CHANSON NOUVELLE
du discours de l'ordonnance du Roy sur le faict de la police générale de son royaume (1571)
Le noble roy Henry troisiesme Ayant mis paix en son pays, A, sur la monnoye luy-mesme, Reiglement et police mis.
Luy, comme roy, chef de justice, Craignant Dieu, aymant l’équité, A fait généralle police,
Comme il vous sera récité,
Sa Majesté ne veut permettre De vendre aux greniers le blé, Mais place y a pour le mettre Au marché, et là l’estaller.
En ensuyvant il fait deffence
À tous les maistres boulangers Des villes et bourgs de la France, De n’en lever que dix septiers.
En tout temps, dedans la boutique De trois sortes de pain auront, Bien garnies ; c’est leur trafique, Et condamner ceux qui fauldront.
Le plus cher vendue la pinte Partout ne sera que deux sols ; Qui le vendra plus cher sans fainte Payera l’amende tout son soul.
Et aussy du gros bois à voye
Venant par eau en ces cartiers,
En flotte, ne veut pas que l’on paye Au plus qu’un escu et un tiers.
nee oo
Vendues seront menues denrées :
Le cent de costerets trente sols, Fagots vingt-cinq, et bourrées Vingt sols, et encore au-dessous.
Aux chartiers pour leur voiture Allans de Grève à Saint-Benoît, Pour le plus en toute monnoyÿe, Payé sera huict sols tournois.
Deffences aux bouchers d’aller prendre À sept lieues auprès de Paris,
Le bestail qui se doit vendre
Aux marchez, ou seront punis.
Trois sols la livre de chandelle Vendue sera seulement ;
Si le chandellier est rebelle Condamné sera rudement,
Aux rostisseurs, pour l’abillage, D'une grosse pièce sans plus Prest à larder, selon l’usage, Aura un douzain et non plus.
Payé sera pour la despence D’homme et cheval à l’hostellier Pour le jour, suyvant l’ordonnance, Vingt et cinq sols au prix dernier,
Les tavernes seront munies
De ce qu’il faut, tant pain que vin, De viandes seront fournies, Comme il appartient à tel train.
LA QUESTION ÉCONOMIQUE AU XVIe SIECLE
Six blancs on payera sans crainte Pour le plus grand fer de cheval, Deux sols le moyen, et le moindre Dix-huict deniers au maréchal,
Deffences sont faictes civiles Aux cordonniers de ce pays, De ne partir de ceste ville Pour aller au devant des cuirs.
Quant au poinct du soulier de vache Ne sera vendu que deux sols,
Que le cordonnier ne s’en fache Celuy de veau va au-dessous.
Et quant au faict des draps de soye Point je n’en parlerai icy, Plus d’escu y a que de monnoÿe,
Les riches ont pour moy soucy,
Deffendu est de s’entremettre
De teinture, le fait est tel,
Si de leur art 1lz ne sont maistre, Enregistrez au Chastelet.
Banquets ne feront ne despence
Les jurez de chacun mestier :
En passant maistres en ceste France, N y d’eulx prendre aucun denier.
Tous serviteurs qui auront maistre Les serviront fidellement,
Ou se verront par justice estre Punis sur le champ rudement,
Pour nostre usage draps de laine Seront remis en leur largeur, D'une aune et un quart, sus peine De contrevenir au seigneur.
Chacune personne est subiecte, Suyvant la fin de ce discours, D'’aider à maintenir necte
Les villes de France et faubourgs.
