JUIN

DEVIS DES OUVRAGES DE MAÇONNERIE DU PAVILLON DU SAINT-ESPRIT MARCHÉ AVEC MARIN DE LA VALLÉE

(Reg. de la ville.)

Devis des ouvrages de maçonnerie et pierres de taille, qiCil convient faire en la construction du pavillon neuf destiné estre faict vers l'hospital du Sainct-Esprit, le mur de devant duquel sur la Grève, est de longtemps planté, est continué en grande liaulteur; ensemble la fondation d'un g mur de labb' dudict pavillon, au travers de la chappelle dudict hospital, selon le devis compillé et rédigé par escript par Pierre Chambiges, François Petit, Claude Giiérin, et Claude Villefaux, jure:; du rojr en l'office de maçonnerie, nomme\ tant par M" de la ville que par les S", M" et Gouverneurs dudict hospital; ledict devis en datte du vingt ungniesme mars mil vi^ huict, l'original duquel est au greffe d'icelle ville.

Et premièrement fault ahbattre et desmollir les murs, maçonneries et aultres empeschemens qui se trouveront à Fendroit auquel doibt estre assciz et planté le mura costé dudict pavillon, joignant la porte de la court dudict hospital, et ce, depuis le mur neuf sur la Grève, jusques à la vis et monte'e de pierre de thaille asscize, joignant la petite porte du costé de la court dudictz hospital, et icelluy pan de mur faire de cinq pieds et demy d'espoisse en fondations massonné à vif, fondz de deux asscizes de libaige, joinctissées en chacune asscize portant neuf à dix poulces et des plus grandes pierres que faire se pourra, les lictz et joinctz proprement picquez ; continuer ladicte fondation en amont jusques à ung pied près du dessus duvé de la Grève, dans laquelle haulteur seront comprises deux autres asscizes de pierre de libaige de bas Clicquart, ou aultre pierre dure qui sera jugée bonne et suffisante et dont les lictz et joinctz seront proprement picquez et taillez, le toutavecq bon mortier de chaux et sable, continuer, lier et joindre à icelle fondation Taultre mur de fondation naguères faict de neuf, pour porter l'arcade déclarée par le devis cy dessus datte.

Item au dessus de la fondation du mur de Fung des costez dudict pavillon, fault faire Feslevation et continuation du mur de pierre de taille de pareille forme, structure, espoisse, façon et quallitez de matières telles que le mur de dehors, à costé du pavillon, vers la rivière, auquel est le petit bureau, icelluy lier de bonnes liaisons suffisantes comme l'ouvrage le mérite, du costé de la vis dudict hospital, conserver en icelluy les retraictes, ressaulz et retours d'ornements, comme Faultre mur garny de sa dalle au dessus, faicte de pierre de liaiz semblable à Faultre pavillon, pour retirer les eaues de derrière et icelle conduire dans les gargouilles qui doibvent estre sur le costé de la Grève, esliger au dedans de Fespoisse d'icelluy mur les thuiaux des cheminées pour servir à quatre estages, sy par les sieurs prevost des marchans et eschevins il est ainsi commandé.

DOCUMENTS. 2o5

soit pour servir du costé dudict hostel, ou du costé de la maison dudict hospital, ledict mur faict à parement, tant d'ung costé que d'aultre, sy le lieu le peult permettre; ensemble conserver les huisseryes telles et aux lieux qu'il sera commandé, auquel mur à la haulteur que advisé sera pour le mieux, sera esligy ung encorbellement de pierre dure de Clicquart, de deux pieds et demy à trois pieds de hault et de trois pieds et demy de face, et deux pieds et demy de saillye pour porter les poultres qui serviront de platte forme sur le derrière dudict pavillon pour rendre les couvertures desdictz pavillons cimétriez, comme au semblable sera faict sur le mur de ladicte église à Fadvancement dudict pavillon du costé dudict Hostel de Ville, sur le mur de ladicte église sy besoing est.

Item au dessus de la fondation traversante en la chappelle ou église dudict hospital, sera levé les deux contrepilliers désignez par le devis et rapport cy dessus datte, qui seront faictz de pierre dure de Clicquart, depuis le dessus du libiage jusques au dessus de rimposte de grands quartiers, portant saillye de trois piedz hors le corps du mur, sans comprendre les liaisons qu'il convient mectre dans le corps des murs, le tout taillé proprement, maçonné comme il appartient, moictié desquelles asscizes seront faictes de deux pieds et les aultres d'une pièce portant parpain de trois piedz d'espoisseur, portant mouUeures et ornements tant d'ung costé que d'aultre, tant aux tableaux que aux faces telles et semblables que le grand arceau dudict Hostel de Ville, à l'endroit de l'entrée de ladicte église.

Item sera levé au dessus de ladicte imposte le grand arcq qui servira à porter le mur au dessus, servant au pavillon dudict Hostel de Ville, les voulsures duquel arc seront faictz de pierre de taille de Clicquart, de trois piedz et demi de long au moings, et de deux piedz trois quarts d'espoisseur ou parpain, et maçonné comme il appartient, dont les quatre premiers quartiers de voulseure auront leurs litz jaulgez à nyveau et teste par advance en forme de tas de charge, et faire le remplage à costé de ladicte arcade tout de pierre dure, continuer desdicts entrepilliers jusques contre les murs neufs, de pareille forme, structure et façon.

Item au cas que les fondations des murs de ladicte église, qui seront à l'endroit de la fondation de ce que dessus ne se trouvent vallables, seront desmolies et refaites des espoisses, forme, structure et façon que la fondation traversante dans ladicte chappelle.

Item, et en faisant lesdicts murs, sera tenu l'entrepreneur faire les advancements ou encorbellemens en saillye, pour porter les advencemens et tas de charge des arcs, doubleaux, ogives, formeretz, traverses et liâmes pour la voulte sur l'église à l'endroit dudict pavillon neuf, pour porter les arcs à haulteur de la salle dudict Hostel de Ville, le tout suivant le desseing paraphé au bureau de ladicte ville, le.... jour

de.... mil vi' neuf.

Item convient faire la voulte à l'endroit dudict pavillon au dessus de ladicte chappelle, qui servira à porter le plancher de la chappelle de la ville, à la haulteur de la grande salle dudict Hostel de Ville, qui sera voulte et branchés d'angines selon le desseing, dont les arcs seront faictz de pierre Sainct-Leu, compris les mouleures qui seront faictz ausdicts avec clefs pendantes, selon que advisé sera pour le mieux, parachever les voultes entre lesdicts arcs, angines et doubleaux pendentes de pierre de Saint- Leu,

2o6 DOCUMENTS.

de quatre à cinq poulces d'espoisseur et de douze à treize poulces de lict, assise et posée en liaison, le tout maçonné avecq bon mortier de chaux et sable, en faisant ksquelz arrachemens, et tas de charge sera tenu Tcntrepreneur iceulx continuer par advancement de pierre de Sainct-Leu, en forme dVncorbellementz dans les angletz et reins desdictes voultes jusqucs à la haulteur du couronnement d'icelh, le tout aussv maçonné avecq bon mortier d; chaux et sable, les mouslures desquelz doubleaux,' angines, bercerons, formeretz et liâmes seront faicts des ordonnances, structures et façon telle que la voulte du cœur de ladicte église.

Item sera aussi pareillement faict et continué la grande voulte de la chappelle dudict hospital jusques contre le pavillon de la chappelle de la ville, au mur duquel sera en faisant Teslevation d'icelluy esligy ung formeret pour la haulteur de ladicte voulte, laquelle avecq tout ce qui deppend d'icelle sera faict de la mesme forme, façon, construction et ordonnance pareille que la voulte du chœur dj ladicte église.

Et pour le regard des murs de ladicte église, à Tendroit dudict ralongement de voulte, au cas qu'ilz ne feussent trouvez sufFisans, bons et vallables, seront rcfaitz et redifhez de neuf, des espoisses qu'ils sont à présent et de pareilles matières que les aultres murs dudict Hostcl de Ville.

Faire et parfaire tous lesdicts ouvrages de maçonnerie et pierre de taille.

Item du costé dudict Hostel de Ville, fauh continuer le mur servant de pignon à la grande salle, ensemble les murs de la viz ronde qui est à l'un des coings dudict pignon, comme aussv le mur du derrière dudict pavillon, iceulx continuer en amont Jusques à la haulteur que doibvent cstre les plattes formes de charpcnterie dudict pavillon, sçavoir celluy du costé de la grande salle, de Tespoisseur qui est encommancé avecq la souche de cheminée telle et semblable que l'autre pignon.

Item et au dessus du mur du costé du Sainct-Esprit, fault faire l'eslévation des quatre thuiaux en une souche de cheminée qui sera toute de pierre de Sainct-Leu et de la forme, structure et façon telle et semblable que l'aultre souche de cheminée du costé du petit bureau de la ville.

Sera tenu l'entrepreneur faire tous les abbattages et desmolitions qu'il conviendra eics maçonneries nécessaires à desmolir, mesner tous les gravois aux cliamps et rendre place nette ; et quant aux bons matériaux qui proviendront des desmolitions des murs des appartenances dudict hospital, demeureront au prolit des maistres et gouverneurs d'icelluv, à la charge de les faire oster promptement à leurs frais, et sy surplus y a, demeureront au profit de l'entrepreneur.

Tous lesquelz ouvrages de maçonnerye et pierre de thaillc seront faictz et parfaicts deuement au dire du maistre des œuvres de la ville et aultres à ce congnoissans, que lesdicts sieurs de la ville voudront nommer et commettre, lesquelz estans faicts ei parfaicts seront toisés et mesurez aux us et coustumes de Paris, sans qu'il soit aucune chose compté, toisé, prisé ny esvallué pour les mouslures, corps, saillyes ou aultres saillyes quelle qu'elle soit; néantmoings sera tenu l'entrepreneur les faire selon la forme et structure tant des aultres bastiments dudict Hostel de Ville que du Sainct- Esprit, moiennant le pris et somme de soixante et cinq livres tournois pour chacune thoise desdicts ouvrages thoisés comme dessus est dict, seront toutlesfois thoisez les doubleaux des voultes et les branches d'ogives et les Ivarnes pour un pied courant.

' De par les prevost des marchans et eschevins de la ville de Paris :

On faict assçavoir que les ouvrages de maçonnerie cy devant mentionnés seront baillés au rabaiz et moings disant, à l'extinction de la chandelle, et sur le pris de soixante et cinq livres tournois la thoise, vendredy prochain, quatre heures de relevée, au bureau de la ville, aux charges et conditions mentionnées par le devis cy devant transcript, et y seront toutes personnes receues à y niectre rabais. Faict au bureau de la ville le mercredy viu» avril, mil six cens neuf.

Signé: Parfait et Lambe.it.

L'an mil six cens neuf, le vendredy dixiesme jour de avril, les ouvrages de maçonnerie ont esté publiés au grand bureau de la ville, et pour ce qu'il ne c'est présenté aulcunes personnes avons remis ladicte publication au lundy en suivant et ordonné nouvelles affiches estre mises, ce qui a esté faict.

Et ledict jour de lundy treiziesme avril, sur les cinq heures de rellevée, en la présence de messieurs les prevost des marchans et eschevins et Pierre Guillain, maistre des œuvres de ladicte ville, lesdicts ouvrages de maçonnerie mentionnez au devis cy devant transcript, ont esté publiez estre à faire et baillez au rabais et moings disant, à l'extinction de la chandelle, sur le pris de soixante cinq livres tournois la thoise, à la charge par l'eiitrepreneur de faire iceulx ouvrages bien et deuement conformément audict devis, et de bailler bonne et suffisante caultion tant des deniers c^u'il recevra que de rendre ladicte besogne bien et deuement faicte ; et a esté déclairé aux assistans le rabaiz estre de vingt solz tournois sur thoise et ont esté présens à la lecture et publication dudict devis, et à l'instant Charles David et Marin de Lavallée, jurez du roy en l'office de maçonnerye, Robert Pierre, Louis Ricquette, Martin BouUé, Sébastien Jacquot, Lois Slepe et Antoine Desnotz, tous maistres maçons à Paris.

Et à l'instant a esté allumé la chandelle, à l'extinction de laquelle ledict Martin Boullé a mis rabaiz de vingt sols sur icelle besoigne et a, en ce faisant, entrepris de faire iceulx ouvrages conformément à ce que cy devant est dict, moiennant la somme de soixante et quatre livres tournois la thoise.

Comme aussy c'est présenté Marin de Lavallée, lequel a déclaré que pour le désir qu'il a de servir la ville et continuer la besoigne qu'il a commancé, a entrepris de faire les ouvrages portez par ledict devis cy devant transcript, moiennant cinquante huict livres tournois la thoise ; et pour ce que au dessoubz dudict Lavallée personne n'a voullu mectre rabaiz et qu'il a esté allumé plusieurs chandelles, avons audict de Lavallée, comme moings disant et dernier enchérisseur, adjugé et adjugeons lesdicts ouvrages cy devant transcripts, moiennant ledict pris et somme de cinquante huict livres tournois la thoise, qui luy seront paiez par le recepveur de la ville au feur et à mesure qu'il travaillera, et selon nos ordonnances et mandemens; et sur lesquels ouvrages sera payée par advance audict Lavallée la somme de quinze cens livres tournois, à la charge de faire bien et deuement iceulx ouvrages conformément audict devis, et au dire du maistre des œuvres de la ville et aulires gens ad ce cognoissant, et de travailler et faire

2o8 DOCUMENTS.

travailler incessamment et sans discontinuation, et de bailler bonne caultion tant des deniers qu'il recevra que de rendre sadicte besoigne bien faicte comme dessus.

Signé : Sangin, Parfait, Charbonnière, Lambert, Cormeno, de Lavallée.

Du vendredy, dix-neufviesme juin mil six cens neuf.

Est comparu au bureau de la ville Marin de Lavallée, juré du roy en Toffice de maçonnerie, entrepreneur des bastiments de THostel de ladicte ville, lequel, suivant l'adjudication à luv faicte desdicts ouvrages et cy devant mentionnez, a présenté pour caultion Jehan Ponsart, maistre maçon à Paris, demeurant rue du Temple, paroisse Sainct-Nicolas-des-Champs, lequel à ce présent a pleigé et caultionné ledict de Lavallée, tant de rendre ladicte besoigne bien et deuement faicte que les deniers qu'il recevra, et a faict les submissions acoustumées, lequel Ponsart a déclaré que la maison en laquelle il est demeurant luy appartient, comme aussy ledict de Lavallée a déclaré luy appartenir la maison en laquelle il est demeurant, seize, rue Beaubourg, au cul-de-sacq.

Signé : J. PoNSARDCt M. de Lavallée.

Nous avons ladicte caultion reçeue et la recevons par ces présentes.

Signé : Parfaict.