CHAPITRE LXXXI

Comment le seigneur de Saintré et ses compaignons sont venuz devers le roy.

L'acteur. — Quant le seigneur de Saintré et les aultres seigneurs ses compaignons vindrent, par Lusarches, à Sainct Cosme et Sainct Damien pèlerins, puis le soir à Sainct Denys, la nouvelle fut par tout de leur très joieuse et désirée venue ; dont le roy, la royne, les seigneurs et dames, et ung chascun furent très joyeulx. Au devant leur furent, par ordonnance du roy, messeigneurs les ducs de Berry et de Bourgongne, frères, qui ou meiilieu d'eulx menèrent le seigneur de Saintré. Et y furent les contes de la Marche, de Flandres, de Clermont, de ReLhel, de Brienne, du Perche, de Beaumont, d'Armignac et le conte Dauphin dAuvergne, ordonné chascun de accompaigner le sien. Et quant ilz furent devers le roy, il leur fist très bonne chère, aussi la royne et les aultres seigneurs, dames et damoyselles, et tous ceulx de la court ; dont,

pour abréger, quant tous eurent faictes leurs révérences et bonnes chieres, et que de leur retour furent aucun peu réponses, le seigneur de Saintré, tout esbay et esmerveillé de ce qu'il ne veit ma dame, comme celle que plus ou monde il desiroit, doubla qu'elle fut malade ; lors se traict devers ma dame de Sainte More, sa cosine, et d'une parolle après les aultres, comme se riens n'y pensast, luy dist : « Hé ! vraiement, ma cosine, quant je me advise, est ma dame malade, car elle n'est mye ycy? — Ma dame, dist elle, est bien malade ; quant au cueur de la royne, elle a bien pyssé en son Jacques de soye ; car environ trois sepmaines après que fustes party, une maladie la print telle que à veue d'oeil elle seichoit, tellement que, selon le dit du phisicien de la royne, elle estoit bien brief ethicque ou morte, se son ayr naturel ne l'eust retournée. Et lors pour deux moys la royne luy donna congié, et au bout de deux moys et demy, actendu qu'elle ne venoit, la royne l'envoya requérir de sa foy, et luy escripvit par maistre Julien de Broy, et depuis au chief d'aultres deux mo5'S encores luy escripvit, et elle tousjours dist : « Je viens, je viens ; » et encores est à venir. » Quant monseigneur de Saintré entend qu'elle fut ainsi malade, si pensa aux choses qu'elle luy avoit dictes, c'est que jamais son cueur n'auroit joye jusques

il feust revenu ; si s'apensa, ainsi que vray estoit, que pour oblier ses amoureuses douleurs s'en estoit allée. Lors fut assez plus joieulx qu'il n'avoit esté ; si s'apensa que vrayement, avant qu'elle sceust sa venue, par laquelle aussi tost que elle le sçauroit, tantost elle retourneroit, mais vraiement il convenoit que avant son retour il l'allast veoir, pour plus à loisir avec elle deviser. Si fut en ce pensement dix ou douze jours, lors dist au roy : « Sire, se c'estoit vostre plaisir pour aulcuns jours moy donner congié pour aller veoir huit ou dix jours ma dame ma mare qui le m'a mandé, très humblement vous en vouldroye supplier. » Le roy luy dist : « Et comment, Saintré, vous ne povez arrester? mais pour ce que vostre mère le vous a mandé, pour ung moys nous vous donnons congié. » Et quant le seigneur de Saintré l'eut remercyé, lors jour et nuyct ne cessa de faire habiller ses gens, et luy aussi, et ses chevaulx, pour plus amoureusement complaire à celle qui tout son cueur avoit. Puis prent congié du roy, de la royne et de messeigneurs, et ne cessa oncques tant qu'il vint à la bonne ville, à une lieue de l'hostel oîa ma dame estoit, et là disnast. Puis se mist en point d'un pourpoint de cramoisi broché de fin or, de chausses d'escarlate brodées de très fines perles, aux couleurs et devises de ma

dame, une barecte d'une très fine escarlate, que en ce temps on portoit, où estoit ung; très bel et riche aficquet ; accompaigné de deux chevaliers et douze escuiers de son hostel, bien en point, et tous vestus de semblables robbes à la devise de ma dame, la vint veoir en son hostel. Et quant il fut à la porte, le portier vint, qui leur demanda qu'ilz vouloient ; et il luy dist que il fist assavoir à ma dame que là estoit monseigneur de Saintré. « Vraiement, dist le portier, elle est allée ce matin à l'abbaye oir messe, et puis disner là. » Lors s'en alla en celle abbaye, et trouva que ma dame et damp Abbez estoient allez, après disner et dormir, en gibier des espreviers. Lors se fist monstrer quelle part il les trouveroit, et quant il fut ung peu eslongné, il appela quatre ou cinq de ses gens, et leur dist : « Picquez des espérons, et allez là, et vous là, et vous là ; et se voyez dames à cheval, venez à moy. » Lors chascun alla sur les champs, et ne tarda guieres que l'ung tout courant retourna, et dist : « Monseigneur, j'ay veu environ vingt chevaulx, où sont sept ou huit dames, ou damoyselles attournées. » Alors le bon chevalier, qui encores les faulces amours de ma dame n'avoit sceues ne pensées, chevaucha tant que cheval peut galopper, ne cuydant jamais veoir l'eure que sa très belle et désirée dame il peust veoir. Et

quant il l'apperceut, il eut tout le cœur ravy de joye, ainsi joly qu'il et tous ses gens estoient, brocha son bel et fringant destrier droit à elle. Là estoit ung des moynnes de damp Abbez, qui les vit et s'approcha de damp Abbez et luy dit. Quant damp Abbez, qui per à per de ma dame estoit, vit chevaulx courir, qui fut seur ne fut il mye ; car il pensa que ce fussent aulcuns parens de ma dame, qui se fussent advisez de leurs amours, et luy voulsissent son habit fourrer. Lors vira .et tallonna sa muUe bien tost à cousté ; et, son esprevier sur le poing, lui, atout ses moynnes qui portoient grans bouteilles et le gardemenger pour refrechir, tant qu'il peut se tira à l'^equart, comme se il n'osoit de ma dame approcher; et de faict l'abandonna. Ma dame, pour veoir quelz gens c'estoient, son esprevier sur le poing, et sur sa grosse hacquenée, toute coye, avec ses gens les actendit. Et quant ses gens recogneurent que c'estoit le seigneur de Saintré : « Dieu, dist elle, vous mecte tous et toutes en malle estrance ! Faut il que pour ung homme ainsi desvoyez ? » Et, en disant ces paroUes, le seigneur de Saintré, le cueur ravy de joye, prestement descendit, et quant ma dame le vit à terre, commença à crier si hault que plusieurs l'entendirent, et luy dist : « Ha! sire, le très mal venu soyez vous.»

Le seigneur de Saintré, qui mye n'entendoit ces parolles, à très grant joye, un genoil bas, luy toucha la main, et dist : « Ha ! ma très redoublée dame, comment vous est? — Comment, dist elle, faut-il demander ce qu'on voit ? Ne voyez vous pas bien que je suis sur ma hacquenée et tiens mon esprevier. » Alors vira sa hacquenée et appella ses chiens pour giboyer, comme celle qui de luy ne tint compte, et qui le mesprise. Saintré, qui oyt de ma dame sa très cruelle responce, ne sceut que penser, fors que au passer que les dames et damoyselles firent, à toutes toucha la main, accolla et baisa, puis monta à cheval et va après ma dame ; et lors chascun luy vint faire la révérence et saluer. Et quant il fut approché de ma dame, tout pensif luy dist : « Hé ! ma dame, esse à bon escient, ou pour moy essayer, que si foible responce m'avez faicte, moy qui suis celuy qui tant vous ay aymée, et suis celuy qui oncques ne vous desobeys ? Hé 1 ma dame, est il nully qui vous ay dit le contraire ? s'il est aucun, vous en verrez la vérité. » iVIa dame, qui desplaisir prenoit de sa compaignie et en toutes ces parolles, luy dist : « Savez vous aultre chanson que ceste ? se n'en sçavez, que vous taisez. » Et endementiers que ces parolles estoient, damp Abbez fust asseuré, et fist demander au maistre d'hostel, par ung de ses

moynnes, qui ce seigneur estoit. Et quant damp Abbez sceut que c'estoit le seigneur de Saintré, lors le vint saluer, et dist : « Mon très honoré seigneur, vous et vostre compaignie, soyez vous les très bien venuz, car, sur ma foy, j'avoye plus grant désir de vous veoir, que seigneur de ce monde. » Le seigneur de Saintré, qui à ces parolies comprint que c'estoit l'Abbez, et aux moynnes qui derrière lu}' venoient, luy dist : « Damp Abbez, vous soyez le très bien trouvé, et aussi vostre compaignie. — Monseigneur, dist damp Abbez, qui du tout fut asseuré, et que dictes vous de ma très redouptée dame, qui tant s'est voulu incliner que de prendre la patience avec son povre moynne, pour venir giboier. — Ma dame, dist le seigneur de Saintré, faict comme dame de tout bien et de tout honneur, et est honnourable occupacion pour plus joieusement passer le temps, et si a tousjours amé saincte Eglise. » Et à ces parolies, pas à pas damp Abbez se esloigna, et lessa ma dame et le seigneur de Saintré ensemble, car jà estoient vespres sonnées. Damp Abbez s'approcha de l'ostel, et manda par ung de ses moynnes au maistre d'ostel qu'il sceut à ma dame se on retendroit le seigneur de Saintré au soupper. Le maistre d'ostel s'approcha de ma dame, et luy dist ce que damp Abbez luy mandoit ; ma dame, qui pas bien ne l'entendit

de prime face, luy demandoit qu'il disoit ; lors redist si hault que le seigneur de Saintré l'entendit. Et quant ma dame l'eut entendu, si pensa ung peu, et puis luy dist : « Mandez luy que ce qu'il vouldra en face, mais ne luy déchirez mye sa robbe de trop prier. » Le seigneur de Saintré, qui tout ce eut oy, et qui congneut bien la chose, se pensa et en soy dist qu'on ne luy rompist mie sa robbe, que pour bien veoir la farce au premier prier se consentiroit. Ma dame, qui de ses premières amours ennuyée estoit, dist qu'elle estoit traveillée, et qu'on tirast à l'ostel. Damp Abbez, qui estoit gracieulx sire, estoit jà devant, qui avoit fait jà tout apprester. Le seigneur de Saintré descendit de dessus son cheval, et voult à ma dame aider à descendre, mais elle demanda ung de ses gens ; et quant elle fut à pié, le seigneur de Saintré voult prendre de ma dame congié;et ainsi qu'elle luy tendoit la main, damp Abbez, pour monstrer sa courtoisie, dist à ma dame : « L'en laisserez vous aller ? — Je m'en attens à vous et à luy, dist elle. » Lors damp Abbez luy dist : « Hé ! monseigneur de Saintré, ne prendrez vous m.ye avec ma dame la patience ? et je vous en prie, demourez. » Alors le seigneur de Saintré dist à damp Abbez : « Monseigneur, à vostre première requeste ne vueil mye desobeyr, ne reffuser. »

Lors le seigneur de Saintré retint deux escuyers, ung varlet et un page sans plus, et le surplus renvoya à la bonne ville soupper, et au maistre d'ostel dist que bien tost à l'hostel de ma dame revensissent devers luy. Lors furent les tables mises, et le soupper tout prest. Ma dame lava ses mains seuUe, damp Abbez et le seigneur de Saintré après. Lors, pour cause d'estat et de la dignité, damp Abbez fut assis au hault bout de la table, le viz tourné au bas bout devers ma dame, et le doz au bout du banc appu3'é ; ma dame après, et puis le seigneur de Saintré, dame Jehanne et dame Katherine après. Lors tout premier furent serviz de sallade que ma dame et damp Abbez mangeoient voulentiers ; puis les grans platz tous combles de lapereaulx, de perdriaulx et de gros pigeons d'ostel, et de très bons vins de Beaulne, de Tournon et de Sainct Boursain. Et quant les pances furent comme remplies, à l'eure que les langues commencèrent à deslier, alors damp Abbez se commença à reveiller, et dist : « Ho! monseigneur de Saintré, reveillez vous, reveillez! je boy à votre pensée, et qu'est ce cy ? vous ne faictes que penser. » Lors le seigneur de Saintré luy dist : « Monseigneur l'Abbez, je me combas à tant de bonnes viandes et de bons vins que je voy devant moy, que je n'ay loysir d'aultre chose faire. — Monseigneur de Sain-

tré, dis damp Abbez, vous ne savez, j'ay plusieurs fois pensé si peut estre que entre vous aul:res nobles hommes, chevaliers et escuiers, qui faictes si souvent armes, et quant ilz reviengnent, ilz dient qu'ilz ont gaigné. » Lors tourna son parier à ma dame, et luy dist : « Ma dame, n'est il mye ainsi ? — Vrayement, Abbez, dist ma dame, vous dictes vérité, et que puisse ce estre ? beau sire, dictes nous vostre cuyder. — Ma dame, dist damp Abbez, voulez vous doncques que je vous dye, ce sera de vostre congié et commandement, je ne sçay se monseigneur de Saintré m'en saura aucun mauvais gré ; mais puisque le voulez, ma dame, mon penser est tel : Hz sont plusieurs chevaliers et escuyers en la court du roy et de la royne, et d'aultres seigneurs et dames, et aussi d'aucuns aultres, qui dient estre des dames si loyaulx amoureux ; et pour acquérir voz grâces, s'ilz ne les ont, pleurent devant vous, souspirent et gémissent, et font si les douloureux que par force de pitié, entre vous, povres dames qui avez les cueurs tendres et piteux, fault que en soyez deceues, et que tombez en leurs désirs et leurs lacs ; et puis s'en vont de l'une à l'aultre, et prennent une emprise d'une jartiere, d'ung bracelet, d'une rondelle ou d'ung navet, que sçay je ? ma dame, et puis vous dient ung tout seul à dix ou douze : « Hé ! ma dame, je

590 LE PETIl JEHAN DE SAINTRÉ

porte ceste emprise pour l'amour de vous. » Hé ! povres dames, comment estes vous abusées de voz amoureux en plusieurs faitz, desquelz n'est mie en ce cas toute loyauté envers sa dame. Alors le roy, la royne et tous les seigneurs, les louent et prisent, et donnent de leurs biens largement, dont ilz se mectent bien en point. Et n'est il mie vray? ma dame, qu'en dictes vous ? » Ma dame, qui de ce oyr fut bien aise, en soubzriant luy dist : « Et qui le vous a dit, Abbez? quant à mo)', je croy qu'il soit ainsi. » Et en disant ces parolles, elle marchoit sur les pies de damp Abbez. « Encores, ma dame, vous dis je plus, quant ces chevaliers ou escuiers vont faire leurs armes, et ont prins congié du ro)', s'il faict froit, ilz s'en vont à ces poiles d'AUemaigne, se rigollent avecques ces filletes tout l'yver ; et s'il fait chault, ilz s'en vont en ces délicieux royaulmes de Cecille et d'Arragon, à ces bons vins et viandes, à ces fontaines et bons fruictz, et à ces très beaulx jardins, et tout l'esté repaistre leurs j'eulx de ces très belles dames et gentilzhommes, qui leur font très bonne chiere et honneur assez; puis ont ung vieil menestrier ou trompeté qui porte un vieil esmail, et luy donnent une de leurs vieilles robbes, et crye à la court : « Monseigneur a gaigné ! Monseigneur a gaigné, comme vaillant, le pris

des armes 1 » Et, povres dames, n'y estes vous pas abusées ? et par ma foy je vous plains. » Ma dame, qui de ces paroUes estoit si a)'se que plus ne povoit, tourna ung peu sa teste, et dist au seigneur de Saintré : « Qu'en dictes vous, seigneur de Saintré ?» Le seigneur de Saintré, très desplaisant de la charge et injure que donnoit aux gentilzhommes damp Abbez, dist à ma dame : « S'il vous plaisoit tenir la part des gentilzhommes, vous sçavez bien le contraire, ma dame. » Lors dist ma dame : « Nous avons bien veu d'aucuns qui n'ont mye faict ainsi; mais que savons nous des aultres? Quant à nous, nous sommes de l'oppinion de l'Abbez. » En disant ces paroUes, elle luy marchoit sur le pié, en soubzriant, et guignoit à damp Abbez. « Ha! ma dame, dist le seigneur de Saintré, vous parlez ores bien à vostre voulenté ; si prie à Dieu que congnoissance parfaicte vous en doint. » Lors dist damp Abbez : « Et quelle congnoissance voulez vous plus que ma dame ayt de la vérité de la chose? — De la vérité, dist le seigneur de Saintré, monseigneur l'Abbez, au parler de ma dame je ne dyz riens, elle peut dire que luy plaist ; mais je répons à voz parolles, dont avez chargé les chevaliers et escuiers, que se vous feussiez homme à qui je deusse respondre, que trouveriez à qui parler; mais, actendu la dignité et

celuy à qui vous estes, je ne dy plus riens, et par avanture quelque fois vous sera recordé. » Damp Abbez, qui estoit du feu d'amours tout alumé, comme par moquerie à ma dame dit : « Ma dame, c'est par vous que je suis en vostre ostel menasse. » Et en ce disant, la guerre des pies de l'ung à l'aultre estoit sans cesser. Et quant il vit ma dame soubzrire et guigner, sceut bien que le jeu à ma dame plaisoit, si dist : « Ho ! monseigneur de Saintré, je ne suis batailleur, ne homme d'armes, je suis ung povre et simple moynne, qui vis de ce que avons, pour l'amour de Dieu ; mais s'il estoit homme, quel qu'il soit, qui voulsist dire le contraire sur ceste querelle, je lucteray à luy. — Feriez, dist tantost ma dame, seriez vous bien si hardi ? — Ma dame, je ne puis que tomber, mais j'espère en Dieu et en ma benne et saine querelle que je viendray au dessus ; avant, a il icy homme qui responde de trèstous ces batailleurs ? » Le seigneur de Saintré, qui veoit les oultraygeuses parolles de damp Abbez, qu'il luy sembloit de part en part avoir le cueur percé, et tant plus de la faveur que ma dame luy faisoit, voulsist estre mort. Ma dame, qui ce veoit sans dire mot, luy dist : « Hé! seigneur de Saintré, vous qui estes si vaillant et avez faict, comme on dit, tant de belles armes, n'oseriez vous lucter à l'Abbez ?

LE PETIT JEHAN DE SAINTRE JÇJ

certes, se vous ne le faictes, je diray comme luy. — Hé! ma dame, vous savez, dist il, que oncques je ne fuz lucteur, et ces seigneurs moynnes en sont les maistres, aussi de jouer à la paulme, gecter barres, pierres et paulx de fer, et se essayent en tout quant ilz sont à leur privé ; et pour ce, je sçay bien, ma dame, que contre luy riens je ne pourro3'e. — Et je vous en prie, dist ma dame, or verray se vous m'escondyrez ; et par ma foy, se ne le faictes, en toutes places je vous repprouveray, et tiendray pour un très lasche cueur de chevalier. — Hé ! que dictes vous ? ma dame, j'ay assez plus faict pour aulcune dame ; mais puisque ainsi est, j'accompliray vostre plaisir. — Qu'est ce qu'il dit, dist damp Abbez? — Il dist, dist ma dame, qu'il ne vous fauldra mye à cest besoing, et qu'il a fait plus forte chose. — Le dit il, ma dame, or le verrons. » Alors, sans plus actendre, ne lever aulcune chose dessus les tables, damp Abbez, tout plain de joye, saillit le premier de là, puis ma dame et le seigneur de Saintré, et de ce furent tous les aultres esmerveillez. Lors damp Abbez print ma dame premièrement, et en ung très beau preau la maine, ou quel le soleil estoit passé, et luy dist : « Ma dame, seez vous cy soubz ce bel aubespin couronné, et serez nostre juge. » Et ma dame s'assit si très joyeuse que plus ne pouvoit, et

fist ses femmes asseoir emprès elle ; des choses qu'elles appercevoient, combien qu'elles dissimuloient, peu y en avoit à qui la chose pleust. Lors fist damp Abbez ce que sainct Benoist, sainct Robert, sainct Augustin, ne sainct Bernard, qui furent prelatz de sainte Eglise, n'eussent mie faicte en leur vivant, car illec publicquement se mist en pourpoint, destacha ses chausses, qui en ce temps ne s'entretenoient mie, et les avalla soubz les genoulx ; après vint devant ma dame tout le premier, et après sa révérence faicte, riseement fist ung tour, en saillant en l'air, monstrant ses grosses cuysses pellues et vellues comme ung ours. Après vint le seigneur de Saintré, qui à ung bout du preau s'estoit deshabillié, ses chausses estant richement brodées à grosses perles ; et vint à ma dame faire sa révérence, en feignant la très amere douleur qu'il avoit au cueur. Lors l'ung devant l'aultre furent ; mais, avant que la lucte fust commencée, damp Abbez se vira à ma dame, et par mocquerie, à ung genoul à terre, luy dist : « Ma dame, à mains joinctes, je vous prie que à monseigneur de Saintré me recommandez. » Ma dame, qui congnoissoit bien la force de l'Abbez, en soubzriant dist au seigneur de Saintré : « Hé! seigneur de Saintré, je vous recommande nostre Abbez, et vous prie que l'espargnez un peu. » Le seigneur de Saintré,

qui congneut bien la mocquerie, dist : « Hal ma dame, j'auroye plus ^ant besoing d'estre à luy recommandé. » Ces parolles finées, damp Abbez et le seigneur de Saintré s'entreprindrent, et tournoyèrent ung ou deux tours. Lors damp Abbez estent sa jambe, et par dedans la lye à celle de Saintré, puis, tout à coup, se deslie, et par dehors tellement le trousse que les pies du seigneur de Saintré furent assez plus haults que la teste et sur l'erbe l'abatit ; et en le tenant soubz luy, damp Abbez à ma dame dist : « Ma dame, recommandez moy au seigneur de Saintré ! » Lors ma dame, en très fort riant, luy dist : « Hé 1 seigneur de Saintré, ayez pour recommandé nostre Abbez. »Mais de joye qu'elle avoit, et de rire, à peine povoit elle parler. Lors damp Abbez se leva et se remist sur ses pies, et en riant ma dame luy dist : « Encores une aultre fois, » si hault que tous l'entendoient. Alors damp Abbez dist : * Ma dame, ce que j'ay faict, c'est pour l'amour de la querelle dont Dieu et amours m'ont esté tesmoings ; mais se le seigneur de Saintré voulloit soubztenir qu'il aymast plus loyaulment sa dame que je ne fais la myenne, veez cy ung foible et simple moynne qui à ceste bataille le combatra. — Feriez, dist ma dame ? — Se je le feroye .' par Dieu, ouy, contre tous ceulx qui vouldront venir à moy. » Alors ma dame

au seigneur de Saintré dist tout en riant : « Qu'en dictes vous, beau sire, est il cueur de gentilhomme qui n'y respondist? — Ma dame, dist le seigneur de Saintré, il n'est cueur de gentilhomme qui à son pareil ne respondist, et en la façon que en tel cas appartient. » Ce sont excusacions, dist ma dame, aussi vouliez excuser de l'aultre querelle ; bien fait à reproucher le cueur d'ung gentilhomme qui, pour une lucte, n'ose soubztenir sa loyaulté ; et en vérité je croy que qui bien y querroit, en vous peu s'en trouveroit. « Helas ! ma dame, dist le seigneur de Saintré, et pourquoy dictes vous cecy ? — Je vous le dy, car vous vous sentez avoir tort, et il est ainsi. » Alors le seigneur de Saintré dist : « Or voy je bien, ma dame, qu'il faut recommencer, et qu'il n'est excuse, tant soit raisonnable, qui en peust desmouvoir, et puis qu'il vous plaist, j'en suis content. » Damp Abbez, qui oyoit toutes ces choses, par manière de farce, dist : « Ha! ma dame, je n'oseroye, car se ne fust le bon droit que j'avoye, il m'eust foulé et mis au bas, tant ay treuvé de force en luy, qu'il n'est mie de merveilles s'il a tant de gens desconfit ; mais puisque j'en ay empris la querelle, je la vueil soustenir. » Et lors crie : « Arrière ! arrière ! » et chascun en arrière se retraict. Damp Abbez, qui estoit esmouvé et hors de toute contenance ou sens arresté, se

print à escryer : « Ha ! loyaulté, garde ton droit !» Et à ces parolles, au seigneur de Saintré se traict, et par le tour d'une estrappe à bien peu qu'il ne l'emporta ; mais tant virèrent et tournèrent que d'une aultre trousse, assez plus forte que la première, le seigneur de Saintré abatit, et puis dist à ma dame « Et nostre juge, ay je bien fait mon devoir? qui est le plus loyal ? — Qui l'est, dist ma dame, vous qui l'avez gaigné. » Le povre seigneur de Saintré, qui de la lucte et du grant plaisir que ma dame y avoit prins, et mesmement à le veoir le plus foible sachant, au moins de lucter, ne sçavoit ung seul mot dire ; lors chascun s'en alla re%'estir. Les deux escuyers qui, pour le servir, demourez estoient, cuyderent bien de dueil mourir, quant ilz virent que ma dame et damp Abbez farçoient et derizoient le seigneur de Saintré qui tant estoit honnorable et vaillant chevallier, que de son pareil ne peust on mye finer ou royaulme de France, et luy dirent : « Vous ne seriez mye homme, se vous ne vous vengez de cette dérision. » Et il leur dist : « Ne vous en souciez, aiez en pacience comme moy, et me laissez faire. » Le seigneur de Saintré, qui de tous poins avoit si hautement perdu l'amour de sa dame, par la desloyauté d'elle, que tant et si loyaulment servie l'avoit, comme bien attrempé, print en soy

manière telle comme se du tout ne feust riens esté. Lors à grant façon de lie chiere vint redoubler la liesse de ma dame avecques celle de damp Abbez, et dist : « Helas ! ma dame, et que ce fut un grant dommage quant ung si bel et puissant corps d'omme, comme monseigneur l'Abbez est, n'a esté mis aux armes pour tenir en une frontière contre les ennemys de ce royaulme ; car je ne congnois ne deux ne trois, tant soyent puissans hommes, qu'il ne les eust bien mys à fin. » Damp Abbez, qui oji. de luy telles nouvelles louanges, se lieve en l'air, et tour en tour saulte un saut devant ma dame et sa compaignie. Et lors il commanda le vin et les serises pour refreschir.

DE l'ambassade DU COUVENT

L'acteur. — Et endementiers que ces parolles estoient, les prieurs et anciens religieux du couvent, ausquels la vie de damp Abbez desplaisoit grandement , et tant plus qu'ilz avoient oy parler de la lucte e;( des mocqueries de ma dame et de damp Abbez qui aussi ne faisoit mie, ne monstroit les œuvres de bon religieux, mais dissolue et chetive vie, ordonnèrent que deux à damp Abbez yroient parler de par le couvent, et luy diroient les paroUes qui s'ensuyvent :

« Révérend père en Dieu et mon très honnoré seigneur, les prieurs et administrateurs de vostre couvent, una voce dicentes, après leurs humbles et convenables recommandacions, à vous nous envoyent ; ilz ont sceu que vous, par plusieurs fois, avez donné à nostre très redoubtée dame mains diners, soupers et aultres deduitz, dont en tant qu'elle est nostre patrone et fonderesse, tout le couvent en est content ; et de tant mieulx quant avez à ce soir amené ung tel seigneur, comme le seigneur de Saintré, duquel sont par tout les belles nouvelles, et qui est si prochain famillier de nostre sire, le roy. Mais de tant que vous estes avancé et ingéré de l'avoir requiz à lucter, et plusieurs fois abatu et vous en estre mocqué, ce qui n'appartient pas à estât de prélat, ne à aultre religieux, de faire en la façon que avez faict, ainsi publicquement, qui est chose à vous et à nous deffendue par noz reigles et statuts, dont tout le couvent en est très desplaisant et courcé, vous priant et suppliant que vous en déportez, et que, avant son parlement, faictes tant qu'il n'ayt cause de soy blasmer de vous, ne du couvent ; ou aultrement, le couvent par nous vous fait assavoir que s'aulcune malle vueillance ou nouvelle en adviengne, qui au couvent porte préjudice ne inconvénient, quel qu'il soit, il s'en

excusera et deschargera du tout sur vous, et de ce vous plaise à chascun pardonner. »

LA RESPONCE DE DAMP ABBEZ, Et LE REMEDE qu'il y PRINT

L'acteur. — Damp Abbez, ayant oy les nouvelles et parolles de son couvent, leur respondit : « Prieurs, allez au couvent, et leur dictes que ce que j'ay faict n'a esté que par jo3^euseté, et qu'ilz ne s'en soucient mie, car aA'ant qu'il parte je mectray bonne fin en tout. »