Cinq cents de Colbert, tome 127, fol. 160 v

ue sages fait, conment k'il aille, (/. /) Ki son sens aiise et travalle En dire aucune boune chose.

Moût hounore home et alose

Bons dis et bien fais, ce me sanlle;

Et ki boune parole assenlle

Por traire as gens en essamplaire,

C'est une chose ki doit plaire

A tos ciaus ki raison entendent,

Car moût voi conteors ki tendent

A bien dire et a recorder

Contes ou ne puis acorder

Mon cuer, car raisons ne me laisse;

Car ki verte trespasse et laisse

Et fait venir son conte a fable,

Ce ne doit estre chose estable

Ne recitée en nule court;

Car puis que mençoigne trescort

Et vertes arrière remaint.

Ceste chose sevent bien maint

17 Ms. recetée.

K' a cort a roi n'a cort a conte

Ne doit conteres conter conte,

Puis que mençoigne passe voir;

Et ce doit bien cascuns savoir 25 De ciaus qui entendent raison.

Mais qui en tans et en saison

Puet mètre .j. bel conte en memo[i]re

Et faire .j. dit de boune estoire (/. i b)

(Et moût bien fait cil qui s'en paine) 3o Ki vertes soit, c'est bêle paine.

Ce dist cil qui set ke ce monte

K'en poi de tens essauce et monte

Vertes et met .j. home en pris;

Dont ne me tieng a entrepris.

35 Nus ne me doit en mal retraire

Se je voel en mon tans retraire

Et mètre en mémoire .j. viel conte

Dont Testoire nos dist et conte

Ke c'est li contes de l'Escoufle; 40 Ne desque la ou bise souffle

Ne cuit qu'il ait mie .x. homes

Ki sacent de cui nos disommes,

Tant a esté lonc tans celés

Li contes qui est révélés 45 Par moi et mis en escriture.

Ici comence l'aventure.

dist k'il ot en Normendie Un riche home de manandie Ki fu cuens de Moustierviler :

5o Conte Richart l'oï noumer.

Il tint Rueem en son demaine, Dont cascun jor en la semaine Le servoient .c. home a court ; Et Saine qui par desous court 55 Le servoit adès de poissons.

De forés et de venisons Ert sa terre bien aaisie,

Et il l'avoit si abaissie [f. i c)

Ke nus ne li faisoit enchaus; 60 Car en la contrée de Chaus

Avoit bien .iij. c. chevaliers

Hardis et coragous et fiers

Ki mit tenoient de lui terre;

Et quant nus hom li faisoit guerre, 65 Tôt erranment l'avoit conquis,

Car il avoit tôt si conquis

L'ounor des homes par francise,

Par biaus dons et par gentelise,

Ke cascuns mix morir voloit, 70 De trestout quanqu'il enprenoit

K'il nel veïst venir desus,

Et ceus qui li couroient sus

Destruire et chacier a escil.

Murs ne palais covers d'aissil j5 Ne remanoit estans en marche :

Tôt avoit dusc'au Po[n]t de l'arche

Conquis la terre et desraisnie.

Moût sagement a sa maisnie

Departoit son conquerement :

80 Maint chevalier fist de noient

Riche et manant en son eage

Par biax dons et par mariage.

out par savoit li cuens de guerre, Et ceus par k'il pooit conquerre 85 Donoit quanqu'il tenoit as poins;

Et quant c'estoit c'aucuns besoins Li revenoit par aventure, Le leur et le sien par droiture (f. 1 d)

66 conquis, corr. aquis ?

Remetoient en son service.

90 Ensi avoit tôt a devise

L'amor de ses boins vavassors.

A lor femes, a lor oissors

Envoiot plichons et mantiax.

Bons chevaliers fu et moût biax 95 Et frans et larges, et cortois ;

Et seut de rivière et de bois,

D'esches, de tables plus k'om nés.

En lui avoit toutes bontés,

K'ainc puis que morut li bons hons 100 Ke engerra li rois Phelippons

Ne fu cuens, si com nos disons

Et nos tesmoigne la leçons,

Ki vausist cestui de proece

Ne de bonté, ne de largece, io5 Selon ce que il aqueroit.

Ki bien le voir en enquerroit,

Cis cuens ottotes bones mors,

Et s'ama tous tans par amors,

Ki le faisoit hardi et preu.

1 10 Ne vos avroie hui conté preu

Quels hom il fu, car ne porroie,

N'ainc n'ot tel chevalier a Troie

Quant li dunjons chaï par fu;

N'onques, dès Fore qu'il nés fu, 1 1 5 Nule vilenie ne dist,

N'il n'est biens, s'il s'i ademist,

G'on peust faire ne savoir,

K'il, par son sens et par savoir, (/. 2]

N'en seûst trop en .j. seul jor; 120 N'onques n'ama nul tans sejor

Ne en iver ne en esté.

Et quant il ot .xv. ans esté

En cel boin point, en cel grant pris,

Moût par li est gratis talens pris,

125 D'aler outre mer sauver s'ame.

Mais il n'avoit enfant ne feme

K'il puisse laissier sa contrée...

N'avroie a pièce racontée.

Il dist qu'il se croise et atourne :

i3o Moût par en sont dolant et morne

Si serjant et si chevalier.

Ki lors veist serjans croisier

Et ses parens et ses amis !

Tant s'en croisa par le pais 1 35 Que c'estoit une grant merveille.

Chascuns s'atorne et s'apareille

Por mouvoir quant li cuens movroit;

Et li cuens dist qu'a tous donroit

Reubes, chevax, cels qui n'en orent.

140 II s'atornent au mix qu'il porent

Dusque la qu'il durent mouvoir.

Quant li cuens ot son estouvoir

Apareillié por son voiage,

Il a mandé tôt son barnage.

145 Quant il n'i ot que de l'aler,

Au chastel a Moustierviler

A de partout ses gens mandées.

Moût furent grans les assamblées (/. 2 b)

De chevaliers, de clers, de dames.

1 5o Borgois, chevalier[s] o lour femes

I ot tant nus n'en set le conte,

Venus a la muete le conte.

Et li vesques de Lisuïs

I vint ki moût ert ses amis ; 1 55 Li cuens de Garaine et cil d'Eu,

Ki moût erent vaillant et preu,

Vinrent a cest conte mouvoir.

Aine nus ne vit tant esmouvoir

127 K'il, corr. cui? Lacune après ce vers.

D L ESCOUFLE

De gens por .j. seul pèlerin :

160 N'a mont n'a val n'avoit chemin

Ne fust plains de ciaus qui la vinrent,

Si k'a grant merveille le tinrent

Quant se virent trestant ensanlle.

Venu i furent, ce me sanble, 1 65 Li chastelains de Belencombre

Et tant que li nombres m'encombre

De ciaus dont ja ne sai les nons.

Par les sales, par les maisons

Firent grant joie celé nuit, 170 Mais n'i a nul cui moût n'anuit

Cis voiages, et qui ne plaigne

Le conte et sa riche compaigne

Qui doivent mouvoir l'endemain.

Si bon signor ne si humain 175 N'avront jamais, si comme il dient :

L'eure et le jor souvent maudient

Que de croisier talens li vint.

Icele nuit ensi avint. (f. 2 c)

Quant il lion

il orent la nuit mangié, 180 ^^ Il ont au conte Pris congié,

Puis vont gésir a lor ostex.

Au matinet fu grans li deus Parmi la vile des borgois, Car li frans quens et li cortois 1 85 Les ot tos jors moût honerés

Et si norris et si gardés K'il erent tôt riche et manant.

« Ahi ! » font il, « caitif, dolant, « Que porrons nos desore faire !

190 « Ahi ! gentix quens debonaire

« Com nos lairés hui esgarésî »

Quant vint que li quens fu levés, L'arcevesques et li baron

.^-^kN

Et l'esvesques ki fu ses hon 195 Si s'en vont lues a l'abaie

Por messe oïr et por l'aie Des orisons au saint covent.

.1. riche drap de Bounevent Offri li quens au maistre autel 200 Si bel c'onques homne vit tel.

Puis en a fait l'autel covrir.

L'arcevesques por revestir S'en est entrés en .j. sacraire, Puis fist fors de ses coffres traire 2o5 Tôt son plus riche vestement.

Moût l'en revestent bêlement Et li clerc et ses capelains, Et li vesques a ses .ij. mains Li affubla une casuble 210 D'un samit porpre, .j. poi ert nuble. Li capelains qui moût ert sages, Une mitre faite a ymages, Broudée tôt de chief en chief, Li a assise sor le chief.

Tous li mostiérs fu plains de gent O encensiers, o crois d'argent, O textes et o luminaire.

Cil qui lores le durent faire Le vont querre a procession ; Et li vesques ki fu sains hom Li mist la croce en sa main destre, Puis si le prist par la senestre; Si l'adrece moût bêlement Dusqu'a l'autel et saintement.

Li couvens avoit ja la messe Conmencie, et l'abeesse

222 le, ms. la.

ô L ESCOUFLE

Conmanda a .ij. damoiseles

Des mix cantans et des plus bêles

Le cuer a tenir, por mix plaire 23o Et por la feste grignor faire.

Et quant l'évangile fu lite

Et l'offrande chantée et dite,

Li quens ala offrir premiers,

Devant les autres chevaliers :