Le 17 août, M. de Boissise avait écrit au Roi
«Sire, L'evesque de Bolongne a fait bonne chère aux députez, mais je ne sçay si Vostre Majesté aura esté advertie qu'il a cy-devant, par le sieur Edmont, offert son service à la Royne. J'entens aussy qu'il a de bonnes addresses
mention, pour me servir et par mon commandement, dont je m'asseure qu'il n'abusera point : toutesfois, je vous sçay bon gré de ce que vous m'en avez mandé ; car, il fault avoir l'œil sur
tous. Je prie Dieu, Monsieur de Boissize,
A Grenoble, le xiiii'' septembre 1600.
HENRY
DE NEUFVILLE
Copie. — Bibl. nat., Ms. fr. 4128, fol. 205 vo.
A MONSIEUR DE BOISSISE
Monsieur de Boissize, J'ay eu à plaisir d'entendre, par vostre lettre du m*" de ce mois, que j'ay receue le xxii% que la royne d'Angleterre, ma bonne sœur, ayt si bien receu ma dernière lettre que vous m'avez escriptpar la vostre, qu'elle ayt approuvé la resolution que j'ay prise contre le duc de Savoye et qu'elle ayt monstre tant de resjouissance et de contantement des advantages que Dieu m'a ja donnez sur iceluy, lequel s'est tant confié en ses finesses et desguisemens, qu' en pensant me decepvoir s'est trompé plus que moy. Ainsy, la justice divine chastie ceux (jui usent de mauvaise foy et présument d'eux plus qu'ilz ne doibvent. J'ay, depuis mes dernières escriptes le xiiii" de ce mois, continué à pousser ma fortune assez heureusement; car, du costé de Savoye, j'ay achevé de nectoyer la Moryanne jusques
au Pays-Bas et promet de donner advis à la dite dame do ce qui s'y passera, de sorte qu'il s'est fait estroitte amityé entre luy et le sieur de Nevil. Je n'escrih cecy à Votre Majesté pour soupçonner rien de sinistre de luy, mais affln qu'elle commande à quelcun d'y avoir l'œil. » (Bibl. nat., Ms. fr. -4128, fol. 197, vo.)
au pied du mont Senis ; j'ay depuis faict passer mon armée en la Tarantaise, laquelle est de présent logée à Moustiers, siège de l'archcvesque du dit pays, après avoir forcé deux barricades ou retranchemens, que l'ennemy gardoit entre Gonflans et la dite ville de Moustiers : ilestvray qu'il est demeuré encores quelques gens en un roc situé près de l'une des dites barricades, qui est inaccessible, mais j'espère les en desloger bientost. Du costé de Bresse, le duc de Biron, après la reddition de Picrre-Ghastel, est allé au passage de l'Escluze, qui luy a esté rendu aussy facilement que les autres ; il est de présent aux environs du fort de Saincte-Gatherine, basty par ledit duc de Savoye pour blocquer la ville de Genefve, où je luy ay commandé de se rendre maistre de certains chastaux, qui sont proches du dit fort, par le moyen desquelz je incommoderay tellement ceux qui le gardent, que j'espère le réduire à la raison et, par ce moyen, deslivrer la dite ville de Genefve de la subjection qu'elle en a receuè jusques à présent, en le mettant par terre. Il y a encores ung autre fort au duché de Ghablays, que fait garder le dit duc, nommé Les Alinges, duquel aussy j'estime que j'auray bon compte, dedans peu de jours, car ceux qui le gardent parlent ja de composer ; mais mon principal desseing est d'attacquer, à force ouverte, la forteresse de Montmelyan, pour m'en rendre maistre, si je puis, devant que les neyges me chassent de ce pays. La place est très forte, assize en lieu advantageux pour ceux qui la gardent et très incommode pour les assiegeans ; elle est munie de toute sorte d'artillerye et d'autres provisions de guerre en quantité, bastie sur ung rocher qui n'a qu'une advenue, qui est bien fortiffiée et très difficile, tellement que j'auray de la peine d'en venir à bout si Dieu ne m'y assiste, comme il luy a pieu faire jusques à présent. Je n'en puis commancer le siège plus tost que le douze ou quinze d'octobre; mais, comme je ne puis asseurer ce que j'ay conquis en ce pays, si je ne me rends maistre d'icelle, je ne veux rien espargner pour l'avoir : c'est pourquoy je me suis résolu d'y porter toutes mes forces. La citadelle de Bourg-en-Bresse ne me peut fuyr, si l'autre tumbe entre mes mains, et, comme j'ay pris quasi tous les passages, par lesquelz le dit duc peut entrer en ce pays avec une armée, il aura peine
à secourir et sauver la dite place, sy le temps me favorise; toutcsfois , je suis adverty qu'il s'y dispose et prépare tant qu'il peut, et dit-on que le comte de Fouentes le doibt secourir des Espaignolz qu'il a amenez, outre lesquelz ils lèvent à Naples et à Milan quatre regimens de trois mil hommes de pied chascun; mais, j'estime qu'il sera difficille que les dites levées soyent prestes assez tost, pour servir le dit duc en ceste occasion. Neantmoins, l'ambassadeur d'Espaigne, qui est icy, continue à m'asseurcr que son maistre blasme le dit duc et n'approuve sa procédure, en laquelle il ne peut croire qu'il le veuille favoriser ny soustcnir, m'exhortant tousjours à la paix, à laquelle je continue aussy à luy déclarer que je suis aussy disposé que jamais, comme l'on cognoistra par eflect, quand ceux qui la troublent se gouverneront comme ilz doibvent. J'ay sceu que le dit comte de Fouentes a demandé au dit duc qu'il envoyé en Espaigne son filz aisné, avec le troiziesmc, et sa fille aisnée, pour estre nourrys auprès du dit roy d'Espaigne, et qu'il baille Garmaignolles en garde aux Espagnolz, avec les villes d'Ast, Verseil et Gony, qui sont les principales villes de Piedmont, après Thurin, dont le dit duc n'est pas trop contant; et toutesfois, il est si oultré de desespoir et mal conseillé, qu'il veut prendre ces fers, pour voiler contre moy. Ce que j'en trouve le meilleur est qu'il semble que les dits Espaignolz n'ayent pas grande envie de passer les Alpes, ceste année, et qu'ilz se contanteront de m'empescher d'en faire de mesme sur eux, comme s'ilz avoyent desseing, après avoir bien bridé le dit duc (de la foy duquel ilz ne sont gueres mieux satisfaictz que moy, et certes non sans cause), de trouver moyen de paciffier les affaires. A Ceste fin, ilz sollicitent le Pape, tant qu'ilz peuvent, d'envoyer vers moy un légat, et, s'il est possible, le cardinal Aldobrandin, son nepveu, pour traitter ung accord; en quoy je ne doubte point que Sa Saincteté, qui affectionne sur toutes choses la paix publicque, ne les contante volontiers, ce que je ne puis ny veux aussy cmpescher; mais, je n'ay pas deslibcré pour cela de quicter mes armes ny mes entreprises, si la dite royne d'Angleterre, qui a esprouvé la foy des dits Espaignolz, ne me conseille de ce faire, ainsy que vous luy direz, en l'usseurant que toutes mes prosperitez seront tousjours em-
ployéesà la servir et honorer, comme offrandes deues aux effectz que j'ay receus de son amityé, avec lesquelz j'ay recouvert ce mien sceptre, qui ne sera jamais espargné, aux occasions qui se présenteront de luy tesmoigner ma gratitude. Le secrétaire de son ambassadeur, qui est icy, m'a fait demander quand et où se feront mes nopces : j'estime que c'est parce qu'elle a desliberé d'y faire trouver quelcun de sa part. Je luy ay fait dire que je faisois tousjours estât que ce seroit en ma ville de Marseille, entre le xx'' et dernier jour du moys d'octobre; mais, il faut que vous sachiez que, si le dit duc de Savoye passe les montz, pour secourir le dit Montmelyan, ou si, pour me divertir le siège, il entre en mon royaume, par le costé d'Essilles, ainsy que je suis adverty qu'il propose de faire, il sera difficile que je me trouve en la dite ville de Marseille, au dit tempz; car, en ce cas, je ne vouldrois abandonner mon armée, sçachant que mon ennemy, qui m'a jusques à présent plus faict la guerre par ses artifices que par ses armes, s'en prevaudroit trop avant pour ma réputation. Partant, je ne puis encores parler certainement du tempz et lieu des dites nopces : toutesfois, vous ne ferez paroistre ceste incertitude à la dite Royne, en termes qu'elle prenne opinion que je veuille destourner la venue de celuy qu'elle vous a dit vouloir envoyer à mes dites nopces; car, en vérité, j'auray à plaisir de recepvoir d'elle ce tesmoignage d'amityé, en une telle occasion. Quand l'ambassadeur Neville vous a dit que j'avois fait deffense à mes subjectz d'aller au secours des Estats, il l'a fait comme personne très mal informée de la vérité, mais qui vouldroit m'avoir faict faire quelque déclaration publicque contre mes subjectz qu'il dit servir le roy d'Espaigne, qui peut offenser le dit Roy et luy augmenter le désir et le besoing de s'accorder avec sa souveraine, recherchant plus, en ce faisant, l'apparence que les effectz d'une vraye et sincère amityé, telle qu'est celle que je porte à la dite dame, comme vous luy avez très bien respondu. J'ay depuis receu vostre lettre du vin** et, avec icelle, les mémoires des déprédations et impostz dont ilz se plaignent, et de mandent qu'il en soit faict raison, suyvant les traictez, qu'ilz font toutesfois valloir, quand et ainsy qu'il leur plaist. Il sera bon que nous facions, de nostre costé, mettre par escript aussy noz
plainctes et griefs, affin que le tout soit considéré et resollu ensemble, n'estant pas conseillé de revocquer l'arrest donné en mon conseil, sur le reiglement des drapzde leur pays, ayant esté faict avec considération et raison, mais seulement d'ordonner, comme j'ay faict, que la peine de confiscation portée par iceluy sera commuée en celle de l'amende, comme j'estime vous avoir ja escript ; ayant remarqué que les ministres de la dite dame luy desguisent et cachent les pyratteries et injustices qu'ilz font à mes subjectz et la justice que les siens reçoipvent en mon royaume, et davantage qu'ilz ne font démonstration de me voulloir contanter que quand ilz veulent tirer de moy quelque provision, qui leur est nécessaire; puis, quand ilz l'ont obtenue, ilz ne tiennent compte d'effectuer ce qu'ilz ont promis, comme vous avez esprouvé pour le reiglement qu'ilz avoyent proposé, debattu et accordé, pour arrester le cours des dites piratteries. C'est pourquoy je veux estre doresnavant plus difficile et retenu que je n'ay esté, en semblables occasions. Leurs pirates infestent les mers de Levant, comme les autres, et ont retraicte, pour ce faire, ez portz du roy de Fez et de Marrocques, ce qui a engendré l'intelligence qui est entre la dite dame et le dit Roy, lequel redoubtant, comme il faict, la puissance du roy d'Espaigne, favorise les Angloys en leurs piratteries : j'entens mesme qu'il en tire commodité avec eux. Je vous envoyé ung mémoire de Brèves, pour response à celuy de l'agent de la dite dame en Levant, que vous m'envoyastes, il y a quelque tempz, par lequel vous serez informé de ce qui s'est passé ; toutesfois, je ne suis pas d'advis que vous leur en parliez le premier par delà, car les plainctes que nous leur faisons sur choses semblables sont inutiles. L'evesque de Bolongne est venu icy et a amené avec luy ung certain Anglois jusques à Lyon, qu'il dit avoir servy autrefois le comie d'Essex de secrétaire, mcsmes qu'il estoit en Irlande, et voulloir parler à moy, pour me descouvrir plusieurs choses d'importance, sans autrement se laisser entendre de (pielle part il vient : il n'a point de lettres. Le dit evesque dit (piil est fort habile homme et nourry aux affaires. Une fois, il dit que il croit que c'est la royne d'Angleterre qui l'envoyé par deçà, puisqu'il vient de la part du comte d'Essex. Enfin, je croy
que c'est quelque bon espion, qui est plus lin que le dit evesque, et, comme tel, je le recepvray et orray, la première fois, et vous advertiray de ce que j'en apprendray. Je loue la response que le comte d'Essex a faicte, sur la déclaration de sa liberté, et serois très ayse qu'il peust regaigner la bonne grâce de sa maistresse. Je loue Dieu de tout mon cœur de celle qu'il a faicte au roy d'Escosse, l'ayant préservé miraculeusement de la trahison qui avoit esté brassée contre sa personne, ainsi que j'ay appris par le discours que vous m'avez envoyé, duquel je désire fort de sçavoir la vérité, car on en parle desja diversement. Que je sçache aussy quelle opinion en a la dite Royne, ce que les siens en dyent, si elle l'a envoyé visiter sur ceste occasion et si les ministres, qui affectionnoyent le comte de Gourye, sont accusez d'avoir sceu et fomenté son desseing, et ce qui en succédera. Continuez aussy àm'advertir de ce que vous apprendrez du costé de Hollande, où, s'il est vray qu'ilz soyent si discordans que l'on dit, il y arrivera bientost quelque changement notable, de quoy je suis en peyne. Le comte de Harembergue est venu icy, de la part des archiducz de Flandres, pour se conjouir de mon mariage, m'asseurer de la continuation de leur amityé et déclarer qu'ilz ne participent point aux conseilz du duc de Savoye, ny de ceux qui le fomentent contre moy, dont ilz veulent que je croye qu'ilz sont très mal contans. Hz m'ont envoyé aussy ung nommé Darala, pour résider et faire leurs affaires auprès de moy, affin d'en descharger l'ambassadeur d'Espaigne. A vous dire la vérité, telles nouveautez et démonstrations, sur les occasions qui se présentent, me sont suspectes et me font croire qu'ilz sçavent que le roy d'Espaigne a envie de secourir ouvertement le duc de Savoye, voulant se tirer de la presse, pour ce que leurs affaires ne requièrent pas qu'ilz s'en meslent. Toutesfois, j'ay bien recueilly le dit comte et le dit agent, et ne debvez faire cognoistre par là que j'aye doubte de la volonté des dits Archiducz, au contraire déclarer que j'ay tout subject d'en estre fort contant. Je prie Dieu, Monsieur
HENRY
LETTRES DE HENUl IV. 179
Copie. — Bil)l. nat., Ms IV. H28, fol. 210 v».
A MONSIEUR DE BOISSISE
Monsieur do Boissize, Il n'eschot pas grande responce à voz lettres du xi" et dernier du mois de septembre, que j'ay receue, la première le xxix'' du dit mois et l'autre le xvii® du présent. Je loue Dieu de la bonne disposition de la Royne, ma bonne sœur et cousine, que vous m'avez confirmée par vostre dernière, mais je dis que vous n'estes pas bon chasseur, de ne m'avoir escript si elle prit et feit mourir le cerf, que vous m'avez mandé qu'elle courut six heures durant. Continuez à l'asseurer de mon amityé et luy dites que je suis bien privé en ce pays du dit exercice ; mais, j'espère que ceux qui en sont cause le payeront. Vous verrez, par le mémoire qui accompaigne la présente, ce que j'y ay advancé, depuis mes dernières, dont vous luy ferez part. Je fais estai de partir d'icy demain', pour aller rencontrer jusques à Marseille la Royne, ma femme, qui y doibt arriver le xxv® ou XXVI"' de ce mois, nos noces ayant esté célébrées à Florence le cinquiesme, par les mains du cardinal Aldobrandin, faict légat de Sa Saincteté à cest effect. Je ne m'attends pas que le voyage
1. Par le même courrier, qui lui portait la lettre du Roi, M. de Boissisc recevait la dépêche suivante de Villeroy :
« Monsieur, Comme le Roy vouloit partir, pour s'acheminer à Marseille, il a ou advis que le duc de Savoyc se preparoit et faisoit advancer les forces desquelles le comte de Fuentes l'a assisté pour secourir la forteresse de Moutmclyan, ce qui luy a fait changer de desseing, craignant, s'il abandonnait l'armée, que le dit duc secourust la dite place; car, sans douhte, son armée se fust grandement affoiblie, tant par l'absence de sa per.sonne que parce que toute la noblesse, qui est icy en grand nombre, se fust desbandée, outre les princes, qui eussent suy vi Sa Majesté. La voicy doncqucs arrestéc icy, de quoy je no suis marry, car, en vérité, j'apprchendois fort son esloignement. Quand nous aurons asseuré nostre conqueste, nous pourrons aller «lanser i\ nostre aise et en seuretë d'esprit et de corps. » (Ribl. nat., Ms. fr. '»128, fol. 211.)
dure plus do quinze jours, car je ne veux estre hors de mon armée plus longtempz que cela : ce pendant, j'en laisse la charge à mon cousin, le comte de Soissons, assisté comme il doibt estre, et si j'oys dire que le duc de Savoye s'esbranle, pour venir par deçà, je m'y rendray bientost. Le Pape fait passer jusques icy le dit cardinal Aldobrandin, pour me parler d'accord avec le dit duc, et vient en poste exprès pour s'y rendre plus tost. Je ne doubte point que Sa Saincteté ne soit mené à ce faire de son zèle ordinaire au bien et repos de la Ghrestienté, mais j'ay quelque occasion de me plaindre que mes ennemis ayent eu tant de pouvoir que de faire resouldre la dite légation, pour arrester le cours de mes armes, personne ne s'estant remué en ma faveur, durant tant de tempz que le dit duc a usurpé mon marquizat. Je verray ce que le dit cardinal me dira et je prendray conseil, avec Dieu et la justice de ma cause, de ce que j'auray à luy respondre. Ce pendant, je pousseray ma fortune tant que je pourray, ainsi que j'ay commencé, et vous diray que, si j'estois aussy asseuré de la délibération et volonté de la dite royne d'Angleterre à continuer nostre unyon contre ceux qui envient nostre prospérité, que j'ay occasion d'en doubter, comme vous sçavez, je traitterois avec le dit cardinal du dit accord encores plus retenu que je ne feray ; mais, vous sçavez quel fondement je puis faire des intentions de la dite dame, laquelle monstre avoir telle envie de la paix avec le roy d'Espaigne et les Archiducz, que cela est cause qu'ilz font moindre compte d'elle : toutesfois, je la tiens comme resollue, dont nous serons tost esclaircis ; or, je suis d'advis que vous continuiez à luy en parler sobrement, car nous ne gaignerons rien d'en user autrement. J'entens qu'elle a envoyé Garon vers les Estatz, pour leur communicquer les offres que l'ambassadeur de Marrocques luy avoit faictes contre le dit roy d'Espaigne, affin qu'ilz advisent s'ilz pourront s'en prevalloir, et qu'elle continue à leur faire dire qu'elle n'a moyen de les secourir ; toutesfois, elle s'efforce de se conserver tousjours en bonne intelligence avec eux, comme je croy qu'elle vouldra faire avec moy : partant il fault continuer à mesnager son intention. Ainsi que je faisois escriré la présente, j'ay receu la vostre du cinquiesme de ce mois, qui m'a confirmé en la créance que
j'avois de la prompte conclusion de la dite paix, de laquelle les dits Estats sont très bien advertis comme je le désire estre de la vérité de ce qui est advenu en Escosse, sur la mort des comtes de Gourye; car on en parle diversement. Mandez moy aussy comment se gouverne le comte d'Essex et s'il y a espérance qu'il rentre en grâce. Je prie Dieu, Monsieur
HENRY
DK NEUFVILLE.
Copie. — Bibl. nat., Ms. Ir. 4128, fol. 215 v».
A MONSIEUR DE BOISSISE
Monsieur de Boissizo, Je vous fais ceste lettre, seulement pour vous advertir que ce jourd'huy le chasteau de Montmclyan a esté remis en mes mains par le comte de Brandix, suyvant la capitulation que j'en avois arrestée avec luy, dès le xviii" du moys passé. Cest effect m'estant, par la grâce de Dieu, si heureusement reussy, je pars présentement, avec la meilleure partie de mes forces, pour aller rencontrer le duc de Savoye, que l'on dit estre descendu à la Tarantaise, avec son armée, par le mont du petit Saint-Bernard, sur l'espérance qu'il avoit de secourir ceste jdace, par le moyen de laquelle mes affaires ayans receu grand advantage, je me prometz que ce progrez sera encores suyvi de meilleurs succez, do quoy vous serez adverty ; priant Dieu, Monsieur de Boissize,
HENRY
DE NEUFVILLE
182 PIÈCKS JUSÏIKICATIVKS.
Copie. — Bibl. nat, Ms. fr. 4128, fol. 216.
A MONSIEUR DE BOISSISE
Monsieur de Boissize, J'estois en peyne de ne recepvoir de voz lettres, quand celles du dernier d'octobre et du vu" du présent sont arrivées, le xxu et xx!!!** d'iceluy, par lesquelles j'ay eu à plaisir d'estre faict certain de la continuation de la bonne santé et bienveillance envers moy de la royne d'Angleterre, ma bonne sœur et cousine, à laquelle je souhaitte aussy toute prospérité. Je vous ay donné advis, le xvi® de ce mois, de la reddition qui m'a esté faitte du chasteau de Montmeillan, et vous verrez, par ung petit mémoire qui va avec la présente, ce à quoy j'ay depuis employé le tempz, vous asseurant que, si je n'eusse esté combattu des neiges, qui ont couvert et fermé le haut des montaignes, le duc de Savoye n'en eust esté quitte à si bon marché qu'il a esté ; mais, elle m'ont contrainct de me retirer, me voyant inutille où j'estois. Toutesfois, je y ay laissé le sieur de Lesdiguieres, avec quatre mil hommes, avec lesquelz j'espère qu'il empeschera le duc de passer les lieux où il est campé, qui sont assis au pied du petit Sainct-Bernard, où les vivres commancent fort à lui mancquer. J'entens qu'il y attend d'autres forces, qui auront peine de le joindre, et, quand elles l'auront faict, elles luy seront peu utilles. Ce pendant, j'ay faict entrer dans le val de Maire, qui est du marquizat de Saluées, deux mil hommes de pied et deux cens chevaux, soubs la charge du sieur d'Auriac, lequel a surpris avec le pétard le fort d'Asseil, que faisoit garder le dit duc, et m'a rendu maistre du dit val, qui m'ouvrira le chemin, pour entrer plus avant dedans le Piedmont , et faitz estât de partir d'icy dès demain, pour aller recognoistre le fort de Saincte-Gatherine, que je tiens à demy investy, il y a quelques
mois, et voir quel advantage je y pourray gaigner. De là, je me rendray, par la rivière du Rhosne, en ma ville de Lyon, oii la Royne, ma femme, doibt faire son entrée, jeudy prochain, aflin de consommer et achever nostre mariage, où le cardinal Aldobrandin m'a offert de se trouver. A son arrivée, il me pria de donner des passeports aux députez que le duc de Savoye luy avoit dit vouUoir depescher devers moy, pour traitter de sa reconciliation avec moy : je les luy feis deslivrer sur le champ, sur lesquels les dits députez arrivarent hier en ceste ville, et j'ay commis les sieurs de Sillery (nagueres revenu de Rome) et le président Janin, pour traitter avec eux, en la présence du dit légat, qui demeurera, pour ce faire, en ceste ville, durant le voyage que je feray au fort de Saincte-Catherine. Vous serez adverty de ce qui en succédera : ce pendant, je veux que vous sachiez que, comme je n'ay pris les armes pour envahir et usurper le bien d'autruy, si le dit duc me faict raison du mien et que je reconnoisse de la seureté à traitter avec luy, j'auray à plaisir d'y entendre, aymant mieux fortiffier mes affaires de la justice d'une bonne cause que de tout autre advantage, comme tout prince chrestien doibt faire. Quand aux propos que la Royne vous a tenus, touchant les draps d'Angleterre, et ceux qui se sont passez entre vous et ceux du conseil de la dite dame, tant sur ce subject que sur leurs piratteries, je ne sçay plus que dire, sinon que, s'ilz ne se mettent en autre debvoir de faire raison à mes subjectz et me tesmoigner par effect leur amityé, il fauldra que je y pourvoie, par les moyens que je jugeray estre plus convenables. Ce pendant, faictes leur cognoistre que je ne suis satisfaict de telles procédures et que, puis que voz poursuittes sont inutilles, vous avez desliberé de vous en désister et laisser la barque comme elle pourra, espérant toutesfois que Dieu inspirera tellement quelque jour la dite dame, qu'elle y apportera le rcuicde et ordre que l'amityé que je luy porte et veux continuer mérite ; et, s'ilz vous parlent encor d'argent, respondez leur en froidement, comme vous avez commancé, et neantmoins, faictes leur cognoistre que je no mancquoray d'afl'ection envers la dite dame, mais que je suis marry qu'il n'y a meilleure intelligence «ntre nous, pour nostre commun bien, sans les presser d'autre
chose; car, quand je le ferois, je n'y gaignerois rien, comme nous n'avons que trop esprouvé, tenant pour certain que, si les Archiducz veulent traitter avec elle et la laisser vivre avec les HoUandois, comme elle faict, elle s'y accommodera et que enfin ilz accorderont en une sorte ou autre, de quoy vous continuerez à me mander ce que vous apprendrez. J'ay veu ce que vous m'avez escript de Wotton ; il s'en est retourné, avecl'evesque de Bologne, et ay sceu qu'il n'y avoit rien à gaigner avec luy. Entretenez doucement le sieur Sherley en la dévotion qu'il dit avoir de me faire service, que vous m'avez escript, affin de m'en pouvoir prevalloir, s'il fault que je rompe avec le roy d'Espaigne, de quoy vous serez adverty en son tempz. Je loue l'office que vous avez faict, à la requeste de ceux du clergé du diocèse de Sainct-Malo, et l'assistance que vous avez donnée à mon cousin de Rohan, et verrez, par l'extraict que je vous envoyé d'une lettre, qui m'a esté escripte par deçà, l'advis que l'on me donne de la négociation de l'ambassadeur de Marroc, affin que vous le confrontiez avec ceux qui vous ont esté donnez, pour en tirer quelque lumière. Je seray très ayse aussi de sçavoir à qui ilz ont desliberé de donner la charge des affaires d'Irlande, s'ilz en retirent le sieur Montjoye, comme d'estre adverty de toutes autres occurrences. Je prie Dieu, Monsieur de Boissize, qu'il vous ayt en sa saincte et digne garde. A Ghambery, le xxvm® jour de novembre.
HENRY
DE NEUFYILLE.
Copie. — Bibl. nat., Ms. fr. 4128, fol. 222 yo.
A MONSIEUR DE BOISSISE
Monsieur de Boissize, Vous avez bien faict de m'envoyer ce messager, exprès pour m'advertir du retour du sieur de Nevil et de la charge qui luy a esté donnée, comme de ce qui s'est passé entre ceux du conseil de la royne d'Angleterre, ma bonne sœur et cousine, et vous, tant sur le renouvellement ou confirmation du traitté de nostre alliance, que sur le reiglement de la marine et la punition des pirateries, dont vous leur avez si souvent faict instance. Vous sçavez que j'ay tousjours désiré conserver et estraindre nostre dite alliance et amityé, l'estimant utille et nécessaire pour nostre commun bien et l'affectionnant, outre cela, avec recognoissance d'obligation, pour avoir esté nourry en l'amityé de la dite Royne et en avoir tiré plusieurs bons effectz, desquelz je auray à jamais bonne souvenance ; je vous asseure que je continue encores en ce mesme désir et, combien que je me sois abstenu, depuis quelque tempz, d'en faire la démonstration que je faisois auparavant, ce n'a esté que je m'en sois refroidy, mais parce que j'ay cognu que la dite Royne et les siens n'y prenoyent plaisir, n'ayant voulu interrompre leurs autres desseings, ny faire cognoistre à la dite dame que j'eusse en cela autre but qu'elle, ainsy que vous luy direz, l'asseurant (|u'elle me trouvera tousjours très véritable et accompaigné de toute franchise et bonne foy; mais, je ne désire pas qu'elle pense que la crainte ou le subject de la guerre de Savoye ou d'Espaigne me face tenir ce langage, car vous sçavez que j'ay tousjours ainsy parlé, devant et depuis la paix de Vervins, et qu'il n'a tenu qu'à elle et ses ministres qu'elle n'en ait veu les effectz, c'est-àdire que nous n'ayons rafraischy, confirmé, voire amplifié le dit (raicté. Davantage, il ne tiendra qu'à moy que je n'asseure la
186 PIÈCES JUSTIFICA.TIVES.
paix que j'ay avec le dit roy d'Kspaij?ne, en finissant la j^uerre de Savoye, en laquelle Dieu, qui est juste ju^e des intentions et actions des princes, m'a, par sa saincte grâce, donné tel advantage, que je puis dire avoir entre les mains l'eslection de la paix ou de la guerre, avec autant d'honneur, utillité et seureté, en l'une et en l'autre, que ont eu les roys, mes prédécesseurs, depuis quarante ans ; et vous diray ingenuement, pour le faire entendre à la dite dame, que de mon naturel je incline bien autant au repos que au continuel travail des armes ; car, encores que, pour y avoir esté nourry, j'en aye faict comme une habitude, qui me le rend moins difficile à porter que à tout autre, neantmoins, quand je considère, comme prince chrestien, les calamitez qui sont inséparables de la guerre, quelque ordre que l'on y puisse apporter, je la fuis et veux fuir, aultant que ma réputation et le soing que je doibs avoir de mon royaume me le permettront. Je vous ay donné advis de la poursuitte que fait pour cela le Pape, par l'entremise du cardinal Aldobrandin, son nepveu, et comme, partant de Chambery, j'avois laissé auprès de luy mes députez, oi^i estoyent aussy ceux du duc de Savoye, pour en traicter : à quoy il a esté peu advancé, et fault que je vous die que le cardinal se monstre si désireux de favoriser et espargner mon ennemy, que je n'en suis pas contant. J'ay commancé la guerre par nécessité , ne pouvant conserver ensemble la paix et ma réputation ; je ne veux pas estre tousjours subject aux bisarreries et à la mauvaise foy du dit duc de Savoye, ayant pour arc-boutantla force d'Espaigne; partant je veux nonseulement avoir mon compte, qui est ce qui m'appartient justement et entièrement, mais aussi l'avoir et en jouir avec seureté telle que il convient, affin que le dit duc ne puisse à l'advenir regimber contre le respect qui m'est deub et sa foy : c'est ung breuvage qu'il luy fasche fort d'avaller, mais, puisqu'il a faict la follie, il fault qu'il la boive et qu'il serve d'exemple à ses semblables. Le dit cardinal Aldobrandin doibt arriver en ceste ville, dedans trois ou quatre jours, pour continuer et advancer sa poursuitte, et serez adverty de ce qui en succédera, affin d'en rendre compte à la dite dame. Ce pendant, vous l'asseurerez, soit que je face la paix ou que je continue la guerre, que je seray
tout prest de rcnouveller, confirmer, voire arapliffîer nostre alliance, quand elle le vouldra faire, et plus encores par vrais et sincères effectz que en papier et par escrits. Vous sçavez quelle a esté la patience que j'ay eue de l'injustice qui a esté faicte à mes pauvres subjectz de tant de piratteries que l'on a faict sur eux, et le debvoir auquel je m'en suis mis de faire raison aux siens de celles desquelles ilz ont demandé justice, affin de la convier d'user de revanche, et le peu que tout cela et voz poursuittesy ont advancé ; de quoy je accuse plus ses officiers que la volonté de la dite dame ; et telz larrecins aussy ne servent que à enrichir quelques particuliers, aux despens du public, de la réputation et du service de ceux qui les tollerent. J'ay considéré la forme de confirmer le dit traicté d'alliance, que ceux de son conseil vous ont proposée, à laquelle je ne feray difficulté de m'accommoder : car, d'y procéder par déclaration ou par ung nouveau traicté il m'est indiffèrent, pourveu que chascun ayt son compte, c'est-à-dire qu'il y ait de l'égalité et de la seureté pour nos subjectz, en ce qui sera traicté. Il ne faut point aussy que nous obmettions à faire en cecy ce qui est nécessaire pour le respect du roy d'Escosse ny d'autres, et moins pour espargner la despense ; car, pourquoy le dit Roy trouveroit-il mauvais que la dite dame et moy vivions en paix, confirmions et ampliffions nos traittez, pour le commung bien de nos dits subjectz et pays? Nous ne voulons rien faire à son dommage et quand, par mauvais conseil, il en prendroit autre opinion, ce que je ne pense pas qu'il face, cela ne nous doibt garder de faire ce que nous jugerons estre juste et utille à noz subjectz ; et, quand à la despense, ce n'est chose digne de considération , pour faict de telle imporfance. Toutesfois, je suis contant, comme je vous ay ja dit, d'en user en la forme qui a esté proposée, par laquelle toutesfois je juge bien qu'ilz pensent bien autant î\ fuir le bruit et l'ostentation (jue la despense, pour la raison remarquée en vostre dite lettre; mais, il ne m'en chault, pourveu que nous jouissions des effectz d'une vraye, sincère, csgalle et mutuelle alliance, telle que nous ayons occasion d'estre contans de part et d'autre. Mais, comme vous sçavez que le traitté de l'an 1572 donne de grands advanlages aux subjectz de la dite dame en mon royaume,
qui ne sont accordez aux miens dedans le sien, j'estime que c'est pour cela qu'ilz ne veulent faire autre chose que une déclaration sur iceluy ; car, faisant des traittez h part, tant pour le faict de l'admirauté que pour le payement de ce que je doibz à la dite dame, à quoy véritablement je seray très empesché de donner ordre, mesme s'il faut que je continue à faire la guerre, de quoy je pourray estre esclaircy devant que le dit sieur de Nevil arrive, ce ne sera remédier à la dite inégalité, pour le regard du traffic. Je sçay bien que le dit traitté de 72 fut accordé, ainsy qu'il est, pour donner occasion et moyen à la dite dame de se retirer du tout de l'amityé, correspondance et commerce d'Espaigne et des Pays-Bas, et se rallier avec la France ; mais, la dite dame estant à la veille de la renouveller, comme elle est, il n'y auroit raison d'affecter la dite inégalité. Vous le remonstrerez à la dite dame et à ses serviteurs, comme il sera faict icy au dit sieur de Nevil, leur disant que, si la dite dame veut se rallier et unir à moy entièrement, sans s'accommoder ny faire la paix avec les autres, en ce cas, non seulement je confirmeray le dit traitté de 72, en sa forme, et pourvoiray à l'exécution d'iceluy, affin qu'elle et ses subjectz en jouissent, et donnerons ordre ensemble au règlement de la mer, suyvant les ouvertures qui en ont esté faictes, mais aussy ferons, si elle veut, une plus estroitte alliance, qui sera à l'utilité et advantage de nous et de nos royaumes et subjectz. Il est vray que, s'il fault que je continue la guerre, il me sera très difficile de payer ce que je doibs à la dite dame, ainsy que j'ay ja dit; partant, il fauldroit qu'en ce cas elle eust patience. Je vous en advertiray, non pour le dire à la dite dame ainsi cruement, car je sçay qu'elle s'en picqueroit, mais affin que vous sçachiez ce que je puis faire en cela, pour vous reigler et conduire en ce que vous aurez à traicter avec la dite dame, à laquelle aussi il me semble qu'il ne fault faire ouverture, principallement en mon nom, de nostrc susdite unyon et intrinsèque alliance, si vous ne cognoissez qu'elle soit désespérée du traitté qu'elle monstre vouloir faire avec ceux d'Espaigne et de Flandres ; car, je craindrois qu'elle s'en prévalut envers eux, comme j'ay encores quelque opinion qu'elle veult faire de ceste dernière démonstration et déclaration qu'elle faict, de désirer confirmer
le dit traitté de 7:2, sinon que nous debvions attribuer ceste procédure à son esprit fluctuant et irrésolu, tel qu'il s'est tousjours monstre. Je me remectz à vostre jugement, me contantant vous descouvrir mon intention, affm de la mesnager et mettre en œuvre, ainsy que les occasions vous donneront subject de le faire, estant certain qu'il faut se conduire délicatement avec ceste princesse et les siens, à cause de leur naturelle deffiance en toutes choses et surtout de la France, laquelle a tant de pouvoir sur eux, que toutes les propositions qui leur sont faittes de ma part, encor qu'elles leur soyent évidemment utilles et advantageuses, neantmoins leur sont si suspectes, que souvent ilz les rejectent, sans autrement les examiner; et vous advertiray à propos de ce que je feray avec le cardinal Aldobrandin, avec lequel j'auray bientost fait ou failly la paix, car je ne puis ni ne veux estre incertain de ce que je doibz faire. Le duc de Savoye est toujours campé au pied du petit Sainct-Bernard, avec son armée, qui se diminue tous les jours : je n'ay point d'advis encores qu'il se soit esbranlé pour secourir le fort de Saincte- Gatherine, qui me doibt estre rendu dimanche, tellement que je croy qu'il endurera que la capitulation soit effectuée, comme il a faict celle de Montmelyan. Gela faict, je donneray si bon ordre à la citadelle de Bourg, que j'espère qu'elle ne m'eschappera, non plus que les autres. Ge pendant, je suis venu en ceste ville, pour consommer mon mariage, comme j'ay fait heureusement, avec une princesse de laquelle j'espère, en vérité, de recepvoir à l'advenir, comme j'ay commencé, tout contantement ; de quoy vous vous conjouirez de ma part avec la dite Royne, ma bonne sœur et cousine, de laquelle vous continuerez à me mander des nouvelles, comme du succès de la guerre d'Irlande et de toutes autres occurrences. Au reste, j'ay veu la plaincte que vous a faict le secrétaire Gecill de mon ambassadeur résidant en Levant et la respon.sc qne vous luy avez faicte, qui est telle que il la debvoit attendre, puisqu'il avoit faict si peu de coniptc de chastier le facteur ou agent que la dite dame tient au dit pays, sur l'instance que luy en avez faicte, lequel, y ayant eu accez et place par la faveur des rois, mes prédécesseurs, et mienne, a ausé depuis entreprendre de s'y advantager, au préjudice de mon auclorilé,
niesmes de l'honneur de ma personne ; de quoy vous estant plainct à la dite dame et à ses serviteurs par mon commandement, tant s'en faut qu'ilz y ayent donné ordre, que leur dit facteur s'en est monstre plus fier et insolent. Or, vous ne leur en parlerez point davantage que vous avez fait, s'ilz ne vous en donnent occasion ; mais, s'ilz le font, vous leur direz que, comme ilz sont cause de la mauvaise intelligence qui est entre nos ministres, il faut que ilz la reparent par efl'ectz qui me contantent, s'ilz veulent que je commande au mien de changer de stille avec le leur, son impudence estant insupportable. Je prie Dieu, Monsieur
HENRY
UE NEUFVILLE
Copie. — Bibl. nat., Ms. fr. 4128, fol. a26.
A MONSIEUR DE BOISSISE
Monsieur de Boissize, Le fort de Saincte-Gatherine me fut rendu, le XVII*' de ce mois, suyvant la capitulation que je vous ay escript, par ma lettre du 6% que j'avois faicte avec ceux de dedans. En suitte et conséquence d'icelle, ceux qui gardoyent celuy des Alinges, assis au balliage de Ghablais, l'ont depuis remis aussy en mon obéissance. Il n'est gueres moins fort et important que Vautre ; par ainsy, il ne reste plus de place en Savoye que je ne possède, grâces à Dieu, excepté les bourgs et villages non fortiffiez assis au pied du petit Sainct-Bernard, où le duc est campé, il y a plus de six semaines, sans s'estre advancé d'ung pas. Plusieurs estiment qu'il n'en partira, que le cardinal Aldobrandin ne
nous ayt accordé, ou perdu tout espoir de le faire, et d'autres qu'il y attend encor ung renfort de Suisses et de Napolitains, avec lequel il fait estât d'entrer en ce pays, quand mon armée sera retirée ; mais j'espère, s'il prend ce dernier party, qu'il s'en trouvera mal, puisqu'il n'a point d'artillerie, qui soit suffisante pour forcer les places que j'ay prises, lesquelles, je me prometz, seront mieux deffendues par mes gens, qu'elles n'ont esté par les siens. Il aura peyne aussy, s'il s'advance, de faire vivre son armée, le pays estant mangé et ruiné, comme il est. Quand à la négociation du dit cardinal, elle achemine assez lentement jusques à présent, mais j'en veux estre résolu dedans Noël. A présent, il m'offre de me rendre mon marquisat de Saluées, sans condition ny reserve de prétention, mais je ne veux l'accepter, destruict comme il est, sans recompense tant des fruictz et deniers qu'il en a tirez, depuis son usurpation, que des degastz qu'il y a faictz : davantage, je demande qu'il paye les frais de la guerre, qu'il m'a contrainct de faire, qu'il me laisse le chasteau de Montmeillan, pour quelque tempz, en gage de sa foy et de me faire raison des droictz et prétentions que j'ay sur les pays du dit duc, ainsy qu'il est porté par les traittez de l'an 1559 et autres faictz avec luy, en conséquence d'icelluy. Voilà où j'en suis avec le dit cardinal, lequel fait contenance de n'avoir pouvoir de pourveoir aux susdites demandes, desquelles neantmoins je vous asseure que je rabbattray peu de chose ; car, je ne veux plus me fier au dit duc, et ne veux qu'il soit en sa puissance de me remettre à la guerre, quand il vouldra, qu'il n'ayt du moins occasion de se ressouvenir de la faute qu'il a faicte, de m'avoir contrainct ceste fois d'y entrer. Vous serez adverty de ce qui en succédera, comme j'ay esté très ayse de l'avoir esté de la bonne santé de la Royne, ma bonne sœur et cousine, par vostre lettre du âS*" de novembre, que j'ay receu icy le 17® de ce mois. J'ai remarqué les propos qne vous m'escrivez, par icelle, vous avoir esté tenus par l'admirai, sur la guerre dç Savoye, laquelle il a opinion debvoir attirer celle d'Hcspaigne. Je vous diray sur cela «pie, si nous pouvions engager la royne d'Angleterre en la dite guerre avec moy, en cas qu'elle ayt lieu, ce seroit ung grand bien : partant, adviscz si vous l'y pourrez induire. Si b» roy
d'Espaigne me coniniance la guerre, il faudra que les archiducz de Flandres dansent, soit pour contanter et seconder le roy d'Espaigne contre moy, ou que je sois conseillé de les assaillir et me ruer sur eux, pour divertir les forces et desseings du dit roy d'Espaigne : en ce cas, je desirerois y porter la royne d'Angleterre et luy faire bonne part des advantages que j'acquerrois de ce costé-là. Considérez si l'offre de ce partage pourroit la chatouiller : pour moy, j'en doubte fort, cognoissant sa jalousie et son naturel; toutesfois, aucuns ont opinion que, estant mal satisfaicte de la procédure des Espaignols et Archiducz, elle entendra volontiers à ce parti ; car, il ne fault pas qu'elle croye que ces derniers se séparent des autres pour traitter avec elle, ainsy que peult-estre elle desireroit, car ilz ne l'oscroyent. Partant, elle aura tousjours meilleur et plus seur compte de se rallier et bien unir avec moy, que de s'attendre aux autres : or, je remets à vostre jugement d'user de ceste ouverture et diversité d'advis, ainsi que vous cognoistrez estre utille pour mon service; mais, s'il faut que vous vous en descouvriez, faictes le comme si c'estoit de vous-mesmes et par forme de discours, luy représentant que, encores que je n'aye aucune inclination d'entrer en guerre avec le roy d'Espaigne, et moins avec les Archiducs, neantmoins vous prévoyez, si celle de Savoye dure, qu'elle allumera les autres, en despit que nous en ayons de part et d'autre, pour l'assistance que reçoit le dit duc d'eux, de laquelle il est certain qu'ilz ne se désisteront, et bastissez sur cela vostre proposition, de façon que de prime face elle n'estime, ou ceux ausquels vous en parlerez, que vous ayez charge de moy de le faire. Au reste, vous avez très bien fait de vous estre conduit ainsy que vous avez faict, sur la prétention de l'ambassadeur de Moscovie, de laquelle la dite dame et ses ministres ne debvoyent pas seulement permettre que vous eussiez aucune cognoissance, tant elle est ridicule et mal fondée. Continuez à m'advertir de toutes occurrences et mesmes de ce qui se passe en Escosse, où j'entens que le Roy est très mal avec la Royne, sa femme, et grande partie de ses sujectz, et aussi en Irlande, où je souhaicte toute prospérité à ma dite sœur, que vous continuerez à salluer de ma part, l'assurant tousjours du contantement particulier que
LETTRES DE HENRI IV. i93
j'ay de la Royne, ma femme, laquelle ayme autant que moy les exercices de la chasse et ceux qui me sont les plus aggreables. Je prie Dieu, Monsieur de Boissize,
HENRY
DE NEUF VILLE
Copie. — Bibl. nat, Ms. ir. 4128, fol. 228.
A MONSIEUR DE BOISSISE
Monsieur de Boissize, Je vous escris la présente, plus pour vous advertir de la réception des vostres, du vi'' et xvi*' de décembre, que pour autre subject que j'aye de ce faire; car, quand l'ambassadeur de la Royne, ma bonne sœur et cousine, sera arrivé et qu'il m'aura exposé sa charge, je prendray lors conseil de ce que j'auray à luy respondre, dont vous serez adverty. Ce pendant, vous avez très bien faict de nous avoir envoyé ung mémoire des injustices qu'ilz font par delà à mes subjectz, pour m'en plaindre au dit ambassadeur, estant desliberé, quand il me demandera de l'argent et de renouvellerle traitté de l'an 1572, de luy demander raison des dites plainctes et non me contanter qu'ilz n'y ayent satisfaict. Il est certain que mes dits subjectz ne sont pas mieux traittez en Hespaigne, tellement qu'il semble qu'ilz soyent aujourd'huy en proye aux uns comme aux autres, chose que je ne puis plus endurer : aussy n'est-elle moins honteuse que préjudiciable. Enfin, le duc do Savoye m'a quicté et du tout abandonné la Savoye, ayant repassé les monts avec son armée, depuis le xx° décembre, qu'il partit des lieux où il estoit logé, jusques au XXII1I^ 11 a perdu, en sa retraicte, force gens et grande quantité d'armes, à cause du mauvais tempz, mais il aura trouvé en IMcdmont trois mil Suisses et quatre mil Napolitains, avec quoy il a publié, quand il est deslogé, qu'il alloit assaillir la Provence, ce qui a esté cause que je y ay incontinent envoyé une partye de
mon armée, et espère que Dieu me fera la grâce de rendre ses desseins de ce costé là aussi malheureux que ont esté les autres. Ce pendant, ceux qui gardent la citadelle de Bourg sont reduictz à telle extrémité de leurs vivres et autres commoditez, qu'il leur est impossible qu'ilz passent ce mois sans capituler : quoy sçachantle cardinal Aldobrandin et les députez du dit duc qui l'assistent, ilz pressent, plus qu'ilz ne souloyent, la conclusion de la paix qu'ilz poursuyvent, tellement que nous ne sommes plus en difîerend que de la démolition du fort de Saincte-Gatherine, laquelle je veux estre effectuée, quoy qu'il en puisse arriver; à quoy les autres contredisent tant qu'ilz peuvent, et principallement le dit cardinal, à cause de ceux de Genefve, ausquelz non seulement il ne veut consentir estre faict aucune grâce, mais voudroit aussy m'empescher de continuer ma faveur et ma protection; en quoy il ne sera pas creu, car il m'importe trop que la dite ville soit conservée en Testât qu'elle est. Je n'ay pas accoustumé aussy d'abandonner au besoing ceux desquelz moy et mon royaume ont tiré assistance et plaisir, aux occasions qui s'en sont présentées, de manière que j'ay commandé que la dite démolition soit faicte; et, d'autant que le dit cardinal s'est laissé entendre sur cela, qu'il se retirera sans rien conclurre, si elle avoit lieu , je demeure incertain encores de la resolution du dit traitté ; mais, vous serez adverty, par ma première, de ce qui en succédera, comme je désire l'estre par le menu de ce qui se passe en Irlande et de la suitte du traicté commancé entre ladite dame et les Archiducz, duquel la conclusion de celuy qui se poursuyt icy pourroit bien accroistre d'ung costé et diminuer de l'autre l'envie, pour les raisons que vous pouvez bien comprendre; tant y a que je seray bien ayse de sçavoir à poinct nommé ce qui s'y advancera. Escrivez moy pareillement ce que faict le comte d'Essex et comment la Royne le traitte, et se conduit envers elle. Si vous apprenez quelque chose du costé d'Escosse, continuez à m'en faire part, comme de toutes autres occurrences. Je prie Dieu, Monsieur de Boissize,
HENRY
DE NEUFVILLK.
Copie. — Bibl. nat., Ms. fr. 4128, fol. 237.
A MONSIEUR DE BOISSISE
Monsieur de Boissize, Depuis mon retour de deçà, j'ay receu voz deux depesches, du xxviii° du passé et vii*^ du présent, etveu en l'une et en l'autre, comme il vous a faillu avoir la patience d'ouyr blasmer diversement nostre traitté avec le duc de Savoye. C'est une liberté qui ne se peut éviter, que de parler des affaires d'autruy à safantaizie, et ceux qui le font ont tousjours pour eux ceste excuse, si c'est inconsidérément, qu'ilz n'ont pas si curieusement examiné le faict, comme s'ilz y estoyent intéressez en leur particulier. La certitude du dit traicté, qui sera depuis arrivée, leur aura peut-estre fait changer d'advis , si ce n'est qu'ilz jugent plus leurs désirs et passions que la qualité de la chose; et, sur ce propos, le meilleur est de respondre pour le gênerai qu'il y peut avoir des raisons qui leur peuvent cstre incognues et n'attacquer de discours que sur ce qu'ilz se pourroyent plaindre y avoir esté faict contre et ati préjudice des traictez qui sont avec eux, dont il ne se trouvera qu'ilz ayent aucun subject, non plus qu'il y a eu de vouUoir faire trouver mauvais à ceux des Estats le passage, qui est réservé par le dit traitté dans les terres eschangées, pour passer à la Franche- Comté; car, le but de la guerre que j'ay entreprise n'a pas esté pour aller combattre leurs ennemis hors de mon royaume et empescher qu'ilz ne vinssent jusques à eux : ce a esté pour recouvrer ce qui m'estoit injustement détenu par le dit duc do Savoye; mais toutesfois, ilz y ont proffité que le dit passage leur est maintenant plus incommode et difficile qu'il ne leur cstoit auparavant; car, au lieu qu'il leur estoit libre par toute une province, il leur est à présent restrainct à une lizierc de chemin, où il ne leur est permis d'avoir ny faire aucune forteresse, de
sorte que ceux qui en jugeront sainement diront que ceux dos dits Estats m'en sont fort obligez et y ont receu de fort bons offices, comme je continueray tousjours de leur en faire, aultant que je pourray et qu'il me sera permis par le dit traicté. Le duc de Savoye en debvoit envoyer la ratiffication, dans le xvi", et, pour ce qu'il ne l'a voulu faire plus tost et qu'il ne l'a pas faict, quelques-uns ont fait conjecture qu'il ne le vouloit pas faire; et, sur le bruit qui en a couru, le légat, qui estoit encores en Avignon, qui s'est senti picqué que l'on ait pensé qu'il ayt peu estre desadvoué de ce qu'il a faict, en est party en diligence et en colère, pour aller trouver le dit duc de Savoye, m'ayant, en partant, depesché le comte Octavio Tassoni, pour me supplier de ne faire aucune mauvaise conjecture du dit bruit qui avoit couru, et qu'il s'asseuroit qu'il estoit faux et que cela ne serviroit qu'à rendre l'establissement du dit traitté plus ferme et plus solide, comme il s'acheminoit expressément à cest efTect. Je n'en ay, pour mon regard, pris aucune allarme, n'y voyant apparence ny fondement ; car premièrement, la citadelle de Bourg ne se peut sauver, ceux de dedans ne vivans, il y a près d'ung mois, que de l'aumosne qui leur est faicte par ceux qui les assiègent, et par conséquent toute la Bresse demeure perdue pour le dit duc de Savoye; et, au paravant qu'il ayt par force recouvert la Savoye, que luy rapporte le dit traicté, il s'y passera beaucoup de tempz; et, d'en faire la represaille ailleurs, il a donné trop de loisir d'y pourveoir, pour y pouvoir faire aucun progrès : ainsy rien ne le pourroit précipiter à cela, qu'ung extresme despit et chollere, dont il auroit plus de loisir de se repentir que de moyens d'y remédier. Je laissay à Lyon , en partant, mon cousin le connestable et les sieurs de Yilleroy, de Sillery et Janin, pour pourveoir à l'exécution du dit traitté, quand la ratification seroit arrivée, desquelz je suis attendant advis, si le dit duc de Savoye l'aura envoyée dans le dit xvi% comme il l'avoit promis, ainsi que j'estime qu'il l'aura faict. S'il y a mancquéet si c'est avec quelque froide raison et excuse, ce sera lors qu'il y faudra donner ordre et à quoy je ne seray point surpris, et pourrez respondre à ceux qui vous en demanderont, que cela ne me tient en aucune peine, mais que je suis bien resoUu, s'il m'y faut retourner, de me faire mieux des-
frayer du second voyage, que je n'ay faictdu premier. J'ay veu, au reste, en vos dites depesches, qu'il n'a pas tenu à faulte de soing de vostrepart, que mes subjectz n'ayent meilleure justice par delà des déprédations qui sont faictes sur eux par les Angloix, qui s'y animent et encouragent tousjours davantage, tant s'en faut que les deffenses que l'on dit leur en estre faictes sur eux les en repriment ou retiennent. J'en ay eu encor de nouvelles plainctes, du costé de la Provence, où, depuis nagueres, ilz ont faict plusieurs excez. J'espère qu'à la fin de ce mal il en adviendra ung grand bien et que noz costes se trouveront d'ores en avant armées, en sorte qu'elles pourront vanger telles injures ; pour le moins, je suis asseuré que, dans la fin de ceste année, il y aura dix galleres au port de Marseille, en bon estât de servir, qui pourront recepvoir les Angloix, s'ilz continuent de visiter ceste coste, comme ilz ont faict depuis quelque tempz. Ce pendant, il seroit bon, pour retenir tousjours le droict et la justice de nostre costé, de faire par delà instance d'observer le reiglement, que l'on dit avoir ci-devant esté faict, de faire bailler caution à tous les navires armez en guerre qui iront en voyage, pour respondre des piratteries dont ilz seroyent accusez. Il sera bon que vous envoyiez par deçà la procédure, qui a esté faicte, du vaisseau qui a esté jugé de bonne prise, pour porter du bled en Hespaigne, pour en faire ordonner icy la represaille, comme il est trop juste et raisonnable. C'est tout ce que j'ay à vous dire, pour ceste fois, sinon que vous vous pouvez resjouir de ma part avec la royne d'Angleterre, ma sœur, de la grossesse de la Royne, ma femme, qui est tenue icy pour bien asseurée. Sur ce, je prie Dieu, Monsieur de Boissize, vous conserver en sa saincte garde. Escript à Paris, ce xx" jour de febvrier 1601.
HENRY
FORGET
7 MARS 1601 Copie. — Bibl. nat., Ms. fr. 4128, fol. 243.
A MONSIEUR DE BOISSISE
Monsieur de Boissize, Ayant receu vostre lettre du SO** du passé, où estoit le premier advis de ce qui estoit advenu à Londres, je me doubtay que vous ne tarderiez pas à faire une seconde depesche, qui expliqueroit le fait plus particulièrement qu'il n'estoit dans la première, et, pourceste occasion, j'ay voulu différer à vous renvoyer vostre courrier, après la dite seconde depesche, laquelle j'ay eue depuis deux jours seulement, et ay veu en icelle l'audience que vous avez eue de la royne d'Angleterre, pour vous conjouir de ma part avec elle de ce qu'elle avoit si heureusement esvité cest inconvénient, et les propos qu'elle vous en a tenus, par lesquelz jerecognois que les affaires du comte d'Essex et des autres, qui sont de son party, sont en mauvais estât. Je suis bien ayse que vous ayez faictpar advance ce compliment avec elle; je luy en fais maintenant ung autre, sur ce mesme subject, par une lettre particulière de ma main, de laquelle je vous envoyé l'original et la coppie, affm que vous puissiez former sur icelle les propos que vous en pourrez avoir avec elle. Je désire bien estre informé quelle estoit l'entreprise du dit comte d'Essex, quelle en debvoit estre la forme de l'exécution, quel fondement il pouvoit avoir d'estre assisté et par qui, et vous prie de vous en enquérir curieusement, pour m'en donner ung advis le plus exact et particulier que vous pourrez. Il sera aussy à propos que vous voyez de ma partie sieur Gecil et les autres principaux du Conseil, sur lesquels pouvoit estre ce desseing, pour leur faire entendre que j'ay esté bien ayse qu'il ayt esté descouvert et que je l'ay fort condamné et blasmé, tant pour celuy qui en estoit l'aucteur, pour l'extresme obligation qu'il avoit à la Royne, que de ce qu'il estoit fait contre eux, qui en sont les principaux
ministres et que je sçay avoir tousjours esté affectionnez à Tentretenement de la bonne amityé et intelligence qui est entre la Royne et moy, particulièrement le dit sieur Cecil, auquel vous offrirez mon affection et bonne volonté, les asseurant tous que, tant s'en faut que je voulusse en cela excuser ou prier pour le dit comte d'Essex, que je serois le premier à le condamner, tant j'ay en horreur la faulte, si elle est telle que l'on la publie. Je vous feis une depesche' du 20° du passé, en laquelle vous aurez trouvé de quoy satisfaire à ceux qui veulent discourir sur le traicté de paix faicte avec le duc de Savoye, mesmes sur le passage qui y est réservé aux Hespaignols pour aller à la Franche- Comté; je vous mandois aussy comme la ratiffication, que debvoit envoyer le dit duc de Savoye, du xvi° du passé, n'estoit point encores arrivée et comme j'en avois prolongé le delay encores pour XV jours, lesquelz sont ja expirez, et toutesfois il n'y a pas encores esté satisfaict; et l'excuse qu'en prend le dit duc de Savoye est qu'il n'avoit point encores veu le légat, qui avoit eu si mauvais tempz en son voyage, qu'il n'estoit pas arrivé le xxii° auprès du dit duc, ce qui est bien certain ; mais, la principalle raison du dit retardement est qu'ilz attendent le retour d'ung courrier, qu'ilz ont depesche vers le roy d'Hespaigne, pour avoir sa resolution sur la dite ratiffication de la paix, laquelle le bruit tout commun est en Italye que le duc de Savoye et le comte de Fuentes ne veulent point, l'ung pour le désir qu'il auroit de se vanger du mauvais traittement qu'il a receu et recouvrer la perte de sa réputation qu'il y a faicte, l'autre pour avoir une grande armée à commander et se rendre par ce moyen formidable à tous les princes d'Italye; et, pour embarquer à ce desseing le roy d'Hespaigne, ilz hastent, tant qu'ilz peuvent, les levées qui avoyent esté ordonnées, auparavant le dit traitté de paix; mais, par les lettres que j'ay d'Hespaigne, il semble qu'ilz y ont une opinion toute contraire et que le duc de Lerme, qui possède lo dit roy d'Hespaigne, reconnoissant bien que s'ilz rentrent en caste guerre, qu'elle consommera tout ce qu'il y a de moyens en Hespaigne, lesquelz il a desseing d'employer ailleurs, s'y oppose formellement, et, ayant la raison de son costé et l'humeur et l'inclination de son maistre, il y a apparence qu'elle
l'emportera par dessus les autres, et telle en est la commune opinion en la court du dit roy d'Hespaigne. C'est aussy celle du dit légat, qui a escript de Gennes qu'il s'asseure que, si tost qu'il sera arrivé près le dit duc de Savoye, il surmontera tous ces obstacles et fera ratiffier la dite paix. J'en suis d'heure à autre attendant des nouvelles, comme je m'asseure que je les auray, si tost que le dit légat aura veu et conféré avec le dit duc de Savoye : ce pendant, j'ay pourvou aux frontières de Provence, Daulphiné et Languedoc, et à ma conqueste de Savoye, en sorte que par sçurprise ilz n'y gaignerontrien, et, pour y venir à force ouverte, ce ne peut estre que nous ne les voyons venir de loing, et, cela estant, je m'asseure que je y arriveray encor plus tost qu'eux. Mais, dès ceste heure, il leur est impossible de pouvoir plus sauver la citadelle de Bourg, laquelle, n'estoit que je ne veux pas rompre le premier, j'aurois desja recouverte; mais, je sçay qu'elle ne me peut faillir, ne vivant ceux de dedans que parl'aumosne qui leur est faitte par les nostres. C'est Testât où nous en sommes, dont je vous ay vouUu informer, pour en respondre où il sera besoing, et n'ayant d'ailleurs autres nouvelles à vous dire, je ne vous feray ceste-cy plus longue, priant Dieu, Monsieur de Boissize,
HENRY
FORGET
Copie. — Bibl. nat., Ms. fr. 4128, fol. 246 v«.
A MONSIEUR DE BOISSISE
Monsieur de] Boissize, Il y a quatre jours, que je vous renvoyay le courrier qui avoit apporté vostre depesche du xx^febvrier,
et le lendemain je receu vostre autre, du cinquiesme decestuy-cy, où j'ay veu le jugement du comte d'Essex, et ay esté bien ayse que vous m'ayez si particulièrement escript la forme qui a esté tenue en icelluy. Je plains extrêmement sa fortune, mais je ne puis excuser sa faulte : ce retardement de l'exécution du dit jugement donne bien quelque subject pour luy d'espérer quelque diminution de peine, mais que ce soyt pour luy sauver la vie, je y voy peu de fondement, d'aultant que ses juges, mesmes ceux qu'il a déclarez avoir pour suspects, y sont trop intéressez. Vous aurez eu, en mon autre pacquet, ma lettre à la Royne, pour la conjouissance de cest accident, qu'elle a si heureusement évité, laquelle je m'asseure que vous n'aurez failly de luy présenter incontinent et de faire les autres offices que je vous mandois par ma dite depesche. Je voy, par les advis que j'ay des Pays-Bas, qu'ilz ont opinion que la royne d'Angleterre se confirmera encores plus, sur ceste occasion, detraitteravec l'Archiduc, que je recognoy aussy qui s'y attend : toutesfois, pour mon regard, j'en fais tout autre jugement. Il ne tardera gueres que cela ne se descouvre, dont je vous prie m'advertir promptement, et de ce que vous en pourrez apprendre. Celuy qui a apporté ce dernier pacquet a dit que l'ambassadeur de Nevil estoit party comme luy, pour venir de deçà, mais qu'il fut contremandé, et qu'il y avoit conjecture que ce ne fust pas pour son advantage. Si son retour estoit retardé, il faudroit presser qu'ilz donnassent charge et instruction au secrétaire qui est par deçà, pour respondre aux plainctes qui sont faictes de la continuation de leurs déprédations et de traitter pour y faire quelque reiglement de part et d'autre, affin que, sur ceste occasion, il ne s'altère rien entre nez Estats et subjectz. Vous avez veu, par mes précédentes depesches, comme la longueur, qui estoit tenue par le duc de Savoye, à faire la ratiflication du traitté faict à Lyon, et les grandes levées de gens de guerre, que faisoit faire le comte deFuentes, fournissoyent de subject à tout le monde de discourir de l'événement du dit traitté, à la rupture duquel la pluspart concluoyent, mesmes on Itallye. Pour moy, j'ay lousjours estimé (ju'ilz y trouveroycnt le conseil d'Hespaignc contraire, parce que aussi la raison le voulloit, ainsy cela doibt estre advenu : car,
encores que, sur l'instance que le légat m'avoit faicte, depuis qu'il eut conféré avec le comte de Fuentes et comme il cstoit sur le poinct de voir le duc de Savoye, j'eusse accordé une nouvelle prolongation de quinze jours, outre les premiers que j'avois accordez, lesquelz derniers n'expiroyent que le dix-septiesme de cestuy-cy, toutesfois le mesme Octavio Tassoni, que le dit légat m'avoit depesché icy, pour obtenir le dit premier delay, est arrivé à Lyon, le vm° jour de ce dit mois, depesché par le dit légat, et a apporté la ratiffication du dit duc de Savoye, ayant amené avec luy ung secrétaire du dit duc, pour faire promptement remettre la citadelle du dit Bourg et satisfaire à tout ce que son maistre est tenu par le dit traitté, de sorte que la paix est maintenant bien certaine et asseurée; car, en l'exécution, il n'y peut avoir de difficulté, mesmes ce commanceant par la reddition de la citadelle de Bourg, que je tiens dès maintenant rendue. Vous pouvez donner ceste nouvelle à la Royne, non pas par forme de conjouissance, car j'ay tenu tousjours cela pour indifferend, voyant plustost en la rupture advantage pour moy que autrement, et en debvez respondre ainsy, quand il vous en sera parlé. Les discours, qui se faisoyent ci-devant en Italye sur le faict de la dite paix, sont maintenant tournez sur ce que deviendront les forces que les dits duc de Savoye et comte de Fuentes ont assemblées, que l'on tient estre de plus de vingt mil hommes, dont les princes d'Itallye sont en grande appréhension; mais, je croy que ma considération les préservera, car ilz sont tous mes amis, et puis l'alliance que j'ay maintenant faicte avec eux est suffisante conjecture que je ne les abandonnerois pas, de sorte que, pour ceste fois, j'estime qu'ilz en seront quictes pour la peur et que la pluspart des dites forces seront envoyées en Flandres et que le reste se licentiera; ce qui se rapporte à l'advis de l'opinion qui en est en Hespaigne, où l'on ne se peut plus servir des trouppes que l'on y avoit amassées, pensant les faire embarquer et envoyer par mer en Flandres ; car, la longueur qui a esté tenue au dit embarquement y a attiré une telle maladye, entre les dits gens de guerre, qu'il en est mort plus delà moytié et le reste est aussy rendu de tout inutille, de sorte qu'il n'y a pas seullement apparence mais nécessité qu'ilz se serviront, pour le dit
secours de l'Archiduc, qu'ilz sçavent estre fort pressé, des dites forces qui sont en Savoye. C'est ce que j'ay à vous dire pour ceste fois, priant Dieu, Monsieur de Boissize,
HENRY
FORGET
20 MARS i601
Copie. — Bibl. nat., Ms. fr. 4128, fol. 247 v».
A MONSIEUR DE BOISSISE
Monsieur de Boissize, Vostre depesche du vii^ a esté paresseuse à venir, car, il n'y a que deux jours que je l'ay receue. Vous aurez depuis eu les deux miennes, l'une du viii^ par vostre courrier, qui avoit apporté celle du premier, et l'autre du xii% en laquelle je vous ay donné adviz de la ratiffication de la paix faicte par le duc de Savoye, plus de huict jours auparavant l'arrivée de vostre dite depesche. Nous avyons icy la certitude de l'exécution du comte d'Essex, en la mesme forme que vous me l'avez escripte, et, depuis quattre jours, le commandeur de Chastes, qui est icy, m'a monstre lettres d'advis qu'il a, que le comte de Southampton et le beau-perc du dit comte d'Essex et quelques autres avoyent aussyesté exécutez, et que la recherche et poursuitte de ceux de ceste entreprise se faisoit encores, avec plus grande véhémence qu'au commancement. Je faictz le mesme jugement que vous, que la grande multitude qui s'y en retrouvera leur fera pardonner à tous et que l'on se contantera do l'exécution qui en a esté faicte, pour l'exemple. J'attendz de voz nouvelles sur ce qui sera advenu du traicté de l'Archiduc et si ccst accident l'aura cschauffé ou rcfroidy : j'ay advis qu'ilz s'attendent bien en Flandres d'y proffiter, estimant avoir perdu ung grand ennemy au comte d'Essex ; mais, il y a d'ailleurs à consi-
derer quo, ayant esté imputé publicquement à Gecil qu'il tcnoit le party d'Hespaigne, il est, par raison et pour sa justiffication, plustost obligé de contredire au dit traicté que de le soustenyr; et si la royne d'Angleterre le recherche avec plus de challeur que de coustume, ce sera ung grand signe qu'elle aura esté estonnée de ce dit dernier accident; mais, tant s'en fault à mon advis que la dite paix l'asseure davantage contre les mauvaises volontez de ses subjects, que ce sera plus de moyen aux Espaignolz d'y continuer leurs pratticques et d'augmenter la division de son Estât : cela se jugera par l'événement. J'ay eu advis que ung, que la royne d'Angleterre depeschoit au Grand Duc, s'est laissé prendre par les chemins aux Flamends, et, ayans ses lettres esté deschiffrées, l'on a veu qu'elle y faisoit de grandes plainctes de moy et que je negligeois maintenant son amityé, après en avoir receu beaucoup de fruict, et mesmes que je ne luy avois rien communicqué de mon mariage, sinon depuis qu'il a esté consommé. Il ne sera que bien àpropoz, en quelque occasion que vous trouverez commode, de luy dire que je suis bien adverty qu'elle se plainct souvent de moy, non seuUement à vous et aux miens, mais aussy ailleurs, où elle escript de la diminution de mon affection en son endroict et comme si elle vouUoit me blasmer d'ingratitude; que tout ce qu'il luy a pieu dire de moy aux miens, ou me faire dire par les siens, que je l'ay tousjours supporté et receu plustost par advertissement que pour reproche, mais que de le porter ailleurs et s'en plaindre aux autres, que je ne le puis supporter avec la mesme patience et que je vous ay donné charge de luy en faire ma plaincte, la priant de consyderer qu'elle n'a, en aucuns de mes deportemens, trouvé subject de me donner ceste mauvaise réputation, et que, si je ne l'ay servie de mes moyens, comme elle a faict des siens, c'est que les choses ne s'y sont pas rapportées; que, Dieu mercy, sa nécessité n'a pas esté pareille à la mienne, ny ma commodité esgalle à la sienne, n'ayant pas encores eu loisir quasi de respirer, depuis la cessation de la guerre, que j'ay tousjours eue continuelle; mais pour le moins, de l'intention elle ne l'a jamais trouvée que disposée à luy rendre tous les offices d'amityé qu'elle en peut désirer. Ainsy, vous conclurrez ce dis-
cours, pour la prier de ne prendre pour elle, ny donner ailleurs, ceste mauvaise opinion de moy, de qui vousluy asseurerez toute amityé, respect et honneur. J'ay sceu Tarrivée par de là du comte de Marre, que vous me mandez qui y estoit attendu : je seray bien ayse de sçavoir quelle estoit l'ocasion de son voyage et ce qu'il a eu à traicter par delà. Il s'est dit icy qu'il debvoit presser la Royne de nommer ung successeur, mais je ne le croy pas. Geluy qui faisoit par delà les affaires pour le sieur de Sourdeac, porteur de celle-cy, m'a proposé des mémoires pour l'entretenement de douze navires de guerre, ce qui se resould en des impositions particulières sur les danrées qui seront transportées par les estrangers plus grandes que sur celles dont les François font eux-mesmes le transport et commerce, et que c'est chose qui se pratticque par delà : sur quoy je seray bien ayse d'avoir vostre advis. Et n'ayant subject de vous faire ceste-cy plus longue pour ceste fois, je prie Dieu, Monsieur de Boissize,
HENRY
FORGET
Copie. — Bibl. nat., Ms. fr. 4128, fol. 249.
Monsieur de Boissize, Dom Ghristofle, filz du roy dom Anthonio, m'a faict entendre comme, ayant entendu que le roy de Portugal, dom Sebastien, que Ton pensoit avoir esté tué en la bataille qu'il perdit en Affricque, estoit encores vivant et qu'il se retrouvoit à Venize, où il avoit esté arresté prisonnier, se resollut d'y aller luy-mesme, pour, ayant reconnu si c'estoit luy, le secourir de tout son pouvoir, comme la proximité du sang dont il luy appartient et la charité chrestienne l'y obligent, et que, y
estant arrivé, avec quelques autres gentilz hommes portugais, qui s'estoyent joinctz à luy, et ayant veu le dit roy dom Sebastien, il auroit esté reconnu par les dits Portugais, qui l'avoyent cydevant veu, pratticqué et servy en Portugal, qu'il estoit à la vérité ce mesme roy dom Sebastien, qui a cy-devant régné en Portugal, et, en ceste ferme créance qu'il a conceue, il s'est desliberé de visiter les principaux princes chrestiens, pour implorer d'eux ayde et secours, pour remettre ce pauvre prince en son Estât, duquel il se trouve maintenant spolié; et, s'estant addressé à moy, pour cest effect, je luy ay accordé que cela estant bien veriffié et qu'il se trouve que ce soit le vray roy dom Sebastien, roy de Portugal, que je l'ayderay volontiers à la restitution en son Estât, si tant est qu'il luy soit desnié par celluy qui le jouit à présent, ayant estimé que c'estoit une charité et compassion chrestienne, à laquelle, par dessus tous les autres, les roys et grands princes esloyent particulièrement obligez. Et, ledit dom Ghristofle voulant, à mesme effect, passer vers laroyne d'Angleterre, il a désiré que je le feisse sçavoir à la dite dame, qu'elle avoit esté la response que je luy avois faicte et que je intercédasse encores envers elle, à ce qu'elle le voulust assister, en l'exécution d'ung si louable desseing que le sien, pour tirer celluy qu'il croit estre son prince naturel de la captivité, où l'on dit qu'il est encores maintenant en l'Estat du Grand Duc et le remettre, s'il est possible, au sien de Portugal : ce que je ne luy ay pas voulu refuser, et c'est le subject de ceste-cy, par laquelle vous sçaurez que je désire que, vous retrouvant près la dite dame, vous luy faciez le discours cy-dessus, y adjoustant qu'encores que je sçache que son inclination naturelle la porte assez à secourir les affligez, toutesfois que je ne laisseray de luy dire que l'information estant bien faictC;, que ce sera une charité digne d'elle, d'ayder et secourir ce pauvre prince, et que, de ma part, je l'en prie, et ferez sur cela tout bon office de ma part au dit dom Ghristofle. Et n'estant la présente à autre effect, je ne la vous feray plus longue, priant Dieu, Monsieur de Boissize,
HENRY
F ORGE T
Copie. — Bibl. nat., Ms. fr. 4128, fol. 253 v«.
A MONSIEUR DE BOISSISE
Monsieur de Boissize , J'ay esté très ayse d'entendre , par vostre lettre du xxiiii° du moys de mars, que j'ay receue le VIII" du présent, que la Royne, ma bonne sœur, ayt si bien reccu la dernière lettre que je luy ay escripte et l'office de consolation et resjouissance que je vous avoys commandé accomplir envers elle, sur ce qui est advenu en son royaume , Dieu l'ayant véritablement grandement favorisée de l'avoir garantie et deslivrée si heureusement du péril qu'elle a couru, par ceste conspiration indigne en vérité de tous ceux qui s'en sont meslez, mais speciallement du chef d'icelle, qui en a aussy receu la juste punition que son péché meritoit, de sorte que encores que j'aye eu grand regret de sa cheute, toutesfois la faulte a esté si lourde et son exemple importoit tant à mes semblables, que je doibz louer Dieu et me resjouir de l'issue; mais, je crains que la queue en soit longue et fascheuse pour la dite dame, à laquelle je souhaitte toute prospérité. Le secrétaire, que le sieur de Nevil a laissé icy, me présenta^ lundy dernier les deux lettres de la dite Royne, desquelles je vous envoyé des doubles , ausquelles je attendray à respondre que j'aye trouvé quelque moyen de la contanter; toutesfois, estant nouvellement sorty de la guerre et ayant encores sur les bras, avec la pauvreté et nécessité de mes subjeclz, le renouvellement de l'alliance des Suisses, je ne sçay comment j'y pourray satisfaire ceste année, de quoy je suis en grande peyne : partant, vous adviserez de luy en donner quelque atteinte, comme de vous-mesmes, la trouvant à propos , aflin de la pn»parer, le plus doucement que vous pourrez, à recopvoir en bonne part mes excuses , quand elles arriveront , sans toutesfois la désespérer du tout; car si, dans l'année, je puis recouvrer quel-
que moyen de la contanter, croyez que je l'embrasseray de meilleur cœur que si c'estoit pour moy-mesmes. J'auray à plaisir de sçavoir comment Tadmiral et le secrétaire Gecil auront receu les propos, que je vous ay commandé leur tenir : partant, vous m'en advertirez, désirant que vous leur donniez occasion de prendre fiance de moy et se prevalloir de ma bonne volonté en toutes occasions, les asseurant qu'elle ne leur deffaudra jamais, quoy qui arrive, m'aydant à conserver la bonne amityé de la dite dame Royne, leur souveraine. Je désire que ce langage leur soit tenu, parce que j'ay esté adverty qu'ilz ont opinion que je favorisois et affectionnois tant le dit comte d'Essex, que je suis pour, me ressentir contre eux de sa cheutte : de quoy il importe à mon service de les destromper, comme vous mettrez peine de faire , toutesfois avec toute discrétion , comme il convient. Il m'importe aussy de descouvrir, s'il est possible, sur qui ilz jetteront doresnavant les yeux, pour la succession du royaume d'Angleterre; car, s'ilz redoubtent le roy d'Escosse, comme l'on dit qu'ilz font, et principallement le dit Cecille, pour avoir esté son père aucteur et conseiller principal de la mort de la royne d'Escosse, il fauldra qu'ilz cherchent ung autre appuy, ce qu'il semble qu'il leur sera difficille de trouver en leur pays. C'est pourquoy l'on a eu soupçon que le dit Gecylle favorisoit la paix avec les Archiducz, pour mesnager et acquérir leur bienveillance et protection, et la préférer à toutes autres, après le decez de sa maistresse, à laquelle toutesfois je croy qu'ilz craignent tant de desplaire, qu'ilz ont tous si peu de pouvoir de dresser une telle partie, ou sont si mal unis en ce desseing, qu'ilz la verront mourir, devant qu'ilz ayent loisir ou pouvoir de s'en resouldre : au quel cas, je ne voy point que le dit roy d'Escosse puisse estre empesché de recueiUir la dite succession, et partant qu'il ne devienne ung grand et puissant prince, s'il veid. Mandez moy comment la dite Royne se comporte avec luy : vous m'avez escrit qu'elle n'avoit encores veu le comte de Marre; mais il ne fault juger de son intention par telles démonstrations extérieures, car je ne doubte point que ceste dernière conjuration n'ayt troublé grandement l'esprit d'elle et de ceux qui la servent. Le secrétaire du dit Neufville m'a dit que Blunt et Davers ont esté
exécutez, depuis les deux autres dont vostre lettre faictmentioD, et qu'ilz ont confessé et descouvert d'estranges choses, et mesmes que l'entreprise du dit comte d'Essex avoit esté commancée, dez quand il estoit en Irlande. Continuez à m'advertir de ce que vous en apprendrez et pareillement du progrès de la négociation de Flandres, à laquelle j'estime que les partyes procéderont plus froidement que devant, l'une par faute de resolution et l'autre parce que le roy d'Espaigne n'affectionne gueres le dit traicté, pour estimer qu'il faict tort à sa conscience et grandeur d'y entendre et qu'il luy doibt estre plus honteux que utille, puis que la dite dame ne peut y amener les Estats et neantmoins ne veut les abandonner, ny consentir chose qui leur soit préjudiciable. 11 est certain que les forces, que le dit roy d'Espaigne avoit assemblées pour la guerre de Savoye, doibvent estre employées au secours des dits Archiducz et de Ferdinand, beau-frere du dit Roy; mais le nombre n'arrivera au bruit qu'ilz en publient, tant d'ung costé que d'autre, ayant sceu que les dites forces se sont fort diminuées, depuis qu'elles sont debout, comme il advient ordinairement de celles qui sont levées dedans l'hyver et sont mal payées et employées, comme celles-cy ont esté, encores qu'elles ayent cousté bien cher au dit Roy, tant à dresser qu'à entretenir en Testât qu'elles sont. Le chemin, par lequel il fauldra que passent celles qu'ilz envoyeront en Flandres, leur sera doresnavant fermé, les trois parts de l'année, tant il est incommode depuis le pont de Gresin, par lequel il fauldra qu'ilz passent la rivière du Rhosne, suyvant le partage que nous avons faict, jusques à Sainct-Claude. Davantage, les places de Savoye n'estans encor en la disposition du duc, à cause dos difficultez (ju'il a faictes sur l'exécution de ce qui a esté accordé avec ses députez, il faudra du tempz pour les remettre, avec le plat pays, pour y dresser des estapos, pour nourrir les dits gens de guerre : ainsi, j'estime que les dites forces arriveront bien tard aus dits Pays-Bas, pour faire de grands exploictz, ceste année, joinct qu'il semble que le duc de Savoye no soit pas trop bien disposé de favoriser le dit passage, estimant (juc' la considération du bosoing (|uo les dits Archiducz avoyent d'estre secourus a mou le roy d'Espaigne d'embrasser la paix, comme il a fait contre ce qu'il
desiroit, tant il a lousjours esté mal conseillé; car, il est certain que si la guerre eust continué, qu'il ne pouvoit éviter son entière ruine. Au demeurant, je ne puis gouster, non plus que vous, l'ouverture que le dit Gecil vous a faicte, d'oublier les injustices passées faictes à mes subjectz, pour faceliter le reiglement de la navigation pour l'advenir, ainsy qu'il vous a proposé, pour la mesme raison qui vous a retenu de vous y arrester. Partant, j'adviseray, en mon conseil, quel chemin je feray tenir, pour faire raison à mes dits subjectz, tant du passé que pour éviter qu'ilz n'en soyent en pcyne à l'advenir, ayant receu sur ce bien à propos le mémoire des responses qu'ilz ont faictes à leurs plainctes, pour y avoir esgard, quand l'occasion s'en présentera; priant Dieu, Monsieur de Boissize,
HENRY
DK NEUFVILLE.
Copie. — Bibl. nat., Ms. fr. 4128, fol. 257 A MONSIEUR DE BOISSISE
Monsieur de Boissize, J'ay aujourd'huy célébré, en ce lieu, la cérémonie de l'ordre de la Jarretière, encores que la feste en eust esté faicte en nostre eglize, dès la sepmaine de Pasques; mais, j'ay voulu la réitérer, pour faire paroistre à la Royne, ma bonne sœur, le compte que je fais du dit ordre et de son amityé, et m'avez faict plaisir de m'avoir ramenteu cest office , par vostre lettre du xi'' du moys d'apvril, que j'ay receu seuUement le xxvii®. J'ay sceu par icelle les propos que vous a tenus le comte de Marre, en vous visitant de la part du roy d*P]scosse, et vostre
response que j'ay trouvée très bonne, ensemble que vous luy ayez rendu sa Visitation en la manière que vous m'avez escripte. Il y a quelques mois que, le dit roy d'Escosse m'ayant envoyé des chiens courans et chevaulx pour la chasse du hevre, je luy feiz dire que, s'il desiroit quelque chose de mon royaume, je le prioys de m'en advertir et que je serois très ayse de l'en accommoder, pour me revancher de sa courtoisie et luy tesmoigner mon amityé. Sur cela, il me feit demander quelques muletz de lictiere et chevaulx de manège, lesquelz je n'ay peu luy envoyer plus tost que à présent, à cause de mon voyage de Savoye; et, d'aultant que je sçay qu'ilz considèrent et interprettent diversement par delà tout ce qui se fait et traitte avec le dit roy d'Escosse, j'ay voulu vous advertir de la vérité de ce faict, pour en respondre où besoing sera, mais je ne suis d'advis que vous en ouvriez le propos à la Royne ny à ses conseillers, s'ilz ne vous donnent subject de le faire ; car, comme ilz sont naturellement soupçonneux et haultains, ilz l'attribuent à art ou à obhgation et debvoir, et je ne veux leur donner subject de faire l'ung ny l'autre, joinct que celuy qui doibt conduire les dits presens n'est encores prest à partir, et serez adverty de ce qui s'y advancera. J'ai vu l'evesquedeBolongne, qui m'a parlé de l'Escossois nommé Gray, qui a esté envoyé à Bruxelles pour la paix. S'il a dit vray au dit evesque, ceste besongne n'est pas pour estre parachevée de long tempz, les partyes s'y conduisans plus par industrie que par affection ou désir qu'elles ayent de la terminer , non que l'Archiduc n'y soit très disposé, mais, comme il dépend du conseil d'Espaigne, il fault qu'il se reigle et conduise par iceluy, et je sçay que le dit conseil ne désire ny affectionne aucunement la dite paix : continuez à m'advertir de ce que vous en descouvrirez. Ce pendant, vous sçauroz que le dit roy d'Espaigne n'avoit pas encores juré celle de Vervins, le n*' du mois d'apvril, combien qu'il ait souvent donné parolle à mon ambassadeur de le faire. A mon advis, il attendoit que les villes et chastaux de Ghambery et Montnieillan fussent rendus au duc de Savoye, à quoy ayant esté satisfaicl, dez le xi'" du dit mois d'apvril, je m'attends aussi (jn'il aura depuis faict le dit serment. Le comte de Foucntes commance à lever le masque de ses desseings, qui ont donné
rallarmo à tout le inonde ; car, le Pape m'a escript que ses forces vont en Hongrie, pour secourir l'archiduc Ferdinand contre le Turc, et semble, par l'advis que Sa Saincteté me donne, que celuy de Flandres n'y doibve avoir part; mais, je ne le croypas,car ses affaires iroyent très mal, estant foible comme il est. J'ay sceu aussy qu'il s'est perdu en mer, de la flotte qui alloit ceste année d'Espaigne aux Indes, quatorze grands navires chargez de marchandises, de la valleur de plus de deux millions d'or, ce qui a depuis causé à Seville plusieurs bancqueroutes, chose qui incommodera grandement les affaires du dit Roy; car, cela sera cause que leur flotte ne viendra l'année prochaine, d'autant qu'il leur est impossible de regaigner le tempz que cest accident leur a faict perdre, quand bien ilz pourroyent remettre sus pareille quantité de marchandises, avec les vaisseaux et les pilottes et mariniers qu'ilz ont perdus. Aussi dit-on que le dit Roy a recours maintenant à imposer sur ses subjectz de nouvelles dasses, pour faire argent au besoing qu'il en a, de quoy ses dits subjectz ne sont trop contants. J'ay bien considéré et pris vostre advis sur l'armement de certain nombre de navires, qui m'a esté proposé pour asseurer mes costes et mes subjectz trafficquans par la mer, et pareillement celuy qui concerne le traffic d'Espaigne, où véritablement mes subjectz ont esté jusques à présent traittez trop rudement; mais, je me prometz que le dit roy d'Espaigne m'en fera raison, sinon je chercheray les moyens de l'avoir par autre voye. Ja le duc de Savoye m'a rendu Ghasteau-Daulphin et la tour du Pont et a faict desmollir le fort de Beche-Daulphin, et si a fourny l'argent qu'il debvoit deslivrer, tellement que c'est à présent à moy à effectuer tout ce qui reste de nostre traicté de Lyon; à quoy j'eusse ja satisfaict entièrement, sans les umbrages que le dit comte de Fouentes a donnez à un chascun, avec son armée, joinct que j'ay descouvert, ces jours passez, deux entreprises dressées, l'une sur ma ville de Marseille et l'autre sur celle de Metz, le conducteur de la première ayant esté pris et mis en quartiers, par arrest de ma cour de parlement d'Aix, après avoir confessé la vérité du faict, duquel estoit autheur le dit comte de Fouentes, et suis après à approfondir l'autre, de laquelle le comte de Mansfeld, gouverneur du duché de Luxembourg se trouve
autheur, par commandement du dit archiduc Albert. Toutesfois, je n'en veux encores parler certainement, comme je pourray faire dedans peu de jours, dont je vous feray part. Continuez aussy à m'advertir de toutes occurrances, et je prieray Dieu , Monsieur de Boissize,
HENRY
DE NEUFVILLE
Copie. — Bibl. nat., Ms. fr. 4128, fol. 260 v». A MONSIEUR DE BOISSISE
Monsieur de Boissize, J'ay esté très ayse de sçavoir, par vostre lettre du xxiiii'' du mois d'apvril, que j'ay receue le vu'' du présent, les propos qui se sont passez entre l'admirai, Gecil et vous, vostre jugement sur le tout, et pareiHement les particularitez de la charge du comte de Marre, le traittement que l'on luy fait par delà, le bruit qui y court du voyage du sieur Gecil en Escosse, vostre advis sur iceUuy et speciallement sur la succession au royaume, avec les considérations que je doibs avoir sur la conséquence et suitte de la dite succession, et les provisions (fu'il vous semble que je doibs faire, pour avoir moyen d'assister mes amis, en ceste occasion, quand eHe se présentera; car, cognoissant vostre prudence et vostre affection à mon service, j'ay très grande fiance en l'une et on l'autre. Il me semble aussy que je ne puis mieux faire, pour le présent, que de me mettre en estât (!<» pouvoir avoir part au succcz de la dite hérédité, quand il la faudra recueillir, et c'est chose que je reconnois, comme vous, (jui aura lieu, si je m'arme et fortiflie par mer : partant, c'est bien ma desliberalion d'y pourveoir, le plus tost qu'il me sera
possiblo, tant pour n'estre surpris de ceste occasion, que pour favoriser la navigation de mes subjectz, contre les rigueurs et volleries que de toutes parts l'on exerce sur eux. Mais, il faut que vous sçachiez, sur le premier poinct, que j'ay descouvert que l'Infante prétend à la dite couronne, après la mort de la Royne : vray est que, comme les affaires que l'Archiduc et elle ont aux Pays-Bas leur diminueront grandement l'espérance de la dite succession, j'ay sceu aussy que le roy d'Hespaigne et eux ont délibéré de favoriser Arbelle, en la mariant à quelcun qui soit à leur dévotion, ne voulant se confier au roy d'Escosse, qui est le desseing que l'on estime estre aggreé et désiré du Pape : ce que je vous escris, non pour en parler par delà, ny pour ceste heure faire brigues au contraire; car, comme ceste nation est variable, legiere et subjecte à ses interestz , nous ne debvons descouvrir à personne nostre opinion sur ce faict pour prévention, mais seullement, en nous armant par mer, mettre peine de sçavoir les menées et fins des uns et des autres et, s'il est possible, celle des dits amiral et Gecil ; et, si cestuy-cy va en Escosse, il pourra bien tendre aussi tost à s'accommoder avec le dit roy d'Escosse que à autre chose utille. Ainsi donc, je vous prie, continuez à m'advertir de ce que vous en apprendrez, et mesmes de la response que l'on fera au dit comte de Marre. Le roy d'Hespaigne n'a encores juré la paix de Yervins, quoy qu'il eust donné parolle à mon ambassadeur de ce faire, si tost que la guerre de Savoye seroit finie. Plusieurs estiment qu'il a quelque desseing de remuer mesnage, mais j'apprens qu'il n'en a les moyens ny le courage et que le duc de Lerme, qui le possède, en a encores moins d'envie; toutesfois, je prendray garde de si près à ses actions, que j'espère qu'il ne me surprendra. L'armée de Lombardie a commancé à se séparer et, si le chemin de Savoye estoit libre, ja la partie d'icelle destinée pour passer aux Pays-Bas eust faict chemin. A vous dire la vérité, je ne suis marry de ce retardement, car il ne sera dommageable aux Estats, d'aultant qu'il sera difficille que ce renfort arrive aus dits pays, pour faire grands exploictz ceste année. J'apprens aussy que le dit roy d'Hespaigne n'est pas bien disposé de traicter avec la royne d'Angleterre, estimant qu'il feroit tort à sa conscience et à sa dignité : peut-estre
aussy qu'il a opinion que cela diminueroit sa créance envers les Gatholicques du dit royaume, tellement qu'il y a apparence que leur accord ne se conclurra facilement; toutesfois, il ne fault pas laisser d'y avoir l'œil. Je prie Dieu, Monsieur de Boissize,
HENRY
DE NKUFVILLE.
Copie. — Bibl nat., Ms. fr. 4128, fol. 263. A MONSIEUR DE BOISSISE
Monsieur de Boissize, Le compliment que vous avez faict, en mon nom, envers la royne d'Angleterre, ma bonne sœur et cousine, et les chevaliers et confrères de son ordre, après la célébration de la feste et cerimonie d'iceluy, m'a esté très aggreable ; car, je désire que l'asseurance que je luy ay donnée de mon amitié luy soit raffraischie et confirmée, toutes les fois que l'occasion s'en présentera, comme vous avez eu soing de bien faire, depuis que vous me servez par delà. J'ay pris plaisir aussy à la response qu'elle vous a faicte, et si mes affaires me permettent d'aller visiter ceste année ma ville de Calais, ainsy que j'ay desliberé, comme je scray plus près d'elle, ce ne sera sans rechercher les moyens de luy tesmoigner de plus en plus mon alfection et gratitude. Ce a esté le xx'' de ce moys que j'ay reccu vostre lettre du x'', par laquelle j'ay sceu l'élection de ceux qu'elle a trouvé bon d'associer au dit ordre, avec la nomination du roy d'Escosse et la distribution des gouvernemens, desquelz il est faictmention par icelle. Nous pourrons, par la response de ladite dame au comte de Marre, voir sa disposition envers le roy d'Escosse, encores que j'estime que elle lu dissimulera tant qu'i^lle pourra , afiin do
ne s'engager legierement : mettez peine doncques de sçavoir quelle sera la dite response, pour m'en donner advis, n'ayant rien à adjouster à ce que je vous ay mandé sur ce subject par mes dernières. Continuez aussy à m'advertir du progrès que fera la pratticque de la paix, laquelle vous me mandez qu'ilz veulent faire revivre, et sçachez quel secours la royne d'Angleterre aura accordé et quelles conditions aux Estais, sur l'instance que j'ay sceu qu'ilz luy en ont faicte, ou si elle les en a du tout esconduit, et comment elle se comporte envers eux. J'ay envoyé à ceux de mon conseil le mémoire sur le faict des drapz d'Angleterre, que vous avez dressé, affm qu'ilz y ayent tel esgard qu'ilz jugeront raisonnable ; mais, s'ilz ne veulent faire cesser les piratteries et injustices, qu'ilz continuent à exercer sur mes subjectz, et leur faire raison des passées, je seray contrainct d'y pourveoir par voye extraordinaire ; car, je leur doibs protection et sens ma conscience et réputation chargées de ma trop longue patience ou connivence en ce faict. C'est pourquoy, j'ay volontiers approuvé le dernier arrest de représailles donné en mon conseil, en faveur de Martissant de Horgues, habitant de Sainct-Jehan-de-Luz, fondé sur les raisons que vous coUigerez du discours du procez, que j'ay commandé vous estre envoyé, outre le double du dit arrest que vous avez receu avec ma dernière, encores que le secrétaire que l'ambassadeur de la dite dame a laissé icy s'en soit grandement formalisé, comme je ne doubte point que l'on ne vous en face par delà une grande querelle; mais, s'ilz estiment leur estre loisible de desnyer la justice à mes dits subjectz contre nos traitiez, il me doibt bien estre permis de la leur faire suyvant iceux, et quand ilz se plaindront de ma resolution, sans me faire raison de leur procédure en cela, comme ilz seront causes du mal, il faudra qu'ilz s'en prennent à eux-mesmes et non à moy, qui n'en eusse tant et si long tempz enduré que j'ay faict, sans le respect de la dite dame, à laquelle je sçay que l'on desguisc les dites injustices et vollerics, comme vous n'avez que trop reconnu, depuis que vous estes par delà, tellement qu'il semble qu'il soit expédient qu'il advienne scandale qui luy ouvre les yeux, aflin qu'elle voye et sçache le tort que font à sa réputation et à ses meilleurs amis les aucteurs et fauteurs des dites déprédations , lesquelz
ont trop longtempz abusé de ma patience et de sa crédulité. Je prie Dieu qu'il vous ayt, Monsieur de Boissize, en sa saincte garde.
HENRY
DE NEUFVILLE
Copie. — Bibl. nat., Ms. fr. 4128, fol. 268 v«. A MONSIEUR DE BOISSISE
Monsieur de Boissize, Ayant receu, dez le xxii du moys passé, vostre lettre du xvni", et ceHe du xxviiiMe vi** du présent, je vous eusse dez lors fait entendre mon intention sur icelles, n'eust esté que je desiroys voir quelle resolution nous prendrions, en l'assemblée que je vous ay escrit que j'avoys convocquée, pour adviser aux moyens de remédier aux piratteries, vexations et injustices que les Angloix et les Espaignolz faisoyent à mes subjectz, aflin de vous en advertir; mais, ceste délibération a tant trainé que La Motthe est encore arrivé icy à tempz, avec vostre lettre du vi% pour y contribuer vostre bon advis; et commanceray par vous dire qu'il y a esté très bien receu, tant pour vostre affection au bien public de mon royaume notoire à tous, que pour avoir esté trouvé plein de raison et de jugement; aussy m'a-il esté très aggreable , combien que ce m'ait esté ung grand desplaisir d'entendre que les conseillers et officiers de la Royne, ma bonne sœur et cousine, respectent si peu l'amityé et le respect que je porte à leur souverayne, et mcsmes ses propres volontez et commandemens, qu'il semble qu'ilz prennent plaisir à désespérer mes dits subjectz de toute justice». Vous s(;avez quelle a esté la l)atiencc que j'ay eue en cela, depuis vostre légation ; je ne lay
pas eue moindre, durant le service de ceux qui vous ont précédé ; car, plus mon affliction a esté grande, plus on a mal traitté mes dits subjects, envers lesquelz la misère de mes affaires, tant qu'elle a duré, a servy de quelque excuse et descharge de remettre et différer les provisions qu'ilz me demandoyent et que je leur debvoys donner; mais, il a fallu, depuis la paix do mon royaume (que leurs maux ont continué), que je leur aye donné occasion de se plaindre de ma protection et justice, pour avoir voulu respecter la dite dame, tousjours me promettant qu'elle et ses officiers feroyent à la fin cesser et reparer telz desordres, et d'aultant plus qu'il est certain qu'ilz sont très préjudiciables à sa réputation et au bien public de son royaume : toutesfois, j'ay enfin esprouvé que ma patience et mon espérance m'ont esté plus heureuses que mes afflictions, mes dits subjectz ayans esté, depuis la dite paix, plus mal traittez des pirattes et des officiers angloix que devant. Quoy estant, j'ay resoUu, sans plus différer, accorder et faire expédier des lettres de représailles sur les dits Angloix à tous mes dits subjectz, ausquels il m'apparoistra qu'ilz auront fait injure et desnié justice : partant, vous en donnerez acte à tous ceux de ceste condition, dont vous aurez telle cognoissance et preuve qu'il convient et qui vous en feront instance, et si la dite dame use de revanche sur mes dits subjectz, sans autre subject, comme ce sera violler ouvertement noz traittez, je rompray tout commerce avec elle et ses ditssujectz et prendray, outre cela, les conseilz que Dieu me conseillera : ce pendant je mettray peyne de me rendre fort sur la mer, suyvant le vostre, que je recognois estre le plus seur et honorable que je puisse suyvre. Je verray aussy si je pourray augmenter les impositions que payent les estrangers, suyvant vostre proposition; neantmoins, comme je ne puis acquérir les dites forces par mer, telles qu'elles sont nécessaires pour estre utilles avec le tempz, sachez que je useray avec discrétion et modération du remède des dites représailles, mais je veux que les Angloix croyent le contraire. Partant, parlez leur en comme d'ung arrest digéré et basty en la dite assemblée, sur tel fondement que vous estimerez qu'il sera difficille d'en empescher ny seullement retarder l'effect, s'ilz ne ne font raison à mes dits subjectz, autrement qu'ilz n'ont faict
jusques à présent; surtout, je veux que la dite Royne et ses mi nistres sçachent que je rompray toute sorte de commerce avec eux, s'ilz entreprennent d'empescher à mes subjectz celuy d'Espaigne et violler la liberté et seureté de ma bannière, ce que vous leur déclarerez ouvertement, leur remonstrant que nous ne nous trouverions maintenant en ceste peyne, s'ilz eussent voulu arrester et exécuter les reiglemens que vous avez traittez et comme concertez avec eux, ausquelz s'ilz vouloyent encores revenir, je vous diray confidemment que je y entend-rois encores plus volontiers que je ne feray à permettre les dites représailles et user des autres rigueurs contre eux, pour la particulière amityé que je porte à la dite dame et le désir que j'ay de la perpétuer : de quoy, toutesfois, il ne fault se déclarer que bien à propos, car plus on les flattera, moins ilz nous respecteront, comme ceux qui sont coustumiers d'attribuer à foiblesse et crainte les déclarations de bienveuillance etremonstrances fondées sur considérations d'estat. J'ay doncques, pour ceste heure, envie de leur faire plus de peur que de mal, principallement jusques à ce que je me soys fortiffié par mer : au moyen de quoy advisez de vous conduire envers eux, sur la déclaration présente que je vous fais de mon intention, avec vostre prudence accoustumée, affm d'en proffitter le mieux que vous pourrez, sans toutesfois refuser à mes dits subjectz les actes et certiffications du desny de justice qui leur seront nécessaires; car, par deçà je feray croire à un chascun que je suis très resollu de accorder dos lettres de marque à tous ceux qui les mériteront, quoy qu'il en puisse advenir, et mesmes de passer après au remède de l'interdiction susdite du dit commerce et autres que je cognoistroy estre nécessaires. Le i'' président de ma court de parlement de Rouen s'estant trouvé on la dite assemblée, je luy ay commandé de continuer à traitter les marchans angloix, sur le faict des drapz, le plus doucement qu'il pourra, comme en vérité il a esté fait jusques à prosent ; car, tant s'en faut que l'on ait confisqué les dits drapz mal faicts, ny que l'on ayt précipité l'exécution de l'arrest donné en mon conseil sur cola, duquel ilz font tant do bruit, que l'on a faict tout le contraire, osperans que les dits Angloix apportoroyont do meilleurs drapz, après le dit arrosl. Mais, (piand ilz ont vou que
mes officiers espargnoyenl les premiers abus, ilz ont remply la ville de Rouen d'une telle quantité de mauvaise marchandise, que la court a esté contrainte de leur en interdire le débit, et c'est pourquoy ilz demandent de présent la surseance de l'exécution du ditarrest, espérant, avec icelle, vendre les dits draps, voire en faire passer de nouveaux de semblable estoffe; mais, je ne l'endureray pas : vray est qu'il ne leur sera fait autre mal, pour le présent, que d'en empescherla vente. Ledit président dit qu'il ne s'est présenté aux commissaires, que j'ay ordonnez pour faire justice aus dits Anglois, que deux causes qu'ilz ont jugées au proffit d'iceux, et pour le regard des frais de la justice, qu'ilz sont traittez ne plus ne moins que mes propres subjectz. Il y a icy ung secrétaire, que y a laissé le sieur de Neville, qui fait ung tel bruit des arrestz et resolutions que je prens en mon conseil, qu'il ne menace pas moins que de la guerre ; mais il est si inconsidéré, qu'il ne mérite que l'on s'arreste à ses parolles : toutesfois, j'ay voullu vous advertir, affin que vous sachiez quel est son stille de deçà, lequel il ne doibt, à mon advis, addoucir, quand il luy fait passer la mer. Enfin, le roy d'Espaigne a juré la paix de Vervins : ce fut le xxvii^'du moys passé, qu'il n'en estoit aucunement recherché de ma part, et s'en est acquitté solennellement, en la forme accoustumée. Depuis, il a donné parolle à mon ambassadeur, laquelle luy a esté aussy confirmée par le duc de Lerme, de faire justice à mes dits subjectz et reparer les tortz receus de l'adelantado, avec tant de belles et expresses déclarations de l'ardent desir que le Roy a de me contanter, que, si les cffectz s'en ensuyvent, j'auray occasion de m'en louer. Gecy m'a fait surseoir l'exécution des resolutions, que je n'ay pas laissé de prendre, de me revanchcr des dites injustices, par les mesmes voyes desquelles j'entens user contre les dits Angloix, et toutes autres que je pourray excogiter; car, je veux encores moins endurer d'eux que des autres, comme je feray cognoistre par effect, s'ilz ne contantent mes dits subjectz, ausquelz ils reprochent aussy bien le commerce d'Angleterre et de Hollande, que leur font les dits Angloix celluy d'Espaigne; tellement que, si cela duroit, il ne leur seroit loisible de trafficquer en aucun lieu, et seroit leur condition pire qu'en pleine guerre, chose que je n'endureray aucunement
des uns ny des autres. J'ay appris, par vos dites lettres, qu'ilz ont commancé à renouveller la poursuitte de la paix avec les Archiducz, à quoy j'entends que ceux-cyprestent volontiers l'oreille; mais le conseil d'Espaigne, duquel ilz dépendent, n'y est pas si disposé que eux, et semble que la contenance que fait la royne d'Angleterre de voulloir secourir les Estats tende plustost à faire craindre ses armes et son assistance en faveur des dits Estats, pour advancer la dite paix, que à faire autre mal aus dits Archiducz, de quoy nous debvons estre bien tost esclaircis, et auray à plaisir que vous m'advertissiez de ce que vous en jugerez et descouvrirez. Mais, mon ambassadeur d'Espaigne ne m'a donné aucun adviz de l'armement par mer, que l'on leur a rapporté par delà se préparer à la Corongne : au contraire, il semble que le dit roy d'Espaigne ayt aujourd'huy plus grand désir et besoing de se descharger de despenses et s'abstenir de nouveaux desseings, que de faire autre chose. Les forces qu'il fait passer d'Italie en Flandres, en nombre de six mil hommes de pied et douze ou quinze cens chevaux, ont passé les montz et peuvent estre de présent arrivées au Rhosne,'pour entrer au comté de Bourgongne, par le pays de Saint-Claude, qui est le chemin qui leur a esté délaissé par le traitté que j'ay faict avec le duc de Savoye, auquel ont esté rendues toutes les places promises par le dit traitté, excepté celles qu'il a deslaissées en gage au sieur de Lesdiguieres, pour la seureté des deniers qu'il luy doibt, conformément au dit traitté. Le dit roy d'Espaigne envoyé aussy au secours de l'archiduc Ferdinand, sonbeau-frere, une partyedes forces qu'il avoit assemblées en Itallie; outre cela, il arme par mer à Gennes et publie que c'est pour tenter quelque entreprise contre le Turc : mais, je ne suis encor du tout exempt de jalousie qu'il n'en veuille à la Provence, jaçoit qu'il ayt juré la dite paix et (lu'il me face tous les jours asseurer qu'il veut vivre en bonne amityé avec moy; car, je sçay qu'il a des serviteurs en Itallye, qui désirent l'engager en affaires contre moy, aultant pour s'en advantager contre ceux (fui gouvernent en llespaignc, que pour fain^ le service de leur maistre; mais, j'ay donné si bon ordre à la seurclé de ma cosle, que j'espcre qu'il n'en mcsadviendra. Il est arrivé icy, ces jours j)assez, ung médecin du dit Turc, (jui est né mon subject, lequel
m'a apporté des lettres de luy et de Hebrain, son premier bassa et lieutenant gênerai en l'armée de Hongrie, par lesquelles j'ay appris, comme j'ay faict par les propos qu'il m'a tenus, qu'ilz sont très las de la guerre et qu'il ne tiendra à eux qu'ilz ne facent la paix avec l'Empereur, lequel de son costé y est aussy très disposé, si bien qu'il y a grande apparence de croire que la dite paix se fera, si le Pape et le dit roy d'IIespaigne ne Tempeschent l'un et l'autre, envoyans ceste année en Hongrie de grandes forces, exprès pour rompre la dite paix, à laquelle les ditz Turcz sont ainsi disposez, tant par ce que leur prince est ennemy de la guerre, que pour la jalousie qu'ilz ont de celle de Perse, et y avoir aussy plusieurs révoltes en son empire, qui troublent et incommodent grandement ses affaires. J'ay bien considéré les langages qui vous ont esté tenus par le comte de Marre, avec vostre responce à iceux, que j'ay trouvée très sage et considérée ; car, je désire éviter de tout mon pouvoir l'occasion d'estre requis du roy d'Escosse d'intercéder pour luy envers la royne d'Angleterre, pour le faict de sa succession, sachant combien tel office seroit mal receu d'elle et peu utille aussy au dit roy d'Escosse, vers lequel j'ay voulu différer d'envoyer celuy que j'avois proposé, jusques à l'arrivée par deçà du comte de Lenox, puis qu'elle doibt estre si prompte, affin de voir ce qu'il apportera et, sur ce, desliberer comme j'auray à me conduire envers luy. Cependant, j'ay esté très ayse de sçavoir l'inclination du dit comte de Marre et le compte que vous estimez que je doibs faire de son affection, comme j'ay celle du dit de Lenox, et désire que vous continuiez à me donner advis de choses semblables, et sur tout des partis qui se dressent en Angleterre, sur le subjectde la dite succession; car, encor qu'il semble que la faction du comte d'Essex soit entièrement abbattue, toutesfois j'estime qu'elle est encores redoubtée par ceux qui gouvernent les affaires de la dite Royne, à quoy vous prendrez garde, comme à se qui se passera en Irlande, pour continuer à m'en advertir; ayant commandé à ceux de mon conseil de pourveoir au transport de l'or et argent, que vous nous avez escript se faire de mon royaume en Angleterre, sur lequel vous continuerez aussi à veiller. Mais, je ne puis, pour le présent, me servir de la proposition que vous m'avez faicte par vostre der-
nière, pour boniffier ma ville de Galays \ pour le préjudice que les autres villes et portz de mon royaume en recepvroyent ; neantmoins, je n'ay pas laissé de la prendre en bonne part et de la considérer, comme le mérite vostre zelle au bien public de mon royaume. Et d'autant que j'ay entendu que vous desirez avoir congé de revenir servir auprès de moy, ayant accomply le tempz ordinaire de vostre légation, je vous diray que je me suis disposé vous donner ce contantement, encores que je reconnoisse vostre service par delà m'estre très utille et aggreable. Sur cela, j'ay faict élection de la personne du sieur deBeaumont, pour estre vostre successeur, dont vous advertirez la Royne, quand vous jugerez estre bon de le faire, de quoy je me remets à vous entièrement, car je sçay que vous affectionnez tant l'honneur et le bien de mon dit service, que vous ne hasterez vostre retour, au dommage d'iceluy, et je vous asseure aussi que j'auray à grand plaisir que la dite Royne et ses conseillers voulussent, devant vostre parlement, prendre une bonne resolution avec vous sur toutes les affaires et disputes de la marine ; car, les ayant traittées et esbauchées avec eulx, comme vous avez faict, vous m'y pouvez mieux servir que nul autre , et estime que ce seroit le bien et repos de la dite dame et de ses subjectz comme le mien. Partant, je vous prie leur en parler, sur l'occasion de vostre dit retour, leur faisant paroistre le regret que vous aurez de partir et laisser les choses en la confusion et aux termes ausquelz elles sont par leur faulte, puisque le tout dépend de leur resolution. Au reste, vous sçaurez que j'ay faict venir icy les prisonniers, qui estoyent à Mets chargez de l'entreprise sur la dite ville, dont je vous ay donné advis, affin que, les faisant juger
i. Le 6 juin, M. de Boi.ssise écrivait au Roi :
« Sire, Depuis ung an, j'ay proposé quelques moyens à Vostre Majesté, pour augmenter le traffic de sa ville de Calais, dont le principal estoit de donner passage libre, par vostre royaume, pour toutes marchandises que l'on y voul- (Iroit faire entrer, ou les en tirer, par le dit lieu de Calais, moyennant un impoz modéré, qui se mettroit sur les dites marcliandises qui passeroyent par vostre dit royaume, et, pour celles qui y demeureroyent, rimj)osition ordinaire auroit lieu. La seureté du dit passage et commodité du port y pourroit attirer ung grand commerce, ce qui mérite bien d'estre mis en quelque considération. .. (Bibl. nat., Ms. fr. 4128, fol. 267.)
par les gens de mon parlement, personne n'ayt occasion de se plaindre de la justice qui leur sera faicte, du succez de laquelle vous serez adverty, comme vous le serez, par la lin de la présente, de la continuation de ma bonne santé et de la grossesse de la Royne, ma femme; priant Dieu, Monsieur de Boissize,
HENRY
DE NEUFVILLE
Copie. — BibL uat., Ms. fr. 4128, fol. 279.
A MONSIEUR DE BOISSISE
Monsieur de Boissize, Edmont arriva en ceste ville, le xvii^'de ce mois et le xix'^ je luy ay donné audience. J'avoisreceu devant, fort à propos, vostre lettre du ix'^ ; j'avois aussy commandé ma response à celles du xxvi*" et dernier du mois passé, pour vous faire sçavoir, que je ne suis moins contant de toutes celles que vous avez faittes aux propos indiscretz des conseillers de la Royne, ma bonne sœur et cousine, que vous m'avez représentez par l'une de vos dites lettres, que très mal ediffié et contant d'eux. Mais, ilz s'abusent grandement, s'ilz espèrent obtenir de moy quelque chose par semblables procédures, qu'ilz ont fondées sur le langage que j'avois commandé au sieur de Yilleroy de tenir au secrétaire de la dite Royne, sur l'instance qu'il faisoit que les arrestz donnez en mon conseil, touchant leurs draps et les représailles accordées au marchant de Saint-Jehan-de-Luz, fussent revocquez. Ils s'altèrent et offensent, quand vous vous plaignez du peu de raison et justice qu'ilz font à mes subjects depredez par les leur et sont marris de me voir en estât de pouvoir changer le stille de ma patience, de laquelle ils ont souvent
abusé, en une revanche digne de moy, ce qui m'augmentera plustost qu'il ne me diminuera le désir et la volonté que j'ay, de n'endurer plus rien de la malice de ceux qui proffitent des dites déprédations, au préjudice de la réputation de leur souveraine et de l'auctorité qu'elle leur donne et de la confiance qu'elle a en eux, dont ilz abusent trop licentieusement. J'ay trop bonne mémoire aussi de ce qui s'est passé en cela, depuis mon règne, spécialement depuis vostre légation, et pareillement du bon debvoir que vous avez faict, pour y trouver et applicquer quelque bon remède, affin d'asseurer, voire accroistre nostre amitié, pour le commun bien de nos subjects et affaires, pour à présent vous accuser de ce qui est advenu, comme les dits conseillers voudroyent que je feisse; mais, tant s'en fault que j'en use ainsy, que j'en diray mon advis au dit Edmont, devant qu'il parte, tel que le requiert ma dignité, vostre sincérité et la justice de la cause que vous avez deffendue; m'estant contante, en sa première audience, d'escouter sa proposition, luy faire déclaration en gênerai, tant de la continuation de mon affection envers la dite Royne que des occasions que mes subjects ont de se plaindre des dites piratteries, qui sont plus fréquentes que jamais, autant en la mer de Levant que celle de deçà, et l'ayant renvoyé à ceux de mon conseil pour le surplus, desquelz il fut ouy, samedy dernier, presens Monsieur le chancelier et les sieurs de Rosny, de Villeroy, de Maisse et de Sillery. Ce qu'il leur dit fut fort gênerai, se plaignant premièrement du mauvais traittcment que les marchans angloix reçoivent en mon royaume en leur traffic, principallement en celuy des drapz, à cause des arrestz donnez tant en mon conseil que au parlement de Rouen; puis, il dit que encores la Royne eust, contre les loix et coustumes de son royaume, ordonné une chambre composée des plus gens de bien qu'elle avoit peu choisir, pour juger les prises qui se faisoyent en mer sur mes subjectz, et qu'elle en eust osté la connoissance à ceux de l'admiraulé, pour me contanter et vous aussy, et qu'iceux commissaires eussent très bien et lidellement exécuté lescommandemensdeladitedame, neantmoins sa bonne volonté et le debvoir des autres n'avoyent peu vous contanter, comme ils estimoyent vous avoir donné occasion de l'estre; que, sur les
plainctes que vous en aviez faictes à la dite dame et à ceux du dit Conseil, elle avoit souvent commandé à ceux-cy et eux avoyent appelle et faict venir devant eux-mesmes, en vostre présence, les dits commissaires, pour rendre raison de leurs procédures et jugemens, qu'ilz avoyent justifiiez de bouche et par escript, tellement qu'ilz avoyent donné occasion d'estre plustost louez que repris; neantmoins, vous ne vous en estiez appaisé, ayant donné par deçà des advis, qui m'avoyent donné autre impression de la justice de la dite Royne et de ses conseillers et officiers, que ne meritoit ia bonne volonté qu'elle portoit à la justice et son amitié envers moy, ny les actions des autres; que, sur cela, on avoit donné l'arrest en faveur du Basque Martisant de Horgues, de S'-Jehan-de-Lux, au préjudice des citoyens et marchans de Londres, duquel il s'est plainct comme des dessus dits sortis contre leurs draps, le commerce et apport desquelz en ce royaume il sembloit que l'on vouUust bannir du tout, à présent que l'Angleterre estoit privée de tout commerce ailleurs, affm d'affliger la dite dame, sur les afflictions et grands affaires qu'elle avoit de présent sur les bras, au lieu de l'assister et luy rendre la pareille des plaisirs que j'avois tirez d'elle en ma nécessité, ny seullement luy payer les deniers qu'elle m'avoit prestez en mon besoing, exaggerant fort ce dernier poinct, comme celuy auquel en vérité il est mieux fondé ; concluant par remonstrer que la dite dame, sa souveraine, n'avoit mérité telle recompense de moy ny de mes serviteurs. A quoy luy fut respondu que j'honoroiset aymois la personne de la dite dame d'entière et cordialle affection, et reconnoistrois à jamais les grâces et faveurs que j'en avois receues en ma nécessité, aultant que mes forces se pourroyent estendre, sans mesmes y espargner ma propre vie, quand l'occasion s'en presenteroit, ainsi que j'eusse faict très volontiers paroistre par effect, lorsque l'on disoit qu'elle debvoit estre assaillie en son royaume par le roy d'Espaigne, depuis la paix de Yervins, l'observation et utillité de laquelle n'auroit jamais tant de pouvoir qu'auroit ma gratitude et mon affection en son endroit; que je n'avois doubté de l'amityé ny de la justice de la dite dame, ny pareillement de sa prudence et bonté, que l'heur de son règne rendoit trop de tesmoignage des vertus sus-
dites, qui reluisoyent en elle abondamment; que vous m'aviez tousjours certiffié par voz lettres, depuis que vous me servez auprès d'elle, les occasions que vous aviez de vous louer d'elle en cela, dont aussy je ne m'estois jamais plainct ; neantmoins, n'estre que trop véritable que mes subjectz estoyent tous les jours depredez et pillez par les siens, où ilz les rcncontroyent plus foiblcs que eux, tant en la mer Méditerranée que en l'Océan ; que la dite dame, à vostre poursuitte, avoit commis et estably des juges extraordinaires, pour faire justice des dites déprédations, comme j'avois faict de mon costé, et toutesfois je pouvois prouver qu'ilz n'avoyent faict justice et raison à tous mes dits subjectz, comme la dite dame l'entendoit, et que leurs sentences et jugemens avoyent souvent causé plus de dommage à ceux en faveur desquelz ils pretendoyent les avoir donnez et qui les avoyent poursuyvis, que de réparation de leurs pertes, tant par faute d'exécution, pour estre les condampnez insolvables et supportez, que pour n'avoir esté les recompenses qui leur ont esté adjugées correspondantes à leurs pertes, ny mesmes souvent bastantes pour rembourser les frais faictz parles parties à la poursuitte d'icelles; que vous m'aviez envoyé les responses faictes parescript, parles dits commissaires, aux plainctes que vous avez faictes pour mes dits subjects et que vous m'avez tousjours représenté fidellement et au vray, par toutes voz lettres, ce qui s'estoit faict et passé en cela, tant de la part de la dite dame et de ses conseillers que par les dits commissaires, alin de m'en laisser le jugement; que j'avois donné charge, à ceux de mon conseil qui estoyent presens, d'examiner le tout avec le dit Edmont, faire le semblable aussy des griefz (ju'il alleguoit contre les dessus dits arreiz donnez en faveur de Martissant de Horgues et sur leurs drapz, et toutes les autres plainctes qu'il avoit charge de faire, aflin d'adviser quelle provision l'on y donneroit; ([ue la vérité du debvoir faict par nos commissaires de part et d'autre en la distribution de la justice fust connue et leurs faultcs reparées, comme la raison (;t hi désir (\\u\ j'avois de vivn;en bonne amilyé avec la dil(» dame recpieroyent estre faict. Sur cela ont eslé desduiltes et représentées au dit Edmont par le menu les raisons sur lesquelles les arrestz susdits ont esté donnez, et principalle-
ment celuy du dit Basque de SWehan-de-Lux, luy remonstrant que je debvois justice à mes dits subjectz et que j'en estois responsable devant Dieu; que, leur estant desniée ailleurs, les traittez de paix nous permettoyent d'user du remède des lettres de marque et represaille; partant que, m'en estant servy en ceste occasion, je n'avois contrevenu aus dits traittez ny à nostre amityé, estant ce jugement fondé en justice et les formes en telz cas requises y ayans esté gardées, comme il appartient, joinct qu'ilz avoyent les premiers commancé à pratticquer ce remède contre les Marsillois, ainsy que vous avez remonstré à ceux du conseil de la dite dame, lesquelz s'estoyent plus altérez, en ceste occasion, que vostre modération et bonne intention à l'entretenement de nostre amityé n'avoit mérité ; que je vous avois commandé, vous envoyant par delà, de proposer et poursuyvre ung reiglement sur la navigation, exprès pour faire cesser les desordres et volleries dont la mer estoit pleine, prévoyant qu'ilz seroyent cause, s'ilz continuoyentet estoyenttollerez, comme ilz estoyent auparavant, d'altérer nostre amitié ; qu'il en avoit esté dressé quelques articles, desquelz vous estiez tumbé d'accord avec eux, après plusieurs contestations et disputes; toutesfois, ceux du conseil de la dite dame n'avoyent depuis trouvé bon de les signer et arrester ; que leur ambassadeur avoit depuis proposé de renouveler noz traittez, et mesmes celuy qui fut fait l'an 1572, lequel il pretendoit estre expiré, d'aultant que j'avois oublié à le confirmer, dedans le tempz porté par iceluy, après la mort du feu Roy; à quoy ayant desclaré et respondu que j'estois très contant et prest d'entendre, en y adjoustant ce qui seroit jugé nécessaire, pour affermir nostre amitié et accommoder le commerce entre nos subjectz, ilz s'estoyent refroidiz et avoyent monstre le mespriser : de quoy je m'estois aucunement altéré, pour le respect que je porte à la dite dame et le désir que j'ay de me composer et accommoder, autant qu'il m'est possible, à toutes ses volontez; que j'avois aussy offert lors de m'obliger, parle dit traitté, de payer à la dite dame ce que je luy doibs, par certains termes desquelz nous conviendrions, affm de mieux asseurer la dite debte, n'ayant moyen de l'acquitter à une fois, comme j'eusse bien désiré pouvoir faire, pour la contanter; que mon
offre avoit esté non seullement rejectée, mais aussy interprétée et prise en mauvaise part, à mon grand regret ; que la guerre de Savoye esloit survenue sur cela, qui avoit depuis diverty et consommé mes moyens et m'avoit mis en arrière, de façon que je n'avois peu entrer au payement des dites debtes, dont j'estois le plus marry; adjoustant que j'avois cncor à fournir une lourde somme aux Suisses, pour renouveller l'alliance que ceste couronne avoit avec eux, laquelle estant expirée mes voisins s'efforceroyentde me faire perdre ; que cela m'empeschoit de contanter la dite dame ceste année, non que je voulusse préférer la dite alliance à l'amityé d'icelle, mais parce que j'estois si asseuré de celle-cy, que je me persuadois que ce peu de retardement ne pourroit estre cause de me la faire perdre, ce que j'avois toute occasion de craindre l'autre, pour estre la nation de Suisse trop subjecte à l'argent et facile à desbauclier; que je desirois que la dite dame prist ces raisons en bonne part et que elle creust que j'avois très bonne volonté de m'acquitter de ce que je luy debvois et la contanter, comme j'esperois de faire avec le tempz. Le dit Edmont, par sa replicque, s'attacha au payement, dont il renouvella l'instance avec ardeur fondée en la nécessité en laquelle la dite dame setrouvoit, et dit plusieurs choses sur cela, qu'il n'est nécessaire vous représenter, car vous estes trop bien instruict de leur stille sur ce faict. Il demanda aussi que l'arrest dudit Basque fust reveu et la partie ouye, et pareillement ceux qui se plaignoyent du reiglement et arrest des draps. Ces deux derniers poinctz luy furent accordez et répété sur le premier ce que on luy avoit ja dit, et de plus que je commanderois que l'on feist fonds, en dressant Testât de mes finances de l'année prochaine, pour commancer à payer. Puis fut accordé que le dit Edmont mettroit entre les mains du dit de Maysse tous ses mémoires et qu'ilz en confereroyent ensemble, pour amender de part et d'autre ce qui seroit reconnu en avoir besoing; que nous reverrions aussy les articles de la navigation, qui avoyent esté traittez par vous avec ceux du conseil d(î ladite dame, pour les résoudre et signer, affin qu'ilz nous servissent de loy et reigl(»ment contre les dites piratteri(*s et à destruire les prétextes, des(|uels on se servoit pour les nourrir, au commun dommage do nos siibjoctz.
Le dit Kdniont a dit quo los articles estoyont observez par ceux du conseil de la dite dame, depuis que vous en estiez tumbé d'accord avec eux; il a adjousté aussy que la dite dame m'avoit escrit une lettre, par hicfuelh^ elle m'avoit mandé qu'elle tenoit nostre traitté de l'an 1572 pour continué en ma personne, tout ainsi que si les déclarations en eussent esté faittes et envoyées dedans le tempz porté par iceluy. A quoy luy a esté respondu que je n'ay receu la dite lettre, de laquelle il nous a appris que le sieur de Neville revenant par deçà devoit aussy estre porteur, s'il n'eust esté retenu en Angleterre. Pareillement, il luy fut dit que je n'avois point sceu ny recongnu, par le procéder de leurs officiers et subjectz envers les miens, que les dits articles traittez par vous de la navigation eussent depuis esté observez par eux ; que si ainsi estoit et que l'intention de la dite dame et de ceux de son conseil fust qu'ilz eussent lieu, pourquoy avoitelle fait difliculté de les signer, ayant offert de ce faire de mon costé. Il respondit que la dite dame avoit esté si offensée de l'ouverture, que j'avois faict faire, de prendre terme pour nostre traitté de payer ce que je luy doibs, ayant creu que je nevoulois y satisfaire et que je mesprisois son amitié, que elle n'avoit depuis voullu signer les dits articles ny s'obliger davantage avec moy, comme si elle fust entrée en desespoir des effectz qu'elle s'estoit tousjours promise de mon amityé et de celle qu'elle m'avoit tesmoignée, au prix de sa bourse et du sang de ses subjects employé en nos guerres. Sur quoy il n'a esté oublié à luy remonstrer le tort qu'elle avoit fait à la sincérité de mon amitié et bonne volonté et à ma gratitude, d'avoir donné telle interprétation à la susdite proposition, laquelle j'avois faitte à fin toute contraire à celle pour laquelle elle l'avoit receue, comme il avoit esté des lors représenté au dit de Neville et vous avoit esté escript, pour le confirmer à la dite dame et à ceux de son conseil : à quoy on avoit eu si peu d'esgard, qu'il sembloit que l'on n'eust esté marry d'avoir et entretenir ce prétexte de fonder quelque altération entre nous, de quoy je m'estois peu esmeu, jaçoit que j'en fusse très desplaisant, me consoUant en la candeur de mon intention, me promectant aussy que la dite dame la recognoistroit, avec le tempz, telle qu'elle estoit, par les occasions que je m'estu-
LETTRES DE HENRI IV. 2:u
dirois luy donner de croire, qu'elle ne peut jamais acquérir amityé qui luy soit si asseurée et utille que la mienne. L'assemblée de ceux de mon conseil avec le ditEdmont s'est séparée sur cela, et ay voulu vous renvoyer ce porteur, avec la présente, pour vous informer de tout ce qui s'est passé jusques à présent, mais particulièrement pour faire sçavoir, que tout ce que nous a dit de vous le dit Edmont m'a plustost accreu que diminué ce contantement que j'avoys de vostre procédure et conduitte, en tout ce qui s'est passé par delà : partant, je vous prie de la continuer, ayant tousjours devant les yeux que je veux, suyvant le conseil que vous m'avez tousjours donné, faire tout ce que ma dignité et le bien de mes affaires me permettront pour conserver, voire estraindre davantage, le lien de l'amytiéet alliance que j'ay avec la dite dame, affin que vous continuiez à dresser et reigler toutes vos actions sur ce fondement, avec discrétion et prudence à vostre accoustumée ; mais, comme je recognoys qu'il est expédient, pour mieux faire réussir ce mien désir, de luy faire paroistre par delà, par parolles et par effectz, que je ne veux qu'ilz abusent de ma bonne volonté et patience, pratticquez ce stylle de vostre costé, comme je feray du mien, et m'advertissez de ce qui se passera. Le dit Edmont ne m'a parlé encores qu'en termes generaulx de la négociation de leur paix avec le roy d'Espaigne et les archiducz de Flandres et a voullu me faire croire que le siège d'Ostende y apportera du changement et qu'il aura picqué et altéré sa maistresse, de quoy le temps vous esclaircira. Il est certain (jue les Archiducz ont demandé que je feisse commandement à mes subjects d'aller trafficquer en leurs portz ; mais, j'ay respondu que je ne pouvois les contraindre d'y aller plustost qu'ailleurs et que j'entendois les maintenir en la liberté du commerce, sans les forcer d'en user, autrement je serois marry que cela servist de prétexte à la dite dame de priver mes dits subgects de la dite liberté, et vous asseure que, si elle l'entreprend, je nel'endureray pas. Pour fin, je vous diray qu'il a esté accordé, avec le dit Edmont, que nous ne parlerions, pour le présent, que des dites piratteries qui ont esté faictes de part et d'autre, depuis mon advenement à la couronne, aflin de ne renouveller les antiennes (|uerellcset pourvoiraussy plus facillement aux dernières : vous
serez adverty do ce qui on succédera, comme je le désire estre de ce qui se sera passé entre la Royne et vous, on l'audience qu'elle vous aura donnée, et de vostre adviz sur tout ce qui a esté proposé par le dit Edmont. Je prie Dieu qu'il vous ayt. Monsieur de Boissize,
HENRY
Orig. — Bibl. nat., Ms. fr. 15980, fol. 42.
A MONSIEUR DE BOISSTSE,
CONSEILLER EN MON CONSEIL d'eSTAT ET MON AMBASSADEUR EN ANGLETERRE
Monsieur de Boissize, J'ay sceu que, quelque instance que vous ayez faicte par delà, pour faire faire raison et justice à Michelot et Tremblaye, mes subjectz, sur le procez qui leur a esté faict en leur absence, en conséquence des faulses accusations, qui leur ont esté mises sus, d'avoir vendu un navire nommé le Tigre à des Espagnolz, avec l'artillerie qui estoit dans icelluy, et pour réparation de quoy ilz ont esté condampnez en ni™ in" escus, vous n'avez neantmoings peu faire que lez commissaires depputez par la royne d'Angleterre, ma bonne seur, pour reveoir le dict procez, leur ayent voulu donner aucune audience, combien que leurs cautions soyent en peine, pour le payement de la dicte réparation, et presque contrainctz à quicter et abandonner leurs maisons, si l'on en passe plus avant. J'en escris de rechef à la dite Royne la lettre cy-enclose, dont je vous envoyé la coppie, affin que, suivant icelle, vous ayez à vous employer et faire en sorte qu'ilz puissent avoir audience des dicts commissaires et que cependant toutes exécutions demeurent surcizes tant allen-
contre d'eulx que de leurs dictes cautions; et, m'asseurant que vous apporterez toute la recommandation qu'il vous sera possible, pour les délivrer de ceste injuste vexation, je ne vous en diray davantage, priant Dieu, Monsieur de Boissize, qu'il vous ayt ensasaincte et digne garde. Escript à Paris, le xxiiii® jour de juillet 1601.
HENRY
DE NEUFVILLE
Copie. — BibL nat., Ms. fr. 15980, fol. 43.
A LA REINE d'aNGLETERRE
Très haute, très excellente et très puissante princesse, nostre très chère et très aymée bonne sœur et cousine, Nous vous avons, depuis cinq ans ença, escrit diverses fois, en faveur de Guillaume Michelot et Michel-Anne Tremblaye, nos sujectz,pour vous prier de leur faire faire justice sur les fauses accusations, qui ont esté mises en avant contre eux, d'avoir vendu à des Espagnol un navire nommé le Tigre, avecq les munitions et artilleries qui estoyent dans iceluy; mais, quelque instance qui vous en ayt esté faicte par le sieur de Boissise, nostre ambassadeur par delà, et bien qu'ayez ordonné des commissaires, pour revoir le procez qui a esté faict contre eux, en leur absence, auquel ilz ont esté condamnez en la somme de trois mille trois centz escus pour réparation, encore que la dicte artillerie et munitions n'aycnt esté appréciez que la somme de six centz escus, neantmoins les cautions du dict Michelot et Tremblaye sont journellenu'ut poursuyvis au payement de la dicte somme, et ne peuvent avoir justice ny audience des dicts commissaires, pour
fairo ontondro leur innoconco ot so purgor d(^s dictos accusations; de quoy nous vous avons bien voulu de rechef escrire ceste lettre, pour vous prier affectueusement, comme nous faisons, de commander que l'exécution du dict procès faicte contre les dictz Michelot et Tremhlaye, pour raison de la vente du dict navire, soit sursise sur eux et leurs dictes cautions, jusques à ce qu'ilz ayent esté ouys par devant les dicts commissaires, que vous avez ordonnés pour leur rendre justice, et leur commander bien expressément qu'ilz ayent à leur donner audience, sans les faire consumer en une plus longue poursuyte; et, s'il se présente occasion d'user de semblable revenche, à l'endroit de vos sujectz, nous le ferons d'entière affection, ainsi que le dict sieur de Boissise vous fera plus amplement entendre. A Paris, le 25 juillet 1601.
HENUY.
DE NEUFVILLE
Copie. — Bibl. nat., Ms. fr. 4128, fol, 287.
A MONSIEUR DE BOISSISE
Monsieur de Boissize, J'ay sceu, par vostre lettre du SS*" du mois passé, que j'ay receu le l*"^ du présent, les propos que vous avez eu avec la royne d'Angleterre, en l'audience qu'elle vous avoit donnée, après plusieurs remises. Je sçay très mauvaiz gré à ses serviteurs et officiers, qui sont causes des piratteries et injustices qui nous altèrent; car, je ne désire rien tant que de vivre avec elle en toute bonne amitié et intelligence, pour nostre commun contantement et le bien de noz subjects. Je l'ay dit à Edmont, combien qu'il semble estre venu par deçà, aultant pour faire
plaisir et service aux particuliers intéressez en ce qui se passe, que pour faire reparer et cesser les desordres qui sont causes de noz mescontantemens. Il dit et veut que je croye que les articles conccrnans la navigation, desquelz vous avez traitté et convenu avec ceux du conseil de sa maistresse,encores qu'ilz n'ayent esté signez, sont neantmoins suyvis et observez et tenus de part et d'autre pour loy; que c'est aussy sur l'observation d'iceux que vous fondez voz plainctes et que les officiers de la Royne reiglent leurs jugemens; et, comme je luy ay faict demander, puis que ainsy estoit, pourquoy on faisoit difficulté de les signer, il a rcspondu que sa maistresse les signeroit volontiers, quand je vouldrois, et que cela se feroit à son retour. Je vous ay escript, par mes dernières, comme, l'ayant renvoyé à ceux de mon conseil, il avoit esté ouy d'eux, avec ce qui s'y estoit passé, et comme le sieur de Maisse avoit esté commis, pour traitter plus particulièrement avec luy de toutes choses, ce qu'il a faict depuis par plusieurs reprises. Il luy a justiffié l'arrest donné en mon conseil sur leurs drapz, de façon qu'il a recognu et advoué que l'on ne s'en pouvoit plaindre justement ; il en a faict autant de celuy qui a esté donné en faveur du marchand de S^-Jehan-de-Luz, duquel ceux de Londres se plaignent; mais, quand il a esté question de veriffier les piratteries faictes de part et d'autre, encores que les Angloix, depuis l'establissement de noz commissaires, n'ayent poursuyvi que deux causes, qui ont esté jugées en leur faveur, ainsy que vous verrez par la dernière lettre que le premier président de la court de parlement de Rouen en a escripte au sieur de Villeroy, que j'ay commandé vous estre envoyée, toutesfois il a présenté ung mémoire, qu'il a compilé icy, contenant plusieurs plainctes, dont il a demandé estre faict raison; mais, il en a usé ainsi, affin de venir à une compensation ou oubliance generaUo de toutes les dites piratteries passées : i\ quoy je n'ay pas estimé (lebvoir me rclaschcr, principallement pour ne faire tort à mes dits subjectz qui y ont interest, ausquelz je doibs protection et justice; seulement j'ay voullu, pour tesmoigner à la Royne le (lesir que j'ay de la contanter, accorder une surseance pour trois mois de l'exécution des lettres de marque et represaille que j'ay faict depcschor, pourvou qu'il en soit usé de mosmedcson costé,
et qu'il sera faict une conférence de noz députez, pour décider et terminer les différends des dites piratteries et injustices et y pourveoir par ung bon reiglement à l'advenir. Quand au lieu où la dite conférence se fera, j'ay faict dire au dit Edmont que je m'en remettray au bon advis de la dite dame et luy en deferray le choix, pour le respect que je luy porte, ayant desliberé, si elle trouve bon que ce soit auprès d'elle, de vous commettre pour ce faire et d'y joindre le sieur de Beaumont, affîn de l'instruire des affaires qui s'y traitteront et recepvoir de vous deux ce service, quand le dit Edmont sera depesché pour s'en retourner. Je vous envoyeray ung double de la responce qui luy sera faicte, dont vous recepvrez cependant le présent adviz par prévention. Il reste le poinct du remboursement des deniers que la dite Royne m'a prestez, duquel je me trouve en peyne, car je désire la contanter, recognoissant que la raison m'y oblige, et toutesfois, je ne puis y satisfaire ceste année, ny à présent luy donner parolle et asseurance de ce que je feray la prochaine, comme insiste le dit Edmont, parce que je ne puis m'en résoudre que lorsque j'arresteray Testât gênerai de mes finances de la dite année, pour ne rien promettre que je n'accomplisse ; mais, j'asseureray le dit Edmont que je m'efforceray lors de la contanter, tant qu'il me sera possible, ce que je mettray peine, devant qu'il parte, de luy persuader, de façon que il le face croire à la dite dame, à son retour. Le dit Edmont a quelques fois lasché des parolles du désir que sa maistresse a de renouveller et estraindre noz traittez d'alliance, mais j'ay recognu qu'il l'a faict aultant pour nous faire parler que pour envie d'en venir à l'effect; toutesfois, nous luy avons fait entendre que je y suis très disposé et que nous y mettrons la main, quand la dite dame l'aura aggreable. Davantage, je reconnois qu'ilzfuyent d'y entrer, parla crainte qu'ilz ont que je face instance que mes subjectz, qui trafficquent en Angleterre, y soyent traittez aussy favorablement que sont les siens en mon royaume, pour rendre nostre amityé et alliance plus ferme et durable par telle égalité ; neantmoins il faudra en venir là tost ou tard ; car, puisqu'il a pieu à Dieu me faire la grâce de deslivrer mon royaume des afflictions et calamitez qui ont contrainctz les roys, mes prédécesseurs, de
céder et accorder plusieurs advantages à noz voisins, je désire aussy remettre les choses en leur antiens ordres et faire que mes dits subjectz soyent chéris et traittez par mes amis et alliez, comme ilz doibvent estre, ainsy que je diray au dit Edmont, devant qu'il parte, et veux que vous faciez entendre par delà à la dite dame, avec laquelle si nous ne regaignons ce poinct, en ceste saison qu'elle a besoing de mon amityé, n'ayant pas grande occasion d'espérer la paix avec le roy d'Espaigne et les Archiducz, il ne faut pas que nous attendions de la y ranger jamays. Le secours qu'elle a envoyé à Ostende altérera encor la dite paix, comme fera celuy qu'ilz ont préparé en Hespaigne et Portugal pour Irlande, lequel on m'a adverty estre composé de cinq mil hommes, qu'ayant faict voille il a esté contrainct de relascher en la coste d'Espaigne. J'ay bien notté les langages que la dite Royne vous a tenus du secours que les Estats ont d'elle et de moy, comme j'ay faict de vostre response, que j'ay approuvée. Le dit Edmont m'a dit le semblable, de façon qu'il semble toutesfois que sa maistresse et luy tendent plus à descouvrir ma desliberation que à y prendre une bonne et ferme resolution, tellement que j'en suis demeuré avec luy , jusques à présent, dedans les termes generaulx et ne passeray oultre, s'il ne m'en donne occasion, encores que je n'aye que très bonne volonté de la faire, recognoissant combien il nous importe de soustenir les Estats, pour tenir en bride l'insolence et audace des Espaignolz, qui est grandement accreue, en la personne et au conseil du roy d'Hespaigne d'aujourd'huy, à cause de l'inexpérience et insuffisance de Tung et de l'autre, si bien qu'il n'en fault attendre que tout mal, si elle n'est tenue en bride par force, en luy roignant les aislcs par tout moyen possible. Ces jours passez, ilz en ont mis en évidence ung eschantillon, que je veux que vous sçachiez, c'est que le dit roy d'Hespaigne feit escheller et forcer la maison de mon ambassadeur, le xviii'' du moys passé, à trois heures du matin, par trois alcades de sa cour suyviz de quattrc ou cinq cens hommes armez jusquos au collet, soubz prétexte d'une batterie advenue, la nuict m«îsm<»s, entre aucuns domesticques de mon ambassadeur et ([uclques habitans de Vailladolit, après s'cslre baignez, de quoy deux des dits habitans auroyent esté tuez et ung autre blessé;
les dits alcades ayant emprisonné et enlevé par force, en la présence du dit ambassadeur, jusques à xxv personnes de la maison d'iceluy, entre lesquelz est ung sien nepveu, les injuriant et oultragcant, tant en la dite maison que par les rues, les menans aux prisons, sans avoir esgard à la dignité du dit ambassadeur nyà l'offre qu'il leur feit de livrer luy-mesmesses dits serviteurs, qui seroyent trouvez coulpables du prétendu delict, affin que les innocens ne pâtissent pour les autres, ausquelzilz ont depuis faict donner la question à leur mode, pour leur faire confesser le dit delict : et je vous asseure que j'ay bien desliberé de n'endurer ceste viollence et injure, quoy qui en puisse arriver, non que je veuille empescher que les gens de mon dit ambassadeur soyent chastiez, s'ilz ont failly, mais je ne puis avaller l'affront qu'ilz m'ont faict en sa personne, par la forme qu'ilz y ont procédé, de quoy je sçauray bien me revancher, si l'on ne me fait raison, ainsi que j'ay dit à l'ambassadeur du dit Roy, et serez adverty de ce qui s'en ensuyvra. J'ay ja rappelle mon dit ambassadeur et ay fait suspendre le commerce d'Hespaigne, resollu de passer outre, si on ne me contante : toutesfois, vous en parlerez par delà sobrement et attendrez que l'on s'en informe de vous, devant que d'en rien dire. Nous attendons la certitude de la capitulation de Rhinberg, de laquelle il est passé icy quelque advis, et du conseil que prendra le prince Maurice, après qu'il aura achevé ceste besongne. Cependant, ceuxd'Ostende donneront de l'exercice aux Archiducz, puisque la Royne y a engagé sa réputation avec ses gens, car j'estime qu'elle vouldra conserver l'une et ne laisser perdre les autres, et auray à plaisir de sçavoir ce qui en arrivera. Le duc de Lenos, que le roy d'Escosse a envoyé versmoy, est descendu en mon royaume et doibt arriver icy demain ou vendredy. Quand je l'auray ouy, je vous advertiray de sa charge. Cependant, vous sçaurez qu'il m'a esté escript d'Espagne que le roy du dit pays veult gaigner le roy d'Escosse et luy offre toute sorte de assistance, s'il veult, dès à présent, poursuyvre le droict qu'il a au royaume d'Angleterre et se prevalloir des occasions et moyens qui se présentent de s'en mettre en possession; car, on dit que ceux de la province de Galles, qui affectionnoyent le comte d'Essex, sont très mal contans du conseil de la dite dame et qu'ilz
sont prestz à se révolter, avec plusieurs autres du dit royaume, chose que le roy d'Hespaigne désire de fomenter, se montrant plus oflencé de la dite dame que ne fut jamais son père et plus désireux de se vanger d'elle. Mais, la jalousie qu'elle a connue de moy, contre raison, luy aveugle les yeux et à ceux de son conseil, dont je suis très desplaisant, car ce n'est son bien ny le mien que cela soyt, comme vous luy remonstrerez, quand vous la rencontrerez en bonne humeur. Advisez aussy s'il est bon d'en dire quelque chose au secrétaire Gccille, luy représentant qu'il ne tiendra qu'à luy qu'il ne soit cause de ce bon œuvre, par lequel, en asseurant les affaires de sa maistresse, il peult aussy appuyer sa fortune et celle de sa maistresse. Je prie Dieu, Monsieur de Boissize,
HENRY
DE NEUFVILLE
Copie. — Bibl. nat., Ms. Ir. 4128, fol. 290 vo.
A MONSIEUR DE BOISSISE
Monsieur de Boissize, Je vous ay escript, par ma dernière portée par Dubois, la response que j'avois desliberé de faire au secrétaire Edmond, sur les plainctes et instances qu'il m'a faictes de la part de la Royne, sa maistresse, ma bonne sœur et cousine. Suyvant cela, deux jours après, il fut appeRé en mon conseil, où elle luy fut prononcée par Monsieur le chancelier, en termes les plus gracieux desquelz il se peut adviser : tout(»sfois^ il n'en demeura contant et répéta phisieurs choses, (pi'il avoil remonstrécs auparavant, lesquelles ne furent jugées sufllsanles, par ceux de mon dit conseil, pour leur faire changer d'advis. Depuis, il a eu recours à moy, de qui il a obtenu que je conunanderois eslre
commis à la Visitation des drapz, qui viennent d'Angleterre, outre les marchans drappans, que les Angloix prétendent estrc leurs partyes, quelques autres personnes expertes et non suspectes aux dits Angloix, aflin que la dite Visitation fust faicte sans dol et comme il convient. J'ay accordé aussyque les drapz jugez vicieux ne seront confisquez à leur arrivée, mais renvoyez en Angleterre, à la charge d'estre marquez, et si, après cela, ils estoyent exposez en vente en mon dit royaume, d'estre subjectz à la dite confiscation, ainsy que le dit Edmont m'a demandé; dequoyj'ayvoullu le gratiffier, exprès pour addoucir la dite Royne et, par ce moyen, acheminer les affaires à quelque meilleure reformation. Le dit Edniont a fort insisté que l'arrest de Martissant de Horgues fust revocqué dez à présent, en faveur de ceux de Londres, mais je l'en ay esconduit et suis demeuré, pour ce regard, dedans les termes de ma première resolution. Mais, quand à l'argent que je doibz à la dite dame, c'est ce qui m'a mis en peyne : toutesfois, je luy ay dit ingenuement que, estant à la veille d'entrer en guerre avec le roy d'Espaigne, à cause de l'injure faicte à mon ambassadeur, laquelle je ne voy pas qu'il se dispose de reparer, je ne puis me deffaire de mon argent, pour le besoing que j'en auray, rompant avec le dit Roy, et aussy que je ne veux faire promesse à la dite Royne, que je ne sois asseuré de l'accomplir à poinct nommé, mais, que je luy parlerois plus clairement, dedans deux moys, et qu'elle cognoistroit lors par effect combien je désire la contanter : ce que le dit Edmont m'a promis de luy représenter de telle façon, qu'il m'a donné espérance qu'elle recepvramon excuse et remise en bonne part, et certainement je le désire ainsy, car il importe grandement au bien de mon Estât que je conserve l'amityé de la dite dame et qu'elle n'entre en desespoir de la mienne, mesmes sur la rencontre des affaires présentes. Partant, je désire que vous embrassiez les occasions de me servir en cela, selon mon intention, sans toutesfois rien rabbattre de la dignité de vostre charge ny de la justice de vostre procédure aux choses qui sont de conséquence. Je vous envoyé le double de la lettre que j'ay advisé d'escripre à la dite Royne par le dit Edmont; mais, j'estime qu'il ne sera besoing que vous pressiez la dite dame de prendre resolution sur la conférence, que luy doibt proposer le dit
Edmont, car cela peult-estre seroit cause qu'elle s'y rendroit plus difficille. Il suffira doncques que vous m'advertissiez de ce que vous en apprendrez. Il importe tant qu'elle continue à favoriser la deflense d'Ostende, qu'il ne fault rien faire qui l'en puisse desgouter, et quand la dite conférence debvroit estre inutille aux eflectz pour lesquelz nous la demandons, peult-estre en naistra-il d'autres, qui les vaudront bien : c'est pourquoy je désire qu'elle l'accepte et fault la y disposer encores doucement, et, pour ce faire, la deslivrer de tous les soupçons qui pourroyent l'en divertir; car, vous sçavez que la deffiance de ses ministres excède de beaucoup leur prudence. Conduisez cela doncques avec vostre prudence accoustumée et vous asseurez que je suis très contant de vostre conduitte, sans vous mettre en peyne de l'opinion qu'ilz en ont par delà. J'ay receu vostre lettre du l*"" de ce moys, et, parce que je sçay que vous estes bien informé de ce qui se passe à Ostende, par les advis que vous en donne le sieur de Vie et qu'en reçoit la Royne, je ne vous en escriray rien par la présente, sinon que l'Archiduc estresollu de poursuy vre son desseing jusques au bout, à ce conforté par les Flamands, qui font de très grands eflorts pour l'assister, desquelz ils sentiront l'incommodité, si la place ne se prend, plus qu'ilz ne font en l'ardeur en laquelle ilz sont. Je prie Dieu, Monsieur de Doissize,
HENRY
DE NEUFVILLK.
18 AOUT 1601 Copie. — Bibl. nat., Ms. fr. 4i28, fol. 290.
A MONSIEUR DE BOISSISE
Monsieur de Boissizc, J'appréhende le succez du sicgo d'Ostende, pour mes amys et pour moy, comme le mérite l'importance
de la place, laquelle, bien qu'elle soit secourue par la Royrie et par les Estais gaillardement, ne résistera toutesfois à la longue aux efîortz que faict l'Archiduc, si elle n'est secourue de forces suffisantes pour la deslivrer du siège entièrement. Je l'ay dit à Edmont, quand il est party, et les advis que j'ay receus du progrez du dit siège, depuis son parlement, me confirmant en ma crainte, chose que je pense n'estre recognue et appréhendée de la dite Royne ny par ses conseillers, comme elle luy importe ; c'est pourquoy j'ay desliberé m'approcher de là et, à ceste lin, advancer mon voyage à Calais, lequel j'avois remis après la couche de la Royne, ma femme, au moyen de quoy je m'y rendray sans faulte, à la fin de ce moys, où je désire trouver le dit Edmont, avec les volontez et desliberations de sa maistresse sur ce faict, pour en conférer et resouldre avec luy, soubz prétexte neantmoins de la continuation de la négociation qu'il a commancée à faire avec nous, en son dernier voyage. Mais surtout, il ne fault pas retarder la dite resolution; car, si les assiegeans gaignont ung certain advantage auquel ilz adspirent , le mal deviendra incurable, à la honte et au dommage de qui il appartiendra: à quoy j'auray peult-estre moins de part que les autres, pour estre mes affaires dedans et dehors mon royaume en Testât qu'elles sont. Dites doncques au dit Edmont qu'il se haste et, s'il cognoist que la Royne soit resollue de sauver la place, qu'il l'advertisse, devant qu'il parte, de préparer ung secours de unze ou douze mil hommes pour y employer, sy, après que nous aurons parlé ensemble, il est jugé à propoz de le faire. J'ay commandé au sieur de Villeroy d'escrire une lettre au dit Edmont, que vous recepvrez avec la présente, par laquelle je luy mande que vous avez charge déparier à luy : elle est fondée sur ung autre subject, mais, en efl'ect, c'est affin qu'il adjouste foy à ce que vous luy direz de ma part, suyvant la présente, du subject de laquelle vous ne parlerez à autre qu'à luy et n'en manderez rien àCalais, ny ailleurs; mais, vous m'advertirez en dilligence de sa response par ce porteur, que je vous envoyé exprès. Je prie Dieu, Monsieur de
Boissize,
HENRY
DE NEUFVILLE
Copie. — Bibl. nat., Ms. fr. 4128, fol. 295 vo.
A .MONSIEUR DE BOISSISE
Monsieur de Boissize, Edmont arriva en ceste ville, hier à. midy; j'estois à la chasse, dont je revins fort tard, tellement que je ne l'ay veu que ce matin. Il m'a présenté la lettre de la Royne, de laquelle je vous envoyé ung double, et m'a parlé du secours d'Ostende, comme si vous aviez proposé de ma part que je y employerois ung bon corpz de forces prises en mon royaume, disant que pourveu que je voulusse faire cest effort, qu'il a feit estime que sa maistresse y envoyeroit jusques à six ou huict mil hommes et feroit encores mieux, s'il estoit besoing, tant elle estimoit le jugement que je faisoys de l'importance de la place. Ce langage m'a ung peu estonné, car vous sçavez que je ne vous ay commandé faire telles offres, mais seuUement luy représenter l'importance de la dite place, la mauvaise opinion que j'ay de l'issue du siège et solliciter le retour du dit Edmont, avec la volonté de la Royne, pour adviser avec luy ce que l'on pourroit faire, pour sauver la dite ville, en l'exhortant de disposer sa maistresse, devant que de partir, de préparer ung secours de dix ou douze mil hommes, si elle voulloit à bon escient sauver la dite place. Je luy ay dit aussy que je n'avois appris, par voz lettres, que vous eussiez passé plus avant que cela et partant ne pouvois adjouster foy à ce qu'il m'en disoit; mesmes j'ay voullu luy faire lire vostre dernière lettre du 1°' de ce mois, par la- (luelle vous m'aviez rendu compte de ce que vous en aviez traitté avec le secrétaire Cecyl ; neanlmoins, il asoustenu que vous aviez asseuré que je contribuerois des gens de guerre au dit secours, tellement que la Royne, sa maistresse, avoit fondé sur cela sa depesche et son retour, qu'elle n'eust autrement approuvé, adjouslant que le sieur Caron, qui avoit esté envoyé en Hollande,
exprès pour y porter vostre dite proposition, avec la desliberation de la Royne, et sçavoir quel effort ilz pourroyent faire de leur costé, avoit esté présent à vostre dite proposition, de la vérité de laquelle il seroit tousjours bon tesmoing, et que ledit Gecyl avoit pris grand peyne à eschauffer la dite dame et la faire resouldre, sur vostre offre, à la secourir des moyens dont elle luy avoit donné charge de me faire déclaration. Sur quoy, je luy ay remonstré que les affaires de mon royaume ne avoyent encor besoing de guerre et que je ne pourroys envoyer des gens de guerre au secours d'Ostende, sans rompre la paix, quand bien je les aurois tous assemblez et prests à partir, ce que je n'avois pas : par ainsi, l'on s'estoit fort mesconté, premièrement d'avoir ainsy interprété vostre proposition et secondement de s'estre imaginé que je voullusse rompre la paix, qui m'est si chère et nécessaire pour sauver la dite place, laquelle changeant de main ne pouvoit m'incommoder, sinon en tant qu'elle affoibliroit les dits Estats et fortiffieroit le s Hespaignolz contre la dite dame et son royaume; mais, que l'on pourroit bien secourir la dite place, sans m'engagcr en la dite rupture, si la dite Royne voulloit renforcer le prince Maurice du nombre d'hommes que vous aviez proposé, ou seulement de huict mil bien choisis, lesquelz, estans joinctz à ceux que avoit le dit prince Maurice du reste de son armée et ceux qu'il pouvoit encores tirer du dit Ostende, où il y avoit trop de gens, seroyent bastanspour combattre les Archiducs, ou assaillir quelque place en Flandres, qui leur fust d'im" portance, auquel cas je ne ferois difficulté de contribuer quelque bonne somme d'argent, pour ayder à porter le faix d'ung tel secours, comme seroit de payer, pour ung moys, les dits huict mil hommes, que fourniroit la dite Royne. De quoy le dit Edmont a fait peu de compte et a monstre regretter la peyne qu'il avoit prise de passer la mer pour cela et de craindre que la dite Royne ( laquelle il veut que je croye qu'il avoit bien disposée, devant vostre ouverture, à me complaire et contanter, au faict de la marine,) ne soit tellement indignée et desgoutée de ce changement, qu'elle prenne autre conseil: dont je luy ay respondu que je serois très marry et que ce seroit sans raison, quand elle le feroit, d'aultant que je meritois plustost d'estre
remercié de la dite offre que repris, rien ne me contraignant ou obligeant à la faire, que TafTection que je porte à la dite dame et aus dits Estats; et, si ainsi estoit que sa maistresse n'en deust faire compte, qu'il n'estoit question que la supprimer et oublyer tout-à-fait et se contanter de pourveoir au faict de la marine, par le moyen de la conférence qui avoit esté proposée, pour laquelle je ferois depescher et acheminer des commissaires vers elle, si tost que je serois de retour à Paris, où j'avois desliberé de m'acheminer bien tost, affm de me trouver à l'accouchement de la Royne, ma femme, ainsy que je luy avois promis; mais, que je ferois partir dans deux jours le duc de Biron, pour aller visiter et salluer la dite dame, de ma part, et luy raffraischir les asseurances de mon amitié et bonne voisinance. Je luy ay parlé aussy, en passant, de renouveller et estraindre nostre alliance, de quoy il m'a semblé qu'il s'est peu esmeu, soit qu'il fust picqué et fasché de ne m'avoir trouvé aussy prompt de me rembarquer à faire la guerre aux Espaignolz, comme il s'estoit persuadé, ou que ce soit leur coustume de monstrer mespriser les oflres que l'on leur faict, par deffiance ou par art, tellement que je ne l'ay pas pressé davantage sur ce poinct, ny mesme sur les autres. Or, Monsieur de Boissize, quoy que le dit Edmont ayt dit de la proposition que vous avez faicte, je ne croy pas que vous l'ayez plus estendu que la lettre que je vous en ay escripte et ce que vous m'en avez représenté, par la vostre du 1'''' de ce mois : ainsy debvez-vous demeurer en repos pour ce regard, aussy ne veux-je pas que vous vous mettiez en peine de veriffier plus avant ce faict avec eux, ny mesmes que vous en parliez à la royne d'Angleterre ny à Gecil, et, s'ilz vous mettent en propos de ce qui s'est passé, contantez-vous de leur représenter simplement ce (pie vous en avez dit, que vous m'avez fîdellement représenté par voz lettres, et les renvoyez à ce que j'en traitteray icy avec le dit Edmont, lequel n'a voullu retourner avec ma susdite response, soit qu'il ayt estimé qu'elle ne seroit aggreable à sa iii.ii-iinsse, ne respondante aux espérances que luy et le secretMirc dccilb' avoyent conceucs et luy avoyent données, ou qu'il ait eu cliarge d'attendre auprès de moy les commandemens de la dite dame, sur ma susdite response. En tout cas, vous ne vous
romuoroz ny formaliserez de ce faict en sorte quelconque, et, parce qu'ilz sçauront que je vous auray envoyé ce courrier, vous leur direz que je l'ay faict, pour vous advertir du voyage du dit duc de Biron, affm que vous veniez au devant de luy, ainsy que je désire que vous faciez, devant qu'il arrive à Londres, pour l'assister de vostre conseil et de vostre personne, en ce voyage que je luy fais faire, seullement pour visiter la dite dame et luy tesmoigner mon affection. Il semble que ceux qui sont dedans Ostende ayent meilleure espérance que devant de garder et deffendre la place, et au contraire qu'elle refroidisse du costé des Archiducs, ainsy que j'ay appris par gens qui sont arrivez icy des deux costez, lesquelz m'ont informé si particulièrement de Testât auquel ce siège se retrouve, que je commance à tourner mon jugement en faveur des assiégez. Je ne vous en diroy les raisons, car vous les apprendrez du dit duc de Biron, qui pourra s'embarquer jeudy et ira prendre la poste à Douvre ; car, comme je suis venu icy en poste, nous n'avons point d'autres montures ny d'autres habits que de courriers et chasseurs. Partant, il aura besoing de trouver cinquante ou soixante chevaulx, à chascune poste, de quoy le dit Edmont a promis d'advertir ceux ausquelz il touche d'y pourveoir; mesmes il l'escrira à la Royne, affin qu'elle ne s'esloigne davantage de Londres ; et, parce qu'il est nécessaire que vous l'assistiez et conduisiez, vous ne pourrez avoir le loisir de me venir trouver en ceste ville, car, je doubte si je y attendray le dit duc, d'autant que je veux me trouver aux couches de la Royne, ainsi que je vous ay dit; mais, je feray partir au plus tost vostre successeur, affm que vous puissiez revenir par deçà me servir auprès de ma personne, comme vous vous en estes très lîdcllement et à mon contentement acquitté où vous estes ; priant Dieu, Monsieur de Boissize,
HENRY
DE NEUFVILLE
Copie. — Bibl. n;it., Ms. fr. 4128, fol. 297.
A MONSIEUR DE BOISSISE
Monsieur de Boissize , Vous recepvrcz la présente par les mains de mon cousin, le duc de Biron, pair et mareschal de France, que j'envoye présentement vers la royne d'Angleterre, ma bonne sœur et cousine, ainsy que je vous ay escriptpar ma dernière lettre, seullement pour la salluer et visiter en mon nom et l'asseurer de la continuation de mon amityé. Vous l'assisterez en ceste action de vostre personne et de vostre bon conseil, comme il mérite et que le requiert mon service, et je me remettray sur luy de toutes choses, pour prier Dieu, Monsieur de Boissize, qu'il vous ayt...
Escript à Calais, le vi*' jour de septembre 1601.
HENRY
DE NEUFVILLE
27 SEPTEMBRE 1601 Copie. — Bibl. nat., Ms. fr. 4128, fol. 299 v».
A MONSIEUR hE HOISSISE
Monsieur de Boissize, Geste lettre n'est que pour vous faire sçavoir que présentement la Royne, ma femme, s'est heureusement deslivrée d'ung Daulphin, d*» (jiioy je n'ay vouHu larder
248 PIÈCES JUSTIFICATIVKS.
davantage à vous donner advis, affin que vous le donniez aussi à la royne d'Angleterre, ma bonne sœur et cousine, faisant en cela l'office convenable et rasseurantque la mère et l'enfant se portent très bien. Vous ferez part de ceste nouvelle à mon cousin, le duc de Biron, s'il est encores par delà, affin que tous deux ensemble vous faciez le dit office ; et, n'estant la présente à autre cfTect, je prie Dieu, Monsieur de Boissize,
HENRY
DE NEUFVILLE
Copie. — Bibl. nat., Ms. fr. 4128, fol. 303.
A MONSIEUK DE BOTSSISE
Monsieur de Boissize, Le duc de Biron, par les mains duquel j'ay receu, le x^ de ce moys, vostre lettre du xxviii*' septembre, m'a rendu bon compte des faveurs et caresses qu'il a receues de la Royne, ma bonne sjeur et cousine, et des discours qui luy ont esté faictz par elle et par ses ministres, et le bon tesmoignage que vous m'avez donné, par vostre dite lettre, du bon debvoir qu'il a faict de me servir, en ce voyage, ne m'a esté moins aggreable. Or, vous verrez la dite dame, sur ce subject, et luy rendrez grâces, en mon nom, du traittement honorable qu'elle a faict au dit duc et à sa suitte, duquel vous luy direz que j'ay receu très grand contantement, et sur tout d'avoir entendu qu'elle a eu aggreable que j'aye fait paroistre, par ceste légation, le respect que je luy porte. Depuis, j'ay receu vostre lettre du xiii'', par laquelle j'ay sceu l'ayse que la dite Royne a monstre de la naissance de mon filz, dont j'ay esté fort contant; car, l'aymant comme je fais, je désire qu'elle prenne telle part à toutes
mes prosperitez que moy-mesmes. Vous l'asseurerez maintenant de la bonne disposition d'icelluy, comme de celle de la mère et de la mienne, qui sont toutes desdiées à l'honorer et servir. J'ay considéré ce qu'elle vous a dit d'Ostende et la response que vous luy avez faicte, conformément aux commandemens que je vous ay faictz cy-devanl et à la vérité de ce qui s'est passé, que vous avez bien faict de faire recognoistre et de confesser par Gecil, comme elle a esté à la fin par Garon envers Buzanval. La dite Royne et ses ministres se gouvernent avec moy d'une manière qu'il m'est impossible de rien traitter avec elle, car toutes les propositions que je leur fais leur sont suspectes: outre cela, ilz desguisent et veulent me faire croire que j'ay dit et promis ce que je n'ay jamais pensé, esperans m'engager ou surprendre, par leurs inventions, lesquelles, estans recognues de moy telles qu'elles sont, me contraignent d'entrer en des deffiances de la dite dame, que je mets peine de fuir tant qu'il m'est possible. Edmont a soustenu que vous luy aviez offert des gens de guerre, pour secourir la dite ville d'Ostende ; la royne d'Angleterre l'a mandé aux Estats et a envoyé vers eux le dit Garon, exprès pour publier la dite offre. Voyez aussy comme le dit Edmont a estendu la surseance sur le faict des déprédations, à laquelle volontairement je me soubmiz, estant sur le poinct d'accorder des lettres de marque et represaille à plusieurs de mes subjectz, ausquelz justice avoit esté desnyée, vous ayant esté soustenu la la dite surceance avoir esté entendue, autant pour'l'execution de leurs jugemens donnez en faveur de mes subjectz et pour les déprédations qui se font journellement que pour celles desquelles je me plaignois avoir esté refusé justice, et toutesfois, c'est chose qui ne fut oncques ditte ny entendue de ceste sorte; ce qui me donne juste occasion de croire que le dit Edmont et ceux qui le font parler ainsy n'ont pas grande envie que je vive en paix avec la dite dame. Le dit Edmont me dit bien à Calais que la dite dame approuvoit la conférence, qui avoit esté proposée pour vuider les dits différends, mais ce fut si froidement et avec ung tel desdaing, parce que je ne voullus accorder le reste de ce qu'il me dcmandoil, que je creus qu'ilz n'avoyent pas grande envie de la faire, et, quand elle se feroit, de la rendre peu utille, ce qui
m'a esté confirmé par la façon de laquelle vous nous avez escript qu'ilz ont explicqué et ampliffié la dite surceance. Ainsy, je ne sçay à quoy j'en suis avec eux : ilz ont mesprisé mes offres, pour le secours d'Ostende, et ne parlent qu'entre les dents de celuy qu'ilz y veullent contribuer; sur cela, ilz veulent que je croye que la place se perdra et me blasment des espérances de secours qu'ilz disent que Buzanval a données de ma part aux dits Estats, et je sçay que le dit Buzanval n'a eu charge de ce faire, aussy qu'il ne l'a pas faict et que c'est le voyage du dit Garon qui a tout gasté et esmeu sans fondement. Je ne sçay aussy si la dite conferance se fera, le lieu, le tempz ny la forme qu'ilz entendent y observer ; car, ilz n'en ont traitté avec vous et se contantent de me voir engagé à la faire et, cependant, jouir de la dite surceance, à leur mode et selon leur interprétation. J'ay déclaré estre contant d'envoyer vers la dite dame et accomplir l'office de demandeur tout-à-faict, chose que je n'avoys faicte à l'endroict d'ung autre; je n'ay depuis changé d'advis, car ma volonté à honorer la dite dame ne changera jamays; toutesfois, pour ce qu'ilz ne parlent qu'à demy, je ne sçay du tout ce que je doibs faire. Je l'ay faict dire icy au secrétaire de la dite dame qui poursuyt ses affaires, lequel me vint trouver, lundy dernier, ainsy que je descendoy de cheval, venant en poste de Fontainebleau en cachettes, pour me demander de l'argent, me disant que j'avois promis au dit Edmont de contanter sa maistresse en cela, dedans six sepmaines, après son partement de Galays, lesquelles estoyent quasi passées, disant que ce nouveau besoing, que sa maistresse en avoit, debvoit me faire abbreger le dit tempz, tellement que je n'eusse peu mettre la main à la bourse assez tost pour le contanter, quand je la luy eusse mise sur le champ. Je luy respondiz que j'avoys ja sceu par vous la descente en Irlande des Hespaignolz, de laquelle j'eusse esté très ayse que la royne d'Angleterre et son conseil n'eussent mesprisé les advertissemens qui luy ont esté donnez, mais que l'on avoit faict plus de compte de ceux de Cumans que des miens ; que je n'avois promis à Edmont de faire bailler de l'argent à la Royne devant six sepmaynes, comme il m'avoit dit, mais seullement de dire, dedans ce tempslà, quelle somme je pourroys fournir à la dite dame, dedans l'an-
née prochaine : à quoy j'avois depuis assez pensé, mays qu'il me surprenoit de façon que je ne pouvoys luy en dire davantage pour lors, remettant à ce faire à samedy prochain, que je retournerois ouvertement et avec toute ma court en ceste ville, dont maintenant je voullois que luy et tous autres creussent que j'estois encores absent, combien que je y fusse ja arrivé. Il s'en retourna avec cela, grondant à son accoustumée : il est vray Anglois. Depuis, ayant esgard à ce que vous m'avez escript, j'ay voullu regarder ce que je pourroy faire pour la dite dame, affm de l'assister en ceste occasion ; à quoy je me suis trouvé très empesché, car, c'est à ceste heure qu'il faut que je face mes plus grands efforts pour contanter les Suysses, d'aultant qu'ilz ont accepté et resollu nostre alliance, et n'est plus question que de fournir et compter l'argent qui a esté offert et accordé, qui revient à une très grande et lourde somme, de laquelle il fault que j'advance le recouvrement, si je veux parachever la dite alliance, et vous sçavez que mes finances sont tousjours basses, au dernier quartier de l'année. C'est pourquoy il m'est du tout impossible maintenant de rien bailler de comptant à la dite dame ; mais, j'avois faict estât de luy payer l'année prochaine jusques à soixante ou soixante-dix mil escus ; toutesfois, je ne l'ay voulu dire au dit secrétaire, car je suis asseuré qu'il n'en eust faict compte et ne sçaysi je vous doibs conseiller de le dire à la dite dame, de crainte que j'ay que cela la scandalize et irrite, plustost qu'il ne la contantera. Je m'en remets à vous, mais il semble qu'il vault mieux ne s'en explicquer pas encores avec elle que de luy ofl'rir chose qui luy desplaise ou qui la mescontante; car, nous pouvons trouver des moyens de recuUer et gaigner encores quelque tempz avec elle sans la désespérer, comme à l'adventure feroit la dite offre, estant faicte telle, sur la peine en laquelle la descente des dits Hespaignolz l'a mise, qui pourra peult-estre changer : car, pour mon regard je ne puis croire que les dits Hespaignolz facent leurs affaires au dit pays, y estans arrivez si tard et y ayant trouvé le comte de Tyron et son party si affoibly qu'il est. Il me semble doncqucs qu'il n'est que bon de voir ce qui adviendra, en son prochain parlement, devant que s'engager plus avant avec elle : toutesfois, je vous
diray derechef que je remets le tout à vostre bon advis. En tout cas, il faut que je sçache comment je doibs vivre avec la dite dame et les siens, pour le faict de la mer et du commerce, devant que je desbourse mon argent : il faut doncques haster ceste conferance, qui a esté véritablement proposée de nostre part, mais autant pour contanter et contenir la dite dame, sur les occasions qui se présentent, que pour autre utillité que j'en attende, n'ayant pas estimé debvoir rompre avec elle, ny la mescontanter, en Testât que les affaires publicques sont. C'est pourquoy je persiste à dire que je veux envoyer vers elle, quand elle vouldra, où je fais estât d'employer le sieur de Maysse, parce que je sçay qu'il luy est très aggreable, et d'envoyer avec luy le sieur de Beaumont, qui vous doibt succéder, affm qu'il s'instruise des affaires et puisse suyvre les traces que vous luy avez marquées. Sçachez doncques leurs intentions et les faictes parler clair, s'il est possible, affin que nous advancions et traittions les affaires nettement et comme "doibvent faire bons amys. C'est mon désir et mon voulloir d'en user ainsy.
Le duc de Lenox, venu icy de la part du roy d'Escosse, n'a rien traitté de particulier avec moy. Il m'a asseuré en termes généraux de la bonne amityé de son Roy et prié de favoriser son advancement, aux occasions qui se présenteront, et je luy ay respondu en mesmes termes. Il doibt partir dedans trois jours, pour s'en retourner, et dit qu'il prendra le chemin d'Angleterre, pour sa commodité seullement et non pour affaires : à quoy vous prendrez garde. Le colonnel Sauvage a tenu au dit duc de Biron certains propos, qu'il vous a communicquez, que j'ay estimé ne debvoir du tout mespriser; car, encores que tout ce qui sort des Angloix me soit suspect, je considère qu'ilz sont de présent en ung estât au dit pays, qui oblige les particuliers de penser à leur conservation future par voyes extraordinaires. C'est pourquoy, confortez doulcement le dit Sauvage à passer la mer et à chercher quelque occasion d'y estre envoyé, affm que je puisse parler à luy et entendre de sa bouche ses conceptions, sans toutesfois luy faire cognoistre que vous en ayez ouy parler, ny que je le désire veoir pour ung tel subject; car, vous sçavez qu'ilz sont si soupçonneux et legiers, que peu de chose leur faict changer
d'opinion et de langage. Advertissez moy de ce que vous en apprendrez, comme de toutes autres occurrances, et je prieray Dieu, Monsieur de Boissize,
HENRY
DE NEUFVILLE
Copie. — Bil)l. nat., Ms. fr. 4128, fol. 306 v».
A MONSIEUR DE BOISSISE
Monsieur de Boissize, J'ay esté adverty d'Hespaigne, que l'armée descendue en Irlande, quand elle feit voille pour s'y acheminer, estoit composée de deux escadres, en l'une desquelles estoit dom Diego Brochero, gênerai d'icelle pour la mer, et dom Joan de l'Aquilla, pour la terre, et qu'en l'autre commandoit ung Basque nommé Soubiaoux, qui a le bruit d'estre assez bon pilotte, mais, que cestuy-cy fut contrainct de relascher aux havres du Ferrol et de la Gourongne, avec toute son esquadre fort battue et fracassée, hors mis cinq ou six navires qui s'estoyent perdus, qu'ayant sceu depuis (ce fut seulement le dernier du moys passé) que la première avoit pris terre en la dite isle d'Irlande, Hz avoyent commandé au dit Basque de partir et s'y acheminer, pour la fortiflier et secourir, tellement que je croy qu'il s'y rendra bien tost, le conseil d'Espaigne faisant estât de ne rien espargner, pour conserver l'advantage qu'ilz estiment avoir acquis au dit pays : toutesfois, s'ilz y sont attacqucz promptement et vifvement, je ne pense pas qu'ilz y puissent subsister, car la saison leur est fort contraire, comme l'on dit que le pays l'est aussy. J'ay appris, par vostre lettre du xxvi* du dit moys d'octobre, les dilligences d'y pourvoir que faisoit la Royne, par les-
quelles sans double elle préviendra les autres; je vous ay escript par Duboys ce que je puis faire pour la dite dame, de quoy je désire qu'elle se contante; j'ay de nouveau esté pressé parle secrétaire, qui réside icy, de m'en cxplicquer à luy; toutesfois Je ne Tay faict, luy ayant respondu vous avoir escript mes intentions. Je considère assez combien il m'importe de assister et contanter la dite dame, tant pour me revanger des plaisirs que j'en ay receus et luy payer ce qu'elle m'a preste en ma nécessité, que pour la divertir de traitter avec les Hespaignolz : il fault que je vous die, outre mon impuissance en matière d'argent, que je vous ay représentée par ma dernière, que j'ay si peu d'occasion de me confier de la volonté de la dite dame, que j'estime que je feray plus, pour la cause publicque, de secourir puissamment les Estats, l'année prochaine , que de diviser mes moyens en faveur de la dite dame, ne pouvant luy arriver mal de conséquence en Testât qu'elle est, comme il peut faire aus dits Estatz prestz à succomber soubz le faix qu'ilz supportent, joinct que tant s'en fault qu'ilz tiennent d'elle aucun soullagement que elle en excrocque tous les jours quelque chose davantage. Ces allées et venues de Gumans me sont fort suspectes et craindrois, ayant desboursé argent, que elle le recognust d'une paix faicte à la haste, etd'aultantplus que l'on m'a adverty que les Hespaignolz, qui sont auprès ^de l'Archiduc, font démonstration à présent de voulloir conclurre la dite paix, à quelque prix que ce soit, et pour ce faire ilz ne parleront plus de la relligion catholicque en Angleterre, de r'avoir les villes en Zelande, de faire renoncer les Anglois au commerce de Hollande, n'y d'en faire retirer les Angloix; seulement chercheront-ilz de faire rendre neutres les dites villes, de restraindre le dit commerce, tant qu'ilz pourront, et de s'asseurer qu'il n'yra plus en Hollande d'Angloix que ceux qui y sont desja; mays, ilz stipuleront quelque chose pour Ostende, s'ilz peuvent, sans toutesfois s'y adheurter. Si le dit advis est vray, j'estime que la dite dame acceptera les dites conditions, qu'elle fera entendre aus dits Estats qu'elle pourra mieux les secourir en paix qu'en guerre : or, je veux veoir ce qui en succédera, devant que de desbourser noz deniers et pareillement ce que produira le parlement du pays, que la dite dame a assem-
LETTRES DE HENRI IV. 2o5
blé. Partant, il fault gaigner le tempz avec elle, le plus doulcement que nous pourrons, qui est tout ce que je adjousteray à mes dernières, pour response à vostre susdite du xxvi^ du dit moys d'octobre, que j'ay receue par ce porteur le mi" du présent. Je prie Dieu qu'il vous ayt, Monsieur de Boissize,
HENRY
DE NEUFVILLE
Public Record Office : State papers, France, bundle 116.
COPIE* DE LA RATIFICATION DU TRAICTÉ CONCLUD ENTRE LES DEPUTEZ DU ROY TRES CllRESTIEN ET CEUX DE LA SERENISSIME ROYNE d'aN- GLETERRE.
Henry, par la grâce de Dieu roy de France et Navarre, à tous ceux qui ces présents lettres verront salut. Comme, suivant les pouvoirs respectivement donnez par nous et très haulte, très excellente et très puissante princesse, la royne d'Angleterre, nostre très chère et très amée bonne sœur et cousine, [à] noz communs députez, ilz aient à chasteau de Grenwiche en Angleterre, le vingt-quatriesme jour de may dernier passé, selon la supputation et le stile du dit pais, conclud et arresté le traicté de ligue offensive et défensive entre nous, noz païs, royaulmes et subjectz, pour la conservation et seureté d'iceulx, contre les invasions et desseins du roy d'Espagne et pour la mutuelle defence de noz personnes, duquel la teneur s'ensuit :
Suivent les articles du traité du 24 mai , tels qu'ils ont été imprimés dans le Corps universel diplomatique.
Nous, aïans agréable tous et chascuns les points et articles
1. Parmi les pièces du bundle 116 se trouvent l'original de la ratification du Roi signé de sa main Henry et au dessous : De par le Roy, de Neufville, et une copie de ce même document.
cy-dessus contenus et déclarez, lesquels nous avons ouïs et bien entendus de mot à mot, avons iceulx, tant pour nous que pour noz héritiers, successeurs, royaulmes, pais, terres, seigneuries et subjects acceptez, ratifiez, approuvez et confirmez, acceptons, approuvons, ratifions et confirmons, et le tout promettons en foy et paroUe de royet soubz l'obligation de tous et chascuns noz biens presens et avcinir, garder, entretenir et observer inviolablement, sans jamais aller [ny] venir au contraire, directement ou indirectement, en quelque sorte et manière que ce soit. En tesmoing de quoy, nous avons signé ces présentes de nostre propre main et à icelles fait mettre et apposer nostre secl. Donné à Amiens, le O'^jour de juillet, l'an de grâce 1596 et de nostre règne le septiesme.
Nous, Henry de la Tour, duc de Bouillon, marshall de France, et Nicholas de Sancy, sieur de Harlay, députez par le Roy Très Ghristicn pour traicter avec la serenissime royne d'Angliterre une ligue offensive et défensive contre le roy d'Espagne, confessons avoir convenu avec Messieurs les conseillers de la dicte dame Royne, députez pareillement par sa dicte Majestie pour traicter la dicte ligue, les articles qui ensuivent :
C'est à sçavoir qu'encores que, par les articles qui ont esté ce jourd'huy convenus et accordez entre nous pour le faict de la dicte ligue offensive et défensive, il soit dict que la Royne assistera présentement le Roy de 4.000 hommes, dont la dicte Royne advancera la solde de six mois, neantmoins, il a esté accordé entre nous qu'en considération des grands affaires que la Royne a maintenant à supporter, tant pour la guerre d'Irelande que pour le voyage de mer qui présentement s'entreprend en Angleterre, le Roy se contentera que la Royne l'assiste présentement de deux mil hommes et qu'elle en advancera la paie pour quatre mois seulement, et qu'au bout de quatre mois ilz soient paiez de vingt mil (3scuts que la Royne a ces jours passez prestes au Roy, soubz noz cautions et obligations particulières, lesquelz vingt mil escuts promettons payerai rendre il la dite dame Royne dans la fin de septembre prochain (stile nouveau), pourestre emploiez à l'effect que dessus, encores que par nostre obligation nous ne fussions point tenus de les rendre que d'icy à un an, lesquelz
deux mil hommes ne pourront estre employez que pour mettre en garrison dans les villes de Boullongne et de Monstreul, ou près de la personne du Roy, lorsqu'avec son armée il sera en Picardie proche de la coste de la mer. Nous confessons avoir pareillement accordé que, jusques à la fin du mois de mars prochain, la Royne ne sera tenue de bailler aultre secours au Roy que des dicts deux mil hommes souldoiez comme dit est cy-dessus.
Pareillement, nous certifions qu'encores que, par les articles de la dite ligue, il soit dict qu'au plus tost que faire se pourra il se dressera une armée composée de forces communes, aux despens de touts les associez, pour assaillir le roy d'Espagne dans ses pais et Estats, neantmoins il a esté accordé entre nous que cest article seroit inséré au traicté, pour la réputation de la ligue et non pour obliger la Royne à aucune despence pour dresser à présent le dict corps d'armée. Et promettons [faire] ratifier et avoir pour agréables ces articles secretz au Roy Très Ghrestien, nostre maistre.
Copie. — Bibl. nat., Ms. 15980, n" 93.
ARTICLES PROPOSEZ PAR l' AMBASSADEUR DE FRANCE SUR LE REGLEMENT DE LA NAVIGATION.
I. Pour ce que la liberté du commerce est ung des principaux moyens d'enrichir les peuples et royaumes. Leurs Majestez, suivant les traictez d'alliance cy-devant faictz entre eux, prendront respectivement les marchans et subjectz l'un de l'autre en leur protection, à ce que librement et seurement ilz puissent traficquer partout, sans permectre leur estre faict aucun empeschement.
II. Et, pour remédier aux maux et desordres, qui se commectent journellement de part et d'autre sur la mer, les maires.
eschcvins et aultres officiers des villes de France ou d'Angleterre ne permecteront sortir de leurs portz ou havres aulcuns navires ou autres vesseaus équipez en guerre ou en marchandise, ou quelque autre manière que ce puisse estre, que les cappitaines, propriétaires, maistres et avituailleurs des dits navires ou vaisseaus n'ayent baillé, par devant le juge des lieux, les dits maires ou autres officiers des dites villes appeliez, bonne et suffizante caution de ne faire, par eux ou leurs gens, aulcun tort ou dommage aus dits subjectz de Leurs Majestez; et, à faulte de ce, responderont et seront tenuz les dits maires , officiers et corps des dites villes des tortz, injures, viollances et maléfices et dommaiges, que feront les dits cappitaines et gens des dits navires aux subjectz de Leurs Majestez.
III. Seront de part et d'autre commis des juges de suffizance et intégrité requise, pour juger et terminer souverainement et en dernier ressort tous procès et differendz, qui s'intenteront pour raison des prises et autres actes qui se commecteront de part et d'autre sur la mer; lesquelz procès les dits juges seront tenuz de juger et vuider dans trois mois, à peyne de tous despens, dommaiges et interestz des parties.
IV. Et si, par le jugement qui s'en ensuivra, il y eschet condempnation, elle s'adjugera contre les dits cappitaines, propriétaires, maistres et auvituailleurs et leurs cautions solidairement, et, à faulte d'y satisfaire par eux, contre les dits officiers et corps des villes, sauf le recours entre les dits cappitaines, maistres et auvictuailleurs et leur cautions.
V. En cas de refuz ou delay, (fue feront les dits maires, eschevins et corps des villes, d'obeyr aus dits jugoinens, seront aux partyes intéressées octroyées lettres de marque, pour prandre, saisir et arrester les navires, biens et marchandises appartenans aux habitans des villes ou lieux, d'où seront partiz les (lits navires ou vaisseaux, pour estre appliccpiez au rambourcement de ceux qui auront soufl'ert le dommaige, les ambassadeurs cl ministres residens près le prince (pii sera requis dos dites lettres de marque preallablement advertiz.
VL Les François et Anglois, ayans les banieres hnultes ou passeport des aduiiraulx des dits royaumes, ne se pourront, pour
quelque cause ou prétexte que ce soyt, arrester ne prandre les ungs les autres, sur peyne de tous despens, dommaiges et interestz.
VII. Les navires qui, par tempeste ou autrement, seront ject-ez en aulcun lieu, port ou havre, ne pourront estre arrestez, ny les marchans contrainctz vendre leur marchandises, sinon de gré à gré et à leur prix et proffict, à peyne de tous despens , dommaiges et interestz, pour lesquelz aussy seront octroyez lettres de marque sur les habitans des dits lieux.
VIII. S'il s'en trouvoit quelques-ungs si cruelz et barbares que de tuer, noyer ou vendre aulcuns subjectz de leurs dites Majestez, les habitans des dits portz et havres, d'où seront partiz ceux qui auront commis les dits crimes, seront tenuz et obligez de poursuivre, à leurs propres coustz et despens, les delinquans, jusques à ce que leur procès leur soit faict et parfaict, et iceulx punis selon la quallité du crime, et, à faulte de ce, en seront tenuz les dits habitans civillement.
IX. Toutes lettres de marque octroyées de part et d'aultre jusques à huy seront revocquées.
X. Que les sieurs admiraulx des dits royaumes n'octroyeront aucuns passeportz , qu'il ne leur soyt aparu des dites cautions baillées en la forme cy-dessus.
Copie. — Bibl. nat., Ms. fr. 15980, nMO.
RESPONSA AD ARÏICULOS PROPOSITOS AR ILLUSTRI CHRTSTIAMSSIMI REGIS LEGATO.
I. In primis œquum videtur ut omnes et singuh subditi regnorum et dominiorum utriusque principis, mercaturam hcite exercentes, oo modo quo por antiquos tractatus in suo robore
adhuc existentes conventum est, ab utroque principe reciproce in protectionem suscipiantur mutuoque protegantur.
II. Ut in posterum latrociniis piraticis aliisque depredationibus maritimis obvietur, hinc inde prospiciendum videtur ut, antequam aliqua navis a portu quocunque regnorum Angliae sive Galliœ, terrarum, locorum aut dominiorum eisdem subditorum exoat, admirallus, viceadmirallus, eorum vices gerentes, locum tenentes nut deputati capiant idoneam cautionem ad valorem navis et apparatus ac victualium, a dominis, exercitoribus, capitaneis, magistris et bursariis ejusdem navis, quod pacem erga quoscumque subditos alterius principis conservent, nec vim aliquam, damnum vel injuriam alicui illorurn facient infcrentve, aut fieri inferrive procurabunt.
III. Serenissima Regina, domina nostra clementissima, pro componendis et terminandis de spoliis et aliis depredationibus querelis, judices constituit idemque expectatvicissim a Ghristianissimo Rege, fratre suo, in regno Franciœ fieri quam celerrime, juxta antiquos tractatus; non tamen videtur tempus in his articulis limitatum ad omnes hujus generis lites et querelas rite et bene fmiendas sufficere posse ; adhibebitur tamen omnis diligentia, ut quam citissime causse expediantur.
IV. Sententiœ contra dominos, excrcitores, capitaneos, magistros et alios in his causis latse sine mora efficaciter contra eosdem executioni demandabuntur, prout in antiquis tractatibus antea provisum fuit.
V. Post denegatam aut plus aequo protractam a judicibus in his causis justitiam, principem ejus regni ubi justitia desideratur de bac injustitia admoneri sequum est : nec modus praescriptus, ut scilicet id fiât per legatum vel ambassiatorem in ils partibusdogentem, displicet; verumid cavendum videtur ut, post monitionem de ea re factam, aliquod tempus convenions, puta trimestre vel aliud simile et certum, prœfigatur ac interponatur, priusquam repressaliaî concedantur.
VI. Sexti articuli contentis ita asscnsus prœbetur ut ojus tamen prœtextu nec victualia nec munitionos aut arma bellica, nec aliœ rcs prohibitœ ad inimicos alterius partis deferantur vel asportentur, prout in antiquis tractatibus cautum existit.
262 PIÈCKS JUSTIFICATIVES.
Vil. Soptinioarliculo facile assentilur (jualoniis cuin anliquis fœderibus convenit, ita taiiien ut principibus ulriusque regni (necessitate id exigente) liceat bona hujusmodi sistere eademque appretiata (justo procio soluto) ad suos usus disponore, quo casu non iniquum videtur, si niorcatores sino dispendio ant damno aliquo principuin usui sese acconriodont.
VIII. Pium sano est tam barbararn crudelitatem (si in aliquibus biijuscemodi feritas unquam reperiatur) impunitam non manere, sed ut modis et mediis omnibus, quibus commode fieri possit, in delinquentes sedulo inquiratur, ac iidem convicti debitis et legitimis pœnis puniantur. Non tamen œquum est magistratus locorum nihil mali demerentes propter aliorum crimina damno affici.
IX. Placet quod omnes pignorationes ac repressalise antehac concessœ revocentur ac annullentur.
X. Rationi consentaneum videtur quod postremo in bis articulis adiicitur, dummodo ad naves mercatorum aut aliarum privatarum personarum restringatur permittaturque utrique principi naves suas bellicas, vel pro defensione regnorum suorum vel propter alia sua negotia et servicia publica, cum ita illis vide bitur, authoritate sua (bis non obstantibus) ad mare emittere : œquum tamen existimamus ut ad hœc munera obeunda cligantur viri probi et honesti, qui non sint taies injurias subditis alteru trius principis illaturi et ut talia facinora perpétrantes post reditum severe puniantur.
Copie. — Bibl. nat., Ms. fr. 15980, n» 94.
replicquf: a la response donnée aux articles proposez par
l'aMRASSADEUR de FRANCE TOUCHANT LE REIGLEMENT DE LA NAVIGATION.
I. Le premier article de la dite response est conforme aux traitez tant antiens que modernes faitz entre les deux couronnes, et neantmoins, pour esclaircir davantage l'intention de Leurs Majestez, semble raisonnable d'y adjouster que Leurs Majestez prendront respectifvement les marchans et subjectz l'ungde l'autre en leur protection, à ce que librement et seurement ilz puissent trafficquer partout.
IL Le second article semble ne pourvoir suffesamment à la seureté du dit traffic, pour ce qu'il est advenu souvent que les sieurs admiraux ou leurs lieutenans n'ont point pris du tout de cautions de ceux qui sont sortis de leurs portz et havres, comme ilz sont tenuz par les ditz traittez, ou, s'ilz en ont pris, elles ne se sont trouvées suffisantes; d'où est advenu lamine de plusieurs personnes, lesquelz ayans esté pillez sur la mer n'ont peu tirer aucune raison et justice des dommages par eux receus. C'est pourquoy, le Roy, voullant en son royaume faire cesser toutes viollances et piratteries, a jugé raisonnable que, outre les cautions que sont tenus prendre les dits sieurs admiraux ou leur lieutenans, les maires, eschevins ou autres officiers des villes ayans portz ou havres s'obligeront de reparer tous les dommages, que feront ceux qui seront sortiz de leurs dits portz, au cas que les dites cautions ne se trouvent suffisantes, et qu'à ceste (in les dits maires et eschevins seront appeliez, lorsfju'il sera question de recepvoir les dites cautions, d'autant qu'ils cognoissent vollontiers ceux qui sortent de leur dits portz et peuvent juger si c'est en intention de trafticcpierou pour escumer la mer, à l'occasion de quoy ilz tir'ndront la main que les cautions soyent
données, selon la quallité et conditions des personnes, ce que la dite dame ne doibt refuser, puisque c'est lo bien commun des subjofz de Leurs Majestez.
111. Sur le troisiesme article, sera considéré que le Roy, ayant entendu que ses officiers de l'admirauté ne rendoyent la justice aux subjectz de la dite dame, a desliberé de commettre les premiers presidens et plus antiens conseillers de ses cours souveraines, pour juger souverainement et en dernier ressort tous les procez et difîerendz de la dite admiraulté, et fera la dite dame, s'il luy plaist, le semblable en son royaume ; car, quand à la commission communicquée au dit ambassadeur, encores que cinq des sieurs maistres des Ilequestes y soyent nommez, toutesfoiz le pouvoir de juger est donné à deux seulement, chose qui n'est point accoustumée en France ; et partant, à ce que la justice soit esgallement rendue de part et d'autre, semble raisonnable que les dites commissions , qui seront baillées par Leurs dites Majestez, soyent conformes, autant que faire se pourra, tant au nombre des juges qu'en la forme de juger; et pour le regard du tempz dans lequel les dits juges debvront terminer les dits procez, si le terme de trois mois semble trop brief, sera porté par les dits articles que les dits juges seront tenus de juger dans six mois.
IV et V. Les IIII et V''^ articles dépendent de ce qui sera ac cordé par Leurs dites Majestez touchant les cautions.
YL Pour le regard du VP article, si les exceptions y contenues ont lieu , il n'y aura aucune seureté ny liberté de trafficquer pour les François, d'autant que, depuis les deffenses faictes par la dite dame de porter vivres, armes et autres munitions de guerre en Espagne, tous les François, qui ont esté rencontrez en mer par les Anglois, ont tousjours esté pris, pillez et depredez par eux, soubs le prétexte des dites deffenses, lesquelles toutesfois ne se peuvent estendre aux subjectz du Roy. La dite dame partant aura aggreable, s'il luy plaist, que, suyvant tous les traittez precedens, les dits subjectz du Roy puissent trafficquer seurement et librement, partout où bon leur semblera, et de telles marchandises qu'il leur plairra, sans aucune restriction, et à ceste fin recommandera la dite dame, s'il luy plaist, qu'il
soit publié par tous les portz et havres de son royaume deffense à tous ses subjectz d'arrester, molester et inquiéter en aucune manière, pour quelque cause ou prétexte que ce soit, les dits François, sur peine de punition corporelle , se pouvant asseurer la dite dame que le Roi donnera bon ordre que ses dits subjectz n'abusent de la liberté du dit traffic à son préjudice.
VII. L'exception contenue au VIP article semble raisonnable, pourveu que les arrestz, qui se feront des dites marchandises dont les dits princes auront besoing, se facent en vertu de lettres-patentes de Leurs Majestez, de peur qu'il n'en soyt abusé.
VIII. Les crimes, dont est faict mention au VHP article, sont si énormes que chascun en doibt favoriser la punition, et est partant raisonnable que les poursuittes s'en facent par les corpz des villes, d'oii seront partis ceux qui auront commis le dit cas et, à faute de ce, qu'ilz en soyent tenus civillement.
