Le 1er janvier, ^j. de Boissise avait écrit au Roi
« Sire, Ayant bien considéré, depuis que je suis en ce pays, l'opportunité de vostre ville de Calais, lestât de celles d'Anvers, de Hollande et Zelande, et mesmes ce que les Arcliiducz ont nagucres faict jjasser à leurs subjectz, touchant les garnisons hespagnolles, il m'a semblé qu'il n'y avoit rien plus commode au monde pour recueillir leur traffic des dits pays que la dite ville de Calais, en laquelle opinion j'ay esté confirmé par quelques personnes bien entendues au faict du dit commerce, qui m'ont asscuré davantage que bonne partie des Flaraends et Walons, qui sont icy vexez et travaillez en plusieurs façons par les Angloix et apprehcndans le decez de la Royne, s'y retireroyent volontiers, et les Anglois mesmes, le dit cas advenant, si ceux qui s'y vouldroyent habituer estoyent asseurez d'y avoir exercice libre de leur religion. A quoy j'auroy rcspondu qu'il y avoit liberté de la dite Religion, par tout vostre royaume et demandé quelles autres choses seroyent nécessaires, ilz m'auroycnt advcrty que la fortiffication de la place, réparation du port et donner passage à toutes marchandises estrangercs par vostre royaume, en payant un impost modéré, fors que celles qui s'y arrcsteroyont le payeroyent ainsy qu'il est accoustumë, seroyent les principaux moyens d'y attirer lo traf-
liO PIÈCES JUSTIFICATIVES.
avec ceux qui vous offrent de prendre ce party et m'esclaircissez plus particulièrement de ce qu'ilz désirent de moy, car j'auray h plaisir d'y pourvoir. Pour lin de la présente, vous scaurez que le duc de Savoye est encores icy, sans que nous ayons peu cncores nous accorder du faict du marquizat de Saluées, parce qu'il insiste que je luy laisse, offrant de m'en donner bonne recompense : sur quoy il m'a faict certaines ouvertures, que je n'ay trouvées raisonnables et dignes d'estre acceptées. Cependant, nous passons le tempz ensemble doucement, et ne tiendra qu'à luy que nous ne nous accordions, devant qu'il parte, affin que nous demeurions bons amiz ; car je ne luy demande que ce qui m'appartient et de luy rendre le sien, de sorte que, si, de son costé, il veut y satisfaire, comme la raison veult qu'il face, je feray le semblable du mien, tellement que nous aurons occasion de nous louer l'ung de l'autre, qui est le but auquel j'adspire, comme celluy qui ne veut vivre qu'en paix avec tous ses voisins. Et sur ce, je prie Dieu, Monsieur
HENRY
DE NEUF VILLE
Copie. — Bibl. nat., Ms. fr. 4128, fol. 136 v«.
Monsieur de Boissize, J'ay bien notté les propos que vous a tenus la royne d'Angleterre, ma bonne sœur et cousine, sur la dissolution de mon mariage et voz responses. Par celle-cy j'ay
fie. Sur quoy Vostre Majesté advisera, s'il luy plaist, et, selon qu'elle me commandera, je m'instruiray plus particulièrement de cest affaire, » (Bibl.
nat., Ms. fr. 4128, fol. 133 vo.)
recognu le soing- que vous avez eu de la rendre capable de la justice de ma cause et procédure, et par les autres je n'ay que trop remarqué le peu de satisfaction que la dite dame a de tout ce qui concerne mon bien et contantement; de quoy, comme je sçay en ma conscience ne luy avoir donné aucune occasion, je me promectz aussy que le temps luy fera changer de conseil : partant, je ne veux pas que, pour cela, vous luy faciez paroistre qu'il m'en demeure aucun mescontantement. Mais , soyez asseuré que la susdite procédure a esté faicte à chaux et à sable, comme l'on dict, et en la forme qu elle doibt estre. Le cardinal de Joyeuse, le nunce du Pape et Tarchevesque d'Arles, de nation italienne, en ont esté les juges, par devant lesquelz les faictz justifficatifs de la nullité du dit mariage ont est^ deuement et clairement prouvez et veriffiez, de façon qu'il ne s'y est trouvé aucune difficulté; et faut que ladite Royne et tous autres croyent que, si j'aysceu respecter la royne Marguerite, devant la dite dissolution, n'ayant receu de moy je ne diray aucun mauvais traictement mais seullement une seulle menace de indignation et rigueur, à présent que Dieu nous a séparez de corpz, j'auray plus de soing d'elle et la favoriseray plus volontiers et librement que je ne faisois, comme j'ay desjà commancé, doqt j'espère qu'elle demeurera si contante, que la dite royne d'Angleterre, qui fait contenance d'en avoir compassion, aura plus grande occasion de louer ma bonté qu'elle ne l'a de déplorer sa fortune. Je vous diray doncques une autre fois que vous avez bien faict de luy avoir tenu sur ce subject le langage que vous m'avez escript, par vostre lettre du ix de ce mois, que j'ay receue le xvI^ Vous avez bien faict aussy de luy déclarer que je n'endureray que l'auctorité de ma bannière à la Porte du Grand Seigneur soit diminuée par les capitulations qu'elle prétend faire avec luy, desquelles le sieur de Brèves m'a escript par ses dernières qu'elle a esté esconduilte; mais, n'estimez pas qu'elle no refroidisse ou change sa poursuytte, pour chose que vous luy remonstriez, comme j'ay esprouvé en .semblables cas, depuis deux ans que je luy en ay faict plaincte et instance, de sorte qu'il faut que je y donne ordre sans elle, comme je mottray peine de faire ; car, je sçay combien il importe à ma réputation et à mes subjects, que
je conserve mon auctorité susdite et feray sçavoir au dit de Brèves ce que vous m'en avez escript. Edmont n'estoit encores arrivé à Bruxelles, le xi" de ce mois, mais il y estoit attendu en bonne dévotion, ainsi que m'a escript La Bodorye, par sa lettre datée du dit jour, me mandant que Ton y discouroit déjà diversement du lieu où l'assemblée des députez de la dite Royne et des dits Archiducz se pourroit faire; qu'aucuns avoyent proposé qu'il la falloit faire au Liège, mais, comme ce seroit trop loing de la dite Royne, que les dits Archiducz estoyent conseillez par d'autres de me requérir, que la dite assemblée se feist en mon royaume et mesmes d'y envoyer mes députez. Je ne sçay si, après avoir ouy le dit Edmont, ilz s'arresterontàce dernier advis, mais, si la dite dame ou autre vous en parle, remettez les à en sçavoir ma volonté et m'advertissez de ce qui vous en sera dict, sans rien promettre en mon nom sur cela. Le dit La Boderye m'a escript aussy que les dits Archiducz ont desliberé de requérir la dite Royne, au nom du roy d'Espaigne et les leurs, traictant avec elle, de permettre en son royaume l'exercice de la Religion catholique, encor qu'ilz n'estiment pas l'obtenir; mais, ils espèrent, en ce faisant, premièrement de faire chose aggreable au Pape, lequel je sçay leur en avoir faict parler, comme il a faict à moy, qui m'en suis excusé, et secondement qu'ilz obligeront à eux les Gatholicques d'Angleterre, leur tesmoignant, par telle instance, le soing qu'ilz ont d'eux, pour s'en prevalloir en tempz et lieu : de quoy il ne sera que bien à propos que vous faciez sentir quelque chose par delà, sans toutesfois que l'on descouvre que l'advis sorte de vous. Vous sçavez quel est leur défenseur et me seroit préjudiciable à Rome, si on sçavoit que tel advis eust esté donné par mon commandement et par mon ambassadeur : conduisez-vous y doncques avec vostre discrétion accoustumée. L'on adjouste encor à cela, que Ton doibt mettre en avant, par le dit traicté, le mariage d'Arbelle avec l'archiduc Mathias, pour priver le roy d'Escosse de la succession du royaume d'Angleterre, et dit-on que telle proposition doibt estre favorisée par ceux qui ont maintenant plus de part et d'auctorité auprès de la dite dame, soit qu'ilz le facent de son sceu ou autrement, de quoy vous ferez aussi vostre proffit. Au demeurant, les affaires que j'ay avec le duc de Savoye,
qui est encores icy, sont encores aux mesmes termes ausquelz elles estoyent, quand je vous ay escrit ma dernière ; car, il insiste tousjours pour le marquisat de Saluées, et je ne puis accepter les recompenses qu'il a offertes jusques icy, parce que je ne les estime raisonnables ; en quoy, s'il arrive quelque changement, je vous en advertiray, comme je le désire estre tousjours par vous des occurrences de delà, et particulièrement du succez des affaires du comte d'Essex et d'Irlande ; priant Dieu,
HENRY
DE NEUFVILLK.
Copie. — Bibl. uat., Ms. ïv. 4128, fol. 141 v".
A MONSIEUR DE BOISSISE
Monsieur de Boissize, Quand je vous ay escrit l'opinion, que aucuns avoyent eue, que la remonstrance et prière que vous avez faicte de ma part à la royne d'Angleterre, ma bonne sœur et cousine, en faveur du comte d'Essex, luy avoit plus nuy que proffité, je ne l'ay faict pour croire qu'il en soit ainsy advenu, ny pour eslre marry de ce que vous en aviez faict, mais seulement pour vous informer de ce qui s'en disoit, affin d'y interposer vostre jugement et vous servir de lumière en voslre conduicte, joinct que je tiens pour certain avec vous, si ma dite sœur eust mal receu vostre office, qu'elle ne vous l'eust pas celé, car sans double elle vous en eust dit sur le champ son advis; mais, pourquoy eusl-elle trouvé mauvais C(» dobvoir de vraye amitié accompli avec tant de modération et déclaration de bonne volonté que vous l'avez exécuté; or, quand bien j'eusse preveu et sceu qu'elle ne l'eust pas eu aggreable, toutesfois je n'eusse
pas laissé pour cela de le faire, pour ne mancquer de ce que je doibs à ma dite sœur, à la justice de la cause et au mérite du dit comte. Pourtant, quand vous coo^noistrez que une recharge et nouvelle instance sera bien receue et proflitable au dit comte d'Essex, faictes la telle et si expresse que vous l'estimerez propre 3t nécessaire, sans attendre autre commandement de moy : vous erez chose qui me sera très aggreable, car j'ay grande compassion de la fortune du dit comte et ay plus grand regret encores de ne luy pouvoir estre plus utille, joinct que j'estime que ce sera le bien et service delà dite dame qu elle le deslivre depeyne et le remette en sa grâce. J'ay pris plaisir d'entendre les bons propos que la Royne vous a tenus en l'audience, de laquelle vous m'avez rendu compte, par vostre lettre du xxv'' janvier, que j'ay receue le iiii'' du présent, et prens à bon augure quelle ait voulu parler favorablement de moy et , comme elle vous a dit, plaider ma cause à ce commancement d'année; car, je veux croire qu'elle continuera à faire le semblable, le reste d'icelle. Du moins veuxje que vous rasseuriez,àtoutes occasions, que je ne luy donneray point subject d'en user autrement, et, affin qu'elle sçache qu'en me séparant d'avec la royne Marguerite je l'ay faict avec sa bonne grâce et son contantemenl, j'ay commandé vous estre envoyé ung double de la dernière lettre, qu'elle m'a escritte par le sieur de Beaumont, filz du premier président de ce Parlement, par lequel je l'ay faict visiter, depuis nostre desmariage, pour la luy faire veoir, et veux que vous luy disiez que j'honore trop les dames, pour défaillir d'ung seul poinct de ce que je doibs à celle-cy, comme chascun cognoistra, par le bon traittement qu'elle recepvra tous les jours de moy plus favorable et honorable. Mais je vous sçay bon gré d'avoir dict à la dite Royne, comme de tous les autres princes je suis le plus antien de ses amis, que aussi n'en trouvera-elle jamais ung qui luy soit plus fidelle que moy, encores que son ambassadeur ayt dit, ces jours passés, à ung de mes serviteurs que, tant que la dite dame avoit conservé l'alliance de Bourgongne, elle avoit prospéré et qu'elle avoit tiré peu d'advantage et commodité de celle de France, comme si,dem'avoir aydé à recouvrer mon royaume et m'avoir acquis pour amy avec tant d'obligation, elle n'en debvoit espérer
LETTRES DE HENRI IV. iVô
gloire ny utilité aucune, ainsy qu'il luy a esté respondu par celuy auquel il tenoit ce langage, duquel toutesfois vous ne ferez aucun semblant par delà. Mais, je vous envoyé ung mémoire contenant plusieurs choses, sur lesquelles j'ay entendu que les Estais ont commandé au sieur Garon de s'esclaircir de l'intention de la dite dame, affm que vous mettiez peyne de sçavoirce qu'elle luy aura dict : toutesfois^ gardez bien que le dit Garon ny autre descouvre que le dit mémoire vous ait esté envoyé, car celapourroit nuire et estre reproché à celuy qui me l'a baillé. Le penultiesme du mois passé, Edmont n'avoit encores esté depesché par les Archiducs, lesquelz n'ont peu faire trouver bon à l'ambassadeur du roy d'Espaigne d'aller traicter en Angleterre, comme insistoit le dit Edmont, de sorte que je ne sçay pas encores à quoy ils se seront résolus. Le nunce du Pape, résidant auprès des dits princes, s'estoit joint au dit ambassadeur d'Espaigne en ce faict, ce qui faict croire qu'il sera difficile de leur faire changer d'advis; quoy advenant, le sort pourroit bien tomber sur Boulogne, comme vous m'avez escript. Toutesfois, si on vous en parle par delà, remettez les à moy et les mettez en doubte de ma volonté, affm de leur oster l'opinion qu'ilz ont que j'affecte ceste gloire. Quand au duc de Savoye, il est encores icy, mais faisant contenance, depuis trois jours seulement, d'estre délibéré de me rendre mon marquisat de Saluées, de quoy j'ay grand contantement ; car je n'ay rien tant à cœur que de recouvrer ce qui m'appartient si justement que faict le dit marquisat et de vivre en bonne paix et amitié avec tous mes voisins. Gontinuez à m'advertir des comportemens du roy d'Escosse et de ce qui se passera par delà en sa faveur, comme de toutes autres occurrences; priant Dieu, Monsieur de Boissize,
HENRY
I)K NKIFVILLE.
lîG PIÈCES JUSTIFICATIVES.
Copie. — Bibl. uat., Mr.. fr. 4128, loi, 14G.
A MONSIEUR DE hOISSlSE
Monsieur do Boissize, Le sieur Edmont, n'ayant peu obtenir des Archiducs, vers lesquelz la royne d'Angleterre, ma bonne sœur et cousine, l'avoit envoyé, que les députez du roy d'Espagne et d'eux, pour traicter la paix qu'ilz veulent faire, passassent en Angleterre, tout ainsy que feirent ceux de la dite Royne, du costé de deçà, l'an mil V*' IIII'''' huict, à cause de la difficulté que en a faicte, plus que nul autre, l'ambassadeur du roy d'Espagne, il m'est venu trouver, avec une lettre de sa maistresse, du xxnii*^ du mois de décembre, dont je vous envoyé ung double, et m'a prié de trouver bon que la dite assemblée et conférence se face en ma ville de Boulogne, dont j'ay aussy esté requis de la part des dits Archiducz, chose que j'ay volontiers consentie et accordée, ainsi que vous verrez, par le double que je vous envoyé de la response*, que j'ay faicte àla dite lettre, que j'ay baillée au dit Edmont, suyvant laquelle vous visiterez ma dite sœur de ma part, après que le dit Edmont sera arrivé, pour luy offrir de nouveau la dite ville, pour y faire la dite assemblée, avec tout ce qui despend de moy qu'elle estimera pouvoir advancer le bien de ses affaires et son contantement. J'ay sceu que les dits Archiducz ont depesché devers la dite dame, avec Gumans, l'audiencier et secrétaire Werreichen, lequel fut employé par eux au traitté de Vervins, pour luy confirmer leur bonne volonté à la paix et arrester le tempz que la dite assemblée se fera, encores que le dit Edmondes m'ait dit l'avoir accordé au xviii'' du mois prochain; mais, j'ay entendu qu'ilz ont depesché, principallement pour descouvrir, s'il est possible, quel
\. La réponse du Roi a été publiée dans les Letlves missives (V, 203).
effect et advantage le dit roy dEspagne et les dits Archiducz peuvent espérer de la dite royne d'Angleterre faisant la dite paix. Sur tout, ilz désirent sçavoir ce qu'elle prétend faire des places qu'elle tient en gage des Estats, si elle les rendra aux dits Estats ou à eux, ou si elle entend les retenir et garder, s'ilz y auront accez, comme les dits P^stats, et comme elle en voudra user; pareillement, si la dite Royne entend pas revocquer les gens de guerre de sa nation qui servent les dits Estats et s'abstenir de tout commerce et de toute correspondance avec eux; et semble, à ouir parler l'ambassadeur d'Espaigne, qu'ilz ne s'attendent pas de tirer grande utillité de la dite paix, si la dite Royne ne les contante sur ces trois poinctz. Toutesfois, je n'ay pas opinion qu'ilz laissent pour cela de traicter et s'accorder, car les affaires des ditz Archiducz sont en si mauvais estât, faute de conduicte, d'argent et de toutes autres choses, qu'ilz ne peuvent subsister, s'ilz ne font la dite paix, avec laquelle ilz espèrent mettre en desespoir les peuples qui obéissent aus dits Estats, en quoy consiste aujourd'huy leur dernière et principalle anchre, laquelle venant à leur mancquer, ilz courront la fortune en laquelle ilz cherchent de précipiter les autres. Une partie de leur armée est mutinée et les dits ?]stats ont de nouveau surpris en Gheldres la ville de Wactendonk, avec les chasteaux de Well et de Bliembeck, et n'ont aucun moyen d'y pourvoir; car, on n'a encores asseuré en Elspaigne aucune provision d'argent pour eux, tant ilz en sont mal garnis, tant au dit pays comme ailleurs, à cause du retardement de leurs flottes, de sorte que je prevoys qu'ilz se trouveront ceste année en grande perplexité, si les dits Estats se peuvent maintenir et si la dite dame ne traicte à leurs despens, comme je ne puis croire qu'elle face. Toutesfois, ceux qui la conseillent maintenant ont si grande envie de relever la maison de Bourgongne et de s'y attacher, comme s'ilz ne pouvoyent trouver ailleurs du salut, mesmes depuis la prison du comte d'Essex, qu'ilz feront co qu'ilz pourront pour favoriser les dits Archiducz, Edmont s'estant laissé entendre à quelcun, qu'il n'estoit pas raisonnable que l'obstination et dureté des Estats tint en peyne le reste de la Chrestienté. Observez doncques diligemment les pas qu'ilz feront pour parvenir à la dite paix, au
traicté de laquelle ny les uns ny les autres ne m'ont prié d'inter venir, comme par honneur il semble qu'ilz debvroyent faire, I)uisqu'ilz m'ont prié de mectre le tapis : ce qui augmente mon soupçon, dont toutesfois vous ne leur ferez aucun semblant. Au demeurant, je ne sçay encores si je tumberoy d'accord avec le duc de Savoye, devant qu'il parte d'icy, car il persiste en ses difficultez, et je n'ay pas desliberé d'y céder, ayant la raison de mon costé, puisque je ne luy demande que ce qui m'appartient; ne voulant accorder le party d'eschange qui luy a esté proposé, il faudra que je me gouverne, selcn la resolution que nous prendrons sur ce faict; car, s'il ne me contante, j'ay desliberé de le suyvre du costé de Lyon, de si près, que je y arriveray aussi tost qu'il fera en ses pays. Je n'auray aussy l'esprit en repos, que je n'aye raison de ce faict : en ce cas, je ne sçay si j'auray loisir de faire le voyage de Picardie, duquel je vous ay donné advis, car il faut courir au plus nécessaire. Je vous en esclairciray par mes premières, comme j'auray à plaisir de l'estre souvent par les vostres de toutes occurrences, et mesmes de Testât auquel se retreuvejit les affaires du comte d'Essex, dont je n'augure rien de bon, puisqu'elles traînent tant qu'elles font. Je prie Dieu, Monsieur
HENRY
DK NEUFVILLE.
Copie. — Bibl. nat., Ms. fr. 4128, fol. 147 v».
A MONSIEUR DE BOISSISE
Monsieur de Boissize, J'ay esté bien ayse de voir, par vostre lettre du xn'' de febvrier, que j'ay receue le xxiiii% vous ne
m'ayez confirmé l'advis, que vous m'aviez donné par celles du premier, que j'avois receue le xviii'', du jugement arresté contre le comte d'Essex; car, s'il eust esté véritable, je m'asseure que vous l'eussiez faict. L'ambassadeur de la Royne, ma bonne sœur et cousine, m'a dit aussi qu'il ne luy en a estj rien mandé et ne croit pas que les affaires du dit comte soyent en si mauvais termes ny si advancées. Toutesfois, il semble aussy qu'il est difficile qu'elles demeurent long tempz en Testât auquel elles sont, et je ne puis que je ne luy en souhaitte toute bonne issue, tant pour le service de la Royne, ma dite bonne sœur, que pour son mérite. Je vous ay donné advis de la venue icy du secrétaire Edmont et de ce qu'il y a négocié et obtenu, pour le service et contantement de ma dite sœur. Depuis son partement, j'ay conclud mon accord avec le duc de Savoye, par lequel il est porté qu'il me rendra mon marquizat de Salluces, dedans le mois de may prochain, pour en jouir et user comme faisoyent les roys, mes prédécesseurs, ou bien me baillera, en eschange d'iceluy, dedans le dit temps, le pays de Bresse, depuis la rivière de la Saune jusques à celle du Dain, Barcellonnette avec son vicariat, le val de Sture, qui ouvre le chemin de Piedmont pour aller à Gental, le val de La Perouze, avec ce qui en despend, qui ouvre aussy celuy de la ville de Pignerol, laquelle pareillement il accorde de me bailler, avec son territoire. Davantage, soit qu'il me restitue le dit marquizat, ou qu'il me deslivre le dit eschange, il me doibt rendre les places de Gental, Demont et Rocquespervieres avec Chasteau-Daulphin, et doibt faire dosmollir ung fort, qu'il a construict durant la guerre, à la frontière du dit pays de Daulphiné, nommé Beche-Daulphin, m'ayant donné sa foy et parolle d'effectuer Tung ou l'autre des deux jiartis, dans le susdit tempz, sans faulte. Je l'ay voulu gratiflier de luy donner le choix d'iceux, en considération de la peyne (ju'il a prise de me venir trouver, pour composer ce différend, sur la très grande instance qu'il m'en a faicte. Il doibt partir aiijourd'huy ou demain de ceste ville, i)our s'en retourner, et ay desliberé de le suyvre de près, aflin de faciliter par ma présence l'exécution du dit accord, (pii importe tant à ma rcpulalion et à mon royaume, qu(; je ne veux espargner ma personne ny chose
qui despende de moy, pour en recueillir le fruict, de sorte que je ne sçay si je pourray faire le voyage de Picardie, comme j'avoys desliberé, joinct que je n'aurois à grand plaisir ni contantement de veoir les rigueurs qu'exercent, sans respect contre mes subjectz, ces navires de Hollande, depuis ung mois qu'ilz ont commencé d'arrester les vaisseaux marchands, qui vouloyent entrer dedans le havre de la ville de Calais, soubz prétexte de leur faire payer le droict de licence; dont je suis très indigné, comme j'en ay très grande occasion, et vous asseure que, s'ilz ne reparent ceste injure, je m'en revencheray si vertement qu'il y paroistra; car, je veux encores moins endurer de mes amis que de mes ennemis. Mais encores que je ne face le dit voyage, je ne laisseray d'envoyer visiter ma dite sœur, quand il sera tempz d'accomplir l'office auquel son ordre m'adstrainct, ainsi que je vous ay escrit par mes dernières. Au demeurant, j'ay esté très ayse d'entendre les autres poinctz desduictz par vostre lettre du l^' de ce moys, et si vous apprenez que la Royne face quelque signe de faveur, pour ce qui regarde sa succession, à aucun de ceux qui y prétendent, advertissez m'en et continuez à me faire sçavoir ce qui se présentera. Je désire aussi de sçavoir quelz seront ceux qu'elle envoyera à la conférence de Boulongne, comment elle aurareceu l'audientier Werreichen, que les Archiducz ont envoyé devers elle, et de quelle façon elle se conduira envers les Estats, sur l'occasion du dit traicté, et aussi comment se comporte envers elle le roy d'Escosse, parce qu'il s'en parle diversement. Je prie Dieu, Monsieur de Boissize,
HENRY
Copie. — Bibl. nat., Ms. fr. 4128, fol. 148 v».
A MONSIEUR DE BOISSISE
Monsieur de Boissize, La royne d'Angleterre, ma bonne sœur et cousine, faict bien cognoistre n'avoir pas grande envie de favoriser le comte d'Essex, s'estant si peu esmeue qu'elle a faict de la dernière remonstrance que vous luy avez faicte en sa recommandation, ainsy que j'ay appris par vostre lettre du xx!*" du mois passé, que j'ay receue le dernier; de quoy je suis très marry, car je crains que l'issue en soit mauvaise pour luy. J'ay encores occasion de croire qu'elle estime bien peu mon amityé, puisqu'elle faict si peu de compte de ce qui luy est recommandé de ma part, se confiant, à mon advis, en la paix qu'elle espère faire avec le roy d'Espaigne et les Archiducz, laquelle je ne double point qu'elle n'obtienne, à telles conditions qu'elle voudra, tant les dits Archiducz en ont besoing et se promettent aussy qu'elle leur sera utile contre les Estatz. Edmont me pria de leur prester ma ville de Boulongne, pour s'y assembler, laquelle je luy accorday incontinent, comme je vous ay escript, et vous asseure que je n'ay aucune intention de traverser la dite paix, laquelle ne me peult estre dommageable, estant mon royaume en Testât qu'il est. J'ay composé aussy le différend du marquizat de Salluces, ainsy que je vous ay escrit, et encores je n'ay plus besoing que de prendre une femme, qui me donne bientost des enfans, au souhaict de mes bons serviteurs et subjectz. J'espère que Dieu me fera la grâce d'y pourvoir, de façon que mes bons amis, comme mes dits subjectz, auront occasion de participer à la consolation que j'en recepvray; de quoy vous serez adverty, à mesure qu'il s'y advancera quelque chose, comme je le désire estre de ce qui surviendra par delà; priant
Dieu, Monsieur de Boissize,
HENRY
DK NKl'FVILLF.
Copie. — Bibl. nat., Ms. fr. 4128, fol. lo3.
A MONSIEUR DE BOISSISE
Monsieur do Boissize, Il est certain que l'advantagc et commodité que la Royne et ses subjectz espèrent de la paix, tant au commerce que en la guerre d'Irlande, comme aussy à traverser la prospérité de mes affaires, dont ils monstrent qu'ilz ont plus de jalousie qu'ilz n'en ont de subject, les portent, les yeux bandez et, comme l'on dit, à bride abbatue, à la dite paix, de laquelle les autres sont de leur costé très affamez, croyans qu'ilz pourront, par le moyen d'icelle, non seulement recouvrer les provinces de Hollande et Zelande, avec celles qui leur sont unies, et se délivrer de la despence qu'ilz sont contrainctz de faire, pour assurer leurs costes et leurs flottes des Indes, mais aussy qu'elle leur ouvrira le chemin d'avoir part à la succession du royaume d'Angleterre, soit par le moyen de leurs prétentions, ores qu'elles soyent mal fondées, ou en favorisant l'establissement d'ung tiers. A ceste fin, ilz s'efforceront de gaigner l'amityé de la dite dame, par toute sorte d'applaudissemens et flatteries, et ne faut point doubter qu'ilz ne s'accommodent aux conditions de la dite paix qu'elle opiniastrera, espérant, comme vous m'avez escript avec jugement, par vostre lettre du xxvii*' du passé, que j'ay receu le vu'' du présent, que, avec le tempz, il naistra tel différend entre elle et les Estats, qu'ilz se diviseront, pour les raisons desduittes en vostre lettre, ausquefles je ne doubte point qu'ilz ne tumbent : car, la nécessité augmentera tellement la deffiance et le desespoir des ungs, qu'elle les forcera de faire plusieurs choses, que la dite dame ne vouldra endurer, estant attachée comme elle sera aux commoditez présentes et mesprisant les accidens futurs, qui seront toutesfois inévitables, advenant que les dits Estats périssent, soit par force
ou par une volontaire obéissance inopinée ou préméditée. Ja, les Jésuites recommancent à dresser des mémoires, pour justiffier les droictz et prétentions à la couronne d'Angleterre de la maison d'Austriche : je vous envoyé des pièces et fragmens, qui ont été tirez de l'ung d'iceux non encores mis en lumière. Les députez des dits princes ne fauldront pas aussy de faire instance à la dite dame, quand ilz traicteront, qu'elle veuille avoir compassion d'ung grand nombre de Gatholicques, ses subjectz, qui sont vexez et tourmentez induement, à cause de la religion, comme s'ilz machinoyent contre sa personne et son Estât, ores que ilz soyent du tout innocens et n'ayent autre volonté que d'exposer leurs vies pour la conservation de l'une et de l'autre, les dits princes se promettans, soit que la dite dame accorde quelque faveur ausdits Gatholicques ou non, de les obliger à eux de ceste dite intercession ; et sçay certainement que c'est une partie faicte de longue main, qui est favorisée et sollicitée de divers endroictz, car on s'en est adressé à moy-mesmes; mais, le respect et l'affection que je porte à la dite dame m'ont empesché d'y entendre, joinct que je ne suis meu ny chatouillé de mesme vanité et convoitise fondée sur des droictz imaginaires, comme sont les autres. Davantage, je suis adverty que le roy d'Espaigne est conseillé d'entendre à une proposition, qui leur a esté faicte par aucuns, qui offrent de dresser une armée de mer en Espaigne composée de cent navires, de trois mille charges chascune, et de grand quantité de gallions, à leurs despens, moyennant qu'il leur accorde ung privilège de pouvoir eux seuls faire l'escargaison des Indes, sans toutesfois faire payer plus de naulage que à l'accoustumée ou apporter plus grande despense aux avaries, sur lesquelz ils s'obligeront de tenir ordinairement 40.000 soldatz, outre les mariniers et l'artillerie, et mesmes naviguer avec le tiers moins de charge que de coustume, pour pouvoir mieux manier la dite artiUerie sans embarassement; desquelz cent navires, cinquante iront et les autres viendront tousjours des Indes, et les cinquante gallions demeureront en la coste d'Espaigne ou Portugal, pour estre, avec les cinquante navires qui seront tousjours au dit pays et les autres qui s'y trouveront ordinairement en grand nombre, faict
une grosse et puissante arnriée preste à entreprendre, quand et où il plairra au ditroy d'Espaigne, tant pour assaillir que pour se deffendre, adjoustant ceste particulière considération que, quand la mort de la dite Royne sera arrivée, le dit roy d'Espaigne pourra malaysement, avec la dite armée, envahir l'Angleterre ou faire seigneur d'icelle h qui il luy plairra faire ceste faveur, qui est ja briguée par plusieurs, qui y employent des religieux, comme il est porté par l'advis qui m'en a esté donné; l'exécution duquel desseing l'on espère en Hespaigne que la paix, que l'on va faire avec la dite dame, favorisera grandement, à cause des pratticques et menées qu'ilz avoyent moyen de faire au dit pays d'Angleterre, soubs prétexte de liberté au commerce. Véritablement, il fault bien présumer que, si les dits Espaignolz et les Jésuites pour eux ont faict ce qu'ilz ont peu, durant la guerre, pour avoir accez en Angleterre, y pratticquer et esmouvoir les Catholiques contre la personne de la Royne, son auctorité et la tranquillité de son Estât, au péril de leurs vies, redoubleront leurs pratticques, tousjours soubs le mesme prétexte de la religion, avec lesquelz ceste nation a jusques a présent estimé pouvoir impunément, voire injustement, exercer ses passions aux despens de tout le monde, chose que les dits Espaignolz, et ceux qui les confortent à ce faire, croiront pouvoir par mesme raison continuer en Angleterre, aussi légitimement en paix qu'en guerre, tant que la dite Royne fera profession d'autre religion que de la catholicque, apostolicque et romaine; de sorte que ceux-là s'abusent grandement en ces espérances du fruict et commodité qu'ilz tireront de la dite paix, sur l'exemple et la mémoire des advantages receus autres fois de l'alliance de la maison de Bourgongne; car, les Estatz et forces d'icelles estans tumbez, comme elles sont, entre les mains de celle d'Austriche, a changé non seulement de nature pour le regard des princes, mais aussy de conduicte et de procédure, pour despendre entièrement de ceste nation espaignolle, les mœurs de laquelle sont autant incompatibles que sa convoitise est infinie et insatiable. Je sçay en vérité que l'Infante s'ennuye où elle est, regrettant l'Espaigne qu'elle a laissée, où elle estoit grandement honorée, aymée et vivoit en grand repos, pour espouser ung
pays auquel, pour le dire en uug mot, elle trouve tout le contraire; mais, je sçay aussy que les Espaignolz regrettent encor davantage la domination des ditz pays qu'ilz ont quictée, et que leur desseing et espoir est d'y rentrer, ou par une porte ou par autre, c'est-à-dire par la reunion de ces pays à la couronne d'Espaigne, ou par une succession légitime et comme il adviendroit, si le dit roy d'Espaigne mouroit sans enfans ou la dite Infante, dont on dict qu'ilz ne sont que trop menacez par les astres et par les opinions communes des hommes, ou par recompense que la nécessité ou l'ennuy forceront la dite Infante d'en prendre : quoy advenant, la dite royne d'Angleterre doibt considérer, par sa prudence, que l'erreur dernière seroit pire que la première, et que les inconveniens futurs seroyent plus à craindre que les passez, mesmes si les Estais succomboyent entre les deux; car, quelle seroit la puissance qui pourroit résister à celle-là par mer et par terre? Geste mesme maison d'Austriche s'augmente encores grandement en Allcmaigne, tant par le bon heur qui accompaigne l'Empereur du costé de la Hongrie et par la conqueste de Transylvanie, que le Vayvoda de Valachie a nagucres faicte soubs son nom, que par la mauvaise intelligence qui est entre les autres princes de la Germanie et la hardiesse que ceux de la dite maison prennent de renverser les loix du Landfrid, c'està-dire de la paix et liberté publicque, principallement contre ceux de la religion contraire à celle de laquelle ilz font profession, qui sont molestez ouvertement par l'archiduc Ferdinand en ses pays, desfavorisez et affoiblis par l'Empereur partout où il le peut faire ; choses que je vouldrois que la dite dame voulust considérer et peser, comme elles méritent, sur la resolution qu'elle veult prendre, non pour la divertir de la paix ([u'clle prétend faire, car vous luy protesterez que ce n'est point mon intention de ce faire, puisqu'elle juge qu'elle luy est nécessaire, mais affm de m'acquitter, par cestc rcmonstrance» de l'amityé (|ue je luy porte et confesse luy debvoir, et ne desfaillir aussy à l'interest que je y puis avoir, avec les autres i)rinces cliresticns, la priant du moings de considérer que je souhaitte que ses affaires ny celles de ses bons voisins n'en dépérissent. Ja dict-on que, à la faveur de la dite paix, les Espaignolz renforceront
Fcderic Spinola de vingt ou trente galleres, avec quoy ils tiendront cestemer en telle subjection, que l'on ne pourra plus naviguer que à leur mercy. Le comte de Fuentes, qui vient commander à Milan, a mené avec luy quatre ou cinq mil Espagnolz, pour passer en Flandres, pour renforcer ceux qui ysont,lesquelz se monstrent plus jaloux et soigneux d'y conserver et accroistre leur pouvoir, soit dedans les places ou en l'armée, qu'ilz n'ont jamais faict, se vantans publicquement d'y estre à l'advenir plus auctorisez que jamais. Exhortez doncques la dite dame de se conduire au faict de la dite paix, avec sa prudence et providence accoustumée, et l'asseurez qu'elle n'aura jamais ung meilleur, plus loyal ny plus asseuré frère, amy et voisin que moy. Je suis très àyse de l'ameliorement des affaires du comte d'Essex, car je voy que celles de la Royne s'en ressentiront, et désire que vou continuyez à me mander ce qui en succédera, comme de ce que vous apprendrez du costé d'Irlande et d'ailleurs, avec vostre accoustumée diligence. Au demeurant, les Estats des provinces unyes des Pays-Bas se sont enfin résolus de relascherles navires, qu'ilz avoyent arrestez à l'entrée du havre de ma ville de Calais, et de ne donner plus d'empeschement à l'advenir aux autres, dont j'ay grand contantement; car, s'ilz eussent continué, j'eusse esté contrainct de faire des choses pour y remédier, contre ma
volonté. Je prie Dieu,
HENRY
DE NEUF VILLE
Copie. — Bibl. nat., Ms. fr. 4128, fol. 156.
A MONSIEUR DE BOISSISE
Monsieur de Boissize, J'ay eu à plaisir d'entendre, par vostre lettre du vi'^ de ce mois, que j'ay receue le xviii", les propos qui
se sont passez entre la royne d'Angleterre, ma bonne sœur et cousine, et vous, tant sur le commandement que je vous avois faict de luy offrir ma ville de Bonlongne, et telle autre de mon royaume que bon luy sembleroit, pour faire l'assemblée et conférence de la paix qu'elle veult traicter avec le roy d'Espaigne et les Arclîiducz, que sur l'arrivée par delà de l'audiencier Verreichen, avec lequel je ne doubte point qu'ilz ne facent tout ce qui sera possible, pour advancer les affaires et les conduire jusques au poinct de la conclusion. Neantmoings, je sçay qu'ilz attendent d'Espaigne ung auditeur, nommé Fernando Garille, qui apporte les intentions et pouvoirs du roy d'Espaigne, sans quoy je n'estime aussi qu'ilz résolvent aucune chose. J'entends aussi que la dite assemblée est remise jusques après Pasques et croy, comme je vous ay escrit par mes dernières, qu'ilz y trouveront plus de difficultez qu'ilz ne se sont proposez, mesme au faict du traffic, du moins s'ilz veulent traicter en Espagne les subjectz de la Royne, après la paix, comme les miens en leur traffic d'Espagne. Car, soubs prétexte de la correspondance que mes dits subjectz ont avec les Hollandois et Zelandois, non seulement ilz les contraignent de baiRer caution de ne descharger en Hollande et Zelande, mesmes en Angleterre, les marchandises qu'ilz tirent d'Hespagne, mais aussi, comme ilz arrivent au dit pays, ilz saisissent souvent leurs marchandises et navires, soubs prétexte de la dite correspondance, qu'ilz leur imposent d'avoir avec les dits HoRandois et Anglois, sans en pouvoir avoir justice, encores que moy-mesmes je m'en sois plainct au dit roy d'Espagne; et vous diray que, s'ilz ne m'en font raison, à l'arrivée de par delà de mon ambassadeur, qui partira incontinent après Pasques, pour s'y acheminer, il faudra que je y pourvoye par autre voye. Mais j'estime que la Royne, ma dite sœur, et ses ofliciers seront si prevoyans et advisez, qu'ilz sçauront bien pourvoir à cela, faisant la dite paix, affin de n'en tumber en la peyne en laquelle je m'en trouve. Vous sçavez ce que je vous ay escrit par ma dernière, sur le subject de la dite paix, que je crains estre receu et interprété de la dite Royne en autre sens que ne mérite la sincérité de mon intention, recognoissant par ses actions et langages, et niesmes par celuy des Arclîiducz et de leurs ministres, qu'ilz
ont opinion que je veux traverser la dite paix, en sorte que je continue à désirer, si vous avez à leur parler de ces choses, que ce soit comme do vous-mosmos, par forme do discours. Il est certain que la flotte des Indos est arrivée on Espaigne chargée de quatorze millions d'or. Il y on a cinq millions au compte du roy d'Espaigne, ce qui a esté cause qu'ilz ont arrosté de faire payer en quatre mois le million d'or qu'ilz avoycnt destiné pour Flandres, lequel ne le debvoit estre que en six. Hz ont advancé aussi le partement du comte de Fouentes pour Milan, auquel ilz ont donné ung pouvoir extraordinaire, assavoir do commander h toutes les forces qu'ilz ont, tant au duché do Milan que en les autres estats d'Italye, et l'accompaignent de quatre ou cinq mil hommes de pied et d'ung fonds d'ung million ou doux d'or, ainsi qu'ilz disent. C'est pourquoy j'estime d'autant plus nécessaire que je m'achemine du costé de Lyon, pour faciliter l'exécution du traicté que j'ay fait avec le duc de Savoye, ainsy que j'espère faire, et, par mesme moyen, veoir si mon approchement de ce costé-là pourra favoriser le mariage qu'on vérité j'ay tousjours désiré faire avec la niepce du duc de Florence, lequel n'est pas encores plus advancé que cela, quoy que vous ayt dit la dite dame, laquelle en sçait ce que son ambassadeur luy escrit de ce qu'il s'en dit par la ville ; mais je seray bien ayse de sçavoir pourquoy et comment ilz vouldroyent traverser le dit mariage : partant mettez peyne d'en descouvrir les particularitoz, pour m'en advertir. Mais, laRoynovous a dit vérité sur le faictdes Jésuites*, et faut bien s'attendre de voir ung grand changement aux affaires du monde, puisqu'elle et moy, qui n'avons jamais aymé l'hu-
1. Le 6 mars, M. de Boissise écrivait au Roi, en lui rendant compte d'une conversation qu'il avait eue avec Elisabeth :
« La dite dame me dit aussy, que Vostre Majesté vouloit remettre les Jésuites en son royaume et qu'il failloit se deffier d'eux, comme elle feroit de l'Ar chiduc, qu'elle avoit entendu estre jésuite en l'ame. Je luy diz que l'on ne m'avoit rien mandé louchant les dits Jésuites, lesquelz, à la vérité, tenoyent une opinion dangereuse pour beaucoup de princes, assavoir que la Chrestienté ne scroit jamais paisible ny bien gouvernée, qu'elle ne fust reduitte soubz une seule monarchie, de laquelle ilz estimoycnt le seul roy d'Espagne digne, et, pour l'interest que l'Archiduc pouvoit avoir en sa grandeur, il pourroit bien estre de l'avis des Jésuites. » (Bibl. nat., Ms. fr. 4128, fol. 152.)
meur de telles gens, commançons à les voulloir restablir et favoriser, elle d'une façon, par la paix qu'elle veut faire avec l'Archiduc, qui a pris nourriture avec eux, et moy d'une autre, pour contanter le Pape, auquel j'ay très grande obligation. Toutesfois, les choses n'en sont pas encores plus advancées de mon costé que cela, et en feray ce que Dieu me conseillera, tant pourl'advancement de sa gloire que pour le bien de mes affaires. Continuez à m'advertir de ce qui surviendra, et mesmes du faict du comte d'Essex, la submission duquel envers la Royne ne luy a deu estre desaggreable, luy ayant de tout tempz voué et rendu tant de fidélité et service qu'il a fait, encores que son innocence l'en deust avoir excusé ; mais, qu'il faille qu'il obtienne sa liberté par l'entremise de ses ennemis ou haineux, c'est une espèce de punition dure à supporter à ung cœur généreux et innocent, tel que est celuy du dit comte, lequel toutesfois fera très sagement de s'accommoder en tout et par tout à la volonté de sa souverayne. Je prie Dieu, Monsieur de Boissize,
HENRY
DE neufvillb:.
Copie. — Bibl. nat., Ms. IV. 4128, fol. 158 v».
A MONSIEUR DE BOISSISE
Monsieur de Boissize, J'ay appris, par vostre lettre du xv*' et xxii" de cji mois, le bon accueil et traictement que a receu par delà l'audientier Verreichen, avec ce que vous avez peu descouvrir de sa négociation, et, combien qu'il semble qu'ilz soyent <*ncor loing de compte pour s'accorder et que je ne doibve faire grand fondement de ce qui a esté traicté, neantmoins nous ])ou-
lao PIÈCES JUSTIFICATIVES.
vons recognoistre et juger, par tel eschantillon, quel est le but des contractans. (3r, la Royne ne peut consentir et accorder que leur alliance soit offensive et deffensive, qu'elle ne s'oblige à faire la guerre contre les Estats, ny que je n'aye juste occasion de m'en plaindre et remuer, encores que je sois en paix avec les uns et les autres, s'il n'est expressément escript, par le traitté qu'ilz feront, que ce sera sans préjudice des traittez et alliances qu'ilz ont contractées avec moy et ma couronne : partant, il sera bon d'y penser d'heure et de s'en esclaircir, mesmes avec la dite dame. Vous luy pourrez dire que vous avez esté adverty de la demande que en a faicte le dit Verreichen, laquelle l'ambassadeur de la dite dame, lequel est député pour se trouver en leur assemblée, nous a dit estre véritable; mais, il a voulu quand et quand me faire croire que sa maistresse se gardera bien de s'y engager, ny de rien faire au préjudice de ses antiens amis : toutesfois, faictes la parler sur ce poinct, affm qu'elle n'aye occasion de s'excuser de ce qu'elle fera, par faulte d'avoir esté advertie de mon interest à tempz. Mais comment peut-elle promectre de rendre l'entrée du port de Dunquerque libre, sans faire la guerre aux Estats? Je ne puis croire que la dite dame s'oublie tant que de le faire, d'autant, comme vous dittes sagement, qu'elle se mettroit la corde au col et faciliteroit sa ruine. Il me semble aussy que je ne luy ay donné tantd'argumens d'umbrage, qu'elle doibve se précipiter de ceste manière, et veux espérer qu'elle prendra meilleur conseil, quand il sera question de fondre la cloche : il est vray que j'ay grande deffiance de ses ministres et conseillers, car ilz se monstrent trop partiaux pour la dite paix, peult-estre avec plus de passion que de jugement. Le dit ambassadeur d'Angleterre m'a bien dit que la dite dame avoit renvoyé Edmont à Bruxelles, mais il ne m'en a dit le subject, ny plus particulièrement ce que a traitté Verreichen : toutesfois, j'estime qu'il sera difficille que les Espaignolz et les Anglois s'accordent, si ung tiers ne s'en mesle, estans ces deux nations du naturel qu'elles sont. Continuez à m'advertir de ce que vous en apprendrez. Partout où les Angloix rencontrent maintenant en mer mes subjectz, ils les rançonnent ou les jectent dedans la mer, mesmes en la mer de Levant, dont j'ay de nouveau receu plusieurs
plainctes, dont toutesfois je ne suis pas d'advis que vous faciez grand bruit par delà; car aussy bien ne vous en feroit-on justice, et n'ay voulu, pour ceste considération, en faire parler icy au dit ambassadeur : peult-estre que le tempz me donnera quelque moyen d'y pourveoir. Vous m'avez escrit ce que ont faict les Vénitiens, dont toutesfois le sieur de Villiers ne m'a rien escrit, par sa dernière depesche, qui est assez fraische. Mais, c'est bien une imposture et malice très grande d'avoir dit à l'anibassadeur du roy d'Escosse ce que vous m'avez escript, par vostre première susdite lettre; car, il est certain que c'est chose à laquelle je n'ay jamais pensé, et, comme vous luy avez très bien respondu, luy a esté dit exprès, pour abuser son maistre : j'estime aussy qu'il en fera peu de compte. Continuez à m'advertir des deportemens du dit roy d'Escosse, et pareillement des discours et jugemens communs que l'on faict par delà de la susdite paix, et sur quoy se fondent ceux qui ont opinion qu'elle engendrera une guerre civille. Je ne fay pas estât d'envoyer enAngleterre, pour l'ordre de la Jarretière, suyvant l'advis que vous avez donné par deçà : toutesfois, si vous estimez qu'il soit à propos que j'advance ce compliment, mandez le moy et voz raisons sur ce. C'est chose que je feray volontiers, si vous l'estimez nécessaire, pour les affaires du comte d'Essex; car, je l'affectionne tant, que je n'espargneray rien pour le favoriser; mais aussy, prenez garde que je ne luy face plus de mal que de bien, et m'en escripvez bien particulièrement vostre advis. Lendit ambassadeur de la dite Koyne m'a faict deux plainctes contre ceux de La Rochelle, sur les deux ordonnances dont je vous envoyé des dupplicata, avec la présente. J'ay commandé estre escript aux magistratz de la dite ville, pour sçavoir pourquoy ilz ont faict les dites ordonnances, affin d'en ordonner après avec plus de lumière. Ce sera tout ce que vous escripray par la présente, priant Dieu, Monsieur de Boisi?ize,
HENRY
DE NEUFVILLK.
Copie. — Bibl. nat., Ms. fr. 4128, fol. 161 v».
A MONSIEUR DE BOISSISE
Monsieur de Boissize, J'ay considéré les propoz que vous a tenuz le sieur Gecil, sur les propositions de l'audientier Verreichen, que vous m'avez représentez par vostre lettre du dernier jour du mois de mars, que j'ay receue le x*' du présent, ensemble la response que vous y avez faicte, que j'ay trouvée très bonne et l'opinion que vous avez du succez du traicté de paix, que le roy d'Espaigne et les Archiducz prétendent faire avec la royne d'Angleterre, ma bonne sœur et cousine, l'ambassadeur de laquelle me vint trouver, il y a quatre jours, lequel me dit le mesme de la négociation du ditVerreichen, que a faict à vous le dit Gecyl. Après, il me parla du payement des deniers, que je doibs à samaistresse, et du renouvellement des traictez, que la couronne de France a avec celle d'Angleterre, prétendant que celuy qui fut faict du tempz du feu roy Charles, l'an 1572, n'est en vigueur, tant pour n'avoir esté depuis accomply et observé, que pour ce que je n'ay dénoncé à la dite dame, dedans l'an de la mort du feu Roy dernier decedé, par lettres expresses ny par mon ambassadeur, d'accepter le dit traicté et le voulloir observer, comme il est porté par le iii'^ article d'iceluy. Il me requit aussy de defîendre à mes subjectz d'aller servir les ennemis de ma dite sœur, et pareillement de transporter de France et d'ailleurs en Espaignedes armes, munitions, artillerie, pouldre et autres choses semblables, disant qu'il desiroit estre esclaircy de ma volonté sur ce que dessus, affm d'en rendre compte à la dite dame et à ceux de son conseil, qu'il debvoit trouver à Bolongne, où sa souveraine luy avoit commandé de se rendre, au tempz que Edmont conviendroit avec les Archiducz, pour assister en la négociation de la paix qui s'y debvoit faire, en qualité de
député de sa part , et, comme il n'attendoit plus que des nouvelles du dit Edmont pour partir, qu'il estimoit debvoir arriver d'heure à autre, il me supplioit luy déclarer au plus tost ma volonté sur les dits poinctz, me monstrant que la dite dame jugeroit de Testât qu'elle debvoit faire de mon amitié par ma response, pour se conduire après selon icelle au traicté, duquel elle estoit poursuyvie par les dits roy d'Espaigne et Archiducz, du succez duquel il me donna assez d'occasion de penser qu'il n'avoit pas trop bonne opinion. Je luy dis sur le champ plusieurs choses, pour luy donner occasion de s'asseurer de l'affection que je porte à sa maistresseet au bien de ses affaires, fondée sur les obligations que je recongnois luy avoir, desquelles je luy dis que je ne perdrois jamais la mémoire, et sur nostre commun et réciproque interest àl'entretenement de nostre amityé et alliance, pour laquelle je luy avois souvent dit, comme je vous avois'aussy commandé par plusieurs fois de le déclarer à sa maistresse, que je serois tousjours prest, non seulement de raffraischir noz antiens traictez, mais aussi de les augmenter et rendre plus favorables et exprès, pour le commun bien de noz affaires, quand elle trouveroit bon de le faire ; que je luy confirmois encores cela mesmes et que je m'efforcerois luy donner, aux autres poinctz qu'il m'avoit représentez, tout le contantement qu'il me seroit possible, adjoustant que si elle cognoissait que la paix avec les dits roy d'Espagne et Archiducz luy debvoit estre utille, que je serois très ayse qu'elle se feist et la favoriserois volontiers de tout mon possible; seullement, je desirois que sa maistresse et luy creussent qu'elle ne contracteroit jamais amityé avec prince duquel elle receust plus de fraternité et de service qu'elle fera de moy, tant que je vivray; et, pour conclusion, je dis au dit ambassadeur (ju'il baillast ung mémoire au sieur de Villeroy des poinctz qu'il m'avoit proposez, affm de les mieux considérer; lequel il luy porta deux jours après, en la forme que vous verrez, parla coppie d'iceluy que je vous envoyé, et luy répéta quasi les mesmes propoz qu'il m'avoit tenuz. Le dit sieur de Villeroy luy demanda s'il proposoit les dits poinctz, mesmes celuy du renouvellement des dits traictez, seulement de luy-mesmes, pour estre i^sclaircy de mon intention, ou avec charge de sa maistresse, d'autant que
l'on no vous en avoit point parlé par delà. Il luy déclara que c"ostoit par connnandoment exprès, qu'il luy en avoit esté faict de la part de la dite dame, et vouUut aussy faire cognoistre au dit sieur de Villeroy, comme il avoit faict à moy, que, si le dit roy d'Espaigne et Archiducz ne moderoyent les demandes que Verreichen avoit proposées et ne s'accommodoyent aucunement à celles de la dite dame, il ne falloit pas espérer qu'ilz tumbassent d'accord. Or, quand, d'ung costé, je considère le peu de compte que la dite dame et les siens ont faict de mon amitié, au contraire, la jalousie qu'elle a monstre avoir de moy et de la prospérité de mes affaires, non seulement depuis, mais encores devant la paix de Vervins, j'ay occasion de croire que le dit ambassadeur ne m'a tenu ce langage que pour me faire parler et se prevalloir de ma response, pour favoriser, ou pour causer et couvrir le dit traicté, qu'elle pretendoit faire avec les autres, mesme voyant qu'elle ne vous en a rien dit ny faict dire par delà, et aussy qu'elle et les siens ont mesprisé, comme vous sçavez, depuis un an, le renouvellement des ditz traittez. D'ailleurs aussy, quand je considère et examine les interestz que a la dite dame en ce traicté, les difficultez des conditions d'iceluy et l'incertitude de l'observation des dites conditions, quand ilz seront d'accord, les périls où se met la dite dame sur ses vieux jours, en abandonnant lesEstatset changeant d'alliance, pour s'attacher à la maison d'Espaigne desguisée et couverte du nom de celle de Bourgongne (car, on tient aujourd'huy pour tout certain que le dit roy d'Espagne n'aura point d'enfans et mesme qu'il ne vivra pas longtempz), le peu d'utilité que la dite dame tirera du dit accord, mesmes pour le commerce de ses subjectz, à cause de la diversité de la religion, joinct qu'il n'y a rien qui presse la dite dame de faire ce marché, ayant la France pour amye, comme elle a, et s'en peut encores asseurer davantage, en tenant en pied les dits Estats, je m'imagine volontiers qu'elle pourroit, comme elle debvroit, avoir changé d'advis en mon endroict, d'autant plus qu'elle void les affaires des dits Archiducz au Pays-Bas prendre un assez mauvais chemin. Sur cela, je veois discourant le bien et advantage que ce nous seroit, à tous deux, de nous rallier et joindre ensemble mieux que jamais, pour asseurer noz Estats
LETTRES DE HENRI IV. \r6
et fortunes, et combien, en ce faisant, nous seroit facile de nous passer de l'amityc des autres, soyt que nous voulions entretenir ou faire la paix avec eux, car ilz nous en estimeroyent davantage : ce qui m*a transporté si avant, que j'ay voulu vous commander, par la présente, de vous esclaircir avec la dite dame de ses intentions sur les dites propositions, luy disant, si elle vous en a donné subject, que, si elle veut que nous contractions à bon escient ensemble une nouvelle alliance, je suis tout prest d'y entendre et luy donner occasion d'estre contante de moy et de s'y fier plus que jamays, estant résolu, selon sa responce, de vous envoyer ung pouvoir pour ce faire et mesme faire passer par delà ung personnage de qualité, pour auctoriser davantage le dit traicté; mais, je seroys marry qu'elle prist opinion que je misse cecy en avant, pour rompre celuy qu'elle prétend faire avec les autres, car, en vérité, ce n'est mon but, encores que je ne vous veuille celer que je ne suis content de la recherche que a faicte le dit Yerreichen de la susdite alliance offensive et deffensive, qu'il a proposée de par delà, sur les antiennes faictes entre la maison d'Angleterre et de Bourgongne, d'autant qu'il me semble que cela me regarde plus que nul autre, de sorte que je me sens fort attenu à la dite dame de la responce qu'elle luy a faicte, et, quand elle ne s'accordera avec eux, je ne m'en plaindray à personne ; et d'autant plus me suis-je senty offensé de la dite proposition des dits Archiducz, qu'ilz me l'ont celée; car, il me semble qu'il n'estoit pas raisonnable qu'ilz le feissent, mesmes si freschement après en avoir contracté une avec moy, laquelle ilz protestent tous les jours de voulloir observer. Doncques, je désire que vous parliez de cecy'à la dite dame, de telle sorte qu'elle reçoipve ma bonne volonté et l'interprette comme elle mérite, qui y est, soit qu'elle rompe ou non avec les autres, que je suis prest de traicter avec elle quand elle vouldra. J'ay advisé, faisant le dit renouvellement, que nous pourrions resouldre et convenir aussy de la forme ot des termes du remboursement de l'argent que je luy doibs et, par ce moyen, l'en rendre asseurée, et vous diray que, en ce cas, je ne feroy difticulté de m'obligor à luy payer, par chascun an, jusques à cinquante, voire jusques à cent mil escuz, à deux ou trois termes,
jusques au remboursement entier de la dite debte. Monsieur de Boissizo, je vous descouvre et confie le tout, à mon honneur et advantage, comme je vous prie de faire et me faire sçavoir au plus tost la resolution de la dite dame. Je faiz compte de faire passer vers elle le commandeur de Chastes, pour satisfaire à ce que je doibz, pour l'ordre de la Jarretière, duquel je pourrois me servir avec vous à faire le dit traicté; ou bien, pour honorer davantage la dite dame, je deputerois encores quelque autre de plus grande qualité, dont vous me manderez vostre adviz promptement, affin que je le recoipve, devant que je m'eslongne de ce pays, duquel je fais estât de partir, le vi*' du mois prochain, pour m'acheminer à Lyon. Continuez aussy à m'escrire des nouvelles du comte d'Essex et de la guerre d'Irlande, et vous resjouissez avec elle du bon succez d'icelle. Je prie Dieu, Monsieur de Boissize,
HENRY
DE NEUFVILLE
Copie. — Bibl. nat., Ms. fr. 4128, fol. 166 vo.
A MONSIEUR DE BOISSISE
Monsieur de Boissize, Vous aurez appris, par la depesche que je vous ay faicte par le courrier Picault, l'élection que j'avois faicte du commandeur de Chastes, pour s'acheminer par delà et satisfaire à ce que l'on y désire de moy, pour le faict de l'ordre de la Jarretière, de sorte que la chose n'estoit plus en son entier, quand j'ay receu la vostre du xu^ de ce mois par ce porteur, joinct que le tempz eust esté trop brief, pour faire préparer et partir celuy duquel vous avez escript au sieur de Villeroy, que
l'on eust esté bien ayse par delà que je me fusse servy en ceste occasion, pour s'y rendre au temps prefix par vostre dite lettre. Partant, ce sera le dit commandeur qui l'exécutera, auquel j'envoyeray, dès demain, la depesche nécessaire \ affm qu'il ne face faulte de se rendre par delà, ung jour ou deux devant la feste de la sainct Georges : de quoy vous advertirez la Royne, ma bonne sœur et cousine , affm qu'elle donne ordre qu'il y soit receu dignement. J'ay trouvé, avec l'extraict des statuts du dit ordre, que vous nous avez ci-devant envoyé, une forme de serment que les chevaliers doibvent faire, et, parce que j'en feiz ung, quand je receus le dit ordre, je n'estime pas qu'il soit besoing que le dit commandeur en face ung nouveau pour moy, et d'autant plus que l'article des dits statuts, que vous m'avez envoyé, n'en fait aucune mention. En tout cas, je vous envoyé ung double du dit serment que je feiz, lorsque je receus le dit ordre, pour le représenter par delà, affm de me descharger d'en faire ung second, s'il est possible, sinon, vous reigler sur iceluy, si c'est la coustume de prester encores ung autre serment, affin d'y faire comprendre les exceptions portées par le premier, pour la descharge de ma conscience et la conservation de ma dignité, dont vous traicterez et conviendrez, avec les officiers et suppostz du dit ordre, sans attendre l'arrivée du dit commandeur, affm qu'il trouve ceste difficulté vuidée. Je l'advertiray du commandement que je vous en fais et luy envoyeray des doubles de l'ung et l'autre serment, et pareillement de l'article des dits statutz que vous nous avez envoyé ; mais, je vous repeteray que je n'estime pas qu'il soit nécessaire de réitérer le dit serment , s'il n'est expressément ordonné par leurs dits statutz : c'est chose aussy que nous ne pratticquons en l'ordre de Sainct-Michel, ny en celuy du Sainct-Esprit. Vous advertirez par lettres le dit commandeur de tout ce que vous jugerez estre bon qu'il sache et face, pour accomplir sa charge plus honorablement, en attendant que vous le voyiez, et vous recommande ceste action, comme chose (pii importe à mon honneur et à ma dignité. Après avoir faict partir
1. La lettre du Roi, qui accrédite lo gouverneur de Dieppe auprt»8 d'Élisa- »)eth, ent du 20 avril et a été publiée dans le Reruril des lettres missives (V, 222).
i38 PIÈCES JUSTIFICATIVES.
le dit courrier Picaut, je feiz tenir à l'ambassadeur do la dite dame, par le dit sieur de Villeroy, les mesmes propoz que je vous ay escriptz par luy, pour responce à la proposition qu'il m'avoit faicte, sans toutesfois luy spociffior la somme de cinquante ou cent mil escuz, mentionnée par ma dite lettre, ny autre, mais seulement qu'il seroit advisé et convenu, entre ceux que la dite Iloyne et moy commettrions pour traitter le renouvellement de nostre alliance, quelle somme ,de deniers seroit celle que je luy payerois, par chascun an et à quelz termes, sur ses debtes, jusques au payement entier d'icelles. Le dit ambassadeur fit contenance et déclaration d'estre fort content de ma dite responce, pour le regard du dit renouvellement, et de la forme d'asseurer, par le traicté qui seroit faict d'iceluy, le dit remboursement, mais il eust voulu que je l'eusse esclaircy, dès à présent, quelle somme j'ay desliberé faire payer ceste année à la dite dame, sans le remectre à la conclusion du dit traicté, m'ayant représenté sur ce plusieurs raisons et considérations importantes au contantement de sa maistresse et à ses affaires, que j'ay jugées en vérité si pertinentes, que, si j'avoys moyen de luy faire fournir quelque notable somme, aussy bien que je ne l'ay pas, je y eusse volontiers acquiescé et satisfaict; mais, estant combattu de l'impossibilité, laquelle certes est sans fard et desguisement, j'ay advisé de luy faire dire, sur la recharge et instance qu'il en a faicte, de bouche et encores par escript, ainsy que vous verrez par le double d'iceluy que je vous envoyé, que je désire avoir responce àladespeche que je vous ay faicte, par courrier exprès, sur la proposition qu'il m'avoit faicte de renouveller nos dits traictez, devant que de m'eslargir davantage sur ce poinct, et ay pris cest expédient, pour ne l'esconduire du tout, ou pour n'avoir de quoy mieux faire, dont j'ay estimé vous debvoir advertir, affin que vous sçachiez comme il en va. A quoy j'adjousteray, parlant à vous confidemment, comme à mon serviteur très fidelle, que, si la royne d'Angleterre s'attend de tirer de moy quelque somme notable comptant, en faisant le susdit traicté, et qu'elle ne le veuille conclurre sans cela, il me sera impossible de le faire présentement, tant je suis surchargé de despenses extraordinaires, ceste année, et ay besoing de penser à mes affaires, principalle-
ment jusques à ce que le duc de Savoye ayt effectué nostre accord, dont l'on parle incertainement et diversement, encores que ses gens qui sont icy continuent m'asseurerque il nemancquera à ce qu'il m'a promis. Or, Monsieur de Boissize, vous adviserez à vous conduire envers la dite Royne, en ceste occasion, le mieux que vous pourrez, pour le bien de mon service, qui requiert, en vérité, que je m'asseure de Tamityé de la dite Royne plus tost que plus tard, pour les raisons que je vous ay escriptes par le dit Picault, mais non que je m'oblige à payer ceste année la dite somme notable, car je n'ay moyen de le faire, sans m'incommoder par trop. Voilà tout ce que je vous escriray pour ce coup, priant Dieu, Monsieur de Boissize,
HENRY
DE NEUFVILLE
Copie. — Bibl. nat., Ms. fr. 4128, fol. 170 v». A MONSIEUR DE BOISSISE
Monsieur de Boissize, Vous ne pouviez mieux ny plus sagement, selon mon intention, représenter à la royne d'Angleterre, ma bonne sœur et cousine, lescommandemensque je vous avoys faictz, par mes précédentes lettres, que vous avez faict, ainsy que j'ay veu par les vostres des xvi° et xxvi°du moisd'apvril, que j'ay reccues, assavoir la première le dit xxvi' et la dernière le premier jour du présent, et si sa response à vostre première remonstrance m'a deu contanter, comme véritablement elle a faict, celle qu'elle a faicteà l'autre a fait tout le contraire, et, me doublant aucunement de cela, j'avois exprès attendu ceHe-cy, devant que vous escriro mon advis sur l'autre; car, j'ay depuis quelques années
remarqué tant de variété et d'inconstance aux volontez et langages de la dite Royne, en tout ce qui m'a concerné, que je n'y ay peu asseoir aucun fondement solide; et plus j'ay demonstré chérir son amityé, moings elle a faict de compte de la mienne, ayant pris ma franchise pour desguisement , mesprisé toutes choses venantes de moy et souvent blasmé mon silence et ma longanimité, quand j'en ay voullu user, pour ne la fascher et importuner. Elle commança de se conduire ainsy, après qu'elle m'eust envoyé son ordre, l'an 1596, ayant icy pour ambassadeur Mildemay, lequel faisoit profession d'interpréter ma bonne foy selon son sens. Il me souvient qu'estant à Rouen, la dite année , je luy feis voir l'original d'une depesche du feu roy d'Espaigne addressante au duc de Sesse, son ambassadeur à Rome, qui estoit tombée entre mes mains et avoit esté deschiffrée par Ghoirin, par laquelle nous descouvrismes que le dit Roy estoit dès lors resollu de faire la paix avec moy et plustost me rendre toutes mes villes, s'il ne pouvoit l'obtenir autrement, tant il recognoissoit qu'elle luy estoit nécessaire ; et je luy feiz dire que je n'avois aucune envie d'entendre à la dite paix, si sa maistresse vouloit que nous feissions ensemble à bon escient la guerre aux Pays-Ras, pour en chasser les Espagnolz, et, pour ce faire, que nous joignissions noz forces et moyens ensemble, affin que nous peussions faire de plus grands exploictz, comme, en vérité, il nous eust esté facile de faire; mais, le dit Mildemay s'imagina que la dite lettre estoit supposée, pour abuser sa maistresse, de quoy il abbreuva la dite Royne, de façon que non seullement elle mesprisa l'advis, mais aussy reffusa du tout la conjonction de noz forces et employa le comte d'Essex ailleurs. Sur cela, la ville d'Amyens fut surprise, la perte de laquelle, avec les munitions de guerre qui estoyent dedans, m'osta le moyen de pouvoir entreprendre autre chose que le recouvrement d'icelle. J'envoyay lors feu Foucquerolles vers la dite Royne, par lequel je luy feiz offre, si elle voulloit m'ayder de son armée, qui estoit lors preste à faire voille, pour reprendre la dite ville d'Amyens, que je m'obligerois à elle de luy ayder après à reprendre la ville de Calais, et, icelle prise, luy en deslaisser la garde, par forme d'engagement, jusques à l'entier remboursement de tout ce que
LETTRES DE HEiNRI IV. 141
je luy debvois; à quoy elle refusa encores d'entendre et se contanta de renforcer quelques compaignies de gens de guerre à pied, qu'elle avoit envoyées à mon secours, pour m'assister au siège de la dite ville ; après lequel, estant poursuyvy et pressé de la part du Pape, et pareillement de la pauvreté et nécessité publicque de mon royaume, d'entendre à la dite paix, j'en advertiz la dite Royne, de laquelle je ne peux tirer que toutes incertitudes, et, d'autant que vous sçavez comment je me suis comporté envers elle et ses serviteurs sur ceste occasion, je ne vous en feray reditte. Enfin, je luy avois réservé place en la dite paix, si dès lors elle eust voulu y entendre, et ne me suis obligé par icelle d'abandonner son amityé ; au contraire, j'ay tousjours desclaré ouvertement que je voulois la conserver chèrement et, quand on a estimé qu'elle debvoit estre assaillie, je luy ay faict offre de mon assistance et ay voulu que le roy d'Espaigne et ses ministres le sceussent, tellement que je puis dire l'avoir exceptée par effect des obligations du dit traicté, ne l'ayant peu faire par escript, puisqu'elle estoit en guerre ouverte avec le dit roy d'Espaigne et qu'elle ne voulloit estre comprise en iceluy : qui est tout ce qu'elle pouvoit justement attendre de moy, dont je suis très marry qu'elle n'est mieux ediffiée. Depuis la dite paix, il m'a esté souvent parlé par son ambassadeur, et à vous par delà par ses ministres, de renouvellernoz traictez,et sçavez avec quelle challeur et affection je m'y suis tousjours disposé et pareillement ce qui en a retardé et empesché l'exécution. Son ambassadeur m'en ayant nagueres renouvelle le propos, j'estimois faire chose qui luy fust aggreable, de l'embrasser des deux mains, comme j'avois faict : toutesfois, je reconnois, à mon grand regret, que, au lieu de faire de mesme, elle attribue le tout à art, comme si j'en avois ainsy usé, pour m'excuser de luy payer ce que je luy doibs. C'est l'opinion que luy a donnée son ambassadeur, laquelle a facillement trouvé place en son esprit ja préoccupé de semblables : certes, j'en suis très desplaisant, tant pour l'affection que je luy porte, que pour recognoistre combien il nous importe de nous maintenir en bonne intelligence et confédération. Je confesse aussy que je doibs recognoistre les plaisirs qu'elle m'a faictz en ma nécessité et surtout la faire rembourser
de l'argent qu'elle m'a preste ; je le veux faire aussy de bonne foy et n'ay rien plus à cœur que d'y satisfaire, mais je ne puis faire l'impossible, ny obmettre à faire ce que je doibs à la conservation de mon Estât, pour la contanter; moings encore m'y resouldrois-je, à force de reproches et de mespris, quand elle m'y vouldroit porter par telles voyes. Si elle estime si peu mon amityé, qu'elle n'en attende autre fruict que celuy du commerce, que doibs-je espérer de la sienne, mes subjectz estans si mal traictez par les siens, par tout où ilz les trouvent et abbordent en mer et en terre? Je couvre et dissimule, tant que je puis, leurs plainctes, quoy que justes et pitoyables, non pour autre consydcration que pour ne donner prise à personne contre ma gratitude et la bonne volonté que je porte à la dite dame. Vous sçavez ce qui en est : au contraire, elle et les siens recherchent et embrassent toutes sortes d'occasions de querelles avec moy, et m'avez mandé qu'elle s'est de nouveau plaincte à vous des injustices que recoipvent ses subjectz en mon royaume; à quoy j'eusse pourveu, si son ambassadeur m'en eust parlé, encores que j'aye toute occasion de me doulloir et ressentir du traictement que vous sçavez qu'ilz font aux miens. Mais, il semble que le dit ambassadeur réside icy, plustost pour espier les occasions d'irriter sa maistresse contre moy et altérer nostre bonne intelligence, que la mesnager et entretenir, encores qu'il veuille que je croye le contraire; mais, je recognois bien que c'est luy qui l'a altérée et esmeue, sur la dernière proposition que vous avez eu charge de luy faire. J'ay veu aussy le mémoire de Gonstantinople qu'elle vous a baillé, du contenu duquel ung secrétaire de mon ambassadeur résidant en Levant, arrivé icy depuis huict jours, avec ung de mes drogmans, m'a déclaré n'avoir rien sceu, quand il estparty du pays : toutesfoiz, je ne laisseray de faire sçavoir à mon dit ambassadeur ce qui m'en semble, et veulx croire aussy que la dite Royne contiendra celluy qui la sert par delà en tout debvoir ; car, s'il continue à mal parler de moy et à voulloir entreprendre sur ma bannière, je ne l'espargneray aucunement, si la dite dame n'en faict justice, comme je l'en ay faict requérir; car, je n'endureray point que telles gens s'oublient ainsy en mon endroict. Mais, pour revenir à nostre poinct^ je vous diray doncques
que j'ay observé que, plus j'ay recerché d'ainityé la dite royne d'Angleterre, plus elle s'y est monstrée difficille, non que je croye qu'elle veuille rompre avec moy, pour les raisons que voussçavez qui la doibvent divertir de ce faire, mais parce qu'elle et son conseil sont ainsy irrésolus en toutes choses. Considérez comment la dite dame vit et se gouverne avec tous ceux avec lequelz elle faict profession d'amityé, ou de la voulloir faire? Or, je suis d'adviz que vous la laissiez reposer et dormir, sur l'ouverture que vous luy avez faicte, combien qu'il m'est impossible, ceste année, de trouver de l'argent pour la contanter, car j'ay destiné tout celuy que je doibs recepvoir ceste année. Davantage, tant que je seray incertain des effectz de la volonté du duc de Savoye, il fault que je contregarde les moyens que j'ay, pour m'en servir en ceste occasion , si je suis contrainct de me prevalloir d'autres , que ceux desquelz je suis tombé d'accord avec luy. Il fault, outre cela, que je renouvelle l'alliance des Ligues, de laquelle si je faulx ceste année de m'asseurer, j'y recouvriray après difficilement. Davantage, je suis en termes de me marier, ce qui me constituera en de très grands frais, qui doibvent estre tous presens, et les commoditez que je doibs espérer du dit mariage ne sont ny si présentes ny encores si asseurées, que j'en puisse disposer pour le présent. Je voulois, en renouvellant noz traictez, m'obligera payer mes debtes par termes, ainsy et pour les sommes que je vous ay escriptes : c'estoit sa seureté , comme vous luy avez sagement remonstré, laquelle elle a refusée, à mon advis, pour celuy de son dit ambassadeur. Si elle veut renouveller nostre dite alliance, sans qu'il soit faict mention du dit remboursement, je le trouve très bon, et luy direz, quand elle vous en parlera, que je suis tout prest d'y entendre ; mais, ne l'en pressez pas davantage et, comme vous avez dit à Gecil, une déclaration sur cela ne seroit suffisante. Il fault doncques, puis qu'ilz m'y ont convié, que nous traiclions de nouveau, ou bien que les choses demeurent en Testât qu'elles sont; car, il fault pourveoir à noz marchans, qui trafficquent par delà, lesquelz sont, par le traicté de l'an 1572, traictez trop inegallement, au respect des siens. Je ne trouve pas bon aussy que nous traictions secrettement et par noz ambassadeurs, comme il vous a esté
proposé, parce qu'il sert à la dite dame, comme àmoy, que noz voisins sçachent la continuation etasseurance de nostre alliance, affm qu'ilz en prisent et estiment davantage la nostre. Si doncques la dite dame a envie d'y entendre, faictes luy connoistre que je désire que nous y procédions par députez, et l'asseurez que je ne feray difficulté de faire passer la mer aux miens, pour aller traicter auprès d'elle, comme ont faict les Espaignolz : toutesfois, il ne sera que bon que nous esbauchions devant les affaires par noz ambassadeurs, afiin de ne nous engager, que nous ne sçachions par où nous en pourrons sortir. Je vous avois escript que je m'efforcerois de payer à la dite dame cent mil escuz par an, en renouvellant nostre dite alliance : je vous asseure que c'est tout ce que je puis faire, soyt que je m'y oblige par traicté ou par promesse particulière, l'ung ou l'autre m'estans indifferens, encores que je n'ignore le desadvantage de la première forme; mais, je désire tant contanter la dite dame et me bien rallier avec elle, que je passeray par dessus cela, pour avoir sa bonne grâce et si, avec ce moyen ou sans iceluy, vous ne pouvez espérer de traicter avec elle, advisez d'en entretenir doucement la pratticquc, en attendant ce qu'elle fera avec les autres, et si je pourray point recouvrer quelques autres meilleurs moyens de luy complaire, lesquelz je rechercheray cependant, tant qu'il me sera possible ; car, en vérité, je n'ay aucune envie de rompre avec elle, quand ce ne seroit que pour nostre commune réputation. 11 fault que je parte ce mois, pour me rendre à Lyon au commancement de l'autre, à cause du marquizat de Salluces; car, encores que les gens du duc de Savoye m'asseurent qu'il me contantera, toutesfois je m'entiendray certain que je n'aye mon compte. Mon desplaisir sera de m'esloigner de ces quartiers, devant la conclusion du traicté qui se doibt faire à Bolongne et d'avoir renouvelle le mien avec la dite dame; mais, je n'y puis remédier, puisque c'est chose qui despend de sa volonté comme de la mienne. J'ay bien considéré ce que vous m'avez représenté, par l'une de vos dites lettres, sur l'establissement d'ung successeur à la dite dame, et recognois que vous avez raison de désirer et me conseiller que je y aye part, comme j'espère qu'il succédera, moyennant que je remette
et maintienne mon royaume en Testât qu'il doibt estre, sans qu'il soit besoing nyque je veuille pour cela faire des pratticques, ny aller au devant de la marchandise ; mais, je trouve bon, si nous traictons, que ce soit aussy bien avec le royaume que avec la Royne, pour les raisons que vous m'avez escriptes : partant, il faudra en avoir souvenance , quand nous en viendrons là. Continuez cependant à observer les actions des ungs et des autres et, sans vous déclarer partial, sinon contre la menée en cela de la maison d'Austriche, asseurez de mon amityé et assistance le party qui aura la justice pour luy, prenant garde à vous gouverner en telz cas, qui sont très chatouilleux, de façon que la dite dame n'ayt occasion de s'en offenser et de croire que je veuille, comme les autres, bastir sur son tombeau ; car, aussy, n'est-ce point mon intention , luy souhaittant autant de santé et longue vie que pour moy-mesmes. Prenez garde pareillement aux mouvemens, qui se prépareront et feront dedans son royaume, en cas qu'elle face la paix aux Hespaignolz; car, j'ay bien opinion que ce changement en engendrera d'autres, qu'elle ne peut maintenant prévoir ny pourra éviter à l'advenir, et vous souvenez de me mander ce que faict le comte d'Essex, et comment il se sera traicté. Je m'attens sçavoir, par voz premières, quel accueil ilz auront faict par delà au commandeur de Chastes, et comment il se sera acquicté de sa charge, n'ayant obmis de prendre et porter icy la Jarretière le jour de la sainct George ; mais, parce que j'estois encores en ma diette, je feiz faire le service en ma salle, à portes ouvertes. Il s'est aussy passé icy une conférence ou disputte entre l'evesque d'Evreux et le sieur du Plessis, suyvant les defliz et sommations qu'ilz s'estoyentfaitzlung à l'autre, laquelle je n'ay peu esviter, pour y avoir par eux esté engagé, avec ma réputation, plus avant que je n'eusse désiré. P]n vérité, il est très mal succédé au dit sieur du Plessis, comme vous verrez par le procez-verbal très véritable qui en sera dressé, que je vous envoyeray, au premier jour; et si, m'estant trouvé embarqué en cecy, j'ay désiré, comme j'ay faict, ({uo la vérité fiist cogiiuo, sans supercherie ny advantage de part ny d'autre, il me semble que j'en ay deub user ainsy, vous asseurant que je n'y ay apporté autre passion et affection que celle-lù, connue j'estime que
iO
tesmoigneront tous ceux qui y ont assisté, qui favorisoyent mesmes le dit sieur du Plessis, ainsy que vous apprendra le dit procez-vorbal et leur direz par delà, s'ilz vous jectent en ce propoz. Je prie Dieu, Monsieur de Boissize,
HENRY
DE NEUFVILLE
Copie. — Bibl. nat, Ms. fr. 4128, fol. 173 v». A MONSIEUR DE BOISSISE
Monsieur de Boissize, J'ay eu à plaisir d'avoir sceu, parvostre lettre du xii" de ce mois, que j'ay receue le xvii% le bon accueil qui a esté faict par delà au commandeur de Chastes et surtout que la Royne, ma bonne sœur et cousine, a eu aggreable l'office faict par le dit commandeur ; car, ce a esté mon principal but que de la contanter et faire cognoistre à tout le monde l'estime que je faiz de son amityé. J'avoys bien preveu que les Espaignolz, comme vous a dit le sieur Gecyl, prendroyent jalousie du voyage du dit commandeur, mais aussy je ay creu que la dite dame et ses ministres n'en seroyent pas marriz, voire que c'estoit leur but que cela advint, et c'est pourquoy j'ai faict faire le voyage, tant je désire complaire à la dite dame et favoriser ses intentions et affaires. Son ambassadeur faict estât de partir lundy prochain, pour se rendre à Bolongne, le xxvi'' de ce moys, où se doibvent trouver aussy les députez d'Espaigne et des Pays-Bas, et ne doubte pas qu'ilz n'entrent en débat pour la préséance, car j'ay esté prié par le dit ambassadeur de faire trouver en ma dite ville un de mes fourriers, pour départir les logis et obvier à toutes contentions qui pourroyent naistre entre eux, à cause de
l'assiette d'iceux ; ce que je luy ay accordé, pour le respect de la dite Royne, car les Espaignolz n'en ont faict instance. Mais, pour toutes ces difficultez-là, j'estime qu'ilz ne laisseront de s'accorder, d'autant qu'il semble que les dits Archiducz ayent maintenant fondé leurs principalles espérances sur la dite paix, tellement qu'ilz s'accorderont à tout ce que la dite royne d'Angleterre vouldra opiniastrer, et fauldra que les dits Espaignolz en facent autant, pour sauver les autres ; à quoy la reddition du fort de Sainct-André les précipitera toujours davantage, et comme la dite dame aura par ce moyen son compte, je ne doubte point aussy qu'elle ne s'accommode au reste : mais, je pense bien que les ungs et les autres seront deceus aux advantages qu'ilz espèrent tirer de leur accord, comme l'expérience leur fera connoistre. Je ne croy pas que la dite dame s'oppiniastre pour le commerce des Indes, car c'est chose que les dits Espaignolz n'accorderont jamais, et la dite dame ne voudra pour cela perdre les autres commoditez, qu'elle attend de la dite composition, pour laquelle j'ay trouvé ung peu estrange qu'elle n'ayt faict passer la mer à quelques-uns de son conseil. Plusieurs ont auguré par cela qu'elle n'avoit volonté de la conclurre, mais seulement d'en entretenir la pratticque, de quoy le tempz nous fera sages. L'ambassadeur de la dite dame me présenta, en sa dernière audience, la lettre de sa maistresse, dont je vous envoyé le double, avec celuy de la responce que j'y ay faicte, et me déclara qu'elle estoit preste d'entendre au renouvellement de noz traictez, quand je vouldrois vous envoyer pouvoir d'en resouldre avec elle, adjoustant qu'elle n'estimoit à propoz d'envoyer par delà autre personnage que vous pour ce faire, d'autant que cela ne serviroit que à faire parler le monde et jecter en umbrage ceux qui ne l'estoyent desja que trop de la continuation de l'amityé ; puis, il me parla du payement de ce que je doibz à la Royne, n'approuvant que ce faict fust traicté conjoinctement avec celuy du renouvellement des dits traictez, comme il vous a esté dit par delà. Monsieur de Boissize, J'ay espéré jusques à présent, comme je l'ay aussy tousjours désiré, pouvoir donner quelque contantement à la dite dame, touchant le payement des dites debtes, et vous asseure avoir recherché tous nioy«Mis
d'y satisfaire ; mais, comme les affaires, qui me sont survenues en cesle annexe, m'ont engagé en des despenses forcées, que je n'avoys proveues, au commencement d'icelle, sans que j'aye peu, je ne diray augmenter, mais seulement faire valloir le fondz de ma recepte, sur le pied duquel j'avois dressé mon estât, je me suis trouvé bien loing du compte que j'avois faict proposer icy au dit ambassadeur, et vous avois aussy mandé faire le semblable à la dite dame, alfm de gaigner quelque tempz. Mais, comme elle n'a trouvé bon mon ouverture et qu'elle insiste tousjours que je luy déclare ce que je veux faire en cela, j'ay advisé de vous commander de luy déclarer ouvertement, ou luy faire comprendre, ainsy que vous jugerez estre pour le mieux, qu'il m'est du tout impossible de luy faire payer ceste année aucune partie des dites debtes, à cause des despenses qu'il faut que je face, premièrement pour rentrer en la possession du marquizat de Salluces, tant pour les recompenses qu'il faut que je donne, pour faciliter la dite restitution, à ceulx qui ontfortiffié et gardé les places qu'il fault que je rende au dit duc, que pour pourveoir celles du dit marquizat des munitions, vivres et gens de guerre; secondement, au renouvellement de nostre alliance avec les sieurs des Ligues, qui ne me coustera moings de treize cens mil escuz, à cause des grandes sommes de deniers que je leur doibs, qui reviennent à plus de douze millions d'or, estant certain que, si je faux ceste année de resouldre la dite alliance, laquelle est maintenant expirée, je sçay qu'il me sera difûcille d'y parvenir cy-après, à cause des pratticques que font parmy eux, pour les desgouter d'icelle, les ennemys de la grandeur et prospérité de ma couronne ; tiercement, ayant accordé mon mariage avec la princesse Marye, duquel j'ay desliberé de faire la célébration en ceste année, il faut que j'advance de grandes sommes de deniers, pour faire les préparatifs qui sont nécessaires, tellement que ce sera tout ce que je pourray faire, que de trouver moyen de fournir aux frais qu'il faut que je face en ces trois occasions, lesquelles toutesfois je ne puis différer ny retarder, sans faire trop de préjudice à ma réputation et à mon Estât, et mesmes à ma propre personne : comme je désire que vous représentiez à la dite dame, en la priant de s'accommoder aux raisons et nécessitez susdites,
LETTRES DE HENRI IV. i49
qui m'ostent le moyen de m'acquitter envers elle de ce que je recognois luy debvoir, Fasseurant que j'amenderay ci-après ce mancquement, de façon qu'elle aura occasion de s'en louer ; car en vérité, je désire grandement recognoistre les plaisirs que j'ay receus d'elle et conserver son amityé, et luy confirmerez en cela l'asseurance, que vous luy avez ja donnée, de ma volonté pour le renouvellement de nostre dite alliance. Et, d'aultant qu'il me semble qu'ilz vous ont parlé par delà d'en traicter autrement que ne me l'a proposé l'ambassadeur de la dite dame, il faut que vous vous esclaircissiez avec eux comme ilz entendent qu'il en soyt usé ; car, j'ay colligé de voz lettres qu'ilz parloyent de donner pouvoir à leur ambassadeur d'en traicter icy avec moy et que je vous en envoyasse ung autre, pour faire le semblable avec eux par delà, et toutesfois il semble maintenant qu'ilz désirent que le tout soyt négocié par vous auprès de la dite Royne, pour tousjours tirer le drap de leur costé. Vous tirerez donc clairement leur intention sur cela, pour m'en advertir, avec vostre advis sur le tout; puis, je vous manderay ce que vous aurez à faire. Je veux encore vous advertir que j'ay différé jusques à présent de désespérer la dite royne d'Angleterre du payement en ceste année de partie des dites debtes : c'a esté pour ne luy donner ce subject de couvrir et fonder la paix, qu'elle veult faire à Bolongne, recognoissant qu'elle s'en vouldroit prevallôir, affin que vous preniez garde s'il sera bon, pour la mesme consyderation, attendre encores à luy faire la dite déclaration, jusques à ce que l'on voye que produira la dite assemblée. Je me remccts du tout à vous, pour en faire ainsy que vous adviserez estre pour le mieux, ayant voulu, pour vous mesnager ceste liberté, qu'il en ait esté parlé à l'ambassadeur de la dite dame incertainoment, m'estant contante de luy faire représenter les despenses susdites, qu'il fault que je face, de luy faire dire qu'elles m'osteroyent tout moyen d'en faire d'autres. Quand à mon dit mariage, le contract en a esté passé à Florence, le xxv'du mois passé, comme vous direz h la dite Royne, mais comme de vous-mesmes, car j'ay desliberé de luy en escrire une lettre de ma main, au premier jour : cependant, j'auray à plaisir do sçavoir quelz propoz elle vous aura tenus sur iceluy, quand vous luy en parlerez.
Je fais compte de partir d'icy, à la fin de ce mois, pour arriver à Lyon au commencement de l'autre; car, j'iray par les postes, affin de recepvoir le dit marquizat, que les gens du duc de Savoye m'asseurent tous les jours qu'il me rendra sans faulte : mesmes, ilz m'ont dit qu'il me viendra trouver en la dite ville de Lyon, pour m'en faire déclaration et remise en personne, et je leur ay déclaré qu'il y sera très bien venu. Je prie Dieu, Monsieur de Boissize,
HENRY
DE NEUFVILLE
Copie. — Bibl. nat., Ms. fr. 4128, fol. 176 vo. A MONSIEUR DE BOISSISE
Monsieur de Boissize, L'indisposition du commandeur de Chastes ne luy a permis de passer la ville de Rouen, pour me venir trouver; mais, j'ay sceu, par le compte qu'il m'en a rendu, l'honneur que la Royne, ma bonne sœur, luy a faict. J'ay receu aussy la lettre qu'elle m'a escripte par luy, à laquelle j'ay advisé de faire la responce que je vous envoyé, que vous luy présenterez, la remerciant des faveurs qu'elle a faictes au dit commandeur, dont vous luy déclarerez que j'ay receu grand contantement, l'asseurant que je rechercheray toutes occasions de m'en revanger. Pour ceste cause, je vouldrois estre de retour du voyage qu'il fault que je face ; car, comme elle a desclaré au dit commandeur qu'elle desiroit que nous peussions nous entrevoir, vous l'asseurerez aussy que je n'en ay pas moindre envie et que, quand ce bon heur m'arrivera, ce sera l'accomplissement de l'ung des plus grands désirs et souhaictz que j'aye jamais faictz.
Jay trois choses à faire, en ce voyage, lesquelles estans parachevées me donneront plus de moyen non seulement de rechercher ce contantement, mais aussy de la servir et mesmes la contanter sur ce que je luy doibs. La première, et celle qui me presse le plus, est le recouvrement de mon marquizat de Saluées, que le duc de Savoye debvroit avoir commancé à me rendre, ou bien l'eschange duquel nous avons convenu, dez le premier jour de ce mois ; à quoy je ne voy point encores qu'il se prépare, combien qu'il m'ait de nouveau asseuré, par lettres qu'il m'a escriptes de sa main, du xv^ du mois passé, et par la bouche de son ambassadeur, qu'il accomplira ce qu'il m'a promis ; que si ce n'est précisément dedans le terme accordé, que ce sera devant que le mois d'icelluy soit passé ; toutesfois, il ne m'a encores déclaré auquel des deux partis il entend se tenir; mais, je m'attends d'estre bientost esclaircy et, selon cela, me conduire en son endroict, bien résolu d'avoir mon compte, à quelque prix que ce soit. La seconde afYaire, que je pretens terminer en ce voyage, est le renouvellement de mon alliance avec les sieurs des Ligues de Suisse, qui m'importe tant, que j'entens que c'est ung des principaux fondemens et des plus nécessaires pour asseurer mon Estât, lequel, si les roys, mes prédécesseurs, ont esté soigneux d'acquérir et conserver, je doibs encores l'avoir à cœur plus qu'eux, à cause des grandes sommes de deniers dont ceste couronne leur est redebvable, que ceste nation est aujourd'huy plus puissante et peuplée que jamais et que les envieux de la prospérité de mon royaume font ce qu'ilz peuvent pour les pratticquer, les unir avec eux et les debauscher de mon amityé : à quoy j'espère i)ourveoir. Il est vray que ce ne sera sans respandre à bon escient du sang de ma bourse et quelque incommodité, pour cslrc encores très mal garny d'argent et mon dit royaume très pauvK;; mais, comme l'on dit communément qu'ung bon mariage doibt ayder à payer nez vieilles debtes, dites à ma bonne sœur que c'est la troisième affaire que j'ay entrepris en ce voyage, m'estant resollu à prendre à femme la princesse Marye de Toscane, par le moyen duquel mariage j'espère que Dieu me fera la grâce de mettre la pierre angulaire au bastiment du repos de mon royaume, pour lequel je travaille, il y a si long tempz. Vous
luy direz doncquos les articles du contract du dit mariage avoir esté accordez à Florence et que je fais estât d'en faire les nopces, devant que revenir, en ma ville de Marseille, à la fin du mois de septembre, me promettant de recopvoir tout contantement de la dite princesse, pour les vertus et bonnes qualitez que j'entens qui l'accompaignent ; de quoy je m'asseure que la Royne, ma dite sœur, ne se resjouiramoings que moy, qui ay voulu, en ceste occasion, donnera mes subjectz la consolation qu'ilz ont désirée de moy, tellement que je puis dire que je me marie aultant pour eux que pour moy. Je sçay aussy que ma dite sœur a tousjours aymé le Grand Duc, lequel, de son costé, l'a pareillement grandement.honorée. Davantage, j'ay estimé, effectuant le dit mariage, tesmoigner aulcunement ma gratitude envers le dit duc, à cause des plaisirs qu'il m'a faicts en mes nécessitez. Pour fin, vous direz à la Royne, ma dite sœur, qu'elle aura tousjours telle part qu'il luy plaira à toutes les bénédictions et prosperitez que Dieu me despartira procédantes du dit mariage ou d'ailleurs, comme celle qui a jecté les premiers fondemens de ma bonne fortune. Monsieur de Boissize, Vous accompaignerez cest office de tous les ornemens, que vous jugerez estre plus propres, pour le faire recueillir plus favorablement et mieux représenter la bonne intention avec laquelle je le fais. Je n'ay rien appris de l'assemblée de Bolongne que farrivée en la dite ville des députez; mais. Ton m'a mandé de Rome que le Pape a nagueres conféré l'archevesché de la ville de Dublin, en Irlande, à un^ religieux espaignol, à la sollicitation de l'ambassadeur d'Hespaigne, nonobstant les oppositions de tous les religieux et prebstres irlandois, qui sont en la dite ville de Rome, dont il me semble qu'il ne sera hors de propos que ma dite sœur soyt advertye, neantmoings avec vostre discrétion accoustumée. Mais, j'ay occasion de me plaindre des advis que sqn ambassadeur leur donne par delà, qu'il ne peut avoir justice des pyratteries qu'il prétend estre faictes aux subjectz de ma dite sœur; car, il ne m'a requis d'aucune provision pour ce faire qu'il ne l'ayt obtenue, et me semble qu'il debvoit m'addresser ses plainctes et m'en demander raison, avant que d'en informer ainsy sa maistresse. J'ay grande occasion de croire que c'est chose faicte à poste, pour couvrir les injustices que vous
LETTRES DE HENRI IV. lo3
sçavez qu'ilz font par delà à mes pauvres subjectz : partant, retirez ung mémoire des plainctes du dit ambassadeur signé de ceux du conseil de ma dite sœur, et me l'envoyez, affin que je vous esclaircisse de la vérité d'icelles, pour en respondre plus clairement et seurement à ma dite sœur ; car il est du tout impossible de conserver nostre commerce et amityé, si telles piratteries continuent d'estre authorizées au lieu d'estre chastiées, comme elles debvroyent estre. Je prie Dieu, Monsieur de Boissize,
HENRY
DE NEUFVILLE
Copie. — Bibl. nat., Ms. l'r. 4128, fol. 180 v». A MONSIEUR DE BOISSISE
Monsieur de Boissize, Je suis très marry que la royne d'Angleterre, ma bonne sœur et cousine, n'a mieux pris mes excuses et raisons, sur le retardement du payement de ce que je luy doibs, que vous luy avez très b^en et sagement représentées, ainsy que je l'ay veu, par vostre lettre du vi*' de ce mois, que j'ay receue par vostre nepveu, le xii% et certes je ne pensoys pas qu'elle en deubst estre si indignée, ayant trop recognu ma franchise et bonne volonté, elle respect que je luy porte, pour en concepvoir l'impression qu'elle vous a déclarée et mettre en tel nonchaloir mon amityé et alliance, qu'elle a faict paroistre faire en ceste occasion, ayant, ce me semble, outrepassé les bornes de laconliance et révérence que l'amityé, de laquelle nous avons tousjours faict profession, et noz propres intcrestz veulent que nous nous «'utreporlions; et ne faull point que le secrétaire Cecyl die, ny autre aussy, que j'aye promis sur ce à leur ambassadeur autre
choso que ce que je vous ay escript, comme il vous a dit, en la présence de la dite Royne ; car, c'est chose qui n'a esté faicte, et si, dès le commancement de l'année, j'eusse creu asseurement ne pouvoir mieux contanter la dite Royne, je l'en eusse dez lors advertye franchement; mais, le désir que j'ay eu de la contanter m'a faict espérer pouvoir faire en cecy plus que Testât de mes affaires ne me pouvoit permettre, ce qui m'a gardé d'en désespérer du tout la dite Royne et son dit ambassadeur jusques à présent; toutesfois, elle et luy ont bien peu recognoistre, par nostre langage et procédure, qu'ilz n'en debvoyent pas faire grand estât : or, je ne puis faire l'impossible, comme en vérité je vouldrois pouvoir faire pour la contanter, car, je sçay que je suis obligé de le faire, tant pour les plaisirs que j'ay receus d'elle, que pour les autres raisons que vous sçavez, qui m'y doibvent convier. C'est pourquoy je ne me courrouceray de tout ce qu'elle vous a dit, ny de ce qu'elle me pourra escrire ou faire dire, et penseray plustost à trouver moyen de l'appaiser et consoler, que à l'aigrir davantage contre moy, ny à m'alterer contre elle, et désire que vous en usiez de mesmes. Je n'ay encores receu la lettre, qu'elle vous a dit me vouUoir escrire sur ce subject ; cependant, vous aurez receu celle que je vous ay addressée, en response à la sienne apportée par le commandeur de Chastes, laquelle je veux croire que vous n'aurez laissé de luy présenter, et seray très aise de sçavoir quelle vertu et fortune elle aura eue : partant, vous m'en informerez par voz premières, estimant, si vous cognoissez que la dite dame persévère en son courroux, qu'il sera bon que vous vous absteniez de lavoir, jusques à ce qu'ayant receu sa dite lettre et aussy de voz nouvelles sur ma dernière, je vous mande ce que vous aurez à faire. Le premier président de Rouen m'a faict sçavoir le peu d'occasion que les officiers de la dite Royne ont de se plaindre de ma justice sur leurs prétendues déprédations, sur une lettre que son ambassadeur luy en avoit escripte, de laquelle il m'a mandé vous avoir envoyé ung double et de la response qu'il luy a faicte, comme il a faict à moy : partant, je ne vous diray autre chose sur cela, sinon qu'il semble que les officiers de la dite dame, malicieusement ou pour luy complaire, s'estudient de l'irriter contre moy et tout ce qui
LETTRES DE HE?sRI IV. 153
en despend, affin de nous mettre en querelle ; mais, je patienteray encores, jusques à ce que j'aye trouvé moyen de convenir avec elle du payement de mes dites debtes, à ce qu'il ne soit dit que je me meuve plus pour m'en descharger que pour juste occasion que l'on m'en donne, joinct que je ne voy pas que ce soit son advantage de rompre avec moy, en l'aage où elle est, ny en Testât auquel se retrouve son royaume, et pareillement les affaires de noz voisins et de mon royaume. Toutesfois, comme elle vous a dit que les femmes ont naturellement plus de vivacité d'esprit que de jugement, aussy sont-elles tenues d'estre plus vindicatives que considérées : il fault que vous observiez diligemment ses actions et surtout que vous mettiez peyne de descouvrir ce qu'elle traictera avec le roy d'Espaigne et les Archiducz; car, je n'ay occasion de me fier d'iceux, ayant de nouveau descouvert qu'ils dissuadent tant qu'ilz peuvent le duc de Savoye de tenir et accomplir nostre dernier accord, et sçaurez qu'il a nagueres sur cela renvoyé son secrétaire Roncas vers moy, pour me proposer de nouveaux moyens de nous accorder, au lieu de m'envoyerpar luysa déclaration sur le choix des deux partis convenus, comme il avoit promis de faire, dans le premier de ce mois. J'ay rondement rejecté les dites ouvertures et ay déclaré au dit Roncas que je n'entendrays jamais à aulcun traicté avec son maistre, qu'il n'eust premièrement satisfaict par effect au dernier que nous avions faict ensemble, adjoustant que je vouloys estre esclaircy de sa resolution, à mon arrivée en ma ville de Lyon, qui seroit à la fin de ce mois, sans aucune remise; autrement, que je prendroy celle que Dieu me conseilleroit, pour ma réputation et le bien de mes affaires, comme je vous asseure que je suis bien desliberé de faire, sans marchander. Vous pouvez juger si, sur telles incerliludcs, je doibs reserver si peu de moyens qui me restent, pour m'en ayder aux occasions qui me menacent, et rien espargner pour renouveller mon alliance avec les Suisses et m'asseurer de leur amityé. Quand, par faute de ce faire, il m'en arriveroit mal, la dite royne d'Angleterre feroit encores moings de compte de mon amityé que, l'ayant remarqué en mes nécessitez passées, (lu'elle m'a souvent secouru plus pour empescher ma ruine, qui la debvoit apn>s accabler, que pour charité ny affection qu'elle
ait eu de ma restauration entière, telle qu'il a pieu à Dieu me la donner; tellement que je ne veux plus la tentera ce prix-là et ayme mieux exciter son envie que sa pityé. Ses subjectz continuent à depreder les miens impunément, partout où ilz les rencontrent, ce que je dissimule, pour la seule considération de sa personne; mais, c'est chose qui ne peut durer. J'acheveray le voyage que j'ay entrepris et si, entre cy et là, on n'y donne ordre, j'y mettray la main à mon retour, par une voye ou autre, et m'attens bien, si elle n'accorde avec le dit roy d'Espaigne et les ditz Archiducz , qu'ilz feront pis que jamays contre mes dits subjectz. Pour cela, je n'ay pas desliberé d'importuner davantage la dite dame d'y faire pourvoir, ny du renouvellement de nostre alliance, après les déclarations du mespris qu'elle vous en a faict : toutesfois, s'ilz vous en parlent, vous leur ferez cognoistre que je n'ay point changé d'advis pour les dits propos, et que je suisaussy prest que jamays d'y entendre, quand je sçauray que la dite dame y sera résolue. L'on m'a escript de Bolongue que leurs députez ne sont encores entrez en matière, tant ilz ont eu de débats à vuider sur leurs honneurs et préséance; mais, je ne doubte point que, à la fm, ilz ne s'accordent, veu l'envie que la dite dame en a et le besoing qu'en ont les autres, principallement les dits Archiducz; mais, je ne m'attens pas que les uns et les autres en tirent grande utillité et auray à plaisir que vous m'advertissiez des mouvemens que ce traicté excitera entre les subjectz de la dite royne d'Angleterre, et pareillement comment se conduira envers elle le roy d'Escosse, et comme se r'habillerale malentendu qui est entre elle et celuy de Dannemarch, et fmallement comme elle se comportera envers les Estats, comme de toutes autres occurrences ; priant Dieu, Monsieur
HENRY
DE NEUFVILLE
Orig. — Public RecorJ Office : State papei-s, France, bundlc 124.
A LA REINE d'aNGLETERRE
Très haulte, très excellente et très puissante princesse, nostre très chère et très amée bonne seur et cousine, Nous avons commandé au sieur de Boissize, conseillier en nostre conseil d'Estat et nostre ambassadeur ordinaire près de vous, de vous faire plainte de la prise, qui a esté nagueres faicte par un vaisseau de guerre angloys, sur un navire nommé le Charles de Roscou, de quelque quantité de pacquetz [de] crées* de Lheon, appartenans à aucuns marchands de nostre ville de Yictré et autres de nostre païs et duché de Bretagne, lesquelz ilz avoyent faict charger sur le dit navire, pour transporter en Espagne, se fians sur la liberté du commerce permise à noz subjectz avec ceulx du dit païs : de quoy nous vous avons bien voulu aussi escrire caste lettre, pour vous prier, comme nous faisons, de commander que justice soit rendue aus dits marchands de la prise et injuste détention de leurs dites marchandises, et, non seullement que restitution leur en soit faicte, mais aussi qu'ilz puissent estre satisfaictz des interetz qu'ilz ont receuz en la prise des dits thoilles, de quoy nous ne vous ferons la présente plus expresse et vous asseurerons seullement qu'outre que vous ferez chose conforme à l'équité et digne de la justice qui est en vous, elle servira grandement à la continuation de la liberté du commerce, pour le commun bien de noz Estalz, païs et subjectz, ainsi que le dit sieur de Boissize vous fera plus amplement entendre; priant Dieu, Très haulte, très excellente et très puissante princesse, nostre très chère et très amée bonne seur et cousine, qu'il vous ayt en sa très sainte et digne garde. Escript à Fontainebleau, le xvij° jour de juin 1600.
Votre bon frère et cousyn, HEiNRY.
DE NEUFVILLK.
Copie. - Bibl. nat., Ms. fr. 4128, fol. 18o v».
A MONSIEUR DE BOISSISE
Monsieur de Boissize, J'ay sceu, par vostre lettre du xvii'^ du mois passé, ce qui est advenu au comte d'Essex. Plus il le supportera avec patience, il augmentera sa réputation et asseurera sa fortune ; car, jamais personne ne se trouva bien de ragasser avec son souverain : davantage, estant la royne d'Angleterre en l'aage et Testât auquel elle se trouve, il semble que le temporiser luy doibve estre plus utille que dommageable : partant, il doibt conserver sa personne, par préférence à toute autre chose. Mais, je suis fort scandalizé de la perfidie de ce Bacon, qui a receu de luy tant de grâces : il est vray que, ayant vescu comme l'on dit qu'il a tousjours faict, le dit comte d'Essex ne debvoit en attendre autre recompense, car j'ay ouy dire qu'il a esté autresfois accusé de sodomie. Mais, comme vous dictes, les Espaignolz ne seront marris de la cheute du dit comte d'Essex, pour estre la royne d'Angleterre privée, par icelle, de l'assistance d'ung si digne serviteur. Or, il semble qu'elle croye n'en debvoir plus avoir besoing, à cause de la paix qu'elle faict avec eux, laquelle on dit estre plus advancée qii'ilz ne monstrent à BolongnC; comme si, en contestant publicquement de leurs préséances, ilz n'avoyent laissé de convenir secrettement du principal : de quoy il sera difficille que nous n'ayons bientost quelque lumière, et vous prie d'y veiller de vostre costé; car, j'ay grande occasion de me deffîer de la resolution qu'il s'y prendra, me cachans et desguisans leurs actions, comme ilz font; veu aussy le langage que la royne d'Angleterre vous a tenu et les injustices qu'ilz font journellement à mes subjectz. Je n'ay point eu de lettres, ny de nouvelles de la royne d'Angleterre, depuis son altération: je n'ay pas délibéré aussy de l'importuner des miennes : toutesfois, si
vous pouvez vous rapatrier avec elle, faictes le, sans luy faire paroistre aulcun ressentiment du passé. Je commance à descouvrir que le duc de Savoye n'a aucune volonté de satisfaire à nostre dernier accord et qu'il se promet beaucoup de faveur de la dite paix de Boloigne, estimant qu'elle restablira les affaires des Pays-Bas en faveur des Archiducz et qu'elle apportera aussy quelque altération entre moy et la dite royne d'Angleterre ; mais, j'espère que ses espérances mal fondées advanceront plustost la ruine de ses desseings qu'elles ne les favoriseront. Toutesfois, il fault prendre garde à tout, et doibs, en ce cas, plus craindre les moyens que a la dite Royne de m'incommoder que la prospérité des dits Archiducz, lesquelzont d'ailleurs assez de besoigne taillée pour les divertir et occuper, sans s'attaquer à moy. Sur cela, deux choses m'ont esté proposées, la première, de interdire l'entrée en mon royaume de toutes sortes de drapz de laine estrangers, sans excepter ceux d'Angleterre, voire rompre tout commerce avec les Angloix, soubs prétexte de leurs piratteries et injustices ; et l'autre, de rechercher l'amityé du roi d'Escosse, pour tenir en bride la dite royne d'Angleterre, comme ont faict les rois, mes prédécesseurs, et, pour ce faire, envoyer devers luy ung ambassadeur ordinaire. Je vous prie me mander vostre advis sur l'une et l'autre ouverture. Je remarque assez les inconveniens qui peuvent advenir d'icelles, tant à présent que cy-après : toutesfois, comme aux affaires du monde il ne fault pas avoir tant d'appréhension des choses futures que l'on obmette a pourveoir aux présentes, partant, je vous diray que j'estime que si je ne puis avoir autre asseurance de l'amityé de la dite royne d'Angleterre, que celle que j'en ay, et qu'elle continue à refuser de renouveller et confirmer nostre alliance, qu'il ne sera hors de propos de deffendre en gênerai l'entrée en mon royaume des drapz de laine estrangers et de tenir ung ambassadeur auprès du dit roy d'Escosse, et demeurer en garde du costé de la dite Royne, sans passer plus outre, pour le présent, et me conduire après envers elle, selon les occasions. Car il est certain que souvent la crainte sert autant à conserver la paix entre nous que les debvoirsd'amityé, ny les traictcz d'alliance : toutesfoiz, je auray trop plus aggrcablc d'en user autrement envers la dite royne d'Anglelerre,
si elle y vouloit correspondre de bonne foy, car mon naturel est de l'honorer et aymer, et aussy qu'elle m'oblige à elle par son assistance ; partant, il fault tenter ceste voye, tant qu'elle nous durera ouverte, mais aussy, comme je doibs préférer la conservation de mon Estât à tout autre respect et consyderation, si Yous n'en pouvez chevir, je ne veux obmectre à faire ce que je doibs, pour me passer d'elle, comme elle fera de moy. Pensez-y doncques et m'en mandez vostre advis, et prenez garde cependant à ses actions, pour en advertir mes serviteurs sur la frontière, affin qu'ilz ne tumbent en surprise, durant mon absence ; car, toutes sortes d'armements qui se feront de ce costé me doibvcnt doresnavant estre suspectz, autant et plus que d'ailleurs. Aquoy j'adjousteray que je remarque que aucuns de mes subjectz de la Religion prétendue reformée ne seroyent peult-estrc marris d'exciter quelque nouveau remuement en mon royaume, non pas faulte de seureté publicque ny privée, car ilz jouissent de mes edictz très paisiblement, et ay autant de volonté de les bien traiter et gratiffier que jamais, mais, poussez de certaines envies et passions plus ambitieuses que religieuses : à quoy j'espère très bien remédier, par la prudence et fidélité des plus sages de la dite Religion mesme, dont le nombre surpasse encore de beaucoup celuy des autres. Aussy, je ne vous donne le présent advis, sinon affin que vous ayez l'œil sur les actions d'ung chas- €un, pour y apporter le jugement et le remède que besoing sera, pour mon service. Au reste, je partiray dedans deux jours pour aller à Lyon, affin d'estre plus près du duc de Savoye, résolu, s'il ne me satisfaict, comme il m'a promis, de me satisfaire à ses despends, sans le marchander ny plus me repaistre de parolles ny de remises, et serez adverty de ce qui en succédera, comme j'auray à plaisir de l'estre par vous de la correspondance que la dite royne d'Angleterre continuera à conserver avec les Estats, après qu'elle se sera accordée avec les autres, comme de toutes autres occurrences; priant Dieu, Monsieur
HENRY
Copie. — BibL nat., Ms. fr. 4128, fol. 189 vo.
A MONSIEUR DE BOISSISE
Monsieur de Boissize, J'ay esté bien aise desçavoir, par vostre lettre du xxviii^ juing, que j'ay receue le xii^ du présent, que la mienne pour la Royne, ma bonne sœur, du 4*'-du dit mois de juing, ayt rencontré meillheure fortune que la précédente, que vous luy aviez présentée; ce que je doibs, premièrement à son bon naturel, que j'ay souvent esprouvé, puis à vostre industrie excitée de la dévotion que vous avez, non seulement de me contanter et bien servir, mais aussy de nous maintenir ensemble en bonne amityé ; de quoy je vous sçay tout bon gré et me ferez laisir de continuer d'avoir soing. Vray est que, si elle ne fait cesser les piratteries que ses subjectz exercent tous les jours sur les miens impunément de toutes partz, il sera difficille que nous ayons contantement l'ung de l'autre, car ce sont choses qui sont insupportables. Plus elle me promet d'y pourvoir, plus aussy je metz peine de faire raison aux siens. Les miens en sont plus mal traittez et, si elle se laisse aller aux rapports et persuasions de ses officiers et ministres, ilz preignent plaisir, de leur costé, à luy desguiser ce qui se passe et l'irriter contre moy, de quoy je suis, à bon droit, très mal contant. J'attends vostre advis sur la proposition que je vous ay faicte sur cela, par ma dernière du "-l" de ce moys, me [)romettant que si vous estimez que je puisse y applicquer ung meilleur remède, que vous n'aurez failly de me l'enseigner, car je sçay que leurs rigueurs et injustices vous sont aussy griefves que à moy, estans mesmes accompaignées du mespris qu'ilz y apportent; mais, j'espère queCeluy qui m'a préservé contre cesle mauvaise femme, (jui a esté exécutée à Paris, devant mon parlement, dont vostre dite lettre falot mention, me aydera aussy à pourvoir aus dits desordres. Quoy que ce soit, je
suis obligé à la Royne des bons propos qu'elle vous a tenus, tant sur le subject de la dite femme que sur celuy de mon mariage; et véritablement ce seroit bien le comble de mon contantement, si elle s'y pouvoit trouver, en la sorte qu'elle vous a propose ; mais, je ne désespère pas, cela ne pouvant estre, que je ne luy présente quelque jour les mariez, pour avoir sa bénédiction, après avoir receu à Marseille celle du Pape, parles mains de son nepveu, qui s'y doibt trouver. Il est vray que, si le duc de Savoye ne change de langage, les dites nopces seront plus militaires que solemnelles; car, au lieu de satisfaire à nostre traitté de Paris, comme il m'avoit tousjours donné espérance de faire, depuis la conclusion d'iceluy, il m'a envoyé demander l'infeodationdumarquizat de Saluées pour ung sien filz, affm, ce dit-il, de terminer toutes noz disputes tout d'ung coup; mais, ce bel expédient, que le marquis de Lullin, par lequel il me l'a fait proposer, accompaigné du secrétaire Roncas, a fort magniffié et extollé, m'a semblé si incivil, que je l'ay pris au poinct d'honneur, avec certains langages que le dit duc a tenus de ce qui s'est passé à Paris, comme s'il avoit esté contrainct d'accorder le dit traicté pour asseurer sa vie, de sorte que j'ay prins resolution de ne m'attendre plus à la foy ny aux prommesses du dit duc, mais de pourveoir à mes affaires, comme Dieu me conseillera; qui est la response que je fèis devant hier aux députez du dit duc, de laquelle le dit Roncas partit hier pour l'advertir; et, comme je ne m'attens pas qu'il change d'advis, vous orrez aussi dire bientost que nous serons aux prises bien avant l'ung contre l'autre, en quuy s'il advient que le roy d'Espagne l'assiste, comme il s'en vante, j'en seray très marry, mais je ne laisseray pas de passer outre pour cela, fortiffié de la justice de ma cause. Or, j'attens en bonne dévotion de voz nouvelles sur la victoire du prince Maurice, affin de sçavoir comment elle aura esté receue de la royne d'Angleterre, non seulement extérieurement, mais, s'il est possible, en son cœur; car, à vous dire la vérité, j'ay opinion qu'elle en aura esté plus marrie que resjouie, par la jalousie qu'elle a de la prospérité de tous ses voisins, mesmes pour ma considération, tellement que j'estime que ce coup advancera plustost qu'il ne retardera la paix de Bolongne; car, la nécessité contraindra les autres de la
contanter, et, s'il advient d'ung costé qu'elle s'accorde avec le roy d'Espaigne et de l'autre que je rompe avec eux, je prevoy que j'auray quasi autant à me garder de la dite dame que de l'autre, soit que du commencement elle dissimule avec moy ou non ; et, d'autant plus auray-je cause de ce faire, que elle prétend nostre alliance estre expirée, ayant, comme vous sçavez, rejette le renouvellement d'icelle, et le faict de ses debtes luy fournissant tousjours tel subject de quereller qu'elle vouldra : car, s'il fault qUe je face la guerre, j'auray moins de moyen de les payer que devant. Au moyen de quoy, j'aurois à désirer que quelque bon amy renversast leur accord et, s'il se faict, il faudra veiller sur ses actions et adviser si je me pourray prevalloir de l'Escosse, pour la tenir en bride, ou ce que j'auray à faire, pour m'asseurcr d'elle et la divertir d'attenter sur Calais, comme je crains qu'elle soit sollicitée de faire, tant de l'opportunité, me voyant engagé par deçà, que de sa jalousie ordinaire : sur quoy j'auray à plaisir que vous me mandiez vostre advis. Je prie Dieu, Monsieur
Monsieur de Boissize, Comme je vouloys signer la présente, j'ay reccu la vostre du xi*" de ce moys et ay eu à plaisir de sçavoir ce que vous m'avez mandé par icelle ; et, puisque la Royne, ma bonne sœur, a commencé à faire assister les Estats, en permettant qu'ilz soyent rafraischis de ses subjectz. je pense qu'elle vouldra continuer. Je me resjouis aussy de l'ordre, que vous avez escript au sieur de Villeroy, que ses officiers ont commencé à donner aux piratteries que font ses dits subjectz, et désire que cela dure, et pouvez l'asseurer que je y correspondray de très bon cœur, comme à tout ce que je cognoistray qui pourra servir à conserver et accroistre nostre amityé. Faict à Lyon, le xxii" juillet 1600.
HENRY
DE .NETFVILLK.
Copie. — Bibl. nat., Ms. fr. 4128, fol. 192.
A MONSIEUR LE BOISSISE
Monsieur de Boissize, Les raisons que vous m'avez représentées, par vostre lettre du xv'' du mois passé, que j'ay receue le xxvj", sur ce que je vous avois escript par la mienne du ii% méritent toute bonne considération : je les ay aussy receues en très bonne part; neantmoins, silaroyne d'Angleterre ne fait cesser les volleries, que font ses subjectz sur les miens, et continue à mespriser mon alliance, je ne voy pas que je puisse vivre long tempz en paix avec elle, ny me fier de son amityé. Je considère bien que son aage ne luy doibt pas faire désirer des ennemis et davantage qu'elle doibve plus chérir et priser mon amityé que toute autre, comme celle de laquelle par raison elle doibt prendre plus d'asseurance, tant pour la preuve qu'elle en a faicte et pour l'obligation que je luy ay, que pour le respect de sa religion, qui l'empeschera tousjours de se fier aux autres; mais, fauldra-il que je connive tousjours à telles piratteries, qui s'exercent et retentissent partout; €ar, la mer de Levant en est plaine, comme celle de delà. Vous m'avez mandé, par vostre précédente, que ses officiers vous avoyent donné quelque espérance d'y pourveoir, mais, je n'apprens point, par la dernière, que cela ayt eu suitte. Je suis bien de vostre advis que le meilheur seroit que je me feisse fort par mer, pour me faire craindre et me revancher; mais, c'est chose que je ne puis faire que avec le tempz : ce pendant, faudra-il que ma patience descouvre tousjours mon impuissance. Adjoustant à cela le subject qu'elle a de n'estre payée de ce que je luy doibs, dont sa dissimulation accroist plustost qu'elle ne diminue le soupçon que je doibs avoir d'elle, considérez aussy la jalousie qu'elle a de ma prospérité, à laquelle elle se laisse tant aller, qu'elle en oublie la sienne, en préférant
l'amityé de ses antiens et immortels ennemis à Famityé qui luy est très asseurée ; davantage, m'a-elle pas faict dire qu'elle tient nostre alliance pour expirée, ayant refusé de la renouveller : toutes ces raisons m'admonnestent de penser à moy, ce pendant que j'ay moyen de le faire ; car, si je me trouvois en affaires, je ne sçay ce qui m'en adviendroit. En tout cas, c'est tousjours imprudence de se confier d'une personne, qui dit estre offensée de nous et monstrer mespriser nostre amityé, principallement quand nous cognoissons qu'elle a moyen de nous nuire. Neantmoins, je loue le conseil que vous m'avez donné, par vostre dite lettre, de voir l'issue de la négociation de Bolongne, devant que de rien rien innover, spécialement au commerce des drapz. Mais pourquoy differeray-je d'envoyer en Escosse? Elle ne traicte pas en ennemy le roy du dit pays. Si elle en prend jalouzie, elle ne craind pas de me faire connoistre qu'elle mesmes la prend de moy, ny de me la donner, en traittant avec ceux desquelz, à bon droict, je la doibs avoir, ny de rejecter ouvertement mon alliance. Vous dictes que cela la hastera de se lier du tout avec le roy d'Espaigne : je diz que je pense qu'il en arrivera autrement; car, plus je monstreray faire cas de l'amityé du dit roy d'Escosse, plus elle craindra de perdre la mienne. C'est le naturel des femmes, joinct que je puis faire ceste recherche, avec tant de déclaration de submission et de respect envers la dite royne d'Angleterre, que, si elle en a martel, elle ne pourra honnestement le manifester et moings désespérer de mon amityé : ce pendant, j'auray acquis ce moyen de tenir en bride la dite Royne, duquel les rois, mes prédécesseurs, se sont autresfois très bien trouvez et servis. Je concluds doncques que il ne me peult estre que honorable et utile d'envoyer et tenir ung ambassadeur ordinaire en Escosse, veu mesmes la fortune que court ce prince-là, laquelle, si je ne doibs favoriser, je ne doibs aussi négliger, quand ce ne seroit que pour estre advertyde ses deportemens et les observer, pour m'en prevalloir, selon le conseil que le tempz me donnera. Or, Monsieur de Boissize, je vous représente ces choses avec confiance, pour en consulter avec vous et, en vous descouvrant mon but, vous donner addresse en vostre conduicte, pour m'y servir aux occasions qui se présenteront, avec vostre accoustumée discrétion et
m PIÈCES JUSTIFICATIVES.
prudence. Car, il fault que je vous répète que je ne me puis fier et asseurer de la volonté de la royne d'Angleterre, comme je debvrois, tant que elle et les siens se gouverneront envers moy et mes subjectz, comme ilz font : je suis contant de le dissimuler et d'en endurer encores, pour les raisons que vous m'avez escriptes; mais, il me semble que je ne doibs obmettre pour cela l'envoy du dit ambassadeur. Partant, vous y penserez de vostre costé, comme je feray du mien, en me donnant souvent advis de quelle façon la dite Royne vit avec le dit roy d'Escosse, et ce que fera aussy le dit comte d'Essex. Au reste, vous verrez, par le double de la déclaration qu'enfin le duc de Savoye m'a faict faire par ses ambassadeurs, le party qu'il a pris : à quoy nous estimons que deux causes l'ont faict resouldre, la première, la crainte de mes armes, et l'autre, l'incertitude du secours d'Espaigne; car, le comte de Fuentes est arrivé en Italye, accompaigné seulement de sa maison, parce que la peste s'est trouvée sur les galères, qui debvoyent passer ses gens de guerre, et si il se dit que le roy d'Espaigne a monstre n'avoir pas grande envie d'espouzer la guerre pour le dit duc. Toutesfois, quand il a esté question de convenir avec ses gens de la forme et du tempz de l'exécution du dit party, ilz n'ont rien voulu conclurre, combien qu'ilz eussent pouvoir de ce faire, sans l'en advertir; ce qui m'a mis en soupçon de la volonté du dit duc, comme s'il avoit fait la dite de" claration, plus pour continuer à m'endormir et gaigner le tempz, que pour envie qu'il ayt de l'effectuer candidement : de quoy je doibs estre esclaircy, dans le cinquiesme ou sixiesme de ce moys, que son secrétaire Roncas doibt revenir icy et m'apporter son dernier mot, duquel je vous tiendray adverty. Ce pendant, je m'arme tousjours le plus diligemment que je puis, pour estre prest à tous evenemens. Je prie Dieu, Monsieur de Boissize, qu'il vous tienne en sa saincte et digne garde. Escript à Lyon, le ii" jour d'aoust 1600.
HENRY
DE NEUFVILLE
10 AOUT 1600 Copie. — Bibl. nat., Ms. fr. 4128, fol. 195 v».
A MONSIEUR DE BOISSISE
Monsieur de Boissize, Je m'attendois que le duc de Savoye recompenseroit, par une prompte exécution, le retardennent de sa déclaration sur le choix des deux partis convenus par nostre accord, qu'il m'avoit faitte le xxvii'' de juillet, au lieu qu'il y debvoit satisfaire dès le l*"" jour de juing, ainsy que vous aurez veu par l'acte d'icelle, que je vous ay envoyé, avec ma depesche du II*" du présent; mais, tant s'en fault qu'il ayt voulu me donner ce contantement, qu'il a rejette les articles, desquelz mes députez estoyent tumbez d'accord avec les siens, sur la forme, l'ordre et le tempz de la dite exécution, et, sans me renvoyer Roncas, qui luy avoit porté les dits articles, a faict sçavoir au marquis de Lullin et à l'archevesque de Tarantaise, son ambassadeur ordinaire, qui estoyent demeurez icy, qu'il ne pouvoit suyvre les dits articles, pour des raisons si frivoles et mal fondées, que le reste de l'espérance, que je pouvois avoir encores de sa foy, m'est tombé du tout du cœur, tellement que je me suis résolu, à l'heure mesmes, d'avoir recours à mes armes, sans temporiser ny marchander davantage : de quoy vous advertirez ma bonne sœur, la royne d'Angleterre, en luy présentant la lettre que je luy escris, de laquelle vous verrez la substance, par le double qui l'accompaigne, la priant de croire de moy que je suis si amy de la paix de la Ghrestienté, que, si j'eusse peu honorablement sortir de ce faict par voye amiable, je l'eusse très volontiers embrassé; mais, le dit duc ne m'en a donné aucun moyen ny argument, et ne seroit honneste qu'ungroy de Franco receust la loy d'ung duc de Savoye, ny qu'il fust dit que l'apprehention de l'assistance d'Espaigne, de laquelle le dit duc se vante et fait fort, m'eust empesché de faire ce que je doibs h mon honneur et à mon Kstat,
espérant que Dieu favorisera la justice de mes armes, desquelles vous direz à ma dite sœur que je me tiendray bien plus asseuré, s'il luy plaist les favoriser aussy du jugement que j'attens de son equanimité et bienveillance. Vous luy direz aussy que j'ay entendu que le patriarche de Gonstantinople , qui a tousjours séjourné auprès du dit duc, depuis qu'il est party de France, revient maintenant vers moy, pour essayer à composer ces affaires; mais, j'estime qu'il les trouvera, à son arrivée, en tel estât, qu'il y fauldra applicquer d'autres remèdes que ceux qui y ont esté jusques à présent employez : car, quand j'auray une fois commencé la guerre, je ne la fîniray si facilement, que Ton m'a dit que le dit duc s'est imaginé que je feroys, quand j'en viendrois là. Vous serez adverty de ce qui en succédera. Au demeurant, ainsy que j'escripvois la présente, j'ay receu la vostre, du dernier du moys de juillet, et parce que jay esté adverty que Edmont est retourné de rechef en Angleterre, sur le refus qu'ont faict les Espaignolz de s'accommoder pour leurs rangs, je seray attendant advis de vous du commandement que luy fera sur cela sa maistresse, quand elle le renvoyera; car, j'estime qu'il donnera la loy à la négociation de la dite paix, de laquelle il me semble que les dits Espaignolz monstrent avoir trop peu d'envye, puis qu'ilz sont si obstinez à conserver leurs vanitez. Je désire aussy sçavoir ce que vous aurez depuis appris du voyage des sieurs Gobham et Ralleg, dont l'on discourt diversement, comme de toutes autres occurrences; priant Dieu, Monsieur
HENRY
DE NEUFVILLE
Copie. — Bibl. nat., Ms. fr. 4128, fol. 199.
Monsieur de Boissize, Il fault dissimuler les injustices, qui continuent à se faire par delà à mes subjectz, jusques à ce que j'aye moyen d'y donner ordre par la voye de la force, puis qu'ilz nous desnient la justice et que ma considération ny voz remonstrances ne sont suffisantes pour y faire changer de conseil, non plus que la compassion qu'ilz debvroyent avoir, comme chrestiens, de tant de pauvres gens innocens, qui en sont destruictz et inhumainement traittez, de quoy il me semble que vous leur debvez parler cy-après plus sobrement que vous n'avez faict; car, j'estime que ce silence fera plus de bruit que la continuation de vostre poursuitte : du moins l'ung sera moins honteux que l'autre. Mais, dressez de bons mémoires et procezverbaulx des griefz et plainctes de mes dits subjectz et des injustices des autres, pour nous en servir, en tempz et lieu, et ne laissez pour cela de vous bien entretenir avec la Royne, ma bonne sœur et cousine, pour me conserver son amityé le plus doucement que vous pourrez, estant bien de vostre advis, qu'elle renouera et conclurra, si elle peut, son traitté avec le roy d'Espaigne et les Archiducs, et principallement avec les derniers, et aussi qu'elle mettra peine d'y porter et faire entrer les Estats, comme ça tousjours esté son but et celuy de ses conseiUers. C'est aussy celuy des dits Archiducz, lesquelz n'ont esté retenus jusques à présent à ce faire que du conseil d'Espaigne, et comme ceux-cy ne sentent les incommoditez ou perplexitez des autres, facilement aussy se laissent-ilz emporter au vent de leur orgueil, qui est si violent, qu'ilz oublient tous debvoirs, pour y servir. Il a eu tant de pouvoir sur eux, que, pour certaines pontilles et certaines formalitez très légères, ausquelles ilz se sont
170 PIÈCKS JUSTIFICATIVES.
heurtez, ilz n'ont encores juré l'observation de la paix de Vervins, encores que j'aye envoyé le comte de la Rochepot, pour les en requérir et assister de ma part à la prestation d'iceluy : de quoy je ne suis pas contant; mais, je croy qu'ilz font pour moy d'en user ainsy, s'ilz veulent secourir contre moy le duc de Savoye, car j'ayme mieux les avoir pour ennemis descouvertz que couverts. Nous verrons à quoy ilz se résoudront, quand le courrier, que le sieur de la Rochepot avoit depesché vers moy, pour sçavoir sur ce ma volonté, sera de retour vers luy, et connoistrons encores mieux leurs intentions, en l'assistance que donnera au dit duc de Savoye le comte de Fuentes, qui est de présent arrivé en Italye. Ce pendant, je dresseray et establiray mes affaires en ceste province, le mieux que je pourray, pour bien recepvoir le dit duc avec ses adherens, quand il s'y présentera, et verrez, par le mémoire que je vous envoyé, ce que nous y avons advancé, depuis mes dernières ; et auray à plaisir de sçavoir avec quel visage la dite dame recepvra ces miennes prosperitez et ce que les siens en diront : car, par le langage des ministres et conseillers des princes, on descouvre souvent plus facilement et certainement les opinions et volontez d'iceux que par eux-mesmes. J'ay remarqué sa curiosité, aux propos qu'elle vous a tenus de ma sœur et de son mary, ausquelz vous avez sagement respondu, et désire que vous luy tranchiez court, quand elle vous parlera cy-après de semblables matières, sans luy donner toutesfois subject, que le moins que vous pourrez, d'estimer que je me deffie d'elle, ny luy veuille rien cacher de ce qui me concerne. Au reste, je ne puis croire que les Estais suyvent sa cornette au dit traicté : ilz traitteroyent plus tost et plus advantageusement sans elle que avec elle. J'estime aussy que ce que en a mandé par delà le sieur de Barnavelt a esté plus pour donner martel à la dite dame, que envie qu'ilz ayent de contracter avec ceux de Bruxelles : toutesfois, il faut tousjours prendre garde soigneusement à ce qu'ilz feront, dont je me repose sur vous, priant Dieu, Monsieur
HENRY
DE NEUFVILLE
Copie. — Bibl. nat., Ms. fr. 4128, fol. 204 v».
A MONSIEUR DE BOISSISE
Monsieur de Boissize, Depuis mes dernières, ayant assiégé le fort de Charbonnières, qui commande à l'entrée de la vallée de la Moryanne, je Tay réduit en mon obéissance, ainsy que vous verrez, par le mémoire que vous recepvrez avec la présente. Gela faict, je suis venu en ceste ville, pour me reposer et purger, et ay envoyé à Chambery monsieur le chancelier et ceux de mon conseil, pour donner ordre à l'administration de la justice et des finances du duché de Savoye. J'ay commandé aussy au sieur de Lesdiguieres d'achever de nettoyer la dite Moryanne et passer après en la Tarantaise, pour faire le semblable, ayant sceu que le duc y a faict couller quelques trouppes, lesquelles je luy ay ordonné de charger, s'il les peut joindre. Le duc de Biron a, de son costé, achevé de conquérir tout le pays d'entre la Saône et le Rhosne appartenant au dit duc, jusques à Pierrc- Ghastel, lequel s'est aussy rendu ; il va maintenant à l'Escluse, affin d'ouvrir le chemin de Genefve et s'approcher du fort Sainctc- Gatherine, qui tient la dite ville de Genefve en subjection. Ce pendant, je fais assembler les provisions et munitions nécessaires pour assaillir le chasteau de Montmelyan et tiens la citadelle de Bourg blocquée de si près, que j'espère en avoir bon compte avec le tempz. Sur cela, le patriarche de Constantinople m'est venu trouver, pour me proposer, de la part du Pape, une cessation d'armes, dont je me suis excusé, pour ne vouloir donner loisir à mon cnnemy de se fortiffier davantage, à mon dommage. Le comte de Fouentes est bien arrivé en Italye, mais il semble qu'il n'ayt pas charge si expresse de secourir le dit duc qu il :i j)ublié, de quoy nous ne tarderons plus gueres que nous ne soyons esclaircis; car, la saison estant si advancée qu'elle est,
s'il fault que le dit duc soit secouru ceste année, il est meshuy tempz de mettre la main à la besongne : vous serez adverty de ce qui en adviendra. Vostre lettre du xvu'' aoust est la dernière des vostres que j'ay receue. J'ay eu à plaisir de sçavoir les particularitez, que vous m'avez représentées par icelle, et suis de vostre advis, que la négociation de Bolongne n'a esté que intermise et que l'on la verra bientost renouer, du moins entre la royne d'Angleterre; mais, je no croy pas qu'ilz y attirent les Estats, car ils n'y sont aucunement disposez, et si je crois que la guerre que je fais de deçà les en allienera tousjours davantage, pour l'espérance qu'ilz prendront qu'elle en engendre une autre contre le roy d'Espaigne, ou du moins qu'elle consommera une bonne partye des forces et moyens dont le dit Archiduc seroit assisté. J'ay bien considéré et pris vostre advis sur la recherche du roy d'Escosse et l'interdiction de l'entrée en mon royaume des drapz d'Angleterre, dont je vous ay cy-devant escript : partant, je surseoiray encores l'effect de l'ung et de l'autre et useray plustost du remède de représailles, si l'occasion s'en présente, que des deux autres; mais, en vérité, j'auroys bien plus aggreable d'avoir subject de me louer de leur amityé et justice. Le sieur de Nevil a laissé icy ung secrétaire, qui poursuit très asprement la revocquation de l'arrest donné en mon conseil, portant reiglement sur la vente des drapz angloys; mais, je n'ay pas esté conseillé d'y toucher, puisqu'il a esté jugé raisonnable et utille ; seulement, j'ay trouvé bon que l'on change la peine de confiscation en amende, pour les contanter; toutesfois, il ne sera rien dit icy au secrétaire, et sera le tout remis à vous, pour en user, comme vous jugerez estre à propos. Ce que le secrétaire de l'agent a publié par delà s'accorde très mal avec ce que mon ambassadeur m'en a escrit, car, il m'a asseuré que le dit agent y est veu de très mauvais œil et qu'il n'y a aucun crédit. Et pour le regard de l'advis que vous m'avez donné de Tevesque de Bolongne ^ sachez qu'il s'est accosté de ceux dont vostre lettre fait
