II. 24 mars. Interrogatoire du prévenu. •* Extrait

Arch. nat., L 534'', cahier 43, original, 6 feuillets papier.

Information fiiitte par moy, René Alleanme, clerc et commis de m* Léon Bouland, gresffier de mess» les doyen et chappitre de l'église de Paris, de l'ordonnance de mons' m« Thomas de Brageloigne, licencié en loix, conseiller du Roy nostre sire en la conservation des privilleges royaulx de l'Université de Paris, chambrier lay de lad. église de Paris pour mesd. s» de chappitre, à la requeste du procureur fiscal de lad. église de Paris, à Pencontre d'un nommé Ânthoine, autrement dict le Barbet, portier de l'Hostel-Dieu de Paris.

Du xxii« mars V» XXXV.

Pierre de Grain, serviteur de l'Hostel-Dieu de Paris, natif de ceste ville de. Paris, aagé de xx ans ou environ, comme dict, juré, oy et examiné sur la vie et renommée d'un nommé Anthoine, portier de l'une des portes dud. Hostel-Dieu, du costé de Nostre-Dame, premièrement dict que deux ans sont ou environ qu'il demeure oud. Hostel- Dieu et que ung an a ou environ que led. Anthoine y vint demeurer et que dés led. temps il le congnoist de veue et non autrement, et que led. Anthoine est ung homme yvroigne, ung jureur et blaphemateur du nom de Dieu, comme il a yeu plusieurs foys ; aussy dict que, deux moys sont ou environ, il veit que led. Anthoine s'adressa à une religieuse, nommée seur Anne, portière de la porte de devers Petit-Pont, à laquelle, en jurant et blaphemant le nom de Dieu, comme le sang Dieu, mort Dieu et autres parolles, à laquelle il dist telles parrolles ou semblables : « Par la mort Dieu, tout n'en vault rien! », toutesfois ne sçait qu^il voulloit dire par ses parrolles. Aussi dict que dimenche derrenier, entre les six et sept heures du soir, luy estant a l'huys du ponceau, en descendant à la court basse dud. hostel, avec deux autres serviteurs dud. Hostel-Dieu, ainsy qu'ilz souppoient, led. Anthoine s'adressa à eulx, lesquelz il sallua, et, ce £aict, print du ris qu'ilz avoient pour leur soupper et en mengea quelque peu ; par après s'en retourna, et incontinent revynt vers led. déposant, auquel, sans que icellui déposant luy dist aucune chose, il luy donna sur le doz deux

DocumifTS. 367

ou troys coups d'un baston de boys qu'il tenoit en sa main, et après qui l'eut frappé, luy dist en jurant le nom de Dieu, que l'on luy ayoit dict qu'il avoit beau membre ; à quoy luy fut faict response par ied. déposant qu'il monstrast le sien et qu'il le luy monstreroit; et incontinent ces parroUes dittes, Ied. Anthoine, en jurant et blaphemant le nom de Dieu, comme mort, sang, chair Dieu, demanda aud. déposant s'il luy portoit poinct d'honneur en disant qu'il estoit marié, et luy donna ung coup de poing soubz le menton en disant qu'il s'en repentlroit. Et incontinent le maistre dud. Hostel-Dieu, duquel il ne sçait le nom, illec arriva, qui demanda aud. déposant quel bruyt ilz fûsoient ; à quoy fut respondu par icelluy déposant que c'estoit Ied. Anthoine qui l'estoit venu batre sans qu'il luy demandast aucune chose ; et en disant ces paroUes Ied. Anthoine s'adressa de rechef aud. déposant, auquel, en la présence dud. maistre et d'un religieulx, nommé frère Pierre Besnart, il donna quatre coups d'un pied de biche, qu'il tenoit en sa main, sur le doz d'icellui déposant, en jurant et blaphemant de rechef le nom de Dieu. Et sur l'heure illec arriva ung nommé messire Jehan Lefevre, chappellain dud. Hostel-Dieu, qui se mist entre ied. déposant et Ied. Anthoine pour les dessembler, et sans ce que Ied. Lefevre luy dist aucime chose , fors que c'estoit qu'il vouUoit fere, luy donna ung coup de poing par l'estomac, en jurant et blaphemant le nom de Dieu, et ce faict, se retira Ied. déposant et s'en alla. Et peu de temps après, Ied. déposant estant prés la chappelle, dores veid Ied. Anthoine courir par la salle des malades en jurant, blaphemant le nom de Dieu et le renyant, qu'il tueroit Ied. Fabry ; et ainsi qu'il couroit, ung nommé Loys, en£Emt de cueur, et autres religieuses le aresterent et saisirent au corps en luy remonstrant que c'estoit qu'il voulloit fere, et, ce faict, le ramenèrent en la court basse; et pense Ied. déposant que si Ied. Anthoine n'eust esté arresté, qu'il eust oultragé Ied. Lefevre. Et autre chose n'en sçait. Loys Besche, enffant de cueur, natif de Paris, aagé de xzi an ou

environ a veu plusieurs fois que Ied. Anthoine a dict plusieurs

perroUes injurieuses à quelques femmes malades et semblables aux religieuses, comme les appellant c paillardes » Toutesfois Ied. messire Jehan Fabry luy dist de rechef qu'il se retirast, en luy remonstrant que ce n'estoit bien faict de fere tel scandalle; alors Ied. Anthoine luy dist qu'il allast confesser ses paillardes et qu'il ne se souciast d'autre chose; et voyant Ied. Fabry que Ied. Anthoine le injurioit, il le poussa, en l'appellant c yvroygne » ; et incontinent Ied. Anthoine leva ung baston de boys rouge duquel il cuyda frapper Ied. Fabry ; et voyant icelluy Fabry qu'il l'avoit voulu frapper, il luy donna ung coup d'un pied de biche qu'il tenoit en sa main, lequel il avoit osté, comme l'en disoit, au portier, en bâtant Ied. Pierre ; alors Ied. Anthoine dist aud. maistre qu'il estoit blessé et qu'il s'en vengtroit, quoy qu'il

368 DBUXiftia PARTIE.

tardast ; durant lesquelles parroUes led. Fabry se retira sur la montée estant prés de la chambre des chappellainS| en regardant le tumulte et scandalle qu'il faisoit en lad. salle; et alors led. Anthoine advisa led. Fabry, qui le regardoit, et s'efforça de eschapper des mains dud. déposant, qui le tenoit saisy, et de faict esehappa et courut vers led. Fabry, en montant lad. montée, (>our oultraiger led. Fabry, comme croict led. déposant ; et, ce faict, quelques filles coururent après luy et le repoussèrent quelque peu; nonobstant ce, il s'efforça tousjours de vouUoir monter, et voyant led. déposant son mauvais voulloir, il remonta vers luy, le saisit au corps et le remena jusques sur led. ponceau ; et ce âdct, le maistre le feist descendre, et s'en alla avec led. déposant led. maistre et frère Claude de Paris au cabaret estant en la court basse, et là arriva ung serviteur du barbier, nommé Adam, qui entra en icellui cabaret pour babiller, lequel fut enfermé par led. maistre avec led. Anthoine et autres en icellui cabaret; et, ce faict, mist icelluy Anthoine la teste â une fenestre dud. cabaret, en disant plusieurs meschantes parroUes des religieulx et religieuses, comme les appellant c paillardes, meschantes macquerelles », et que ce n'estoit qu'un bordeau de la maison ; ce faict, led. Anthoine comme (sic) de rechef à blaphemer le nom de Dieu, en disant telles parroUes : t Fabry, Fabry, par le sang, je te tueray 1 je te auray mort ou vif ! »

Barbe, vefve de feu Robert Pèlerin, dict qu'eUe a veu plusieurs foys que led. Anthoine, dict Barbet, a dict plusieurs parroUes injurieuses à des pauvres femmes malades, et semblablement à elle qui parle, comme les appeUant c meschantes paillardes, macquereUes » ; aussi a veu qu'il a faict plusieurs oultraiges aux pauvres, mesmes aux filles et femmes y estans malades, comme les descouvrant et fusant plusieurs autres maulx ; et quant on luy remonstroit que l'on le diroit à mons' le maistre , il disoit qu'il n'avoit que fidre de luy et qu'il estoit plus grand maistre que luy. Aussi dict que dimenche dernier, environ les vespres, eUe estant en la saUe du Légat, elle veid que led. Anthoine s'adressa au lict d'une femme, nommée Avoye, estant couchée dedans, lequel rompit partie du ciel dud. lict, en disant qu'il seroit tout uny et qu'U voulloit qu'U n'y eust aucun ciel en iceUe saUe, et alors lad. Avoye luy demanda pourquoy il rompoit led. ciel, en disant qu'eUe diroit à mons' le maistre, à quoy luy [fut] £eiict response par iceUui Anthoine qu'il n'avoit que faire de mons' le maistre et estoit plus grant maistre que luy

Katherine Bouillant, vefve de feu Anthoine la Poulie, à présent malade oud. Hostel-Dieu, dict que Tyver derrenier, autrement du temps n'est records, elle a veu plusieurs foys que led. Anthoine s'est adressé à plusieurs malades et mesmes aux femmes, et les decouvroit, en leur disant qu'ilz s'en allassent, et quand lesd. pauvres luy disoient

que mous' le maistre ne Tentendoit pas, il faisoit response, en jurant et blaphemant le nom de Dieu , qu'il n'avoit que faire de mons>^ le maistre et qu'il ne delaisseroit à mettre lesd. pauvres hors dud. Hostel-Dieu pour luy. Aussi dict que par plusieurs foys elle a yeu que led. Anthoine a dict â quelques femmes malades plusieurs injures, comme les appellant c paillardes, macquerelles et vendeuses de bonnes

filles »

[Signé :] R. Alleaume, commis du grefiBer.

Je requiers prinse de corps contre led. Anthoine, sumominé le Barbet, portier de l'Ostel-Dieu.

Faict le jeudi xxiii« mars Vc XXXV. — Parceval.

Soyt prins au corps, hors lieu sainct, led. Anthoinne, surnommé le Barbet, portier dud. Hostel-Dieu, et amené prisonnier es prisons de la barre.

Faict ce xxiii* jour de mars mil cinq cens trente et cinq. — De Bragueloigne.

Si par plusieurs fois il a pas dict plusieurs parroUes injurieuses

à plusieurs femmes malades, comme les appellant c paillardes, macquerelles, vendeuses de bonnes filles », a dict que vray est qu'il a dict, luy estant en la salle du Légat, qu'il y avoit plusieurs meschantes macquerelles et vendeuses de bonnes filles aud. Hostel-Dieu, et lesquelles il chassoit parce qu'elles venoient le soir coucher oud. Hostel-Dieu et le matin eUes s'en retoumoient, et estoient assez saines pour gaingner leur vie, et aucunes foys venoient quérir des chambrières, qui fedgnoient estre malades, oud. Hostel-Dieu et les menoit où bon leur sembloit, et lesquelles il avec ses compaignons chassoit hors dud. Hostel-Dieu parce qu'il y a beaucoup d'abbuz et qu'il y en a beaucoup qu'ilz ne sont poinct malades.

S'il a poinct batu et oultragé aucunes foys lesd. pauvres, a dict que non.

S'il a pas par plusieurs fois descouvert quelques femmes malades, a dict que vray est que par plusieurs fois il a descouvert un tas de grosses chambrières qui estoient couchées dedans les lictz sans aucuns draps, lesquelles estoient saines, parce qu'elles ne deb voient estre oud. Hostel-Dieu et tenoient la place des malades

Si led. jour il vint pas à ung autre lict qui est vis à vys de celuy de lad. Avoye, ouquel estoit une nommée Katherine, et rompit le ciel dud. lict qui estoit frict de petite menuyserie, a dict que dud. ciel il ne tira que ung des bastons du bout d'embas, parce que plusieurs hommes vont aucunes foys deviser à celle qui estoit dedans icellui

DOCUMEMTB IX 24