Voir t. 1, p. 205. — Barrillon omet : Antoine de Berghes

1521] DB JEAN BARRILLON. 205

Le V* jour d'aoust M Y* XXI, les ambassadeurs de France vindrent faire la révérence audict cardinal d'York, qui les reçeut humainement et parla à eulx quelque temps, ainsi qu'il appert par le premier article de la lettre que lesdictz ambassadeurs escripvirent au Roy, de laquelle la teneur ensuyt :

Sire,

Nous arrivasmes dymenche en ceste ville et fusmes fort honnorablement pour Thonneur de vous receus. Et après nostre arrivée, le cardinal nous manda par le grant chambellan que lendemain lundy, à une heure après midy, nous envoyeroit quérir pour communiquer avec nous, ce que a esté fait, et à icelle heure luy avons baillé voz lectres et dict que, pour gratiffier et complaire à vostre bon frère le Roy d'Angleterre et à luy, et pour la grande fiance que aviez que vous garderoit vostre honneur et bon droict, ainsy que vous avoit mandé tant par Jemyngham Fitz Willem que par Monpesat et faict escripre par Poillot*, vous nous aviez envoyé par devers luy pour mectre une bonne fin, à louenge de Dieu et bien universel de toute la chrestienté, aux différens qui estoient survenuz entre vous et le Roy catholique, et que, quant son plaisir seroit d'y voulloir entendre, nous serions de nostre part tout prestz, et que de la payne, soing et labeur que prendroit pour tous en cest affaire ne demoureriez ingrat. Sur quoy, Sire, il vous a remercié, tant au nom de son maistre que sien, de ce que, à leur prière et requeste, nous aviez icy envoyez pour mectre fin à iceulx différens et que il n'y vouUoit espargner sa personne, labeur ne biens pour exécuter ung sy bon œuvre, et que avant que de le faire

abbé de Saint-Bertin^ frère de Jean de Berghes, maître Josse, légiste de Toulouse, et messire May d'Aragon. i. Voir plus haut, p. 185, 193.

yroit à vous et au Roy catholique et à pié jusqùes à Romme, sy besoing estoit, actendu le grant bien que en pourroit advenir, tant pour esviter efiusion de sang chrestien que la ruyne et destruction de la chrestienté et plusieurs bonnes parolles que seroient trop longues à réciter. Nous luy dismes que, pour parvenir à ces fins, estoit nécessaire sçavoir quel povoir avoyent les ambassadeurs de Flandres et s'ilz avoyent baillé semblables lectres au Roy d'Angleterre comme à vous, et que de nostre part estions fournis de toutes choses nécessaires. Il nous a dict que depuis la victoire par icelluy Roy catholique obtenue au royaume de Navarre*, le Pape s'esloit mis de sa part, et que avoit recouvert quelque argent de ses païs de pardeçà, moyennant lequel avoit faict quelque armée et est en son service Franciscus Skeinghem^, et qu'il estoit tout changé, de sorte que sesdictz ambassadeurs ne parloient ne d'abstinence de guerre ne d'entrer en paix et amytié avec vous et ne luy avoient monstre ne exhibé escript ne povoir aulcun^. Et povoit estre que estoient feinctes pour