Auj. dans la province belge de la Flandre occidentale

envoyèrent leurs lettres missives, desquelles la teneur s'ensuit :

« Mess''% nous nous recommandons tous à vous. Depuis que moy, de Moy, vous ay escript, Mons. de Maigny*, et les capitaines estans à Bethune-, m'ont faict sça voir que le duc d'Autrice estoit arrivé à Ypre, là où il faict assemblée de gens ; et, à ceste cause, nous sommes tous assemblés aujourd'uy dimenche matin en ceste ville de Lens pour sçavoir qu'il estoit de faire. Et, après que avons debatu la matere, avons tous ensemble esté d'oppinion que, veu l'assemblée que ledit duc faict, et aussi de sa venue en laditte ville d'ippre, que nous ne devons bouger de nos garnisons, afSn que, s'il entreprent aucune chose, que nous l'en gardons. Et, par ainsi moy, de Moy, par l'oppinion de tous les capitaines, ne puis aller vous rencontrer comme je vous avoie dict, dont m'en desplaist. Hz sont tous d'oppinion, et moy avec, que devez du costé de par delà faire quelque bruit en Henault, si grant qu'ilz en voyent les fumées et que ledit duc en oye nouvelles. Et, s'il tourne de vostre costé, tenez vous seur que nous luy serrerons la queue ; mais nous attendons bien à vous bonnes discrections que vous y conduirés si saigement que ne mettrés riens en hazart, et comme sçavez que le roy le désire. Mess''% nous prions Dieu qu'il vous doint sa sainte grâce. Escript à Lens, ce dimenche xix^ jour d'octobre [1477]. »

Lesdittes lettres soubscriptes : « Les tous vostres frères. » Signé : « G. de Moy, Jaques de Luxembourg, Jehan Chenu, du Fouley, A. de Ghoursses, le Moyne Blosset^, Geffroy de Gourran. » Et au dos desdittes lettres : « A Monseigneur de Bricquebec et autres capitaines estans de par delà^. »