Suivent les noms de quatorze conseillers
que, attendu le peril evident et ce que dit est, la Court y deveroit adviser et pourveoir, tant pour le bien du Roy comme de la conservation de leurs propres personnes, et aussi de ladicte cité et autres habitans d'icelle, et mesmement pour bien appaisier le peuple deveroient avecques eulx assembler pluseurs autres bonnes personnes de divers estas, en bon nombre, telz que bon leur sembleroit. Auquel Branlart il sembla qu'ilz disoient ce que dit est de très bonne affection, et luy sembla estre convenable et expedient, et pourtant en bonne et saincte entencion le rapporta à mesdis seigneurs pour y advertir et en ordonner à leur bon plaisir. Et finablement fu par yceulx ordonné, obstant ce que grant partie d’icelle Court n’avoit pas esté à oïr le rapport dessusdit, que lundi prouchain seroit mandé de par ycelle Court à maistre Hugues Le Coq, prevost des marchans, Jehan de Longueil, lieutenant civil du prevost de Paris, aux gens des Requestes du Palais et autres seigneurs d’icelle Court, qui n’avoient pas esté presens au rapport dessusdit faire, que, le mardi ensuivant, 11z feussent à huit heures du matin en ladicte Court, afin de oïr ledit rapport et adviser au surplus quid agendum pour le bien de ceste dicte ville et de tous les habitans d’icelle, sans vouloir par ce aucunement deroguer au Roy nostre Sire, ne à sa selgnourie.
Conseil, XV (X!21481), fol. 111 v°.
Mardi, x° jour de janvier.
Au Conseil, furent assemblez messeigneurs m° Robert Piedefer, president, m° Jaques Branlart, m° Jehan Vivien, m° Hue de Dicy, m° Guillaume Cotin, m° Berthelemy Le Viste, m° Guillaume Le Breton, m° S. de Plumetot, m° Phelippe Le Besgue, m° Michel Claustre, m° Hugues Le Coq, prevost des marchans, m° Jehan de Saint-Rommain, m° Jehan de Voton, m° Lucien du Croquet, m° Toussaint
Baïart, m° Thomas de la Marche, m° Mahieu Courtois, m° Robert Agode, m° Pierre de Pilory, m° Jehan Quenyat, m° Phelippe de Nanterre, m° Jehan Boudeaux, m° Jehan de Longueil, lieutenant du prevost de Paris, pour deliberer sur ce que, samedi derrain passé, fut advisé par la Court, comme plus à plain est cy dessus contenu dudit jour. Et finablement fut advisé et conclu par mesdis seigneurs, afin de faire cesser et appaisier la grant murmure qui a couru et court entre les habitans et populaires de ceste dicte ville et obvier aux inconveniens qui pevent avenir à icelle cause, qu’il estoit expedient et très neccessaire de convoquer et assembler en ladicte Court, venredi prouchain, l’evesque de Paris, les quatre maistres de l’Ostel du Roy nostre Sire, messire Jehan Le Clerc, messire Giles de Clamecy et le prevost de Paris, chevaliers, les gens des Comptes, les prevost des marchans et eschevins d’icelle ville, et aussi les procureur et advocat du Roy, maistre Jehan Luillier, et deux ou trois des plus notables advocas de ladicte Court, pour amplement deliberer et adviser qu’il est de faire pour la seurté de ceste dicte ville et des habitans d’icelle. Et ce pendant seront envoiez de par ladicte Court devers lesdis evesque et prevost de Paris mesdis seigneurs G. Le Breton et J. Boudeaux pour savoir se 1ilz vouldront que ladicte assemblée se face en la Chambre dudit Parlement, ou en la Chambre où 1lz tiennent leur Conseil, pour ce que ladicte Court est indiferente du lieu. Et le rapport desdis Breton et Boudeaux oy, ladicte Court fera savoir à mesdis seigneurs le lieu où, pour ce que dit est faire, fauldra qu'ilz soient assemblez à la fin que dessus, et tout sans aucunement deroguer ou prejudicier au Roy nostre Sire, ne à sa seignourie, mais pour tenir et garder ceste dicte ville et les habitans d’icelle en sa seignourie, obeissance et bonne union.
Conseil, XV (X!21481), fol. 112 r°.
Mercredi, xj° jour de janvier ensuivant.
Messire Giles de Clamecy, chevalier, environ ix heures du matin, vint devers la Court qui besongnoit au jugement de certain procès pendant en icelle Court, et dist yceluy Clamecy à mess’ que devers eulx il estoit envoié de par messeigneurs du Grant Conseil, ausquelz estoit freschement survenu aucunes nouvelles, lesqueles ilz leur vouloient communiquer, afin d’avoir tant sur icelles comme sur le gouvernement et bonne union de ceste ville et des habitans d’icelle leurs consaulz et bons advis, pour savoir s’ilz y vouldroient entendre, lesquelx leur respondirent que voulentiers 1lz y entenderoient. Et environ dix heures, vindrent en ladicte Chambre l’evesque de Paris, le seigneur de Willeby, le prevost de Paris, le prevost des marchans et aucuns des eschevins, presens tous lesquelz fut recité comment les gens de Ferrières! estoient entrez ou pont de Charenton?, lesquelx avecques le filz de Jehan de Blaisy avoient bouté hors la garnison, qui y estoit pour le Roy nostre Sire, qui sembloit chose de mal exemple et moult prejudiciable à ceste ville. Et pour y avoir et prendre conclusion fut ordonné que, le landemain, entre sept et huit heures du matin, mess'* du Grant Conseil, les seigneurs de Parlement et des Requestes du Palais, et les prevost, eschevins et aucuns bourgois seront assemblez en ladicte Chambre.
Conseil, XV (X121481), fol. 112 v°.
1. Ferrières, capitaine anglo-bourguignon qui, en octobre 1429, avait été fait prisonnier dans une rencontre par Ambroise de Loré, capitaine de Lagny (Vallet de Viriville, Chronique de Jean Chartier, t. 1, p. 108), commandait en janvier 1436 à Corbeil et à Brie-Comte-Robert, qu'il rendit, moyennant finances, au duc de Bourbon (Berry, édit. Godefroy, p. 392).
