janvier 1479 (n. st

fait. Et fut faicte charger et bouté sa boule, qui pesoit cinq cens livres de fer, dedens la gueulle d'icelle bombarde, à laquelle guelle estoit ung nommé Jehan Maugue, fondeur, qui icelle bombarde avoit faicte. Laquelle boule, en rollant au long de la voilée contre le tampon de la chambre de icelle bombarde, se descharga incontinent sans scavoir dont le feu y vint. A cause de quoy elle tua et meurdrit et myst en diverses pièces ledit Maugue et jusques à quatorze autres personnes de Paris, dont les testes, bras, jambes et corps estoyent portez et gectez en l'air et en divers lieux. Et ala aussy ladicte boule tuer et mettre en pièces et loppins ung povre garson oyselleur qui tendoit aux champs aux oyseaulx. Et de la pouldre et vent de ladicte bombarde y en eut quinze ou seize autres personnes, qui tous en eurent plusieurs de leurs membres gastez et brûlez, et en mourut plusieurs depuis \ et tellement que, de ceulx qui y moururent ledit jour que de ceulx qui furent happez dudit vent, en mourut en tout de xxii à xxiiii personnes. Et, après le trespas dudit Maugue, fondeur de ladicte bombarde, son corps fut recueilly, enseveh et mis en bière et porté à Sainct-Merry à Paris, son patron, pour y faire son service, et fut crié par les carrefours de Paris que on priast pour l'ame dudit Maugue, qui nouvellement estoit aie de vie à trespas, entre le ciel et la terre, ou service du roy nostre sire.

En ladicte année, le mardi second jour de mars, le corps d'ung nommé Laurens Guernier^, de la ville de