MARS
DEVIS DES TRAVAUX DE MAÇONNERIE NECESSAIRES POUR LA VOUTE ET LA CHAPELLE DU SAINT-ESPRIT
(Archives nationales.)
Devis des ouvrages de maçonnerie, pierre de taille et taille d'icelles, qu'il convient faire pour messieurs les prévost des marchands et eschevins de cesie ville de Paris, en la construction des murs et voultes, tant pour la chappelle que entendent faire faire lesdicts sieurs sur la nef de la chappelle du Sainct-Esprit, que ccntinuation de l'autre voulte au-dessus, selon qu'elle est jà encomntancé, desquelles la teneur ensuict.
Premièrement sera l'aict le mur en fondation au travers de la chappelle dudict hospital, qui contiendra quatre toises quatre piedz de long, massonné de quatre piedz d'espoisseur de bon moislon,chaulx et sable réservé au droict du dessoubz des deux contrepilliers qui seront massonnez avec pierre de libaige de pierres joinctitie'es, lesquelles auront quatre piedz de pierre au moings et de pareille largeur de quatre piedz dont les lictz des pierres des d. libaiges seront jaulgés en piquez depuis le fondz de ladicte fondation jusques au dessoubz de la première assize de pierres de taille desdicts pilliers.
Item au dessus de ladicte fondation sera levé les deux conirepilliers qui seront faictz de pierre de Clicquart dequis le dessus dudict libaige jusques au dessus de l'imposte de grands quartiers portant saillie de trois piedz hors le corps du mur sans comprendre les liaisons qu'il convient mectre dedans le corps des murs, le tout taillé proprement et massonné comme il appartient, moictié desquelles assises seront laictes de deux pièces et les autres d'une pièce.
Item sera levé au dessus de ladicte imposte le grand arc qui servira à porter le mur du pavillon dudict Hostel de Ville, les voulsoirs duquel arc seront faictes de pierres de taille de Clicquart de trois piedz et demy de long au moings, et de deux piedz trois quarts d'espoisseur taillé proprement et massonné comme il appartient, dont les quatre premiers voulsoirs auront leur lict jaulgé de niveau et jecté par advance en forme de tas de charge et faire le remplage à costé de ladicte arcade tout de pierre dure.
Item sera faict les fondations des deux murs aux deux costés d'icelle chappelle de la longueur des trois thoises qui sont prises pour la ville et de huict piedz d'espoisseur, en ce compris le dausseret ou contrepillier cy devant declairé et l'espoisse particullière du mur du Saint-Esprit comme il est à présent; et le surplus desdicts huict piedz se prendra du costé de la ville, au fonds de laquelle fondation sera mis deux assises de pierre de libaiges massonnées avecq chaulx et sable. Le reste de laquelle fondation massonnée aussy moictié de pierre de libaiges et Faultre moictié de moillon, chaulx et
DOCUMENTS. 2o3
sable, avecq une aultre assize au rez de chaussée, aussi de libaiges, et au-dessus d'icelle fondation et assize de libaige seront levez lesdicts murs à parement tant d'ung costé que d'aultre de pierre de taille de Clicquart jusques à la haulteur de huict piedz au dessus du rez de chaussée de la chappelle dudict hospital et au dessus desdicts huict piedz aussi de pierre dure jusques à la haulteur du rez de la salle dudict Hostel de Ville, et en levant lesdicts murs sera laissé par Tentrepreneur par advance les formeretz, liernes et arachemens des voultes, le tout suivant et conformément au desseing qui en sera baillé.
Item convient faire la voulte au dessus de la nef de la chappelle dudict hospital du costé vers la Grève qui servira à porter le plancher de la chappelle à la haulteur de la grande salle du d. Hostel de Ville, voultée en forme de voultes d'augvve dont les arcs seront faictz de pierre de Sainct-Leu de deux piedz d'espoisseur compris les mouslures qui seront faictes au dessus desdicts arcs, lesquels pendantz auront du moings dix poulces de lict, le tout massonné proprement comme il appartient, et les mouslures faictes ausdicts arcs suivant le desseing qui en sera baillé à Tentrepreneur, et au dessus d'icelle voulte faire les remplages et araze de pierre des carrières de Saint-Leu massonné avec chaulx et sable.
Item sera aussy pareillement faict et continué la voulte de ladicte chappelle de rhospital jusques contre le pavillon de la mesme forme, façon, construction et ordonnance qu'elle est à présent encommancé, et mesmement si les murs au dessoubz de ladicte voulte ne se trouvent sufifisans, seront refaictz de la mesme forme, construction et matière que les autres du costé de la d. ville.
Le présent devis et advis a esté faict par nous Pierre Chambiges, François Petit, Claude Guerin et Claude Velfaulx, jurez du roy en Toffice de massonnerie, nommez tant par mes dicts sieurs de la ville que par messieurs les maistres et gouverneurs du Sainct-Esprit, le vendredy vingt-uniesme mars mil six cens huict.
Ainsi signé : P. Chambiges, F. Petit, C. Gueri.n' et C. Vellefaux.
