Interpolations et variantes, § XGI

4. Le duc Charles de Bourgogne vivait encore lorsque ce passage fut rédigé.

Et, après que ledit duc de Bourgongne fut retourné dudit pays de Caulx, où ainsi avoit bouté les feux que dit est, et que devant Arques et Dieppe* fut si vigueureusement recueilli et batu, lui et ses gens, s'en party d'icellui pays et délibéra de s'en aler devant la bonne ville et cité de Rouen, où plus que devant fut bien receu et tellement que, au moien des saillies et grans vaillances que firent sur lui ceulx de dedens, lui convint soy en retourner bien honteusement et à sa grant perte vers Abbeville^, et fist courir lors grant bruit de mettre le siège devant la ville de Noyom et icelle avoir par force. A quoy lui fut bien résisté par le sire de Grussol et autres vaillans cappitaines pour le roy, qui se vindrent loger dedens et qui la fortifièrent d'engins, de vivres et autres choses pour repuiser sa dampnée fureur. Mais ung grant mal fut fait par son moien, car lesdiz cappitaines, pour estre et demourer plus seurs en ladicte ville, firent brûler et abatre les faulxbourgs d'icelle ville pour garder d'y loger lesdiz Bourguignons, qui n'y vindrent point.

Oudit temps, messire Robert d'Estouteville, chevalier, prevost de Paris, qui estoit dedens la ville de Beauvais avecques les nobles de la prevosté et viconté de Paris et certain nombre de frans archers, s'en party dudit lieu de Beauvais et s'en vint loger es fauxbourgs de la ville d'Eu , du costé d'Abbeville. Et, ce mesme jour aussi, arriva d'autre costé es diz faulxbourgs du costé de Dieppe monseigneur le mareschal Joachin ; lesquelz incontinent envoierent sommer les Bourguignons qui estoient dedens. Et lelz