LE ROI AUX CONSULS DE MARSEILLE

De par le Roy comte de Provence.

Très chers et bien amez. Nous auons esté contrainctz par les plaintes fréquentes qui nous ont esté faictes du mauuais gouuernement de ceulx qui ont exercé jusques icy et (jui exercent encore à présent le Consulat d'Alep pour la nation françoise, de faire ordonner en nre Con"' qu'il y sera doresnauant par nous pourueu de personne capable et dont la preudhommie suffisance et (|ualitté nous sera cogneue et pour cest effect avons faict choix et résollu d'y envoyer le S' Gedoyn gentilhomme de la Chambre de nostre très amé et très cher frère le duc d'Anjou, espérant que comme il a desia très bien seruy près le feu S' de Saiignac nostre Ambassadeur à Constantinople et en aultres occasions où nous l'auons employé pour nre seruice, qu'il s'en acquittera dignement et Vous en donnons l'aduis affm que vous le recognoissiez en ce qui sera de ladite Charge; Si n'y faictes faulte Car tel est notre plaisir.

Escript à S' Germain en Laye le xv septembre mvj' vingt trois

signé Louis et plus bas Brulart

et sur le reply est escript A MM. les consuls, de nre ville de Marseille.