SITUATION DE LA PROVINCE SOUS CHAULES VII

Histoire du capitaine Pierre de Louvain du Puy.

Pour le récompenser , le roi le nomme capitaine , chargé de la garde des portes de la ville du Puy.

Et , sur sa demande , lui donne pour gages la part qui revenait au roi dans le droit d'entrée du vin.

Mais ce droit avait déjà été abandonné à la ville qui d'ailleurs avait le privilège de nommer elle-même le gardien de ses clefs.

Les consuls réclament. - Louvain est dépossédé.

« Il fut ung bourgeois du Puy qui eut ung fils qu'on appeloit noble Pierre de Louvain, lequel en ses tendres jours s'en alla en court, pour estre mys en service; tellement que, pour les grandes débellations qui journellement pululloient entre le roi de France et le petit Henry, roi d'Angleterre, il trouva maistre promptement; car bien adroit enfant, astucieux et de bonne yndole estoit. — Que vous dirois-je? il servit si bien, que par les mérites de son service il fut capitaine. — De faict, lui bailla le roi charge de certaine quantité de lances; et se porta si pertinemment, qu'il acquist bruit et honneur; et grande considération eut entre tous les autres capitaines. Et par sa vertu et sa valeur, fut faict chevalier devant le chasteau de Fossac, la plus forte place de la Guyenne.

« Et pour ce que moult désiroit retourner d'où il estoit parti en félicité, honneur et gloire, il se retira devers le roi Charles, lequel bénignement supplia qu'il luy plust lui distribuer la capitainie et la garde des clefs de la ville du Puy, dont il estoit. Et dit qu'il y avoit bien besoing au Puy, qui estoit la clef du pays, avoir ung bon capitaine qui se soucia de ladicte ville et du pays ensemble. Il dit encore qu'au dict pays et en la ville il y avoit tout plein de ^ens qui trop faispient de maulx, et que s'il avoit ledict office il y mettroit bon ordre. Qu'il se contenteroit pour touts gaiges de l'entrée du vin que lui, le roi, prenoit chacun an en ladicte ville. — Le bon roi cuidant que tout ce qu'il disoit fust vrai, et pour entretenir ses capitaines, desquels il avoit bien mestier, luy donna et octroya tout franchement ce don.

« Ledict de Louvain fist expédier ses lettres pour venir se mettre en possession ; laquelle chose ne debvoit faire sauve son honneur, attendu qu'il estoit natif de la ville et ne debvoit prendre les habitants de si près que de les abditer trestous en commung de leurs beaux et anciens privilèges. Et aussi ne le debvoient ceulx du Puy souffrir, car la chose estoit trop mal. — Par leurs anciens statuts du consulat, ils estaient accostumés faire tous les ans ung capitaine (bourgeois ou marchand), aux gaiges accostumés, et que telle estoit leur ordonnance de garder les clefs de la ville, et aussi d'avoir pour gaiges l'entrée du vin. Ja le roi la leur avoit donnée pour trois années dernièrement pour la réparation et entretenement de leurs portalices, et le temps n'était point écheu. — Pour ces raisons et aultres plus grandes, et nonobstant qu'il fust mis en possession dudict don, ne la grande sévérité qu'il démonstra, ne toutes ses communications, ne les altercations qu'il fist à la ville, luy servirent peu; car gros procès sur ce se firent tant, que finalement après plusieurs poursuites d'un costé et d'autre, sur ce fust prononcé arrest au grand conseil du roi, en faveur de la ville du Puy, à Tours, au mois de janvier de l'année 1448.

« Ledict arrest ainsi prolaté, se retirarent les consuls, au nom de la communauté de la ville du Puy, devers le roi, lui remontrant que pour la réparation et entretenance de sa ville du Puy, lui plust leur perpétuer ladicte entrée du vin, en lui baillant d'entrée ce que de raison et selon la possibilité de ladicte ville. ■ — Pour laquelle cause fust convenu entre lesdictes parties que la ville du Puy bailleroit et expédieroit incontinent au roi, à cause de cette t perpétuité, la somme de 2337 livres 10 sous tournois; ce qui fust promptement exécuté. — Et voilà quant à « l'entretien du vin (1). »

et lever sur chacune charge de vin entrant en la ville et aux faubourgs et venant d'autre terrouer que de celui du Puy, la somme de 12 deniers parisis pour, les deniers quienystroient, estre employés et convertis par lesdicts suppliants es emparements de murs, portaulz et autres fortifications, et de plusieurs ponts, fontaines .et chemins de ladicte ville et de la juridiction d'icelle , et autres affaires nécessaires communes de ladicte ville ; ainsi que par lettres patentes données de noz prédécesseurs et de nous à temps , etc. . . .

Puis les lettres ajoutent : Pierre de Louvain, nostre escuier d'écuierie, s'est tiré par devers nous, et soubz umbre de ce qu'il nous a donné à entendre, que par faulte de ce que il n'y avoit point de capitaine de par nous en la dicte ville du Puy , plusieurs maulx s'étoient ensuiz , et avoient en icelle esté failts plusieurs grands excès. Pourquoy nous, par son dit donné-à-entendre, lui donnasmes l'office de capitaine et garde des clefs de la dicte ville du Puy ; et pour ce qu'il n'y avoit aucuns gages lui octroyamees qu'il eust et p ri nt l'émolument et profit de ladicte entrée ou aide de 12 deniers parisis.— Par vertu desquelles nos lettres ledit de Louvain se veut porter capitaine de ladicte ville, prendre et lever lesdicts deniers.

— Et à cette cause se meut certain grand procès en notre cour de Parlement à Paris, entre les suppliants d'une part , prétendant que ledict de Louvain , ne autre , ne se pouvoit, ne devoit dire ou porter capitaine de ladicte ville, avoir les clefs et garder, ne prendre l'émolument des 12 deniers, — et ledict Louvain disant le contraire....

Auquel procès a été procédé par longtemps en nostre dicte court, et depuis , ladicte cause par nous évoquée pardevant nous et les gens de nostre grand conseil

a été dict que les lettres obtenues de nous par Louvain ont été par lui mal obtenues et qu'elles demeuroient nulles et de nulle valeur et effet, etc .. .

Voulant envers les suppliants reconnoistre les services par eulx à nous faiz et leur aider à supporter leurs affaires voulons que lesdicts 12 deniers ils puissent lever

et faire lever dorénavant, perpétuellement et à toujours-mès, sur chacune charge de vin d'autre cru que celui dudict lieu ; et s'il advenoit que aucun vin y fut mené ou conduit par charroy en queue ou autrement que à charges ou sommes , que iceulx suppliants ou leurs commis puissent lever ladicte entrée de 12 deniers au feur et équivalant , et selon la quantité de vin qui y sera menée ; c'est à savoir, de ladicte charge, 12 deniers et de plus lesdiz plus, et du moins moins ; pour les deniers qui en ystront, estre convertis et employés es réparations , réfections et entretennement desdictes murailles , portaulx , ponts , fontaines , chemins et chaussées desdictes ville et faubourgs et autres affaires communes et nécessaires de ladicte ville du Puy, etc. — (Ordonn. des rois de France . T . XIV, p. 37.)

(1) Extrait des manuscrits originaux à' Etienne Médicis, déposés à la Bibliothèque historique du Musée du Puy.