Bohain, en Vermandois, auj. dép. de l'Aisne

3. Maubeuge, auj. dép. du Nord, arr. d'Avesnes, sur la Sambre.

En ce temps aussi, le roy, qui, ung an avoit ou environ, avoit donné à Mons. de Saint-Fergeau ^ filz dudit grant maistre, les quintz deniers, lotz et ventes et autres prouffitz, montans cinq mil [escus] de l'acquision que avoit faicte ledit grant maistre d'une terre et seigneurie qu'il avoit acquise... et fut ledit don faict audit seigneur de Saint-Fergeau pour le service qu'il faisoit au roy, tant en sa chambre que ailleurs, où il luy plaisoit lui commander, pour ce qu'il estoit son pencyonnaire.

Audit temps, pour ce qu'il avoit pieu au roy auparavant de affranchir de taille les habitans de Dampmartin à la supplication de Mons. le grant maistre, leur seigneur, certaines années durans, qui n'estoient encores escheuz ne passées, et neantmoins les esleuz de Meaulx imposèrent lesdits habitans à la taille ; à ceste cause, ledit grant maistre en rescripvit au roy, adfin qu'il fist joyr iceulx habitans dudit affranchissement ; ce qu'il fist.

Et si fist ledit grant maistre sçavoir les nouvelles au roy que le duc d'Autriche estoit à Valenciennes avec grant compaignie de gens d'armes, et que les gens dudit grant maistre avoient esté courre jusques devant Valenciennes, où ilz avoient prins des Allemans qui luy avoient dict que ledit duc d'Autriche s'en alloit à Mons et envoyoit son armée devant la place d'Archies', nouvellement prinse et mise en la main du roy. Et, pour ceste cause, ledit grant maistre avoit envoyé le capitaine de laditte place, qui estoit par devers luy, pour le garder. Et avoit ledit duc d'Autriche et tout le pays de son obéissance grant regret à ladicte place, pour ce qu'elle estoit leur prochaine voisine, et ceulx qui estoient dedans pour le roy les tenoient en grant subjection et leur faisoient des maulx largement. Et estoit ladicte place cause d'avoir faict venir par delà le duc d'Autriche, pour ce qu'elle et ceulx de dedans gardoient ceulx de Valenciennes

i. Jean de Chabannes.