De ce qu'ils uicritciiL

drapperont sur la tissure de Simontault * et tout à noz despens. Parquoy, il vault mieulx aller oyr vespres, à fin que nous soyons tant attendues que nous fusmes hier. »

La compaignîe fut de son oppinion, et, en allant, Oisille leur dist : « Si quelqu'un de vous rend ^aces à Dieu d'avoir, en ceste Journée, dict la vérité des histoires que nous avons racomptées, Safifredent luy doibt requérir pardon d'avoir remémoré une si grande villenie contre les dames. — Par ma foy, respondit Saffifedent, combien que mon compte soit véritable, si est-ce que je Tay oy dire. Mais, quand je vouldroye faire le rapport du cerf à veue d'œil *, je vous ferois faire plus de signes de croix, de ce que je sçay des femmes, que Ton en faict à sacrer une église. — C'est bien loing de se repentir, dist Geburon, quand la confession aggrave le péché. — Puisque vous avez telle oppinion des femmes, dist Parlamente, elles vous debvroient priver de leur honneste entretenement et privaultez. » Mais il luy respondit : « Aulcunes ont tant usé, en mon endroict, du conseil que vous leur donnez, en m'esloingnant et séparant des choses justes et honnestes, que si je pouvois dire pis et pis faire à toutes, je ne m'y espargneroie, pour les inciter à me venger de celle qui me tient si grand tort. » En disant ces parolles, Parlamente meit son touret de nez, et, avecq les aultres, entra dedans l'église, où ilz trouvèrent vespres très bien sonnées, mais ilz n'y trouvèrent pas ung religieux pour les dire, pource qu'ilz avoient entendu que dedans le pré s'assembloit ceste compaignie pour y dire les plus plaisantes choses qu'il estoit possible ; et, comme ceulx qui aymoient mieulx leurs plaisirs que les oraisons, s'estoient allés cacher dedans une fosse, le ventre contre terre, derrière une haye fort espesse. Et là avoient si bien escouité les beaulx comptes, qu'ils n'avaient point oy sonner la cloche de leur monastère. Ce qui parut bien, quand ilz arrivèrent en telle haste.