Sur le texte fouriii par Simonlault

^. Expression de vénerie qui équivaut à celle-ci : De visu.

que quasi Talame leur failloit à commencer vespres. Et quand elles furent dictes, confessèrent à ceulx qui leur demandoient Toccasion de leur chant tardif et mal entonné, que ce avoit esté pour les escouter. Parquoy, ¥oyans leur bonne volunté, leur fut permis que tous les jours assisteroient derrière la haye, assis à leur aise. Le soupper se passa joyeulsement, en relevant les propos qu'ilz n'avoient pas mis à fin dans le pré, qui durèrent tout le long du soir, jusques à ce que la dame Oisille les pria de se retirer, à fin que leur esprit fust plus prompt le lendemain, après ung bon et long repos, dont elle disoit que une heure avant mynuict valoit mieux que trois après. Ainsi, s'en allant chascun en sa chambre, se partit ceste compaignie, mettant fin à ceste seconde Journée.