ET DU SOUVERAIN PONTIFE AUX CHRÉTIENS D'ORIENT
C'est la coppie des lettres que ly emperères souverains des Tartars le grant Kaan de Katay envoya au pappe Benoit le XII° de ce nom, en l'an de grace mil trois cens XXVIII environ la Pentecouste, et, furent par le commandement dudit pappe translatées en latin, et furent translatées du latin en francois par frère Jehan Le Lonc dit et né de Yppre, moine de saint Bertin en saint Aumer, en l’an de grace. m. 11°. li.
En la forme du tout-puissant Dieu, lÿ emperères des emperères commandement, nous envoyons messaigé nostre Andrieu aveuc XV compaignons au Pappe, seigneur des crestiens en France oultre les sept mers pour ouvrir voyes as messaigés qui souvent seroient envoiez de nous au pappe et du pappe à nous, et pour lui prier que il nous envoyèche sa beneicon, et que enses saintes oroisons, il face de nous mémoire, et que les Alans, nostres féables crestiens, il ait recommandez.
Item que ilz nous amainechent des parties de Occident
chevaux et autres merveilles. Escript en Cambalec, en l'an du rat, le VI®. mois, le tiers jour de la lunation.
C'est la tencur des lettres envoyés au pappe Benoît susdit des Alans crestiens demourans en Cambalech soubs ledit empereur au temps que dessus est dit, et translalez en la manière qui dit est.
En la fourme du tout-puissant Dieu et en l’onneur de l'empereurnostre seigneur: Nous Foydin, Jehans Cathitheu, Tungy, Gembega, Vensi, Jehans Juthoy, le souverain père nostre seigneur le pappe. Nous chiefs à terre mis à ses piés baisans, saluons priant et requerant sa beneicon et sa grace, que en ses saintes oroisons, 1l face de nous mémoire, etque iamais ne nous oublièche. Ce soit congnissant à vostre sainteté que lonc temps avons esté infourmez en la sainte foy catholique. Et bien salutairement gouverné et conforté par vostre légat Jehan Vallent, certes saint et vaillant homme; mais il est mort passé VIIT. ans. En laquelle espace nous avons esté sans gouvernance, et sans espécialle consolacion, comment que nous avons oy dire que vous nous avez pourveu de autre légat. Mais il n’est mie encore venus; pour quoy nous supplions à votre sainteté que vous nous vueilliez envoier un bon souffisant et saige légat, qui noz ames ait en cure, et qu'il viengne tost, Car mauvaisement sommes sans chief, sans informateur et sans consolateur. Supplions aussi à vostre Sainteté, que à nostre seigneur l'empereur vous respondiez gracieusement par quoy les voyes soient ouvertes, ainsi comme il requiert et désire as
messaigés qui souvent seroient envoyez de vous à ly et de ly à vous, et pour confermer amistié entre vous et lui. Car se vous le faittes, grans biens s’ensuivra pour le salut des ames, et pour le exaucement de la foy crestienne. Car la faveur peuten son empire faire mille biens, et ses desdains mille andoles et mille malz. Et pour ce aiez pour recommandez et nous vostres féaulx et nos autres frères et féables crestiens qui sont en son empire. Car se vous le faittes, très grant bien ferez. Par cy devant en divers et temporelz sont de par vous trois ou quatre messaigés venus audit em pereur nostre seigneur. Et de lui ont esté gracieusement receu et haultement honourez et remunérez. Mais oncques puis, ly dis emperères nos sires ne eut messaige, ne eut nouvelles de vous ne du saint siège de Romme. Comment que chascuns trois ou quatre de ces messaigés dessus dit promist audit seigneur, que de vous certaine response lui raporteroit, pour quoy prouvoye vostre sainteté que à ceste fois et des oresmais en avant il ait de vous certaine response, ainsy comme il appartient à vostre sainteté. Car par trop est grant honte et vergoigne aux crestiens de ce pays quant mençonges sont en eulx trouvées. Escript en Cambalech en l'an du rat le. VI° mois, la tierce de la lunacion.
Pour la datte de ces deux lettres mieux entendre, car elle nous est estrange, et est assavoir aucuns mescrèans sont ès parties de Orient, qui maintiennent entre les autres erreurs ceste que nouz dirons, et de laquelle erreur estoit entachiez ly emperères, le grant Kaan qui au pappe envoya ces lettres devant escriptes. L'erreur de ces mescréans cst ceste.
Le premier jour de l’an au matin, quant le roy, leur sci-
gneur, est levé, 1l regarde moult ententivement quel dieu aventure lui administrera celle année. Car la première chose qui lui vientau devant celle journée, celle tient il pour son dieu toute l'année. Pour tant que ce soit chose sensible, et que ce ne soit homme ne femme, celle chose tient 1y roys pour son dieu. Et à l'appetit du roy tous li peuples lui ensuivent. Et de celle chose dénomment celle année, en la datte de leurs lettres, comme nous comptons noz années, selonc le temps de l’incarnacion N.S. Oravint le premier jour de l'an ouquel ces lettres furent escriptes, ly roys vit un rat courre parmy sa chambre, et ce fu la première chose qui eust vie qu'il vit. Excepté sa maisnie si le tint toute l'année pour son dieu, et en donna en l'année en la datte de ces lettres. Et convient que les crestiens ses subgiés pour obéissance tiengnent celle fourme et stille en leurs lettres, et pour ce escriprent il ainsy. Escript en l'an du rat le VI°® mois de l’an le 1 11° jour de la lune de ce mois.
C'est la teneur des lettres et de la responce que ly Pape renvoya à ces principaux amis demourans en Cambalech, dessoubz l'empereur desus dit.
Benois, évesques, sers des sers de Dieu, as ses très amez fi1z nobles hommes Fodin, Jehans Catitheu, Tingi, Gembega, Vensy, Jehan Nichon, princesdes Alans, et universelment à tous autres crestiens des parties de Orient, et à chascun par ly salut, beneicon de Apostolle, de joyeux visaige et de lie couraige. Chevaliers, filz prince, nous avons receu
vostre messaigé venant en nostre présence, et bénignement à culx audience baillié par fiable entrepréteur. Avons entendu toutes les choses que ilz vouloient proposer, si que ilz ont nostre responce oye, et autres choses que nous leur avons par vostres lettres, lesquelles nous avons fait exposer, etaussy par larelacion de votre messaigé clerement entendu et entendamment apperceu la grant dévocion, que vous et li autre crestien de vostres parties avez à nous età la sainte église de Romme, mère et maistresse de tous féables crestiens, et à la foy catholique, sans laquelle ne puet venir salut à nulle gent. Et pour ce que vous désirez à estre 1nstruit et confermé en laditte foy, selonc ce que laditte église de Romme la tient et maintient, et presche, Nous, comme pasteurs de universel peuple de Dieu, querrons et convoitons le salut de tous ceulx que Jésucrist a rachetez de son précieux sanc, grandement esjoy en rendans graces et loenges à celluy qui droit espérit vous a donné, et qui de la clarté de sa grâce vous a daigné enluminer. Et de ce que sur ce point avez vostres messaigés à nous envoiez, haultement et grandement à Dieu nostre Seigneur commandons et recommandons la salutaire dévotion de vostre saint propos. Et en rendons graces à cellui dont cilz et tous autres biens viennent, vostre noblesse et vostre université, enortant et affectueusement priant que avec accroissement de foy et de dévocion, veuilliés persévérer en ce meismes saint propos, par lequel vous pourrez venir et ataindre au loyer de la éternelle gloire de Paradis. Et pour certain, nous prions et prierons pour vous sans cesser, que Dieux vous y vueille conforter. Sy que afin que ceste mesme loy catholi-
que, laquelle nous et la ditte église de Romme,aveuc toute la compaignie des féables crestiens, professons, preschons et fermement tenons à vous et as aultres crestiens de vostres parties, soit plus clèrement congnoissans, affin aussy que vous le puissiez mieulx suivir et professer et plus fermement tenir et maintenir. Sy le vous nottefieronsappertement. Nous créons la Saintte Trenité, le père, le filz et le Saint Esprit, un dieu tout puissant. Et en la Trinité, toute la déité coessencielle, consustancielle, ensemble éternelle et ensemble toutpuissant, de une puissance, de une voulenté, de une majesté, le créateur de toutes créatures, par lequel toutes choses sont en ciel eten terre visibles et invisibles, corporelles et espirituelles, nous créons chascune personne en la Sainte Trinité, un vray Dieu plain et parfait. Nous créons cellui filz la parollede Dieu éternellement, omnipotent et équal au père, en la divinité temporelment du Sainct Esperit conçnt et de Marie la perpétuelle Vierge, avec âme racionnelle. Aians deux natures, l’une éternelle du père, et l’autre temporelle de la mère, vray Dieu et vray homme, propre, parfait en chascune nature, non adoptif, mais en singularité de une seule personne, non passible, non mortel, per et en la divinité. Mais en humaine pour nous et pour nostre salut, souffrans vraies charnelles passions, mort et enseveli et descendu en enfer, et au tiers jour résuscita de mort à vraie résurrection de Char et de corps. | Le quarantiesme jour après la résurrection en corps charnel, comme il cstoit résuscitez et en âme, monta ès chieulx et sict à la destre de Dieu son père. Et de là vendra au
final jugement jugier les vifs et les mors, et rendre à chascun selon ses œuvres bonnes ou mauvaises. Nous créons aussy le Saint Esperit un plain et parfait Dieu procédant du père et du fil, par tout et en tout équal, coessenciel, coomnipotent et coéternel au père etau fil, Nous créons ceste Sainte Trinite, non pas trois dieux, mais un seul Dieu omnipotent, éternel, invisible et incommutable. Nous créons aussy du vieilz et du nouvel testament de la loy des Prophètes, et des Apostolles et des euvangilles, estre un seul aucteur, Dieu et nostre Seigneur omnipotent. Ceste est la foy, et ceste en tous ses articles tient et presche la sainte église de Rommes. Mais pour les erreurs introduis au contraire de aucuns par ignorance et de aucuns par certain malice, dist la saincte église et croit et presche que ceulx qui après le saint sacrement de baptesme reçoit, rechéent en pechié, ne doivent point estre rebaptisiés, mais par vraie repentance pourront acquerre pardon de leurs pechiés. Et se aucun vray repentans en vraie charité meurent avant que ilz aient par dignes fruis de penitance satifié de ses péchiés, leurs âmes seront après leur mort purgiés par la paine du purgatoire. Et pour ces paines relever pevent valoir et vallent les oroisons et les prières des bonnes gens vivans et leurs bonnes œuvres, messes, oroisons, aumosnes, offrandes et autres œuvres de pitié que on a acoustumé à faire pour les féables selonc la institution de l'Eglise. Mais les âmes de ceulx qui puis le saint sacrement de baptesme rechut, point ne sontrecheuten tache de pechié quelconques. Et aussi les âmes de ceulx qui encore en corps vivans par pénitances souffissans comme dit est, on de ce siècle tres-
passez par purgatoire sont purgiez comme dit est, tantost seront ou ciel en paradis receustes à la benoite vision de la essence divine. Mais les âmes de ceulz qui en pechié mortel ou seullement en péchié originel mourront, tantos, en enfer descenderont et là seront perpétuelment pugniz selonc leurs diverses desertes. Celle meisme sainte église de Romme croit, presche et de vray afferme que néantmoins au jour du jugement que toutes les gens apperront devant le juge Crist en leur propre corps et rendrontraison chascun de ses propres fais. Encore tient, croit et enseigne celle meisme église de Romme, que sept sont sacremens de sainte église. C’est assavoir: baptesme dont pardevant avons parlé. L'autre est le sacrement de confirmacion, lequel ly évesques donnent par imposition de leurs mains cremans les baptisiés. Le tiersest pénitance. Le quart, le saint sacrement de l'autel. Le quint sont les ordres. Le VI* est mariage, et le septiesme est la dernière unxion, que nous nommons sacrement de huille, lequel sacrement, selonc la doctrine S. Jaques l’Appostolle on doit donner aux malades. Le saint sacrement de l'autel fait la ditte église de Romme de pain non levé. Sy tient et croit et enseigne que en ce saint sacrement, lÿ pain est transsubstanciés en corps, et le vin en sanc de Notre Seigneur Jésucrist. Du sacrement de mariaige, tient la ditte église que unshoms ne puet, ne ne doit avoir ensemble pluseurs femmes, ne une femme pluseurs hommes. Mais deffaitte la loy de mariage qui se déffait seullement par la mort de l’un des mariez et non autrement. Ly autres qui demeure vivant puet cespouser la seconde, et puis la tierce fois et ainsi en avant, voire
successivement. Mais ainsique les premitres nopcesfurent, telles nopces dist la sainte escripture sont loisibles : mais que nul empeschement de droit ou autre juste cause ne le deffende. Ceste souvent nommé sainte église de Romme a et tient la souvereine et plaine seigneurie et prime sur toute la universelle église catholique, laqu: le seigneurie, maistrie et souveraineté vraiement et aumblement, elle se recongnoist avoir receu de Dieu proprement la personne de Saint Pierre, prince des Apostolles à qui le Pappe de Romme est successeur avec toute plante de puissance. Et se aucunes questions, ou doubtances en la foy soursissent, par son jugement devroient estre disiniécs et déterminées. A ceste eglise, pour chascun qui se sent grevez en besongnes qui à court de église appartiennent appeller en causes appartenant à court d'église, peut on à sonjugementrecourre. Car à lui sont toutes eglises subjettes, et tous prélas de église lui doivent révérence et obédience Et ceste église a tellement la plénitude et la plante de puissance que les autres églises, elle ne reçuet fors à partie de soing et de sollicitude, desquelles églises les pluseurs, et especialment les patriarchales et parrochialles. L'église de Rommeest haultement de pluseurs et divers previlèges anoblie. La siene prérogative-est toudis en généraux concilles et en autres choses. Ceste susditte très pure et très certaine, très féable vérité de nostrefoy catholique, concordantäladoctrine de l’euvangille baïillie et donnée des sains pères, confermée parladiffinicion des pappes de Romme, en leurssennes et gé« ñéraulx conseilles de souverainneaffection, désirons que en vous soit confermée et acrute et amplie par tout le monde,
pourquoi en nostre temps ly peuples à Dieu servans soit multipliés en nombre, en foy et en mérite à le honneur et Jouenge du nom de Dieu. Et que les âmes par la fraude du deable dechutes, par la congnoissance de ceste vérité soient
rescouses de la gueulle de l'ennemy. Certains messaigés et
légas qui vous et les aultres crestiens de vostre pays Con* fortent et instruisent, et qui les errans à voye ramainent pensons nous et proposons à vos parties par la gracede Dieu envoier. Donné en Avignon, le treziesme jour de Juing, le V® année de nostre regnation de nostre pappas.
Explicit.
.F Émlile tn.
