Aigueperse, auj. dép. du Puy-de-Dôme, arr. de Riom

Culanti, ou sus les champs, on prendroit bien aisément le roy, et en l'espovantant et mettant en crainte des armées dessusditez et en luy remonstrant les inconveniens advenir, légèrement il se mettroit en la main de monseigneur de Nemours, et auroit le gouvernement du roy; et, par ce moyen et des saiges du royaulme, toutes les divisions seroient apaisées. Et, entre ledit patriarche et eulx, fut parlé de la manière de contenter lesditz seigneurs : c'est assavoir que monseigneur de Berry auroit son appannaige raisonnablement et que le roy donn[er]oit audit duc, sa vie durant, les drois dont il estoit question entre eulx ; à monseigneur de Charroloys, argent pour la recompance ; à monseigneur de Dugnois seroient renduz ses gens d'armes et bonne pencion et le gouvernement de la duché de Normendie, et seroit chief du Conseil ; et monseigneur de Saint-Pol auroit le gouvernement du hault pays de Normendie et de Picardie avec bonne pencion; à monseigneur de Calabre, le gouvernement de Champaigne et bonne pension ; à monseigneur de Bourbon, la char[ge] de^ Lyonnoys jusques à Paris, ses gens d'armes et croissement de pensions ; à monseigneur d'Armignac, l'office de connestable de France ; à monseigneur de Loheac, l'office de mareschal, pour contenter le duc^; que mondit seigneur de Nemours auroit le gouvernement et lieuteuance de l'Isle de France et cappitaine[riej de Paris, et que on prendroit ung bon chancelier, si on veoit que celluy qui y estoit ne fust bon, deux evesquez pour le conseil, dont ledit patriarche en seroit l'un, huit bons et notables maistres de requestes, ung correcteur de chancellerie et douze notables chevaliers pour assister au Conseil du roy, et que toutes choses seroient bien conduites. Et en oultre dist ledit patriarche à monseigneur de Ne-

1. Ce nom de lieu, défiguré dans le ms. et dans l'édition de Quicherat, a été rétabli d'après le texte ms. du Procès du duc de Nemours, fol. 5.