I. Avec tous ses membres

vous frappe en entrant, le demurant c'est une chaleur douce et eguale. M. de Montaigne, qui couchoit dans un poile, s’en louoit fort, et de santir ! toute la nuict une tiedeur d'air plaisante et moderée. Au moins on ne s’y brusle ny le visage ny les botes, et est on quitte des fumées de France. Aussi là où? nous prenons nos robes de chambre chaudes et fourrées entrant au logis, eus au reboursse mettent en pourpoint, et se tiennent la teste descouverte au poile, et s'habillent chaudement pour se remettre à l’air?.

Le jeudy il beut de mesme; son eau fit operation et par devant et par derriere, et vuidoit du sable non en grande quantité; et meme il les trouva plus actives que autres qu'il eust essayées, soit la force de l’eau, ou que son corps fut ainsi disposé ; et si en beuvoit moins qu’il n'avoit faict de nulles autres, et ne les rendoit point si crues comme les autres.

Ce jeudy il parla à un ministre de Zurich et natif de là, qui arriva là, et trouva que leur religion premiere