PROLOGUE

lay, qui estoit vray hypocrite S leur feit le meilleur visaige qu'il estoit possible et les mena veoir la bonne dame OisUïe et le gentil homme Symontault.

La joye fut si grande en ceste compaignie miraculeusement assemblée, que la nuict leur sembla courte à louer Dieu dedans Téglise de la grâce qu'il leur avoit faicte. Et, après que sur le matin eurent prins ung peu de repos, aUerent oyr la messe et tous recepvoir le sainct sacrement de unyon, auquel tous chrestiens sont uniz en ung, suppliant celluy qui les avoit assemblez par sa bonté, parfaire le voiage à sa gloire. Après disner envoyèrent sçavoir si les eaues estoient poinct escoulées, et, trouvant que plustost elles estoient creues et que de longtemps ne pourroient seurement passer, se délibérèrent de faire ung pont sur le bout de deux rochiers qui sont fort près l'un de l'autre, où encore il y a des planches pour les gens de pied qui venans d'Oleron, ne veullent passer par le guey*. L'abbé fut bien aise qu'ilz faisoient ceste despence, afin que le nombre des pèlerins et pèlerines augmentast, les foumyt d'ouvriers ; mais il n'y meist pas ung denier, car son avarice ne le permectoyt. Et, pour ce que les ouvriers dirent qu'ils ne sçauroient avoir faict le pont de dix ou douze jours, la compaignie, tant d'hommes que de . femmes, commença fort à s'ennuyer ; mais Parlamente, qui estoit femme de Hircan, laquelle n'estoit jamays oisifve ne melancolicque, aiant demandé congé à son mary de parler, dist à l'ancienne dame Oisille : « Madame, je m'esbahys que vous qui avez tant d'expérience et qui maintenant à nous femmes tenez lieu de mère, ne regardez quelque passetemps pour adoulcir l'ennuy que nous porterons durant notre longue demeure ; car, si nous n'avons quelque occupation plaisante et vertueuse, nous sommes

1. Cette phrase ne se trouve pas dans l'édition de 1558, ni dans les suivantes. Les éditeurs n'admettaient pas qu'il y eût des abbés hypocrites, ou ne voulaient pas qu'on le dit.

2. C'est à tort que M. Le Roux de Lincy, qui a imprimé veullent passer par le gave, a dit avoir pris cette leçon dans le manuscrit 75762. Ce manuscrit porte : Ne veulent passer par le guave, et ce dernier mot est corrigé en gué. C'est, du reste, le vrai sens de la phrase.

en dangier de demeurer malades. » La jeune vefve Longarine adjousta à ce propos ; « Mais, (jui pis est, nous deviendrons fascheuses, qui eét une maladie incurable ; car il n'y a nul ne nulle de nous, si regarde à sa perte, qu'il n'ayt occasion d'extrême tristesse. » Ennasuite, tout en ryant, lui respondit : « Ghascun n'a pas perdu son mary comme vous, et pour perte de serviteurs ne se fault pas désespérer, car l'on en recouvre assez .Toutes foys, je suys bien d'opinion que nous aions quelque plaisant exercice pour passer le temps ; autrement, nous serions mortes le lendemain. » Tous les gentilz hommes s'accordèrent à leur avis et prièrent la dame Oisille qu'elle voulut ordonner ce qu'ilz avoient à faire ; laquelle leur respondeit : « Mes enfans, vous me demandez une chose que je trouve fort difficile de vous enseigner, un passetemps qui vous puisse délivrer de vos ennuictz; car, aiant cherché le remède toute ma vye, n'en ay jamais trouvé que ung, qui est la lecture des sainctes lettres en laquelle se trouve la vraye et parfaicte joie de l'esprit, dont procède le repos et la santé du corps. Et, si vous me demandez quelle recepte me tient si joyeuse et si s^fine èur ma vieillesse c'est que, incontinant que je suys levée, je prends la saincte Escripture et la lys, et, en voiant et contemplant la bonté de Dieu, qui pour nous a envoyé son filz en terre annoncer ceste sainte parolle et bonne nouvelle, par laquelle il promect remission de tous péchez, satisfaction de toutes debtes par le don qu'il nous faict de son amour, passion et mérites, ceste considération me donne tant de joye que je prends mon psaultier et, le plus humblement qu'il m'est possible, chante de cueur et prononce de bouche les beaulx psealmes et cantiques que le sainct Esperit a composé au cueur de David et des autres aucteurs. Et ce contentement là que je en ay me faict tant de bien que tous les maulx qui le jour me peuvent advenir me semblent esjre bénédictions, veu que j'ay en mon cueur par foy celluy qui les a portez pour moy. Pareillement, avant souper, je me retire pour donner pasture à mon ame de quelque leçon ; et puis au soir faictz une recollection de tout ce que j'ay faict la journée passée pour demander pardon de mes faultes, le remer-