marc d'or offri en besans
Après lui fu la route grans
De ciaus qui por s'amor offrirent.
Aine puis tôt cil ki celi virent (f. 3)
Ne virent mais si faite offrande :
240 Contrais ne povres n'en demande,
Ne mahaigniés nus qui n'en ait.
Li quens en douna entresait,
Ançois qu'il issist du moustier,
A ceus qui 'n avoient mestier, 245 Mien escient, plus de .x. livres,
Ce nos tesmoigne ci cis livres.
Et quant li services fu lis
Et ses bordons fu beneïs,
S'eskerpe et les autres ensamble, 25o Puis sont aie trestot ensamble,
Si com partirent de la messe,
En chapitre a l'abeesse
Por prendre congié et as dames.
Por Dieu lor pri[e] et por lor âmes 255 Qu'en lor orisons lor souviegne
De prier ke Diex les maintiengne.
Lors les reçoivent el bienfait
De la maison. Quant ce fut fait,
Il a donné a l'abeïe, 260 A son vivant et puis sa vie.
Ne sai .xx. mars d'argent ou .xxx.
A cascun an de boine rente;
Puis prent congié ; celés remainent
Ki por s'amor grant dolor mainent, 265 Et il est venus a ses gens.
Il en trova plus de .v. c.
Gisans en la voie pasmés.
« Las ! » fait cascuns, « maleùrés ! (/. 3 b)
« Com perdons hui boin signorage!
270 « Moût reçoit hui pesant damage
« Ceste contrée et cil qui l'aiment! »
De la dolor que il demainent
Est pris au conte grans pitiés.
Conment peust il estre liés 275 Qui voit cest duel et cest martyre?
A l'arcevesque prist a dire :
« Ma terre et ceste gentvos lais ;
« Ne sai si je revenrai mais.
« Por Dieu, que que de moi aviengne, 280 « Sire frans hom, si vos souviengne
« Et de la terre et d'aus garder,
« Car je nés puis plus esgarder. »
Puis a son cheval demandé,
Et cil cui il Tôt conmandé 285 Isnelement cort, si Famaine,
En amenant grant duel demaine;
Si compaignon mandent les lor
Et li baron. Diex ! quel dolor!
Et que que il se départissent, 290 Cil cheval, cil roncin henissent
Dont ces rues erent si plaines
C'on i pooit torner a paines.
Tuit sont venu ançois k'il mont ;
Il est cheus tous en .j. mont 295 Pasmés devant son palefroi.
Lors en furent en grant effroi
292 Ms. C'on n'i.
Et l'arcevesque et li baron.
« Ahi! » font il, « cuers de lyon, (f. 3 c)
« Com vos prueve bone aventure !
3oo « Moût ont fait bone norreture
« Vostre home en vos ques amés tant. »
Quant fu revenus, en estant
L'ont levé par bras et par mains.
Li quens nés amoit mie mains 3o5 Qu'il faisoi[en]t lui par samblant.
Sor .j. cheval tondu, ferrant
Estoit sa sele et ses harnès,
Si bons et si biax et si frès
Com a tel pèlerin couvient.
3 10 Cascuns et cascune a lui vient
Por congié prendre, et il les baise.
Les dames ne sont pas a aise,
Ançois plorent et font grant duel.
Il eust ja erré son voel 3i5 Une grant liue u .ij. u plus;
Quant li quens voit qu'il n'i a plus
Que del monter, il dist qu'il monte.
Au départir ot grant démonte,
Quant il lor dist : « A Deu, a Deu! » 320 Li quens de Garanne et cil d'Eu
Se sont pasmé sor lor destriers;
Se il ne fuissent as estriers
Afichié, chascuns fust cheiis :
Aine mais tex deus ne fu veiis.
Moût fait bien qui se fait amer :
Quant ses gens l'en virent aler, « A Deu, a Deu! » font il, « biau sire. » Il ne lor puet .j. sol mot dire, (/. 3 d)
Que dolors le destraint et serre.
33o Li quens d'Eu le prist par le resne
De son frain, si l'en a parti.
L ESCOUFLE I I
A grant dolor sont départi
Les gens a pie qui les remainent,
Et cil qui en la vile mainent 335 S'en vont plorant a lor ostex.
A cheval en rot tant de tex
Ki lui et les autres convoient
Et si plorent, quant il le voient,
K'a poi que li cuer ne lor partent ; 340 Et dist li quens qu'il se départent,
Car il voit bien et se li samble
Que tant comme il soient ensamble
Ne faudront cist cri ne cist plor.
Lors peùst [on] veoir dolour 345 La ou l'arcevesques le saingne
Et lui et sa bêle compaigne.
Il les baise, puis les commande
A Dieu qui d'anui les derfande.
Lores s'en vont li pèlerin, Chascuns porte bordon fraisnin;
Plorant se metent en l'estrée;
Li autre vont en lor contrée,
Chascuns en la soie demaine.
Départi sont a moût grant paine, 355 Et li quens s'en va o sa gent.
Assés emporte or et argent,
Robes, deniers et dras de soie.
Ne sai por coi en paine soie (f. 4)
De conter toutefs] lor jornées :
3 60 Tant ont levé as ajornées
Et chevauchié lor droite route
Que il et sa maisnie toute
Sont ja venu dusqu'a Mongiu :
Au passer n'ot ne ris ne giu.
365 Quant il sont outre, [en] Lombardie,
Ne sai por coi vos conte et die
Des ostex ne de la viande,
Que chascuns a ce qu'il demande
Et a souhait et a devis.
370 Tant oirre qu'il vint a Brandis;
Envoie avant por prendre ostel :
Aine puis nus haus hom ne prist tel.
Quant il sont pris, li quens descent;
A l'estrier l'en vont plus de cent.
3j5 Atant es vos la fille Poste
Ki son bordon du col li oste,
Une pucele bêle et sage,
Si l'enmaine amont en l'estage.
Herbergié furent celé nuit :
38o Grant joie i ot et grant déduit
Tant c'on parla d'aler as lis.
Li quens, qui sor tous fu ellis,
Ne dormi gaires l'endemain,
Ains fist ses gens lever moût main.
385 Et cil qui[l] dévoient amer
S'en sont aie al port, sor mer,
Louer les nés et les vaissaus
Ou il et ses avoirs soit saus. (/. 4 b)
Quant il orent lor nés louées 390 Et chargies et aleuées
De viandes et de bescuis,
D'iave douce et de vins cuis
Et de quanqu'il convient por vivre,
Quant il sont a Poste délivre, 395 II font crier que chascuns port
Ses dras et son harnas au port.
Vienent as nés ; entré i sont
Li quens et cil qui o lui sont
Venu en cel pèlerinage.
400 Les nés eskipent del rivage
En haute mer, puis si s'en vont.
Cel jor bon oré et vent ont.
l'escoufle i3
En son le mast lievent les voiles,
Siglent et courent as estoiles.
4o5 Ne font pas sor mer lonc sejor :
Tant ont erré et nuit et jor
K' el havene d'Acre sont entré.
Li quens issi premiers del tré ;
Après s'en issent du rivage 410 Si compaignon, et li message
S'en sont aie les ostex prendre,
Qu'en eus n'ot nule riens qu'aprendre;
Tex les ont pris corne eus couvient.
Li quens o ses compaignons vient 415 Ensamble a pié jusqu'à l'ostel;
Pieça qu'il n'entra mais en tel.
Herbergié sont la nuit a aise,
Il n'est riens qui a nul d'eus plaise, (/. 4 c)
Poissons ne bons vins ne viande, 420 K'il ne l'ait lues qu'il le demande.
Après souper li quens se couche;
Si compaignon se sont en couche
Couchié devant lui par la sale
Sor linceus ki ne sont pas sale.
425 i quens ki moût fu desirans,
JL-/ L'endemain, quant il fu jors grans,
Il demande son oste en oirre
Et de sa voie et de son oirre ;
Se li prie k'il se travaut 43o Itant qu'a son mareschal aut
En la vile achater chevaus,
Roncis, palefrois bons et biaus
A lui et a ses chevaliers.
Li ostes dist : « Moût volentiers 435 « Ferai quanques vos conmandés. »
418 d'eus plaise, ms. desplaise. — 427-8 Intervertis dans le ms.
Il a tos les cochons mandés Ki en la vile sont et mainent, Ki tant vairs et sors les amainent Que tos en est plains li marchiés 440 Et défoulés et demarchiés.
Li mareschaus tos les conteke :
Iciaus ki n'ont malvaise teche, Quant il li voit a raison vendre, Fait son oste acater et prendre :
445 Tant en ont pris qu'assés en orent.
Li quens a tos ciaus qui n'en orent Moût sagement les departist.
Ne quit pas qu'il se departist (/. 4 à)
De la cité .ij. jors entiers, 45o Ains i sejorne volentiers
Lui et sa gent a moût grant aise, Por ce qu'il orent a malaise Esté sor la mer longement.
Et, se li contes ne me ment, 455 Après mangier dist qu'il s'atornent,
Montent es chevax, si s'entornent Et chevauchent a moût grant joie, Et tant qu'il sont a la monjoie Venu de la Mahommerie.
460 Li quens et sa chevalerie Virent Jherusalem a plain.
Il sont descendu en .j. plain, Vers la cité clinent et orent.
De pitié et de joie plorent, 465 Et prient Dieu qui maint en haut,
Par sa pitié, qu'il les consaut Trestos ceus ki avoec lui sont.
Pieça que li serjant s'en sont
441 mareschaus, ms. marcheans. — 45 1 Ms. g. aaise. — 456 Ms. si s'atornent.
l'escoufle i5
Por les ostex aie devant.
470 Li quens qui descendi devant
Est remontés enmi la plaigne :
Après lui monte sa compaigne
Sor bons destriers, sor palefrois.
Moût par en est grans li effrois 475 En la cité de lor venue,
Quant la novele i fu seiie,
K'on avoit bien oï parler
Que li quens de Moustierviler (f. 5)
Estoit trop preus et trop hardis.
480 Li rois en fu moût esbaudis,
Quant il ot k'il vient en la terre.
Ses compaignons mande et fait querre
A lor ostex et si conmande
Que cascuns mont : cil cui il mande 485 Sont tuit monté, si vont a cort;
Après les mandés tant en cort
Sor biax destriers, sors et bauchans,
Ke bien furent près de .iij.c.
Ki s'en issent après le roi, 490 De la vile a grant effroi.
i rois chevauce et son barnage.
« Jamais, » fait il, « de mon aage
« Ne passera pèlerins mer
« Que paien truissent si amer 495 « Gom il feront cestui de guerre. »
Ses gens conmencent a enquerre
S'il est si preus com il lor conte
La proece et les biens del conte,
Si conme il ot oï conter.
5oo Tant son[t] entendu d'escouter
497 La phrase se construit mal; il y a peut-être une lacune après com, ou faut-il remplacer ce mot par et cil ?
K'il n'ont autre chose entendu.
Tant ont erré et cil venu
Que les routes vienent ensamble.
Ains que li rois a lui assamble, 5o5 II descent et les gens descendent
Ki durement béent et tendent
A savoir li quex est li rois.
Il vint seus devant, fors de .iij. (/. 5 b)
Des plus preudomes de la route; 5 10 II descendi et sa gens toute.
Puis que li cuens est descendus,
Li rois vers le conte est venus,
Puis Tacole et si le salue.
« Sire » fait il, « de vo venue 5 1 5 « Ai moût le cuer lié et joiant. »
Puis le baise tôt en riant,
Et après ses compaignons baise :
N'i a .j. seul cui moût ne plaise.
Moût les conjoit, moût les honneure 520 Li rois et sa gent; en tant d'eure
Ne fu mais si grant joie faite;
Moût durement plaist et enhaite
As chevaliers de Normendie.
Ke que chascun face ne die, 525 Tous les vaint de bon samblant faire
Li rois, li frans, li débonnaire.
iax dous amis, » fait il au conte, Montons, s'en alons ». Li rois monte Et li quens ; mit montent après.
53o Li quens chevauche adès si près
Del roi qu'il le tient par le resne.
Moût par l'aparole et arresne, Et cil qui grant honor li porte;
533 Et, corr. Com?
L ESCOUFLE I 7
Et chevauchent dusqu'a la porte 535 Tant qu'entré sont en la cité.
Aine mais li quens n'i ot esté.
Ke ke li rois ala encontre,
Les gens ont fait movoir encontre (f. 5 c)
Lor ostex la voie et la rue ; 540 Nis la petite gens menue,
Devant lor huis font herbe espandre,
Et li riche home ont fait portendre
Les maistres rues de samis,
De dras de soie, ovrés, treslis.
545 Dorées d'or, riches et chieres;
Bêles dames o simples chieres,
Ot plus de mil monté as estres;
As huis, as soliers, as fenestres.
N'estoit pas la joie petite.
55o Aine puis le tans Pieron l'ermite
Ne vint mais chevaliers de France
Cui on fesist tele honorance
En la cité de Jersalem.
A tel joie le mena l'en 555 Jusc'au Sépulcre et jusc'au Temple;
Tos li mostiers et la place emple,
Quant li rois et li quens descendent.
Pieça que li baron l'atendent
As crois et as processions.
56o Sa grans proece et ses renons
L'ot mis en tel auctorité,
K'a son recevoir ont esté
Trestuit cil qui aler i porent.
Entré sont el mostier, si orent 565 Li pèlerin de moût bon cuer.
Li cuens se couche enmi le cuer,
538 Au lieu de movoir le sens réclame un mot comme portendre ou jonchier. — 5^5 Corr. De robes? — 553 Ms. ihrl'm.
Iô L ESCOUFLE
En crois, desor le pavement, Et prie Dieu si faitement (f. 5 d)
Ke, si com il fu mors et vis, 570 Li doinst les mortex anemis De la foi et de la créance Vers eus tant vertu et puissance K'il puist sor eus, par fine guerre, Terre et honor et pris conquerre.
Lors s'est levés de s'orison :
Ses camberlens de sa maison
K'il ot norri de longe main
Li aporte et met en la main
Une coupe d'or de .x. mars.
58o Dedens estoit portrais rois Mars,
Et s'i estoit conment l'aronde
Li aporta d'Yseut la blonde
Le chevel sor par la fenestre,
Et conment Tristans en dut estre 585 Ocis en Irlande en sa terre;
Et la nés en qui l'ala querre
Estoit portrait' en cel vaissel.
Defors, entor, sor le noiel,
Estoit entailliés a esmaus 590 Tristans et maistre Govrenaus
Et Yseus et ses chiens Hudains,
Conment il lor prendoit les dains
Et les cers sans noise et sans cris.
Sor le corvecle estoit li lis 595 Conment il jurent en la roche,
Et conment li brans o tout l'oche
Fu trovés entr'aus .ij. tos nus,
Et conment Mars les ot veûs, (/. 6)
572 Corrompu? — 583 Ms. cheval. — 584 Ms. Tristrans. — 585 Ms. Isiandc. ~ 090 Ms. Govreinaus.
Et conment il en ot pitié,
600 Et conment il n'a esveillié
Ne lui ne li, tant fort les aime, Et conment vint parmi la raime .1. rai del soleil sor la face, N'en riens el mont qui tant li place,
6o5 Conment il li mist lés l'oreille
Son gant si bel que ne Pesveille, Que li solaus mal ne li face ; Or n'a mais talent qu'il le hace ; Conment il les vit sos les rains.
610 Sor le pumel estoit li nains,
Conment il jut sor les planciés, Et conment il fu engigniés, Et conment Yseus l'aperçut, • Et conment Tristans la déçut,
61 5 Qui trop sot et d'engien et d'art;
Conment il l'ocist maugré Mart.
'ex est la coupe dusqu'en son :
Itex com nos la devison
L'ala li quens Richars offrir.
620 Ses camberlens va poroffrir
Et doner a ses compaignons
Offrande a tos, car c'est raisons.
Li quens offri au maistre autel :
Si compaignon fisent autel 625 Après lui, tôt en une route.
Li rois et sa maisnie toute
Sont el cuer ou il les esgardent.
Et cil ki le Sépulcre gardent, (/. 6 b)
Les reliques et le trésor, 63o Ont pris le riche vaissel d'or.
Moût l'esgardent, cascuns s'en saigne
Por la biauté et por l'ouvraigne
Ki si est riche tôt entor.
Li quens lor prie par amor, 635 Ains k'il s'en aut a son ostel,
Que, por Dieu, sor le maistre autel
Soit pendus cil riches vaissaus;
Et cil par cui li mons ert saus
I soit et mis et honerés.
640 « Sire, ja mar em parlerés, »
Font il, « tôt iert a vo devis.
« Hui en cest jor i sera mis,
« Ja n'i querrons atendre plus :
« N'en doit douter ne vos ne nus.
Quant tuit ont offert et oré, Li rois qui moût l'ot honeré
Et qui encore adès s'en paine,
Fors du mostier l'adestre et maine
Jusc'a son cheval en la place.
65o N'i a .j. seul cui moût ne place
Li quens de tos ceus qui le voient.
Jusc'a son ostel le convoient
Ki moût fu biax et bien garnis.
Sor couches et sor dras de lis 655 Ont mis tapis et kieutes pointes
Qui moût erent bêles et cointes;
Par terre ont frès joins estendus.
Atant est li quens descendus (/. 6 c)
Au perron, et li rois le laisse.
660 Li quens l'encline, si s'abaisse,
Sel prent par son bliaut de Sire.
« Sire rois, » fait il, « gentix sire,
« Grans mercis de vo biau samblant. »
Li rois sor son cheval ambiant 665 S'est abaissiés tant k'il le baise;
N'i a .j. seul cui moût ne plaise
Ce que li rois faisoit del conte.
Atant les laisse et ii quens monte
L ESCOUFLE 2 I
A son ostel par les degrés.
670 Moût set a ses serjans bons grés
Ki si bel ostel li ont pris :
Il furent sage et bien apris,
Et sorent bien c'on devoit faire.
Lor ostes fut moût debounaire 675 Ki de quanqu'il puet les aaise.
Or sont li pèlerin a aise ;
Ostent eskerpes et bordons;
Et quant il fu tans et saisons
C'on dut parler des tables mètre, 680 Cil ki s'en durent entremetre
Les ont mises toutes a tire
Si bel que nus n'i sot que dire;
Mais ains c'on asieche au mangier
Li senescal, li boutillier 685 Font aporter le vin as tines
Et font corner a .ij. buisines
Le laver, si com faire soelent,
A trestous ceus qui manger voelent, (f.6 d)
Ki sans signor sont en la terre.
690 A fait li bons quens les gens querre
Par la vile et par la cité.
De lonc tans ot acoustumé
Cort a tenir grant et pleniere.
Que par amor, que par proiere, 695 Que por le bon conte acointier,
En la vile n'ot escuier,
Chevalier, garçon ne serjant
N'i alast mangier tôt errant.
Tant i vindrent que ne peut estre Qu'en la sale n'en demi l'estre
677 Le ms. marque ici un nouveau paragraphe par une grande initiale. — 687 soelent, ms. voelent. — 690 A, corr. Si. — 699 Tant, ms. Qant.
Peiissent tôt seoir en renge
Li chevalier ne li estrange,
Ains s'en sist assés par la cort.
Li renc n'estoient mie cort yoS Des garçons ne de la ringaille :
Ausi i volent conme paille
Vins, viandes a grant merveille,
Cil qui ot tote gentillece
Le conmanda ensi a faire.
710 II n'estoit riens qui deiist plaire,
C'on deiist boivre ne mangier,
Dont il n'eiist a cel mangier :
Venisons, lardés et daintiés,
Et lardés qui ne sont pas vies.
7 1 5 Poissons de douce eve et de mer
Ki ne sont porri ne amer
I ot en esseu et en rost,
Et tant qu'il n'i eut nul n'ait rost (/. 7)
Devant lui ; neïs li garçon 720 En orent tuit si grant fuison
Com se ce fust de char de vache.
Moût par ama tous tans barnage
Icist quens de Mostierviler.
Après mangier fist on oster 725 Napes et tables ; cil qui[s] mistrent
Moût bel de l'oster s'entremistrent.
Li vallet corent as bacins ;
Moût en i ot d'argent tos fins
Por doner aige as chevaliers.
73o Li quens Richars lava premiers.
Por ce qu'as chevaliers n'anuit,
Li quens ki moût amoit déduit
703 Ains, ms. Aine. — 707 Lacune après ce vers? — 714 lardés, ici ou au vers précédent, a pris la place d'un autre mot. — 726 Ms. del ostel.
Fait vieler et lais et sons.
Et que donkes de pluisors dons 735 K'il done as chevaliers estranges ?
Ne de bordes ne de losenges
Ne servi pas com on fait or,
Mais de moût riches joiaus d'or
Et de hanas d'or et d'argent.
740 N'i a chevalier ne serjant
Qui voelle prendre qui riens vaille
K'il n'ait du sien ains k'il s'en aille.
Moût i dona biax dons et gens ;
Mais plus plaisoit encor as gens 745 Ses biax soûlas ; ses biax samblans
Moustre k'il est plus liés .x. tans
Des dons que cil cui il les doune.
Tôt quanqu'il a lor abandoune, (f. 7 b)
Car ce fait sa grans gentelisce.
75o Cil li présentent lor service
Et lor avoir por lui servir :
« Et Diex le me doinst deservir,
« Que si ferai ge a mon pooir ;
« Et s'il auques de mon voloir 755 « En fait, vos i avrés tôt preu. »
Moût le tenoit chascuns a preu
Por les grans biens qui en lui sont.
Atant prendent congié, si vont
La jus el bore, a lor ostex.
760 Li quens qui n'iert autres que tex,
Remest o sa privée gent.
Lés .j. eschequier bel et gent
S'assist por jouer a son oste.
Tant ont joué que on li oste 76b L'eschequier por la nuit qui vint.
Le jor, tôt quanqu'il lor convint
734 Corr. Et que dirons? — 751 Lacune après ce vers}
Orent a joie et a déduit.
Li camberlenc qui furent duit
De faire et d'atorner les lis, 770 Fais les ont por les endormis
Ki gisoient lés l'eschequier :
« Signor, je vos pri et requier, »
Fait li quens, « que vos vos levés. »
Quant il lor a congié donés, 775 II se lievent, si vont couchier
Sans noise faire et sans dangier.
Après eus s'est couchiés li ber
Ki n'ot talent d'aler rober. (/. 7 c)
Tote la nuit dort et repose 780 Et del matin une grant pose
Jusque vers prime ; ains qu'ele sont,
Il se lievent ; levé se sont
Si compaignon a moût grant rage.
Chevalier cel jor et message 785 Vinrent devers la terre as Turs
Noncier c'onques li rois Artus
N'ot si grant ost en .j. seul jor,
Com li rois d'Inde le Major
Et cil de Mosse ont assamblé.
790 Cil mes s'en sont par nuit emblé
D'un chastel qu'il ont ja assis.
Il ont dit au roi, tôt ausi
Com lor connestables lor mande,
K'il n'ont preu gent ne preu viande, 795 Cor les secoure o sa grant ost,
Qui si fort castel qui soit n'ost,
Fors celui, tenir en la marche.
Li rois mande le patriarche
Et les barons et les Templiers, 800 Por ce c'or en est li mestiers
De conseil prendre vigereus.
« Sire, » fait au roi uns de ceus
Ki mix fu de cort et plus sages,
« Entrues c'on voit ci les messages, 8o5 « Car envoies querre le conte
« Et sa gent, qui set que ce monte
« Et de guerre et de tel afaire. »
Et dist li rois : « C'est boin a faire. [f. 7 d)
« Aies i donc li dui de vos:
810 « Se li dites k'il viengne a nos. »
tant s'en vont querre le conte.
Il est venus : li rois li conte La dolor et la mesestanche :
Que li Turc, par outrecuidance,
8 1 5 Sont entré par force en lor terre.
« Ore », fait il, « s'en voel requerre « A vos tos conseil et aïe, « K'uns seus hom, s'on ne li aïe, « Ne se puet pas vers mil combatre;
820 « Et se je puis par vos abatre;
« L'orguel des félons mescreans, « A tos les jors de vos vivans « En ares mais honor et pris. »
Li quens Richars a sor lui pris
825 De respondre le hardement,
Car nus preudom ne set conment Il se puist taire au grant besoing :
« Sire, » fait il, « or n'aies soing « De mètre en délai cest afaire;
83o « Mais faites tost vos letres faire
« Et mandés vos homes par briés.
« Gardés que moût soit li jors briés « Et li termes de la semonse.
« Moût doit bien savoir que ce monte
835 « Qui onques n'a esté sans guerre.
« Soudoiers, serjans faites querre « As chastiax, as cités sor mer;
« Ne nus ki armes puist porter, (f. S)
« Ne remaigne dusc' a Cesaire.
840 « S'irons sor la gent de mal'aire
« Le regale Dieu calengier.
« Or sachiés que moût lor quit chier
« Vendre lor orguel et l'entrée.
« Tote en sera roge l'estrée 845 « Del sanc ki i ert espandus.
« Les Normans a .iijc. escus
« Lor mosterrai en l'avant garde,
« Se vos et vos consaus l'esgarde
« Que m'en voelliés faire le don. »
85o Miex l'en prisent tôt li baron
Del haut don k'il a demandé.
Lues droit furent par tôt mandé
Li chevalier et li serjant.
Moût par ot li rois bêle gent 855 En cels qui furent assamblé :
Tôt en sont plain et emblaé
Plus de .x. liues la campaigne.
Et li quens et la grans compaigne
S'en vont en l'ost avoec le roi.
860 Por ses grans gens, por le conroi
Et por le hardement k'il ot,
Li rois n'a baron qui ne lot
Qu'il en face signor et mestre
De tôt l'ost, qu'il paroit bien estre 865 De grant cuer et de grant afaire.
Tant li ont dit qu'il en font faire
De tôt l'ost signor a devise
Et c'on fait tôt quanqu'il devise. (f. 8 b)
Tos fu maistres et connestables :
Li déduis d'esches et de tables
869 Tos, ms. Cos; ou corr. De l'ost fu maistre?
N'i fu gaires ramenteùs,
Car li os n'est arresteus
Plus d'une nuit en tref n'en tente;
Et li quens a toute s'entente 875 A ses anemis aprochier.
Tant a fait les os chevauchier
K'il vinrent a une rivière
Dont on puet veoir la fumiere
De l'ost lor mortex anemis.
880 Li quens sor cui li rois ot mis
Fist l'ost logier sor le rivage;
Cil fait peus et cil autres sache
Une corde por terre prendre.
Tant riche tref i fist on tendre, 885 Tant aucube, tant pavillon,
Bien ont .v. Hues environ Porpris de la grant praerie. Et quant la grans chevalerie De l'ost ot soupe et mangié 890 Por ce qu'il sont si [aproichié],
De l'ost u Diex a poi d'amis, Il ont les frains as archons mis Et ont fait lices jusc'au roi.
Li quens a fait le tref le roi 895 A mil serjans eschargaitier,
Puis s'arme, et tuit si chevalier S'en vont gaitier par la rivière...
Tant ont aie c'a une Hue (/. 8 c)
Vinrent de l'ost as mescreans.
900 Fait li quens ki moût fu vaillans :
« Signor, en ceste sainte terre « Venimes nos celui requerre
890 Ms. Por ce qu'il sont si poi amis. Les deux derniers mots ont été rayés mais non remplacés. — 8g3 La fin du vers est probablement corrompue. — 897 Lacune après ce vers.
« Ki por nos vint de vie a mort.
« Vos savés bien c'a moût grant tort 905 « Sont cist gloton sor lui venu.
« Il sont ci as loges tôt nu
« Por reposer et por dormir :
« Alons les as brans estormir
« Et as espix fors esmolus.
910 « Moût lor doit estre chier vendus
« Lor outrages et lor venue.
« Se cil qui se mist en la nue,
« Quant il monta ens es [sains] ciaus,
« Nos veut aidier, et nuire ciaus 915 « Ki li tolent son iretage,
« Bien i pueent avoir damage
« Et nos a tos jors los et pris.
« Bien sachiés qu'en tel l'ai empris,
« Se vos ensuïr me volés, 920 « A cest brant que j'ai çaint au lés
« I trencherai ja mainte corde. »
Chascuns des chevaliers s'acorde
A la volenté lor signeur.
« Sire, » font il tuit, « alons leur 925 « El non du fil sainte Marie.
« Ki n'i fera chevalerie,
« Ja n'ait il mais en terre droit ! »
Atant s'en vont vers l'ost tôt droit, (f. 8 d)
Moût coi, les batailles rengies; 93o Et quant sont près a .ij. archies,
Cil qui lor portent lor escus
Lor ont par les guiges rendus,
Et cil les ont a lor cols mis,
Puis escrient lor anemis :
935 « Traï, trai ! ferés, ferés!
« Félon paien, n'i garirés,
« S'onques Diex fist riens por saint Jorge. »
Cil cheval espandent lor orge
Et esrachent tos lor paissons; 940 Par les tentes, par pavillons
Les desconfisent et enchaucent.
Cil se vestent et cil se chaucent
Et cil endossent lor clavains.
Cil qui armés fu daarrains 945 Les atendi a grant meschief ;
Et cil ot paor de son chief
Ki n'i ot hiaume ne ventaille.
Moût par fu dure la bataille
Et li cris grans as pavillons.
95o Tex .c. s'en sont pris as arçons
Des destriers ki mar i montèrent.
Les navrés et les mors osterent ;
S'acuellent ciaus ki s'enfuioient.
Li serjant enhardent et loient 955 Prisoniers, destriers et kameus.
Il se hastent, ains qui mieus mieus,
De chacier por mètre el repaire.
Ançois ke li jors lor apaire (f. g)
Se sont il tôt el retor mis, 960 Car la force a lor anemis
Et li armé lor sont creii :
Mais qui le conte eûst creii
Encore durast li estors.
Moût par en fu biax li retors 965 Por ce qu'il orent le millor.
Ki donques veïst lor signor
Mètre derrière entre .ij. routes!
Si bel enmaine ses gens toutes
K'il n'i ot perte ne damage.
970 Moût par sot bien devers sa nage
L'espiel tenir et affeutrer.
Quant nus des Turs le cuide outrer,
956 Ms. mieus miels. — 967 Mètre, corr. estre? cf. io58.
3o l'escoufle
Moût li a tost douné par mi.
Tex est devant, s'il fust en mi, 975 Ki n'i perdist ja nule chose.
Moût est li Turs preus qui li ose
Lancier son espiel ne son dart :
Il li lancent de mainte part
Gavelos trenchans et aciers.
980 Cil qui vont après les chargiés
Reguencirent quant mestiers fu.
Des bons brans ausi com d'un fu
Volent en haut les estinceles.
Des espiex, des lances noveles 985 I estoit grans li fouleïs.
De cels qu'il orent porsuïs
I ont moût pris et abatus :
Tuit disoient c'estoit Artus (/. g b)
Ou Gauvains qui sont revescu, 990 Q'ainc mais de lance ne d'escu
Tant de gent si bien ne s'aidèrent.
Cil s'en vont et cil retornerent
Ki ne sevent quel part il chacent :
Durement dient et manacent 995 K'il lor vendront demain au jor.
Li Normant n'ont pas fait sejor
Ki ont fait tel chevalerie.
Moût ont richement calengie
La sainte terre o les boins brans.
1000 Li jors apert ki n'est pas grans.
uant il repairent a lor gens, Li cheval, li ors, li argens Et li prisonier qu'il ont pris Lor done moût honor et pris oo5 Et li hardement qu'il fait orent :
979 aciers, corr. agiés? — 992 Corr. le premier cil en cist ^
Moût sont cil dolant qui n'i orent
Esté a la desconfiture.
Li quens fait lues, tôt a droiture,
Par l'ost soner grailles et cors ; ioio Moût a vasselage en son cors
Ki tant puet paine de combatre.
Il fait tentes et très abatre
Et rechargier son grant karoi.
Fait il as barons et au roi :
ioi5 « Sempres raverons la bataille. »
A lui deslacier la ventaille
Salent baron et duc et conte.
Sa biautés li croist por la honte (/. g c)
Des haus barons qui le servoient.
1020 « Diex! » font cil de l'ost qui le voient,
« Quel chevalier et quel preudome!
« Aine puis le tans César de Rome
« Ausi bons bers ne fu veiis.
« Car esgardés com ses escus 1025 « Est frais et troués et mal mis!
« N'a pas trové cels ses amis
« Ki si li ont frait et quassé. »
Tôt cil de l'ost sont amassé
Por lui esgarder a merveille ; io3o Moût par avoit clere et vermeille
Sos le camois la clere face.
Il a prié au roi qu'il face
Armer ses gens isnelement,
Car il set bien certainement io35 Que li paien vienent sor iaus,
Car il sont moût dolant de ciaus
Ki la nuit ont esté ocis.
Lors se sont par la terre assis
Ki mix mix tuit li chevalier.
1 040 Ki lor veïst chauces chaucier
Et traire haubers des fambaus !
Li plus couars devint plus baus
Et prist cuer por estre hardis
Por la proece et por les dis 1 045 Del boin conte qui s'esbaudist.
Tuit [ont] ensi fait conme il dist;
Armé se sont isnelement,
Monté sont tuit conmunalment; (f. g d)
Si se partent de la rivière.
io5o Diex! tant penon, tante baniere
I ot fermé a claus d'argent !
Aine mais ne vi tant bêle gent.
Quant li os fu en som le tertre,
Li quens Richars qui en fu mestre io55 D'atorner et d'apareillier,
II fait les chevaliers rengier Et chevauchier tôt sans desroi Et fist estre les gens le roi Derrière et devant l'estandart.
1060 Li Templier furent d'autre part
Ki lacent hiaumes et ventailles
Et ont rengies .ij. batailles
Des chevaliers si combatans,
Ja tant com uns en soit vivans io65 Ne partira de la bataille.
Li quens prist de la vilenaille
Et des serjans des mix armés
Et tant c'om les a bien esmés
A .xxxm. armes portant.
1070 Cil ki savoit de guerre tant
Les a rengiés entre les routes
Des chevaliers qu'il avoit toutes
Si bien et si bel ordenées,
Et ses gens qu'il ot amenées 1075 Mist en conroi devant tôt l'ost,
io56 rengier, ms. nagier.
Por ce qu'il n'i ait nul qui ost
Fuir del camp tant conme il vive.
Chascuns des Normans moût s'avive (/. 10)
Por combatre, por soi deffendre.
1080 Ki lors veïst as archons pendre
Les bons brans, les miséricordes !
Li serjant metent doubles cordes
A lor ars por ce qu'il ne faillent.
Li quens lor dit, por Dieu, qu'il aillent io85 Le pas souef, que qu'il aviegne,
Et que chascuns si cois se tiegne
K'il ne die .j. mot de sa bouche.
Li uns des os tant l'autre aproche
K'il s'entrevirent tôt de plain.
1090 Moût par avoit petit de plain
Entr'eus .ij. [et] de terre vuide.
Li quens, qui tote met s'estuide
Et son cuer por honor conquerre,
Il vit covrir tote la terre 1095 De chevaus, d'escus et de gens :
Il paroit estre li plus gens
Des .ij. os et li plus adrois.
Moût par estoit et biax et drois :
S'ot le col lonc sos la ventaille; 1 100 Li haubers fu de double maille,
Blans et clers plus que tains d'escus.
Li siens li fu au col pendus
Que li avoit doné li rois :
Tote la guige fu d'orfrois.
1 io5 II ot .j. brant nu çaint au lés,
S'ot grosse hanche et Ions costés
Et le pis lé et la forcele,
Et sist el destrier de Chastele (/. 10 b)
1094 II, corr. I? — 1106 Ms. lonc.
Ki tos estoit de fer covers.
1 1 1 o Moût par estoit biax et apers
Et s'ert grans et fors li destriers.
Il s'est afichiés es estriers,
S'estent la jambe une grant toise :
De nule part ne li adoise 1 1 1 5 Li pies au flanc ne au costé.
Uns siens vallès près du costé,
Nés fu en la terre de France,
Li ot aporté une lance,
.1. penoncel ot en son mis.
1 1 20 Si armés et si ademis
Ert li quens Richars en l'angarde.
Or soit Jésus de sa gent garde,
Que les os sont moût aprochies.
Il n'avoit mie .ij. archies 1 125 Entre .ij. de bois ne de plaingne.
N'i a chevalier qui ne prengne
Sa lance ou s'espée ne traie.
Nus n'i a le cuer en le braie,
Ains sont hardi conme lion.
1 1 3o II n'atendent mais se tant non
Que li quens lor die : « Pongniés! »
Moût en i a ja d'eslongniés.
Par devant l'ost qui Dieu ne doute
Venoit uns Turs, tos seus, sans route, 1 1 35 Armés sor .j. grant destrier sor.
Ses escus ert d'azur et d'or,
Bendé[s] a flors de l'un a l'autre.
Richement vint lance sor fautre (/. io c)
Devant les autres .j. arpent, i 140 Et sor le destre braç li pent
Une ma[n]ce tote de soie.
Jamais, en quel lieu que je soie,
N'orrai parler d'une plus riche.
Près del poing li ferme .j. afiche
1 145 Massice d'or, a .ij. lupars.
Dedens, defors, de toutes pars
Ot flors de glai de fil d'or faites,
Et s'ot letres entor portraites
D'uns chevels si fins et [si] sors :
1 1 5o Tôt pert estre .j., chevels et ors,
Et de biauté et de color
Et en la letre et en la flor.
Tel Pot faite de chief en chief
Celé qui ot le plus biau chief, 1 1 55 La fille au riche roi de Perse.
N'avoit mie la face perse,
Ains ert bêle et de gent ator.
Ce dient les letres d'entor
Qu'ele ot faites por son ami.
11 60 Ne li ot pas doné demi
Son cuer, mais tôt, la pros, la france.
Bien doit avoir lonc de la hance
Le cuer cil qui tel mance porte.
L'amors s'amie li enorte 1 1 65 K'il soit prex et frans et hardis.
En son la lance estoit burnis
Li fers trenchans et amorés,
Et dist jamais n'iert honerés (f. 10 d)
S'ancliois que li doi ost ajostent, 1 170 S'il et aucuns des Frans ne jostent
Entre les .ij. os por s'amie.
Li quens Richars ne prisa mie
Son orguel et son vasselage,
Ains tenoit moût a grant damage 1 1 75 K'il venoit tos seus devant l'ost.
Tos seus l'escu prist et si tost
Ce paroit estre une merveille.
Li quens s'atorne et apareille
11 55 Grande initiale dans le ms.
Por avoir la première jouste, 1 180 Et ses vallès lés lui s'ajouste Ki li met en la main la lance.
Il ist fors des rens, si s'avance Vers le paien qu'il n'aime goûte.
Il a l'escu bouté del coûte
1 1 85 Et l'enarme li saut el poing.
Li paiens l'aperciut de lo[i]ng K'il a por joster l'escu pris ; Bien cuide avoir le jor le pris, Se Mahon le grâce l'en doune.
1190 Le cheval point et esperoune
Vers le conte et li quens vers lui.
Tant ont esperoné andui
Que li uns d'aus a l'autre assamble.
Li paiens le fiert, cerne samble, 1 1 95 Haut en l'escu parmi le pis.
Tos li fers est outre saillis
A tôt une toise de fust.
Se Diex et s'aide ne fust, (f. 11]
Bien li peust avoir fait plaie.
1200 Tote la lance froisse et plaie
Si qu'en l'escu remest li trous.
Li quens li repaie a estrous
Ce qu'il li doit, tôt a droiture :
Si le fiert sor la targe dure 1 20 5 Que tôt vole outre et fust et fers :
Nel pot garandir li haubers
Ki moût estoit blans et trellis.
Très parmi tôt le gros del pis
Li fait le fer el cors baignier.
12 10 Por mix son poindre aparfongier, Si durement boute et empaint Que tote la lance li paint
11 86 1', corr. s' ?
Ou sanc vermel dusk1 au penon; Maugré le daarrain arçon 1 2 1 5 Ki tos défroisse et escantele, Li fait faire torneboiele Parmi la crupe du cheval.
Que que li Turs chai aval, Tos li os as paiens desroute 1220 Por le secorre, et une route
» Des Normans repoint por le prendre. Li quens ne velt al cheval tendre, Ançois lor cort vistement seure.
Li paien vinrent jusque seure 1225 Celui qui juta terre mors, Et li Normant a grans effors Les reçoivent as fers des lances, Aine n'i ot autres deffiances. (f. 1 1 b)
Qlï
lors veist poindre les Frans!
i23o V^ Li quens, qui fu hardis et frans, Lor cort seure, le grant branc trait.
N'a soing de mire ne d'entrait Cui il consiut sor la ventaille; Quanqu'ii consiut tôt caupe et taille,
1235 Et fer et fust et char et os. Nus des paiens n'estoit si os K'il arrestast enmi la route.
La première bataille toute A desconfite et desfouchie;
1240 Devant sa gent, plus d'une archie,
Va prendre au frain le roi de Mosse.
Ses gens, qui doutent la rescousse, Brochent après et esperonent :
Des grans cols qu'il fièrent et donent
1222 velt, ms. valt. — 1226 Ms. Normans.
i 245 Faussent hauberc et froissent hiaume ;
Maugré tos ceus de son roiaume
L'enmaine a l'estandart tôt pris
Li quens qui ot le jor le pris
Et le los de chevalerie.
i25o Li Franc et li rois de Surie
L'en esgardent moût et honeurent.
Por la grant joie qu'il en eurent
Poignent, si se sont arrouté.
Tant que les lances ont esté 1255 A brisier et li fort espié,
Ne trovast on de terre .j. pié
Ou il n'eùst Turc abatu.
Par fine force et par vertu (f. ne)
S'en vont li vif parmi les mors.
1 260 Par le grant sens et par l'effors
Et par la proece le conte
I ont cel jor li Franc par conte-
Tex .vijxx. Turs que mors que pris ;
Cil qui estoit de plus bas pris 1265 Estoit princes ou amiraus.
Cel jor en ot moût le noaus
Mahons, lor diex, et Tervagans,
Qu' aine mais ne fu [si] fais lagans
Veùs de tex chiens .j. seul jor.
1 270 Les âmes ne font pas sejor,
Ançois s'en vont droit en infer.
Diex! tant tronçon o tôt le fer
I ot le jor en sanc baignié
Et tant bon destrier gaaignié !
1275 Dont li signor sont abatu.
Tôt li larris et li erbu
Sont arengié des abatus.
Se li vespres ne fust venus
1276 erbu, ms. ertu.
Et la nuis qui le jor lor amble, 1280 Jamais li paien, ce me samble,
N'asamblaissent a nos François.
Neporquant s'en ont il ançois
Tant ocis, ains que li jors faille,
Que onques Rollans en bataille 1285 De Renchevax tant n'en ocist,
Ne tôt cil qui Charlles ocist
Por l'arriére garde avec lui.
Li estors remest et li hui (f. 1 1 d)
Por la nuit qui lor sor main.
1290 Nus des nos n'en vint vuide main :
Qui vousist prisons ne chevax,
Par ces larris et par ces vax
En vont plus de mil estraier.
Cil qui n'ot ronci ou destrier 1295 Le pot et bon et bel avoir;
Se li plus povres n'ot avoir,
Il en ot a moût grant plenté.
Tôt chargié s'en vont arrouté
Vers lor loges sor la rivière.
1 3oo Tote la nuis passa entière
Ains que li os fust herbergié.
En aniax, en buies, en gié,
Misent lor prisons cil kis orent;
Et Normant nesun mort n'en orent i3o5 Ne navré. S'en fui la nuit.
Por ce que je criem qu'il anuit
Et que j'en mençoigne ne chiée,
N'os je dire en quel chevauchi[é]e
N'en quel ost li Franc s'en alerent, 1 3 10 Puis d'ilueques se remuèrent.
1286 Corr. cui Ch. tramist? — 1289 Corr. qui sort aparmain ? — 1296 n'ot, corr. vot? — i3o6 je, ms. ne.
e voel c'on m'en prengne a mençoigne, Mais tant vos di je sans aloigne,
Moût fist li quens bien en la terre :
Il destruist si les Turs par guerre, 1 3 1 5 Que par son sens que par s'aiue,
K'il lor fist doner bone triue
A .iij. ans; ne n'en doutés mie
K'il plus de jornée et demie [f. 12)
Ne g[a]aignast la marce en la, 1 320 Qu'ele ert quant il i vint de la.
Moût i fist bien en poi de tens.
Après la triue ot tel porpens
Qu'il les semont qu'il s'en retort
A ses amis et qu'il s'atort i325 Por repairier en sa conté.
N'avroie a pièce tôt conté :
Il prent congié au patriarche
Et au roi et a son barnage
Et as Templiers et as barons.
i33o Et quant il ot ses orisons
Fait au Sépulcre et congié pris,
Por sa hautece et por son pris
Li rois et la gent qui le voient,
Tuit cil et celés le convoient, 1 335 Sont dolant de ce qu'il s'en va.
Li don que li rois li dona
Valent plus de mil mars d'argent.
Il n'a chevalier ne serjant
Cui li rois n'ait joiaus donés, 1340 Et si les a tant honerés
K'il s'en départent em plorant.
« Dous amis, » fait li rois, « comment
i3i2 aloigne, ms. alange. — i3i5 Ms. aieue. — 1 3 ig Ms. de la. — i32o Qu'ele, ms. Celé. — 1 3?4 Corr. quil c. ?
« Me porrai je de vos partir?
« Diex devroit bien la mer partir 1 345 « Por vos retenir en sa terre.
« Encore eûst il a conquerre,
« Se ne fuissiés, mainte cité. »
Quant il orent grant pièce esté (f. 12 b)
Li uns entre les bras a l'autre, i35o II s'entrebaisent, et li autre
S'en départent a moût grans cris.
Li rois s'en retorne maris
Et li boins quens s'en vait plorant.
Vienent a la mer maintenant, 1 3 5 5 S'entrent es vaissiax et es nés.
Il ont en haut levé lor très
Et li vens est férus es voiles.
Nagent et siglent as estoiles
Tant qu'arivé sont a Brandis, i36o Si home ont par la vile pris
Les bons ostex et la viande.
La nuit a tôt quanqu'il demande,
Tant c'on parla d'aler couchier.
Au matinet por chevauchier 1 365 S'atorne li quens et si home;
Tôt droit le grant chemin de Rome
S'en vont a petites jornées :
Que par gistes, que par jornées,
S'en son venu a Bonivent.
1370 L'empereres novelement
I ert venus por sejorner.
Li quens a fait sa gent aler En la cité por prendre ostex :
Pris les ont bons et biax et tex
1375 Com en la vile millors n'ot. Et quant l'emperere le sot,
II fait les gens as ostex prendre,
Car, por .v c. mars a despendre, (/. 12 c)
Ne vousist il que li preudom i38o Eiist ostel, se le sien non.
cort fait mener les somiers; As serjans qui ont les mestiers
Font servir a l'ostel le conte
Fait baillier, sans nombre et sans conte, 1 385 A chascun quanque li covint.
Liés est del conte qu'il i vint
Ki tans biens a fais outre mer.
Fait il : « J'en doi moût Dieu amer
« De l'onor qu'il faite m'en a. »
1390 Ses compaignons quanqu'il en a
Envoie encontre a moût grant joie ;
N'i a .j. seul qui ne se joie
A l'encontre del haut prodome.
De par l'empereor de Romme 1395 Salué l'ont moût liement ;
Et li mande moût hautement
Que bien puist il estre venus.
Li boins quens lor rent lor salus
Bien et bel, qui estoit moût sages.
1400 Liement vient o les messages
Et ses gens dusqu'en la cité.
Que ke cil ont encontre esté,
L'emperere par gentillece
Fist faire une grande largece, 1405 Qu'il fist portendre son palais,
C'on peiist faire grant eslais,
Je cuit, entre les .ij. pignons.
De dras roés, de siglatons (/. 12 d\
Estoit bordés et portendus.
1410 Atant est li quens descendus
Au perron o tôt sa maisnie.
1 383 Font corr. Pour ou De?— 1 387 Ms. fait. — 1408 De, ms. De.
L'empereïs qui en est lie
Li vait encontre et l'emperere :
S'il fust ou ses fix ou ses frère, 141 5 Se li fist on assés d'ounor.
La dame, après l'empereor,
L'acole et baise o bêle chiere.
Fait li quens : « Douce dame chiere,
« Grans mercis de vo bel samblant. »
1420 L'emperere s'en monte atant
Le degré qui n'est pas a vis,
Et li quens et l'empereris
S'en vont dalés lui coste a coste.
Ki tel ostesse a et tel oste 1425 II ne doit pas estre hontex,
K'ainc mais ne fu uns tex ostex
A prince n'a duc ne a conte.
.xv. jors sejorna par conte.
Li quens et ses gens ou palais.
1430 Ne m'en blasmés pas se jo lais
A raconter la grant richece
Et la plenté et la largece
Des viandes et des bons vins,
K'ainc, puis que li sages Mellins 1435 Fu mors, nus hom tant n'en dona.
Li quens tant povre garçon n'a
Qui n'ait a cort quanqu'il devise.
On fait lor signor a devise (f. i3)
Quanc'on cuide que bon li soit.
1440 Savés ke moût enbelissoit
La feste et l'onor et Pafaire,
Que l'emperere li fist faire
De jor en jor presens divers,
Non pas de saie a .ij. envers,
1420 Sic; on pourrait corriger L'empereres en. — 1440 ke, ms. ki. Corr. Saciés au lieu de Savés?
1445 Mais d'or, de pieres, de samis,
De dras de soie estraelis
Ou de destriers o grant déduit ;
Ostoirs de .vij. mues ou .viij.
Li dona, qu'il en a assés.
1450 Ne li fu pas encore assés,
S'il ne fuissent adès ensamble.
Puis la quinsaine, ce me samble,
S'est atornés por chevauchier
Li quens cui moût ot tenu chier 1455 L'empereris et l'emperere.
Aine mais par nul home de mère
Ne fu nus quens si honerés.
Quant ses harnas fu atornés,
Il prent a la dame congié :
1460 « Dame, » fait il, « ja m'en vois gié
« Gonme li vostre chevaliers.
« Grans mercis quant si volentiers
« M'avés honeré et veii. »
S'il ot de ses joiaus eu, 1465 Encore en ot il au partir.
El ne le lait de li partir,
Ains vait o lui dusc'au degré.
O son congié, o son bon gré, (/. i3 b)
S'en part et tuit si compaignon ; 1470 Et si serjant et si garçon
Se sont pieça mis a la voie,
Et l'emperere les convoie
Dusqu'a[s] chans por plus honerer.
Il porroit ja trop demorer, 1475 S'il ne li dist et fait savoir
La besoigne qu'il a d'avoir
Sa grant aïe et son secors.
Lés lui s'acoste par amors ;
145 1 Ms. assamble.
Sel prent par la resne de soie, 1480 Parmi uns blés ou uns hom soie
S'en vont travers chans ambedui.
Lors li conmence son anui
A raconter et sa grant ire :
Gomme il vint primes a l'empire, 1485 Comme il mist ses sers de desus,
Gomme il ot maté et confus
Contes, haus barons et chasés.
Fait il : « Or est si révélés
« Li grans org[u]els de ma servaille 1490 « Que je n'iere tex que je aille
« De vile a autre sans conduit.
« Il ont mes forés, mon déduit,
« Mes chastiax, mes riches cités;
« Et cil que j'ai por eus matés 1495 « M'ont laissié tôt si a .j. fais
« Que honis soit princes qui laist
« Por ses vilains ses gentix homes.
« Li besoins que j'ai de preudomes (f. i3 c)
« Me ramentoit ma vilounie.
i5oo « Maleiirés qui prent et lie
« Les siens et met de haut en bas!
« Mi serf m'ont destruit et fait las,
« Por ce qu'il n'est qui me seceure. »
L'emperere souspire et pleure.
1 5o5 1\ /T out fait samblant d'orne dolent.
1V1 « Buens quens, » fait il, « si faitement
« M'est avenu com je vos di.
« Or vos requier je moût et pri,
« S'onques pitié ne gentelisse 1 5 10 « Ot en vos ne point de franchise,
1487 Comtes, ms. Conme. — 1495 fais, ms. fait. — i5oo Ms. Maleiirtés.
« Que m'en perçoive a cest besoing. »
Totes ses gens sont ja si loing
Qu'il n'entendent for[s] a aler.
Ce que li quens le voit plorer 1 5 1 5 Li atenrie moût son cuer
Et qu'il set qu'il a jeté puer
Por lui son avoir a waspail.
En son cuer dist : « Se je li fail,
« Moût a mal emploie l'onor 1 520 « K'il ma faite, qu'en grant dolor
« L'on mis si serf par lor outrage.
« Ne puis faire millor voiage
« Avec mon cors n'aveques m'ame,
« Se je s'ounor et son roiame 1 525 « Li puis aidier a reconquerre.
« L'onor qu'il m'a fait' en sa terre
« Li doi je bien merir et rendre.
« Je n'i doi pas targier n'atendre (/. i3 d)
« Puis que je voi son grant besoing.
1 53o « Se je m'en vois et je m'esloing,
« Trop me targera mes afaires.
« Por ce qu'il est si debonaires
« L'ont li mal serf si mal bailli.
« Je remanrai aveques lui 1 535 « .1. an ou .ij. ou espoir plus,
« Ançois qu'il n'en viegne au desus
« De la grant honte et del tort fait
« Que li malvais serf li ont fait. »
Tôt ce pense, mais mot ne sone, 1540 Et l'empereres l'arraisone,
Se li dit : « Bons quens, porroit estre
« Que remansissiés sire et mestre
« Et de ma terre et de m'onor.
— Sire, » fait il, « por vostre amor 1 545 « Remanrai je en vo servise ;
« Et sachiés qu'en tele l'ai prise
« Que je jamais n'irai en France
« Dusque j'aie aidié la venjance
« A prendre des sers traïtors i 55o « Et que lor terre et lor honors
« Resera tote en vo demaine. »
L'emperere grant joie maine
Quant il ot la riche parole ;
Par amors le baise et acole 1 555 Et si pense que buer a dit.
Onques n'i quist point de respit,
N'onques d'iluec ne se remurent.
Voiant tos ciaus qui o lui furent, (f. 14)
En fist de s'onor connestable.
1 56o Geste chose fu véritable,
Celé amors et celé aliance.
Outre les mons envoie en France
Li quens les bons chevaliers querre ;
Ne veut pas maintenir la guerre 1 565 Par les vilains ne par communes.
Totes les choses fait communes
As plus haus princes du pais :
Il les fait si tos ses amis,
Que par biaus dons que par franchise, 1 570 Que chascuns iert a son servise,
Cors et avoir et quanqu'il a.
Sor ceus cui l'empereres a
Guerre mortel et mal talent
Vait en ost plus seùrement 1 575 Quant il a les cuers des barons.
C'est par son sens et par ses dons,
Par l'onor qu'il lor fait et porte.
Forteresce ne mur ne porte
Ne puet garir devant ses gens.
1 58o Plus esploitast il a .v. cens
1 547 Ms. Franche. — 1 672 cui, ms. qui. — 1 677 Ms. Car l'onors.
Chevaliers c'uns autres a mil.
Par son cors tôt seul cuidast il
Tote une ost estormir ensamble ;
C'est cil qui as premiers assamble 1 585 Et as dearrains se desarme.
Quant il voit chevalier sans arme
Et sans cheval et sans harnès,
Il li fait doner bon et frès ; (f 14 b)
Se le retient de sa maisnie.
1 590 En tel home est bien emploie
L'ounors que Diex li veut doner.
Moût par savoit bien hounerer
Et mètre en avant son ami.
Ne fu pas plus d'an et demi 1 D95 El service l'empereor.
En si poi li a il s'ounor
Tote rendue et aquitée,
Et cil l'ont moût chier acatée
Ki le sien ont saisi a tort.
1600 Moût est cil liés qui li estort
Sauve sa vie ou sauf .j. membre;
Ne bée pas a ciaus raiembre
Qu'il peut ataindre ne consurre,
Car cil qui fust bouchiers ou surre i6o5 S'ert fais chastelains par richece.
Moût fait a prisier la proece
De celui quis a desconfis.
Nus d'aus n'estoit seiirs ne fis,
Tant fust en haute forterece.
1610 Quant il sevent que cil s'adrece
Vers aus qui l'ost maine et conduit,
Il s'en issent a mie nuit,
Si s'enfuient fors du pais.
i5()i que, ms. quant. — Ô99 ont, ms. orent. — 1604 fust, corr. fu? — 1607 quis, ms. quil.
Tant a fait li quens qu'il ra mis 1 6 1 5 L'empereor en sa hautece.
« Biax dous sire, » fait il, « en'est ce
« Ore raisons que je m'en aille ?
« Vés l'orguel de vo vilenaille (/. 14 c)
« Desconfit et mis a nient.
1620 « Or sachiés bien certainement
« Que moût béent a moi veoir
« Mes gens qui me quident avoir
« Perdu, quant je lor demor tant.
« Or si vos pri d'ore en avant, 1625 « Por Dieu, que que de moi avieg[n]e
« Que jamais a vo cort ne viegne
« Nus sers por estre vos baillius.
« Car haus hom est honis et vix.
« Qui de soi fait nul vilain mestre.
i63o « Vilain! et conment porroit estre
« Que vilains fust gentix ne frans?
« Riches hom doit estre tous tans
« Humles et dous, et ses consaus
« Li doit adès garder son miaus, i635 « Et faire droiture et justise
« A cascun. Ce que je devise
« Ne valt riens s'or ne faites plus.
« Metés vos haus homes desus;
« Si les amés et tenés chiers : 1640 « Por avoir paor de lor chiers
« Ne vos faudront, s'ensi le faites.
« Se besoins vos vient en souhaites,
« Il aideront a amender
« Les bas consaus, et amender 1645 « Les conmunes et les vilains.
« Se grans avoirs vos vient as mains.
1639-40 Ces deux vers sont intervertis dans lems. — 1644 Les, ms. Li; — amender, corr. a mander?
5o l'escoufle
« S'en départes as gentix homes.
« Cil porteront por vos les sommes {/. 14 d)
« Es batailles et es estors.
i65o « Cil assaudront por vos as tors
« Et metront le feu en l'atrait. »
Que que li quens Richars retrait
Ce que cascuns haus hom doit faire,
Se sire ne se puet plus taire, 1 655 Ançois li rescoust sa parole
Et se li dist, que k'il l'acole :
« C'est bien a faire quan que j'oi ;
« Diex me criet les iex dont vos voi,
« S'ensi nel faç corn vos le dites.
1660 « Mais trop seroient or petites
« Nos amors se vos me laissiés.
« Je sui par vos plus essauciés
« Que par tos ceus de mon empire.
« Certes, moût en seroit ja pire 1 665 « Ma cors se je vos en laissoie
« Aler : jamais, jor que je soie
« Vis, ne serai .j. jor sans vos;
« Ains sera ma terre entre nos
« Autresi vostre conme moie.
1670 « Et bien sache ki c'onques l'oie
« Que je vos donrai feme et terre,
« La plus bêle qu'il estuist querre. »
i quens a la parole oïe Que l'emperere ne velt mie 1675 K'il s'en voist, ains velt qu'il remaingne, Ne jamais, por rien qui aviengne, Ne l'en laira, ce dit, aler, Et qu'il li velt terre douner (/. i5]
1662 par, ms. por. — 1672 77 doit manquer ici quelques vers ; cf. v. 1681 la riche dame.
Plus qu'il n'en a en sa conté ; 1 680 Et ce qu'il li a créante
Qu'il li donra la riche dame
Et qu'il n'a si bêle ou roiame,
Li fait otroiier et voloir.
« Sire », fait il, « le remanoir 168 5 « Ferai donques, dès k'il vos plaist. »
— Sachiés, je ne voel pas qu'en laist
« En noncaloir ceste promesse, »
Fait l'empereris, la barnesse ;
« Je lo bien que ce soit par tans. » 1 690 Ele l'enbrace par les flans
De joie por ce qu'il remaint.
L'emperere et de sa gent maint
Sont moût [lié] de sa remanance
Et se li dist tôt a fiance 1695 K'il l'avra par tans bêle et jenvre.
Lendemain envoia a Genvre
A la dame qu'el s'aparaut :
Se li mande por voir qu'il viaut
Que li quens Richars l'ait a famé.
1 700 Li mes s'en vait, vient a la dame,
Se li a dit ce c'on li mande.
Grant joie a quant cil le demande
Dont ele oï tos les biens dire.
L'emperere par son empire 1705 Fist savoir le terme et le jor
Que si prince et si contor
Viegnent tôt a cest mariage.
Li jors vint : es vos le barnage (/. i5 b)
Tôt assamble en mains de .viij. jors.
17 10 On fist as noces beter ors
Et vers et a chiens et a viautres.
Tant i ot daintiés d'uns et d'autres,
i685 donques, ms. dont.
Richeces et biax garnimens.
Tos li déduis estoit laiens; 171 5 N'ainc la ou rois Mars prist Yseut
N'ot tant de joie com la eut
Ou li quens Richars prist sa feme.
Poi i ot barons el roiaume
Qui ne li venist faire honor 1720 Ou par richece ou par cremor.
Cascuns jor i ot feme ou fille
La ou l'espousée s'abille
Et dames de pluisors pais;
Mais tôt ausi conme la lis 1725 Vaint de biauté mainte autre flor,
Ausi fait ceste de coulor
Et de biauté toutes les autres.
Li pavemens fu d'alebastres
De la chambre ou les dames sont. 1730 II n'est estrumens qui n'i sont
Quant on les amaine au moustier,
Symphonies, rotes, sautier,
Harpes, fleuhutes et vieles.
Aine de dames ne de puceles 1735 Si grans plentés ne fu veiïe.
Cel jor ont tant d'amor eue
Conques mais .ij. gens tant n'en orent.
L'emperere et tuit les honorent ; (/. i5 c)
Et la gentix empereris 1740 La nuit les maine an .ij. as lis
Et .j. evesque qui l'en saigne,
Ki fait bel kanques li enseigne,
Il les encensse et beneïst.
Bien puet dire qui ces veïst
1724 la, corv. li ? — 1728 Ms. tu de la biautes. — 1738 empereres.
74-5 K'ainc ne vit si bel ne si gent Ne si blans de dras ne de gent.
Celé nuit sont couchié ensamble, Si corn raisons et lois assamble Les gens celé première nuit
Si com il son afaire dut,
S'i joua tant qu'ele conçut
.1. fil qui puis fu emperere.
Tant le porta sa bone mère 1755 Que li termes de la naissance
Fu venus et que la semance
De ses biax flans chaï sor terre.
Quant il fu nés, on fist lues querre
Les parins et l'oile et le cresme 1760 Et .j. evesque qui baptesme...
Grant joie ot a l'enfant lever.
Li parin l'ont fait apeler,
Je cuit, Guilliaume en droit bautesme.
Or oies que cel jor me[e]sme 1 765 Ajut ausi l'empereris
D'une fille qui Aelis
Fu apelée en bautestire.
Moût en fu liés quant l'oï dire
L'emperere et s'en fist grant joie. (f. i5 d)
1770 Ne cuidiés pas que mains s'esjoie
Li quens Richars de son bel fil.
En piors dras que de chainsil
Nel daignoit couchier la norrice.
A .j. castel près de Venice
1745 Mieux vaudrait biax ... gens, se rapportant à lis (v. 1740). mais gent ou gens, au v. suivant, reste obscur. — 1750 Vers omis. — 1760 La phrase est incomplète. Il est probable que deux vers ont été omis. — 1765 empcrerreis.
i 775 Estoit la contesse acouchie.
Bien fu enbordée et jonchie
La chambre ou ele jut la dame.
En tote la terre n'ot feme
A haut baron ki nient vaille, 1780 Ne pucele, qui or n'i aille
Veoir la contesse et l'enfant.
Jamais ne quit que feme enfant
Si bel enfant, et bien puet estre;
Et de tôt ce k'on puet biax estre 1785 Ot mis en lui assés nature ;
Mais en si jovene créature
Ne se puet la biautés estendre.
.III. norrices ont fait entendre
A lui norrir, qui ne font el, 1790 Et se sont dames de l'ostel :
L'une l'alaite de son lait,
L'autre ne sueffre ne ne lait
Ki face son berc s'ele non,
L'autre le porte par maison, 1795 Si le couche et si le baigne
Quant ele veut et ele daigne
Soffrir, sans crier et sans braire.
Quanque norrices doivent faire
Li font bel et soef et bien. (/. 16)
1800 Tant l'ont norri k'il avoit bien,
Si com li contes dist, .iij. ans.
Et quant il fu raisons et tans
C'on le dut sevrer, on le soivre. j
A moût grant anui s'en dessoivre i8o5 La norrice qui l'alaitoit.
Cascuns des chevaliers estoit
Garis quil pooit comporter.
1784 Et, corr. Que ou Car? — 1796 Corr. et il le d.? — 1798 Quanques.
Il savoit ja si bel porter
Ses bras as cols des chevaliers; 1810 As serjans et as escuiers
Devenoit baus et enraisniés.
Moût par en est joians et liés
Li bons quens et sa bone mère.
De sa teste qui si blonde ère 181 5 Resambloit il .j. angelot.
Quant l'empereres dire Pot
Que il est si preus et si sages,
Il a mandé par .ij. messages
La comtesse qu'el li envoit 1820 Par la grant foi que li devoit.
Li quens se sire aussi li mande
Que Pempereris li conmande
Que li envoit, ne le laist mie
Li message, de ce lor prie, 1 825 S'en vont monter a lor ostel ;
Montent, si s'en vont, n'i ot el,
Et chevauchent par moût grant rage
Dusque la ou ert a estage
La feme le conte Richart. (f. 16 b)
1 83o II vindrent au chastel si tart
K'il estoit ja tans de mangier.
La contesse ert en .j. vergier
O son fil et o ses puceles.
Atant es ciaus qui les noveles 1 835 Li aportent de par le conte.
Li uns des messagiers li conte
Ce c'on li conmanda a dire :
« Dame, l'emperere me sire
« Gonme sa boine chiere amie 1 840 « Vos salue, et si vos prie,
« Et Pempereris ensement
1824 Ms. messages. — 1826 Ms. ot tel.
« Le vos prie moût doucement, « Que vos lor envoies Guilliaume.
« Desor tos ciaus de son roiaume 1845 « Le velt amer et tenir chier. » Quant la dame ot le messagier, Moût l'en est bel, et si l'en poise, Car c'est la riens qui plus l'envoise, Sa grans biautés et ses samblans, 1 85o Et ce que a tos est plaisans Li enfance de Guillemot Et ce que sa mère l'amot.
Et ki moût ert cortoise et sage, Bêlement respont au message :
1 855 « Biax amis, » fait ele, « biau frère, « Puisque me sire Femperere « Le velt avoir, jel voel moût bien :
« Mais je l'aim plus que nule rien,
« K'il n'est riens plus bêle de lui. (f. 16 c)
1860 « Mautalens, corous ne anui
« Ne puis avoir tant que jel voie :
« C'est m'esperance, c'est ma joie,
« C'est mes jouiaus, c'est mes soûlas. »
Ele li tent andeus ses bras, i865 Et li enfes a li acort.
« Biax fix, quant vos serés a cort,
« Moût en sera joieuse et lie
« L'empereris et sa maisnie. »
La face li baise et la bouce.
1 870 L'ore et li tans vient et aproce
C'on dut souper : on met la table.
La feme au gentil connestable
Ses chevaliers mande et fait querre :
Ne voisent a tornoi n'a guerre,
1849 Sa, ms. La. — i853 Et, corr. El? — i863 et 1864 sont in" tervertis dans le ms. — 1867 Ms. serai.
1875 K'il remainent por li servir.
E[l] le set moût bien deservir
La gentix dame débonnaire
A cascun done reube vaire
As festes anveus, qui que faille.
1 880 Ele fist a une touaille
Lés li les messagiers seoir.
Moût orent a mangier le soir
Et bons vins, et noviax et vies,
Tant que cascuns en fu tos liés ; 1 885 Puis parla on d'aler couchier.
La riens que la dame ot plus chier
Fist lés li couchier en son lit.
Moût perdera de son délit
Quant li enfes en iert aies. (f. 16 d)
1890 Au matin, quant il fu levés,
Ele fait atorner la voie.
.V. damoisiax o lui envoie
Sor bons chevax, estre son mestre ;
Sans celui ne pooit il estre, 1895 K'il l'entroduit et si l'aprent.
La mère entre ses bras le prent,
Si l'estraint et acole et baise.
Por ce qu'il siece plus a aise
Li fait ele en sa sele mètre 1900 A tel qui s'en set entremetre
.1. oreillier de plume mole.
Que qu'ele le baise et acole
L'iave del cuer li sort del vis.
Ele meïsme l'a assis 1905 Sor la sele moût bêlement.
Moût par envoie bel présent
La gentix contesse a la cort.
Grant duel i a ains qu'il s'en tort
Des chevaliers et des puceles; 1 9 1 o En plorant dient cil et celés :
« A Dieu, Guillaume, a Dieu, biau mestre, « A Dieu ! » Tuit lors issent de l'estre, Et li serjant quil vindrent querre.
Les remanans prent et si serre 1 9 1 5 Pitiés qu'il ne pueent parler. La dame fu près de pasmer, Mais ce li fait auques de bien K'il avra honor et grant bien, S'il est a cort avoec son père, (f. 1 7)
1920 Et si set bien que l'emperere Et la roïne en seront lié.
S'ont tant par ostex chevauchié K'en poi de tans vinrent a cort.
A lor descendre moût acort
1925 De vassax ki sont par la sale,
Et l'empereres i avale
Lues droit k'il en seut les noveles.
Bêle Aelis et ses puceles
S'en vont jouant a sa venue ; 1930 De par sa mère le salue,
Que ses maistres li ot apris.
La dame l'a baisié et pris
Par la main et puis Aelis.
Sa robe estoit d'uns dras partis 1935 Dont la colors estoit rosine,
Mais celé estoit si entérine
Qu'il ot el pumel de la face
Qu'ele vaint celi et efface
De la robe qu'il ot vestue.
1940 De la honte qu'il a eiie
Li encolorist la color.
Nus ne set choisir le meillor
191 3 Corr. Li s. qui le v. ? On pourrait aussi, sans toucher au v. 1913, ponctuer le v. 1912 : À Dieu tuit! » Lors is[t] s'en d. e. —
192 1 Ms. seroit. — 1931 Corr. sa, maistre cf. v. 1987. — 1942 meillor, ms. menor.
l'escoufle 5g
De Guilliaume ne d'Aelis.
Qui les eiist par tôt eslis 1945 Ne trovast il .ij. si pareus
De vis ne de bouche ne d'ex.
Il samblent estre et suer et frère.
El grant palais ou l'emperere
Est et li quens et sa maisnie (f. 17 b)
ig5o L'en mena la dame et s'amie
Par grant chierté le damoisel.
Aine mais ne si preu ne si bel
Ne vit nus hom venir a cort :
Meïsmes li pères i cort; 1955 De baisier ne se pot tenir,
Que que l'en deiist avenir,
Que nel baisast, et l'emperere.
Diex! s'or seûst sa boine mère
Conme il est bien a cort venus, i960 Li anui qu'ele en a eus
L'en peiissent moût bien laissier.
On enmaine l'enfant mangier
En la chambre a la damoisele.
Moût l'en croist li cuers et oisele 1965 De çou qu'ele a tel compaignon. Li sire et la dame par non Ont rouvé qu'il soient ensamble ; Ne voelent mais c'on les dessamble Ne por boivre ne por mangier, 1970 Ains velt c'on face sans dangier Ausi por lui conme por li ; Geste chose lor abeli.
r sont li dui enfant a aise ; Il n'est riens qui as gens tant plaise
*947 Le ms. met une grande initiale à ce vers. — 1960 L'en, corr. La? — • 1955 Corrompu? cf. 1957. — 1973 Ms. e. moût a a.
6o l'escoufle
1975 Com ce qu'il o[n]t si grant biauté.
Bien ont .iij. ans ensamble esté
Conques entr'aus n'ot mautalent :
Il s'entrevoient boinement
Si qu'il sont andui a cascun... (f. 17 c)
1980 Cil qui a ans .ij. ne puet plus
Faire sa volenté entière,
Car amors ki déçoit manière
Les a ans .ij. en tel point mis
Que cist nons lor plaist ja « amis » : 1985 Dous nons est d'ami et d'amie.
La damoisele ne laist mie
Por sa maistre ne por sa mère
Que ne l'apiaut ami ou frère,
Frère por couvrir l'autre non, 1990 Si que tôt cil de la maison
I notent plus chierté qu'amor;
Mais qui son vis et sa color.
Et si esgardast ses biax ex,
C'est la riens par k'il seùst miex 1995 Li quex des nons li fust plus dois,
C'un faus souspirs et .j. se[n]glous
La prent enmi le non d'ami ;
Et li oel li sont près demi
Apetisié de fine angoisse.
2000 II n'est riens qui vers amor puisse
Baréter ensi longement :
Li celers ne li valt noient,
Car lor regart sont tôt commun.
Andui ont il robe tôt d'un 20o5 Ou il n'a graine ne bresil,
K'il sont de soie et de chainsil,
1979 Ce vers rime mal avec le suivant et le sens ne se suit pas. Il manque sans doute deux vers ou plus après celui-ci. — 1992 qui, ms. que. — 1996 faus, corr. fains?
l'escoufle 6i
D'empcriaus et de samis.
Del damoisel et d'Aelis
Estoit moût bêle l'assamblée, {f. 17 d)
2010 Car se nature eùst emblée
La grant biauté que lor dona,
Si desist on que lor en a
Assés doné por une fois.
Cil est trop biax et trop adrois, 201 5 Et Aelis gente et alise.
En ans .ij. ot tant gentelisse
Com en .ij. gens peiist plus estre.
Li damoisiax avoit .j. mestre
Ki li aprent de l'escremie; 2020 Por combatre nel fait il mie,
Mais por avoir grignor alaine,
Et c'est une chose certaine
Que hom va plus bel et plus droit
Et si en est on moût plus droit :
202 5 Tos cis biens vient de l'escremie.
Et quant il est avoec s'amie,
Moût la set servir de biax dis,
De dés, d'esches, de gius partis;
De ce set il tant que nus plus.
2o3o As chans li aprent le seurplus,
Et a tenir escu et lance.
Savés la riens qui plus l'avance,
Ce qu'il aprent trop volentiers?
Li maistres li fait les destriers 2o35" Poindre et guencir et eslaissier :
Nule chose n'i velt laissier
De coi il fust repris a cort
Que ne li aprende, et a cort
Terme, por voir, et a brief tans. (f. 18)
2040 Et quant Guilliaumes ot .x. ans,
2028 Ms. Des dés.
Mout fu a cort de tos amés,
N'onques ne fu ne vis ne nés Qui oïst issir de sa bouche .1. sairement n'un lait reproche, 2045 N'onques ne dist mal de nului.
Et s'on li ot robe faite hui,
Il la donast jusqu'au quint jor;
Et s'il vit vassal a sejor
En la porte, a pié, sans roncin, 2o5o S'il deust prendre en larrecin
Les deniers, se l'en feïst querre.
Mout par sot bien amis aquerre
Par biau parler et par largece
Bêle Aelis. Hé! Diex, en' est ce 2o55 La plus prex et la plus cortoise?
Tuit cil a cui ele s'envoise
En sont mout lié, que c'est raisons;
Mout lor sot bien chanter chançons
Et conter contes d'aventure.
2060 Mout lor sot en une chainture
Portraire l'ami et l'amie;
Et sachiés bien que ne vieut mie
Tant atendre c'aucuns li quiere :
Bel anel ou bêle aumosniere 2o65 Ou ataches, quant el les a
Faites, tos li premiers les a
Qui li demande, et volontiers.
Il n'estoit déduis ne mestiers
Dont pucele deust savoir (/. 18 b)
2070 Qu'el n'i atort si son savoir
K'ele en set plus c'une autre feme.
Tos li déduis est d'un roiame
En estre o li et o Guilliaume.
Ses chevaliers fait las a hiaume,
2054 Hé, ms. et. — 2o65 el, ms. ele.
2075 El le[s] fait a ses bêles mains.
Plus ot en aus .ij., c'est du mains, De bien qu'en tos ciaus de Tempère, Et li buens quens et l'emperere En font par maison lor jouiaus.
2080 Déduis de forés et d'oisiaus
Lor plaist ore plus c'autre chose, C'est por ce que nus ne lor ose Livrer anui ne autre entente.
.1. jor se gist en une tente 208 5 L'emperere en .j. sien vergier, Et ses gens et si chevalier Cuellent del fruit por iaus déduire, Et por ce qu'il ne voelent nuire Lor signor et le conte ensamble, 2090 Qu'il voelent parler, ce me samble, Et consillier de lor afaire.
Et Guilliaume, li debounaire, Et Aelis qu'il ne het mie S'en vont com amis et amie, 2095 Déduisant parmi le vergier,
Et font samblant de fruit mangier.
Il s'entredechacent et boutent, Puis s'entregardent, que il doutent L'apercevance de lor pères. (/. 18 c)
2100 Mais li bons quens ne l'empereres N'i entendoient el que bien.
L'emperere n'aime tant rien Com le damoisel et sa fille, Et c'est por la boine semille 2io5 U il les voit asemillier; Et pense a els apareillier Devroit penser trestos li mondes.
Des biax ex et des testes blondes,
2io3 sa, ms. la.
Et de cors, perent il bien estre
2 1 10 Li plus gentil de lor ancestre,
Et de sens plus que d'autre chose.
Li quens li voit penser, si n'ose Demander ce qu'est qu'il pensoit.
Fox le demande, qui qu'il soit,
2 1 1 5 S'il n'est de si très grant afaire K'il puist celui aidier a faire Com poi que soit de ce qu'il pense, U par son sens u par despense, U par aucune chose faire
2120 Ki puist celui aidier et plaire. Cil doit autrui penser enquerre Ki li puet aidier a conquerre Aucune chose du penser, U il nel se doit ja penser
2125 Que li demant por nule rien,
Que maintes gens ne sevent rien S'en pensant non u par souhait,
S'il ne lor puet desaaisier 2i3o En penser et en souhaidier. (f. 18 d)
ont s'a li bons quens porpensé, Et l'empereres a pensé
Savoir s'il voudra mètre a oevre;
Au plus chier ami le descuevre 21 35 K'il a en toute sa maison :
« Quens, » fait il, « je vos pri .j. don
« Que je voel que vos me doigniés.
— Sire, » fait il, « et vos l'aies,
« Que ja n'en quier prendre conseil, 2140 « Car por vostre amor pener veil
« Et por vo grant anui abatre;
2128 Vers omis.
« Et se nus hon se velt combatre « Vers vos et faire nule estorsse, « Par tans li mosterrai destorsse 2145 « Ma baniere et vostre pooir.
— Biax quens, por ce ramentevoir « N'est pas la parole esmeùe,
« Mais por l'amor que j'ai eue
« A vos et que je voel avoir, 2 1 5o « Voel je de Guilliaume faire oir
« Et de ma terre et de m'ounor,
« Et si voel qu'il ait a oisor
« Ma fille Aelis que voi la. »
Quant li quens la parole en a 21 55 Entendue, moût s'en fait liés.
Il l'en encline jusqu'as pies
Et se li dist plus d'une fois :
« Grans mercis, mais ce n'est pas drois
« Ne chose qui onques puist estre, 2 160 « Por coi li prince et li mestre (f. 1 g)
« De vostre règne et li contor
« Le tendroient a [grant] folor
« Se vostre fille avoit mon fil.
« Nel tienent pas a si gentil 21 65 « Que il tornast a honerance.
« Vo fille avra le roi de France;
« S'en croistrés d'avoir et d'amis.
— Comment? » fait il, « vos m'avés mis « En l'onor et en la hautece ;
2170 « Puis que la fille est moie, en' est ce « Drois et raisons que je en face « Ma volenté, cui qu'il desplace?
« Si ferai je, n'en doutés mie « Que il n'ait ma fille et m'amie
2160 Corr. Por çou que li ? On pourrait encore suppléer que ou car après Por coi, en faisant de ces deux mots une interrogation.
2175 « A oisor,, ce sachiés de voir.
— Diex! conment? — Volés le savoir?
« Jel vos dirai en poi de tens.
« J'ai porpensé .j. tel porpens
« Par qu'il l'avra et sans estrif.
2180 « A poi de terme, se je vif,
« Assamblerai .j. grant concire
« Des haus barons de mon empire ;
« Si lor dirai par couverture
« Que je ne sai quele aventure 21 85 « Est a venir de moi ne d'eus;
« Por ce si me doingnent entr'eus
« .1. don qui poi les grèvera ;
« Et puis que nus d'eus ne savra
« Quex il iert, ja n'iert contredis.
2190 « Or soies tous seiïrs et fis (f. 1 g b)
« K'il iert ensi com je vos di.
« Ja n'i avra nul si hardi
« Ki puis vers moi le contredie.
« Buer venistes de Normendie, 2195 « Quant a tele honor est eslis
« Vos fix qu'il avra Aelis.
ire, » fait il, » voir avés dit.
Or sai je bien que moût petit « Vos ai servi por tel déserte;
2200 « Mais li biens ki en vos s'aherte « Et l'onors et la grant franchise « Le vos fait faire et gentelise, « Quant vos volés qu'il ensi soit. »
Li quens tant fort s'esjoïssoit
22o5 Por la haute[ce] et por l'onor, Ne cuide pas a tans n'au jor Venir que celé honors li viegne. « Sire, » fait il, « Diex vos maintiegne
« Et dont tant vertu et pooir 2210 « Que mes fix puist l'onor avoir
« De l'empire après vo décès. »
La parole remest em pès,
Que nus, fors il dui, ne le sot.
L'emperere qui moût amot 221 5 Le damoisel et la bcsoigne
Ne bée pas a faire aloigne,
Ains velt que li termes soit briés.
Lendemain, par letres, par briés.
Mande ses princes, ses chasés, 2220 K'au jor qui est pris et noumés (f ig c)
Soient a lui trestot a raigne;
Et s'il i a nul qui remaigne,
Bien em porra perdre s'amor.
Que par raison, que par cremor, 2225 Tuit i vienent, nus n'i remaint.
L'emperere en .j. palais maint;
Tos fu de marbre, aine n'i ot fust;
Et qui a l'un coron en fust,
Ains onques n'i peust entendre, 223o Tant i volsist grant escout prendre.
Raison qui a l'autre fust dite.
L'assamblée n'ert pas petite
Des barons el riche palais.
Des povres vavassors vos lais 2235 A parler, que n'en est or contes :
Tant i ot dus, princes et contes,
Vesques, abés et archevesques,
Bien pot dire qui fu aleques
Conques a cort n'a parlement 2240 Ne vit mais tant communalment
De barons com il ot laiens
Ne tant de si biax garnemens.
2232 ert, ms. est. — 2242 tant de, corr. tans ne?
îen pert estre poissans et sire Qui justice si fait empire 2245 Et qui de tans barons est mestre.
Quant l'emperere les vit estre
Environ lui, ses haus barons,
Il se pense c'or est raisons
De la besoigne ramentoivre.
225o Ne la velt pas por aperçoivre (f. ig d)
Del tout en tout manifester.
Quant il ont tôt laissié ester
Les paroles, le gieu, le rire,
Lors lor a comencié a dire 2255 La parole par moût biau sens :
« Signor, » fait il, « moût a grant tens
« Que j'ai esté de vos tos sire.
« Se je par corous et par ire
« U par mauvais conseil ai fait 2260 « Nule chose qui vos soit lait,
« Je vos em pri a tos merci ;
« Car se je sui orendroit ci,
« Espoir s'iere demain en terre.
« En tant estor, en tante guerre 2265 « M'avés servi et fait honor
« Que de ma terre et de m'ounor
« Vos devés bien fier par droit. »
Par cest mot les muet si lues droit
En pitié et en gentelise 2270 Que cascuns li dist qu'il eslise
Son avoir u soi a despendre :
Ja tant que il aient que prendre
Ne li faudront jusqu'à la mort.
Nature les prent et remort 2275 K'il les a norris et il lui;
S'il lor a fait mal et anui
Par mal conseil u par folie,
Pitiés qui tout prent et tôt lie
Lor fait de bon cuer pardoner.
2280 Lors voit bien qu'il puet demander (f. 20)
Le don qu'il couvoite et désire.
Ne demande pas conme sire,
Mais par amors, et il li dounent.
Quant il voit que tôt abandounent 2285 Lor cuers a voloir ce qu'il velt,
De la grant joie qu'il en eut
Les mercie; puis si lor dit
K'il a sor tos autres eslit
Guilliaume por faire signor 2290 Et de sa fille et de s'onor.
