Méry de Gouhé
2. Cette lettre n'est connue que par la copie du ms. Glairambault (fol. 306). Cf. la lettre de Louis XI à ses capitaines à Beauvais, datée de Pouancé, 21 juillet (1472). Bibl. nat., ms. fr. 2898, fol. 70 (imprimée par Vaesen, t. V, p. 36 et suiv.).
secourir, il se fust bien peu saulvé desdits frans archiers : qui fut toute la prouesse et vaillance que fist le duc de Bourgoigne durant qu'il fut devant laditte ville, synon qu'il ne cessa point, pendant ledit temps qu'il estoit devant ledit Beauvais, de faire getter son artillerie jour et nuyt contre les murs d'icelle ville, tellement que lesditz murs estoient tous rasés près de terre. Et coustoit artillerie et equippage dudit duc de Bourgoigne, durant qu'il fut devant laditte ville, tous les jours, douze cens lyons d'or, et si avoit xii cens hommes d'armes à sa soulde. Et greva fort icelle ville et les habitans dedans, y donna et fist donner de grans et merveilleux assaulx, ausquelz il fist tuer grant nombre de gens de bien de sa compagnie, et si y perdit grant quantité d'artUlerie. Et neantmoins fist séjourner son arrière garde à l'entour et près de Beauvais, affin de la prandre d'emblée s'il veoit que les gens d'armes en fussent hors.
De quoy le mareschal Joachin Rouault, qui estoit au Neufchastel, fut adverty et en rescripvit unes lettres audit grant maistre, dont la teneur s'ensuit :
« Mons.- le grant maistre, je me recommande à vous tant comme je puis. [Pre]sentement est arrivé en ceste ville uug homme que Mons. de Monsures avoit envoie pour regarder quel chemin les Bourguignons tendroient. Et a trouvé qu'ilz sont es lieux declairez es lettres missives à moy envolées parlecappitaine d'Aubmalle* que je vous envoyé; mais ledit homme a parlé à une femme qui a esté en l'oost desditz Bourguignons, et dit que le duc de Bourgongne chevauche à petites journées sans soy fort eslongier de Beauvais, en especial son arrière garde en laquelle il a laissié la fleur de son oost, espérant que, se les gens d'armes le suyvent ou que Beauvais soit defiburny de gens d'armes, de retourner incontinent audit Beauvais pour l'emporter d'assault, s'il peult ; et telle est son intencion, comme ladicte femme a certiflSé pour vray. Et à Dieu soyez.
