PRÉ

« Les promesses mesmes de la médecine sont incroyables : car, ayant à prouveoir à divers accidents et contraires qui nous pressent souvent ensemble, et qui ont une relation quasi nécessaire, comme la chaleur du foye, et froideur de l’estomac, ils nous vont persuadant que, de leurs ingredients, cestuy cy eschauffera l'estomac, cet aultre refreschira le foye; l’un a sa charge d’aller droict aux reins, voire jusques à la vessie, sans estaler ailleurs ses opérations, et conservant ses forces et sa vertu, en ce long chemin et plein de destourbiers, iusques au lieu au service duquel 1l est destiné, par sa propriété occulte ; l'autre asseichera le cerveau; celuy-la humectera le poulmon, De tout. cet amas, ayant faict une mixtion de breuvage, n’est ce pas quelque espèce de resverie d’esperer que ces vertus s’aillent divisant et riant de cette confusion et meslange pour courir à charges si diverses ? le craindrois infiniment qu’elles perdissent ou echangeassent leurs étiquettes, et troublassent leurs quartiers. Et qui pourroit imaginer qu’en ceste confusion liquide, ces facultez ne se corrompent, confondent et alterent l'une l’aultre ? Quoy, que l'exécution de cette ordonnance despeñd d’un aultre officier, à la foy et mercy duquel nous abandonnons, encores un coup, nostre vie ?

Chapitres des Essais contenant des appréciations sur la médecine.