livre des conquestes de la Terre-Scinte

Comment le soudan d'Egypte desconfist les deux enfans

au roy d'Armenie.

* Bendonadar qui estoit soubdan d’Egipte fu moult esmens et puissant. {l manda son ost en Armenye, le roy estoit alez aux Tartars. Mais les deux enfans assemblèrent l'ost d’Armenye qui lors estoit de grant povoir, et vindrent contre les ennemis et se combatirent à eulx. La bataille fu moult grant, mais en la fin les crestiens furent desconfis. Et des deux enfans li uns fu pris vifs, et l’autre fu mors en la bataille. Les sarrazins entrèrent ou royaume et tout le plain d’Armenie gastèrent. De cefu moult abaissié le povoir des crestiens, et la puissance des sarrazins moult essaucié. Quant le roy d’Armenie ot entendu les nouvelles de ses enfans et de sa terre, 1l fu moult doulans et pensa comment il pourroit faire dommaige à ses ennemis. Dontil vint à Abaga etauxautres Tartars, priant et requérant les qu'ilz venissent en l’ayde des crestiens. Assez se traveilla le roy, mais Abaga, si cessa pour ce qu’il avoit guerre à ses volsins. Le roy regardant qu’il ne povoit si tost avoir ayde des Tartars, manda ses messaigés au soubdan d'Egypte, et forma trèves avecques luy affin qu'il peust traire son filz de prison. Et le soubdan fist avec le roy fermances, que le roy

ly feist rendre un sien compaignon qui avoit nom Sangolagar, lequel tenoient les Tartars, et li voulsist rendre les chasteaux de la terre de Halappe qu'il tenoit, et il rendroit son filz au roy. Tant se traveilla le roy d’Armenye, que les Tartars luy donnèrent Sangolagar, le compaignon du soubdan dessus nommé, et le roy le rendist au soubdan. Et luy rendi le fort chastel Terpassach, et autres deux chasteaux fist abatre à la requeste du soubdan. Et en telle manière, le filz au roy d'Armenie Baronlynom fu délivrez de la prison des sarrazins. Après ce quele roy Hayton, de bone mémoire, qui grans biens avoit fais en la crestienté en sa vie, donna son royaume etsa seigneurie à son filz Baronlynom dessus nommé, et laissant les pompes de cestui siècle, et prist habit de religion, et changea son nom selonc l'usaige des Armins et fu nommez Makaires, Après ce, mou-

rut le roy Hayton moisnes en l’an Nostre Seigneur. M. CC.

Comment Abaga fist mengier la chair de Parvana.

Ly filz du roy Hayton Baronlynom fu saigeset vaillans et gouverna son royanme et sa seigneurie saigement. Moult fu amez de sa gent, etles Tartars luy portèrent grant hon-

nour. Moult se traveilloit le bon roy Baronlynom, et de dommagier les sarrazins par les Tartars. Et souvent par ses

messaigés se monnoit Abaga qu’il venist pour recouvrer la Terre-Sainte, et confondre le povoir d'Egypte. En cellui temps avint que le soubdan d'Egypte entra avec tout son povoir au royaume de Turquye, et occist et chaça tous les

L'EXTRÈME ORIENT AU MOYEN-AGE. 19 i

Tartars qui là estoient et prist terreset citez pluseurs. Car un traiteur que Abaga avoit fait chevetaine de Turquyc, qui ot nom Pervana se révela et fist obédiance au soubdan d'Egypte, et se penoit de chacier les Tartars hors de la Turquye. Quant Abaga entendi ces nouvelles il assembla son ost et chevaucha hastivement. Si que de .xl. Jours ne fist que .xb, et vint en la Turquye. Quant le soubdan sçot la venue des Tartars, il ne l’osa attendre, ains s’enparty hastivement. Et Abaga manda sa gent avant et après que le soubdan ne peust retourner au royaume d'Egypte. Les Tartars ataindrent la dernière partie des sarrazins en un lieu qui est nommez le Pa-blanc, et se fièrent en l’ost d'iceulx et en pristrent deux mille à cheval et gaingnèrent grans richesses. Et entre ce pristrent .V. mille maisons des Cordins qui estoient en celles parties. E1 Abaga fu conseillié qu’il n'entrast en la terred’Egypte pour la grant chaleur qui faisoit lors, et pour leschevaulx qui estoient trop traveilliez. Dont Abaga retourna en Turquie et prist les terres et les citez qui s’estoient revellez et tant fist qu'il prist Parva. na et tantost selon la manière des Tartars le fist trenchier par my. Et commanda que en toutes ses viandes qu'il deust mengier feust mise de la char Parvana et Abaga en menga et en fist mengier à sa gent. Et telle vengence prist Abaga du trayteur Parvana dessus dit.

Comment Abaga offryetvoult donner au roy d'Armenie la seignourie de Turquie et il la refusa.

Quant Abaga ot prises toutes les terres qui avoient esté

revellées, et ot ordonné ou royaume de Turquie tout son

plaisir, il fist appeller devant soy le roy d’Armenye, et Ïy offry le royaume de Turquye, à le tenir tout à son plaisir. Pour ce que le roy d'Armenye et ses ancesseurs avoient esté tousjours loyaulx envers les Tartars. Leroy d'Armenye si comme saige mercya moult Abaga de si grant nom, et s’excusa qu’il ne pourroit souffire au gouvernement de deux royaumes. Car le soubdan d’Egipte se penoit moult de grever le royaume d’Armenye. Et conseilla le roy d'Armenye à Abaga qu'il ne donnast la seigneurie de Turquie à aucun sarrazin. Cestui conseil plot moultà Abaga, et ne voult que nul sarrazin eust seigneurie en la terre de Tur-

quie.

Des requestes que fist le roy d'Armenie à Abaga et de la réponce d'icelui Abaga.

Après le roy d’Armenie pria et requist à Abaga, que il li pleust à aler, ou mander son frère à délivrer la Terre- Sainte, des mains des Sarrazins, et queil la rendistaux crestiens. Abaga promist qu'il feroit ce moult voulentiers. Et commanda au roy d'Armenye que 1l mendast au pape et aux autres roysetseigneurs des crestiens d'Occident, que ilz viengent, ou mandent de leur gent à l’ayde de la Terre- Sainte. Ad ce que 1lz tenissent et gardassent les terres et les citez, puis qu'ilz les conquerroient, dontle roy d'Armeny se party et retourna en sa terre, et tantost manda ses messaigés au pappe et aux roys et autres seigneurs d'Occident. Et quant il ordonne ou royaume de Turquie ce qu'il escouvenoit, 1] vint ou royaume de Corasten où il avoit

Jaissié sa mesniéc. Bendocdar qui avait receu dommaige fu enbruvrez de vin si comme il retournoit en Egypte et ne pot retourner vif en lacité de Damas. De la mort de Bendocdar furent moult liez les crestiens et les sarrazins en orent grand dueil, car ilavoit esté vaillant homme d'armes. Après lui fu soubdan d’Egipte, le filz Bendocdar qui avoit nom Mellecsait. Pou de temps y demoura, car il futchaciez de la seigneurie. Et en fu soubdan un qui avoit nom Elsy.

Comment Abaga manda l’aide de son frère Mangadamor avec xxx. mile et comment luy et le roy d'Armenie conquèsterent Siric.

Quant le temps et la saison vint que Abaga pot chevauchier pour entrer enlaterre d’'Egipte, manda premièrement Mangadamor avec xxx. mille Tartars. Et manda qu'ilz occupassent le royaume de Syrie, et il chevaucheroit aprés. Et se le soubdan venist contre eulx que viguereusement se combatissent à luy. Et se le soubdan n'osoit venir à la bataille, il commanda qu'ilz occupassent les terres et les citez, et les livrassent à garder et à tenir aux crestiens. Mangadamor chevaucha à tout .XXX. mille Tartars que Abaga son frère luy ot donnez. Et le roy d'Armenie mist en sa compaignic avec grant gent à cheval. Quant Mandagamor et le roy d’Armenye entrèrent ou royaume de Syrie, 1ilz alèrent gastant les terres des Sarrazins jusques à la cité de Hames qui est nommée la Chalemele, et est ou milieu du royaume de Syrie. Devant celle cité est une plaine belle, et là

estoit le soudan à tout son povoir. Les Sarrazins d’une

part, les crestiens et les Tartars de l’autre. Et commencièrent à batailler. Le roy d’Armenie qui conduiso la destre partie de lost, assembla tout premier à la senestre partie de l'ostdes sarrazins et les desconfist et les chaça oultre la cité de Hames, trois lieues et plus. Et le connestable des Tartars qui avoit nom Balmachleth assembla à la destre partie de l’ost des Sarrazins et les desconfist, et ala chascun jusques à une cité qui est nommée Thara. Mangadamor qui fu demouré ou champ vit venir une rote de Beduins. Sy se mist en povoir grant comme cellui qui oncques n'avoit bataillié, voire sans raison départy ou champ de la victoire. Et laissa le roy d’Armenie etson connestable qui estoient alez après les ennemis. Quant le soubdan vit que les Tartars estoient partis du champ, il se traist sur un Tartre avec .ITIT. mile hommes à cheval. Quant le roy d'Armenie retourna de la desconfiture, et il ne trouva Magadamor, il fu moult esbahy. La voiescot où il aloit, il chevaucha après à Malech. Le connestable demoura deux jours enattendant son seigneur Mangadamor, il fu moult esbahys quant il ne vint. La voye sçot où il aloit, et quant il ot sceu qui s’en aloit, il chevaucha après à tout sa gent jusques à tant qu'il fu venus au flun d’Eufrates, et ne pot atandre Mangadamor. Ainsi par la deffauté Mangadamor, laissiérent le champ de la bataille dont ilz avoient la victoire. Les Tartars s'en retournèrent en leurs contrées. Mais le roy d’Armenie souffry adoncques grant travail et grant dommaige de sa gent. Car pour la longue voye et pour la faulte de la viande, les hommes et les bestes furent sy retrens qu’ilz ne porentaler. Dont ilz partirent et alè-

rent par divers chemins. Sarrazins estoient qui habitoient en celles contrées qui assez pristrent et occistrent des crestiens. Dont la greigneur partie au roy d'Armenye fu perdue, etles gentilz hommes près que tous furent mors. Ceste mésaventure vinten l'an Nostre Scigneur .mil. ut XX Ct II.

Comment Abaga Kan et son frère furent empoisonnez trailtreusement et moururent.

Quant Abaga ot entendues ces nouvelles, il manda tantost à scs barons qu’ilz veinssent à lui. Et ainsi assembla Abaga grant ost entendant ou royaume d’Egipte centrer. Mais il avint que un Sarrazin vint ou royaume de Perse, et tant fist et donna à autres familliers de Abaga, que ilz donnèrent mortel venin à Abaga, et à son frère Mangadamor et ne vesquirent que .VIII. jours. Et mourut Abaga Kaan en l'an Nostre Scigneur. mil deux cens. [III xx. et

deux.

Comment Tangsdar tint la sctte des Sarrazins et se fist appeller Mahommet et fist abatre toutes les églises des

crestiens.

Après la mort Abaga Kaan s'assemblèrent les barons, et ordonnèrent un frère de Abaga Kaan qui avoit nom Tangotdar. Cest Tangotdar estoit lc plus grand des joues que les autres frères n'estoicnt. Quant il fu enfant il fu appellé Nicole. Mais après ce qu'il fu fait seigneur, tinst 1] la com-

paignie des Sarrazins et se fist appeller Mahommet Kaan. [] mist son entendement tout à faire convertir les Tartars, à la fausse loy Mahommet, et furent convertis à la loy des Sarrazins grant multitude des Tartars. Cestui Mahommet fiiz au diable fist abatre toutes les églises des crestiens. Et commanda qu'ilz ne célébrassent la foy de Crist, ne aussi la nommassent. Etchaça tous les prestres et les religieux des crestiens, la loy de Mahommet faisoit prescher par toute sa terre. Et cilz manda ses messaigés au soubdan d'Egypte. Et avec lui fist paix et amistié, et promist au soubdan qu'il constraindroit tous les crestiens qui estoient en sa terre à devenir sarrazins, ou il les feroit tous derrenchier ; de ce furent les sarrazins tous liez et les crestiens en grant doulour. Et ne savoient que faire autre chose, fors que appeller la miséricorde de Nostre Seigneur, car ils veoient venir sur eulx grans persécucions. Ledit Mahommet manda au roy d’Armenie, et au roy de Georgie et aux autres crestiens d'Orient qu'ilz venissent à Iuy. Les grans crestiens furent en grant pensée eten grant paour. En dementrés que les crestiens estoient en tante tribulacion dessoubs la seigneurie de cellui mauvais Mahommet. Et Dieux qui ayde à ceulx qui ont espérance en Iui manda aux crestiens grant confort, car un frère dudit Mahommet et un sien nepveu qui avoit nom Margo se revellèrent contre lui pour ses mauvais œuvres. Et firent savoir à l’empereur Cobila Kaan, comment il constraignoit et amonnestoit les Tartars à devenir Sarrazins. Quant Cobila Kaan entendi ce, il manda commandement à Mahommet qu'il cessast de

ses euvres, où il yroit contre lui. De ce fu Mahommet

moult troublez, et tant fist qu'il prist son frère et l'occist. Après ala pour prendre Argon, mais Argon se mist en un chastel fait ès montaignes. Mahommet fist assegier cellui chastel. A la fin Argon se rendi sauve la vie de lui et des

siens.

Comment Argon fut délivré du péril de mort.

Quant Mahommetot son nepveu en son povoir il le délivra à un sien connestable à garder. Et après ce ordonna Mahommet que sa gente venist après lui bellement et s’en yroient vers Toris où il avoit laissié sa mouillier. Et au connestable commanda que celéement occist son nepveu Argon, et que il Iuy portast à tous la teste. Un puissant homme le trouva, lequel le père d'Argon avoit nourry, et ly avoit fait assez de biens. Cestui ot grant compassion d’Argon. Adonc il prist sa gent, et de nuyt vint et occist le connestable et ceulx de sa suite, et délivra Argon de mort et de prison. Et fist ordonner Argon sur eulx, et à Toris li fist faire serement et obédience. Quant ce fu fait Argon chevaucha hastivement et tant fist qu'il atainst Mahommet Kaan et le prist avant qu’il venist à Toris. Et tantost il le détrencha par my. Etainsi fina cil mauvais chiens Mahommet le second an de sa seigneurie.

Comment Argon après ce qu'il ot rêgné en grant prospérité ala de vie à trespassement.

En l'an de Nostre Seigneur. M. cc. 11II XX, et .v, après ce que Mahommet fu mort, Argon fu fait seigneur des Tar-

tars, et le grant empereour le conferma en sa seigneurie et voult qu’il feust appellez Kaan, et pour ce Argon fu plus honnourez que ses ancesseurs. Cestui Argon fu moult bel et plaisant et saige, et fu fort homme du corps et gouverna saigement sa gent et sa seigneurie. Et les églises des crestiens que Mahommet avait fait abatre, Argon les fist redrechier ; donc vint à lui le roy d’'Armenieet le roy de Georgie, et les autres crestiens des parties d'Orient, etprioient Argon qu'il voulust mettre paine à délivrer la Terre-Sainte. Sur ce Argon tendoit à faire paix avec ses voisins, à ce qu'il peust aler plus seurement contre le soubdan. Eten démentres que Argon estoit en cestui bon proposement. Au quart an de sa seigneurie, mourut si comme plot à Dieu. Et un | sien frère qui fu nommez Kalgaito fu fait seigneur après luy. Et cestui Kalgaito fu le moins prouffitable seigneur qui oncques feust du pays, depuis que Canguis Kaan fu fait seigneur, si comme sera devisé cy-après.

De Kalgaito qui fu fait seigneur des Tartars qui pou lui valut, fut noiez par la défaute de lui et par ses grans et horribles vices, et fu son cousin fait seigneur.

En l'an de notre seigneur mil. cc. r11 xX. et 1x, après la mort d’Argon Kaan, son frère Kalgaito tinst la seigneurie. Cestui Kalgaito ne tenoit pas bonne foy, ne aux armes riens ne valoit. Tout estoit donné à peschié et à luxure, ainsi comme une orde beste menoit sa vie. De vin et de viandes saouloit son ventre. Et autre chose ne fist en .vi. aus qu'il tinst la seigneurie pour la grant chetiveté et

misére quiestoit en lui. Sa gent le commencièrent à haïr et à mesprisier, dont en la fin ses gens meismes le noyèrent. Après la mort de cestui Kalgaito, fu fait seigneur un sien cousin qui avoit nom Baïdo. Cestui Baydo estoit crestien, et avoit fait aux crestiens graces et biens assez, mais il

trespassa de ceste vie.

Comment Baydo Kan fut fait emperière des Tartars.

Après la mort de Kalgaito, Baydo son frère ot la seigneurie. Cestui comme bon crestien fist refaire les églises des crestiens, et commanda que nulz ne feust si hardis de preschier la loy de Mahommet en sa terre. De ce furent moult troublez les Sarrazins, qui moult estoient en cellui temps multipliez. Donc les Sarrazins et les Tartars mandèrent celéement messaigés à Casan qui fu filz d'Argon, et li promistrent qu'ilz le feroient seigneur sur eulx, et qu'ilz lui donroient la seigneurie de Baïdo, se il vouloit renoncer à la foy crestienne. Casan qui petite cure avoit de la foy des crestiens, et qui moult estoit convoiteux d’avoir seigneurie, ottroya de faire ce que ceulx requerroient. Sur ce Casan se revela contre Baydo. Et Baydo assambla son ost et s'en vint contre Casan. Il ne congnoissoit pas la traïson de sa gent.

Comment Baydo fut tray faulsement desa gentet occis.

Quant Baydo cuida assembler à Casan tous ceulx qui te-

noient la loy de Mahommet se partirent et s'en allërent de-

vers Casan. Baydo véant que sa gent l’avoit trahy se mist au retourner. MaisCasan manda après et le prist, et fu mort Baido si comme il fuyoit, et Casan prist la seigneurie.

Comment Casan se monstra moult fier au commencement envers les crestiens et depuis changea sa condicion et fist moult de biens aux crestiens.

Après la mort de Baydo, Casan tinst la seigneurie. Au commencement de sa seigneurie, ilse monstra moult fier vers les crestiens. Et ce faisoit-1il pourfaire le plaisir à ceulx qui l’avoient mis en sa seigneurie dessus nommée. Mais depuis qu’il fu fermé en sa seigneurie, commença moult à amer les crestiens et honnourer, ethéoit les Sarrazins. Et assez de choses fist au prouffit de la crestienté. Car premièrement il destruisoit tous ceulx qui le conseilloient à faire mal aux crestiens. Après ce, commanda Casan que toute sa gent fust appareillié dedans un an de quanque mestier leur feust, car il vouloit entrer en la terre d'Egipte et destruire le soubdan. Et manda au roy d’Armenye et au roy de Georgie etaux crestiens des parties d'Orient qu’ilz feussent appareilliez pour venir avec luy. Quant la saison fu venue Casan chevaucha à tout son povoir, et s’en vint à la cité de Baldach. Quant Casan vint en la cité du soudan, il assembla sa gent. Le soubdan d'Egipte qui estoitnommez Métocuaser, et assembla tout son povoir devant la cité de Hames, qui est ou milieu du règne de Syrie. Casan entendi comment le soubdan venoit contre luy pour combatre. Et

pour ce, il ne voult delayer pour prendre chastel ne ville;

ains vint droitement près du lieu où le soubdan estoit, et se loga près de l’ost à une journée, en une prayrie où il avoit grant habondance de herberges. Lors commanda Casan à toute sa gent qu'ilz donnassent repos à toutes leurs bestes qui estoient travailliées venans hastivement de long chemin. En la compaignie, Casan avoit un sarrazin qui avoit nom Capthap, qui avoit esté baïllifs de Damas, et s’en estoit fouis pour la doubte du soubdan. Casan avoit fait audit Capthap maintes graces et honneurs, et se fyoit en Juy. Donc il avint que cestui Capthap manda au soubdan d’Egipte par ses lettres toute la covine et le conseil des Tartars. Et manda au soubdan conseillant qu’il venist hastivement en la bataille contre Casan, tant comme sa gent et ses chevaulx estoient traveilliés et las. Dont vint que le * soubdan d'Egypte qui avoit proposément d'atendre Casan en les contrées de Hames. Mais par le conseil de Capthap le traiteur, vint hativement à tout son povoir pour envayr Casan despourveuement. Les gardes de l’ost Casan firent savoir la venue du soubdan. Dont Casan commanda à ses barons que tous chevauchassent ordonnéement par leurs batailles contre le soubdan et sa gent. Et Casan chevaucha tousjours autant de gens comme il ot prés de soy, et s’en vint contre le soubdan qui hastivement s’en venoit avec grant quantité des meilleurs de son ost. Quant Casan vit qu'il ne povoit la bataille eschever, et que ses gens qui estoient espandus parmy les champs ne pourroient venir à lui si tost, il s'arresta etcommanda à tous ceulx qui avec luï estoient qu’ilz descendissent à pié et meissent leurs chevaulx

entour eulx et aux arcs et aux sajettes abatissent leurs enne-

mis, qui venoient courant tant eomme les chevaux les povoient porter. Lors descendirent les Tartars et entour eulx mistrent leurs chevaux et tenans les arcs et les sajettes attendirent tant que les ennemis furent près d'eulx. Lors laissièrent aler les Tartars leurs sayettes tous ensemble, et firent ceulx qui venoient courans les premiers tresbuchier à terre. Et les autres qui après venoient chéirent, et ainsi l’un chey sus l’autre, et leur traient souvent et menu, car moult sont bien apris en l’art de sayeter. Dont pou eschappérent de ceulx Sarrazins qui ne fussent ou mors ou navrez. Quant le soubdan vit ce, il se retraist. Et Casan commanda tantost à sa gent qu’ilz montassent à cheval et amaissent vigureusement leurs ennemis. Casan fu le premier qui ala combatre au soubdan, et courut à la meslée avec celle petite gent qu'ilavoit entour soy jusques à tant que tous les barons vindrent ordonnéement à la bataille. Lors commença 1la

meslée de toutes pars, et dura la poingneis du soleil levant

Jjusques à la nonne. A la fin l’ost du soubdan ne pot durer devant Casan, car de sa main faisoit merveilles. Et tourna en Sirye le soubdan et sa gent. Casan et sa gent chachièrent jusques à la none nuyt leurs ennemys, occians quanqu'ilz ataignoient, Lors furent abatus et mors tant de Sarrazins que la terre en fu toute couverte. Celle nuyt demoura Casan en un lieu, qui est nommez Caver, liez et joyeux de la victoire que Dieu lui avoit donnée. Et ceste chose avint en l'an Nostre Seigneur. mil. cec. et un le premier merkedy devant Noël.

Comment ie roy d'Armenie et Molay poursuirent le soudan,

Après, Casan commanda au roy d'Armenye, et à un sien baron qui ot nom Molay, que avec .xl. mille Tartars sievissent le soubdan jusques au désert d'Egipte qui estoit bien loing du champ où la bataille avoit esté à .XII. journées. Et leur commanda qu’ilz deussent attendre ès contrées de Casore son commandement. Le roy d'Armenye et Molay avec .xl. mille Tartars se partirent et alèrent après le soubdan. Tous les Sarrazins qu’ilz porent trouver et à consuyvre occistrent. Après le tiers jour, manda Casan commandement que le roy d'Armenye deust retourner, car il vouloit assegier la cité de Hames. Et commanda que Molay alast après le soudan. Mais le soudan s'en fouy dejouret denuyt, chevauchant chevaux coureurs en compaignie de béduins qui le conduisoient. Et ainsi le soubdan misérablement entra en Babiloine sans compaignye. Les sarrazins s’en fouyrent çà et là par diverses voyes sy comme ilz audoient mieux eschapper. Et une grant partie d'iceux Sarrazins tindrent la voye devers Triple (Tripoli), lesquels furent mors et pris par les crestiens demourans ou mont Liban. Le roy d’Armenye retourna à Casanet trouvaque la cité de Hames estoit rendue à Casan. Et tout ce que le soubdan et sa gent avoient aporté avecques eulx si grans richesces, là où 1lz attendoient de combatre. Quant Casan ot fait assembler les merveilleux trésors, et toutes les richesses qui avoient esté gaingniées, il les departy toutes à sa gent. Et je frère Hayton ay esté

présent en toutes les grans besoignes, que les Tartars ont eu à faire avec les Sarrazins du temps l’empereur Halcon en cà. Mais oncques ne vy, ne n'oy parler de nul seigneur tartar qui plus grans fais fist en deux jours, que ce que Casan fist. Car le premier jour de Îa bataille, Casan avec pou de compaignie de gent, contre le soubdan et grant quantité des sieurs, se prouva de sa personne si bien qu’il ot renommée sus tous les autres combateurs. Et de sa poëste sera parlé entre les Tartars tous temps. Le second jour, fu veue la franchise de Casan, que les grans richesces qu’il avoit gaingniées qui furent sans nombre, toutes les departy à sa gent. En telle manière qu'il n’en retinst fors que une espée, etune bourse de cuir plaine d’escriptures du fait de la terre d'Egypte, et tout le demourant donna franchement. Et merveilles estoit comment si petit corps povoit avoir si grant coppie de vertus. Car entre .XX. mille chevaliers l'en ne peust avoir une plus petite personne, ni de plus laide façon. Et tous les autres surmontoit de poëstes et de vertus. Et pour ce que cestui Casan est de nostre temps, il nous convient parler de lui plus longuement que des autres. Celluy soubdan qui fu desconfit par Casan est encore vif. Et d'autre part ceulx qui attendent au passaige de la Terre- Sainte, y pourroit puysier de belles exemples.

Comment ceulx de Damas envoièrent les clefs de leur cité à Casan et plusieurs grans dons et des traïsons qui lors avindrent en son ost.

Après ce que Casan ot reposé aucuns jours et ordonnées ses besoignes, il chevaucha droitement vers la cité de Damas,

il chevancha droitement vers la cité de Damas. Et quant ceulx de Damas entendirent la venue de Casan, ilz orent grant paour. Car se Casan les prist par force qu'ilz prendroit tous sans miséricorde. Dont ilz mandèrent à Casan messaigés, et luy mandèrent grans dons, et luy envoyèrent les clefs de Damas. Dontil avint que Casan receust les dons etcommanda aux messaigés qu'ilz retournassent à Damas, ct qu'ilz feissent appareillier vitaille pour son ost, etne fussent en doubte. Car il ne vouloit mie destruire la cité de Damas. Ains la vouloit garder comme pour sa chambre. Les messaigés s'en partirent liez de la responce que Casan leur dist. Et Casan chevaucha après et se loiga sur la rivedu Hun de Damas, et commanda que nulz ne fist dommaige ne outrage à la cité. Ceulx de Damas mandèrent à Casan grans dons, et habodance de vittaille pour son ost. Et séjourna Casan à Damas pluseurs jours avec son ost. Sans ceulx xl. Tartars qui estoient avec Molay. Lesquelz estoient à Casère attendans les mandemens de Casan, sy comme Casan et sa gent demouroient en grant repos. Et un messaigé vint qui luy apporta nouvelles que Baydo estoit entrez ou royaume de Perse, et qu'il avoit dommaigez en la terre, et doubtoient qu'il ne feist pis que fait n’y avoit. Dont ilavint que Casan commanda à Catholasa qu'il demourast à garder le royaume de Syrie. Et commanda à Molay et aux autres Tartars qui estoient avecques lui en Casere qu'ilz obéissent à Catholasa, lequel Casan avoit lessié en son lieu. Après ordonna baillifs et gouverneurs sur chascune cité, et ordonna baillif de Damas Captaph, car Casan ne s’estoit encores apparçu que Captaph feust traiteur. Après tout ce Casan fist ap-

pareillier le roy d'Armenye et y fist assavoir comment il vouloit retourner en Perse. Et dist Casan : Nous vous avons livrez les terres de Syrie à garder aux crestiens se ilz feussent remis. Et se ilz venoient, nous lessons nostre commandement à Catholasa. Qu'il rendeaux crestiens la Terre- Sainte et qu'il leur doint conseil et ayde à refaire les terres. Quant Casan otce fait il s'en ala vers Mésopotamie. Et quand il fu venus au flun d’Eufrates, il commanda à Catholasa qu’il lessast Molay avec .XX. mille hommes pourla terre garder, et qu'il venist hastivement à li à tout le remenant de l'ost ou royaume de Mésopotamie. Et Catholasa s'en party et fist le commandement de Casan. Et Molay demoura pour garder la terre de Syrie. Par le conseil du traiteur Captaph, Molay s’en ala vers les parties de Jhérusalem en un lieu qui nommez est Gant, où il avoit bonne pasture pour chevaux. Quant l'esté fu venus, Captaph manda ses messaigés au soubdan, et luy promist de rendre Damas et les autres terres queles Tartars tenoient en Syrie. Et le soubdan promist à Captaph qu'il luy donroit la seigneurie de Damas, et de son trésor une grant partie et sa sereur à moillier. Dont Captaph se revela et fist reveler les terres et les contrées. Car il savoit bien que les Tartars ne pourroient venirsur eulx pour la chaleur de lesté. Quans Molay vit ce que Damas et les autres terres furent revélées. il n'osa demourer ou royaumedeSyrieà sy pou de gent. Ains ala vers Mésopotamie et trouva Casan, et Iuy compta ce que Captaph le traiteur otfait. Casan entendant ces nouvelles fu moult troblez, mais il n’en pot autre chose faire pour lo grantchault qu'il faisoit. Quantl’esté fu passéetl’iver commen:

çaà venir, Casan assembla son grant ost sur la rive du flun Eufrates. Et manda tout avant Catholasa avec .XXX. mille Tartars et commanda qu’ilz alassent vers la cité d'Antioche, ct manda vers le roy d'Armenye. Et pour ce, les crestiens qui lors estoient ou royaume de Chyppre vindrent par mer jusques à la cité de Cortose, et y fu le seigneur de Sur, frère au roy de Chyppre, qui conduisoit la chevalerie, et y furent les maistres du Temple et de l’ospital. Et ainsi, comme 1ilz estoient appareilliez de faire le service Nostre Seigneur. Et unes nouvelles vindrent que une griève maladie avoit scurpris Casan. Dontil convint que Catholasa retournast à Casan à toute sa gent. Et le roy retourna en son pays. Et les crestiens qui estoient venus à l'isle de Carcon s'en retournèrenten Cyppre. Et pour ceste achoison, la besoingne de la Terre-Sainte fu destourbée. Et ce avint en l'an Nostre Seigneur. M. CCC. et I.

Comment Casa, empereur des Tartars, s’en retournd du voiage de la Terre-Sainte et commanda au roy d'Armenie d'aler asegier Damas.

En l'an Nostre Scigneur. mil. CCC. et IIT, Casan assembla de rechicf son grand host sur le flun d’Eufrates, entendant entrer ou royaume de Syrie, et destruyre le soubdan d'Egypte et recouvrer la Terre-Sainte et rendre la aux crestiens. Quant les Sarrazins entendirent la venue de Casan, véans qu'ils ne se pourroient combatre à son povoir, gastèrent et ardirent toute la terre, et la contrée par laquelle Casan devoit passer. Les bestes et le bestail, et tout quan-

que 1lz pourroient traïstrent aux forteresces, et tout Le remcnant mistrent à feu afin que les chevaux ne peussent riens trouver à vivre. Quant Casan ot entendu ce que les Sarrazins avoient fait, regardant que les chevaux ne pourroient riens trouver dont ilz se peussent vivre, prist conseil de demourer ycelluy yver sur le flun d'Eufrates. Et venant la pasture quant l’erbe commenceroit à bourionner, adonc prendroient le chemin. Plus grant pensée avoient les 'Tartars de leurs chevaux que d'eulx mesmes. Comme ceulx qui scevent vivre de pou de viande, Casan se mist sur la rive du flun d’Eufrates à tout son ost et manda le roy d’'Armenye. Et si grant fu l’ost de Casan, qu'il dura de long trois journées, du chastel qui est nommez Ractale, jusques à un autre qui est nommez Labire. Et ces deux chasteaulx estoient des Sarrazins, mais ilz se rendirent à Casan. En dementres que Casan demouroit sur le flun, attendant saison convenable pour aler délivrer la Terre-Sainte du povoir des Sarrazins, nouvelles vindrent que Baydo entra de rechief en la terre de Casan. Et fu compté à Casan qu'il avoit fait grant dommaige, et aloit chachant sa gent qu'il avoit laissié en la garde de sa terre. Sur ce fu conseillié à Casan qu'il retournast en sa contrée, et en l’autre an venant pourroit entrer en la terre de Syrie. Casan fu moult corrouciez de ce que la besoigne de la Terre-Sainte délayoit tant. Dont il commanda à (Catholasa qu'il entrast ou royaume de Syrie avec. XL. mille Tartars, et qu'il alast prendre la cité de Damas, et qu’il meist à l’espée tous ceux qu’il prendroit. Et commanda au roy d'Armenye, que avec sa gent, et Catholasa avec. XL. mille Tartars à cheval en-

trast au royaume de Syrie; cet tout alèrent gaistant Jusques à la cité de Hames. En celle contrée cuidièrent trouver le soubdan avec son ost, si comme ilz avoient trouvé autre fois. Mais ilz ne le trouvèrent pas, ains oirent dire que le soubdan estoit à Gezète, et qu'il ne véoit partir de celle contré:. Dont il avint que Catholasa et le roy d'Armenye firent envahir la cité de Hames, et en pou de temps Ia pristrent par force. Hommes et femmes mistrent à l’espée tous sans miséricorde. De grans richesses y trouvèrent et grant plante de viandes et de bestiaux. Après vindrent devant la cité de Damas, et la vouloient envayr. Mais les citoyens mandèrent priant qu’il leur feust donné terme à trois Jours, et après ilz se rendroient à mercy. Le terme leur fu ottroié. Mais coureurs fouyrent de l’ost aux Tartars, qui avoient couru outre Damas près d’une journée, et pristrent aucuns Sarrazins et les envoyèrent à Catholasa leur chevetaine. Par ces Sarrazins, aprist Catholasa certaines nouvelles que près de Damas, à deux journéesestoient XII mille Sarrazins à cheval qui attendoient la venue du soubdan. Catholasa entendant hastive ces nouvelles chevaucha tantost hastivement, et tant fist que il vint au lieu où les. XII. mile Sarrazins estoient à heure de vespres. Cuidans ceulx seurprendre avant.que le soubdan venist, mais un petit avant le soubdan estoit venus à tout son povoir. Quant Catholasa et le roy d’Armenye virent que le soubdan estoit venus, 11z pristrent conseil de ce qu'ilz devoient faire. Et pour ce qu'il estoit temps et heure de vespres, conseil leur fu donné qu'ilz se reposassent celle nuit, et lendemain envaissent lc soubdan ct sa gent. Mais Catholasa, qui mesprisoit 1e soub-

dan , ne voult tant ataindre. Ains commanda que ses gens se meissent en Courroy et que viguereusement envaïssent leurs ennemis. Les Sarrazins, qui estoient logiés en un lieu moult fort, ne parurent point pour venir combatre, ilz estoient environnez de deux pars d’un lac et d’une montaigne, et bien savoicent que les Tartars ne pourroient venir à eulx sans grant meschicf, et pour ce les Sarrazins ne se vouldrent partir de cette place. L'ost des ennemis chevaucha hastivement pour les ennemis envair, mais ilz trouvérent un ruissel d’eaue que l'en ne povoit passer fors en aucuns licux certains, qui moult les destourba avant qu'ilz feussent passé cellui ruyssel. Quant Catholasa et le roy d’Armenye et la plus grant partie de leur gent furent passez, ilz envairent viguereusement leurs ennemis. Tous ceulx qui se mistrent contre eulx desconfirent et chacièrent jusques à la nuyt. Le soubdan demoura sans partir de la place où il estoit, ne voult issir à la bataille. Celle nuit se héberga Catholasa près d’une montaigne, à tout sa gent fors que entour dix mile qui n'avoient peu passer le ruissel de jour. Quant vint landemain, Catholasa ordonna sa gent et vint ou champ pour combatre. Le soubdan ne voult issir à la bataille. Ains se tinst en cellui fort lieu. Moult se pénérent les Tartars de traire les Sarrazins de celle place. Mais ilz ne porent en nulle manière, et dura l'assault Jusques à la nonne. Par souffreté d’eaue furent les Tartars ennuyez et e retraistrent pour trouver eaue, et sen alérent ordonnéement l’un après l'autre tant qu'ilz vindrent au plain de Damas et là trouvèrent pasture et eaue assez. Et ordonna

Catholasa de reposer en cellui lieu, par pluseurs jours, les

L'EXTRÈME ORIENT AU MOYEN-AGE. 210 gens ct les chevaulx afin qu’ilz peussent miculx retourner à combatre au soubdan. Quant l’ost des Tartars furent logiés en celle plenière et cuidèrent estre à repos, et les habitants de Damas lessèrent courre l’eaue du flun par les conduis ce ruisseaux. Et avant que il feussent. VIII. heures de la nuyt, le plain fu tout couvert d’eau, et les chemins dont il convint que les Tartars se levassent hastivement. La nuyt fu moult obscure. Les fosses furent toutes plaines d’eaues, ct les chemins tous couvers, dont l’ost fu en grant confusion et chevaulx et bestes. Et hernoïs furent perdus assez, et des hommes y ot pluseurs noyez. Et grant dommaige y ot lors le roy d'Armenye. Le jour vint, si furent délivrez decellui péril par la grace de Dieu voirement les arcs et les saiettes. De quoy les Tartars se aident plus en bataille, etleurs autres armeures furent si moilliées qu’ilz ne s’en peussent aidier, En cellui cas, l'ost des Tartars fu si durement esbahis, que se lès Sarrazins les eussent envays, legièrement les eussent tous desconfis. Les Tartars se mistrent au retour tout bellement, pour ceulx qui avoient leurs chevaulx perdus et vindrent en. VIII. jours au flun d'Eufrates. Il convint qu'ilz passassent oultre sur leurs chevaulx, si comme ilz pourroient mieulx. Le flun estoit lors grant et parfont, dont gens assez y périrent, au moins Tartars et Georgiens. Dont il avint que les Tartars retournèrent tous confus, non pas pour le povoir des ennemis, mais pour meschance et pour mauvais conseil. Car Catholasa povoit eschever tous ces

périlz, se il eust volu croire conseil.

Comment Casan receupt le roy d’'Armenie.

Et je frère Hayton qui fais de ceste hystoire mencion fu là présent et qu'il me soit pardonné se je parole de ceste matire trop longuement, car j'ay ce fait à ce que les périlz puissent estre eschivez en semblable cas. Car les besoignes qui sont menées par conseil, par droit, doivent avoir bonne fin. Etles œuvres que l'en fait sans pourvieance, acoustumément faillent à venir à leur proposément. Après ce que le roy d’Armenye ot passé le flun d’Euffrates, non pas sans grant travail et perte de sa gent, il prist conseil d’aler veoir Casan, avant ce qu’il alast en Armenye. Dont le roy prist son chemin et ala droitement à la cité de Nynyve, où Casan demouroit. Adonc Casan receust le roy bénignement, et ot grant compassion du dommaige que lui et sa gent avoient cu. Et pour ce que le roy d’Armenye et sa gent s'estoient portez'loyaument ct bien en toutes les besoignes, Casan fist au roy gracc cspécial. Car il luy donna mil Tartars à cheval et leur commanda qu'ilz demourassent tout adès à garder Ja terre d'Armenye aux despens du roy de Turquie, tant qu'il peust souldoyer autres nulz chevaliers à sa voulentc. Après ce, le roy prist congié à Casan, et s'en vint-en son pays. Et Casan [y dist qu'il pensast bien de garder sa terre jusques à tant qu'il peust personnellement aler conquerre la Terre-Sainte.

UE

Comment le roy d'Armenie desconfist. VII. mille Sarrazins et comment le soubdan demanda treves au

roy d'Armenie.

Le roy d'Armenye s'en retourna en son pays, mais puis qu'il vient, il ot petit de repos. Car le soubdan manda en celle année près que chascun mois grant quantité de gens d'armes, et faisoit courre presque toute la terre d'Armenve et gaster, et meismement le plain, dont le royaume d’Armenye fu adonc en pyteux estat qu’il n'avait oncques esté. Mais Dieu tout-puissant qui tousdis aide à ceulx qui ont en ly espérance ot miséricorde du peuple des crestiens d’Armenye. Dont il avint que ou moins de juing, VII mille Sarrazins des meilleurs de la maison du soubdan d'Egypte, entrèrentou royaume d'Armenye, et coururent tout le plain gastant et desrobant jusques à la cité de Tecsot en laquelle fu nez l'apostre saint Pol, grant dommaige firent les ennemis. Et si comme 11z s’en aloient, le roy d'Armenye assembla son ost et lez vint à l'encontre. Et près de la cité de Layas fu commenciée la bataille, et par la voulenté de Dieu, les ennemis furent desconfis en telle manière que des. VIT. mile Sarrazins n'en eschappa pas. CCC. que ne feussent tous mors ou pris. Et ce avint par un jour de dimenche. le xbiii* jour du moins de juing. Et après celle desconfiture n'osèrent entrer ou royaume d'Armenye. Et je frère Hayton, compilateur de ceste euvre, fu présent aux dittes choses. Et long temps avant j'avoie veu et proposément de prendre habit de religion, mais pour les gran

afaires que le roy d'Armenye avoit tout adës, je ne povoie à mon honneur habandouner mes seigneurs et mes parens et amis en toutes nécessitez. Mais puis que Dieu par sa pitié nous ot donné victoire contre les ennemis et nous donna grace de lessier le royaume d’Armenye en assez bon estat, tantost pensay d'accomplir mon vœu. Dont je pris congié à monseigneur le roy et aux autres mes parens et amis. Eten cellui champ meismes où Dieu nous ot donné la victoire contre les mescréans, pris mon chemin et m'en vins en Egypte. Et au moustier de Nre. dame de l'Espiscopie, de

l'ordre de Prémonstré, receux-je habit de religion, à ce que je qui avoye esté longtemps chevalier au monde reffusan les

pompes de cest siècle, pensé servir en humilité le remenant de ma vie à Nostre Seigneur Jhésu-Crist. Et ce avint en l'an Nre. Seigneur, mil. CCC. et V. graces et mercies à Nre. Seigneur rens. Car le royaume d’Armenye est re= tournez en meilleur estat, meismement par le jeune roy mons. Lynon, jadis Baronchères, lequel est aournez de graces et de vertus. Et avons espérance que au temps de cestui jeune roy, le royaume d’Armenye retournera en son premier bon estat, avec l’ayde de Nre. Seigneur Jhesucrist,

Les paroles de l’auteur de cestui livre.

Encore je qui ay compilé cest livre, dy que ce qui se contient en la tierce partie de ce livre, je le scay en trois manières : Car du commencement de Canguis Kaan, qui fu le premier empereour, je compte tout ainsi comme les hys-

LA

toires des Tartars devisent. Et de Mango Kaan, jusques à la mort de Halcon, je parole si comme j'ay oy. Et après la mort de monseigneur mon oncle le roy Hayton, le roy d'Ermenye de bonne mémoire, lequel avoit esté présent à grant diligence le racomptoit à ses enfans et à ses nepveus. Et les noms faisoit mettre en escript et en remembrance. Et du commancement de Abaga, filz de Halcon, jusques à la fin de la tierce partie de cest livre où finent les hystoires des Tartars, je parole comme cellui qui fu présent en personne, et de ce que j’ay veu, puis porter tesmoignage et garantie à la vérité, Nous avons compté dessus des hystoires et des fais des Tartars, encore dirons briefment de leur

povoir.

Cy parle de la grant puissance de l'empereur des Tartars.

Le grant empercour des Tartars, cellui qui ores tient la seigneurie est nommez Tamor Kaan, et est le VI° empereour, et au royaume de Cathay tient le siège deson empire, en une grant cité qui est nommée Juyng, laquelle son père fist fonder. La puissance de cestui empereour est grant, car Jui tout seul pourroit plus que ne pourroient tous les autres princes des Tartars. Les gens de l’empereour sont tenus à plus nobles, et sont plus riches et mieulx garnis de toutes richesces, car au royaume de Cathay a grans habondances de richesces. Après, y a trois autres roys des Tartars qui ont moult grant puissance, et tous portent révérence au grant empereour et obédiance par son jugement, Le premier de ces roys est nommez Capar, l'autre Toctay, et l'autre Çar«

banda. Capar tient la seigneurie du royaume de Turquesten, et a le plus de la terre de l’empereour que les autres. Cestui si comme dit puet mener en bataille. CCCC. milehommes à cheval, et ses hommes sont preux et hardis voirement, ilz n’ont habondance de bonnes armes ne de bons chevaulx. Aucunes fois, les gens de l'empereour mouvent guerre à Capar, et luy touldroient voulentiers sa terre; mais il se deffent viguereusement. La seigneurie de Capar a esté tout adès d’un seigneur. Jà soit que son frère Tottay tiengne une grant partie de sa terre. |

Comment le roy des Tartars Toctay puet mener en bataille. VII. C. mille hommes.

Tottay, roy des Tartars, tient la seigneurie de Comanye et tient son siège en une cité qui est nommée Sara. Cestui puet mener en bataille. VII. C. mille hommes, si comme l’en dit voirement. [1z ne sont point si vaillant en fait d'armes, ne en bataille comme sont les gens Capar, jà soit qu'ilz aient meilleurs armes et meilleurs chevaux. Aucunes fois ou guerre à Carbanda. Aucunes fois mouvent guerre au roy de Ungarie. Aucunes fois font discorde entr’ eulx. Mais orendroit Toctay tient la seigneurie en paix et en repos.

De la puissance de l'empereur Carbanda, sire de Thoris la noble cité, et de son saige gouvernement et de sa grant prouesce.

Carbanda tient son povoir en Ayse la Maiour et tien son siège en la cité de Toris, il puet mener en bataille en

tour. I1lc. mille hommes à cheval, ilz sont gens de diverses nacions, ilz sont riches et bien garnis de ce que mestier ont. Capar et Toctay mènent souvent guerre à Carbanda mais il deffent sa terre saigement. Carbanda ne s'entremet de faire guerre à nul, fors que au soubdan d'Egypte auquel ses antécesseurs ont eu guerre. Tout adès les devant nommez princes, Capar et Toctay, gecteroient voulentiers Carbanda hors de sa seigneurie, se ilz povoient, mais ilz nont povoir. Jà soit ce qu'ilz soient plus puissans de terres et de gens, et ceste est la raison, car Carbanda deffent sa terre de la puissance de ses voisins, car Ayse est devisée en deux parties : L’une partie est ditte Ayse la Parfonde, et l'autre est ditte Ayse la Maiour, et en celle partie demeure Carbanda. Trois voies sont seullement par lesquelles l’en puet entrer d’Ayse la Parfonde en Ayse la Maiour. L'une voie est par laquelle l'en va du royaume de Turquesten ou royaume de Perse; l’autre voye est par le debout qui va près de la cité, que Alexandre fonda, qui est nommée Porte d'Enfer. La tierce voye est par devers la mer Maiour, et passe par le royaume d’'Abtas. Par la première voie, la gent Capar ne puet entrer en la terre de Carbanda sans péril et mesaise grant. Car l'en ne pourroit trouver pastour pour les chevaulx jusques à plusieurs journées, car celle contrée est seiche et déserte. Et avant qu'ilz peussent parvenir aux bonnes terres, leurs chevaulx seroient mors de faim et de mesaise. Et par petite quantité des ennemis pourroient. estre ceulx qui se mettroient à passer desconfis; et par l’autre voye par devers le débout. La gent de Toctay pourroient avoir entrée en la terre de Carbanda. VI. mois

LA

seulement, ct est en temps d’iver. Mais Abaga fist faire bien d’une journée licez et fosses ct autres trenchcis ou lieu qui est nommez Cyla. Et tout adès y a gens d'armes qui gardent le pas. Maintes fois se sont essayez les gens de Toctay de passer celéement, mais 1lz ne povoient, car il leur convenoit passer par une plenière qui est nommée Mongan. En celle plenière meismement ou temps d’iver a tout adès une assemblée d’une manière d'oyseaux qui sont grans comme faisans, et ont moult belles plumes et les appelle l'en Seyserach. Quant gens entrent en celle plenière, ces oyseaux s’enfuient et passent parmi ces licez vers le plain de Mongan. Dont il avient que ceulx qui sont députez à la garde de celluy lieu congnoissent tantost la venue de leurs ennemis par ces oyseaux et s’en garnissent pour garder le pays. Par la tierce voye devers la mer Maiour n'oseroient entrer, car il convendroit passer par le royaume d’Abtas, qui est garny de gent et de fortes terres, et ne pourroient passer. Et par ceste manière, Carbanda et ses ancesseurs ont leurs terres deffendues de la grant puissance de leurs voisins.

Du besteal des T'artars qu'il: manient, De la créance des Tartars et quel chase 1lz réputent estre péché et ou bien fait et de les meurs et ordonnances selon leur loy.

Encore dirons-nous aucune chose des Tartars, de leur manière et de leurs coustumes. Les Tartars sont moult divers de l’autre gent, de manière et de coustume, ne on ne pourroit toute leur devisité compter sans grant ennuy. Les

Tartars croyent et nomment Dieu simplement, et dient que Dieu est immortel, et leur mettent Dieu tout avant. Autre révérence ilz ne font à Dieu ne par oroisons, ne par jeunes, ne par affliction, ne par autre bien fait. Les Tartars ne reputeroient le péché d’avoir occis un homme néant, et se le frein estoit en la bouche de leur cheval, ilz auderoient avoir péchfé mortelment. Le Tartre ne repute pas luxurc péchié. Dont ilz ont pluseurs femmes. Et par usaige, il convient qu'après la mortdu père, que le filz prengne sa marrastre et le frère la mouillier qui fu de son frère, et font litavec elles. Les Tartars sont bonnes gens d'armes, à leur seigneur sont obéissans plus que nul autre gent. Leur seigneur ne leur donne gaige, ne souldées. Ains puet prendre d’eulx se il veult quanqu'ilz ont. Ne pour ost ne pour chevauchier, leur seigneur ne leur est tenu à riens donner. Ains convient qu’ilz vivent de chatel et de proye qu'ilz gaignent sur leurs ennemis. Quant les Tartars scevent qu'ilz doivent partir par telle contrée où 1lz ne cuident trouver grant plante de vittaille, ilz font mener avec eulx grant quantité de bestail, et vaches et jumens, et vivent du lait. Et la char des bestes menguent et la tiennent pour bonne chair. Les Tartars sont moult vistes en fait d'armes à cheval, mais à pié valent pou, car 11 ne scevent aler à pié. Quant ilz sont ordonnez pour combatre, ilz entendent tantost la voulenté de leur chevetaine, et scevent ce qu'’ilz ont à faire, dont les chevetaines gouvernent legièrement leur gent, à pou de travail. Les Tartars sont moult engigneux de prendre chasteaux et villes, Les Tartars quièrent tout adès leur avantaige contre leurs ennemis en bataille, et n'ont vergoigne de partir ou autre

chose faire à leur prouffit. Les Tartars ont cestui avantaige de l'autre gent, car se ilz sont assemblez en un champ pour combatre contre leurs ennemis, se il leur plaist, i1z se combateront, et se la bataille ne leur plaist, leurs ennemis ne se pourront combatre ne assembler avec eulx. La bataille des Tartars est moult périlleuse et mortelle. Et en une petite bataille des T'artars seroient plus de gens mors et navre2 que ne seront en une plus grant bataille d’autres gens. Et c’est pour l'arc et la saiette dont ilz sont moult bien aydans. Quant les Tartars sont desconfis, ilz s'en fuyent tous ensemble serréement, et périlleuse chose est du syevre. Car en fuiant, ils occient gens et chevaulx avec les sayettes et avec les arcs, dont ilz traient par derrières comme par devant. Et se i1Z voient que leurs ennemis folement leur suivent, ilz sur eulx tournent incontinent. Et souvent est aucun que ceulx qui les chaçoient ont esté desconfis. L’ost des Tartars n'est pas de moult grant apparence pour ce qu'ilz vont tous ensemble serrément. Dont mille des Tartars ne semblent estre que. V. cens. Les Tartars sont de. bel acueil à leurs ostes, et voulentiers despendent de leurs viandes et courtoysement et veulent que l'en face à eulx ce meismes, ou autrement ilz prendroient à force. Les Tartars scevent bien conquerre les estranges choses, mais ilz ne les scevent garder. Car mieulx veulent estre aux champs en tentes que habiter en villes. Les Tartars sont moult convoiteux, et moult voulentiers tolent les autrui choses. La leur ne scevent garder, ne la leur ne veullent despendre. Et quan les Tartars sont en compaignie d'autre gent, se 1lz voient que ilz soient les plus foibles, ilz se monstrent moult cour-

L'EXTRÈME ORIENT AU MOYEN-AGE. 221i

tois et humbles. Et se ilz sont plus fors, 11z seront oultrageux ct ficrs, les Tartars à leur prouflit et légièrement mettent. Et en deux choses n’oseroient mentir en nulle manière, ne dire qu'il ait poëste d'armes ne valent se.il ne l’a faite, ne il n'osera nyer sa mavaistie se il à faitte. L'autre devant le seigneur ou devant le juge en jugement, il n'osera nyer la vérité, encore doye estre condempnez ct en doye perdre la vie. Et à tant soufhst de parler des Tartars.

Cy commence la quarte partie de cest livre qui devise du passage d'oultre-mer, et quantes choses l'en doit en soy considérer avant que l’en menne guerre contre les Sarrazins.

Raison requiert que qui veult mouvoir guerre à ses ennemis, doit considérer quatre choses : Premiérement doit avoir juste et raisonnable cause, ou occasion de mouvoir la guerre; la seconde, qu'il doit regarder à son povoir sc il est souffisant en despens, et en toutes autres choses à la gucrre commencier maintenir et sevir. La tierce est qu'il doit saigement encerchier l'entencion et la condicion et l'estat de ses cnnemis. La quarte qu'il doit garder au çommencicr guerre en temps et en saison convenable. Et je frère Hayton, qui par le commandement de Nre. Seigneur l'Apostole doy parler de ceste matière, puis vrayment dire que les crestiens ont juste cause raïson et achoison de mouvoir guerre contre les Sarrazins, et la pute lignée de Mahommet. Car ilz ont occupé leur héritaige, c'est la Terre-

Sainte, laquelle Dicu a promise aux crestiens. Et tiennent

Ic Saint-Sépulcre Nostre-Seigneur Jhésu-Crist, qui est commencement de la foy crestienne. Et pour les grans injures, cspandement de sang et les grans hontes que les mécréans ont fais aux crestiens aux temps passez et pour autres raisons diverses qui seroient longues à compter. A la seconde raison je oy que nul ne doit estre en doubte, car la sainte sacrée Eglise romaine, qui est dame et maistresse de tout le monde, a bien povoir par la grace de Dieu avec les roys et aussi avec l’ayde des princes de la crestienté et des féaulxde Crist, croisiez de délivrer le Saint-Sépulcre et la Terre- Sainte du povoir des Sarrazins, laquelle ilz tiennent occupée pour nos péchiés. De la tierce rayson et de la quarte, dy que c'est de congnoistre la condicion et l’estat de ses ennemis, et d’eslire temps, lieu et saison convenable à la guerre commencier. Encore me convient-il à parler plus longuement, car tout ainsi comme au bon myre afñert de savoir la choison de la maladie dont il veult dogner sancté. Dont aussi affiert au bon duc d’enquerre la condicion, l’entencion et l'estat de ses ennemys, afin qu’il puisse saigement sa guerre Cemmencier, maintenir et à bonne fin mener. Au bon et saige duc en fait de guerre ne doit estre celée nulle Chose à la covine de ses ennemis, car les choses pourveues ne seullent grever. En celles dépourveues troublent souvent les couraiges des gens, meismement en fait de bataille, ou l'en n’a licu ne temps de contrester aux grans pé.ilz qui jà sont appareillez. Et sachiez pour vray que en toutes autres œuvres l'en puet miculx mettre amendement que en fait de bataille, se l'en y fault. Car tantost la paine en suyÿt

avec les coustemens. Adonc que plus cler entendement soit,

LS

et sur ce que nous voulons dire du fait du passaige de la Terre-Sainte, aucune chose dirons de la condicion et de l'estat de la terre d'Egypte, de l'ost de Babyloine et de la

puissance des ennemis.

De la condicion de la terre d'Egypte ct du povoir du soubdan d'Egypte et la manière comment il va chevauchant contre ses ennemis.

Celluy soubdan qui ore tient la seigneurie du royaume d'Egypte et de Syrie est nommez Malcvasser et est cumant de nacion. L’ost de la chevalerie d'Egypte sont gens de diverses parties et d’estranges terres. Car la gent du pays ne valent riens en fait d'armes, ne à pié, ne à cheval, ne par mer, ne par terre. Le povoir de l’ost du soubdan d'Egypte de gent à pié est petit, et de gent à cheval est grant vraiement. La plus grant partie d’eulx sont esclaves vendus et achetez, lesquelz les mauvais crestiens portent en la terre d'Egypte pour convoitise de gaignier. Autres y a qui ont esté pris en bataille, et les contraingnoient de renoyer la loy Crist. Mais les esclaves qui sont vendus sont tenuz plus chiers et sont plus honnourez. Dont il avaient que pluseurs se font vendre pour ce que leurs seigneurs les ayent plus chiers. Le soubdan d'Egypte est tout adès en grant souspecon et en grant doutance de sa gent, car ilz sont de telle nature qu’ilz doubtent tousjou:s eulx estre debouté de la seigneurie. Et pour ceste raison mains soubdans ont esté mors. L'ost d'Egypte puet estre envi.on .XX. mille che-

valiers. Et de ceulx y a aucuns qui sont bons combateurs vraiement. La greigneur partie ne sont mic de grant pris. Quant le soubdan va avec son ost, il fait mener grant quantité de somaige, et de chameux chargiés, et de chevaux. D'armes ont assez bons, et jumentes moult lésières au cours roncins et mulates ont petites. Leurs chevaulx ne pourroient soustenir moult grant travail. Ains ont mestier de grant garde. L’ost d'Egypte est tout a dèsaprestez au com mandement du soubdan, car tous habitent en la cité du Kaire. La condition de l'ost d'Egypte est telle : chascun homme d'armes a ses souldées, et ne montent pas plus de cent .XX. florins Et est tenu l’homme à cheval de y tenir trois chevaulx et un chamel pour somier. Et quant le soubdan mène sa gent hors du royaume d'Egypte, de grace leur donne aucune chose se il veut plus. Le soubdan départ ses soubdées, et les donne à tenir et governer à ses barons, qui sont appellez amiraux. Et en donne à l’un cent, et à l'autre deux cens et plus, et moins, selonc ce qu'il veult plus honnourer et avancer l’un que l’autre. Car le soubdan donne povoir à un admiral de tenir .C. ou II c. chevaliers. I] 1y donra pour toutes les soubdées tant comme 1ilz monteront en somme entièrement. Et par ledit ordenement, le soubdan a grant deffault en son service, car ceulx admiraulx qui doivens servir ou cens ou II c. chevaliers achètent esclaves de leurs deniers et leur donnent armes, et chevaulx, et les mettent en service pour gens d’armeset reçoivent pour eulx les soubdées, ou quièrent hommes de petit pris, et leur donnent aucune chose, et leur prestent armes et chevaulx et reçoivent pour cux lez soubdées, et tout le remc-

nant mettent en leurs bourses. Dont il avient qu'en grant

quantité de telle gent y seront pou trouvez d'ommes vaillans.

Du povoir et puissance du soudant quant au royaume

de Syrie et de ses amis.

La puissance du soubdan ou royaume de Syrie pevent estre entour V". chevaliers qui ont leur vie ordonnée sur les rentes des terres. Encores y a grant quantité de Beduyns et Turquiens, qui sont gens forestiers et font grant ayde au soubdan, meismement quant 1l veult assegier aucune terre, car il les prent sans soubdées, mais seullement pour gaingnier aucune chose à detfendre la terre ou à aler à bataille. Les devant dis Beduyns et Turquemens ne feroient riens pour le soubdan sans grant loyer, et se le soubdan les vouloit contraindre, 11z s’en fuyroient, les Turquemens yroient es montaignes, et les Beduyns iroient aux désers d’Arabe. Encores a le soubdan sergenterie à pié aux contrées de Moillcbeth, et entour mont Liban et en la terre des Assassins, ct auroit ayde d’eulx pour assegier ville ou chasteau, ct à garder la terre en leur contrée. Et de leur contrée, ilz n'iroient pour le soubdan, ne enl les pourroit contraindrez pour les fortes montaignes où ilz habitent. La gent du soubdan d’Egipte est moult engigneuse de prendre citez et chasteaulx, et en diverses manières envaïssent les terres, car par arbalestes, engins par pierres, par minières dessoubs terre, et par feu qui ne puet estaindre, et par autre manière don i1z prennent les terres sans péril et legièrement.

Des Comains. Comment ilz orent la seigneurie d'Egypte

premièrement.

L'empereour de Grèce souloit tenir la seigneurie d'Egypte ct gouvernoit la terre par eux et par officiers qu'il envoyoit chascun an cueillir les rentes d’icelles terres et les envoient à l'empereour de Constantinoble. Et dura la seigneurie des gens en Egypte jusques en l’an Nre. Scigneur.VII c.etITIT Ceulx de la terre d’Egipte ne porent souffrir les grevances que les Grecs leur faisoient, dont i1z se rendirent aux Sarrazins, s’y eslurent un seigneur sur culx de la ligniée Mahommet, et le nommèrent calif, et tous leurs seigneurs furent nommez calif. Et tindrent la scigneuric d'Egypte

eulx de la ligniée Mahommet .CCC. XLVII. ans. Après perdirent les Sarrazins la terre, et les Mendiens qui sont dit Cordins occupèrent la seigneurie d'Egipte, si comme nous deviserons cy aprés.

Comment les Sarrazins perdirent la Seigneurie d'Egypte.

En l'an de Nre, Seigneur mil et liïi, le roy Almaury, roy de Jherusalem, de bonne mémoire, assembla son ost de toutes les terres de Jherusalèm et entra en Egypte et conquist maintes terres ct villes si comme se contient ou livre du conquest de la Terre-Sainte. Le calif voiant qu'il re povoit riens contre le povoir des crestiens, maända ses mes. saigés au soubdan de Halap, qui tenoit la foy de Mahommet, et luy prya qu'il li voulsist aydier contre les crestiens;

ct aussy Jui cnvoioit grans dons ct grans richesces. Cellui qui cuidoit avoir plus grant quantité d’or du calif, il avoit nom Exaraton. Ly, avec grant compaignie de gens d'armes vint en ayde au calif. Et ceulx furent tant qu'ilz chacièrent les crestiens de la terre d'Egipte, riche et delittable, et le povoir du calife petit. Le soubdan convoita la seigneurie d’eulx, dont il le prist et mist en sa prison, après envahy viguercusement la terre ct la mist en sa subgection et sc fist soubdan et seigneur d'Egypte. Cestui Exaraton fu de Ia nacion des Corasmins, et fu le premier seigneur d'Egypte de sa nacion.

Comment le roi Salhadin, grant Soubdan d'Egypte, recouvra la Terre-Sainte et prinst la noble cité de Jhérusalem.

Après la mort de Exaraton, fu fait seigneur d'Egypte un sien filz qui ot nom‘ Sahadin. Et tant parcrut le povoir Sahadin , qu'il desconfist le roy de Jhérusalcm et prist la cité à force, et prist plusers autres terres des crestiens, si comme 1l se contient au livre des conquestes de la Terre- Sainte. Après la mort Sahadin, son frère et ses nepveux, l'un après l'autre, tindrent la seigneurie d'Egypte jusques au temps du soubdan, qui fu nommez Melcrasala. Et cestui Melcrasala estoit soubdan d'Egypte ou temps que les Tartars pristrent Île royaume de Comange. Le soubdan d'Egypte oy parler comment Ics Tartars vendoient les Comans qu'ilz avoient pris à grant marchié, et envoya par

mer marchans à grant quantité d’avoir, et fist acheter de

ceulx Comains les jeunes en moult grant quantité, et furent portez en Egypte. Melecrasala les fist nourir et moult les amoit, et leur faisoit enseigner à chevauchier et treitier les armes, et moult se fia en eulx et les tinst de lez soy. Et en cellui temps que saint Loys, roy de France, passa oultre mer et fu pris des Sarrazins, les devant dis Comains, qui avoient esté vendus et achetez, tuërent leur seigneur Melccrasala, et firent seigneur un d'eulx qui ot nom Turquenien. Et pour ceste traïson, le roy de France et son frère, qui estoient en la prison des Sarrazins, furent plus legièrement rachetez et delivrez de la prison. En ceste manière, commencèrent les Comains à regner en Egypte et avoir seigneurie. En ceste ligniée des Comains est appellez Capchap àux parties d'Orient. Après pou de temps, un autre de ceulx esclaves, qui ot nom Cothos, tua ledit Turquenien et se fist soubdan, et fu appelez Mélomécs. Et cestui ala ou royaume de Syrie, et cacha Gurboga à .X. mille Tar:ars, lesquelz Halcon avoit lessiez pour la terre de Sirie. Ainsi qu'il retournoit en Egypte, un autre de ceulx Comains, qui avoit nom Bendocdar, occist Mélomées et se fist soubdan, et se fist appeler Meldaer. Cestui fu moult saige et vaillant homme d'armes, et à son povoir crut moult le povoir des Sarrazins, au royaume de Syrie et d'Egypte, et prist maintes citez et terres que les crestiens tenoient, et prist à force la noble cité d’Antioche, en l’an Nre. Scigneur. mil. CC.

ty Ne

Coinment le soubdan voult faire mourir le roy Edouart

d'Angleterre.

Et au royaume de Comanie fist grans dommaiges, au temps de cestui Bendocdar, messire Andouart, roy d'Angleterre, passa oultre mer, et le soubdan le cuida faire occire par un assasin, et par cellui assasin fu navrez le roy d’un coutel envenymé. Mais il gary bien par la grace de Dieu, puis avint que le soubdan fu abuvrez de mortel venin, et mouru en la cité de Damas. Après sa mort, fut fait soubdan son filz, qui ot nom Melcsait, et tinst la seigneurie d'Egypte pou de temps, car un autre Comant, qui ot nom Elsy, le sacha hors de la seigneurie d'Egypte et se fisf soubdan. Et cestui Elsy fu cellui qui asseiga la cité de Triple et la prist à force. En l'an Nre. Seigneur M. CC. ITfxx et IX.

Comment le soubdan Elsy fut mort.

En l'an après venant, ledit Elsy assembla tout son povoir ct issy de Babiloyne entendant assegier Acre. Un jour se mist en délectableté pour soy essayer, et avint que un serf en qui ilse fioit moult et lequel il avoit fait connestable de son ost li donna venin mortel à boire, et tantost le soubdan mourut. Cestui connestable occupa la seigneurie, mais les autres li coururent sus et le detrenchièrent en pièces. Après ce, fu fait soubdan un filz dudit Elsy qui fu nommez Meleccasseraph. Et cestui fu cellui qui prist la

cité d’Acre, et cacha tous les crestiens hors de la terre de

Syrie. Et ce avint en l'an Nre Seigneur mil CC. ITIIxx. et XI.

Comment Melecasseraph, soubdan de Babilaine, fut occis,

Quant Mellecasseraph fu retournez en Egypte, il ala un jour chacier et un sien serf l’occist au bois, et cestui serf fu tantost despeciés par les autres. Après ce, fu fait soubdan cestui qui est ores soubdan en Egypte, qui est nommez Mellecuasser, et fu frère de Mellecasseraph dessus nommez. Et pour ce que ledit Mellecuasser estoit encore moult jeune, li fu donné tuteur un qui fu de la nacion des Tartars, qui ot nom Gurboga. Cestui Gurboga chaça cestui enfant Mellecuasser et le mist en garde au crat de Monréal et prist la seigneurie et se fist soubdan, et fu nommez Mellecchadel, Au temps de cestui Mellecchadel fu en Egypte si grant deffaut de viandes, que tous les Sarrazins moururent de faim, et feussent tous mors se ne feussent les mauvais crestiens qui leur portoient viandes assez pour convoitise de gaingnier. Après ce, vint que les nouvelles vindrent de la venue des Tartars, Dont Garboga assembla son ost et ala au royaume de Syrie deffendre la terre contre les Tartars. Cestui Garboga honnouroit moult ceulx qui avoient esté Tartars et les tenoit près de soy. De ce orent les Comains grant envie, dont il avint que si comme Carboga retournoit en Egipte, les Comains le gectèrent hors de la seigneurie, et firent d'un d’eulx seigneur, lequel ot nom Lachin, lequel fu puis nommez Melecmanser. Cestui Lachin ne voult occire Garboga, pour ce qu’il vouloit estre son compaignon,

et ly donna une terre qui est nommée Sarta, et après, luy donna la seigneurie de Haman. Mais il ne voult souffrir que Garboga demourast en Egypte. Cestui soudan Lachin demoura trois ans ou chastel de Kaire, sans partir pour la doubtance qu’il avoit de sa gent, sauf un jour qu'il descendi au plain. Et il jouoit à un gieu que ceulx de celluy pays appellent la soule. Son cheval chey dessoubs Iuy, et ly brisa la jambe. Après avint que le dit soubdan Lachin jouoit un jour aux eschés, et avoit mise l’espée près de soy, et un de ses serfs meismes prist l’espée et l'en féri. Et tantost les autres coururent sus à cellui qui avoit mort le soubdan et le taillièrent tout par pièces. Après ce, les Sarrazins furent en grant discorde de faire soubdan, à la fin s'accordèérent et mistrent en la seigneurie Melccuasser devant nommé, lequel Garboga avoit laissié au crat de Monréal, Cestui soubdan est celluy que Casan desconfist en champ, et est encore le soubdan d'Egypte. Pardonné me soit se je parole trop longuement des Comains, qui sont scrfs vendus et achetez, si comme Je vous ay compté desus, et des soubdans et de leur ligniée, car ce fais-je pour monstrer que les Sarrazins ne pevent demourer longuement que telle adversité ne leur vicengne, par laquelle ilz ne pourroient yssir d'Egypte, ne aler avecques ost en autre terre.

De la condicion de la terre et du royaume d'Egypte et de ses provinces.

Le royaume d'Egypte est moult riche et délittable, de long .XV. journées, de large n'a que trois. La terre d'Egypte

est ainsi comme une ysle, car de deux pars est avironnée de désert et de sablon, et de l’autre part s'y a la mer de Grèce. Devers orient, est plus près de la terre de Syrie que nulle autre terre, vrayement entre l’un royaume et l’autre est bien l’erreure de .VIÏT. journées et est tout sablon. Devers occident, confine à une province de Barbarie qui est nommée Darta. Et entre l’une terre et l'autre sont bien .XV. journées de désert. Devers mydi, confine avec le royaume de Nubie, qui sont crestiens et sont tous nulz pour la chaleur du soleil. Et entre l’une terre et l’autre est chemin de .XII. journées tout de sablon. Ou royaume d'Egypte sont .V. provinces. La première est appellée Sayth, la seconde Demeser, la tierce Alixandre, la quarte Richit. Et ceste contrée est avironnée de mer et de fluns, sy comme une isle, et l’autre Damiette. La maistre cité du royaume d'Egypte est appellée Kaire. Et est près d’une ancienne cité qui est nommée Meser. Et ces deux citez sont sur la rive du flun du Nyl qui court par la terre d'Egypte, qui est appellée en la Bible Guyon. Cestui flun du Ny1 a bons poissons et assez et porte grant navyre, car il est grant et parfont. Et en toutes choses le flun du Nyl pourroist estre loez sur toutes les autres, se ne feust ce qu'il tient une manière de bestes qui sont comme dragons et devourent hommes et chevaulx qui sont dedens l’eaue et sur la rive, quant ils les aconsièvent. Et celles bestes sont nommées cocaulx. Le flun du Nyl croist une fois l’an et commence à croistre à la moitié d’aoust et va croissant jusques à la feste saint Michel. Et quant il est tant creu comme il puet, la gent de la contrée lessent les eaues courre par conduis et par ruisseaux ordon-

nées, et arousent toute Ja terre et contrée. Et demeure l’eaue sur terre quarante Jours. Après la terre seiché et les gens sèment et plantent, et tous biens croissent en celle terre par tel abuvrement seullement, car en celles contrées ne pleut, ne nesge. Sy que à paines est congneu l’yver d'esté. Encores ont mis les habitans de la terre d'Egypte uno colompne de marbre ou millieu du flun du Nyl en une petite isle, qui est devant la cité de Meser, et ont fait seignaulx en celle colompne. Et quant le flun est creu tant comme il puet, 11z regardent en ces scignaulx de celle colompne. Et selon ce que l’eaue sera creue, ilz sauront se il devront avoir habondance ou souffretté en celle année, et sur ce ilz mettent pris aux choses. L'eaue du flun du Nyl est saine à boire vraiement. Quant on la prend du flun, elle est trop chaude, mais on la met en vaisseaux de terre, et devient clère, froide et saine. Au royaume d'Egipte sont deux pors de mer, l'un est Alixandre et l’autre est Damiette. En Alixandre pevent bien arriver naves et galées, et la cité d'Alixandre est forte et bien murée. L’eaue qu'ilz boivent en Alixandre vient par conduis du flun du Nyl, de quoy ilz emplent leurs cisternes dont 1lz ont assez en la cité. Autre eaue, 1lz n'ont dont ilz puissent vivre. Donc qui leur puet lever l’eaue qui va par les conduis, ilz seroient à grant mésaise, et ne pourroient durer longuement, autrement seroit grief de prendre Alixandre par force. La cité de Damiette est sur le flun du Nyl, qui fu anciennement bien murée. Mais elle fu prise deux fois par les crestiens, une fois par le roy Jherusalem et par les autres crestiens

RU , ss e , d'Orient. Et l'autre fois par le roy de France monseigneur

saint Loys, et pour ce les Sarrazins la déshéritèrent et l'ont transposée loing de la marine, et n'y ont fait ne mur, ne fortresse, et anpellent celle nove terre « la nove Damiette, » et l’ancienne Damiette est du tout déserte. De ceulx pors d'Alixandre et de Damiette a le soubdan grans entrées et grant avoir. La terre d'Egypte rent grant habondance de sucre et de tous biens, vin ont pou. Mais cellui que l'en y fait est moult bon et bien flairant. Sarrazins n'osent boire vin, car il leur est deffendu en leur loy. Char de moton, de chièvre, gelines, et autres chars ont assez; petit ont de buefs, et menguent char de chamel. Ou royaume d’Egipte sont aucuns crestiens habitans que l'on appelle Kepti, et tiennent la suite des Jacobins, et ont en ces parties assez de belles abbayes et les tiennent franchement en paix. Et ceulx Keptis furent les plus anciens habiteurs de la terre d'Egypte. Car les Sarrazins commencièrent habiter en la terre depuis qu’ilz orent la seigneurie. Les choses qui ne se treuvent en Egypte, ne que les Egyptiens ne porroient trouver qui ne leur portast d'autres contrées. Si comme sont fer, merrem, pors, et les esclas dont ilz enforcent leur ost, et de ceste chose ont-1lz grant mestier ; car sans celles ne pourroient longuement durer. Entour Île royaume d'Egypte n'est cité, ne chastel murez, fors que la cité d’Alixandre qui est moult bien murée. Le chastel du Kaire qui n’est pas moult fort vrayement en cellui chastel demouroit le soubdan. Toute la terre d'Egypte est deffenduc et gardée par la chevalerie. Et se elle estoit desconfite, la terre seroit puis conquise legièérement et sans péril.

Cy devise le temps convenable à guerre commencier contre les Sarrazins.

Vrayement dont je dy que je puis dire ceste parole : Ecce lempus acceptabile, Ecce nunc dies salutis. Car vrayement ce est le temps acceptable et temps convenable à mouvoir guerre contre les ennemis de la foy crestienne. Or est temps convenable de donner ayde à la Terre-Sainte, laquelle a esté long temps ou servaige des mécréans. Or est temps convenable auquel les courages des féaulx de Crist se doivent embraser au passaige de la Terre-Sainte, affin que des mains des ennemis soit délivré le saint Sépulcre de Nostre Seigneur, qui est commencement de nostre créance. Ne à nous ne souvient d'avoir eu, aux jours passez, si convenable temps comme ores. Si comme Dieu par sa pitié nous demonstre en maintes manières. Car tout premièrement Dieu tout puissant et misericordieux nous a donné pasteur et père saintisme et crestianisme et plain de toutes vertus. Lequel, puisqu'il fu assis ou siége apostolical desirérement de nuyt et de jour, a pensé comment il puisse secourre la Terre-Sainte d'oultre mer et le saint sépulcre de Nre. Seigneur puisse estre delivré du povoir des mescréans, qui blasment le nom de Dieu Jhésuscrist. Et pour ce l'en puet bien croire fermement que Dieu a tourné ses misericordieux ou il a regardé la Terre-Sainte, et 1y a donné en terre son Rédempteur, c’est le saint père l'apostole, au temps duquel, par la miséricorde de Dieu, la cité sainte de Jhérusalem qui a esté tenue longuement par nos peschiés

sous le servaige des ennemis sera delivrée et sera menée en

la première franchise et au premier povoir des crestiens.

Comment cestur frère Hayton admoneste le pape d'esmouvoir guerre.

Or, est temps acceptable, car par la grace de Dieu tous les roys et les princes crestiens sont ores en bon estat et en paisible entre eulx. ne n’ont guerre, ne discorde, si comme ilz souloient avoir entr'eulx jadis. Dont bien semble que Dieu tout-puissant veult délivrer la Terre-Sainte. Et encores tous crestiens de diverses terres et de divers royaumes par foy et par dévocion sont appareilliez de prendre la croix et de passer oultre mer en l’ayde de la Terre-Sainte, et de mettre personnes et avoir pour la révérence de Nre. Jhésu- Crist, viguereusement et voulentiers.

Comment il preuve que le temps est convenable.

. Or, est temps convenable et acceptable, lequel Dieu démonstre aux crestiens, car la puissance des ennemis de la loy crestienne est amenusiée aussy par la guerre des Tartars, par lesquelz ilz furent desconfis et perdirent gens sans nombre en la bataille. Aussy, pour cellui soubdan qui huy règne en Egypte, qui est homme de nulle valeur, ne de nulle bonté. D'autre part, tous les princes des Sarrazins qui soulosent donner ayde au soubdan, sont tous mors et desconfis par la puissance des Tartars. Et un seul estoit demourez qui estoit nommez soubdan de Meredin, lequel est

nouvellement tourné au servaige et au povoir des Tartars. Et, pour ce, en cestui temps, sans péril et a pou de travail, pourroit estre recouvré la Terre-Sainte, et pourroit estre acquis le royaume d'Egypte, et celluy de Syrie. Et avecques pourroit estre confondue la puissance des ennemis assez plus legièrement au temps de maintenant qu'elle

n'eust csté au tCmps passe.

La

Encore parle de ce mesmes en amonestant le pape

tous jours à ce faire. :

Encore est temps convenable lequel Dieux démonstreaux crestiens, car les Tartars sont offers à donner ayde aux crestiens contre les Sarrazins. Et pour ceste rayson Carbauda le roy des Tartars, a mandé ses messaigés offrant de mettre tout son povoir à confondre les mescréans et ennemis de la cresticnté. Et en cestui meismement pour l’ayde des Tartars, la Terre-Saintce pourroit estre recouvrée, et le royaume d'Egypte conquis légièrement sans péril. Et pour ce conviendroit que les crestiens se donnassent à la Terre-Sainte, sans longue demourée, car la tardance trait à soy grant péril pour ce que Carbauda qui ores est amis ne deffaille. Et pourroit venir autre qui tendroit la suyte des mahommés, et qui s’accorderoit avec les Sarrazins, et pourroit tourner à grant ennuy et à grant péril de la crestienté et de la Sainte- Terre d'oultre-mer. , |

tÙ (#2) #2)

Comment frère Hayton s'esaise devant le pape.

Devant la Vre. révérence, Père saint, je dy et confessc que je ne suy pas de souffisable science à conseillier si grant afaire comme de la besongne de la Terre-Sainte, mais à ce que je la paine du filz inobédient obéir mestriet aux commandemens de la Vre. Sainteté, contre lesquelz n'affiert à nul bon crestien, d’aler donc requérant premièrement perdon de ce que je déisse plus où moins diray mon advis selonc ma petite congnoissance sauf tout adès le meilleur

conseil des saiges.

De la révérence qu'il fait au pape. Comment frère Hayton devise devant le pape la manière comment ct en quel temps le passage sera plus seur pour envahir les ennemis de la foy. |

A l'honneur doncques de Nre. Seigneur Jhésu Crist, de la qui miséricorde j'ay povoir d’acomplir ma faulte, dy que à ce que la Sainte-Terre soit acquise à moins de travail et de péril, convient que les crestiens entrent en la terre et envayssent les ennemis. En cellui temps meismement ou quel les ennemis seront troublez d'aucune adversité, car se les crestiens vouloient ce faire en cellui temps que Ics ennemis seroient en léur prospérité, ilz ne pourroient acomplir la feaulté sans grant travail et péril. Et nous deviserons seurement qu'elle est la prosperité et qu'elle est l’adversité, La prosp rité des énnemis puet estre en ce, c'est quant les

Sarrazins ont soubdan cet seigneur vaillant ct saige, et tel qu'il puisse sans paour de revèlement, et de la traïson et de sa gent tenir et garder la seigneurie. L’autre prospérité des ennemis puet estre, quant ilz ont long temps esté en paix et sans guerre des Tartars ou d’autre gent. Encores, quant au royaume de Syrie ont bonne année et habondance de blez ct d’autres biens. Encores, quant par mer et par terres les voyes sont seures et ouvertes, et les choses dont les ennemis ont mesticer leur pevent estre portées sans contredit d'estranges contrées. Encores, quant les Sarrazins ont paix ou trèves aveuc les Nubiens ou avec les Béduins du désert d'Egypte, si qu'ilz ne leur meuvent ne guerre, ne brigue. Encore quant les Turquemens et les Beduins qui demeurent ou royaume d'Egypte, et de cellui de Syrie sont obéissans au soubdan d'Egypte, car par ces devant dites prospéritez, le povoir des ennemis croistroit tant que ce ne scroit pas légier chose à eulx destruire.

Cy devise frère Hayton au pape la manière comment ilz font mourir l'un l’autre.

Par le contraire adversitez pourroient venir aux ennemis » par maintes maniéres, c’est à savoir quant les mescréans se revellent et occient Ie soubdan si comme ilz ont fait autre fois et font souventeffois. Car puis que celle lignée des Comains commença à avoir seigneurie en Egypte, neuf ont cesté ordenez soubdans et seigneurs sur eulx. Et de ceulx .IX. soubdans qui ont esté en Egypte, ont esté mors de glaive, &’est assavoir : Turquenians, Cothas, Laschin.

Et deux furent abruvés de mortel venyn. Et furent Bendocdar et Elsy. Les autres deux, Meleser et Garboga, furent essilliez. Et cestui Melecuasser qui ores est soubdan fu une fois chaciés de la seigneurie et same demeure en balance, at-

tendant mal fin. Amen.

Encore de ce mesmes quel dit devant.

Item aux ennemis pourroit venir adversité. C'est quant le flun du Nyl ne croist tant qu’il puisse arouser la terre, si comme mestier est. Car adoncques les Sarrazins d'Egipte auroient souffreté, et famine, et encores n’est loing que ce leur avint, et que les ennemis auroient habondance la terre d'Egypte, ou eussent esté mors de fain se ne feussent les crestiens qui leur portèrent viande par mer, pour convoitisc de gaignier. Et quant tel accident avendroit aux ennemis, 1]z devendroientpovresetconviendroitqu'ilzvendissentieurs chevaulx et qu'ilz amenassent leur mesniée. Et par ceste raison n'auroient povoir de partir d'Egypte ne d’aler en Syrie. [1 convient que chascun porte avec soy ce que mestier ly est pour .VIII. jours pour ly et pour ses bestes, et pour sa mesnice, car l’en ne treuve que harène et sablon en cestes .VIII. journées. Donc, cellui à qui il fauldroit ou cheval, ou chamel, il n'aurait povoir de partir d'Egipte. Et par ceste manière, le soubdan seroit si destourbez qn'il ne pourroit venir secourir le royaume de Syrie. Encores quant les ennemis eussent esté longuement en guerre. Encore grant adversité et ennuyeuse seroit aux ennemis, que les voyes de la marine feussent si bien gardées que nulle chose

ne feust portée en leur terre de ce dont 1lz ont greigneur mestier, si comme est fer, accier, merren, pois et esclas, et les autres choses qu’ilz ne pourroient avoir qui ne leur porteroit de terre estrange, et sans ceste chose ne porroient longuement durer. Encores, quant Béduins ou les Nubiens meussent guerre au soubdan, il seroit par celle guerre ainsi destourbé qu'il ne pourroit partir d'Egypte, ne aler en Syrie. Encores quant la terre de Syrie eust faulte et mauvaise année, ou par sécheresce, ou par guerre des Tartars, ou en autre manière. Car ce au royaume de Syrie faulsissent les rentes. L'ost d'Egypte ne pourroit venir pour demourer en Syrie, car d’'Egipte ne d’aultre terre l'en ne pourroit rien porter en Syrie, et par ceste raison lost des ennemis ne pourroit partir d'Egypte. Quant doncques les ennemis feussent d'aucune de ces devant dittes adversitez, sans faille, ilz seroient si destourbez qu'ilz ne pourroient partir d'Egypte pour venir en Syrie. Dont les crestiens pourroient légièrement occuper le royaume de Jherusalem et pourroient refaire les citéz et les chasteaux sans molester et garnir soy en telle manière qu'ilz ne doubteroient puis la puissance des ennemis. |

Du navire quis furent nécessaire. Cy devise frère Hayton au pape la manière du commancement du passaige pour delivrer la Sainte Terre d'oultre-mer.

Puisque nous avons raisonnablement devisé des prosperitez et des adversitez qui pourroient venir aux ennemis, dirons en ceste partie du commencement du passaige de la

Terre-Sainte. A moy semble dont pour la seurté et le prouffit du passaige général que tout au commencement une quantité de gens d'armes à cheval et a pié y soit envoyé pour congnoistre et savoir le povoir des ennemis. Et m'est advis que à présent souffiroit de mil. chevaliers et des galées, de ITT. mille peons, et sur ceste gent feust envoiée un légat de par l'église, et un chevetaine saige et vaillant qui avecques eulx passast oultre mer, et les gouvernassent et aydassent à arriver oultre mer en l'isle de Chypre ou royaume d'Arménie. Si comme à eulx sembleroit mieux à faire. Après sans demourée par le conseil du roy d’Armenye deussent mander messaiges à Carbauda, roy des Tartars requérant deux choses : l’une que Carbauda fist deffendre par toute sa terre que nulle chose ne feust portée en la terre des ennemis, l’autre qu’il envoyast messaigés et de ses gens d'armes aux contrées de Meletur qui gastassent et courrussent la terre de Halap. Après nos pèlerins et ceulx du royaume de Chyppre ct d'Armenye par mer et par terre deussions mouvoir guerre et envaïr les terres des ennemis viguereusement, et se travaillassent de garder la marine que nulle chose ne feust portée en la terre des ennemis. Encores pourrions-nous crestiens garnir l’isle de Corcose, qui est en bon lieu pour les galées arriver, et là pourroient faire de grans dommaiges aux ennemis vrayement. La manière de commencier la guerre et d’envair les terres des ennemis Je l’airay à dire, car selonc l’estat et condicion des ennemis convendroit changier conseil et ouvrer par l’ensei: gnement des saiges qui seroient présens à la ditte besoigne. Et le prouffit et les biens qui pourroient venir de cestui premer passaige briefment et après ce deviseray.

Du prouffit du petit passaige premier d'oultre-mer.

Le premier prouffit seroit, car cestui premier passaige pourroit estre ainsy ordonné, que les ennemis seroient si traveilliez par l'ayde des autres crestiens qui sont aux parues d'Orient, et par les Tartars aussi qu'ilz ne pourroient avoir repos. Et souffreroient de grans ennemis et de grans dommaiges. Car par les crestiens et par les Tartars fu menée guerre au soubdan d'Egipte par mer et par terre, au royaume de Syrie. Il convendroit que le soubdan envoiast sa gent pour garder et deffendre ceulx qui sont de la marine, et toutes les autres qui pourroient estre envayes. Et se par les Tartars estoit meue guerre aux parties de Meletur à la terre de Halap, il convendroit que la gent du soubdan venissent, où il a bien. XXV. journées d'erreure. Et ceulx qui vendroient à Babiloine pour cestui service, en pou de temps seroient apovris et perdroient leurs chevaulx et leurs hommes, et seroient sy enuyez et si traveilliés qu'ilz ne pourroient durer. En trois ou en. IIII. changemens ainsy fais les ennemis perdroient leur avoir et souffreroient de moult grans dommaiges. Encore par le premier passaige, les ennemis pourroient estre moult troublez, car avecques l'arrivement des dix galées du passaige avec l'ayde de celles qui pourroient estre toutes corues et les galées pourroient retourner à sauveté à l’isle de Corcose. Et se le soubdan vouloit deffendre et garder les dittes terres, il convendroit qu’il venist en personne, et avec luy tout son povoir de Ba: biloine en Syrie. Afin qu'il eust gens soufsables à donner

ayde à toutes les terres qui sont près de la marine. En l'issue du royaume d'Egypte pour venir en Sirie seroit au Soubdan périlleuse chose ennuyeuse et dommaigeuse pour la traïison de sa gent. Ennuyeuse, car les envayssemens des crestiens pourroient estre si troublez qu'ilz n'aroient repos. Dommaigeuse, car il consumeroit et gasteroit tout son trésor. Et à grant paine pourroit estre creue la grant quantité d'avoir qu’il convient que le soubdan et sa gent despendent et consument toutes les fois qu’ilz issent de la terre d'Egypte pour venir en Sirie. Encores par les dittes galées, les pors et toutes les voies de la ditte marine pourroient estre gardées en telle manière que aux ennemis ne seroit porté de nulle rien de tout ce dont i1z ont greigneur mestier, et sans quoy ilz ne pourroient durer, si comme sont fer, acier, merren, et les esclas, et autres choses qui leur sont portées par estranges contrées. Encores les ennemis perdroient Îles rentes qu’ilz ont des pors de la marine qui montent grant quantité d’avoir et de trésor.

Comment à pou d'aide de gens les crestiens recouvrent

la Sainte Terre.

Encores se il avenoit que les ennemis feussent troublez par aucune adversité, si qu'ilz ne peussent partir d'Egypte ne donner ayde aux terres de Syrie. Adonc les crestiens de cestui premier passaige, avec l’aide des autres crestiens des parties d'Orient pourroient bien redrecier la cité de Triple. Et en mont Lyban sont crestiens habitans, bons sergens entour. XI. mille qui grant ayde donrroient aux crestiens

pèlerins. Et mainteffois se sont revélez contre le soubdan, et mainteffois ly ont fait dommaige et à sa gent. Etpuisque , la cité de Triple seroit fermée, les crestiens la pourroient tenir et fermer jusques à la venue du général passaige. Et pourroient prendre toute la contrée d’entour et tenir là conte de Triple, et ce pourroit retourner à grant ayse de la gent qui vendroient au passaige général. Car ilz trouveroient le port appareillié où 11z pourroient seurement arriver. Encore se il avenoit que les Tartars occupassent le royaume de Syrie et la Terre-Sainte, les crestiens se trouveroient de recevoir les terres des Tartars, et les garnir en telle manière et garder. Et je qui congnois assez la voulenté des Tartars croy termement que toutes les citez et les terres que les Tartars conquerront sur les Sarrazins que voulentiers les donrront à garder aux crestiens franchement et quittement. Car les Tartars ne pourroient demourer en telle contrée pour la grant chaleur qui y est ou temps d'esté. Dont il leur seroit bel que les crestiens tenissent les terres, et gardassent que les Tartars ne combatent contre, avecques le soubdan d'Egypte pour convoytise de gaingner terres ne citez, car ilz ont toute ayse en leur subgection. Ains se combatent pour ce que le soubdan a esté tout adès leur principal ennemy et leur a fait plus de grevance et de dommaige que nul autre meismement, quant ilz ont eu guerre contre leurs voisins. Et pour ces raisons dessus nommés croy assez souffire la quantité dessus ditte, c’est assavoir mil chévaliers .X. galées .III." sergens. Et me semble que en ces commencemens ne feroient d'eux tans de gens

que ceulx feroient et multiplieroient moult grandement les despens,

Comment frère Hayton preuve clèrement au pape le premier passaige estre proufitable.

Encores par cestui premier passaige pourroient venir trois autres prouffis, car puis que les pélerins du premier passaige seroient demourez une saison ès parties d’oultre mer et eussent congneue la condicion de la terre et la manière des ennemis, ilz pourroient adrecier et avertir les autres qui vendroient au passaige général. Encores prenons que les Tartars, ou pour guerre ou pour autre chose, ou achoison ne peussent ou ne voulussent donner ayde aux crestiens . Contre les Sarrazins, et que le soubdan et sa gent en leur prospérité, et que ne feust pas légière chose d’acquerre la Terre-Sainte, et de la délivrer du povoir des ennemis, la Vre. Sainte Paternité congnoissant la condicion de la Terre- Sainte, et véant le povoir du passaige général pourroit mieulx avoir conseil et avertement sur ce que convendroit faire, ou de faire passer oultre mer le général passaige que faire attendre temps et saison convenable, Et pour ce pourroient estre eschevez tous les ennuis et les périlz qui pourroient avenir.

Comment ledit frère amonneste le pape d'escripre aux roys des crestiens et d'Armenie.

Encores pardoint moy la Vre. Sainteté, je ose dire deux autres paroles l’une si est que Vre. Sainteté vueille escripre au roy des Georgiens qui sont crestiens, et qui plus que au-

tre nacion sont de dévocion aux pélerinaiges et aux saintuaires de la Terre-Sainte, que ilz deussent donner ayde et faveur aux pélerins et recouvrer la Terre-Sainte, Et je croy fermement que pour l’onneur de Dieu et pour la révérence de Vre. Sainteté y ceulx accompliront voulentiers vre. commandement, car 1lz sont crestiens, dévoz et sont gent assez de grant povoir, et sont vaillans hommes d'armes et sont voisins au roy d'Armenye. Etencores que Vre. Sainte Paternité vueille escripre au roy des Nubiens qui sont crestiens et furent convertis à la foy de Crist par monseigneur saint Thomas en la terre d'Ethiope, mandant qu'ilz deussent mouvoir guerre au soubdan et à sa gent. Et je croy fermement que les devant dis Nubiens pour l'onneur de Nre. Seigneur et pour la révérence de Vre. Sainteté yceulx mouveront guerre au soubdan et à sa gent, et leur feront ennuy et dommaige à leur povoir. Et ce seroit grant destourbier au soubdan et à sa gent. Et les dittes Îcttres pourroient estre envoyées au roy d'Armenye qui les feroit translater en leur langaige, et les envoyeroit par bons messaigés.

Cy devise frère Hayton au Père saint la manière du gé-

néral passaige pour aler conquerre la Sainte Terre d'oultre-mer.

Dévotement et féalment ay compté selonc ma petite con= gnoissance ce qu'il convenoit sur le commencement du passaige de l’aide de la Terre-Sainte. En après vueillant obéir aux commandemens de la vostre Sainte Paternité sur ce qu'il convient au passaige général d'oultre-mer.

Cy dit des trois chemins par où l'en puet aler en la Sainte Terre.

Le passaige général puet prendre trois chemins, l’un seroit par la voye de Barbarie, mais ceste voye je conseille à ceulx qui sçavent la condition de celle contrée ; l’autre seroit par la voye de Constantinople, c’est à savoir par celle voye que tinstrent Godefroy de Buillon et les autres pélerins de cellui temps. Et si comme je croy le passaige général pourroit aler légièrement jusques à la cité de Constantinople. Mais passant par le bras Saint-Georges et aler par la Turquie, la voye ne seroit pas si seure pour les Turquemens qui sont sarrazins et qui habitent en Turquie. Vrayement les Tartars pourroient delivrer et asseurer cette voye, et pourroient ordonner que de la terre de Turquie seroit apportée assez de vittaille en l’ost des pélerins, et chevaulx à pris convenable. L'autre voye qui est congneue à tous si est par mer, donc se le passaige veult passer par mer, il convient que à tous les pors de la marine soient appareilliez et en autres souffisans à passer les pélerins. Et conviendroit que à un terme nommé, tous les pélerins en saison convenable feussent appareilliez de monter sur les naves et de passer ensemble, et pourroient arriver en Chyppre pour eulx reposer et leurs chevaulx du travail de la mer. Et après ce que le passaige général fut arrivé en Chyppre et eust re= posé aucuns jours, se les pélerins du premier passaige eussent fermé la cité de Tripoli ou autre sur mer en la Syrie,

le passage pourroit droitement arriver là et ce leur seroit

grant ayse. Et se les pélerins du premier passaige n’eussent fermé aucune terre en la Syrie, il conviendroit que le passaige général teinst la voye par le royaume d'Armenie. En ceste manière, c’est assavoir que les pélerins ou royaume d'Egypte donnassent à eulx et à leurs chevaulx repos jusques à la feste Saint-Michel qu'ilz pourroient aler seurement en la terre d'Armenye, et là trouveroient ce dont mestier auroient. Vrayement ilz pourroient demourer en la cité de Tersoth, plus aysiément pour ce qu’ilz trouveroient grant plante d’eau et de pastures pour les chevaulx, et du royaume de Turquie qui est là près, mènent viandes et chevaulx et ce qui l'en est besoing, et de la terre d’Armenie aussy, et pourroit tout l’iver demourer en Armenye. Au temps du pastour venant, l’ost des pélerins pourroit aler par terre jusques en Antioche, qui est loing de la terre d'Armenye une Journée, de I1 nivyre pourroit aler par mer et arriver au port d'Antioche et ainsi seroit tout voisin l’ost de mer et l’ost de terre. Après ce que les pélerins eussent occupé la cité d'Antioche, laquelle ilz prendroient tost avec l’ayde de Dieu, les pélerins pourroient reposer en celle terre aucuns jours et pourroient oourre et proyer les terres des ennemis qui sont entour. Et en celle partie d’Antioche sont habitans crestiens assez qui sont bons sergens et vendroient tost à l’ost des crestiens et leur pourroient faire assez de services. Après ce que les pélerins se partirent Antioche, ilz se pourroient aler par la rive de Ja mer jusques à la cité de la Liche. Et celle leur seroit la plus courte voye et la meilleur. Et la marine pourroit tout adès suivre près de l’ost de terre. Vrayement près du Mar-

gac à la rive de la mer est un pas moult ennuyeulx à grant gent passer. Et s'il avenoit que les ennemis eussent gardé celli pas en telle guise que les pélerins n'y peussent passer, nostre gent pourroit retourner sans péril en Antioche et pourroient aler par le chemin Ephenne vers Césaire par la rive du flun tout montant, lequel flun est appellé Revel. Et par celle voye l’ost trouveroit bonnes pastures et eaues assés, et les terres des ennemis garnies de vittailles et d’autres biens dont l’ost pourroit avoir grant ayse. Et par celle voye pourroit aler nre. gent jusques à la cité de Haman qui est moult riche cité, laquelle les crestiens occuperoient legièrement. Et s’il avenoit qu'ilz voulsissent deffendre Haman pour ce qu’elle est riche cité, et ne venissent à bataille contre les crestiens, 112 auroient avantaige de combatre en cellui lieu, ilz desconfiroient legièrement les ennemis. Et se les crestiens peussent desconfire l’ost du soubdan, 1lz ne trouveroient après nufz contre eulx et pourroient aller droitement à la cité de Damas, laquelle ilz prendroient où ilz se renderoient par convenances. Car puis que le soubdan eust esté desconfit ceulx de Damas ne se pourroient tenir. Ains se rendroient voulentiers sauvez leurs vies, si comme ilz firent à Halcon et à Casan. Après ce que :ilz orent desconfit le soubdan, et puis que les crestiens eussent pris Damas, ilz conquerroient après legièrement le remenant. Et se les ennemis eschevasssent les batailles, les crestiens pourroient venir droitement à Triple en .un. jours de Damas et pourroient refaire la cité de Triple. Les crestiens qui sont ou mont Lyban donnent grant ayde aux pélerins. Dont se les crestiens tenoient la cité de Triple pour-

roient conquerre après le royaume de Jhérusalem avec l’ayde de Dieu.

De la compaingnie des crestiens et des Tartars.

De la compaignie des crestiens et des Tartars à moy est ains que aucune quantité jusques entour .XX. mille Tartars pourroient faire grant ayse et prouffit aux crestiens cheminant par les contrées. Car pour la doubtance des Tartars les Bedouins ne les Turquemensn'oseroientaprouchier de l’ost des crestiens. L'autre ayse seroit que les Tartars procureroient assez vittaille à lost des crestiens, et les feroient venir de loingtaines terres pour gaingnier aucune chose. Encores par les Tartars l'en pourroit enquerre et savoir la covine des ennemis. Car les Tartars sont légiers à courre çà et là, et scevent bien entrer et issyr de nuyt et de Jour à leur voulenté. Encores en fait de batailles et abatre villes et citez, les Tartars pourroientestre moult prouffitables, car 11z sont molt engigneux en tieux affaires. Et s’il avenoit que Carbauda ou autres en son lieu avecques gent venissent pour entrer en la terre d'Egypte, adoncques seroitil bon eschiver et esloignier leur compaignie, car les Tartars ne vouldroient faire la voulenté des crestiens. Et les crestiens ne pourroient savoir la voulenté des Tartars qui sont à cheval, et vont moult hastivement et les crestiens ne les pourroient suyvre pour la compaignie des hommes à

Pié.

Cy raconte frère Hayton la différence des coustumes qui sont entre les crestiens et les Tartars. .

Encores les Tartars quant 11z se scevent et ilz ont povoir et force ilz sont moult oultrageux et orgueilleux, et ne se pourroient souffrir sans faire oultraige aux crestiens. La quelle chose les crestiens ne pourroient souffrir dont il pourroit sourdre matière de scandale et de haine entre eulx, mais sur ce l’en pourroit mettre bon remède. C’est à savoir que les Tartars s’en alassent par la voye de Damas, si comme ilz ont fait et acoustumé à faire tout adès. Et les crestiens iroient aux parties de Jhérusalem, en ceste manièëre par l’esloignement des uns et des autres, entre les crestiens et les Tartars, bonne paix et amistié seroit gardée et la puissance des ennemis seroit plus tost confondue par les deux que par l’un. Encores une chose osay-je remembrer à la vostre Sainteté, c'est à savoir que saigement soit fait, car pour ce que le conseil des crestiens ou temps passé n'ont volu céler leur covine, 11z en ont souffert de grans ennuys, et les ennemis ont par ce eschivé de grans périlz, et ont tolu aux crestiens manière d’acomplir leur désirer. Et jà soit ce que la renommée du passaige général ne puisse estre celée, car elle yra par l'universel monde, non pourquant ce ne pourra tourner à nul prouffit aux ennemis, car ayde aucune ne leur pourra estre donnée de nulle part. Car en maintes manières pourra estre célé le conseil des crestiens faisans semblant de faire une chose et en faire une

autre. Et ce que les Tartars ne pevent céler leur con-

seil leur a fait bien souvent grant ennuy. Car les Tartars ont telle manière que à la première lune de janvier prennent conseil de tout ce qu'ilz veullent faire celle année. Donc se il avient que ilz veullent mouvoir guerre contre le soubdan d'Egypte, tantost le conseil est sceu de tous, et les Sarrazins font ce savoir au soubdan. Et sur ce le soubdan se garnist à l'encontre. Et les sarrazins scevent bien céler leur conseil et ce leur a valu maintes fois. Et ce souffist à dire ores quant à present sur le fait du passaige géné-

ral de la Terre-Sainte d’oultre mer.

Cy fait fin de son livre frère Jehan Hayton en priant Nre. Sires qu'il vucille délivrer la Terre-Sainte.

Après tout ce je pri humblement que la vostre Sainteté bénignement reçoive ce que ma dévocion escript sur le passaige de la Terre-Sainte. Et à ce que je eusse dit plus ou moins soit mise la lime de vostre correction que je n'en aille hardement de conseillier sur li grant à faire comme est le passaige de la Terre-Sainte. Ce ne feust par le commandement de la vostre Sainte-Paternité, laquelle puis qu'elle fu assise au siège pastoural par pourvéance de Dieu. De tout son cuer a pensé désiramment et procuré et traitié comment la Terre-Sainte qui fu arousée du précieux sang Nre. Seigneur Jhesu-crist soit delivrée du povoir des mescréans. Et pour ceste raison il a appellé tous les roys et les princes des crestiens à son concille, à ce qu'il puisse avoir conseil et avertement sur l’ayde du passaige de la

Terre-Sainte. Et comment ce soit que Dieu tout-puissant

ct miséricordieux nous démonstre par vraies démonstrances qu'il veult délivrer la Terre-Sainte du servaige des mescréans. Au temps de la Vre. Sainte-Paternité devons tous prier humblement que longue vie beneurée li doint cellui qui vit et règne in secula seculorum. Amen.

Cy fine le livre des hystoires des parties d'Orient compilé par religieux homme frère Hayton, frère de l’ordre de Prémonstré, jadis seigneur de Core, cousin germain du roy d'Arménye, sur le passaige de la Terre-Sainte, par le commandement du souverain père nostre seigneur l'apostole Clément-Quint en la cité de Poytiers. Lequel livre je Nicole Falcon escrips premièrement en françois, si comme ledit frère Hayton le ditoit de sa bouche, sans note ne exemplaire, et de romans le translatay en latin. En l’an nostre seigneur. M.ccc. sept ou mois d’aoust. Deo gratias.

Ainsi que vient de le dire Nicolas Falcon, la relation de Jean Hayton a élé écrite d'abord en français, puis traduite en latin par Falcon lui-même. C'est ce texte latin, que le moine de St-Bertin, Jean Le Long (d'Ypres), a traduit de nouveau en français, comme il le déclare lui-même à la fin des lignes suivañtes, qu’il a placées en tête de son œuvre :

« Cy commence ung traicté de l’estat et des condicions des quatorze royaulmes de Ayse, et des empereurs qui puis ’incarnation de nostre seigneur ont régné en iceulx, et rè« gnent encore. Et du passaige d'oultre-mer à la Terre-Saincte, et de la puissance du soubdan d'Egipte que nous appel-

ET 4 A de à ee LUN que à nn nn pe Te QU lp

lons le soubdan de Babillonne. Et fut ce traicté premièrement faict en latin par très noble ct très hault homme mosieur Aycone seigneur de Courcy, chevalier et nepveu du roy d’Armenie la Grand, lequel Aycone, après ce qu’il eut longtemps suivy les armes, se rendit en l’ordre de Prémonstré, moyne blanc au royaulme de Chipre, en l'abaye de l'Epiphanie en laquelle il fist cest livre comme dit est, puis

l'an de grace mil trois cens et dix. Et fut ce livre translaté

de latin en francoys par frère Jehan de Long dit né de

Ippre, moine de l’abbaye de Sainct-Bertin en Saint-Omer, de l’ordre de Sainct-Benoist, de l’evesché de Thérouenne en l’an de l’incarnation, nostre seigneur mil trois cens cinquante et ung. »

Cette traduction a été imprimée en 1529, sous ce titre: « Lhistoire merveilleuse, plaisante et recréative du grana « empereur le grand Can, etc. » Île était vendue « à Pa- « ris en la rue neufve nostre Dame à l'enseigne St-N icolas « et au pallays cn la galerie comme on va à la chancellerie « pour Jehan St-Denys. » Le privilège a été accordé à cet ouvrage par le Prévost de Paris ouson lieutenant «lelundy quinziesme jour de febrier mil cinq c. vingt-huyt. »