PASSAGE D ESPAGNOLS

de Satan et de ces supostz l'exercice de la Religion fuist cessez à Metz et aux pays.

Le ier apvril fuist (par la graice de Dieu) le mariaige de mon fils Jean comencez avec le sieur Jacquemin Remion pour Caitherine sa fille accompaignez de Guillaume son filz et moy seullement de mon frère. Il fuist ratifiiez le 10 dudict moys, présent le sieur Howat, monsieur de Mouron, Françoys Adam, mon frère, mon fils Collignon pour ma part, et de la part du sieur Remion, Mangin et Guillaume ces deux fils, le sieur grenier de justice, le sieur Bachelez, recepveur, le gouverneur de Fhospitaux et le sieur Nicollas Mangin et Jean Salverie.

Le i3 may 1077 fuirent logez à Ars environ 100 hommes à chevaulx espaignol qui venoient prendre logis audict lieu, à Ancey, à Donnot, à Nouvyan et à Arnaville pour passer les armées qui retornoit des pays de Flandre. Et passèrent le lendemain 14e jour, le i5e jour et le 16e jour. Hz estoient ung grand nombre, car je ne saurois par chacun desdicts 3 jours estimer moins de 10000 personnes, que feroient 3oooo. Hz emmenèrent une richesse incroyable, ilz avoient une multitude de chars et charrette presque incroya-

ble. Hz avoient de 4 a 5ooo femme acoustrées si richement que merveille.

[P. 3j.] La pluspart des soldatz avoient chesne d'or au col, faisant 5 ou 6 tour, et encor que le plus grand nombre fuissent gens de piedz sy avoient il tous ou la pluspart des chevaulx ; ils avoient des enffans et des garçons (à mon advis) plus de 14000. Ils firent plus de dopmaige à Ancey que es aultres lieux, pour ce qu'ilz ruynèrent grandes parties des praieries et sillont plussieurs bleidz à faulte de foingz.

Pour la doute que on estoit à cause dudict passaige je différa à faire le festin de mon fils jusqu'après ledict partement et fuist le mariaige célébrez au lieu de Bertoncourt par monsieur Gardesy ministre le 9 Juing 1 577 et le lendemain fuist le festin comencez là, où estoient invitez (et s'y trouvèrent aussi) environ i5o personnes. La fuist fait grand chère et joieusement 2 jours enthiers et le 3e jour encor une grande parties s'y trouvèrent continuant ladicte joyeuse chère.

Ladicte année 1577 ait estez assez abondante en bleidz, vin et fruitaige, mais peu de foing. Il fuirent quasiement perdu à cause des grande eaues qui survindrent au moys de Juillet, qui fuirentaussi cause que les raisins coulèrent aux

PASSAGE DE GENS DE GUERRE 5l

vignes. Nonobstant il y eust du vin raisonnablement [P. 38] et estoit à présumer qu'il n'eust vallu que environ 20 fr. la queue et la quairte de bleidz 18 gr. Mais à cause de la guerre du Pays bas, la queue, depuis la Saint Martin jusque la pasque 078, se vanda de 36 a 40 fr. et le bleidz 3 fr. Les vestemens sont estez fort chers speciallement la chausseure qui a redoublez de plus de la moitiez que les années précédentes.

Le 28 Juing 1 5/7 mourust de peste par le vouloir de Dieu Margueritte sœur de ma femme, femme Collignon Le Clerc de Corney.

Au moys de novembre audict ans 1577 les Espaignol revenant menner guerre aux Pays bas logèrent à Arnaville, Nouvyan, Donnot, Ancey et Ars et ce par 14 gitte. Ayans au moys d'octobre auparavant desja passez et logez 10 enseignes de Hault Bourguignons soubz la conduite du baron de Chevreau. Les premiers Espaignol oui logèrent à Ancey me beurent une queue de vin et me firent beaucoupt d'aultres dopmaige.

Le 23 febvrier 1577, de la bonté de Dieu, l'exercice de la Religion a estez redressez à Mon» toy à la grande consolation des ridelles.

[P. 3g.] Par la voulunté de Dieu (affin que

je fuisse plus incitez à l'obeyssance de ses saints commandemens), il m'envoya une malaidie le 3 mars i5jy qui me débilita fort et fuist plussieurs jour que je n'attendoys que la mort. Touteffoys de sa bonté immense il m'a randu la santé tant de temps qu'il ly plaira ; louuange à jamais luy soit randue !

Pendant ma malaidie le 16 dudict mars nasquist à mon fils'Collignon une fille qu'a estée baptizée à Montoy nommée Elizabeth, elle n'a vescu que environ 12 jours.

Audict temps, assavoir le 22 dudict mars, Jennon le Goussat, sœur de ma femme fuist frappée d'une peste et mourust le 24 dudict moys environ les 10 heure du soir et fuist ensepvelie le lendemain 25 mars 1 5/8.

Durant le moys de mars passa par l'espace de 7 ou 8 jours par le ban de Remilly et environ, comme on disoit, 7 ou 8000 Espaignol à piedz et à chevaulx allant au service du bastard d'Autriche contre ceux du Pays bas.

Plus vers la Saint Jean en passa encor environ 1000 ou 1200 par ledict Remilly.

[P. 40.] Depuis le moys de mars jusqu'au moys de septembre 1578 une grosse peste a régnez à Jouy par laquelle sont estez mort environ 120