DE L'ÉTAT DU GRAND KHAN

PAR L'ARCHEVÈQUE DE SULTANYEN.

Cy commence de l'estat et de la gouvernance du grant Kaan de Cathay, souverain empereur des Tartres, et de la disposicion de son empire, et de ses autres princes, interpreté par un arcevesque que on dist l’arcevesque Saltensis au commant du pappe Jehan. XXII* de ce nom. Translaté de latin en françois par frère Jehan LeLonc d'Yppre, moine de S' Bertin en Saint Aumer.

Le grant Kaan de Cathay est très puissans entre tous Îcs roys du monde. A 1y sont subget et font hommaige tous les grans seigneurs de ce pays. Espécialment trois grans empereurs, c’est assavoir l'empereur de Cambalech, l’empereur de Boussay et l’empereur de Usboch. Ces trois empereurs envoient tous les ans luppars tous vifs, camelz, gerffaulx et trésgrant plante des autres précieulx joiaux audit Kaan, leur seigneur, car ilz le recongnoissent leur seigneur et leur souverain. Cil troy empereur sont trèsrenommé et trèspuissant commie il appert.

Car comme l’empereur Usborch avoit guerre et se devoit combatre contre l’empereur de Boussay, il amena sur les champs sept cens mille et sept mil hommes à cheval, sans

riens du monde grever son empire. Quelle donc et com grant sera la puissance du grant Kaan qui dessoubs lui a telz et si puissans barons subgis. Son empire est appellée Cathames ou Cathay; il commence droit en orient et dure jusques en Ynde la maïour, et se cstend en droite ligne vers occident, tant comme on pourroit cheminer en six moys. En cel empire a deux trèsgrandes citez, Cambalech et Cassay. Tous ceulx de son royaume grans et petis ly sont serf et esclave. Les gens du pays ont si grant obédience et cremeur à leur seigneur, le grant Kaan de Cathay, que ilz ne lui osent en riens contrester, ne son commandement trespasser. Dont il avint une fois que uns de ses grans princes meffist en baitaille tellement que il avoit mort desservie. Le grant Kaan le sceust, si lui envoia par un messaige qu'il luy envoiast sa teste. Tantost ces lettres veues, cilz princes droit emmy sa gent, sans rébellion et sans contredict, baissa la teste et la laissa paciemment copper. Le Kaan garde trèsbien justice aussy bien sur les grans comme sur les plus petis. Une fois en l'an, le premier jour de la première lune de mars qui est le premier jour de Icur an, ly dis empereres se monstre à son peuple aourné de purpre, d'or et d'argent, et de pierres précieuses. Adont tous li peuples se met devant lui à genoulx et le aourent et dient: Vecz-cy nostre dieu en terre, qui de chierté nous fait plante et grant richesse, qui nous donne paix, qui nous garde justice. Adonc ly empereres ne refuse à homme à lui faire justice, adonc rentgraces à Dieu omnipotent. Il délivre les cnchartrez, et fait moult de graces et de œuvres de pitié, à toutes manières de gens qui

meéstier en ont, ct qui sa grace requirent fors à trois manié-

res de gens. Mais à ceulx ne fait il grace nulle. C'est assavoir à cellui qui a mis main viollentement et maugracieusement à père ou à mère, à cellui qui a faussé la monnoie du roy laquelle est de pappier, et à cellui qui a aucun empoisonné et donné venin à boire. A ces trois ne fait-1l grace nulle. A ce jour, il donne moult grans dons et grant plante d’or, d'argent, de pierres précieuses. Le moindre don que il donne vault au moins un balisme d’or et souvent cinquante balismes. Le balisme vault mille florins d'or. Ly dis empereres est pieux et misericors. Il se pourvoit tousjours pour lui et pour ses subgés, de bléz, de ris et de toutes manières de grains et à ce a il granges et greniers tant que sans nombre. Sy que quant en son pays est chierté de blez ou de grains, il fait ouvrir ses greniers et donne son blé et son ris pour moins la moitié que les autres ne le vendent. Et par ainsy fait trèsgrant habondance en temps de grant chierté. Il fait moult d'aumosnesau povres pour l’amour de Dieu.

Et quant aucuns est si affoiblis de corps qu'il ne puet son pain gaingnier ou sy apovris qu'il n’a de quoy vivre, ly emperères le fait pourvoir en toutes ses neccessitez. Ét ce fait il par tout son royaume, et si ne griève nulluy de son royaume, par extorcions extraordineres et nonusées. Sa richesse est de ses propres rentes et gabelles de truaiges, et de males toultes, si trèsgrande que sans nombre et sans fin. Il a trésoriers et grandes maisons toutes plaines d’or et d'argent, de pierres précieuses et de autres joiaux, et espécialment en ses principalles villes. Il a aussi en tout son royaume de ville à autre, maisons esquelles demeurent si courreur à cheval et a pié. Cil courreur etcil messagier ont

LS

sonnettes pendans à leurs poitrincs ou à leurs courroies. Sy que quant aucuns courreurs vient portant les lettres de l'empereur, et approuche aucunes de ses maisons, 1l sonne ses sonnettes. À cel son s'appareille uns aultres courrères, et prent ces lettres et les porte avant jusques à une autre maison. Et ainsy des autres, et ne cessent de courre jour et nuit Jusques à tant que les lettres viennent là où elles sont envoiés. Par ainsy l'empereur a dedens. XV. jours nouvelles d'un pays qui sera aussi loings comme le chemin de trois mois. [] rechoit moult honnorablement messaigés et ambassadeurs de quelconques estrange pais ou seigneurie; et les pourvoit de toutes leurs neccessitez en alant et en venant par tout son royaume.

Du souuerain evesque, c’est le pape de l'empire de Cathay. Ou royaume de Cathay a un évesque souverain comme entre nous est le pappe. Ceulx du pays et de la foy le nomment grant trutins : 1] est subgis et obéist audit empereur le grant Kaan, comme à son seigneur et à son souverain: mais l'empereur l’onnore par dessus tous autres. Quant l’empereur chevauche en sa compaignie il le fait chevauchier droit d’en costé lui. Et li emperères ne lui escondist quelconques graces nulles que il luy requiere. Cailz grant trutins a tousjours la teste et la barbe resé et porte sur son chicf un chappeau rouge, et tousjours est vestu de rouge, il a la dominacion et la seigneurie sur le clergie, et sur tous les religieux de sa loy, par tout le royaume susdit; et à lui appartient l’informacion et la correction. Et de eulx ne de leurs ordonnances ne se mesle l'emperères. Entre ces clercs et religieux a de grans prélas, évesques et abbez, et

L'EXTRÈME ORIENT AU MOYEN-A3E. 339 tuit sont subjetau grant trutins. En chascune cité et villes de lempire a abbaïes de hommes de religion, et aussy de dames vivans selonc leur loy du pays soubs la obédience ct correction du grant trutins. À peines n'y a cité ne ville tou dit empire, où on ne trouve une abbaie. Et en chascune abbaie a du moins deux cens personnes, 1lz sont moult riches, et de ces grandes richesses, 112 font grans aumosnes pour Dieu. I1z vivent très ordonnément, et dient leurs eures sept fois le jour, et se lièvent as matines. I1z ont cloches de métal faittes à manière de comble, desquelles 1lz sonnent leurs heures. [1z gardent chasteté, et nulz clercs religieux ne se marie. [1z sont ydolastres et aourent pluscurs ydolles. Par desseure lesquelles ydolle ïilz dient estre quatre dieux. Lesquelz. 1111. dieux ilz entaillent d'or et d'argent tous entiers devant et derrière. Et par deseure ces quatre dieux dient ilz estre un plus grant dieu, qui est par desseure tous les dieux grans et petis.

De l’estat et condicion du royaume de Cathay.

Cc royaume de Cathay est moult peuplez : et y a pluseurs citez assez plus grandes que Paris ne que Florence, etgrant plante de lieux très bien habitez, et se y a aultres villes sans nombre. Moult y a de beaux prés et de bons pasturaiges, et herbes bien flairans, moult y a de grans fleuves et de grandes eaues, esquelles habitent grant plante de gens, pour la grant multitude de peuple qui est oudit royaume. [1Z font maisons de bois sur nefz, lesquelles

maisons vont sus et jus et aval l’eaue, et vont tous en leurs

maisons de un pays marchander en autre. Eten ces maisons demeurent les gens à toute leur mesnie, leurs femmes et leurs enfans avec toutes leurs hostilles de l’ostel, et leurs necessitez, et ainsi demeurent sur l’eaue tout leur vivant, et y gysent les femmes en gésine et font toutes leurs choses comme les autres qui demourent sur terre. Et se on demandoit à aucun deulx où 1lz furent nez, ilz ne scevent autrement respondre, fors que 1lz furent né sur l’eaue en celle manière.

Bien y a aussi grant peuple demourant sur l’eaue comme sur terre. Tant y a de peuple que les bestes du pays ne leur souffissent point. Aïins convient que on les amaine d'autre pays, et pour ce y sont chars chières. En ce pays a tres grant habondance de froument, de ris, d'orge et d’autres grains, desquelz le grant Kaan cueille tous les ans à plante et les met en ses greniers comme dessus est dit. I1Z y messonnent le ris deux fois l'an. [l ne croist point oille d'olive, ne de vin de vingne, et ne en ont point se on ne l’apporte d'ailleurs, et pource est-il de grant pris. [1Z fontoille ec vin de ris. Et y croist de tous fruis à très grant habondance, fors de avellanes dont 11 n’en ont point, mais sucre ont ilz en très grant quantité, et pour ce en est il là grant marchiet. Ly pays est moult paisibles et nulz n'y ose armes porter, ne guerre mouvoir, fors seullement ceux qui à ce sont députez de par l'empereur, pour son corps ou pour aucune cité garder. En l'empire de Boussay susdit croist une manière de arbres, qui par la craisse d’eulx portent et font grans secours à ceulx du pays. Car il en y a aucuns qui par leur escorche rendent blanche liqueur, comme lait bien doulx et bien

savoureux, et a grant plante. Et les gens du pays le boivent et menguent comme lait de chievre moult voulentiers. Quant on couppe ces arbres en aucunes lieux, soit es branches, soit ailleurs, elles rendent par la couppe une manière de jus à grant plante, lequel jus a couleur et saveur de vin. Autres arbres y a qui portent une manière de fruit aussi grant comme avellanes ou comme une nois de. S. Gracien. Quant cilz fruis est muers, les gens du pays le cueillent et l'euvrent et treuvent dedens grains à manière de froument, dont ilz font pain et pasté et autre viande, dont 1lz menguent moult très voulentiers.

De la disposicion des deux citez Cambaleth et Cassay.

Ces deux citez Cambaleth et Cassay sont très grandes et très-renommées. Chascune de elles a bien trente mille de tour et est close tout en tour de mur. l'ant y a grant peaple que seullement les servans qui y sont establis pou gasuer la cité de Cambaleth sont quarante mille hommes aimés par certain nombre.

En la cité de Cassay en a plus pour ce queïlya plus grant peuple. Car c’est une cité moult marchande. Et àc Ile cité viennent marchander tous ceulx du pays et moult habondent en toutes manières de marchandises, et les Sarrae zins susdis gardent moult songneusement de nuit et de jour

les citez dessus dittes.

De la monnoye qui cuert par tout ce royaume.

Le grant Kaan fait monnoie de pappier là où il a une enseigne rouge droit ou millieu, et tout environ sont lettres

noires. Et est celle monnoic de greigneur ou mendre pris selonc la enseigne qui y est. L’une vault une maille, l'autre un denier, et ainsi plus ou mains. Et ilZ avaluent leur monnoie d’or et d'argent à leur monnoie de pappier.

On treuve en ce pais plus de manières de marchandises que es parties de Romme ou de Paris. [1z ont grant plante d'or ct d'argent et de pierres précieuses. Car quant marchans de dehors y viennent marchander, ilz y laissent l'or ct l’argent et les pierres précieuses, sy emportent les marchandises du pays, espices, draps de soie et draps d'or, desquelles 11z treuvent grant marchié.

Ly emperères dessusdis a tresors si trèsgrans que c'est merveilles et est pour celle monnoie de pappier. Et quant celle monnoie de pappier est trop vielle et dégastée, sy que on ne la puet bonnement manier, on l’apporte as monnoiers du roy, à la chambre du roy, deputez à ce, etse la enseigne de la monnoie où 1y noms du roy y appert aucunement, ly monnoier du Roy rendent nouvelle pour la vielle trois moins sur chascun cent pour la rénovation. I1z font aussy tous leurs previlèges en pappier.

De la manière du vivre entre les gens de ce pays.

Les gens de l’empereurse vestent moult honnourablement et trèsrichement, et largement vivent. Et pour la grant habondance de soie et de or. Et pour ce que 1ilz ont pou de Lins, tous ont chemises de soie, et leurs draps sont de Tartarie et de Camotas et d’autres riches draps, souvent aournés d’or et d'argent et de pierres précieuses à leurs draps.

T1z ont longues manches qui leur queuvrent les ongles des dois, 11z ont pluseurs voisseaux de roisiaux, lesquelz y sont grans et gros; i1zZ menguent chars de toutes manières de bestes. Et quant 11z font grant feste, 11z tuent chamelz et en font beaux més à leur guise. I1Z ont grant plante de poissons et d’autres choses esquelles ilz ont une manière de vi-

vre comme aultres gens.

De la manière comment ilz ensevelissent les mors.

Quant aucuns cnffens y est nez 11z tiennent bien mémoirement et enregistrent le jour de la nativité. Et quant il est mort, lyami etli parent le mettent en une ficrtre de pappier aournée d’or et d'argent. Et en celle fiertre mettent avec le mort mirre et encens. Puis mettent ce fiertre sur un char, et ce char traînent tous ceulx de son lignaige à cordes jusques à un lieu propre député à ce, et là ardent ce mort avec sa fiertre et avec son char. Et 1lz assignent telle raison, car 112 dient que ainsy que on purge l'or par le feu, ainsi convient-il les corps humains purgier par feu, affin que ilz puissent en toute pureté ressussiter. Quant ilz ont ainsi ars leurs mors, 114 s'en retournent à leurs maisons, et à la remembrance du mort, font faire une ymaige à sa semblance. Et cel ymaige 11 mettent en lieu certain, et chascun an au jour de sa nativité, 11Z ardent devant cel ymaige lignum aloës, et autres manières d’espices bien flairans. Et ainsy

font mémoire de la nativité du mort.

Des frères meneurs qui demeurent en ce pays.

En la ditte cité de Cambalech fut uns archevesque qui avoit nom frère Jehan du mont Curumde l’ordre des frères meneurs et y estoit légas envoiez du pappe Clément. Cilz arcevesque fist en celle cité dessusditte trois lieux de frères meneurs, et sont bien deux lieues loings lyuns de l'autre; il en fist aussi deux autres en la cité de Racon qui est bien loings de Cambalech, le voiaige de trois mois et est d’en costé la mer, esquelz deux lieux furent deux frères meneurs évesques. Ly uns eut nom frère Andrieu de Paris, et 1y autres ot nom frère Piere de Florence. Cilz frères Jehans l’arcevesque converty là moult de gens à la foy Jésucrist. Il est homs de trèshonneste vie et agréable à Dieu et au monde, et trésbien avoit la grace de l’empereur. Ly emperères lui faisoit tousjours et à toute sa gentaministrer toutes leurs neccessitez et moult le amoienttous crestiens et paiens. Et certes, il eust tout ce pays converty à la foy crestienne et catholique, se ly Nestorin faulx crestiens et mescréans ne le eussent empéchiet et nuist. Ly dis arcevesque ot grant paine pour ces nestorins ramener à la obédience de nostre mère saincte église de Romme, sans laquelle obédience il disoit que ilz ne povoient estre sauvé. Et pour ceste cause, ces nestorins scismat avoient grant envie sur lui. Cilz arcevesques comme il plot à Dieu est nouvellement trèspassez de ce siècle. A son obseque et à son sépulture vis trèsgrant multitude de gens crestiens et paiens. Et desciroient ces paiïens leurs ro-

bes de dueil, ainsi que leur guise est. Et ces gens crestiens

et paiens pristrent en grant dévocion des draps de l'arcevesque, et le tinrent à grant révérence et pour relique. Là fu il ensevelis moult honnourablement à la guise des fiables crestiens. Encore visete on le lieu de sa sépulture à moult grant dévocion.

De nestorins crestiens scismas qui là demeurent.

En la ditte cité de Cambalech a une manière de crestiens scismas que on dist nestorins. [1z tiennent la manière et la guise des grieux, et point ne sont obéissans à la sainte église de Romme. Mais 11z sont de une autre secte, et ont trop grant envie sur les crestiens catholiques qui là sont obéissant a la sainte église dessus ditte. Et quant cilz arcevesque dont par cy devant avons parlé édiffia ces abbaies des frères meneurs dessusdittes, cil nestorins de nuit le destruisoient et y faisoient tout le mal que ilz povoient; car ils ne osoient audit arcevesque ne à ses frères ne aux autres fiables crestiens mal faire en publique ne en appert pour ce que ly emperères les aimoit et leur monstroitsigne d'amour.

Ces nestorins sont plus de trente mille demourans oudit empire de Cathay, et sont trèsriche gent, mais moult doubtent et crieinent les crestiens. [1z ont églises trèsbelles et très devotes, avec croix et ymaiges en l’onneur de Dieu et de ses sains. [1z ont du dit empereur pluseurs offices, et de lui ont ilz grandes procuracions. Dont on croit que se ilz se voulsissent accorder et estre tout à un avec ces frères meneurs et avec ces autres bons crestiens qui là demeurent en ce pays, 11z convertiroient tout ce pays et ces emperères à la vraie foy.

De la grant faveur que le grant Kaan a à ces crestiens

dessusdis.

Le grant Kaan soustient les crestiens qui en ce dit royaume sont obéissant à la sainte église de Romme : et leur fait pourvoir toutes leurs neccessitez. Car il a à eulx très grant dévocion, et leur monstre très grant amour. Et quant ilz lui requièrent ou demandent aucune chose pour leurs églises, leurs croix ou leurs saintuaires rappareïllier à l’onneur de Jhésucrist, moult volentiers leur ottroie. Mais quil prient à Dieu pour lui et pour sa santé, et espécialment en leurs sermons, et moult voulentiers ot et veult que tous prient pour lui. Et très voulentiers sueffre et soustient que les frères preschent la foy de Dieu ès églises des païens, lesquelles ilz appellent vritanes, et aussy voulentiers seuffre que les paiens voisent oïr le preschement des frères. Sy que cil paien y vont moult voulentiers, et souvent à grant dévocion, et donnent aux frères moult de aumosnes.

Et aussy cilz emperères preste et envoye moult voulentiers ses gens en secours et en sustide des crestiens, quant ilz en ont affaire et quant ilz le requièrent à l’empereur.

Explicit de la gouvernance et de l'estat du grant Kaan

souverain empereur des Tartars.