Auj. dép. de Seine-et-Oise, cant. de Marly-le-Roi

en envoya plusieurs cappitaines, qu'il avoit avecques lui, quérir toutes les gens de guerre qui estoient soubz leurs charges, pour venir après lui oudit pais de Normendie ou autre part, quelque lieu qu'il feust. Et, le jour de sondit partement, il fist et ordonna certaines lettres et ordonnances, par lesquelles il voult et ordonna que de là en avant son plaisir estoit que tous les officiers de son royaume demourassent paisibles en leurs offices, et que nulle office ne feust dicte vacant, sinon par mort, resignacion ou confiscacion. Et, s'il donnoit nulles autres lettres au contraire par importunité de requerans ou autrement, vouloit qu'il n'y feust aucunement obtempéré, et que, de là en avant, toute justice feust faicte et ordonnée à ung chacun. Et puis s'en party dudit lieu de Mante et s'en ala à Vernon sur Seine ^ , où il demoura ilec depuis par certain temps, durant lequel vint et arriva devers lui monseigneur le connestable, lequel trouva moien que le roy bailla et donna trefve entre lui et monseigneur de Charrolois jusques à six moys lors après ensuivans, sans en ce y comprendre les villes et pays de Liège, qui desjà estoient mis sus et en armes à l'encontre dudit seigneur de Charrolois, en espérance d'avoir l'aide et secours du roy, ainsi que promis leur avoit esté : et à ceste cause demourerent du touthabandonnez. Et puis, après ce que dit est ainsi fait, ledit monseigneur le connestable s'en retourna pardevers mondit seigneur de Bourgongne lui porter les nouvelles desdictes trêves^.

1. Sa présence y est signalée le 26 octobre (Vaesen, Lettres de Louis XI, m, 179 et suiv.).