Cf. Discours véritable... (Lenglet, III

choses moult honnorablement remonstrées par ledit sire Denis Hesselin aux cappitaines estans oudit Beauvais, qui desdictes remonstrances se tindrent à bien contens et se contentèrent de ce qui leur avoit esté envoyé, sauf qu'ilz prièrent que encores on leur menast cent arbalestriers et coulevriniers ; ce que fist ladicte ville.

Et depuis, le mercredi, feste de la Magdaleine*, environ l'eure de trois heures de matin, ledit duc de Bourgongne honteusement se desloga de son ost et s'en parti et s'en ala sans autre chose faire^, sinon que, durant l'espace de xxvi jours entiers qu'il fu devant ladicte ville, il ne cessa de faire getter son artillerie contre ladicte ville nuit et jour, qui peu ou néant grevèrent icelle ville ne les habitans d'icelle, et y donna et fist donner deux grans et merveilleux assaulx, auxquelz y furent tuez et murdris bien grant nombre de ses gens de guerre, des plus grans qu'il eust en sa compaignie. Et si perdi durant icellui temps grant quantité de son artillerie, que ceulx de la garnison d'Amiens pour le roy gaignerent dessus lesdiz Bourguignons.

Et, depuis ledit partement desdiz Bourguignons, ilz s'en alerent boutans les feux es blez et es villages partout où ilz passoient^ ; et vindrent devant Saint-Walery

1. 22 juillet. « En un mercredy matin..., en belle nuit, sans trompette, honteusement et villainement s'enfuit et deslogea avec son ost... » {Discours véritable, loc. cit., 214).