CHAPITRE LXXX

Comment le roy d'armes de l'empire rendit les priz, et parla aux champions.

L'acteur. — Les paroUes de l'empereur finées, le roy d'armes descendit, et quant vint aux champions, leur dist : « Messeigneurs les contes et aultres seigneurs Allmans et Franço)'s, tous qui estes cy ; le très chrestien et vertueux prince et nostre souverain seigneur, le roy des Romains et empereur, qui est cy, m'a commandé tous dire que vous tous, tant d'un cousté que d'aultre, Allmans et Françoys, avez aujourd'hui si haultement combatu et si honnourablement faictes voz armes et voz devoirs, que ne sont aucuns qui l'eussent peu mieulx faire ; et tant que, à paine, quant fustes prins, porroit on juger lequel de vous tous, ne lequel party avoit du meilleur ; et pour ce, voult et ordonne que les ungs aux aultres, chascun à son compaignon, donne courte..ement et amiablement son pris, comme s'il avoit gaigné; mais pour ce que, vous, messei-

gneurs les Françoys, par voz vaillances avez sans desmarcher tenue la bataille sur le party et terrain de messeigneurs les AUmans, l'empereur voult, juge et ordonne que, pour ce, ilz s'acquictent et vous paient les premiers, et puis vous à eulx, affin que voz très belles dames ne perdent mie leurs droits ; et encores que au saillir des lices, soiez deux à deux, per à per ; et, vous, messeigneurs les Françoys, pour l'honneur de voz armes, ystrez à la main dextre. » Alors tous à genoulz à l'empereur remercièrent, puis s'acquiterent à grans honneurs, les ungs aux aultres de leurs pris ; et puis, comme ordonné estoit, ilz yssirent hors. Lors les ungs des aultres prindrent congié, et s'en vont desarmer en leur logeis jusques au soir, qu'ilz soupperent avec l'empereur, et le lendemain disnerent avec l'emperiere qui leur fist très grant chiere et honneurs ; et les ungs avec les aultres disnerent et soupperent tous les jours jusques au quinziesme jour de leur venue, qu'ilz disnerent de rechief avec l'empereur. Et lors de luy, de l'emperiere et des aultres seigneurs et dames prindrent congié, qui leur donnèrent drap d'or et de soye, vaiselle d'argent et de beaulx destriers, et maints aultres beaulx dons, et aussi leurs compaignons à eulx, et eulx à leurs compaignons. Lors, après leurs congiés prins, à cheval montèrent, très grande-

ment accompaignez de plusieurs seigneurs une bonne lieue; alors à très grans honneurs et courtoisies, les ungs des aultres prindrent congié. Et par maints jours après louèrent tous et toutes, leurs grans honneurs et vaillances, et aussi du bel estât et compaignie qu'ilz menoient, disant les ungs aux aultres publicquement, que se l'empereur eust tant soit peu tardé de les faire prendre et départir, que vrayement ilz estoient au dessoubs ; car l'ung estoit fort blecié au pié tout oultre tant qu'il n'en povoit plus, et les aultres deux avoient jà perdu de leur sang tant qu'ilz estoient presque pasmez, et oultre avoient perdue place grandement ; si que la journée estoit pour eulx. Et à tant laisseray cy à parler de leurs armes et de leur très joyeulx retour, et diray de leur venue devers le roy.

jSo LE PETIT JEHAN DE SAINTRÈ