DU VOYAGE DE FRÈRE BIEUL

(Ricold de Monte-Croce).

Ci commmence le itiheraire de la peregrinacion et du voiage que fist ung bon preudomme des frères precheurs qui ot nom frère Bieul, qui par le commant du Saint-Père ala oultre mer por precher aux mescréans la foy de Dieu. Et sont en ce traitié par ordonnance contenu les royaumes, pais et provinces, lez manières diverses des gens, lez loys, les sectes, les créances, les hérésies, et les merveilles que li dis frères trouva et vit ès parties de Orient. Et fist ce livre en latin afin que ceux qui vouldront en ce pays aler pour la foy de Dieu essausier puissent par cest livre savoir quelle chose leur a mestier, et en quel lieu et en quel manière il pourroient prouffiter. Et fu ce livre translatés de latin en françoys en l'an de grace mil. ccc. li. Fait et compilé par frère Jehan le Long d’Ippre, moine de l'évesque de Ta-

roenne.

1. Le ms. 2810 porte à la page 268 Bieul et à la page 299 Riculd : c'est la première forme du nom du moine voyageur qui a été le plus souvent répétéc. Mais il est évident qu’elle est le résultat d’une erreur du copiste qui aura cru voir un B là où il y avait un R et qui a mis un e pour un c. C’est donc Riculd qu'il faut lire, puisqu'on sait aujourd’hui que l’auteur de cette relation est Ricold de Monte-Croce.

LE

Comme je le moindre de l'ordre des frères précheurs dajsi eusse souvent en mon couraige et en ma pensée la très grant douleur de la divine amour vers la lignie humaine, laquelle Dieu ot tant enchérie que pour le rachater des painnes d’enfer, il envoya son seul filx Dieu Jhésucrist faire sa pérégrinacion en ce monde et mourir pour nous pécheurs. Et pour ceste pérégrinacion fichiés en nostres mémores dist mesmes le très préchieux filz de Dieuen l’euvangile : « Je issi de mon père et vinsen ce monde,» comme se il voulsist dire : Je descendi des cieulx pour ceste pérégrinacion parfaire.

Secondement considérant comme li benoiz filz de Dieu en char humaine veis petis et pouvres ne voult soy, ne sa benoite ettendre mère espargner de longue et pénible pérégrinacion ; mais il et sa benoiste mère et le saint veillart Joseph qui le portoit fist son voiage en Egipte pour eschiever et fuir Herodes son adversaire, comment que nulx besoings ne lui fust de fuir homme mortel, ne de le doubter.

Considérant tiercement les très grans bénéfices etles graces que Dieux del abundance de sa miséricorde mea prestés, et les quellez il seul scet et nocte qui apelle mea et desseure de ce séculer monde et esleve à si digne ordre, comme pour estre son prescheur et son tesmoing devant toute gent créant et mescréant. Si m’estoit ains que trop me seroit honte et vergoigne se Je après tant de bénéfices et de graces, je ne ordennasse mes voies et mes affaires, et convertisse mes piés pour aler ès tesmoignages de Dieu. Lors repensay en mon courage que point ne me seroit seur de longuement estre

oiscux, sans essaier et esprouver aucune chose de labour

et de pouvreté de lonc voiage et de pérégrinacions. Et espécialement quant me vint en mémoire quellez et quant longucs et quant pénibles pérégrinations pour prendre les séculaires sciences. Lesquellez clerc nomment les ars libérales, je avoye souvent empris et parfaite là où j'estoie enco: res clercs seculers. Toutez ces choses souvent et menu tournéez et retournées en ma pensée et en mon courage receuc” aussi la obédience et le commant de la beneisson de nostre saint père le pappe, et aussi du maistre de nostre ordre des frères précheurs commencay mon pelerinage.

Si passay la mer pour présentement veoir et visiter Îles sains lieulx, lesquelx JhésuCrist mesmes visita corporèlement et souverainement pour visiter ce saint, dévot lieu ens ouquel Nostre Seigneur daigna pour nous pécheurs mourir en l'arbre de la croz. Afin que la mémoire et la souvenance de la passion de nostre seigneur JhésuCrist feust plus tenamment présentée et fichée en mon courage. Affin aussi què le précieux sanc JhésuCrist espandus pour nostre sauvement me feust confort et donnast vigueur et enforcement de sa foy prechier et se cas si offrist mourir pour cel-

Jui qui moy donna la vie.

De Galilée.

Premièrement ainsi commeil plot à Nostre Seigneur arrivames et preisme port en Acre, et de là m'en alayÿ une Journée de. XX. milles avec pluseurs crestiens jusquez en Gali-

lée et venimes premièrement à Chana Galilée, en laquelle

Jhesucrist fist le premier de ses signes et miracles, quant aux nopces 1l converti l’eaue en vin. Ceste vilette Chana Galilée est à un ou à V. milles de Nazareth. Assés près de ce lieu trouvasmes le puis ouquel lez menistres emplirent lez. V. caves d’eaue que nostre seigneur converti, comme dit est. Là veismes le lieu ouquel il fut faite la feste des nosces sus dites, et veismes la fourme des caves. Là chantasmes nous et prechasmesl'euvangile du miracle du vin que Dieulx fist à ces noces. Là priay à Jhesucrist qui en ce lieu avoit converti l'eaue en vin qu’il voulsist aussi convertir toutez mes deffaultes des devocion et espirituel, savoir de parfaite compugnicion® De là venismes .XV. milles droicte voye à la vilette de Genezareth, ct est assise sur la mer de Galilée. Ou pendant de la montaigne chantasmes l’euvangile du miracle que Dieulx fist sur ce mont de .Il. enrag'és des quieulx il chassa ung lésion de deables, et les fist entrer ès pourceaux. Une légion contient .VI" VI‘ IxVI. De là en V. milles descendismes en Bethsaïda dont furent nés Saint- Andrieu et Saint-Pierre, et si est la vilette sur la mer de Galilée. Sur lequel mont Jhésucrist fit ung sermon à ses disciples, puis monstasmes assés près de là ou mont ouquel Jhésucrist repeut .V. mille hommes de .V. pains d'orge et de deux poissons. Là nous asseismes nous sur le foein et mangasmes du pain à joye. Là d'en costé, à troiz milles, est la cisterne en laquelle Joseph fu mis par ses .ix. frères. Assés près de là est le chastel Saphet qui est la clef de toute Galilée. De là descendismes en Capharnaum et venismes à ce lieu, ouquel Nostre Seigneur cura le ladre, et puis alasmes ou lieu ou Sains Mahieux fist et reçut le don. De ce

260 L'EXTRÈME OIUEXT AU MUYEN-AGE.

lieu retournasmes nous vers la mer de Galilée et venismes au lieu où N.S. après sa resurreccion apparut à ses disciples sur la rive de la mer, et lez appella à mengier et menga avec eulx du pain et du poisson, et monstra que il estoit vrayement resuscités. Cilx lieulx est entre Capharnaum et Bethsaïda et Genesar. Et venismez ou chastel Magdalum duquel fu née et appellée Sainte-Marie-Magdaleine, et es du costé l’estanc de Genesar. Là feusmes nous moult dolans pour ce que nous y trouvaismes une très belle église dont Sarrasins avoient fait estable à leurs bestes. Là prechames ct chantasmes l’euvangile de Sainte Marie Magdaleine. De là venismes .V. mille iusquez à Tyberiadis @ut sur la mer. Là trouvasmes moult de chosez dignez de mémoire. Entre lez lesquellez je consideray ce que en la mer de Tybériadis l'eaue est en touz lieulx très douce et très bonne à boire, non pour quant y entrent en pluseurs lieulx moult d’eaues puans de souffre et très amères. De là montasmes nous en une trèz haulte mortaigne pour venir ou trèz hault mont de Thabor, et de là alasmes .V. mille jusquez en Béthulie la petite cité dont fust Judith. A une mille de la venismez à la fontayne à laquelle juifs prendoient leur eaue, quant Olofernes lez ot assis en Béthulie dessus ditte. Quant fusmez passé Béthulie montasmes le mont de Thabi. Ou pendant de ce mont Melchysedech encontra Abraham et offri pain et vin comme dit la Bible. Sur ce mont trouvasmes moult de grandes esglises de la transfiguracion N. S. toutez gastées et depechies. Lors montasmez tout au plus hault de

la montaigne et du tertre au propre lieu. Là N. S. Jhésucrist fu transfigurez de ses disciples. Là leusmez l’euvangile

de 11 transäsuracion N. S. moult esmer“eilliez et dolans de la grant destruction des esglises que nous y veismez. De ce grant tertre venismes arrabe à .XX. milles, et d'autre part la montaigne dont naissent lez .IÏ. fontaynes jour et dan, qui font le commencement et le nom du flun Jourdan. De ce tertre veismes lez noms de Gelbæ. A. XVIT milles du mont de Thabor descendismes et passames le grant champ de Esdrelon, et la cité de Naym. Là N.S. suscita le filx de la vefve, ainsi comme dit l’euvangile. Si venismes en Nazareth. Il y a. II. milles de Nazareth. A. IT. milles montasmes une montaigne et venismes au lieu que l’en appelle le Saue N.S. Et fu le lieu dont li Juifs vouloient N.S. Jhésucrist getter à val, pour ce que il leur commença à precher et monstrer leur sauvement. Là veismes lez enseignes des pas et la fourme des piés Jhesucrist en la roche empreinte. Et tout aussi comme il s’en aloit et disoient les gens du paix que pour certain que ce estoient les pas N.S. Là leusmes nous l’euvangile qui ce fait raconter.

De Nazareth.

Quant venismes à Nazareth la grant cité, nous la trouvasmez depechie et dolereusement deschirée. Et n'y trouvasmes riens des premiers édifices, fors seulement la chelle en laquelle se fist le commencement de nostre salut, quant l'ange Gabriel salua la benoiste vierge Marie de ce doulx salut Ave Maria etc., et lui annonça que le saint esprit descendroit en lui, dont elle concevroit sans œuvre d'omme

le benoit filz de Dieu, et demouroit vierge pure au com-

mancement et à l'enfanter. Et après lors respondi humblement la doulce vierge royaulx et dist : Veez cy l'ancelle et la meschine N.S. ; Comme tu, Gabriel, asdit ainsi soit. A ceste responce disent lez maistrez que nostre Dame conceupt et devint mère de Dieu sans corrupcion. Pece ne se esmaie ne juyfs ne Sarrasins, ne autres quiconques créans ou meschréans. Car œuvre d'omme ne y fist mestier. Là toute la benoïte trinité fist le ouvrage par deseure toute nature qui meismez fist et ordenna nature. En ceste chelle a un autel de Dieu droitement ; en ce lieu là N. Dame fist ses oroisons en l’eure que Gabriel l'archangelle fu envoyé à luietle salua comme ditt est. Et en ce lieu là Gabriel l'archangelle estoit quant il le salua, et un autel de saint Michel sur chacun de ces ,I[. antieuls deismes nous messe et feismes prédicacion. Lors cherçames et alasmes par toute la cité, et espécialement en ces lieux la N. D. et ses doulz filz saloient le plus hanter. Bien près de la cité trouvasmes nous une fontayne, laquelle contient en très grant révérence pour ce que Nostre Sires y aloit souvent puchier de l'eaue pour sa digne mère. De Ja à .XXX. milles alasmes à la synagogue en laquelle Jhesucrist leut Ysaïe le prophète et disputa aux maistrez de la loy. Touz ces lieulx de Galilée dont nous avons fait mémoire trouvasmes nous ès mains et tenances des Sarrazins qui lez possessoient paisiblement. De Nazareth à .X. milles venismes au chastel Zaphetanum dont furent nés saint Jehan euvangeliste et saint Jaques, les enfans Zébédée. En ce chastel demeurent crestiens. De ce chastel venismes et retournasmes en Acre cité des crestiens.

L'EXTRÈME ORIENT AU MOYEN-AGE, 203 De Judée et de la terre de promission.

De Acre alasmes vers Jherusalem et venismez à ruissel de Cyson. Là Hélies par lez mains de ses ministres mist à mort.VIITI.c. et. 1. faulx prophètes qui prophétissoient par le responce de celleydolle que onnommoit Baal et qui avoicnt le peuble de Dieu perverty et fait aourer le dcable, et vouloient faire ochirre les vrays prophètes de Dieu Hélie et lezautrez pour ce que il maintenoient la vraye foy, et contralioient à leurs ydoles, et lez convenqui Hélies en la présence du roy de Israël, et de tout le peuble par certain miracle de Dieu comme plus plainement est contenu en la Bible. Quant passez feusmez ce ruissel par l’espace de .JIII. milles venismes en la cité de Caisan sur la mer et de là à ce trés bel moncelet de Carmelus sur lequel Hélies fist appeller grant multitude des enfens de [sraël. Et devant eulz convenqui sur ce mont ces sacerdos Baal susdis: Et de là furent menés sur le ruissel susdit et occis, Et delà venismes au chastel Pélerin qui est aux templiers et est trop noble castel sur lamer de Ynde. De là à .XX. milles le chastel Tatho. Puis .XVIIT. milles à Saint-George. De là venismes en Ramacha au mont de Effraym qui est à troiz milles de

Jherusalem et là visitasmes la maison Samuel qui de là fu nés.

De Jherusalem.

De Ramacha venismes en la sainte cité de Jhérusalem qui vraiement puet estre nommée cité de ruine et de des-

truccion. Si alasmes premièrement à l’esglise saint sépulcle de N.S. Lez Sarrasins ne nous y vouldrent pointlaissier entrer si que nous montasmes le mont de Syon, la cité que fonda David. Et là trouvasmes la tour David édifiée de grandes pierres quarrées et n'estoit pas encore destruite du tout. Puis venismes ou lieu ou fu décolé Saint-Jaque le majour. Là est une église. En celle esglise est ung marbre, lequel on voit encore tout rouge du sanc. De là venismes ou lieu où Jhesucrist fist la chène avec ses disciples le jour du jeudi asolu. En cellui lieu est une très grant esglise en laquelle sont les lieux de la saincte maison, et la chelle en laquelle demoura N. Dame après l'ascension de son filz glorieulx, et à l’autre lez le lieu ouquel Dieux fist la chène comme dit est, et le mande et lez aultres choses dont l’euvangile et la sainte église fait mencion, le jour du jeudi de la chène, et que Dieulx fist celle vesprée. Là est ung autel en cellui meismes lieu, là où Dieu ordonna et institua le Saint Sacrement de la messe. En celle esglise est le lieu là où les disciples furent assemblés quant le saint Esprit descendi sur eulx le jour de Pentecouste et là est le lieu ou N. S. entra à sesdisciples les huis clos après la résurreccion. Là est un ung autel sur lequel nous chantasmes messe et preschames à très grant paour, car nous doubtions bien que les Sarrasins ne nous tuassent. D’en costé ceste esglise est la coulombe en laquelle Jhesucrist fu liés et batus et encore appert toute ensanglantée. Assés près de là est la maison Anne qui fu Serouge Cayphas. Lien coté est le lieu où Saint-Pierre ploura tendrement. Après cil qu'il ot renoyé

Dieu troiz foiz comme dit l'euvangile.

Et en mémoire de la pénitance saint Pierre est là une église. Après ce descendismes du mont de Syon et venismes ou lieu où souloiïient demourer les frères prècheurs et trouvasmes encore le lieu de leur jardin, et est le lieu assis entre le temple N. Seigneur et le temple Salemon. Du temple Salemon veismez nous le lieu duquel fu gettés, Saint Jaques le mineur que on dit frère N.S. pour ce que tant lui resembloit et fu jetté de moult hault en une basse valée de Josaphat. Dont issumes de la sainte cité et venismes ou champ Acheldemach que lez juifs achetèrent de ces. .XXX. deniers dont Dieux fut vendus, comme tesmoigne l’euvangile, et sert celle champaigne encore aujourd'hui de ce pourquoy elle fu achetée. C'est pour enterrer les estrangés pèlerins qui là demouroient. Près de là trouvasmez la chelle monsieur saint Onoré et de plusieurs autrez $ains pères. Après descendismes en la valée de Josaphat et là trouvasmes ung sépulcre très merveilleusement noble, lequel Salmon fist pour sa femme la fille Pharaon, laquelle il amoit tant que pour l'amour de lui il fist cantica canticorum comme on dit. De la valée de Josaphat descendismes en Jhérico. XX. milles par celle dont parle l’euvangile de l’omme qui de Jherusalem en Jhérico et chei ës mains de larrons robeurs. Ceste voie est encore moult gastée pour lez robeurs qui encore y hantent. Quant venismez en Jhérico, nous la trouvasmes toute gastée et presque déserte, et de là alasmes. ITIT. milles jusques au fleuve Jourdain ou abitoit saint Jehan Baptiste. Là est encore ung beau mémorial de saint Jehan. De là. I. mille venismes à la fontaine roge, là

où jadis souloit estre du temple David le courtil royal. Et

là fu ce que adoines l’ainé filz David douna à menger aux enfens du roy et aux grans de la court, excepté Salmon, et, IT. ou III. de l'estroit conseil son père, et là se fist adoine couronner sans le sceu de son père le roy David. De là nous alasmes par la voie par laquelle lez trois roys vindrent en Béthléem pour aourer la naissance N. S. Sy trouvasmes le lieu [à où premiers leur apparut l'estoille, et là est une belle esglise en la mémoire de l’estoille. De là venismez aux troiz martirs et là est une belle abbaye de moisnes sarrasins de la loy Mahommet. De ]à venismes ou lieu là où demouroit Hélies le prophète, et est emmy voye entre Jhérusalem et Béthléem. Delà à. IT. milles. venismez au sépulcre très noble et très ancien comme encore pert à l'ouvrage. De là venismez à la champaigne des chiches. Là riens ne croist fors que petites pierres à manière de siches. De ce champ dient les gens du paiz que N. S. passoit une foiz par là si denandé à ceulx qui là semoient siches quelle chose c’estoit que ilz semoient et ilz respondirent en gabant que c'estoient pierres. Dont Jhesucrist respondi: et pierres en

recueillirez, et de celle en avant n’y crust aultre chose que pierres.

De Béthléem.

Après le champ de siches passé venismez en Béthléem la petite cité en laquelle fu nés cilz petiz enfens qui n’a greigneur ne pareil, Jhésucrist le benoit filz de Dieu, et là trouvasmez une belle esglise de N. Dame, et en l’esglise de

diversoire ens ouquel acoucha la glorieuse vierge. Et est

une cstroite voie qui a l'un lez la crèche, la mignore aux beufs et aux asnes en laquelle nostre Dame coucha son benoit filz, et à l’autre lez de la voie est une caverne, une croute qui y fu pour les pouvréz hébergier, et en celle vist N. Dame et droit en ce lieu là où N. Dame enfanta est ung autel sur lequel ‘nous chantasmez une messe et acu= meniames touz ceulz qui avec nous estoient et prechaimes de la nativité N. S. Et après la messe, trouvasmez en la crèche ung très bel enfanconnet filz de une povre crestienne qui là demouroit d'en costé l’esglise. Et à l’onneur et à la remenbrance de N.S. aouramez Jhesucrist en tel enfanconnet et feismes nostre offrande en la remenbrance de l'offrande des troiz roys et avec ces offrandes le rendismez à sa mère. De Béthléem descendismes jusqu’à .ITT. milles là où l'angle apparut et anoncha la nativité de Dieu aux pasteurs qui estoient en ceste région, comme dit l’euvangile. Là est encore grant mémoire des pasteurs, grans ruines de pluseurs esglises qui là jadis furent faittez en la mémoire des lieulx. De ce lieu à .[T. milles est le hamelet des prophètes qui vindrent à l'encontre de Hélye et de Hélysée, et dirent à Hélisée: « Aujourd'huy sera Hélie, ton « seigneur, ravy et osté de toy. » De là montasmes par la voye qui va en Béthléem par laquelle vindrent lez pasteurs aourer N.S. et trouvasmes assés près de Béthléem ung puys, d'en costé lequel Marie et Joseph se reposèrent quant ilz vinrent en Béthléem. Et dient lez gens du pays que pour amenistrer à boire à N. Dame et à Joseph qui de lonc voiage furent lassez et travailliez, l’eaue crust jusquez au bort du puis, si que ilz en porent puisser à la main. De là

venismez à Béthléem la cité ei trouvasmes de costé l’esglise N. Dame le palais ou saint Jéroime translata la Bible et la chaere en laquelle il fist la sépulture Saintte Paule. De là retournasmes nous pour venir en la maison Zacharie Île père saint Jehan Baptiste qui habitoit à .IT. milles hors de Jherusalem. Et trouvasmes premiers le lieu ouquel sainte Elizabeth vint à l'encontre de sainte Marie, et là elles s’entre saluèrent, et se resjoy saint Jehan Baptiste ou ventre de sa mère comme dit l’euvangile. De là venismes pour quoy ne me feust de douleur de mort. Sen à celle heuré eusse esté de vous comme je cuidoye mourir y peusse de douleur ou de joye, et de contemplacion de si grant désirer à empler. De ce lieu regarday tout environ, si vy tant de sains lieulx que il n'est ame née crestienne qui ne feust meux à dévocion.

Je y vi le lieu de la crucifixion N.S., la pierre qui de mont en aval toute se fendy en leure de la mort N.S., une partie de la coulombe à laquelle N.S. fu liés et abatus, et ceste partie de la coulumpne soustenoit une pierre de autel assés près de la station N. Dame. Là elle estoit et plouroit devant son précieulz filz pendant pour nous. Assés près de là veismes la pierre sur laquelle Joseph ab Arimathia, Nichodemus et li aultre mistrent le corps N. S. Jhesucrist, quant ils l’orent osté de la croiz et le lièrent en draps linges et envelopèrent avec mirre et aloës, et telles précieuses herbes moult dignement pour le ensevelir; de là nous meismes nous pour aler veoir le saint sépulcre. Et de ces crestiens qui là furent assemblez plus de C. ordennasmes

une pourcession, et la commançames de la coulombe sus

ditte, laquelle ilz dient estre en la moienne du monde, et montasmes vers le saint sépulcre portant palmes en nos mains. Et ainsi alasmes par la voie par laquelle alèrent lez troiz Maries au sépulcre le jour de la résurreccion N.S. Quant approchames au saint sépulcre commençames à Hault voiz celle sequence. Vittime paschali laudes. A chascun pas, li uns commencçoit ung ver et li aultre respondoicnt. Quant au sepulcre feusmez venus de grant Joye et de grant dévocion. Commença li uns ce vers de la ditte sequence. Surrexit christus spes mea. Et le prist à si haulte voz que le son en vint jusquez aux sarrasins qui demouroient environ et en furent destourbé. Lors entrasmez ens ou saint sépulcre et trouvasmes celle grande pierre dont avoit esté couvert le sépulcre, tant comme N.S. y fut. Maiz il n'estoit mie ore sur le sepulcre. Aiïns estoit hosté et mis d'en costé l’uis du sépulcre. Nostre pélerinage fait au saint sépulcre, nous monstrèrent les gens le courtil ouquel Jhesuriest se apparut premiers à sainte Marie Magdaleine. Et assés près de là non pas au courtil, mais emmy la voye le lieu ou N.S. apparut aux autres Maries. Et là cllez tindrent ses priés en celle meismes esglise du saint Sépulcre. Dessoubz est une cysterne une croute laquelle sainte Hélaine la mère Constan, le empereur, fist fouir et y trouva la sainte croiz avec lez .II. autrez croiz des .Il. larrons, et est ceste croute fouie et faite au chisel en la roche. Si y descendismez plus de. XX. pas. En celle esglise du saint Sepulcre preschames nous pluseurs foiz et deismes messe, et acumeniames le peuble crestien, et nous y repo-

sames de jour et de nuit. De là nous partismes nous et

pe , A 27 I. EXTRÈME ORIENT AU MOYEN-AGE.

alasmes de Jhérusalem droite voie en Emaris le Chastel VIII. milles bel chemin et plaissant. En Emaris est une belle esglise. De là retournames et venismes en Rama la cité dont fu Joseph ab Arimathia qui enseveli N. S. Jhesucrist. De 1à en .X. milles en Chesaire, Philippe qui est Sur la mer. De là, à .XX. mille au chastel Catho. De là à XVIII. mille approchames au chastel pelerin, et venismez à la cave N. D. Celle cave est une fosse une caverne d'en costé la mer en la voie qui vient de Egypte en Galilée, si que quant N. Dame avec son benoit filz et Joseph retournérent d'Egypte là où ilz estoient fouis quant Herodez fist occire les innocens. A ce retourner Joseph vouloit aler en Galilée et eschiver Judée. Et quant il fu venus là sur le fleuve là où saint Jehan baptisa N. S. Jhésucrist, là feusmes le jour de l’Atyphanie, et y trouvasmez bien. X. mille crestiens qui là estoignt venus pelerins de toutez pars et de toutez nacions. Là feismes un autel d'un costé le fleuve, et Ià chantasmez messe et preschasmes, et nous baignasmes touz au flun à grant dévocion, chantant. Kyri eleyson, et en l’eaue chantasmes ceste euvangile: factum est, etc. Du fleuve Jourdain alasmes à la montaigne et ou désert là où le diable tempta Jhesucrist, et là Jhésucrist jeuna. XI. jours et. XI. nuis sans boire et sans mengier. Là est une esglise en laquelle nous celebrasmes aux crestiens qui avec nous estoient venus et aux heremitez qui là demouroient, et ces heremittes nous monstrèrent moult de sains lieux ou et comment y fu N.S. Ilz nous menerent en ung trez hault mont et moult peneulx à monter sur lequel mont le deable mist Jhésucrist, et lui monstra touz les règnes du

monde, et le tempta comme dit l'euvangile. Et certes c’est ung lieu moult convenable à temptacion de convoitise, car le mont de lui est de si désert que on n’y trouve riens de biens ne de plaissance en lui. Mes on voit tout environ tant comme veue se peut estendre, le plus plantureulx et le plus délitable pays que cuer peut ymaginer, car ce est le pais que Dieux permist à son peuple, le plus habondant de touz biens et le meilleur qui soit ou monde. Ou pié de celle montaigne est celle très belle plainne qui de touz biens est plainne. Le fleuve ‘de Jourdaine, les plains de Jherico qui ont fontainez, rivières et courtis comme ung paradis. Là sont lez terres là où ont fait le sucre. De celle valée dit Salemon in cantica canticorum, que c'est la plantacion des roses de Jhérico pour ce que tant y fait délitable. De celle montaigne veismes lez lieulx de Sodome et de Gomorre, et des autrez cités que Dieulx confondi par le feu et souffré plouvant du ciel, et les autrez ardy pour les grans péchiés des gens qui y habitoient, et veismes la mer morte que on appelle la mer malaite, la mer maldite. Et en ce lieu Îà Jhésucrist fu temptés, chantasmes et preschasmez l'euvangile de la temptacion N.S. De ce lieu à. XX milles venismez vers Jherusalem par la voye par laquelle N.S. entra en Jhérusalem le jour de Palmes comme dit l'euvangile. Si venismes en Bethanie qui est à troiz mille de Jhérusalem. Si trouvasmez au dehors de Béthania le lieu ouquel Martha vint à l'encontre de Nostre Seigneur, et puis en Béthanie le lieu et la maison Lazaras le frère Marthe, et sainte Marie Magdaleine, et trouvasmez le sépulcre ouquel Lazarasavoit esté mors et enterrés [IL jours quant

N.S. le resuscita, et là chantasmez et preschames l'euvangile de Lazaras. De Bethania à un millier venismes en Bethfage qui est en costé le mont d'Olivier et trouvasmes le lieu du figuier que Dieu maudit, et tantost à la maleicon Jhesu- Crist sécha. Et veismez le lieu aussi là où N. S. envoyases disciples .IT. en Jhérusalem pour l’annesse et son faonnet, et de là venismes au mont d'Olivier et delà d'encosté un autre mont que l’en appelle Galilée, et dient pluseurs que cilx est le mont dont parle l’euvangile que lez .XII. disciples s’en alèrent en Galilée en une montaigne que Jhésucrist leur assignée et dit: Cilx mons a à nom Galilée, ce ne sont mie en Galilée, mais en Judée. Aucuns aultres dient que l’euvangile doit estre entendue du mont de Thabor qui vraiement est en Galilée. Quant nous descendismez du mont d'Olivier nous preismes reussiaulx d’oliviers et de palmes et lez beneismes et portasmes à. touz. Et ainsi descendismes vers Jhérusalem par ceste voye par laquelle N.S. s'en vint à la Passion comme dit est, et entrasmez en Jhérusalem, par la porte d'or par laquelle N. S. entra et celle porte est oupré du temple. Lors entrasmes en la sainte cité et le mont de Syon. Nous trouvasmez hors de la cité au lieu de Zacharie, et ainsi près de là comme le tiers de ung millier trouvasmez la maison de Sainte Elizabeth, et en la moienne court ung ruissellet descendant d’une très belle fontaine sur laquelle souvent se reposoient et ensemble parloient la Vierge Marie et Sainte Elizabeth, toutez deuz ensaintez. De là retournasmes nous vers Jhérusalem, et trouvasmez le lieu ou fu coppé le grant arbre dont fu faite Ja sainte Croiz. De là venismez en Jhérusalem et ou mont de

Syon ou N.S. fist la chène à ses disciples et leur lava les piés, puis alàmes tout le chemin que N. S. ala après le chéne pour venir au courtil, ouquel il fist ces oroisons à Dicu le père, et là il fu prins de juifs. Si venismez aux eaues de Siloé là où Ysaias fu à .I. lez. Et auquelle JhésuCrist envoya le maule, après que il le avoit sauvé. Puis pasasmez le ruissel de Cédron qui couroit parmy la valée de Josaphat ent Jhérusalem et le mont Olivier. Puis venismes au courul dessus dit, et là trouvasmes le lieu où N.S. fist ces oroisons comme dit est. Assés près de là est une champaigne que on nomme maintenant le champ des flours, et là de costé est le sépulcre de la benoiïte Vierge Marie, droit en la moiennne de la valée de Josaphat et gardent li Sarrasin ce sépulcre à grant révérence età moult grant luminaire. Là chantasmes nous messe et preschames et acommuniames toute nostre compaignie. En ce champ de fleurs nous asseismes et nous reposamez contemplant et considérant le lieu du val de Josaphat entre le mont de calvaire et le mont Olivet ouquel lieu comme dient aucuns docteurs, N.S. vendra au jugement en la fin du monde. Si priasmes à Dieu que à ce destroit jugement il nous voulsist assigner lieu à sa destre avec ses esleu. Après veismez du sépulcre N. Dame le lieu où fu lapidés Saint-Estienne le premier martir, ct de là retournamez en Jhérusalem, et venismez à l’esglise Sainte-Anne, mère de N. Dame. Là nous fu monstré le licu ouquel dient vraiement que N. Dame fu née, et là encosté fu enterrée Sainte-Anne susdite. Puis alasmes à la maison Pylate et là veismez nous la constraccion, le lieu où fu Ju-

giés Jhésucrist, la croiz sur ses benoïitez espaulez. En celle IS

nous fu monstré le lieu ouquel N. Dame chay en pasmaisons, ainsi comme elle fuioit son benoit filz. Là est encore une maison en mémoire de ce. De costé celle voye nous fu monstré le lieu, làoù N.S., lassez d'aler et de sa croiz porter, se reposa ung pou. Assés près de là est une maison de Cordeliers. En celle voie nous fu monstrés le li liclx ouquel Sainte Héleine mère Constantin examina lez troiz croiz que elle avoit trouvéez et recongnut la sainte Croiz N.S.

pour le miracle de ung mort resuscité.

Du Sépulcre N.S.

Toulx ces sains lieulx visitez, nous entrasmez en l'esplise du saint Sepulcre qui ést une très granit esglise. Si que le mont de Calvaire et le saint Sépulcre y sont contenu dedans. Sy montasmes lé mont de Calvaire au lieu ou fu crucifiés N.S. et trouvasmes le lieu où la croix fu fichié et cuignié avec une grande perre. Là d'en costé est li crucifilx ou pié de celle pierre ou fu féchié la croiz comme dit est, est l'ascension N. Dame et Saint Jehan euvangeliste qui estoit d'en costé la croiz vers orient. Cilz lieulx du crucifiement N. S. est ung lieu de si grant dévocion que se aucuns crestiens né fondis en lermes pour la compassion du filz de Dieu criant et mourant. Si seroit-il constrains de plourer pour la compassion de sa benoite mère plourant et démentant au pié de la croiz son benoit filz mourant pour nous... De la cave nostre Dame venismes au chastel pélerin. Et de là en Acre cent milles.

Ut

De Tripoly.

De Acre cntrasmez en mer et passames par d'en costé lez cités de Tir et Sydon, et venismez en la cité de Tripoli d'en costé laquelle cité est la fontaine dont fait mencion Salemon ?n Cantica canticorum, qui dist : Fons ortorum, putens aque, etc. De là venismes au mont Libanus ct là demeurent Maronites qui sont crestiens mescréans et maintiennent qne Jhesucrist ne hout que une volenté simple. Ce est leur erreur et toutez aultres choses se acordent à nous plus que nul aultre secte de crestiens mescréans des parties de Orient. Assés près de là sont les assasins lesquelz ceulz de Oricnt nomment Ismaëlite, descendus de Ismaël. [x sont gens de merveilleux affaire. Quant ilz tuent aucun ennemy ou quant on les tue, il cuident que li tués soit ravis et mis cn lieu là où il treuve plante de délectacions charneles. En quelles délectacions, il cuident estre paradis et vie perpétucllement durant. Cilz assasin tiennent la loy des Sarrasins. De Tripoly pasames par mer et venismes près de Turquoyse. De là nous fu monstré une plaine entre Île mont Libanus et le mont Vegie, en laquelle plaine Noé charpenta l'Arche contre le déluge, en laquelle il se sauva selonc que N. S. lui avoit commandé. De là entrasmes en Arménie à l’Ascension, et de là alasmes .IT. C. milles, jusquez à la cité de Armaistrie, en laquelle fu evesques un qui ot nom Theodorus très grans hérites et très mescréans qui toute l'euvangile corrumpy pour la fausse exposicion. Îl dist que la Vierge Marie ne porta point Dieu et que Jhesu-

crist ne fu mie dieux, maiz fu ung justez homs et le peupble de Dieu. De tellez erreurs trouvasmez nous moult de ces livrez faulx et mauvaiz semés partout. Et espécialment entre lez mescréans, car Nestorius qui fu chiefs des Nestorins et dont Nestorins sont appellés, fu compaings à cellui Theodorus dessusdit. De ces Nestorins et de leurs erreurs dyrons ci-après plus plainement. De Armestrie pasames oultre .XX. milles jusques à la cité de Tarse qui est en Silicie, en laquelle fu nés Sain Poul l'apoustre.

De Turquie et des Turquemans.

Quant feusmes passez Arménie nous entrasmes en Turquenie et trouvasmes les Turquemans gens bestiaulx qui sont Sarrazins et de la loy Mahommet, et habitent communément dessoubz terre, comme taulpes. Et cil turqueman issent de leurs cavernes et font ung grant ost et sont cruel gens et fort et espécialement leurs femmes, dont entre les aultrez choses que je y vy raconteray une grant merveille. Ainsi que nous cheminasmez pour faire nostre voiage, une femme turquemande enchainte siévy nos quamels tout appart et elle mussée. Aiasi comme nous estions au désert, elle enfanta en grant silence et coiement que nulx d'’eulx n'en sceust riens. Et quant vint au matin, nous trouvasmez ce petit enfantonnet plourant èsbras de sa mère. Mais pour son acouchement ne nous failli point atargier ne pour douleur que celle acouchie sentefeist. Ains se leva la turquemande bien et viguereusement comme se elle ne sentist ne mal ne douleur; si prist son enfant et sievy les quamels

comme devant. Cilx turquemant haient sur toutes gens les grieulx qui habitent sur la grande mer, et c’est pour une très grande traison que grieulx firent aux Francoys en ung passage que Françoys firent pour aler sur les Sarrazins. Cilx grieulx avoient fait pain mouvaiz et faulx, car ilz avoient mesléevive chaulx avec le fruit. Ly Francoys achetoient ces pains des grieulx fiablement comme de crestienne gent, si s’en trouvèrent trahys ; car grant plante des Françoys en moururent de la vive chaulx que ilz avoient mengié, Et pour celle grande trayson que grieulx firent à leur crestienne gent qui venus estoient pour eulx secourre et lesquelx ilx deussent avoir aidié de tout leur povoir, ne se vouldrent oncquez puis turquemans fier en gregois; maiz leur font toute la perséqution que ilz pevent. Et pour certain je trouveray et entendy seurement par gens dignes de foy, que cilx gregois doubtent si les turquemans, que ilx n’osent issir de leurs villes, ne de leurs forteresses que ilx ne portent avec eulx ung chavestre tout prest, de quoy le turqueman le puist lyer. Et pour ce quant cil greigoys yssent de leurs villes pour semer leurs terres ou pour quelconquez aultres besoignes, chascun porte son chavestre : dont on le puist lyoer. Si que en eulx est vrayement accompli ce que dist Salomon : Iniquitates sue capiunt impium et funibus peccatorum suorum unusquisque constringitur C'est à dire en françoys: les mauvais prendrent leurs mauvaistés, et des loiens des cordes de ses péchies est chascun pescheur constraint et loiés.

Des Tartres.

Après Turquie entrasmes en Tartarie et là trouvasmes l’orrible et merveilleuse gent de Tartars, li quel se diffèrent de toutes aultres nacions du monde, en personnes, en meurs, et en manière de vivre. [1z diffèrent en personnes car ilz, ont grant visages et larges, et les yeulx si petis que ce semblent droitement petitez fenduretez ou travers du visage. Et si ont pou ou néant de barbe, si que la plus grant partie d’eulx semblent droit estre vieulx singes. En meurs se diffèrent des aultres nacions. Car en Tartrez ne a courtoisie, ne vergoigne, ne agréabletez, ne amour, ainsi comme en gens de aultrez nacions, Etsemble que ils hayent toutez cités, touz édifices, et toutez habitations, car ilz les destruisent quant qu’ilz en treuvent. Et à ceulx font plus de mal qui plus se humilient à eulx. [1 veullent que on leur face toute honneur, révérence et service, et encore ne le reçoivent point en gré. Ains dient que tout leur est deu ; 11z dient que ilx sont vray seigneur de tout le monde, et que Dieux fist le monde tant seulement pour eulx, afin que il en tenissent la seignourie, et que ilz en Joissent ; ilz dient aussi que les oyseaulx qui volent par l’air et lez bestes du désert ne vivent, ne ne boivent, ne ne menguent ; mais que par la grace de leur empereur. Dont il avint que une foiz ung Françoys vint au grant. Kaan des Tartres, et c’est au grant empereur, et liemperères lui demanda quel chose cilx lui avoit apportée. Ly francoys respondy et dist : Sire, je ne vous ay riens apporté,

car je ne scavoie mie vostre si grant puissance. Com-

ment, dist l’empereur, les oyseaulx qui voulent par les paiz ne te dirent-il riens de nostre puissance quant tu entras en ce pays? Ly Francoys respondy : « Sire, dict-il, il peust bien estre que il me dirent; mais je ne entendy point leur parole. » Et par ainsi fu l'empereur apaissé. Tartre doubtent moult le frais et le chault, Et espécialment en Turquie et en Gasaire; là, il fait moult grant froit, et quant ilz ont froit, il se plaignent et murmurent contre lez gens du pais crestiens ou Sarrasins et dient que cil ont fait le froit venir au paiz. Et lors s'encourrent par la cité, et quant il treuvent ung homme bien fourré et armé contre le froit, il le abatent et despouillent et il luy prendent quanquez il a vestu, et il luy dient : tu es cil qui as le froit fait venir en ce paiz, quant tu l'as ainsi trahi par tes plices ettes draps oultrageux. En manière de vivre‘et de créance diffèrent il de toutes aultres nacions du monde, car il ne se vantent point de avoir loy baillié de Dieu, comme pluseurs aultres nacions metent; maiz ilz croient ung Dieu, maiz c'est bien tenuement et bien simplement par ne scay quel mouvement de nature que nature leur monstre; que sur toutez chosez du monde, est une chose souveraine qui est Dieu. Et vivent pour la plus grant partie comme bestez, sans loy de nature ne de voulonté. De aucunes chosez reputent ilz péchié et de aucunes aultres ne font compte, yvroignes par oultrage de boire et de mangier tiennent il à grant honneur, et dient que tout est de la grace de leur empereur, le grant Kaan. De haine et de rapine, dient 1lz que c’est une bonne soubtuleté, il haient mensonges et

aiment vérité, il veulent que l'en leur face toute l’onneur

du monde; maiz il ne font honneur à nulluy fors à leurs seigneurs, maiz à leurs seigneurs font ilz si grans honneurs que merveillez quant il escripsent à aucuns de leurs seigneurz. [1 lui portent si grant honneur et rèvérence, que il ne escripsent point le nom de leur seigneur en l’ordre des autres mots de la lettre. encore se 1l chet à point en la narracion ; mais il laissent là une place vuide et escripsent le nom du seigneur au dehors, en la marge de la lettre et, : quant. leur seigneur chevauche et pour quelconquez cas du monde, il descent de son cheval, tuit li Tartre qui sont avec lui descendent incontinent en quelconquez lieu que ce soit, bien fust en bataille qne leur seigneur fust de son cheval abatus, tantost descendroient après sans délay A leur seigneur ont il si grant révérance que à son commant obéissant jusquez à mourir, si que quant il avient que aucuns est condempnez à mort, li sires dist : cupés celui et le faittes dormir. Car il dient que mourir n'est que dormir. Dont viennent les maistrez et dient : le seigneur mande que nous te couppons et faissons dormir. Tantost cil condempné respont humblement et sans contredit : puys que le seigneur le commande, liez moy et puis me tranchez et endormés.

. Tartre ne font compte de batre aultruy, ne d’estre batu, puys que il n’y a sanc espandy, si que quant aucuns Tartrez bat aucun, il li cuide faire assés satisfacion, se il lui donne à boire. Et quant aucuns Taïtres est bien batuz et souffisamment, on Jui donne du vin à boire et est incontinent apaisé. Et tiennent à grief meffait de tuer ung homme et

moult se gardent quant i1z tranchent homme espécialemen]

sans très grant cause, et oultrecuidance. Tartre comme dit est sont moult désirant honneur, dont il avient souvent que uns sires met grant peine à destruire l'autre pour entrer mesmes en la seigneurie, mais quant aucun veult meurdrir le grant Kaan moult soigneusement se garde qu'il ne espande son sanc, car ils dient que par nulle voye ne doit estre le sanc du grant Kaan respandu à terre : si que par quelconques voies il le peut estrangler ou estaindre il ie fait; et donc ce Kaan mort, ung aultre entre en son lieu et prent toutes les femmes qui furent devanchez Kaan et deviennent ses femmes espousées, et n'est mie tenu pour Kaan, se il ne prent toutes les femmes qui furent son devanchez. Les dames establissent et conferment le grant Kaan, et sont les dames des Tartars moult honourées entre eulx, et portent les dames des Tartars sur leurs chiefz couronnes plus belles et plus haultez que nullez autres dames du monde. Et c'est en mémoire de une grant victoire que les dames de Tartarie firent jadis ès parties d'Orient à un grant fleuve.

Tartres furent de une part du fleuve et les ennemy de l'autre part liquel furent assez plus fort; si que Tartres ne osèrent point passer vers leurs ennemis. Lors usèrent de celle cautelle et de cette soubtiveté. IL laissièrent leurs dames toutez emmy le champ et les hommes s’en alèrent coyement de nuit le plus loings que ils porent ; si que leurs ennemys n'en sceurent néant : ains cuidoient que tout li Tartre feussent encore au siége; là il n'avoit que lez dames, dont firent ces hommez qui s'en estoient alés en

sus courre lez nouvellez entre leurs ennemis que ce es-

toit nouvelle ost qui venoit à secours aux Tartars. Quant vint au matin, lez dames furent bien armées comme chevaliers et bien noblement ordonnées : si cuidièrent leurs ennemis que ce fussent les gens d'armes de toute l’ost première. Il virent d’aultre part lez hommes susdis qui retournoient tous prestz et apparailliez. Si cuidièrent que ce fust host nouvelle venist aux Tartars à secours, si s'en fouirent sans plus riens faire. Quant les dames des Tartars virent que leurs ennemis se tournoient à fuite, tantost passèrent le fleuve et s’y envairent lez fuians, si en orent plaine victoire. Quant leur mari furent venus au fleuve il trouvèrent que leurs dames estoient ja d’aultre part et avoient fait victoire de leurs ennemis. Si que en ramembrance de ceste victoire tartre ottrièrent à leurs dames que elles porteroient dès lors en avant ces couronnes, si les portent grandes et haultes à longueur d’une couldée. Mais affin que les dames ne s’en orgueillisent voulrent li Tartre que ceste couronne eust au dessus une fourme d’un pié, si que lez dames portent ces haultez couronnes qui ont au dessus ung pié. Ainsique entemoingnaige queellez n'avoient mie faite la victoire par elles, mais aussi par lez hommes qui leur venoient à secours dont li ennemy pristrent la peur et s’enfuirent. Ainsi que se cilx piés disist : « Sachiez que vous estez dessoubz le commant et en subjeccion de vos maris, et ainsi sembla il par ne scay quel mouvement de nature qu’ilz saichent ce que Dicu dist à Eve la mère de nous touz : Sub viri poetestate eris. Ce sone en nostre françoys : « Tu seras dessoubz la puissance de ton mary. » Quant Tartre se marient, ilz achètent leurs femmez aux

L'EXTRÊME ORIENT AU MOYEXN-AGF, 283

pèrez et aux mères des femmes, et lez acheptent comme esclavez et meschinez. Et quant ce vient aux nosces faire, li parent etly amy du mary prendent la dame des nosces et la mainent à cornemuses et à tabours et à grant fesie ; maiz au contraire, lez amis de la dame les sièvent à si grant deuil, comme se elle feust morte. Et se il avient que li maris muert devant la femme, la vève ne s'en peut point retourner à la maison son père, mais li amy du mari mort la marient ainsi comme il veullent, ou elle demeure en la mayson de son mari comme une esclave et meschine. Et comment que Tartres prendent bien plusieurs femmez toutes ensemble, non pourquant la première est tenue pour la plus grande et pour la droite espouse : et si enfant sont réputé de moullier, et les aultrez femmes sont comme concubines. Tartrez honneurent moult lez dames du monde, et espécialment les leurs. Et ellez gouvernent tout l'ostel et la terre de leurs maris et achètent et vendent comme il leur plaist, et sont toutez fortez femmes cruellez ct batailleresses et chevauchent aussi bien que leurs maris. Je lez ay vuez chevauchier à tous leurs ars et sajettes et armées comme Jeurs maris, et si sont chastez et loyalez à leurs maris, pour riens ne se mefferoient.

Quant l'ost Abaga Kaan fut desconfit des Sarrazins en Surie, 1l fut apperceu qu'ungs grans baron avoit par sa trayson procuré la desconfiture d’une dame.Le Kaan le fist prendre, et quant on le devoit mettre à mort, les damez de Tartarie prièrent que on leur donnast le Tartre, si leur fut ottroiez ; ellez le mirent cuire tout vif. Et quant il fu bien cuys, ellez Je partirent par petitez pièces et le envoyëèrent

et firent menger par toute lost, en exemple des aultres, afin que chascun se gardast.

De l'erreur des Tartars.

Tartres croient et attendent une résurrection sote en ceste mortel vie, et pour ce ont 1l ceste guise que quant aucuns Tartrez muert, il le pourvoient chascun selonc son estat et selon son avoir. Petite gent cuisent moult de char et envelopent bien leur mort en ces chars cuites, et ainsi le ensevelissent et lui donnent une paire des draps avec ceulx qu'il a vestus, et de la monnoie une quantité, et ainsi le ensevelissent.

Ceulx qui sont plus richez avec ces chars mettent double paire de draps et bien précieulx vestement envelopent et lui mettent dessoubz le chief. Et ainsi l’ensevelissent et lui dient : « Se aucuns vient quite veuille oster la robe que tu « as vestue ne le seuffre point : maiz donne lui celle que « tu as dessoubz ton chief. Et se aucuns te demande au- « cune chose de Dieu et te face question, garde bien que tu ne respondes riens, maiz dy seulement : Je dis que

« Dieux est dieux. » Et ainsi le ensevelissent Ji grant. Baron et li prince, avec toutez cez chosez mettent ung cheval en celle manière : quant 1lz s'appareillent pour leur mort enterrer, ilz prendent ung bon cheval et font sus monter l'escuier du mort; et cilz escuiers fait le cheval sourre et recourre tant que il le recrandist, et quant li chevaulx est bien lassé et retréanst, il lavent au cheval la teste de bon fort vin pur, et tantost le cheval chet. Lors euvrent

L'EXTRÈME ORIENT AU MUYEN-AGE. 295 Ice cheval et lui ostent toutez lez entraillez du ventre et le remplissent de herbe verte, puis prendent ung post ou une estache et le boutent ens par le derrière : et le font issir par la bouche, et prendent le cheval ainsi especé et puis cuevrent le mort de la terre en dient au cheval que il soit appareillez à toutez heures que ses maistrez vouldra resusciter, et puis s’en vont.

Quant le grant Kaan meurt pardessus toutes ces choses, ajouste on grant quantité de pierrez précieuses et grant trésor et souloient jadis avec le grant Kaan mort ensevelir XX sers touz vifs afin que il feussent près avec leur seigneur quant il voudroit resusciter. Maiz puis qu'il commencièrent à hanter les crestiens les ont repris et blasmés de ce que il ensevelissoient avec les crestiens les vifs avec les mors, en disant que ce estoit grant erreur. Li Tartre murmurent moult contre les crestiens et dient que crestiens sont crueles gent et sanz pitié et avers pource que il ne pourvoient point à leurs mors de leurs dépens en mengier et en vestir, car ainsi que dit est, Tartre atendent une sote resurreccion à ceste mortel vie. Et quant li Tartre pevent finer de enterrer leurs mors en esglises ou chimi. tière des crestiens, 1l en donnent grant avoir et grant argem aux évesques.

L'erreur des Tartres en l'article de la résurreccion est moult semblable et prouchaine à l'erreur des Sarrazins et des Juifs. Et comment :ilz errent dirons plus plainement cy après, là où nous parlerons de la loy des Sarrazins.

Des Balciteis.

Li Tartre honneurent une manière de gent de Surie touz les estrangés du monde et se sont li Balcide gent paiëne, sacerdos qui sacrefient aux ydolez. Et sont cil Balcide yndois, moult sage gent et à leur esglise moult religieulx, de bel port et de simple et pesant manière, et honnestez meurs tant que à la veue de dehors, ils scevent tout communaulment l'art d'ingremance, et sont touz leurs ars faiz par art de diable. Et par cel mauvais art font moult de merveillez et prophétisent plusieurs chosez à venir. |

Ung en yavoit le plus grant maistre d’eulx toulx et que il disoient que il vouloit, et à la vérité dire il fu trouvé qu'il ne voloit point, maiïz aloit en l’er assés près de terre et ne touchait point à la terre. Et quant il se asseoït on ne veoit nulle chose qui le soustenist. [l sont de diverses crreurs.

Li aucun dient que il sont III. C. Lxv dieux. Aucun aultre dient que 1l y a cent tumans de dieulx, dont ung tumant vault dix mille, mes tout ce accordent que uns principaulx dieux. [1z se dient frères aux crestiens, et dient que il sont de la loy et de la secte des crestiens, et si ne scevent riens de Jesu Crist. Il dient aussi que Île général duluge qui fu du temps Noé ne fut point en leur pays, et dient que le monde a jà duré plus de trente mille ans. Et dient que à chacun mille ans, il font en une pierre ung nouvel ydole, lequel après dix mille devient aussi noir comme se il fust brulés. Et par ces ydoles dient il que il

scevent combien dans le monde a duré. Leur pays et Ieur région est très orde et laide. Li Tartre aussi dient que il sont le peuble de Dieu, et à ce prouver amainnent il plusieurs miracles qui avinrent quant Tartre commencérent à régner, maiz pour ce ne sont mie peuble de Dieu comme il dient. Ainsi que Alixandres et son host ne fu mie li csleuz puples de Dieu, pource il clost par miracles lez mons de Caspis comme dist Historia scolastica. Et aussi Nabigodonosor ne fut mie droiz esleuz servans de Dieu pour ce que li prophète le nomment servans de Dieu, maiz il le nomment ainsi pour le service que il fist à Dieu humiliant et puissant le orgucilleux peuble de Judée, comment il mesmes Nabugedenosor feust mauvaiz et par grant orgueil le feist, toutevoics fu il flaelde Dieu. Ainsi peut-on croire ct penser que dieux ait appellé ceste bestiale gent sans cognoissance de Dicu, et le ait fait venir hors du pais pour le mauvais peuble d'Orient pugnir qui avoient la foy de Dieu laissié, et issirent de leur pais à la destruccion des gens et du pais d'Orient et firent si très grant destruccion de pais qu'il n’est home vivans qui l'ost croire se il ne l'eust veu. Et pour ce que nous ne trouvons point en sainte escripture ne ës anciennez histoires riens qui face ap parente mencion de cest peuple de Tartarie qui est si grans en nombre et en multitude que sans fin, me semble assez convenable de racompter et mettre comment cilz peubles a esté si longuement occultes et fourcheléz que on ne treuve nulle escripture qui en face apperte mencion fors puis deux cens ans ou environ, que il commencièrent le päis destruire. La oppinion de plusieurs est que ce soient

280 L'EXTRÈME ORIENT AU MOYLN-AaûE.

les dix lignées de Israël, iezquellez furent des roys de Asserie, de Persie et de Médie, mené prison hors de leur pais et envoiés oultre le mons de Médie. Lesquelx mons aucuns cuident estre lez mons de Caspis. Ces dis lignies demourèrent emprisonné oultre ces montaignez tant longuement que dura la généracion des roys de Caldée, de Persie et de Médie. Et quant Alixandre lez avoit conquis et soubmis, il enclost s' ces. X. lignies entre ces montaignes par miracles si que il ne porrent issir comme dit Scolastica historia.

Or, dient Josephus et Methodius, que ces dix lignées vers la fin du monde ystront de là en très grant destruccion de gens et de pays. Et pour ce cuident plusieurs que ces diz lignées soient ces Tartres qui issirent soubdainement des montaignes nagueres et commencièrent ès parties d'Orient à destruire le monde; et à ce prouver monstrent cil de celle oppinion deux argumens et proverbes.

La première pour ce que Tartre haient très souverainement et dessus touz ceulx du monde, le roy Alixandre qui ces dis lignées enclost comme dit est, et si n’en veullent oir parler.

L'aultre, pour ce que leurs lettres sont assez semblables aux lettres caldiëles, dont premiers issirent les Juifz, et aussi le langage caldien : et les lettres sont assez semblables aux Juifs. Aucun maintiennent le contraire, et dient que li Tartre ne sont mie de ces dis lignies de Israël. Et à ce mettent celle raison et celle preuve. Car Tartre ne scevent riens du monde de la loy Moyse, ne de la captivité des filz Israël en Egypte ne des grans miracles, par lesquellez

Dicu les délivra des mains Pharaon. Du prestraige né du sacrefices des Juifz ne ont nulle congnoissance, et d’aultre part Icur fourme de visage, leurs meurs etleurscontenances si sont trop malement diverses des Juyfs, et aussi de toutez aultrez nacions du monde, si que il dient que il ne son mic des enfens d’Isracl, maiz de ces nacions gog et magog. Et ly Tartre meismes dient que il sont descendus de Gog et Magog et ce semble assez par leurs noms. Car Tartre issirent de la terre de Mongal, dont Tartre furent jadis en leur pays appellez Mongles pour Maglogles de leur anchissseur Magog. Aussi, dit Methodius, que Alixandre enclost avec les dis lignics de Israël les gens de Gog et Magog reputé mauvaise, et orde gent. Et ainssi aucuns autres. Et dist Methedoius que cil vsteront en la fin du monde cet feront trop malement grant occision de gent et destruccionde puis, et par aventure sontce chichy. Aucuns en croiche ce que

il luy plaist. Je laisse la sallucion aux aultres.

De la yssue des Tartres.

Tartre habitoicntoultre cellez montaignes desquellez dit Boëces, que à ces gens de oultre ces montaignes, ne soit mic encore venuc la renommée ne Ja nouvelle des Rommains. Et de oultre ces montaignez issirent li Taïtre qui avoient pour la plus grant partie esté pasteurz et veneurz. Ces montaignez dont il estoicnt enclos devisoient ct déipartoicnt le désert et de la terrehabitable, et estoient si haul-

tez ct si richez que on n'y povoit passer fors en ung licu.

Et en ce licu cestoit un grant chastel et une grande fortcresse. Là nulz ne habitoit. Et cstoit tellement fait par art ct par engin que quant ennemis y aprouchoit on y oit très grant noise, comme de chevaulx et de gens d'armes ct cspécialement de trompes et de buisines, si grant bruit que tout cil qui l’oient en estoient touz moult esbahis, si que nulx n'y osoit approucher, et estoit celle noise faite par art ct par artifice de vent.

Une foiz avint queung de ces Tartres qui entendoit à chassier sievoit ung lièvre; et ainssi que ces livresfuyoit devant lezchiens droitte voye ers celle fortercesce, ilentraens. Li Tartres venoit, sievant le lièvre de si grant voulenté que il ne se donna garde de celle noise jusquez à tant queil vint Joingnant. Lors s'en apperceust et scesbahy si que il n’y osa centrer. Entre deux qu’il s'estoit ainsi arrestez tout esbahis vint une hulottc et se assist sur la porte et commence à chanter, li Tartrez le vit le huelot sur la porte,si se avisa et dist à soy meismez : Cy n'a point habitacion de gent où ce Liévres s'est mis à garant, ct la hulote y chante, dont se cnhardy et ÿ entra finablement. Et quant il ot bien tout cherquié, 1l ne trouva nully fors les engiens par lesquelz celle noise se faisoit, dont s'en retourna à sa gent ct leur dit que se il le vouloient cstablir leur princeet leur seigneur, 1l Iez menroit bien et seurement oultre la montaigne sans mal et sans grevance. Tous si accordèrent et ainsi passèrent la montaigne, dont leur racompta son aventure, comment il estoit entrez en la forteresse sievant ung lièvre, ct aussi par l'enseigne de une hulotte. Dont ordrentrent li

Tartre que li lièvres seroit à touzjours maiz honnorés en-

tre les Tartars pour la cause de ce que il avoit monstré la voye de yssir comment qu'il le feist par nécessité fuiant lez chiens et pour ce font-il grant honneur au lièvre, et le mettent en Îcurs armes et en leurs tentes. Le huet pour ce que sans nécessité ct sans contraire se estoit apparus séant et chantant sur la porte, font il moult très grant révérence et honneur et dient que ce fu li ange de Dieu, et que Dieu par son ange le huat lez appelloit et envoit querre afin que 1x ississent de leur pays. Et pour ce dient que le huat ne est mie mouvement à honneur comme le lièvre, dont ordenèrent il que les plus grans et les plus nobles des Tartars portèrent sur le chief la plume de huat et feroient sur lc chicfs aussi que couronez de la pel de la hulotte. Chascun se tenoit à bien cureulx qui povoit avoir une plume de huat. Si que 11x pristrent et tuèrent toutez les hulotes tellement queon ne pot nulles trouver en tout Orient. Et ly marchant de Occident quant il oirent ce tuèrent les huats que ilx porrent trouver et lez portérent aux Tartrez à vendre, et vendirent une pel de huat bien vingt livres. Et ainsi rendirent Tartre à leur bon amy le huat mal pour bien, car il lui dient que il lui font honneur si le tuent il et cscorchent et le couronnent de la pel de leur amy. Et ce ressemble aux deablez d'enfer qui a leurs amis et qui bien foni leurs grés, apparcillent la mort perpétuelle la peine d'enfer qui pour vray est en latin nommé « Tartarus. »

Comment Tartre procédèrent et de leur conqueste.

Quant Tartre furentpassez la montaigne 1l se assemblèren pour conseillier comment il pourroient conquerre tout le monde, si parla premiers le grant Kaanqui ot nom Cangis Kaan, cilx qui les avoit fait passer le mont et dist : Se tout le monde voulés conquerre comme vous dittes, deux choses vous ont mestier ; tout premiers, c’est obéissance aux princes ct concorde et paiz entre vous ensemble, dont fist apporter devant lui cent sajettes, bien et fort liés ensemble et les fist baillier à ung fort homme et lui commanda que il lez brisast toutez ensemble comme ellez estoient liées, et il ne le pot faire, dont lez fist baillier à un autre, et puys au ticrs. et puys au quart. Et nulx ne le pot brisier de cent hommes à qui ellez furent bailliez pour dépécier, dont fist Cangis Kaan deslier le fardel et la bote des sajettes, et baiïllier à chascun une pour brisier, et tantost chascun brisa la sienne, dont dit à ses gens : « Vous avez veu comment nulz ne pot brisier ces sajettes tant comme ellez furent ensemble et que cent hommes ne lez porrent brisier, maiz tantost que chascune fu seule, il n’en demoura mie une seule qui toute ne feust dépécié. Ainsi sera de vous tant comme vous serés ensemble d'accord, nulx ne vous pourra maistrier, mais quelconque heure que vous serés devisés, vostre puissance sera legiëére à destruire. » Dont se ordenèrent Tartre en troiz bataillez, li une ala avec Ice grant Kaan et occupèrent le très grant royaume de Cath2y, jJusquez à la fin de

Nubie et tuérent le prestre Jehan ct occupèrent son royaume

L'EXTRÊÈME ORJENT AU MOYEN-AGE, 203

et le fil au grant Kaan prist à femme la fille du prestre Jehan, et procéda ceste bataille jusques à ung pays qui a nom Chasthustatum et destruirent en ces partieslà environ douze grans royaumes ; la seconde bataille passa le fleuve de Phison, ung des quatre fleuves de paradis terrestre et destruirent les royaumez du roy de Corasme, de Turquesten, de Persie et de Médie, de Caldée qui avoient esté lez plus fors et lez plus redoubtés de touz lez royaumes de Orient. Ilz pristrent la noble cité de Baldach qui fut la souverayne et le siège et le maistre cité de touz lez sarrasins du monde, si tuërent le calif et puis occupèrent toute la Turquie à la cité de Gasain, et pristrent Jhérusalem etla rendirent aux crestiens qui aux Tartars s'estoient aliez par la procuracion du roy d'Armenie. Maiz en Egypte n’alèrent il poin pour le grant desert sablonneulx 1à où leur ost ne se eust peu soustenir pars deffaulte de vivres, et pour le très grant chault.

La tierce bataille s'en ala vers septentrion ct occupèrent et destruirent le grantroyaume de Comanie, le royaume de Russie, de Gazarie, Bulgerie, 'usquez en Honguerie. Quant vers Honguerie ne pourrent passer le fleuve, 1l s'en retour nérent vers Almaigne et destruirent Jusquez au fleuve de la Dunoe, qui est le commancement de Almaigne. Si ne peurrent passer, car li dus de Ostriche avec ses autres voisins leur dénéa le pas, si que Îÿ chevetaynes de celle ba taille des Tartars y fut noiés avec très grant cantité de sa gent. Et oncquez puys Tartre ne se enhardirent de venir vers Alemaigne.Ainsi conquirent Tartre, destruirentet tuè. rent tout le pays de Orient de la mer d'Inde, versOrient, jus-

ques à la mer de Judée qui est la mer deemmyterre Jusques au brasde Saint-George, etjusques en Grèce, jusquesà Myssie et à la Honguerie, et jusques à la Dunoe, tout en lonc vers occident Jusques a la fin du monde vers nort, c'est vers septentrion, ct Jusquez en Egypte vers mydi, trestouz ce pays destruirent et essillièrent ces Tartres qui de leur pays issirent à tout leurs bastons et en leur pellices povres gens et désarmés, fors que li aucuns d’eulz avoientars et sajettes, et liaucun chevauchoient chevaulx petiz comme chièvres. Ces meschéans gens issirent soubdainement et soupprirent si Les pays d'entour eulx que 1l lez prirent despourveulx, si les destruirent ei firent soubdainement si grant essil, que tout le pays et toutez les gens de Orient en eurent si grant paour et si grant hide que le seul nom des Tartrez et Ichydeur de les oyr nommer par les villez et par . les chasteaulx faisoit Ies dames enchaintes abortir de peur et de hide, si firent Tartres ès parties de Orient si très grant destruccion et si très grant occision que il ne espargnoient nullui, ne homme, ne femme, ne enfans, vieulx ne jeunes que tout ne meissent à l’espée, fors seulement lez crestiens

qui avec eulx s’estoient aliés, comme dessus est dit.

De la cité de Baldach.

Quant Tartre aussi s’en alèrent tout le pays essillant, il vindrent à une cité assez près de Baldach en laquelle moult avoit de crestiens et aussi de sarrasins, si fist le Kaan commandement que nulx Tartrez n'entrast en maison de cres-

tiens pour mal faire, maiz que il meissent à mort sans plus

Jes Sarrasins. Ly crestien meu en pitié recheurent en leurs maisons plusieurs sarrasins pour lez sauver qui avoient esté leur voisin@Quant ce scut le Kaan, il commanda que sanz différence touz feussent mis à mort, crestiens et sarrasins, et ainsi fu fait. Celle cité destruite, vindrent à Baldach la noble cité, et lapristrent par force. Le calif, qui estoit chief des sarrasins comme li papes estdes crestiens, séoit en son noble palays ouquel ilavoitassemblé trésor sans fin etsans nombre, si fu si aveuglés de son orgueil et de oultrecuidance que il ne voult croire que Tartre feussent en la cité entré, maiz demoura en son palays, si ne s'en daigna aler. Tartres Île pristrent et firent très cruel et juste jugement. Sy le enclorent en une forte chambre, si he luy donnèrent que mengicr. Et quant il yotesté. 111. jours sans boire et sans mengier, 1] pria que on lui donnast à mengier, Tartre pristrent de l'or et de l'argent en grant quantité et lui dirent que il mengast assés. Et quant le calif dist qu’il n’en pourroit telle chose mengier, mais du pain et autre viande, Tartre lui respondirent : puis que tu ne mengues or, ne argent, ne pierres précieuses, ains mengues celle viande comme autrez gens, pourquoy doncques as-tu assemblez et amassé si grant trésor que 1l deust à tout le monde souffire, il respondy: Je ne l’ai mie assemblé ne amassé ; maiz telle comme je le trouvay, l’ay-je gardé, car je le trouvai tout ensemble de mes anchisseurs. Dont distrent Tartre: Pourquoy ne astu ouvert picsça ton trésor, ct’ departy pour toy et ta gent sauver, Car pour la quarte part, nous peusses-tu avoir apaisiez. À ce ne respondy point le calife. Dont furent lez Tar-

trez fondre de l'or et tout bouillant lui firent couler à la

gorge, en disant : oncques ton cuer ne fu d'or rasasicz, Or, en auras-tu toutson sol, et ainsi tuèrent le calif, et puis s’en retournèrent par la cité et ne cessèrent. XL. joges continuer de occire et tuer le peuble de la cité de Baldac. Après s’en vindrent à une cité que l’en nomme Merdigny. Celle cité estoit si forte ct si bien garnie que par nulle voye Tartre ne la pourrent conquerre et cil de la cité ne se ‘daingnièrent rendre. Ce siège durant, avint une si grant plage en cellé cité que lez gens y mouroient soubdaynement. Il enfloient et puys mouroient, et convint que li roys veist tous les jours sa gent mourir, tant par la plage comme par les ennemis, et son povoir amenuysier et aler à nient, si ne se voult il oncquez flequir. Ly filz au roy en ot grantdespit, si prinst son père et lui coppa la teste et lez mains, et le mist entre 11 beaulx plas, etle porta aux Tartres.Tartre, les trèz cruele gent rechurent ce présent et leurfu moultaggréable, il s’en partirent du siège et confermèrent ce murdrier à roy qui son père avoit tué, et lui rendirent sa cité ettoute sa tenance. Et avec tout ce lui donnèrent et à sa gent grans prévilèges, et de celle heure en avant ne fu ville, chasteau, ne forteresce qui nese rendist tantost, etse méist enla subjeccion des Tartars. En ceste conqueste Tartre menèrent à fin si très grant multitude de Sarrasins que sanz nombre, et espécialment gens d’armes, gens de guerre. Lez femmes et les enfens mistrent en servitude et les tindrent esclaves, ainsi que Tartres avoient plusieurs prisonniers et sers serrazins. Il les oyrent parler de leur Ioy Mahommet, comment il se disoient peuble de Dieu, et que par leur loy de l’alchoran, qui est le li-

vre de leur loy, et par 127 prierres de Mahommet il seul

scroient sauvé et nulle aultre gent, maiz que de la loy Mahommet. Et quant ilz trouvèrent que celle loy estoit moult large et sanz difficulté n'en faire, ne en croire, il si commencièrent à herdre et recevoir la 1loy Mahommet, et devinrent Sarrasins li plus de Tartars. Quant li Sarrasins virent que Tartres se commancièrent à devenir Sarrasin, et virent que il estoient convoiteuse gent, 1l les commencièrent à appeller en leur loy par grans dons, car il leur donnoient grans deniers, afin que il lez devenissent Sarrasins, etsont li Tartre moult multipliés à la loy Mahommet, par ceste voye, et cil qui ainsi sont Sarrasins devenus deffendrent et aident lez Sarrasins contre lez Crestiens.

Il y a aussi grant planté de Tartres qui aiment lez cres= tiens et devenroient crestiens se ne feust pour ce que crestien ne leur veulent point donner grans dons, ainsi que font Sarrasin. Et aussi leur semble la loy des crestiens moult forte à tenir. Le premier Caan et empereur de Tartars en Persie et en Baldach ot non Halaon, et fu moult amis'aux crestiens et moult justes homs, sans loy et sans foy. Après lui, régna ses filz qui ot nom Abbaga Kaan, moins Justes que son père. Après Abbaga, régna ses filz Argon très mauvais homs et plains de toutez mauvestiez, maiz moult estoit amis aux crestiens. Cilx Argons fu moult cruelx homs et avoit en son temps moultsanc espandu, et mainte femme et maint innocent mis à mort. Sy cheit une foiz en une grief maladie, sy lui apparut en son songe une très révéreuse ct hounorable dame etmoultcruelmentet yreusement le regarda, et le prist par la poitrine,

et lui dist en le menassent: passe ça et vieng respondre et

raison rendre de la grant quantité de sanc innocent que tu as espandu. Argon respondy: Et qui est sires autres que moy en tout le monde? car ainsi le nommoïient très tout crestiens et paiens. Tuit le nommoientsecigneur du monde. Dont respondy la dame : « Tu n'es pas sires-du monde, il y a aultre seigneur que toy. »

A ce mot, fu Argon moult espoventés et se esveilla de grand paour. Et tantost fist appeler les Baxites, les évesques sarrasins, yndois, dessus nommez. Et leur demandaque cilx sires estoit qui a si grant puissance et a si haultain commandement l’avoit appellé à respondre de ses males fasçons. Les Baxites respondirent que ce estoit ungs dieux qui a nom espéciale vengence de sanc, et qu’il voulait sur Argon enquerre de tant de sanc innocent que il avoit espandu: et que il ne pouvoit eschapper la vengance, se ne feust par plante et grandes aumosnez. Lors escript Argon à toutez lez cités de Orient que il délivrassent touz leurs prisonniers frans et quittez. Et il envoya grant trésor par son royaume, et fist faire grandes aumosnes, et tantost après 1] morut. Et ce souffise des affaires des Tartars, hore

rétourneront à nostre propos de nostre pérégrination.

Et fine des Tartres. :

Ainsi que nous cheminasmez pour nostre voiage faire que nous avions cmprins comme dessus est dit, nous venismes en ung pays très fort. Sy trouvasmez une moult belle cité qui cestoit assise en très hault lieu, et avoit nom Ater-

rom. En celle cité fait si trèz grant froit que nous y veismes

grans plantéz de gens recouppés, dont à l'un estoit cheu le nés, à l’autre Ja main, et à l’autre le pic. Et pour le très grant froit estoit à plnsieurs li membres amortis. De celle cité nous alasmes vers la fin de Turquie, et trouvasmes la trés haulte montaigne de Ararach sur laquelle se arresta Parché Noé. Toute celle province avec une partie d’[nde est appelèe Armenie la Maiour. Celle montaigne veismez nous de loings, et est très haulte. De celle montaigne descendent plusieurs rivières qui droite voie cueurent vers Orient, et fiérent en la mer d'Inde. Et pour ce appert clèrement que l’oppinion des Yndoys et des Baxites susdits est fausse quant il dient que le déluge ne fu point en leur pays. Comment fu doncques Inde sans déluge? Quant le déluge avoit couvert les mons dont lez eaues leur viennent. De ce lieu nous en alasmez vers nort, et entrasmes en Persie et là trouvasméz montaignes de sel, et ce est sel de terre, non pas d’eaue, si ne font pas legièrement comme sel de eaue, ct si ne le brise on point légièrement. Il taillent le sel de la roche au chisel, ainsi que nous prendons en nostre pays lez pierres hors des quarrieres, et puis le brisent par

leurs instrumens de fer que il ont. En celle meisme province sont fontainez de oyle et qui rendent oyle. De fon-

taincs est gouvernéstoutlipays d'environ, jusquez en Yndic. Car en tous ces paiz ne treuve en point de olivez, car li pays est froiz et loings de mer, et je croy que pour ce Dicux Jeur a pourvue de tel bénéfice de sel de terre, et de oyle de fontaine. Et comment que lez gens du pays soient Sarra-

sins et mauvaisez gens, si ne leur oste mie Dieu ses béné-

fices que son soleil fait luire sur les mauvais aussi bien

que surlez bons, et justes. De là, nous en alasmes nous jusquez à la très belle et plaissant pleine que on appelle la plaine de la Tacta. Là treuve l'en les pierres qui ont sitres grant vertu de sauver et de resauder toutes coppures que les gens du pays ne ont mestier de autre médicine. De là venismes en Thoris la maîtresse cité de Persie, et en celle cité veismes nous plusieurs merveillez entre lesquelles nous veismes un anne sauvaige de Yndie qui fu par diverses manières de couleurs et si bel d’estintes et tachetés que il seurmontoit toutez les bestes du monde en beaulte. En ceste cite demourasmes nous ung demy an, et preschasmes par interpreteur turquiman en langaige arabic.

Des Curtres.

De Toris nous en alasmes vers mydi et venismes en ung pays ouquel nous trouvasmez très mauvaise gent, lesquelx senommoientCurtes quisurmontent, en cruaultéceten mauvestié, toutez les barhares et desguisées nacions que nous trouvasmes en tout nostre voyage ; i1Z habitent en montaignes et ont très haultes roches comme chièvres sauvaigez. I1 sont si fort que quant lez Tartres sousmirent toutes les aultres nacions de Orient, sy ne pourrent ilx oncques ces Curtres soubmettre. Ces gens sont appellés Curtres non pas pour chose que 1lz soient court, ne de petite estature, maiz 11Z sont ainsi nommés pour leur très grant mauvestié et crualté, car en la langue de Persie, Ià où 11z habitent, curtres sonne autant comme loups en françoys. Sy lez nom

ment loups pour la mauvestié d'eulx; il vont presque touz

nulx, et cschavellez à longs cheveuls et à longue barbe, et sur le chicf portent 11z rouges crestes comme coc, comme signe de orgueil et de signeurie. Ces Curtes sont de si put afaire que jamaiz nulx de leurs Curtes ne seroient honnourés entre eulx, ne oserait porter la creste sur chicf,nenc trouvroit femme qui le daignast prendre à mari, se il ne avoit fait aucune male fasçon d'aucune grande roberie, de grant occision, ou de grant trayson. Maiz tantost que ungs Curtes a fait aucun grant meffait nottable, tantost en lui donne femme noble et riche, selonc le meffait que il a fait plus grant, 1l lui donnent et plus noble et plus riche.

Les Curtes recoivent la loy des Sarrasins et rechoivent le Alchoram qui est li livres de laloy Mahommet, et haient touz lez crestiens. Et entre touz lez crestiens, il haïent plus lez francoys et espécialment lez religieulx, desquelx tuer et murdrir ilz ont moult grant voulenté, et moult grant joye quant ilzZ y pevent avenir. La grant rage et cruaulté de ceste gent nous converty Dieulx en doulceur. IIx alèrent querre noz compaignons qui cstoient par le désert et les adrécèrent et sachérent hors de neges et nous menëèrent àleurs osteulx, et nous firent beaulx feulx pour nous chauffer et nous aministrérent à menger miel silvestre et manne du ciel, laquelle descent habondamment en leurs disers. Ces Curtres furent premiers Caldiens, secondement il furent crestiens et tiercement 1! sont devenus Sarrasins, pource que la loy de Mehommet est large et légière à garder. En ces Curtes regnent IT vices principalment. Ce sont homicides, larrecins et trayson, ct par nulle voye nulx homs ne se doit fier en

Icurs promesses, ne en leurs sermens. Encore ont ces Cure

tes pluscurs autres bestialités et mains afaires qui trop seroient longs à compter et à cscripre. Quant aucuns d'eulx cst noiés en un fleuve, ilx ont acoustume en faire correccion sur le fleuve, et c'est par telle manière ilx prendrent l'eauc du fleuve et puys le mettent en vaisseaulx et batent bien fort ces vaisseaux pour tourmenter celle yaue et puis s'en vont à la rivière fuir et devisent le cours de l’eaue par pluseurs ruisseaux et lez font courre par tours et retours pour lui alongucr sa voye, afin que il la facent plus labou-

rer ctcourre par les estrois ruisscaulx et par plus longue voye.

De la cite de Ninive.

Du paiz des Curtes nous en alasmez très grant chemin ct pasasmez grant plante de payset venismes Jusquez en Ninive la trèz grant cité en laquelle fu envoyés Jonas le prophète prescheur, comme dit la sainte Escripture. Ceste cité est moult grande et longue, maïz elle n'est mic lée. Elle est assise droit au bout sur le fleuve de Tygris qui est un des fleuves de paradis terrestre. Là nous fut monstrè le montsur lequel Jonas manoit et preschoit, et la fontayne dont il vivoit, laquelle fontaine on appelle encore la fontayne Jonas. Ceste cité de Ninive fu destruite du tout en tout, mais encore y appèrent aucuns remarans des murs, celle demeure ainssi gastée ; maïz elle est raédifié de l'autre lez du fleuve, et la nomme on ore Monsal. Ly roys de la cité est crestiens nestorins mescréans, ctil oy moult voulentiers nostre preschement et nostre foy, mais pour nostre preschement, il ne

se voult convertir à nostre foy catholique. Aïns demoura

Le»)

en son crreur comme devant, En cesic cité a moult de Juits et nous disputasmes à eulx publiquement en leur synagoge, ct lez desconfismes et confondismes en publicque disputa-

cion devant Ie peuple qui là fu venus pour nous ouyr.

Des Jacobins.

D'en costé celle cité de Ninive qui ore cst appellée Monsal sur le fleuve de paradis Tigris, est une très noble et très renommée abbaye saint Mahicu l'apostre et est la maistre église cathédrale du siège du patriarche des Jacobins, non pas ces frères prescheurs de l'ordre saint Dominique, lesquelx on nomme communément en France Jacobins, maiz ces jacopins dont je vucil yci parler sont en Orient une manière de crestiens mescréans et si mauvaiz qui errent en pluseurs articles de la foy comme il apparra cy après et ne obeissent point à l’esglise de Romme. En celle abbaye saint Mahieu dessus ditte à troiz cens moisnes comme ilx dient. Et lez trouvasmez gens de très grant habstinence et de grant pevance et de moult longuez oroisons, et tout le office que i1z faisoient en l’esglise qui esttrès lont, 1lx le faisoient tout en estant ne pour riens nulx ne se feust assis, ilz sont hérite et scismas comme dessus est dit, 11x dient que en Cristne avoit ne n'a que une substance, une nature, une oppéracion et une volenté. C'est la substance nature, opéracion et voulenté divine sans plus. Ce est faulx et contre nostre foy cätholique. Car en Jésucrist avec l1 divinitéestoit vrayesubstance, vraye nature, vraic.opéracion et voulenté humaine.

Car nostre foy vraye cest que Jésucrist fu vrays dieulx et

vrays homs. Aussi ces Jacobins errent ens ou saint sacrement de baptesme. Car ilz ne baptisent point en la manière re en la fourme que saint Esglise aordenne, et comme nous monstre la Sainte Evangile, maiz ilz baptisent en leur disant ainsi: Soit baptisez teulx, N, et nomrnent son nom, soit baptisés N ensainttifiement et en salvacion et en cuvresanz deffaulté et en résurreccion benoiste, laquelle est de mort à vie perpétuelle. En nom du père, amen, Et du filx amen. En nom du saint esprit vie de siècle des siècles. Telle n’est pas la fourme que baille sainte Esglise ne l'Evangile. Car lez sains mos sacramentés de baptesme que sainte Eglise et aussi lasainte Evangile sont telx : « N. je te baptize en nom du Père et du Fil et du saint Esprit, » sans plus ; ce sont ces mos qui parfont le saint sacrement de baptesme, car 1lx ne baptissent point en la manière et en la fourme que font les presires de nostre loy. Toutez lez autres chosez que le prestre de nostre foy catholique disent et lisent sur lez enfens baptiser sont oroisons et prières que sainte Eglise a ordonné pour ceulx que on doit baptiser, afin que Dieulx Île veuille confermer en sa sainte foy, et à l'ouneur de Dicu et de la gloricuse court de paradis, au sauvement à cellui qui doit estre baptisés, à l'exauscement de sainte Esglise et de la foy catholique et à la confusion du deable d’enffer. Ces jacobins consacrent et font le saint sacrement de la messe de pain levé lequel il font par telle manière: ilx mélent avecques la farine oyle, sel, yaue, et de tel pain célèbrentilx. Et encore dient ilz qu'il ne pourroient célébrer fors que de pain chault et bien nouvel cuit. Ce est tout mal ct

contre l'affaire de sainte église. Car de pain chault et froit

nouvel ou vieulz cuit peut-on célébrer, maiz il doit estre sanz levain fait sanz plus de fleuret de eaue. Ces Jacobins ere rent aussitrop ou sacrement de la dernière oncion. C'est le sacrement de l'oile. Car il ne oingnent pas la personne jusquez au tant que il est mort, et point ne le en oignent entr'eulx qu'il est malades et vif, ainsi que la sainte escripture le commande, maiz font encore greigneur sotie, car le rr1° Jour après que il ont leur mort enseveli et enterré, il viennent ou lieu où ]y mors gist, et gettent au mort eaue rose et avec sc autre beuvrages, afin que li mors en boive, et que la ame s'en voit en son lieu, sanz espérance de plus retourner à vivre. Car ilz dient que la ame atent et espoire de venir à son corps duquel elle est partie, jusquez à tant que on la esparsse par eauc rose, et par aultrez buvrages comme dessus est dit. Et de celle heure en avant, elle n’a jamais espérance de retourner après. C’est grant sotie de ce penser ne croire, ilzerrent aussi en confession, car contre la foy de sainte Esglise et contre le commandement de monsieur saint Jaque l'apoustre et de la sainte Escripture, ilz ne se confessent a:1x prestres, ne aux autrez, fors que seulement à Dieu. Et c'est sans articuler et espécifier leurs péchés, maiz font une confession générale. Aultres erreurs ont-il que sanz fin ct sanz nombre.

Nous feusmes en leur abbaye et il nous rechurent non pas comme gens, maiz comme angles de Dieu, et nous racomptèrent pluseurs miracles qui estoient avenues en leur abbaye de leurs devanchiers, si comme ilz disoient. Entre les autres, nous en racomptèrent ung et nous en monstrérent

les enseignes. Etavint non pas en couvert, maiz touten ap-

pert. Une foiz que ces Curtes, dont nousavionsfait mencion ou second chappitre devant cestuy cy, avoientassemblé grant host et vinrent assir celle abbaye, et quant ilz virent que il ne le pourroient conquerre, car elle estoit moult forte et bien bataillié, ilz furent moult ayrés et s’en alèrent sur une haulte montaigne en une grande roche, dessoubz laquelle droit au pié estoit assise l’abbaye. Si couppèrent de la roche une grande pierre et la laïissièrent roller contre val la muntaigne pour confondre toute l’abbaye et les moisnes tuer. Celle grande pierre de roche s'en vint roullantcomme ungs fouldres et chey droit sur le mur de l’abbaye sans faire aultre mal que du mur rompy sans plus, tant comme la pierre comprendoit en espace et demoura la pierre emplissant le trou que elle avoyt rompu, tout ainsi comme se elle y eust esté mise par art et tout à escient. Sy que le mur en est plus fort que devant. Quantce virent ces Curtes, cesmauvaisez gens, il s’en allèrent et oncques puis n’y osèrent retourner. Nous veismes la pierre etlemurens en mur. Et non pas près de la terre comme se le mur fust fondé sus, maiz assezhault sur une partie du mençongnage du muraffin que clèrement peut apparoir que la pierre n’y fu mise par art, ne voulenté de homme, maiz seulement par miracle de Dieu. Assés des autres miracles nous racomptèrent 1lz, les queulx je ne met point en escript cy pour cause de briefté. Nous priasmes moult humblement et moult dévotement que ilx voulsissent oir le preschement de nostre foy catholique; mais eulz qui estoient simples gens se doubtèrent que nous les decevrions en aucuns cas de l’escripture, car 1lz veoienestre gens lettréz, si ne nous vouldrent point oir, mais dit

soicnt à nous que se 1ilz nous oissent que nous les terrions à faulz hereges. Une nuit avint en celle abbaye si trés grant tremblement et mouvement de terre que nous ne doubtasmes pas l’abbaye seulement, mais aussi la grande montaigne et roche dessus ditte nous cherroit seure. Sy que de ce tramblement et mouvement furent-1lz esbahis, si que paisiblement et voulentiers nous oirent après. Quant ilx nous avoient une foiz oy prescher, ilz cuidèrent bien que 114 nous peussent vaincre en disputacion publique etapperte. Sy fu jours mis de disputacions. Quant vint à la journée qui assignéc estoit à ce, ilx se monstrèrent bien estrange de vérité. Car 11z se armèrent de grant multitude pour nous confondre par Icurs crier et par leur braire se raisons leur failloient. Sy establirent ung évesque de leur scite sur tous lez autrez, car ilz le réputoient plus lettré et plus ydoine de respondre. Quant touz feusmes assemblés en une grant sale là où 1l avoit trèz grant luminaire alumé, car ce estoit par nuit, touz se assirent. Sy nous demandèrent pour quelle cause nous estions venus à eulx. Nous respondismes que nos estions venus pour cause de leur salut. Et puys commençasmes nostre parole, nostre langaige en recommandant à eulz aucunes œuvres de perfeccion, lesquellez ilz ont. C'est assavoir estroite et longue jeune très grant abstinence, et très-grant componcion, et grande dévocion en leurs oroisons, etaucunesautres belles opéracions et œuvres de perfeccion. Sy les enhortasmes et suppliasmes, et aussi les conjurasmes par le benoiïst sanc du crucefis auquel ilz ont très-grant révérence que ilz ne se condempnassent point par leur mescréance. Et que à si grant labour de penances

comme dessus est ne se meissent en enfer par leurs erreurs. Et puys leur monstrames en quoy il erroyent. Etquantilz dient que Jésucrist fut vrays dieulz et vrays homs,et non pour quant veulent il tenir et maintenir que en Jésucrist n'avoit que une seule susbtance, une opéracion, une nature, une vouler:té. Et c'est la divine comme ilz dient, et aussi leurs monstrasmez grant planté de leurs erreurs et les improuvasmes. x nous oïrent moult paisiblement. Et des raisons et des attorités de la sainte Escripture que nous monstrasmes contre leurs erreurs, furent-ilz si esbahis et les priva le saintesperit, comme je croy, de toute responce et de toute parolle. Que nous et aussi touz li autrez multitudes qui là estoit feusmez touz esmerveilliés de ce que ilz se taisoient si quoy, ct que oncques mot ne sonnèrent pour leur erreur soustenir, mais cilz évesquez lequel ilz avoientestably souverain et premier respondant sans nul autre contredit fu li premiers convertis à nostre sainte foy catholique. Et quant lez aultres le blasmèrent de ce que il ne respondoit à nos raysons, il leur dit tout en hault en son langage caldien : Seigneurs frères, je vous signifie et certifie que à ces raysons ne povons nullement respondre. Dont se leva uns de ces jacobins entre tous moult honnorables et anciens homs, lequel touz lez autres recommandèrent souverain de saincteté de vie sur touz lez aultrez de leur cité et dist devant tous à haulte voiz :

« Seigneurs frères, je vous annonce que cilx religieulx qui des parties de Occident est à nous venus, comme il dit, et qui nous a proposé la parolle de Dieu est vrayement li angles de Dicu envoiez à nous oyr. Il est ung des apposto-

L'EXTRÊÈME ORIENT AU MOYEN-AGEF, 309

lez qui fu avec Jésucrist. Et le a cilz Dieulx à nous envoyé afin que nous ne soyons dampnez. »

Lors se converty et tourna li bons anciens homs au frère qui la parolle de Dieu avoit proposé, et lui dit: « Chiers amys, dy tout ce que tu veulx. Et tout ce geretu diras, nous le recevrons et tenrons comme se tu feusses uns des appostolles de Dieu. »

Adontse convertirent touz lez plus grans et les plus sages et receurent nostre prédicacion à três-grant dévocion. Et promisrent que la foy que ilz avoient de nous eue, il garderoient touz sanz faillir Jusques à la mort; maizla tourbe du menu peuble et li plus simple qui là estoient, en furent moult destourbés, et si esmeurent grant noise et grant hustin, et firent si grant noise que nous doubtasmes que ilz ne s’entretuaissent, et si ne savoient aultre rayson monstrer fors que ilx disoient que la foy que leurs devanchiers avoient gardée plus de huyt cens ans ne laisseroient il point, ne ne changeroient pour ne scay quielx estrangés de Occident qui par leurs logiques etpar leurs fallaces, et par leurs vaines argumens lez vouloient tellement décevoir. De ses Jacobins moult s’en convertirent à la foy catholique en pou de temps, maiz ainsi que croissoit li nombres des convertis à la sainte foy, croissoit la murmure de la cruaulté de ces desloyaulx qui convertir ne se vouloient. Et tant crut et monta leur murmure et leur yre que les bonnes gens qui convertis estoient nous prièrent que nous nous en alasmes hors de leur abbaye, que ces mescréans ne nous mordresissent en leur yre. Le patriarche des Jacobins, lequel nous aviesmes vaincu en publicque disputacion par l’aide de Dieu, finablement

s'accorda du tout avec nous. Etla confession de la foy catholique, et sa créance escript de sa propre main et la nous bailla, en laquelle il confessa et congnut appertement que en Jésucrist avoit deux entières ct perfaittes natures: la divine ct le humaine. Puys, cilx patriarches fist assembler son clergié et son peuble jacobin en la grant cité de Niniveen une place. Car il ni avoit maison qui peust si grant multitude de peuble comprendre. Là preschasmes nous la foy catholique en langaige arrabiq et monstrasmes le erreur des Jacobins devant tout le clergié et le peuble qui là estoit en l'audience de touz leurs patriarches qui là estoient et le dit que dessus est nommés tesmoingna et certifia que la vérité de la foy estoit comme nous l’aviesmez preschié. Ces chosez avons nousescript, non pas à nostre louenge, maiz à la gloire de celluy qui ses miracles scet relever quant il lui plaist, qui non seulement par simples gens des appostolles confondy la sapience de ce monde. Ces jacobins ont encore gramment de erreurs sans cellez qui dessus sont dittez, esquellez il errent moult péreilleusement. Car jacobins et nestorins contre le commandement de l’euvangile deffont leurs mariages pour quelconquez cause que ce soit. Etaprès leur mariage deffaitselonc leur usaige, lez femmes prendent aultre mari, ct li homme une aultre femme comme il leur plaist. Eten l’article de la sainte ternité errent 1lz aussi moult péreilleusement. Et est en ce point leur erreur telle que tiennent li nestorien, li jacobin et aussi toutez les parties de Orient ne scevent, ne ne treuvent estre purgatoire. Aussi ne croient il mic que lez ames des bons aient aussi aucune remunéracion, ne que elles ne voissentpoint en pa-

radis jusques après le jour de jugement. Et aussy que lez ames des mauvaiz et des dampnés ne voisent mie en enfer jusques après le jour du jugement. Et pour ce dient ilx que ce Nostre Seigneur dist du riche homme et du Lazarus que li riche homme estant en enfer vit le ladre en la gloire de paradis. Il veulent maintenir que Nostre Seigneur ne le dist mie pour vérité, mais tant seulement par manière de parabole, de similitude et de exemple. Et aussi errent eulx trop péreilleusement en touz ces cas cy et en prant planté d’aul-

tres qui trop seroient longs à racompter qui racompter lez voudroit touz.

Des Maronites.

Nous partesimes de Ninive la grand cité et entrasmez ou fleuve de paradis, c’est Tigris. Si alasmes par le fleuve sur vaisseaulx comme bocuciaulx et veniesmes jusquez à Baudas, plus de CC. millez, mais entre voiez trouvasmez une grant cité qui ot nomChecril, en laquelle demeurent maronitez crestiens mescréans et scismat, et ont ung aultre archevesque. I1x maïntiennent que en Jésucrist fu une seule voulenté. Ce est leur erreur. En toutes aultrez choseà s’accordent ilzà nostre foy catholique plus que nulle autre scite de Orient. Leur archevesque oy de nous le preschement en languaige arrabic, et se converti et accorda à nous du tout, et de sa propre main escript au pape de Romme sa créance du tout selonc nostre foy et nostre voulenté, et en ses lettres se soubmist en l’obéissance du pape et de la sainte Eglise de Romme. En celle meismez cité trouvasmez nous pluseurs

jacobins qui nous recheurent comme angles de Dieu, et nous présentèrent abbayes et esglises à nostre gré. Cil jacobin de ceste cité édifièrent jadis une esglises en l’onneur d'un chien, et est celle esglise au dehors de Ja cité en ung hamelet petit sur le fleuve de paradis. Et chascun an font en celle esglise la feste du chien. Car ilz dient que il orent jadis en ung chien de très-grant vertu, en quel honneur il fondirent celle esglise comme dit est.

D'en costé ceste cité de Ceterel trousvasmes-nous une grande cité tout en long du fleuve, et fu la ancienne Babyloine en laquelle regna Nabugodonosor; celle est toute decheue etsemble par les grandes ruines comme une aultre Romme, tant est grande et tant fu noble. Elle est presque toute destruite et moult pou de gent y habitent, etsont Sarrasin qui atendent Haly comme nous oysmes et entendismes par pluseurs gens dignes de foy. Les habitans de celle cité atendent on ne scay quel fil Ahali qui est mort passé à jà six cens ans, et 1] lui norrissent et gardent ung trèz belle mulle pour lui honnourablement recevoir quant il vendra, ct luy celle mulle présenter. Et tous lez vendredis, quant le peuple est assemblé pour oyr leur loy que li évesque leur presche, cilx évesquez amaine devant le peuble celle mulle que ilz gardent pour le filz Ahaly et le monstrent au peuble bel et noblement ensellée et achesmée, 11Z dient pour certain que cilx filz Ahaly revendra à eulz et en son temps. Quant il sera revenus apparra Crist et devendra sarrasins. De ce lieu nous en venismes droite voye par le fleuve jusques à la noble cité de Baudas et vindrent à l'encontre de nous jusques au dehors de la cité les frères de nostre ordre

des frères prescheurs qui là demeurent, et nous receurent à trèz grant joye. Ceste cité de Baudas est très grant et trèz gracieuse et cuert parmy la cité le grant fleuve de Tigris. Etdient ceulx du pays que c'estcelle cité qui jadis fust appellée Fusis. Elle est si grant et si peublée que en Ia cité demeurent plusde deulx cens mille sarrazins etfu jadis devant l'avènement des Tartres, la maistre cité desSarrazins comme Romme des crestiens. Et y tenoit son siège le calife qui estoit chiefs des sarrasins, comme pape de crestiens, et ce sonne assés son nom, car calife leur languaige sonne en nostre françois « successeur », pour ce que le calife tenoit le lieu de Mahommet comme successeur. Et convient que la cité de Baldas soit habitacion des Sarrasins, si est toute la seigneurie des Tartres qui jadisla conquirentcomme dessus est dit. En celle cité de Baldas est le siège des nestorins.

Des Nestorins.

Nestorins sont crestiens mescréans hérite et scismat, et sont appellés nestorins de ung hérite qui ot nom Nestorin qui erreurs 11z sièvent et maintiennent, car il fu leurs maistres aveques ung aultre hérite qui ot nom Théodorus de qui nous avons fait mencion pardevant, et comment que cil nestorin errent en pluseurs poins de la loy. Sy errenti1z plus espécialment et plus péreilleusement en ce que 1lz dient de Jhésucrist, que ilz dient né de vierge et non Dieu, mais 11 dient que après il conquist la filliacion de Dieu par le baptesme et par lez saintes œuvres. Par quoy ilz dient

que Jhésucrist ne fu mie filz de Dieu par nature, maiz seu

lement par adopcion et que Dieulx habyta en cet homme crist comme en son temple, et que le mistère de incarnacion queCrist fu nés de vierge fu seulement par une manière de honneur que Diculx fist à cel homme cripst.

Et pour ce yen y a pluseurs qui maintiennent que en Christ n’avoit que une seule voulenté humaine, le contraire des Jacobins dont avons pardevant parlé, et convint que ces nestorins dichent que Christ fu vrays homs et vrays dieulx. Sy ne veullentil point confesser ne congnoistre que Dieulz soit nés de la vierge Marie, et quela vierge soit mère de dieu, ains dient que la vierge Marie fu seulement de ung homme. Crispt fu filz de la vierge par nature et filz de Dieu par adopcion seulement, et dient que ce n’est mie tout ung à dire fil de Dieu et fil de la vierge Marie. Et pour ce que ilZ ne soient constraint de confesser et de deviser Christ en deux fieux, dient-il que il est uns fieux, c’est à dire une personne. Et afin que il neconfessent Dieu estre néde la vierge Marie, sy le confessent et partissent en. ii. aucinmi. C'est en. ü. supost, dont il dient que Christ est uns sciaux ct deux aucinmi. Ce sonne en langaige nestorins leur maistre qui fu grieulx une personne et deux supposés. Maiz les nestorins qui ores sont caldien et ont leurs escriptures et font leur office tout en caldien, si que aucuns ne scevent point la différence entre sciaux et aucinmy. Et en vérité il n'y a nulle différence, fortque sciaux est ung mos arrabic etsonne autant que personne en nostre languaige. Et aucinmy est ung moult caldien, et sonne auss' en nostre languaige comme personne et pour ce elles consuncre est moult pourfitable con leur demande quel diftérence est entre sciaulx et

aucinmy, Car par certain 1l ne le scevent point, car il nya point de différence, fors que c’est tout ung mot en deux langaiges comme dessus cst dist. Sy que en une languaige dient il estre Christ une personne, et en l’autre le dient ïlz estre. ii. personnes, et par ceste voye par laquelle il nient christ estre naturel fil de Dieu, nient aussi dieu ou le fil de dieu né de vierge et le filz de dieu avoir souffert mort en croiz et dient que Jhucrist fu uns grans prophetes et amis et servans de Dieu, et par ainsi appert que il nient du tout le mistère et l’incarnacion Nostre Seigneur et pour certain en tout ce que ilz sentent de Christ, il se accordent avec les sarrasins dont je trouvai ès hystoires des sarrasins anciennes et autentiques que les nestorins furent amis de Mahommet et aliés à lui. Et que Mahommet commanda à ses successeurs et à tous ceulx de la loy des Sarrasins que souverainement gardaissant Îles nestorins, et que as nestorins riens ne meffeissent. Et ce commendement ont sarrasins tenu jusques aore, et gardent encore. Et heent sarrasins sur toutez autrez scetes lez jacobins dont pardevant avons fait mencion, pour ce que ilx treuvent le contraire des nestorins. Quant il maintiennent Dieu né de femme ct mort en croiz. Et pour ce ont ores jacobins souffert grans persecucions que souvent lez ont tués et sarrazins et nestorins dont il avint une fois que le patriarche des jacobins appella à disputacion publique le patriarche des nestorins. Quant à ce jour furent venus devant le calife de Baudas, le patriarche de nestorins se doubtoit que il ne feust vaincu, vint uns jacobins ranoiïc qui haïoit lez autres jacobins et de

eulx se estoit departis pour ce que il ne l'avoient mic volu

promouvoir à une archeveschié et dist au patriarche des nestorins que il ne se doubtast, mais seurement empresist la disputacion et que fiablement en commensast et que sur lui fust mise la response et que pour certain il jacobins fesoit les nestorins victoriens. Ainsi fu fait, à lui fu la responec baillié. Quant les. 11. parties furent venues enla présence du calife, dirent les nestorins que vus telx clers qui jadis avoit esté iacobins responderoit pour eulx, il fu mandé de par le calife première foiz et seconde foiz, maïz il nele vint pas. Tiers foiz fu mandés si vint assés lentement portant une pele etdrapeletet un loucet etinstrumens de sonneurs, et en tel estat s'apparut devantle calife et devant le clergie; on lui demanda pourquoy il avoit tant attendu à venir au randement du calife seigneur de tout le monde, et pour quoy il se estoit présentés en tel estat; il se humilia et pria le pardon en disant que il avoit esté occupés en plus grant besoigne et dist que hier au vespre morut Gabriel l’archange. Et je vieng tout droit de faire la fosse, en quoy il sera mis et enterrés Sy ne m'ay point peu revestir pour legrant haste que je avoye de venir au commandement du calife. A ce mot fu trop ayré le calife et dist que trop avoit erré cilx clers qui disoit un angle mort et que c’estoit impossible lez angles mourir; dont respondy cilz clers jacobins renoiïés et dist ce n’est pas merveille lez angles mourir, se Dieulx mesmesfu mors et ensevelis commeaucunsdient. Lors respondy le calife et dist et qui sont cil qui dient que dieux fu mors et ensevelis. Ly clers respondy : certez touz les jacobins le dient. Dont demenda le calife aux jacobins se il estoitainssi; 11 respondirent que pour voir il estoit ainssi, et que dieut fu

mo s et ensevelis. Lors commanda le calife que on tuast touz lez jacobins de ce pays. Sy furent jacobins là tué en si grant multitude que pou en ya de demeurez. Ce fait de ceste disputacion avons racompté comme il appertcomme nestorin se accordent avec lez sarrasins contre lez jacobins qui dient que dieulx fu mors et ensevelis. Ainsi errent touz troiz de Christ. Car Nestorins et Sarrazins dient Christestre par nature homme pur et non dieu. Et Jacobins dient estre par nature dieu pur et non homme. Sy errent touz car nostre foy catholique est que Christ est vray dieux et filx de Dieu, et vrays homs natureu!x. Encore errent les nestorins avec les jacobins en l'article de la trinité, aussi font communaument ceulx de Orient. Ils errent aussi et dient nient estre de purgatoire, et dient que les ames dampnés ne descendent point en enfer, et les ames sauvées ne seront point receues en paradis devant le Jour du jugement. Ils baptissenten la manière des grigoys, en disant: soit baptissiez cilx en nom du pere et du fil, etc. et dient que la perfeccion du saint sacrement de baptesme est en une manière de unccion que il font decune manière de oyle, et laquelle1lx dient que 1lconvientque tout l'omme estre oint. Et se aucune partie demouroit sanz estre en ointe par là entreroit le dyable en une créature. [1Z sacrefient de pain levé et gardent une pièce de la paste et la mettent et ajoustent à la nouvelle et dient que ceste paste que il gardent est une partie du corps Nostre Seigneur que leur donna saint Jehan l'euvangeliste. Et dient que saint Jehan à la scène rechut de Nostre Seigneur double part, la une 1l mangea et usa, l'autre il

garda et donna aux nestorins. Il ne admmistrent du sa-

crement de unccion, ilx ne se confessent ne à la mort nc à la vie, fors à Dieu seulement. I1Z reçoivent circoncision à la manière des juyfs. Nous feusmes à une cité qui a non Harbe en laquelle li nestorin circoncidoient leurs filles aussi bien que le filx. Et comment que nous ne peussons point savoir en quelle partie du corps il coppoient et circoncidoient les fillez, toutez voies trouvasmez nous en verité par la relacion d’eulx mesmes que il lez circoncidoient quant il acomunient le peuble ce sacrement que ilz menguent le corps Nostre Seigneur. Mais ilz mentent, car certes ce n’est que pains, il le donnent aux gens en leur main aussi bien que se ce feussent prestre, toutez leurs chosez consacrées. [13 consacrent soit pain soit yeaue ou autre chose, quant il la veullent jetter en peur 11z deconsacrent leurs otyeulx. Et convendroit que le autel feust reconsacré par l’evesque. Le uns prestres après que ce il feust communiés. Item se à l'autel entrast aucuns autres que nestorins et qui ne feust de leur scete. [tem se aucuns y entrast le chief couvert, aussi convendroit par l'archevesque estre reconsacré et reconsilié le moustier. Se une lampe y feust despécié, ou se lampe y cheità terre. Item se ung chat ou un chien ou aucune aultre beste y entrast fors seulement la souris, maiz la souris seulement, ont donne ce privilège que elle puist entrer au moustier et à l'autel. Eten pluseurs autres manières de fra: trasies qui trop seroient longues à racompter. Il se marient en degrés deffendus de la sainte esglise et prendent leurs cousines et leurs parentes prouchaines, et si deffont leurs mariagez quant il plaist et se remarient ailleurs comme il leut plaist, maiz que ce soit par le congié de leur esglise,

Et aussi leurs prestres se remarient après la mort de Icur première femme et c’est contre le commandement de monsicur saint Pol le appostole. Il ont trois maniéres de messes, li une est que leur ordonna Nestorins, Ieurs maistres hcrites, et dont il sont comme nestorin; la seconde messe est de Théodorus qui fu maistres à cellui Nestorin dessus dit, et la tierce dient il estre la messe des appostoles; et en celle tierce messe ne a riens de la fourme du saint sacrement, ne du corps, ne du sanc Nostre Seigneur, mais comment ces autrez deulx ait aucunes contenances par aucune manière de ce, si n’est mie Îcur entente que consécracion se face à celle heure, maiz après à la fin de la messe et une invocacion du saint esprit que 11z font, et pluseurs autres crreurs ont il dont trop seroit lonc à racompter. Mais centre toutez erreurs sont trop périlleux et contredient de se que Nostre Seigneur dit en l’euvangile: Arcta est via que ducit hominem, etc. Ce sonne en nostre françoyes : estroite est là voie qui maine l’omme à vie de paradis. Comme se ils voulsist dire, et cst vrayement son entente que qui veult estre sauvés et venir à la vie perpétuelle, il convient aler des commandemens de Dieu, et ceste voie, dist Jhesucrist, est cstroite pour ce que pluseurs y forlinguent etm oult légièrement on y forvoyc. Car nature humayne est touz jours encline plus à mal que à bien. Contre ce mot de l’euvangile, errent fortement ces Nestorins et luy contredient tout expressement ; car il dient que il souffist aux crestiens pour estre sauvé que il se seignent et que il face une croiz en son front et que il se tourne vers orient en faisant la croiz

et qu'il mangasse char de porc. Lez nestorins sont gens de

moult grant abstinence et de longues oroisons et de plant jeuner et de grant pénitance. Leurs religieulx, leurs évesquez et leurs patriarches ne meivent point de char et jeusnent ore ou lit malades griefment. I1z montrent au deoys mout grant hausterité et moult grant pouvreté en leur port, tant comme au dehors monstrent il moult grant humilité et junent tout le karesme aussi bien les dymenches que lez aultrez jours, aussi font li jacobin; ne nulz nestorins ne jacobins clers ou lays, religieulx ou séculiers de quelconques estat que il soient, ne mengeroiïent pour riens en karesme de poisson, ne ne buvroit vin. Maiz en aultre temps n'en tènent compte à eulx enyvrer et point ne le tiennent à pécié, maiz à honneur et de mentir ne font-il compte; leurs erreurs deffendent ilz par deulx causes, la première est : car lez pluseurs dient que il ont l'esprit de prophesie et prophetissent moult de choses pour certain. Nous le veismes en pluseurs espériences. Si dient qu'il ne peussent estre prophète se ils ne feussent preudommes, et sy ne seroient mie preudommes se leur foy ne leur créance ne feust bonne. Le second est que tout plain de leurs anciens ont fait pluseurs miracles. Car ilz tiennent certainement que sur Nestorin leur maistre descendy une grant clarté du chiel quant il chanta une messe.

Et si racomptent de un leur patriarche qu’ilx nommoient [affelic et universel; il dient que aussi pou de vie comme le cloiement d’un œil à la cité de Baudas, läoù estoit les sièges jJusques au Mech, la cité où est le sepulcre Mahommet, où il y a bien plus de. XXX. journées entre lez. ii. cités, et aussi pluseurs miracles racomptées de leurs pères herites. Mais

ces. ii. causes ne preuvent point que leur créance soit bonne, ne que les pères dont ilz racomptent telz choses feussent sains ne preudommes, car tant que au premier point de la prophésie est certain que touz ceulx qui dient devant lez chosez à venir neles ont point dusaint esprit, ains trouvons en la sainte escripture et lisons de pluseurs prophètes qui prophétissoient des choses à venir par l’art de mauvaiz csprit. Comme les prophètes de Baal que Helies convenqui et occist, et pluseurs aultres desquelx Nostre Seigneur dit : prophetabant et non ex me veniebant et ego non mittebam cet cos, qui sonne en nostre françoys : il prophétissoient et non par moy ne par mon escript, ilz vinrent et Je ne lez envoyay pas encore, trouvons nous aultrez vrayement prophétissans comme Balaam, le roy Saul, Cayphas qui fu à la mort N.S. il prophétissoient vrayement et si ne furent mie preudomme. Et lisons de pluseurs aultres qui par art de nigromance ont fait et prophétisié pluseurs chosez, aussy croy que li diablez descoit ce meschant peupble nestorin par faulx prophètes. Tant que au second des miracles dis ce meisme que des prophésies que li deables les decoit par faulx miraclez dont il peut faire tout plain, quant Dieux lui sueffre, ainsi que nous lisons des enchanteurs d'Egypte qui de leurs ars de nigromance contrefirent lez miracles N. S. que il montrèrent à Pharaon, roy d'Egypte, par Moyses son servant et par ces faulx miracles des enchanteurs faiz du diable fu deceuz Pharaon et sa gent tellement que oncques ne vouldrent obéir au commant de Dieu. Dont :il furent touz noiez en la rouge mer comme dist la sainte escrip-

ture. Ainsi cst cilx meschans peubles de ceuz tellement, que

il laissent la foy de dieu et de chreticnté. Et point ne doivent pour ce leurs pères hérites nommer prophètes ne preudommes; car il vont et font et croient espressément contre la foy et la sainte euvangile, et contre la sainte escripture, sans laquelle 11z ne porroient bonnement estre sauvé. Quant venus feusmesen la cité de Baudas, là le sièges cest, ilz nous receurent moult agréablement et liement de première venue, Maiz tantost que il orrent que nous preschamez de la benoite vierge Marie mère de dieu, et que la vierge Maric porta et enfanta dieu et homme, tantost il si opposerent en publique prédication et nous boutèrent moult villainement de leur église, et celle église là où nous aviesmes prechié contre leur erreur il reconcilierent et laverent d'eaue rose, ct chantèrent une messe sollempnelle pour rapaysier Nestorin Jeur maistre. Et quant ilx nous eurent ainsi bouté hors de leur église, nous nous plainsismes a leur archevesque de ce que nous servans de dieu, gens chrétiens, gent de rcligion et prescheurs de la foy de dieu et qui de loingtain pays estiesmes à eulz venuz pour la cause de leur salut, que nous avoiens esté ainsi villenés. Adont cilx arcevesques etces nestorins meus de faulse pitié nous représentent ung lieu trez bel et très bon et une belle esglisc, et tout ce qui nous failloit par telle manière et convenance que nous nous cessions de preschier. Maiz benoys soit dieulx. Nous ne voulsissemes oncquez faire convenance avec eulx. Ains refusasmes tout ce que ilxavoient offert, et deismes que nous estiesmes à eulx venus non mie pour leurs grans palays ct pour leurs biens temporeulx, mais seulement pour prescher la parolle de Dieu à eulz, sans en attendre loier temporel et jurasmes

ct protestames tout en publique ct en appert que miculx 2micsmes habiter emmy la rue comme pouvre et sanz maison, et franchement prescher la vérité de la foy pour l’amour de dieu pour quoy nous sommes venus. Après ce vint leurs patriarches en Baudas qui avoit esté devant absens bien. X. journées loings. Sy que unc journée nous seumes que cilz patriarches estoit en une congrégacion et assemblés avec les evesques et archevesques et li clergies. Nous armés de la grace de dieu entrasmez devant touz. Et monstrasmes tellement la vérité de la sainte foy catholique que nous lez confidimes trestouz. Et ;25r certain nous lez rendismes si confus que li patriarches meismes tout devant son clergie menty et le nya estre nestorin ne de la oppinion de lascience nestorine leur hérite, et tout cil qui la estoient enfuirent si esmary que il ny ot cellui qui sceust que dirent ne qui à paynes sonnast mot. |

Lors se levèrent ces archevesques et evesques et se crestérent li un contre l’autre, et commencierent li un à lautre blasmer, de ce que touz se estoient tenus si quoy, espécialement touz se esmeurent contre le patriarche et le tencierent et reprirent trés effectueusement en luy reprouvantque il avoit renoyé Nestorius leur maistre et que a si pou de languaige avoit esté desconfiz et tournés adversaires de sa loy nestoriène. Lors se commencierent ilz à canter que ilz desconfiroient en disputacion publique. Sy fu la responsce commise à ung évesque et fu assigné jour et lieu pour Îa disputacion faire. Quant vint au jour nommé et touz ces cvesques et arcevesques furent en ce lieu assemblés et plu: seurs autrez, nous monstrasmes devant toug nostre foy ca-

tholique et leurs erreurs. Maiz dieulx N. S. leur osta toute responce et tout savoir et tout povoir de respondre tellement que non seulement ceulx à qui la responce estoit commise, mais aussi touz ceulz qui là furent assemblez en furent oultre mesure esmerveilliés de ce qu'il n'y eust si sachant deulx touz qui oncques sonnast most ne feist semblant de riens vouloir dire contre nous ne nos dis. Quant ces nestorins furent ainsi confusément descontis et qu’en langaiges leur sailloit en respondre et en demander, ilz enfuirent si honteulx et si vergondeulx qu'oncques puys ne oserent devant nous parler ne à paynes comparoir fors bien doubtamment la plus grant partie deulx, espécialment le plus sages et le plus sachans. Quant il virent que leurs erreurs il ne povoient maintenir encontre nous, et que nostre foy il ne pourroient impugner et vaincre, 1lz dirent à nos beaulz seieneurs et frères : nous savons et confessons que la vérité de la foy est tout ainsi comme vous le preschiés, mes pour certain nous ne l’oseriemes point publiquement ne appertement dire à nous aultres nestorins; car il nous osteroient de leur compaignie et nous debouteroient et osteroient de nostre cstat, Et ainsi ces meschcans amerent miculx la gloire

des gens ct du monde que de Dieu.

Des Sarrasins.

En celle meisme cité de Baudas souloit estre Ie souverain siège des Sarrasins comme des crestiens et estoit tant comme aux Sarrasins en Baudas la souveraineté. Tant comme à l'estude, tant comme à leur foy ct créance ct aussi comme

à leur seigneurie, car en Baudas régnoit le califfe, cest à dire le successeur de Mahommet ct dient Ji Sarrasin que il estoit li visaiges de Dicu en terre. Cilx califes fu occis des Tartres comme dessus est dit. En ceste cité de Baudas a trez grant multitude de psuble, comment que elle soit destruite la plus grant partie. Car sans les chrestiens et sans les juyfs qui là demeurent, il y a bien .11. c. mille Sarrasins comme on puet prouvablement croyre et emer. Et non pourquant y a des chrestiens et des juyfs mains milles. Maiz touz ceulx de la ville chrestiens, juifs et Sarrasins tout sont soubgis aux Tartres. Les Sarrasins y ont très grant estudes et grans maistres et y ont aussi grant planté de religieux de leur loy Mahommet et toutez leurs diverses gendres et scetes se assemblent là. En celle cité a moult grandes abbayes de religieux sarrasins, lesquelx ilx nomment « ingerredes », qui sonne en nostre françoys tant comme contemplatif. Nous avions grant desirier de desputer à culx et de confondre à eulx la mauvaistié de la loy Mahommet et si estoit nostre entente de les assaillir en leur siège et ens ou lieu de leur estude et lescole général. Maiz pour mieulx en venir à chief, nous fu mestier de un pou converser avec eulx,; 1lx nous recevoient angeles de Dieu. En touz les lieux en estudes et en escolles et en abbayes et en esglises, en synagoges et en musquetes et en leurs maisons, et là oysmes nous et entendismes moult diligentement leur loy et veismes leurs œuvres et moult nous esmerveillames comment en loy de si grant mauvestié et de si male foye peuvent estre trouvées tant de œuvres de perfeccion, comme nous racompterons cy aprés.

Des œuvres de perfeccion qui sont ès Sarrasins.

Si racompterons aucunes œuvres de perfeccion qui sont ès Sarrasins si les dirons plus à la confusion des chrestiens que à la commendacion des Sarrasins. Il n'est hommes qui n'en eust grant merveille, se il considérast bien et diligentement, comment Sarrasins ont grant soing et diligence, à l’estude grant devocion en oroisons, grant miséricorde vers pouvres, grant reverence au nom de Dieu, aux prophetes et aux sains lieux de Dieu, comment il sont meurs en contenance et en port, dehors doulcement appellent et acointent lez estrangés, et comment ilz ont grant amour à leurs gens et à ceulz de leur loy. A la cité de Baudas se asscmblent lez Sarrasins de toutez lez parties du monde, et a escolle et estude comme ceulz de France à Paris.

De l’estude des Sarrasins.

Li Sarrasin onten la cité de Baudas grant plante des lieux proprement desputez pour l’estude et contemplacion de clergie et sont ainsi grans que grandes abbayes en nostre pays, et ceulz qui y viennent on pourvoit de commun d'icelle de pain et de eaue et de ce sont contemps et entendent à contemplacion et à l’estude en très grant povreté en leurs escolles communes exposé, ou un livre que on appelle le Alchoran, c’est à dire la loy Mahommet. Quant ilz viennent à l’escolle, touz ostent leurs soliers, maistres et disçi-

ples, et entrent à l'escolle touz deschaulx et nus piés, et là oient à grant reverence lire leur loy et moult meurement en desputent.

Des oroisons des Sarrasins.

De leurs oroisons sont Sarrasins si soigneux et sont en leurs oroisons à si trez grant dévocion que je qui sui chrestiens ct religieux en eus très grant merveille, quant je le vi devant mes yeulx. Car je fuy troiz moys cet demi au désert de Arabe et de Persie, et avec cameliers sarrasins, mais oncques pour quelconques cause qui leur survenist feust de orraige de malegent. Cil arrabic Sarrasin cameliers ne laissicrent que il ne feissent leurs oroisons à certaines heures pour ce à leur loy establics de nuit et de Jour, et par espécial de matin. Et au soir, en leurs oroisons ont il si grant dévocion que il laissent toutez quelconques autrez choses. Li aucun d'eulx muent souvent couleur et demeurent pale comme cendre. Li aucun se laissent cheoir à terre, li aultre semblent estre touz ravis. Aucuns saillent, aucun gargounent de la voiz et hochent la teste tellement que il samblait estre hors du sens. En leurs oroisons gardent souveraynement une manière que ilz dient estre nette de corps, c'est que nullement ilz ne oscroient faire leurs oroisons que ilz ne se lavent derrière et Île ventre et la nature, puys lez mains, après se lavent le visaige, et derrenierement lez plantes des piés, et puis se mettent en oroisons. Et ceste guise ticnnent touz les Sarrasins de quelconques scete que iz soient. Entre touz lez Sarrasins, a une scete que on dist

« hercefaira, » et sont entre lez aultres réputés de plus grant perfeccion. Cilz quant il passent par le marchié ou la rue, se aucune beste, chien ou chat ou asne lez a touché, ou aucune aultre chose, il ne cuident mie estre bien lavé pour leurs oroisons faire, se 1l ne se levent de V°. seclle de {eaue comme de les une riviere. Et quant ilz veullent faire oroison, il entrent en la riviere touz nulz et se lavent tout le corps. Et quant il leur semble que ilx sont bien lavez, il boutent leur doit en leur derrière et puys le mettent au nés et se li doys put li homs n'est mie habiles de faire oroisons: maiz il retourne en leaue et se lave et relave tant que il lui semble qu’il est bien, et boute souvent son doit au derrière, ct quant il ne sent plus de punaysie, adont est-il après abilles de faire ses oroisons.

Des aumosnes et de la miséricorde des Sarrasins.

Li Sarrasins sont très grans aumosiniers, il ont en leur alcoran moult estroit commandement de payer disme. Et ce quilx acquierent par armes doivent 1l donner le quint, et sanz tout ce font ilz grans testamens, et met on tLuz ces deniers en quesie commune et quant vient à certain mps, i1Z œuvrent ce trésor et le commettent à Sarrasins isnes (dignes) de foy, et qui bien soit crus entre eulz et cilz vont à divers pays et provinces racheter lez Sarrasins prisonniers, et qui sont detenu prison en quelconques nacions soit Sarrasins ou aultrez. Aucuns Sarrasins de leur propre rachatent des prisonniers tant que ilz pevent, et que leurs povoirs se estent et puys prennent ces prisonniers et les

mettent en lettre, et dient: « tant en rachèté-je pour l'amour de l’ame de mon père et tant pour l'ame de ma mère, » et leur donnent lettres de délivrance et lez laissent aler. Aucun aultre pouvre qui ne ont point povoir de racheter lez prisonniers achetent oiseaulx en gaiolle, lesquelx on porte pour vendre à celle fin. Et quant ces pouvres ont ces oyseaulx achetés, ilz lez laissent vouler frans et délivrés pour l'amour de l'ame de leur père et de leur mère. Afin que ces ames ne soient détenuz en prison, ilx ont aussi en usaige que en leur testament 1lz délaissent de l'argent et donnent pour nourrir pouvres chiens pour Dieu. Et en cités où il a moult de chiens, comme en Turquie eten Persie, et en la cité de Baudas, trouvasmes nous que lez chiens avoient leurs procureurs qui recueilloient lez testamens laissiés pour les chiens, et quant les testamens ne souffissent point pour lez chiens soustenir, les procureurs vont par la ville querre aumosnes, et ces aumosnes ilz partissent aux chiens dessusdis. 11Z envoient aussi et donnent grans aumosnes de pain pour les oyseaulx de rivière nourir et en sont ces oyseaulx de rivière si drus et après que touz Jours 1l se assemblent à une certaine heure à un son que on sonne, ct puys quant 11z sont assemblé on leur gette ces aumosnez, et ce veismes nous par espécial en la cité de Baudas et en ‘la cité de Ninive. En la cité de Baudas a grant planté de fols et de hors du sens. Car il y fait si grant chault que lez cherveilles leur boullent en leurs testes et deviennent grant plante foulz et fourcenés. Et pour ce ont 1ÿ Sarrasins au dehors de la cité establi ung très biau lieu pour leurs foulx

et esragiés. Et lez pourvoit on du commun de la ville en

330 L'EXTRÈME ORIENT AU MOYEN-AGE, toutes leurs nécessités de boyre et de mengier, de mesgnie

et de servans, et d’un souffissant médian et le pai on tout du commun bien et largement.

De la grant révérence que Sarrasin ont du nom de Dieu.

Très grant révérence ont Sarrasins ou nom de Dieu et ces prophètes et ès sains et aux sains lieux, car souverayncment ilx ont ceste maniere que ilx ne font ne ne dient, ne ne escripvent nulle chose notable que ilx ne commencent par le nom de Dieu. En toutez lez lettres que ilx envoient li uns à l’autre, touz jours y escripvent-1lz premiers le nom. Et pour ce se gardent ilz très bien queil ne descirent nulles lettres ne ne jettent à terre, et se 11Z treuvent aucun escript à terre gisant, i1z le lievent moult reveramment et le mettent en aucun lieu hault, en la fendure de une masière, affin que le nom de Dieu ne soit soullié entre les piés. Et quant aucunement leur vient à bouche en leur parler que il fault nommer Dieu, jamaiz ne diroient le nom seul, mais touz jours y adjoustent aucune louenge, en disans : Dieux bons soit-il, ou encune semblable manière de parler, et aussi font-il en lire et en escripre. Et se aucuns Sarrasins blasmat ou deist aucune chose contre Dieu ou contre ses prophètes, jamaiz ne laisseroient cellui vivre, mais sans pitié le feroient mourir. [1z ont si très grant révérence aux sains lieux comme sont Icurs esglises que ilz appellent musquettes, que jamais n’y entreroient fors deschaux, ne ja: mais ne cracheroient dedens, et quant il se veullent asseoir,

liz sc gardent très songneusement que leur derrière ne touche au pauvement de l'esglise, maiz ilz se sient sur leurs tallons, et à scoir ainsi apprendent et acoustument leurs enfants de jeunesce, afin que ce ne le soit une si grant paine de ainsi longuement seoir en l’esglise quant ilz seroient venus en âge, ainsi que nous véons de nos parents qui sont si acoustumés de seoir jambes croisiés que il ne leur grefve de riens, et sur toutez riens Sarrasin gardent leurs temples et musquettes très nettement.

De la manière des Sarrasins.

Sarrasins sont de si trez même manière que Jamaiz, on ne verroit aller Sarrasin teste levée ne col cstendu ne à haulte poitrine, les bras baléant et de gettant ne des yeulx sauvaigement regardant aval ne amont, fièrement ainsi que nous pluseurs de nous Sorriaulx font, maiz il s’en vont voye de pas simple et de trez même manière comme parfait religieux. Encore leurs petiz enfens lesqueulx je ay veu mainte foiz en Persie et en Baudas, sont de s1 belle maniére que je ne me recorde mie que je ne oyse oncques nul chanter chant de vanité ne de dissolucion, maiïz touz jours chançons de Dieu, à la louenge de Dieu, et à la recommandacion de leur loy et de Mahommet leur prophète. Entre eulz nulx nese gabe ne ne se mosque d’aultrui, ne ne tenchent li uns à l’autre, et souveraiment si se gardent de mes-

parler par derrière,

9e L'EXTRÈME ORIENT AU MOYEN-AGE.

Comine Sarrasins sont de doulz langaiges aux estrangés.

[1z acointent lez estrangés moult très courtoisement et bénignement et parlent à eulz moult doulcement ct nous qui estions entre eulz comme povre prescheur rechurent ilz comme angles de Dieu. Et quant nous venismez ès maisons de aucuns nobles hommes ou sages hommes sarrasins, ilz nous reçoivent à si grant Joie que souvent nous estoit advis que nous eussions hosteulz de nostre ordre, et sachés que il reçoivent moult voulenticrs lez frères de nostre ordene en leurs maisons et souvent nous prioient moult courtoysement et amiablement que nous dire aucune chose de Dieu, ou aucune chose de Ia recommandacion de Jhésucrist, lequel 11z dientestre juste homme et grans prophete, maiz ilz ne le tiennent point à Dieu, et touz Jours quant en vostre présence 1ilz nommoient Jhésucrist, oncques ne Ie nommèrent quant il luy adjoustassent aucune digne parolle en disant: Christ, loés soit-il et bencis, ou aucune chose telle, de une chose se plaignoient 11z de nous, ce fu ce que nous ne voulions pas menger avec eulz. Car ilz ont une manière que quant uns étrangés lez viennent visiter tantoust ilz apportent à menger et ceste manière ont par espécial li sarrasin arrabic qui entre lez aultrez Sarrasins sont li plus noble, jamais ne feroient mal à homme qui seurement et fiablement se meist entre eulz à menger ; encore jassoit Ce que l'en ne ne l'ait point prié, maïiz il dient que cil est leur frè-

re, pour ce que il mengue avec eulz pain et sel.

Et de celle heure en avan: il deffendent cel homme pour ce que il mengue avec eulz pain et sel encontre touz aultrez, Ja soi ce qu'il a tué leur père.

De la concorde des Sarrasins.

Amour et concorde ont entre culz si grant que 11z scmblent droitement estre frères. Car quant ilz parolent ensemble li uns à l’autre, 11z dient : o tu, filz de ma mère, et espécialement parollent il ainsi aux crestiens, il ne se entretuent point comme gens de autres scetes, ne ne desrobent pas li uns l'autre, ains peut uns homs sarrasins seurement passer par quelconquez aultres estranges nacions de sarrasins, que il ne trouvera ja Sarrasin qui mal lui face.

Frère Bicul expose ensuite la loi des Sarrazins, c'est-àdire, un abrégé du Coran qu'il refute dans les chapitres suivants :

« Que la loy des Sarrasins est confuse;

Que la loy des Sarrasins est couverte (obscure);

Que la loy des Sarrasins est mençongeable (menson-

gère) ;

Que la loy des Sarrasins est desraisonnable;

Que la loy des Sarrasins est violente;

« Les miracles des Sarrasins.

Frère Bieul termine sa relation par ces mots:

« Touz les autrez afaire de Mahommet, de sa vie ct de

» sa mort, de sa doctrine, de tout son procès, pourra on

» trouver en nostre aultre ouvrage, en un aultre livre que » je recullav fait, etc. »

« Explicit le ytinéraire de la peregrinacion frère Riculd de l'orde des freres precheurs, et sont en ce livre contenu par sobriesce les royaumes et les gens, lez provinces, lez loys, les scetes, les hérésies, Ics monstres et lez merveilles que lidis freres trouva ès parties d'Orient. Et fu cilz livres translatés de latin en françoys par Jehan de Yppre, moisne de Saint Bertin en Saint Omer. En l'an. mil. CCC. li. acom-

plis. »