Voir 1. 1, p

D'autre part, les Suysses descendirent en la Bourgongne en grand nombre, y firent plusieurs grans maulx, et en sorte que, pour éviter plus gros inconvénient/ leur fut donnée grosse somme de deniers et faict un traicté au grand désadvantaige du Roy et du royaume et à leur grant honneur et proflSct, que le Roy à présent régnant a depuis faict réparera

Et, quant au Roy d'Espaigne, il conquesta le royaume de Navarre, qui estoit boulevart entre le royaume de France et celluy de Casdlle, et sy fit la guerre aux extrémitez du costé de Fontarabie, auquel, comme lieutenant général en son jeune aage, résista le Roy, monseigneur alors ^.

Et fut contrainct ledict feu seigneur, durant lesdictes guerres et après, entretenir pour la defiense de son royaume gros nombre de gens d'armes et lansquenetz, à la grand foulle du peuple et charge de ses finances ; et, à cause de ce, fut contrainct haulser les tailles, vendre son domaine et prendre argent à intérest, retarder les gaiges et pensions de ses officiers, emprunter vaisselle et chaynes de ses subjectz, et estoient lors venues les choses en telle extrémité que, sy Dieu, par sa grâce, n'y eust pourveu, la monarchie de France, qui a sy longuement duré en grosse prospérité et honneur, eust esté en grand dangier de ruyne.

Et, non content de ce, icelluy Pape Julie fit décerner par ledict concilie de Latran lectres par lesquelles le Roy, ses courtz de parlemens, ses subjectz et aussy les prélatz et aultres gens d'Église du royaume estoient citez à estre et comparoir à icelluy concilie pour dire les causes et raisons pour lesquelles ne debvoit estre procédé à la déclaration de la nullité de la Pragmaticque et abrogation