Suivent les noms de vingt-cinq conseillers

l'office de greffier civil de ladicte Court, lequel pour aucuns ses affaires s’est nagaires party de Paris pour aler en la ville de Cambray dont il est chanoine. Et finablement, après grant et meure deliberacion eue sur les choses dessusdictes, a esté conclud que pour le bien de justice, lesdis conseilliers encommenceront le Parlement le lendemain de la feste Saint-Martin, qui sera samedi prochain venant, en la maniere acoustumée. Et tantost que ledit monseigneur le Chancellier sera retourné à Paris, on yra devers lui de par la Court lui exposer l’estat d’icelle Court pour savoir son bon plaisir et voulenté, et aussi afin qu’il ordenne du paiement des gaiges des conseilliers et officiers de ladicte Court, et que neantmoins cependant, aucuns desdis conseilliers parleront sur ce à maistre Nicaise de Baïlh, clerc des tresoriers et generaulx sur le fait des finances.

Et, quant à l’exercice de l'office dudit greffier, a esté appoinctié que, durant son absence ou jusques à ce que autrement y soit pourveu, le clerc principal dudit greffier tendra et fera le registre des plaidoyries et consaulx de ladicte Court pour et en lieu dudit greffier, son maistre, et signera le greffier criminel les arrests, lettres et autres choses appartenans à l'office dudit greffier civil durant sadicte absence. Et sera fait le roole des causes reservées et autres que l'en pourra expedier!.

Conseil, XV (X!° 1481), fol. 107.

1. Cette délibération, aux termes de laquelle le Parlement réglementa l'exercice des fonctions de greffier pendant l’absence de Clément de Fauquembergue, a été consignée sur le registre du Conseil par son clerc.

Ce jour, la Court a auctorisé et auctorise les executeurs du testament de feu m° Guillaume Intrant pour les reparacions de la maison canoniale dudit defunct, située ou cloistre de Paris, qui ont esté appreciées par les jurez qui l’ont visitée, à la somme de Ix livres parisis, à payer à chapitre de l’eglise de Paris pour lesdictes reparacions la somme de soixante frans.

Samedi, xix° jour de novembre.

Ce jour, ont esté commis et deputez pour aler devers mons’ le Chancellier pour avoir provision et payement des gaiges pour les conseilliers et officiers de la Court maistres R. Piedefer, president, Ja. Branlart, G. Cotin, J. Queniat et Phelippe de Nanterre, conseilliers du Roy ceans.

Conseil, XV (X!* 1481), fol. 108 r°, 109 r°.