Le texte de ces instructions se retrouve à la Bibl. nat

1515] DE JEAN BARRILLON. 143

Roy leur escript et par sa créance dira et exposera l'amour et très cordialle afiFection que ledict seigneur leur a tousjours portée et porte, mesmement depuis que a congneu par eJBPect qu'ilz vouloient avoir paix, amytié, union et intelligence avec lui et que, comme gens de foy et de promesse, craignans et voulans garder leur honneur, qui est h préférer à toutes choses, ilz ne sont vouluz venir aucunement encontre de ce qu'ilz avoient faict et promis quelques persuasions que on leur ayt sceu faire au contraire. Lesquelles choses ledict seigneur ne mectra jamais en oubly ainsy que leur donnera h congnoistre, sy d'aucune chose raisonnable le veullent requérir, car de très bon cœur l'accomplira, comme celluy qui désire leur faire plaisir.

Plus leur dira que ledict seigneur a esté très marry et desplaisant de ce que luy a convenu avoir guerre et bataille contre les seigneurs des autres Cantons des Ligues, qui le vindrent assaillir, sans qu'il pensast à eulx, à son avant-garde, à leur très grande perte et dommaige ; à quoy a eu et a très grand regret, d'autant que avoit tousjours souhaité et désiré avoir leur amytié, intelligence et confédération, ainsi que par plusieurs fois leur avoit faict dire, tant avant qu'il feust Roy que après, espérant avec leur ayde faire la guerre contre les Infidelles et les bien soudoyer et contenter, qui eust esté acte agréable et plaisant à Dieu, honnorable et salutaire à eulx et fructueux à toute la Chrestienté, laquelle s'affbiblit ung chacun jour pour les guerres et batailles que les chrestiens font les ungs contre les aultres, à quoy ledict seigneur a voulu de tout son pouvoir obvier, qui ne demande que le sien, et s'est mis en tous les debvoirs que possible luy

f. fr. 16945, fol. 206 (cop.); f. fr. 23378, fol. 367 (cop.); f, Clairambault, vol. 317, fol. 4634 (cop.); f. Dupuy, vol. 43, fol. 14 (cop.). Elles ne sont pas datées.

fit JOURNAL [1515

a esté envers les princes chrestiens et seigneurs des Ligues de le recouvrer sans guerre ne effusion de sang chrestien, offrant, ce faict, sa personne et tout son pouvoir pour faire la guerre contre les ennemys de la foy chrestienne, à quoy nul fors desdietz seigneurs de Berne, Fribourg et Soleure, et depuis nostre Sainct-Père le Pape, qui a faict amytié avec le Roy, n'ont voulu entendre.

Aussy leur remonstrera que l'Empereur, leur ancien ennemy a tasché faire amytié avec le Roy pour leur courir sus et les destruire et adnichiller du tout; et à ce tenoyt la main le Roy d'Espaigne qui queroyt par ce moien Madame, fille du Roy, estre promise et accordée au frère puisné du prince de Castille. Mais ledict seigneur n'y a voulu entendre qui seroit marry et desplaisant de la ruyne et destruction desdietz seigneurs des Ligues et mesmement desdietz Cantons de Berne, Fribourg et Soleurre.

Et est bien certain ledict seigneur que lesdictz Empereur et Roy d'Espaigne ne taschent que deffaire et adnichiller la maison de France ou celle desdietz seigneurs des Ligues, espérans qu'après qu'ilz en auront l'une, pourront après plus facillement destruire l'aultre, et, ce faict, pourront disposer du demourant de la chrestienté h leur plaisir et volunté. Et ont guidé lesdictz princes par une grosse cautelle et malice leur entreprinse, car ont tasché de deffaire lesdictes maisons de France et des Ligues, qui sont ceulx que craignent et doubtent le plus, par leurs mains mesmes, disans : « De manu inimicorum meorum sumam vindictam de inimicis meis. » Et s'est, par plusieurs fois, esmerveillé le Roy, comme lesdicts sieurs des Ligues, qui sont gens d'esprit et d'entendement et clervoyans, n'ont eu regard et considération esdictes cautelles et malices et se sont laissez surprendre par séductions et parolles controuvées, qui leur ont esté

bien chères et encores leur seront plus à la longue, s'ilz ne s'en prennent garde.

Aussy, s'est esmerveillé ledict seigneur que iceulx seigneurs des Ligues n'ont le regard que, tant qu'ilz ont demouré alliez et confédérez de la maison de France, leur honneur et réputation s'en est augmentée, leurs supérieurs et hommes estoient riches, ce que leur estoit promis estoit tenu, jamais ne furent priez de se mectre en danger et hazarder leur réputation pour les affaires de France, quant ont esté mis en besongne ont esté bien payez non de promesses mais d'or et argent comptans, et quant ont esté à la guerre pour les querelles de France ont eu gens d'armes et artillerye avec eulx qui les a préservez et gardez. Touteffois, lesdictes choses ont esté bien préveues et considérées avec toute prudence par lesdictz seigneurs de Berne, Fribourg et Soleurre, lesquelz, voyans l'amytié du Roy leur estre plus convenable, seure et profïictable que nulle autre, ont persévéré entretenir efFectuellement le traicté de paix et amytié faict entre le Roy et eulx et aussy pour garder leur honneur, foy et promesse dont ilz sont louez et estimez par tout le monde.

Et car le Roy a esté adverty par ses amis que aucuns desdictz Cantons, qui n'ont voulu tenir ledict traicté d'amytié, se sont courroucez contre iceulx seigneurs de Berne, Fribourg et Soleure ce qui n'est vraysemblable, ains ont iceulx seigneurs de Berne, Fribourg et Soleurre plustost cause d'estre marriz et courroucez contre ceulx qui n'ont voulu tenir ledict traicté d'amitié pour l'honneur et réputation de tous les seigneurs des Ligues et dommaige qui s'en est ensuivi ;

Touteffois, en quelque sorte que les choses soient, ledict seigneur a bien voulu leur envoyer sondict ambassadeur à deux fins principalles : l'une pour les remercier de ce qu'ilz ont voulu avoir paix et amytié avec luy et ont

persisté en leur foy; — l'autre, que, sy, pour raison de ce, escheoyt qu'ilz eussent quelque division et querelle entre eux, ledict seigneur s'esvertuera y mettre la paix, et s'il ne le peult faire les aydera à ce qu'ilz ne soient fouliez.

Et finablement, fera ledict M® André Le Roy es choses susdictes, leurs circonstances et deppendances le mieulx que faire pourra. Et sy l'affaire s'adonnoit qu'il fallust séjourner quelques jours avec eulx, envoyera homme exprès par devers le Roy pour luy faire sçavoir toutes nouvelles.

Fin desdictes instructions.

Le siège devant le chasteau de Milan continuoit tousjours et estoit ledict chasteau fort battu d'artillerye, de sorte que ung boullevert du costé du parc estoit prest à tumber. Aussy Petre de Navarre continuoyt sa myne^ et en brief temps estoit prest à y boutter le feu, qui eust faict renverser ung grand pan de la muraille dudict chasteau ; ce qui estonna fort ledict Maximilian Sforce et les Suisses qui estoient dedans ledict chasteau et tellement furent las et espouvantez d'icelluy siège que Maximilian Sforce demanda à parlementer avec Monsieur le Connestable, ce qui luy fut accordé. Et envoya ledict Maximilian Jhéromme Moron pour en son nom gecter par articles le traicté de paix qui se debvroit faire. A la fin, après plusieurs pourparlers d'ung costé et d'aultre y eut ung traicté de paix accordé et conclud entre le Roy et ledict Maximilian, par lequel icelluy Maximilian renonçoyt à tout le droict qu'il prétendoyt au duché de Milan,

1. Il fut très grièvement blessé pendant le siège. (Du Bellay, Mémoires, p. 127.)

1515] DE JEAN BARRILLON. 147

mectoit en la main du Roy les chasteaulx de Milan et de Crémonne avec toutes leurs munitions, tant de vivres que d'artillerye , pourveu que les Suisses et aultres estrangiers, qui estoient dedans lesdictz chasteaulx, s'en iroient leurs corps et biens saufz. Par ce moien, ledict seigneur donnoit audict Maximilian soixante-douze mille francs de pension, par chascun an, moyennant qu'il demoureroyt en France; oultre ledict seigneur luy promist donner cent mille escuz pour une fois payez et quelques aultres articles qui furent accordez. Lequel traicté fut ratiffié par chascune des partyes* et ledict Maximilian mist es mains de Monsieur le Connestable le chasteau de Milan, et les seize cens Suisses qui estoient dedans s'en allèrent leurs corps et biens saufz. Encores au partir on leur fyt quelques gracieusetez. Oultre, ledict Maximilian envoya commissaires au chasteau de Crémonne pour le mectre es mains du Roy, et ledict seigneur ordonna capitaines desdictz chasteaulx, assavoir de celluy de Milan le s"" de Montdragon, gentilhomme de Savoye, et de celluy de Crémonne, le s"" de Buno. Ce faict. Monsieur le Connestable admena à Pavye

1. Voici comment fut établi définitivement le traité d'après les Lettres promulguant le traité conclu avec Maximilien Sforza, par lequel ce dernier s'engage à remettre au roi les châteaux de Milan et de Crémone, moyennant quoi le roi promet d'accorder aux Milanais des lettres de grâce; au duc une pension de 36,000 écus et une somme de 9k,000 écus payables en deux ans; à Jérôme Moron une charge de sénateur au sénat de Milan, V office de maître des requêtes de son hôtel et la possession du comté de Lecco; au seigneur de Gonzague, marquis de Mantoue, 2,000 écus. Pavie, 4 octobre 1515. (Bibl. nat., ms. fr. 20615, n° 38.)

devers le Roy Maximilian Sforce, lequel fut bien reçeu par ledict seigneur et, après qu'il eut séjourné à Pavye deux jours, ledict seigneur luy feyt accoustrer son estât et l'envoya en France devers Madame sa mère et luy bailla le sieur de Mortemart pour luy faire compaygnie^.

En ce temps, le duc de Savoye dist au Roy qu'il avoit esté adverty par aucuns de ses amys des Ligues de Suisse que, sy ledict seigneur vouloyt envoyer aucuns ambassadeurs à Genefve avec instructions et pouvoir suffisant, lesdictz seigneurs des Ligues y envoyeroyent leurs ambassadeurs affin de conclure quelque bonne amytié et confédération entre icelluy seigneur et eulx; à quoy ledict seigneur se condescendit et envoya les sieurs de la Guische et de Fresnes, ausquelz fit bailler instructions dont la teneur ensuyt :

Instructions à messire Pierre de la Guische, chevalier, seigneur du lieu et chambellan ordinaire du Roy, hailly de Mascon, et Anthoine de Vistes, seigneur de Fresne, maistre des requestes ordinaires de Vhostel dudict seigneur, ses ambassadeurs par devers les seigneurs des Ligues 2.

Et premièrement, leur diront et remonstreront l'an-

1. Fleuranges dit que ce fut Gabriel de la Chastre [Mémoires, p. 55) et du Bellay, le sieur de Mauléon, frère de La Trémoïlle. [Mémoires, p. 127.)

2, Le texte de ces instructions se retrouve aux Aff. étr., Suisse, II, fol. 215 (cop.); à la Bibl. nat., f. fr. 16945, fol. 194 (cop.); f. fr. 23378, fol. 317 (cop.); f. Clairambault 317, fol. 4636 (cop.); f. Dupuy 43, fol. 4 (cop.). Elles sont d'octobre 1515.

1515] DE JEAN BARRILLON. 149

cienne alliance, amylié et confédération qui a esté par cy-devant entre feuz de bonne mémoire les Roys de France, prédécesseurs dudict seigneur et eulx durant lesquelles ilz ont receu tant en général que en particulier plusieurs beneffices et gratuitez de la maison de France et leurs affaires augmentoyent et prospéroyent et leurs supérieurs et populaire estoient riches et en repoz.

Et durant lesdictes alliance, amytié et confédération, quand aucun se ingéroit faire la guerre ausdictz seigneurs des Ligues en leur pays ou ailleurs, ilz estoient secouruz de gens d'armes, artillerye et argent pour eulx deffendre, ce qu'on leur promectoit estoil tenu et si n'estoient lors pressez ne excitez d'eulx mectre es dangiers et inconvéniens esquelz se sont depuis mis et trouvez ; et quand la maison de France prenoit aucuns de leurs hommes pour faire la guerre, ilz estoient bien payez et sallariez en or et argent comptant et non poinct en promesses, et ilz n'alloient jamais en guerre à la requeste des François qu'ilz n'eussent avec eulx la gendarmerye et aultres gens de pied et bande d'artillerye et par ainsy estoient préservez et gardez et n'encouroyent les périlz, dangiers et inconvéniens esquelz se sont depuis trouvez par ce que leurs alliez et confédérez ne leur ont tenu promesse et les ont laissez tout seulz combattre sans le nombre de chevaulx et artillerye qui leur eust esté nécessaire, dont est proceddé leur grosse et inestimable perte, tant pour leur honneur et réputation que le grand nombre des bons combatans qu'ilz ont perduz.

D'aultre part, leursditctz alliez et confédérez les ont faict mectre en bataille par belles promesses sans argent et sans que les pauvres femmes veufves et enffans des occiz ayent d'eulx aucune rémunération ne récompense, ausquelles choses lesdictz seigneurs des Ligues doibvent avoir bon regard et considération s'ilz sont gens d'esperit

iSi JOURNAL [1515

et d'entendement et doibvent quérir et chercher l'amytié et alliance de la maison de France plus que de toute aultre, car soubz icelle ilz floriront et prospéreront et par succession de temps se pourront restaurer et remectre sus des pertes par eulx faictes et en prenant le chemyn contraire se pourroient du tout adnichiller, destruire et perdre.

Plus, leur diront que le Koy, lui estant duc de Bretaigne, pour l'amour singulière qu'il avoyt à eulx, car de sa nature ayme les armes et les gens hardis et belliqueux, leur manda par plusieurs fois qu'il soubhaictoit et désiroyt avoir leur amytié, alliance et confédération, et depuis qu'il est Roy, les premiers à qui il fyt sçavoir son advénement à la couronne fut h eulx et si les a par plusieurs moiens faict prier et requérir d'avoir paix et amytié avec eulx, à quoy n'ont voulu entendre jaçoyt que ledict seigneur ne leur fyt jamais desplaisir ne en général ne en particulier et qu'ilz n'ayent sur luy, ses royaulme, terres et seigneuries aucune juste querelle, qui sont toutes choses qui sont à peser et considérer à gens chrestiens qui veuUent vivre soubz la loy et craincte de Dieu.

Et quant au duché de Milan auquel ilz ont voulu soustenir Maximilian contre le Roy, en bonne et naturelle raison, avant que entrer en guerre, pour non offenser Dieu, debvoient penser et considérer le droict et querelle d'iceulx Roy et Maximilian, et s'ilz y eussent bien pensé, eussent par droict et raison trouvé la querelle du Roy estre juste et raisonnable et qu'ilz portoient et soustenoient notoirement une mauvaise et injuste querelle au grand péril et dangier de leurs pauvres âmes.

Et pour ce montrer, fault entendre, ainsy qu'il est plus que notoire que le Roy et Maximilian sont descenduz de deux filles d'ung duc de Milan. Mais celle dont est descendu le Roy estoit légitime et par ainsy capable à succé-

der et l'aultre estoit bastarde, et, à ceste cause, inhabile et incapable de succession.

Et jaçoyt que le duché de Milan soit fief d'Empire, auquel les femmes, ainsy que on veult prétendre, ne succèdent, touteffois cela ne peult préjudicier au Roy, car quant le mariage de Madame Valentine, fille du duc de Milan, bisayeulle du Roy fut faict avec le duc d'Orléans, qui pour lors estoit, lut expressément convenu que défaillant la ligne des masles d'icelluy duc de Milan, elle et les siens succéderoyent à icelluy duché.

Auquel pact et convenance le pape qui pour lors estoit, — vaccant le siège impérial, ayant l'auctorité impérialle, ainsy qu'il est escript en droict, — y consentit et l'auclorisa avec les dérogations et clauses nécessaires, qui monstrent clèrement que ladicte dame Valentine ou les siens à faulte d'hoir masle ont justement et raisonnablement succédé audict duché.

Lesquelles choses bien disputées et entendues par les ambassadeurs de l'Empereur et électeurs de l'Empire avec les commis et députez de feu de bonne mémoire le Roy Lois dernier déceddé, fut clèrement veu et congneu icelluy duché appartenir à la maison d'Orléans et à ces fins, dès lors leur fut baillé investiture en forme deue et autentique, qui monstre clèrement le droict que le Roy et la Royne ont audict duché de Milan et que icelluy Maximilian estoit vray tirant invaseur et occupateur d'icelluy à tort et contre raison .

Et par ainsy s'ensuit selon toute disposition de droict et raison escripte que sans lésion de sa conscience et péché ne pouvoit tenir et occuper icelluy duché et que ceulx qui le pourtoyent, favorizoient et maintenoyent à son injuste occupation péchoient et ofiFensoient Dieu comme luy et que les promesses et obligations, qu'on luy pourroyt avoir sur ce faictes, ne se doibvent garder et observer comme

\bt JOURNAL [1515

induictes de péché et faictes contre bonnes mœurs, car serment qui n'est de faire, n'est de tenir.

En oultre fault que lesdictz seigneurs des Ligues considèrent et entendent que ceulx qui tenoient la main audict Maximilian et à la conservation d'icelluy duché, ne le faisoyent pour amour qu'ilz luy portassent, ne pitié qu'ilz eussent de luy, ains pour leur prouffîct particulier, car le Pape, qui est le premier, tenoyt Parme et Plaisance, qui sont dudict duché, le roy d'Aragon tenoyt Bresse et Bergame, et, d'aultre part, le portoyt pour faire ung boullevart au royaume de Naples, l'Empereur avoyt chascun mois sa pension et sy taschoient iceulx Empereur et Roy d'Aragon soubz main et secrettement par succession de temps faire tumber icelluy duché entre les mains de l'Archiduc et en expulser icelluy Maximilian, qui de soy n'avoit aucun port ne la dextérité et expérience pour le sçavoir defifendre.

D'aultre costé, lesdictz seigneurs des Ligues prenoient leur part audict duché et le cardinal de Syon y tenoit et occupoit des principalles terres et seigneuries, tellement que la partye dudict Maximilian estoyt demourée sy petite que, pour s'entretenir et deffendre et fournir aux promesses qu'il faisoyt ung chascun jour, luy convenoit mectre nouveaulx subsides et tailles sur le peuple h la grand foulle d'icelluy, qui sont toutes choses exorbitantes du chemyn de droicture et vérité et sy violantes que ne pouvoyent longuement durer.

Davantaige, iceulx seigneurs des Ligues considéreront la volunté desdictz Empereur et Roy d'Aragon qui ne tend à aultre fin que de faire leur successeur monarche; et car congnoissans que la maison de France et seigneurs des Ligues sont pour y résister et non aultres, taschent par subtilitez et moiens exquiz les adnichiller et destruirc par leurs mains mesmes, espérans les afFoiblir sy fort que

i515] DE JEAN BARRILLON. ^58

après pourront parvenir facillemenl à leur désir et intention.

Plus, leur remonstreront l'ancienne inimitié que ceulx de la maison d'Austriche et de Bourgongne ont contre eulx, non seullement car ont tué et occis en bataille leurs progéniteurs, mais aussy pour ce qu'ilz prétendent iceulx seigneurs des Ligues tenir et occupper plusieurs de leurs terres et seigneuries et s'estre mis en liberté à leur préjudice. A ceste cause ne se doibvent fyer esdictz d'Autriche et de Bourgongne, car ung homme prudent se doibt garder de son ennemy réconsilié et icelluy qui offense, quelque amytié qui survienne entre luy et l'offensé se doibt tenir en ses gardes et ne doibt fortiffier ne bailler le baston à icelluy qu'il a offensé, ains doibt tousjours craindre que l'aultre a volunté de se revancher. Et quant au Roy d'Espaigne, ilz ont assez peu congnoistre comment il lient foy et promesse non seullement à eulx mais aux aultres ausquelz il a h besongner; et d'aultre part est loing d'eulx de sorte que sy quelque affaire leur survenoyt ne les pourroyt ayder ne secourir. Et de l'Empereur ilz congnoissent assez le port de son arbalestre et de combien ilz peuvent amender de luy. Lesquelz Empereur et Roy d'Espaigne ont persuadé le Roy de faire alliance et amytié ensemble pour destruire et adnichiller iceulx seigneurs des Ligues, à quoy ledict seigneur ne s'est voullu accorder, congnoissant la fin à laquelle ilz tendoient ainsy que toutes les choses susdictes sont notoires.

Item, leur remonstreront l'amytié, intelligence et confédération que le Pape et ledict seigneur ont faict ensemble h la conservation de leurs personnes, estatz et dignitez et mesmement du duché de Milan h la garde et conservation duquel le Pape s'est obligé.

Et d'aultre part^ Maximilian Sforce a rendu au Roy les

chasteaulx de Milan et Crémone, ensemble l'arlillerye, munitions et vivres qui estoient dedans et sy a quicté au proffict dudict seigneur tout le droict qu'il pourroit prétendre audict duché de Milan et s'en va demourer en France où le Roy a délibéré le traicter humainement et luy bailler et entretenir ce qu'il luy a promis, et à ce n'aura aulcune faulte, car ce qu'il promect il tient sans aulcunement ehfraindre.

Et jaçoyt que ledict seigneur ne soit en riens tenu ne obligé es seigneurs des Ligues et qu'ilz n'ayent aulcune juste querelle sur luy, ses terres et seigneuries et qu'il ayt eu victoire contre eulx, néantmoings, pour l'amour qu'il leur a tousjours portée et porte, est content d'avoir amytié et confédération avec eulx.

Et premièrement, fault présupposer le traicté faict entre le Roy et lesdictz seigneurs des Ligues à Verseil, par lequel ilz se obligeoyent réciproquement d'estre amys d'amys et ennemys d'ennemys et faisoient paix amytié et alliance perpétuelle et indissoluble et sy obligeoyent h la garde et deffense de leurs païs, terres et seigneuries tant deçà que delà les montz et sy debvoient bailler secours et ayde pour offenser ceulx contre lesquelz auroyent juste querelle et renonçoyent à toutes querelles et debvoyent rendre au Roy toutes les terres qu'ilz tenoyent au duché de Milan fors Bellinssonne ; et par ce moieu ledict seigneur leur donnoyt quatre cens mil escuz d'un costé, qui sont ceulx qui furent promis par monsieur de la Trimoïlle à Dijon et trois cens mil escus d'aultre pour la restitution desdictes terres et trois payes pour la solde de leurs hommes qui estoient aux champs, qui se pouvoit monter cinquante mil escus. El oultre, leur donnoyt sur le duché de Milan une pension de quarante mil escus tous les ans, qui est semblable à celle que leur donnoyt Maximilian, et par ce moien ilz s'obligeoyent expressément à la garde

1515] DE JEAN BARRILLON. 166

et tuilion d'icelluy duché. Et quant lesdictz seigneurs des Ligues vouldront reprendre et conclure ledict traicté de Verseil, le Roy sera content de l'entretenir, garder et observer en la forme et manière que dessus.

Et depuis, au lieu de Galleras ilz debvoient ratiffier ledict traicté; au lieu de ce, firent nouveaulx articles et récapitulation à leur grand prouffict, advantaige et intérestz et dommage du Roy, lequel traicté de Galleras touteffois fut conclud pour obvier à plus grand inconvénient. Par icelluy lesdictz seigneurs des Ligues s'obligèrent en deux choses au Roy seullement : l'une, que, s'il avoit h faire de leurs hommes pour la tuition et deffense de son royaulme et duché de Milan et aultres terres qu'il tenoyt et possédoyt tant deçà que delà les montz, il en auroyt en payant; — mais il y avoit une resctriction dommageable, c'est assavoir que ledict seigneur ne pourroyt tirer de leurs hommes sans le consentement desdiclz seigneurs des Ligues, qui seroit grosse mise audict seigneur tant pour les assembler et deffrayer que pour dons particuliers qu'il convient faire esdictes assemblées. Secundo, s'obligeoyent envers ledict seigneur à luy rendre et délivrer promptement les chasteaulx, terres et seigneuries, qu'ilz tenoient en duché de Milan, fors Bellinssonne, qui leur debvoit demourer.

Et ne faisoient lesdictz seigneurs des Ligues aucune ligue et confédération avec le Roy et sy ne promectoient de ne luy faire la guerre ne de bailler de leurs hommes contre luy à ceulx qui leur en demanderoyenl et sy ne debvoit durer l'obligation que à la vie du Roy et dix ans après.

Et sy se réservoient de garder et observer les alliances

et confédérations qu'ilz avoient avec le Pape, Empereur

et aultres fors le Roy d'Espaigne, qui estoit une clause

^e grosse importance contre le Roy, car, actendu les

156 JOURNAL [\b\b

alliances qu'ilz avoyent avec le Pape et le Roy des Romains, dedans trois jours après eussent peu faire la guerre au Roy et mesmes pour le faict de Parme et Plaisance et pour les terres que l'Empereur tient des Vénitiens, esquelz le Roy est obligé de leur ayder à les recouvrer, et par ainsy le Roy eust perdu son argent. D'aultre part réservoyent le s' Galléas Viconte et son gendre, le comte d'Arone et les aultres voisins et bien veillans du duché de Milan, qui leur avoyent aydé à faire la guerre esquelz le Roy debvoit pardonner, qui estoit oster audict seigneur toutes les confiscations et compositions qu'il eust peu recouvrer du duché de Milan pour la révolte et rébellion qu'ilz pourroient avoir faicte contre luy.

Et leur promectoyt le Roy quatre cens mil escus d'une part qui sont ceulx qui leur furent promis par monsieur de la TrimoïUe à Dijon, sans approuver toutteffois ledict traicté de Dijon, car ledict seigneur de la Trimoïlle n'avoit pouvoir de le faire; trois cens mil escus d'aultre part pour la reddition des places et trois cens mille escus pour la soulde de leurs gens payables aux termes en la forme et manière contenuz audict appoinctement, desquelles sommes le Roy se debvoit obliger soubz son grand sceau et bailler pour caution M*^ de Lorraine. Et oultre, ledict seigneur leur promectoyt donner ung chascun an de pension vingt-six mil francz, qui est h chascun canton deux mil francz; et sur ce fault notter que par le traicté de Verseil le Roy debvoit donner quarente mil escus de pension et par celluy de Galleras que vingt-six mil livres tournois ainsy que dict a esté cy-dessus. Et la cause pour quoy ladicle pension fut donnée h Galleras est car ceulx qui faisoient ledict traicté entendoyent que l'oultre plus des vingt-six mil francz pour parvenir à ladicte de somme de quarente mil escus se deust distribuer ung chascun an entre eulx secretlement en pensions particulières, à quoy

1515) DE JEAN BARRILLON. 157

le Roy avoit inlérestz d'aultant que ce qui se baille aux cantons est congneu par le populaire et en font leur prouffict et leur conserve la volunté de demourer en amytié pour le proufïict qui en provient, et d'aultre part c'estoit ung moien pour faire rompre le populaire, ainsy qu'ilz firent, leur donnant à entendre que, du temps de Maximilian, ilz avoient quarente mil escus au soleil ung chascun an et que le Roy ne leur donnoit que vingt-six mil livres, qui estoit une grosse perte pour eulx.

Sy lesdictz seigneurs des Ligues vouloient reprendre ce qui fut faict à Galleras leur fauldra dire qu'ilz l'ont rompu de leur costé et que le Roy a eu la victoire et par ainsy n'y auroit aucune apparence en la forme et manière qu'il est couché.

Et premièrement quant à la soulde de leurs gens, qui se monte trois cens mil escus, ilz ont faict la guerre au Roy, une partye d'eulx y est morte, ainsy ne leur fault plus de soulde et en ladicte guerre le Roy a perdu des personnaiges qu'il vouldroyt avoir grandement racheptez, qui ne feust advenu s'ilz n'eussent rompu le traicté d'amytié.

D'aultre part, de réserver les alliances et confédérations qu'ilz ont avec les aultres princes, fors le Roy d'Espaigne, cela pourroyt causer derechef une guerre entre le Roy et eulx, ce que ledict seigneur ne vouldroyt, car entend faire paix et alliance avec eulx indissoluble pour quelque cause que ce soit, aultrement ne leur vouldroyt bailler l'argent qu'il leur baille ; et avec ce quant au Pape il rend Parme et Plaisance au Roy et sy y a bonne amytié et intelligence ensemble et s'est obligé de conserver au Roy le duché de Milan, par quoy ne doibvent doubter de faire entièrement et ouvertement sans aulcune réservation paix et alliance avec le Roy.

Et quant à ceulx de Milan ausquelz ilz vouloient que le

Roy pardonnast, leur fault dire que cela est vuydé et qu'il n'en fault plus parler, car le Roy a pardonné à tous ceulx qui estoient au chasteau avec Maximilian et aussy à ceulx qui estoient en Allemaigne pour ses affaires.

D'aultre part, s'il se peult faire par bonnes persuasions ou aultrement que le Roy peult avoir de leurs hommes sans assembler les Lignes ne avoir leur consentement, ce seroit ung gros poinct pour éviter l'ennuy et despense qui sera au Roy. Et sur ce leur pourront dire que ledict seigneur a ung gros intérest à ladicte assemblée des Ligues, car sy promptement et soubdainement pourroyt avoir aJ0Paire de leurs hommes que ce luy seroit ung gros dommaige de mectre l'affaire en longueur et actendre que les Ligues fussent assemblées et sur ce délibéré et prins conclusion; à quoy, s'il leur plaist, ilz auront bon regard.

Et si fault considérer que audict defrnier traicté de Galleras n'y a poinct d'alliance ne confédération entre le Roy et eulx, ce qui est nécessaire ; et pour ce tascheront qu'il soit articulé que paix, amytié et ligue est faicte entre eulx à la conservation de leurs estatz, païs, terres et seigneuries et que leurs hommes et subgectz ne feront la guerre contre le Roy et ne se mectront à la soulde de quelque prince que ce soyt contre ledict seigneur.

Et finablement tout le différend qui pourroit estre entre lesdictz ambassadeurs et seigneurs des Ligues consistera sur ce que lesdictz ambassadeurs vouldront tenir le traicté de Verseil et ceulx des Ligues celluy de Galleras et par ainsy y aura différend entre les sommes de deniers, termes de payement d'icelles, réservations faictes par iceulx seigneurs des Ligues et aultres poinctz cy-dessus déclarés.

Sur quoy fault lesdictz ambassadeurs estre sages et prudens et gaigner sur eulx par moyens exquis et bonnes

persuasions ce qu'ilz pourront, ainsy que dessus est dict et ne leur clarifier ne spécifier trop les choses afEn de ne leur ouvrir trop l'entendement et les faire penser à ce qu'ilz ne pensent poinct, mais, sy faire se peult, que lesdictz ambassadeurs tiennent la plume et mectent par escript le traicté qu'ilz pourront couller doulcement et quant à l'argent, mais que le demourant soyt faict et passé ainsy que le Roy l'entend et qu'il est cy-dessus coullé; et pourront tirer jusques à ung million d'escus payables cent mil escus par an jusques à fin de payement dont le premier terme escherra le premier jour de janvier prochainement venant.

Et sy quelque différant survenoyt qu'ilz ne se peussent accorder n'entreront en rompture, mais à toute diligence advertiront le Roy qui sur ce leur fera sçavoir son bon plaisir.

Lesdictz ambassadeurs pourront faire des promesses particulières à ceulx qui se mesleront et ayderont au Roy à faire ledict traicté jusques à la somme de douze mil escus, lesquelz seront payez et délivrez comptant dès l'heure que ledict traicté sera conclud accordé et sellé.

Les alliez du Roy qui seront mis audict traicté sont le Pape, le Sacré-Empire, les Roys d'Angleterre, d'Escosse, Dannemarc et Navarre, l'Archiduc d'Austriche, les ducs de Savoye, Gueldres et Lorraine, le duc et seigneurye de Venise.

Et sur toutes les choses dessusdictes , leurs circonstances et dépendances feront lesdictz ambassadeurs au profïîct et utillité du Roy le mieulx qu'ilz pourront, ainsy que ledict seigneur a sa parfaicte fiance. Et sy lesdictz Suisses vouUoyent comprendre le Roy d'Espaigne, sera débatu pour le faict des royaulmes de Navarre et de Naples.

Après le parlement desdietz seigneurs de la Guiche

et du Fresnes, le Roy manda à M^ André Le Roy, son secrétaire, qu'il avoit envoyé par devant les cantons de Berne, Fribourg et SoUeure, qu'il se retirast à Genefve avec iceulx seigneurs de la Guyche et du Fresnes ce que ledict M^ André Le Roy feyt. Aussy, le duc de Savoye alla audict Genefve pour estre médiateur de paix.

Le Roy partit de Pavye le x^ jour d'octobre pour venir à Milan où arriva le lendemain xi® dudict moys et y fit son entrée qui fut fort triumphante^ et vint loger au palais près le domme et n'y coucha que une nuict pour ce que le logis estoit mal meublé. Le lendemain vint loger en la maison de Madone Darie au milieu de la ville.

Peu de temps après, arrivèrent à Milan les ambassadeurs de Gennes en nombre de douze bien en ordre, lesquelz firent le serment de fidélité es mains dudict seigneur et luy présentèrent l'estandart Sainct-Georges, les clefz de la ville et le sceau 2.

En ce temps, le Pape manda au Roy qu'il avoit désir de le veoir devant qu'il retournast en France et qu'il estoit content de venir jusques à BouUongne-

1. Voir le récit de cette entrée dans Fleuranges, Mémoires, p. 56. — Voir aussi Marino Sanuto, Diarii, t. XXI, col. 233- 234, 236-238.

2. « Da Milan, di oratori nostri, di 16 [ottobre]. Dil venir dal Re 8 oratori zenoesi, quali ebeno audientia, exposeno tre cosse : la prima, alegrarsi del suo venir in Italia; et seconda di l'aquisto di Milan; terza lo invitavano a venir a Zenoa corne terra sua dove el saria ben visto et honorato. Sua Majestà li ringratiô e di venir a Zenoa disse. » (Marino Sanuto, Diarii, t. XXI, col. 241.)

1515] DE JEAN BARRILLON. 161

la-Grasse, sy le Roy y vouloyt venir, ce que le Roy accorda ^ .

Durant ce temps, le Roy envoya le bastard de Savoye, avec grosse bande de gens d'armes et gens de pied, pour se joindre avec l'armée des Vénitiens affin de mectre le siège devant Bresse qu'occuppoyt le roy d'Espaigne^.

Environ dix jours après que le Roy feut arrivé à Milan, il veint loger au chasteau, où feut peu de temps, car il fut bruict que on se mouroit de peste près ledict chasteau ; pour quoy ledict seigneur partyt et alla à Vigefve ^ s'esbatre quelque temps et laissa à Milan Monsieur le Gonnestable pour donner ordre aux affaires de la guerre et Monsieur le Chancellier pour les affaires de la justice et pour instituer le Sénat de Milan.

Pendant le temps que le Roy fut à Vigefve, Monsieur le Chancellier, qui fut institué aussy Chancellier

1. « Ad ogni ora si conosce in Sua Maestà maggior contento et allegrezza délia sopradetta cosa (la conclusion du traité du 13 octobre avec le pape); ne ha altro desiderio che presenzialmente basciare li piè a Sua Santità e in persona fargli la filiale obbedienza. E fino al présente tiene per certo che lo abbocamento fra lui et Sua Santità debbe in brève seguire. » (Lettre de l'ambassadeur florentin Francesco Pandolfini à Laurent de Médicis, de Milan, le 18 octobre 1515, dans Desjardins, Négociations de la France avec la Toscane, t. II, p. 741.)

2. Il arriva au camp vers le 20 octobre. (Marino Sanuto, op. cit., t. XXI, col. 249-250.) — On se rappelle qu'une des conditions du traité fait entre le roi et les Vénitiens était qu'il les aiderait à recouvrer les places que l'empereur leur avait enlevées en 1512.

3. « Il Re voleva partir per Vegeveno perché si moriva di pesta in Milan. » (Marino Sanuto, Diarii, t. XXI, col. 251.)

de Milan, institua le Sénat composé de certain nombre de sénateurs, tant françoys que italliens et de toutes aultres offices, ainsy qu'il avoit accoustumé d'estre tenu du temps du feu Roy Lois XIP. Et fut envoyé quérir messire Jehan de Selve, premier président de Bordeaulx pour estre vice-Ghancellier de Milan.

Durant ce temps, il y eut quelque composition faicte par messires le Connestable et Ghancellier au nom du Roy avec les habitans de Milan, par laquelle ceulx de Milan estoient tenuz paier grosse somme de deniers pour les grandes rébellions et désobéissances qu'ilz avoient commises. Et oultre quelques habitans de ladicte ville debvoient demourer à la volunté du Roy pour faire d'eulx à son bon plaisir.

Ledict seigneur estant à Vigefve, vint devers luy le Magnificque Laurent de Médicis, nepveu du Pape, pour confermer, de par nostre Sai net-Père, la veue qui se debvoit faire à Boullongne-la-Grasse vers la my décembre. Par quoy, tost après le Roy envoya à Romme devers le Pape messire Guillaume Gouffier, seigneur de Bonnyvet, et M® Jehan de Pins, conseiller au parlement de Tholoze pour entretenir le Pape en ce vouloir de venir à Boulongne et pour aultres affaires concernant Testât du Roy et de son royaulme^

Pareillement vint devers le Roy audict Vigefve madame la marquise de Montferrat, sœur de monsieur

1. Il semble que ce soit avant de partir de Milan pour Vigevano que François l*"" ait dépêché Bonnivet et de Pins à Rome, et avant d'avoir vu Laurent de Médicis. Il avertit en effet ce dernier du départ de ses ambassadeurs par une lettre datée de Milan, du 18 octobre 1515. (Desjardins, op. cit., t. II, p. 743).

4515] DE JEAN BARRILLON. 163

d'Alençon, et quelques aultres grandes dames d'Italie.

Monsieur le connestable et monsieur le Chancellier vindrent de Milan audict Vigefve et feirent rapport au Roy de la composition qu'ilz avoient faicte avec ceulx de Milan.

Après que le Roy eut esté à Vigefve environ trois sepmaines, retourna à Milan, où arriva le dixiesme de novembre et logea en la maison de W Sébastien Ferrier, général* de Milan.

Pendant ce temps arrivèrent à Milan les quatre procureurs Sainct-Marc, ambassadeurs de la seigneurie de Venise, en grand triumphe et bien accompagnez, et furent logez à Nostre- Dame -de -Grâce. Hz firent la révérence au Roy et l'un d'eulx fit une oraison fort éloquente. Hz furent très bien recueilliz par le Roy et sa cour 2.