Le texte porte cette ponctuation après amoureux

Comme le voyageur (après plusieurs détours D'vn long chemin suiuis) qui voit les hautes tours D'vne cité fameuse, ou faut qu'enfin il rande D'vn cœur deuotieux vne deuote offrande, S'esiouit et prend cœur se sentant aprocher 465

Des murs de la Cité dont il voit le clocher: Ainsi fait le Poëte, alors qu'il se repose Ioyeux de voir de loin le but quïl se propose : Et voir les arbres hauts qu'il a sceu remarquer Depeur qu'vn ombre obscur ne le fist détraquer. 470

Iamais d'enfants ioyeux vne brigade belle, Plus volontairement en la saison nouuelle Ne se trouua parmi les vermeillettes fleurs, Qu'vn pré d'email bigare en cent mile couleurs. Ni iamais d'vn beau fils belle Dame accouchée 475 Ni la Dame bien peinte et bien endimenchee Ne s'aima iamais plus aux danses et aux sons. Aux deuis amoureux, aux mignardes chansons, Que la Muse se plaist aux peines et aux veilles ; En recherchant des vers les secrettes merueilles : 480 Et l'homme n'a iamais plus grand plaisir trouué Que celuy du Poëte en son œuure acheué.

Celui qui du Deuoir a la science aprise, Ce qu'il doit au Pays, ou naissance il a prise, Ce quïl doit à son Roy, ce qu'au public il doit, 485

483 sqq. Cf. Horace., Ep aux P., 312-316. 484. Ce qu'il doit au Pays. Ellipse de qui sait, qu'on peut tirer du mot science dans le précédent vers. Latinisme.

Ce qu'il doit aux amis, qui bien iuge et bien voit Comme respectueux il faut estre à son père, De quelle affection il faut chérir son ftere, Son hoste, son voisin, comme encore chérir L'estranger qui nous peut quelquefois secourir : 490 Et qui sçait bien ou gist d'vn vray iuge l'office, Et de celuy qui doit régler vne Police : Et ce que doit tenir vn braué Chefuetain En la charge que haute il n'entreprend en vain, Soit pour aller vaillant en estrangere terre 495

Reuancher vne iniure^ou soit pour la conquerre, Cettuy-la certes sçait, donner ce qui conuient A chacun, quel qu'il soit, selon le rang qu'il tient.

Le docte imitateur, qui voudra contrefaire De cette vie au vray le parfait exemplaire, 500

Tousiours i'auertiray de regarder aux mœurs, A la façon de viure et aux communs malheurs : Et puis de là tirer vne façon duisante, Vn parler, vn marcher qui l'homme représente > Bref que Nature il sçache imiter tellement 505

Que la Nature au vray ne soit point autrement.

Quelquefois vne farce au vray Patelinee, Ou par art on ne voit nulle rime ordonnée : Quelquefois vne fable, vn conte fait sans art, Tout plein de gosserie et tout vuide de fart, 510