Une mention analogue se trouve à la date du 13 mars

2. Suivant le Journal d'un bourgeois de Paris, p. 263, après la venue du régent, le blé renchérit à Paris dans des proportions extraordinaires; le setier, qui valait 40 à 42 sols, monta à 72 sols ou 5 francs, « dont le pain appetissa tant que le pain d’un blanc tres noir et tres mesalé ne pesoit gueres plus de xij onces, et en mangoit bien ungs laboureur iij ou iv par jour ».

Mardi, xx° jour de mars.

Avant les plaidoieries furent au Conseil messire Phelippe de Morvillier..…., et les autres conseilliers de Parlement pour oïr le rapport et veoir les relacions faictes par Jaquet Trucart, boulengier, commis à la visitacion des boulengiers, comme cy dessus ou registre du xiij° jour de ce mois. Et pour ce que aucuns des officiers du Roy ou Chastellet de Paris estoient de par le prevost commis et entendoient à la visitacion des boulengiers de la ville de Paris seulement, la Court dist audit Trucart qu'il entendist à la visitacion des boulengiers forains vendans pain en la ville de Paris et es forbours. Et, en oultre, la Court a commis maistres Estienne des Portes, Hugues Le Coq et Jehan Queniat, conseilliers du Roy, pour oir les rappors dudit Trucart sur le fait de ladicte visitacion, et pour en ordonner ou rapporter devers la Court pour en estre fait et ordené ainsi que de raison, et pour faire ladicte visitacion, se mestier est, appellez avec eulz et chascun d’eulz gens en ce congnoissans, et aussi pour taxer et ordener des salaires dudit Trucart.

Conseil, XV (X1*1481, fol. 42 r°.

Mecredi, xxj' jour de mars.

Ce jour, la Court a fait venir ceans maistre Pierre Maugier, auditeur ou Chastellet de Paris, pour respondre sur ce que on disoit que, depuis et contre les defenses de la Court, 1l avoit receu aucuns depostz et qu’il avoit refusé de restituer certain depost aux religieux de Saint-Martin-des-Champs, sur quoy ledit

Maugier a respondu en soy excusant, disant que depuis lesdictes defenses il n’avoit receu aucuns depostz, et n’avoit point refusé de restituer ledit depost ausdis de Saint-Martin, et a esté et sera tousjours presl de restituer ledit depost où il appartendra, mais qu’il ait descharge telle qu’il appartient. Et neantmoins d’abondant la Court de rechief a fait lesdictes defenses audit Maugier, et a ordené ycelle Court de soy informer se ledit Maugier a fait aucune chose contre lesdictes

defenses.

Conseil, XV (X!21481), fol. 42 v°.

Jeudi, xxvj° jour de mars. Curia vacat ob solempnitatem Annunciacionis Dominice per Gabrielem archangelum ad Virginem.

Matinées, XIV (X124796), fol. 280 v°.

Mardi, xxvij° jour de mars.

À conseillier l’arrest d’entre les drapiers et taillandiers et le procureur du Roy adjoint avec eulx, d’une part, et les frepiers de la ville de Paris, d’autre part.

Il sera dit que les frepiers ne pourront ouvrer de draps neufs au dessus de douze sols parisis l’aulne, et jusques à ladicte somme et au dessoubz la Court leur permect de ouvrer de draps neufs! jusques à ce que autrement en soit ordené et sans despens hincinde, et pour obvier aux fraudes qui pourroient estre en ce faictes la Court reserve à y pourveoir, vocatis vocandis, ainsi qu'il appartendra par raison.

1. Un arrêt du Parlement du 5 juillet 1427 avait interdit aux fripiers de faire des vêtements ou robes en drap neuf {La Mare, Traité de la Police, t. IV, p. 203).

Mecredi, xxviij° jour de mars.

Ce jour, ont esté apportées lettres de l’evesque de Theroenne, chancelier, escriptes à Rouen, faisans entre autres choses mencion du paiement d’un mois des arrerages deubz à la Court, pourveu que au mois d'avril prochain ycelle Court serroit, et seroit tenu le Parlement en attendant paiement des autres arrerages; lequel paiement a esté fait pour ung mois en la veille de Pasques et es jours prochainement ensuivans. Et par ce moien, les presidens et conseilliers de ceans ont deliberé, en attendant le paiement du surplus des arrerages à eulz, de continuer en l'exercice de leurs offices jusques au premier jour du mois de may prochainement venant.

Conseil, XV (X'*1481), fol. 43 r°.

Venredi, xxix° jour de mars. Curia vacat ob memoriam Passionis nostri Redemptoris.

Matinées, XIV (X'24796), fol. 280 v°.

Dimenche, premier jour d'avril.

Fu celebrée la solempnité de Pasques et de la resurrection Nostre Segneur pour l’an mil coccxxx1, à compter et commencier au temps d’icelle resurrection, more gallicano.

Vendredi, vj° jour d'avril.

Les procureur et advocat du Roy sont venuz en la Chambre de Parlement, disans que on leur doit bien xl] livres de leurs gaiges, et ont requiz que on les

tiengne pour excusez de plus servir au moins jusques à ce que l’un d’eulz soit retourné de devers le Conseil du Roy estant à Rouen. Et la Court n’a pas acceptée leur dicte requeste, mais les a conseilliez de attendre le retour et la venue de l’evesque de Theroenne, chanceher, que on attend en la fin de ce mois d’avril.

Conseil, XV (X1* 1481), fol. 43 v°.

Lundi, 1x° jour de ce mois d’avril.

Avant les plaidoieries ont esté assemblez en la Chambre de Parlement pour deliberer sur ce que on disoit que l’argent et finance que le cardinal d’Angleterre devoit faire envoier par deça pour paier les arrerages des gaiges de la Court estoit ou seroit prochainement à Rouen. Et finablement ont deliberé et conclu d’en rescripre premierement à l’evesque de Beauvais et à maistre Andry Marguerie, conseilliers du Roy, estans à Rouen, et après eue leur response ou sceue la certaineté de ce que dit, de envoier à Rouen maistre Bertrand Fons, conseillier du Roy, pour faire poursuite sur le paiement desdis gages et arrerages.

Conseil, XV (X'*1481), fol. 43 v°.

Venredi, xxvij° jour d'avril.

Furent au Conseil m° Phelippe, seigneur de Morvillier, m° R. de Chancey, presidens.…

Pour deliberer sur ce que maistre Girart Perriere, conseiller du Roy, doien de l’eglise de Chalon, hier en la Chambre de Parlement, presens les presidens et conseilliers de ceans, avoit requis que maistres Guil-