Orig. au même ms., fol

« Mons. le grant maistre, se vous savez ame qui voit à Guise, Bohain et Beaurevoir S si vous plaise leur faire savoir que noz gens d'armes sont venus. Le conte de Saint-Pol, etc., connestable de France. » Signé : « Vostre Loys. » Et au dessoubz : « Le Senne. » Et au dos : « A Mons. le grant maistre. »

Ledit connestable envoya audit grant maistre unes autres lettres desquelles la teneur s'ensuit :

« Mons. le grant maistre, je me recommande à vous. J'ay receu voz lettres et veu ce que m'avés escript pour response ; ausquelles, incontinant les capitainez d'Amyens venuz icy, mon intencion est eulx et moy nous en aller à Saint-Quentin. Et pour tant est besoing que vous et Mons. le seneschal de Guienne faciez restraindre voz gens es quartiers qui leur ont esté ordonnez, tellement que le logis desditz capitaines soit prest à leur venue, ainsi que je le rescriptz à mon prevost. Car, comme vous savez assez, il ne fault pas qu'ilz attendent après. Mons. le grant maistre, Nostre Seigneur soit garde de vous. Escript à Hem, le xxvi® jour d'octobre. Le conte de Saint-Pol, connestable de France. » Signé : « Vostre Loys. » Et au dos : « A Mons. le grant maistre. »

Et envoya aussi ledit connestable audit grant maistre unes autres lettres dont la teneur s'ensuit :

« Mons. le grant maistre, je me recommande à vous. J'ay receu voz lettres contenant que avés fait délivrer à mon prevost deux de mes bastons estant devant mon logis à Saint-Quentin, et que au regard de la pouldre, vous avés parlé aux canonniers qui dient qu'il n'en ont comme point de faitte, et que le salpestre que vous a fait venir le bailly de Saint-Pierre le Moustier' n'est point mis en œuvre. Quant audit salpeste, je le vous fitz mener et en ay payé la voyture et les despens, et a l'on mys trop grant temps à faire laditte pouldre. Et seroit chose estrange qu'il faulsist pourvoier

1. Bohain et Beaurevoir sont auj. dans le dép. de l'Aisne, arr. de Saint-Quentin.