de le prester, se prester le veult.
Venredy, xxüij° jour de may.
Ce jour, maistre Jehan Bourillet!, dit François, a supplié à la Court, que attendu qu’il a esté des conseilliers de ladicte Court, qu’il plaise à ycelle qu’il soit inrotulé et escript ou roole avec les autres inrotulez, et a voulu que ce soit enregistré; et a consenti ledit Bourillet que de ce soit faite telle lettre que la Court voudra ordener. Et parmy ce, la Court a octroié et consenti que ledit François soit escript et inrotulé oudit roole après les conseilliers et les nommez en leurs lieux, et après les officiers et leurs clers et nommez en leurs lieux par eulx.
Conseil, XV (X12 1481), fol. 85 v°.
Mecredi, second jour de juing.
Furent au Conseil m°R. Piedefer, president, m° Ja. Branlart, m° J. Vivian..….?.
À conseillier l’arrest d’entre frere Barthelemi Preudomme, prisonnier, prieur de Saint-Denis-de-la- Chartre, d’une part, et le procureur de Cligny et le procureur du Roy et le prieur de Saint-Martin-des-
1. Jean Bourrilliet, dit François, prêtre du diocèse d'Autun, est cité, dès 1403, comme maître ès arts, licencié en décret et étudiant en théologie; il fut délégué, en 1409, par l'Université, au concile de Pise, et devint maître au collège de Fortet. Il signa, en qualité de notaire apostolique, la délibération de l’Université de Paris, du 29 avril 1431, produite dans le procès de Jeanne d'Arc. Il vivait encore en 1448; à cette date, âgé de plus de soixante-dix ans, il résigna la trésorerie de l’église de Sens. Cf. H. Denifle et E. Chatelain, Chartularium Universitatis Parisiensis, t. IV, p. 65, 82, note 11.
