RÉDIGÉES PAR JEAN LE CLERC VERS

I. — (Clair. 481, fol. 2, 1. 6 etsuiv. Chron. scand., 1. 1, p. 2^). — Au vingt sixiesme an de mon aage, me délecté, en lieu de passe temps et d'eschever oysiveté, à escripre et mettre en forme de cronique plusieurs choses advenues oudit royaulme de France et aultres royaulmes voisins, depuis l'advenement du roy Loys, unziesme de ce nom, qui fut en l'an mil quatre cens soixante et ung, que trespassa le bon roy Charles, septiesme de ce nom, père diidict roy Loys, car plusieurs desdictes choses sont advenues en tant de faczons estranges que pénible chose auroit esté à moy et à aultre de bien auvroy et au long le racompter-, jaçoit ce que je fusse notaire et secrétaire dudit seigneur, à escripre la vérité des-

1. Le fol. 1 du ms. Glairambault 481 est décoré d'une grande miniature qui représente Jean Le Clerc, en costume de clerc des Comptes, écrivant sa chronique. Les marges du même feuillet sont garnies d'arabesques; au bas est un écu aux armes de Chabannes- Dammartin (voy. Quicherat, Bihl. de V École des chartes, 4® série, t. I, p. 233 et suiv.). Le même encadrement est reproduit à tous ceux des feuillets qui sont illustrés.

2. Ce qui précède n'est qu'une variante du prologue de la Chronique de Jean de Roye et l'interpolation ne commence qu'au mot jaçoit. Pour toutes les questions qui se rattachent à la rédaction du Manuscrit interpolé, voy. ci-dessus, Introduction, t. I, p. ii et suiv., et surtout la notice très complète de Quicherat, un Manuscrit interpolé de la Chronique scandaleuse, dans Bihl. de l'École des chartes, i^ série, t. I. C'est également à cette savante notice que nous renvoyons pour la description du ms. 481 de Glairambault.

dictes choses advenues oudit temps, dont je pensoje estre seur, pour ce que alors j'estoye serviteur d'un g homme qui sçavoit des secretz dudit seigneur et aultres choses faictes oudit temps : au moyen duquel service je fuz constitué oudit office de secrétaire ^

Et est assavoir que pour mon premier commencement, qui fut l'an mil quatre cens soixante et ung, ouquel an deceda ledit bon roy Charles à Mehun sur Yevre, lequel, durant son resgne, chassa et mist hors de son royaulme de France les Anglois, ses anciens ennemys, lesquelz, contre droit et raison, occupoient ledit royaulme de France, et réduisit à la coronne les duchez de Guienne et de Normandie, que tenoient lesdits Angloys ; et aussi pour ce que, durant sondit règne, furent faiz plusieurs grans fais de guerre par Anthoine de Chabannes, conte de Dampmartin^, j'en ay voluntiers voullu mettre aucune chose par escript : c'est assavoir en ravitaillement de la ville de Louviers, dont estoit chef La Hj-re, et aussi y estoit Anthoine de Chabannes, conte de Dampmartin, qui avoit lors en sa compagnie environ soixante hommes d'armes. Aussi y estoient messire Florent d'Iliers, Gyrault de la Palliere, Amador de Vignollez, frère dudict La Hyre, Loys de Bigars et autres bons capitaines qui bien et loyaument y servirent le roy ^.