Suivent les noms de dix-sept conseillers
ul 7
der les procureur et advocat dudit de Bedford pour savoir s’ilz veullent dire aucune chose touchant le fait dudit Overton et de oyr sur ce ledit Overton, s’ilz veullent dire aucune chose de nouvel.
Conseil, XV (X!* 1481), fol. 69 v°, 70 r°.
Mecredi, x° jour de juing.
Ce jour, maistres Henry Roussel, advocat, et Phelippe de Saint-Germain, procureur du duc de Bedford, regent, ont dit que de nouvel ilz ont receu lettres dudit regent et ont veu lettres touchans Thomas Overton, et dient qu’il y a assez matiere pour mouvoir le regent à se faire partie contre Overton, et emploient le contenu es lettres et ce qui a esté dit autrefois en la cause dudit Overton contre messire Jehan Fastolf, chevalier, et concluent contre Overton à la reparation des injures par amendes honnourables ceans et ailleurs où la Court le gardera, et prouffitables de x mil salus pour appliquer à l’Ostel Dieu de Paris, ou autrement selon l’ordonnance de la Court.
Thomas Overton, au contraire, dit et emploie ce qu’il a dit et proposé en ladicte cause contre messire Jehan Fastolf, et conclut à fin de non recevoir et d’absolution ; et se le regent demande despens, Overton les demande contre lui.
Appoincté que la Court verra tout ce qui a esté dit et ce qu’il appartendra et fera droit au Conseil.
Matinées, XV (X!44797), fol. 79 v°.
Venredi, xix° jour de juing.
Ce jour, les deputez de l’Université de Paris, par la voix de maistre Jaques de Touraine, ont requis avoir
response sur la requeste autrefois faicte à la Court, et que l'opposition faicte par maistre Jehan de Wary soit declarée nulle, et dient que Wary ne s’estoit point opposé à la publication, pour ce requierent que la Court ne veulle oultre delayer la publication soubz umbre de ladicte opposition.
Matinées, XV (X!* 4797), fol. 83 v°.
Mardi, xxuj° jour de juing.
Furent au Conseil m° Robert Piedefer, president, m° Ja. Branlart, m° J. Vivian...! pour conseillier l’appoinctement sur la requeste de l’Université de Paris, d’une part, et le procureur du Roy, et maistre Jehan de Wary, soy disant procureur du clergié de l’eglise de France, pour occasion de la publication et enterine-
ment des lettres d’une alternative per menses, et non
fuit conclusum*.
Conseil, XV (X'* 1481), fol. 70 v°.
Ce jour, maistre Jaques Branlart et m° Phelippe de Nanterre, conseilliers du Roy, ont dit et rapporté en la Chambre de Parlement, en la presence desdis presidens et conseilliers, que, entre autres paroles, le Chancelier de France leur avoit hier dit que ce avoit esté et estoit l’intencion des gens du Conseil du Roy que maistre Erard Gherbode, conseillier du Roy, eust ses gages et que ses cedules feussent enregistrées pareillement que estoit ordonné des autres conseilliers de ladicte Court.
