CHAPITRE SIXIEME

mal J'autruy, n'est pas méchante de soy, mais en tant que nous en usons mal ; et ne puis taire, à ce propos, les beaux vers de Lucrèce ausquelz il nous chante et nous rend une belle raison pourquoy nous sentons quelque plaisir quand nous voyons le mal d'autruy, car ceste mesme raison, raportée à son contraire, nous aprendra pourquo}' nous avons tristesse de veoir le bien d'autruy :

C'est pljisir, quand les vents brassent la grande mer, De terre, en grand travail un autre regarder; Non qu'il y aict plaisir de veoir aucun en peine Vexé de la tourmente en la nef incertaine. Mais pource que tu as un sentiment plaisant De juger de quels maux tu te trouves exempt.

Et si nous gravons bien en nostre mémoire cest innocent plaisir premier du mal d'autruy, nous réglans à la droicte raison, nous en ferons nostre profict, pour n'encourir le mesme danger auquel nous avons veu les autres et duquel avons eu plaisir de nous veoir exempts. La mesme raison vaudra si nous resentons une première tristesse innocente de veoir le bien d'autruy, non que nous soyons marris du bien d'autruy, mais pource que nous sommes marris de ne jouir du mesme bien. De laquelle tristesse et marrisson (i) nous ferons nostre profict si, ne nous amusans vainement à elle, comme taict l'envieux, mais nous conformans à la droicte raison, nous faisons tout devoir, à l'envi de celluy en qui nous avons aperçu le bien, d'en acquérir autant pour nous et y par\-enir.

Mais ne dois-je pas dire comment les poètes grecs plus anciens qui, sous le manteau de leurs fables, cachoient de belles et bonnes instructions pour les hommes, voulans faire entandre les plus grandes passions et perturbations que soufrent les hommes pour ne tenir, au cours de leur vie, la droicte raison, seure guide (2) et conduicte d'icelle, ont feint trois Furies qu'ils nommèrent Erinnyes, filles de Saturne et de La Nuit, c'est-à-dire du démon de paresse et d'ignorance, l'une appelée Alecto, qui signifie sans cesse, et que nous interpréterons insatiabkté, qui est la vitieuse perturbation de la partie de l'âme que nous disons canvoitise ; l'autre nommée Tisiphone, que nous ferons entandre par ce mot de vange-meurtre, qui est la forsenante (3) passion du courage où est l'Ire, la Haine et la Vengeance. La troisiesme est appelée Mégère, c'est-à-dire Envie, prenant son étymologie de fityx aipov, que je tourne en nostre langue osle-grandeur , pource que ceste perturbation oste la

(i) Chagrin.

(2) Guide était alors féminin.

(3) Forcenante, rendant forcené celui qui en est possédé.

grandeur de l'âme et revient au nom de '^Ocvo,- qui signiffie la corruption de l'entendement, comme avez ouy ci-dessus, par ainsi comme Alecto, qui est l'insatiableté, est en la partie de l'âme que nous appelions convoitise, Tisiphone vange-meurtre, passion d'Ire, de Haine et de Vengeance, forgeresse de tant de maulx et meffaictz entre les hommes est au courage, pareillement Mégère, qui est l'envie, est une passion qui aveugle, empesche et trouble la droicte raison, en la partie raisonnable de l'âme où elle prendra son siège qui ne l'en repoussera vivement. Aussi fault-il bien remarquer l'envie pour une propre et péculière (i) passion de l'homme raisonnable et non pas des animaulx qui n'ont pas la raison, lesquelz ne l'essaient point parce que cette passion ne peut tomber en eux, qui ne peuvent naturellement imaginer que c'est bien ou mal faire ses affaires et qui ne sont touchez de la réputation ou bonne ou mauvaise. Par quoy l'Envie se trouve seulement de l'homme à l'homme. Mais c'est chose digne de grand reproche que l'homme, à qui Dieu a foict tant de grâce que de le douer de la raison (l'ayant fait à son image et semblance (2) et mettant en luy le principe et le commencement de bien et mal faire à son choix,) se laisse occuper sa raison, c'est-à-dire son auctorité, par ceste maudite et misérable envie qui n'a rien de bien qu'une seule chose, qui est qu'elle est un très meschant mal à celuy qui la reçoit.

Mais ce discours est trop long pour une telle exécrable Furie ; par quoy je le veux finir après, Sire, que j'auray dictla résolution du conseil d'Epictète qui nous apprend comme il la fault mater, et cognoistrc que des choses les unes sont en nous, c'est-à-dire en nostre disposition, et les autres n'y sont pas, mais sont hors de nous et de nostre disposition.

Dieu Tout-Puissant, auteur de toute puissance, plein de très-bonne volonté, qui a voulu toutes choses estre bonnes et rien de mauvais en tant qu'il est possible, sa puissance alant {sic) pair à pair de sa volonté, faict toutes choses bonnes autant que chasque chose peut avoir part à sa bonté. L'âme de l'homme ne peut avoir celle souveraine puissance, estant en puissance au-dessous de beaucoup d'autres qui sont en ranc (3) au-dessous de Dieu plus proches de la divinité. Néantmoins, elle a de Dieu la volonté libre de soy pour vouloir tout bien à tous quand elle en voudra faire le choix et s'y résoudre.

Pour quoy doncques, ô vous hommes, (qui estes maistres auctorisez pour disposer de ce qui est en vous, c'est-à-dire de vos afl'cctions

(1) Particulière, du latin pcculiaris.

U) Ressemblance.

(.') Rang.