Auj. Herchies, dans le Hainaut belge

gnons, et de la partie des gens du roy n'en y eut que cinq ou six tuez. Entre lesquelz y fut tué ung nommé Corrade^ bon et vaillant homme d'armes, et, après sa mort, ledit grant maistre fist acomplir son testament qu'il avoit faict envyron huit jours avant que aller à laditte entreprinse, et du reste de ses biens en paya ses serviteurs et ses debtes et en fist prier Dieu pour luy.

Et, après que ledit seigneur de Montfaulcon et autres de sa compaignie furent retournez audit Quesnoy, ledit grant maistre envoya le capitaine de laditte place pour la garder.

En ce temps aussi, les gens d'armes estans soubz la charge et conduite dudit grant maistre, allèrent courre devant Valenciennes, où ilz trouvèrent messire Jaques Galiot et ses gens qui estoient saillitz aux champs. Sur lesquelz lesdits gens d'armes du roy ruèrent et frappèrent tellement qu'ilz les deflBrent et firent noyer plusieurs dedans la rivière, pour ce qu'ilz ne peurent pas trouver la porte à heure et se getterent en l'eaue. Et, au regard de Jaques Galiot, il fut fort pressé, en manière qu'il getta sa lance, abandonna la bride de son cheval et perdit son espée, et n'est esté que son cheval estoit puissant, qui porta par terre celluy qui l'avoit arresté et qui vouloit prandre la foy de luy, il fust demeuré, et neantmoins fut fort blessé à la teste.

Audit temps, ledit grant maistre et les gens d'armes de sa charge allèrent plusieurs fois courir devant les places qui tenoient pour le duc d'Autriche, cuidans faire saillir des garnisons ceulx qui estoient esdittes places. Et allèrent les gens du roy courir jusques oultre Bains ^ ; en laquelle course ilz prindrent plusieurs prisonniers et gasterent beaucop de pays contraire au roy, comme à Maubeuge'^ et autres pays; mais ceulx qui estoient esdittes garnisons n'osèrent saillir sur eulx.

1. Molinet, qui conte cette affaire avec quelque détail, nomme cet homme d'armes Flocquet de Saint-Conrard (U, 108-111).