CHAPITRE L XXX II

Comment damp Abhez rapaisa le seigneur de Saintré.

L'acteur. — Endementiers que l'ambassade du couvent se faisoit, le vin et les serises furent apportées ; lors burent les ungs aux aultres, par aussi bonne chère que gens puissent faire. Et quant tous

eurent beu, damp Abbez print le seigneur de Saintré par la main, et à part luy dist : « Monseigneur de Saintré, il a pieu à Dieu, moy faire tant de grâce, que une foiz je vous voy en mon hostel qui est bien vostre, s'il vous plaist, laquelle chose je desiroye dès pieça, pour le bien qui en vous est ; vous suppliant que demain encores, avec ma dame, me faciez tant donneur que de prendre le disner en patience, et que de ce ne me reffusez, et en vérité me ferez très singulier plaisir. »

respon:e du seigneur de saintré, et les prieres de damp abbez

Saintré.— « Monseigneur l' Abbez, de vostre souper et de la très grande et bonne chiere que pour la première fois m'avez faicte, tant comme je puis, vous en remercye^ aussi de l'offre de vostre disner à demain, lequel en vérité, pour les affaires que j'ay à la bonne ville, ne vous en puis ores accorder.

— Helas! non, dist damp Abbez, monseigneur, se par joyeuseté j'ay fait chose qui à vostre deplaisance soit, vueillez le moy pardonner ; monseigneur, j'ay une des belles et bonnes mulles de ce royaulme, et la meilleure, ce Eçay je bien ; et ay ung des bons faulcons aux hérons et à la rivière que on peust trou-

ver, et aussi ay trois mille escuz, aussi bien que le pape ou que le roy, et non plus ; si vous requiers, prie et supplie, tant comme je puis, que l'une des trois de mes offres vous vueillez prendre en gré, et que je demeure en vostre grâce, et me pardonnez. »

Le seigneur de Saintré, qui n'a besoing de ses escuz, d'oyseaulx, ne de mulle, très gracieusement le mercye, et, pour le contenter, luy dist : « Monseigneur l'Abbez, je ne monte mye sur mulle, et de voz trois mille escuz je m'en serviroye, s'il en estoit besoing, et de vostre très bon faulcon, pour l'amour de vous, je le retiens, par ainsi que le me garderez, affin que s'aulcun le vous demande, que puissiez dire qu'il est mien ; mais d'une chose vous prie, que pour ma première requeste ne m'esconduisiez. — Et quelle ? dist damp Abbez, monseigneur, commandez moy, car sur ma foy, s'il m'est possible, je l'accompliray voulentiers. — Ferez? dist monseigneur de Saintré. — Ouy, par ma religion. » Lors luy dist : « Que demain, vous et ma dame, viendrez disner avecques moy, — Cela, dist damp Abbez, et je le vous prometz pour elle et pour moy, que vostre plaisir en sera faict par telle façon que ce sera disner de compaignon. »

L'acteur. — Lors k très grande et lye chiere sont venuz tous deux a ma dame, et

LE PETIT JEHAN DE iAINIRE 403

lors le seigneur de Saintré la prie. Et quant ma dame l'a entendu, prestement luy reffuse, disant qu'elle avoit moult à besongner ; et n'y vault le prier du seigneur de Saintré: Lors damp Abbez à part la tyre, et luy dist : « Ma dame, vous y viendrez, car je l'ay pour tous deux promis et juré, et me feriez grant honte et desplaisir de moy faire ainsi mentir; aussi, ma dame, il pouroit penser de noz amours ce qui en est ; et savez que c'est de ces fringans et rotiers de court, comme de feu s'en convient garder. Et pour ce, ma dame, puisque j'ay promis, vous y viendrez, car par ce je sera}- son amy, ou je cuyde qu'il soit mal de moy, à cause de la lucte. » Ma dame, qui ne peut damp Abbez reffuser, ne esconduire, luy dist : « Puis que vous le voulez, je le vueil. » Alors damp Abbez appella joyeusement le seigneur de Saintré, et luy dist : « Monseigneur, ma très redoubtée dame, que veez cy, vous a reffuse, doublant que voulsissiez faire ung trop grant et excessif appareil, et une grant feste et solemnité oultrageuse ; mais je l'ay asseurée que non ferez. » Lors le seigneur de Saintré dist: « Ma dame, et vous, monseigneur l'Abbez, entre nous gens de court, laissons à vous, seigneurs prelatz, faire ces grans festes, et nous en passons legierement ; bien voulons aucun peu de bonnes viandes et de bons vins,

se en povons finer; et de ce que trouver se pourra, ma dame et vous prendrez en gré. » Et, ces paroUes dictes, les hacquenées et les chevaulx furent tous prests ; lors ma dame et le seigneur "de Saintré à damp Abbez remercièrent, et jusques à demain prindrent congié. Et quand ma dame fut sur les champs, tant que hacquenée povoit aller, s'en ala battant ; le seigneur de Saintré, en galoppant son destrier, de fois à aultres s'approcha d'elle, et luy dist : « Ha ! ma très redoubtée dame, et que vous ay je meffait? et est il ou monde qui osast dire et soubstenir que je ne vous aye lc3'aument servie, et aymée de tout mon cueur ? — Ha 1 sire, dist ma dame, que vous l'avez bien à vostre lucte monstre ! Or ne parlons plus de ces choses, et me laissez en paix. » Le seigneur de Saintré, qui tout cler veoit la chose telle qu'elle estoit, ne desiroit mie en sa grâce retourner, ne à la requeste d'elle ne l'eust daignée jamais plus a3"mer, ne servir ; mais bien luy vouloit monstrer le villain tort qu'elle luy tenoit et avoit fait, sans rien dire qu'il se fust apperceu de ses nouvelles amours. Et quant ilz furent à l'ostel de ma dame venuz, avant que de descendre, elle luy dist : « Allez vous en, seigneur de Saintré, car j'ay aucun peu à besongner, et aussi avez vous. » .Nin^.i eut congié et adieu jusques à demain. Le sei-

gneur de Saintré, qui de toutes ces nouvelles choses fut en pansement, se mist à la voye. avecques ce peu de gens qu'il avoit, droit à la cité, et s'en alla où ses gens estoient ; 'si ne erra guieres que toute sa compaignie trouva, comme il avoit ordonné. Lors appella son maistre d'ostel, et luy dist que ma dame et damp Abbez venoient demain en son logeiz disner, et qu'il fist toute deligence d'avoir bonnes viandes et de bons vins pour en estre bien servis, et pour leur compaignie de mesmes vins et viandes dont ilz seroient serviz largement ; d'aultre par luy ordonna qu'il eust du tout compté et bien payé à son oste ce qu'ilz avoient despendu, tant de bouche que les chevaulx, et que, quant seroit bien payé, luy donnast encores dix escuz pour le faire bien content, et deux escuz pour le service des varlets et meschines de l'ostel. Et si ordonna que le bien matin ses coursiers, ses bahus et la plus grant partie de ses gens s'en voysent, et ne demourassent que douze de ses gens, et ainsi fut fait. Et quant il fut en son logeiz descendu, il fist appeler l'oste, et à part luy dist : « Bel hoste, en ceste ville a il nul gentil homme ou bourgeois de la forme de ce grant escuyercy? » Et luy monstra ung de ses gens. « Monseigneur, dit l'oste, ouy, assez. — Mais fault qu'ilz ayent harnois completz, et qu'ilz soyent

beaulx. — Hz ont harnois completz et beaulx.» Lors demanda le nom de celuy qui estoit le mieulx armé, et il luy pria qu'il le fist venir; et ainsi fist. Et quant le bourgeois fut venu, et faicte sa révérence au seigneur de Saintré, auquel gracieusement s'acointa, il luy dist : « Jacques, qui est le bourgeois de ceste ville qui est le mieulx armé. — Monseigneur, dist Jacques, mains en y a ; mais jaçoit ce que ne les vaille, si suis je aussi bien armé, pour cinq ou six paires de harnoys complets, que bourgeois de ceste ville, ne gentilhomme de ce pays. — Voire, dist monseigneur de Saintré, par monseigneur sainct Jacques, de tant plus en estes vous à priser et à louer; vous avez les harnois pour vostre corps, n'en finerez vous pas bien encore d'ung aultre qui servist à ce chevalier que veez là ? » Et luy monstra ung chevalier semblable à sa personne. « Monseigneur, dist il, je vous fourniray du tout, aussi beaulx et aussi bons que vous en serez content ; mais voulez vous bacinets, sallades à banieres, ou heaulmes ? — Jacques, mon frère, je vueil bacinetz, et aussi deux haches appareilleez; et ne vous souciez, car vous n'y perdrez riens. — Par Dieu, dist Jacques, qui très joieulx estoit d'avoir la congnoissance du seigneur de Saintré, tout tant que j'ay, monseigneur, est vostre et à voz commandcmens ;

LE PETIT JtHAN Uk iAlNTRÉ 407

quant vous plaira de les avoir ? — Je les vouldroye avoir tout maintenant ; mais que en coffres ou en sacz les me faictes apporter, que nul ne s'en puisse appercevoir. » Jacques incontinent s'en va en son hostel, et les deux harnois beaulx et clers avecques les haches secrètement fait apporter, dont ledit seigneur de Saintré fut très content. Et quant la nui^ fut passée et le jour fut venu, que le seigneur de Saintré eut sa messe oye, tout son bagaige et ses gens partiz, fors les douze qu'il avoit retenuz, la viande du disner fut comme preste et les tables mises, monta à cheval avecques sa compaignie ; lors au devant de ma dame va. Et quant eust erré environ la moytié de la voye, trouva ma dame et damp Abbez sur les champs ; lors gracieusement s'entresaluerent, et damp Abbez commença et dist : « Haro ! qui parle du loup, il en voit la queue ; les oreilles, monseigneur de Saintré, vous cornoient elles point? — Je ne sçay, dist le seigneur de Saintré, car je pensoye à la grant pascience que prendrez. Avez vous point desjeuné, ma dame .'et vous, monseigneur l'Abbez ? — Ouy, dist ma dame, pour la doubte de ces bruines avons desjeuné des testées à l'ypocras et à la pouldre de duc. — Bon preu vous puist il faire, dit il k ma dame, et à monseigneur l'Abbez aussi ! » Dont en devisant tous trois

40b LE PETIT JEHAN DE SAINTRÉ

ensemble, le parler de ma dame toujours s'adressoit à l'Abbez. Le seigneur de Saintré, voj^ant perdre ses parolles, tint sa bride, et à ma dame Jehanne voult parler, mais elle luy dist que arrière d'elle se mist ; puis va à ma dame Katherine et à Ysabel, toutes luy dirent ainsi, car à toutes estoit deffendu de parler à luy; lors retourna à ma dame et à damp Abbez, et ne tarda plus guieres que au logeis sont venuz. Lors le seigneur de Saintré print soubz le bras ma dame et en sa chambre elle et ses femmes mena ; damp Abbez tira en ung aultre. Et endementiers que en leurs chambres ilz se aisoient, dist à son maistre d'ostel que incontinent qu'ilz seroient à table, que les chevauls fussent sellez et bridez en l'estable, et tous prests à monter. Lors, pour abréger, le disner fut tout prest ; et quant ma dame et damp Abbez eurent leurs mains lavées, au hault du banc au bout de la table, comme prélat, damp Abbez fut assis, et ung peu après ma dame qui ne le voult mye de loing abandonner, et puis les aultres deux dames au bas bout ; et luy, pour prières, ne volt oncques estre assis, mais mist sur l'espaule la serviette, et va ça, puis là, trestous bien servir de bons vins et viandes, largement et de bonne manière, et aussi de plusieurs façons, (jue vous diroye je ? Là fut la joye de damp Abbez au

seigneur de Saintré telle qu'à peine se pourroit deviser. Et quand les pances furent bien plaines et farcies, et les estomatz bien axrousez et bien abruvez, le seigneur de Saintré demanda à damp Abbez s'il fut oncques armé. « Armé, dist damp Abbez, non, vrayement. — Hé ! dist monseigneur de Saintré, que ce seroit belle chose de vous veoir armé ! Et qu'en dictes vous, ma dame? n'est ce mye vérité? — Vrayement, dist ma dame, je cuyde bien, et suis certaine que s'il estoit armé, tel y a, qui de luy se mocque, qui guieres n'y gaigneroit. — Ma dame, je ne sçay nul qui s'en mocque, mais je dis que oncques ne veis homme qu'il fist plus beau veoir armé. » Et lors dist à Perrinnet de sa chambre qu'il feist ce qu'il luy avoit dit. Lors Perrinnet dressa au bout de la salle une table, puis il mist dessus le plus bel et le plus grant harnois, sans hache ne espée. Et quant damp Abbez veit ce très bel et luysant harnois, auquel il print grant plaisir, et s'estoit ouy si grandement louer, pensa que, pour la largesse du seigneur de Saintré, il luy donneroit cest harnois, et que pour ceste cause l'avoit il fait apporter. Si s'appensa que s'il le requeroit d'armer, qu'il n'en seroit mye reffusant ; lors, pour monstrer que très bien il aymoit ce harnois, le commença très fort à louer. « Et puis qu'il est à vostre gré, dist le sei-

gneur de Saintré, s'il vous est bien en point, vous l'aurez. — L'aura}', monseigneur ? — Ouy, damp Abbez, et meilleure chose, se le me voulez requérir. — Et par ma foy, pour l'amour de ma dame, je ne mangeray, ne beuveray jusques à tant que je seray armé. » Alors s'escria : « Ostez, ostez ces tables, nous n'avons que trop mangié. » Damp Abbez, tout plain de joye, se mist en pourpoint, et tost le seigneur de Saintré print ung poinçon, et mist les esguilletes, et arma de corps et de jambes entièrement damp Abbez, et le bassinet sur la teste luy mist bien cramponné, et puis en ses mains les ganteletz. Et quant damp Abbez fut ainsi du tout armé, si se tourna devant et derrière, en soy coutoyant, et en disant à ma dame et à ses femmes : « Qu'en dictes vous de veoir ung moynne armé? le fait il bon veoir? — Moynne, dist ma dame, telz moynnes sont bien clers semez. — Hé! Dieux, que n'ay je une haiche et ung qui me voulsist combattre et oultraiger! » Puis en farsant dist à ma dame : « Vrayement cest harnois poise plus que le mien, mais il me souffit, puisque je l'ay gaingné. » Et en disant ces paroles, le seigneur de Saintré luy dist : « Vous ne l'avez mie encores gaingné, mais tantost le gaingnerez. » Lors fist aporter l'autre harnoiz, duquel il fut tantost armé. Quant ma dame oyt ces paroiles, et veit

le seigneur de Saintré hastivement armer, se doubla de ce qui en advint, et luy dist : « Sire de Saintré, que entendez vous à faire ?» — Ma dame, dist il, quant il fut prest, tantost le verrez. — Je le verray, dist ma dame, sire couart, voulez vous combatre à ung Abbez ? » Le seigneur de Saintré estant tout armé, ordonna à ses gens de bien garder l'huys que aucun n'entrast, ne yssit hors de la salle, et dist aux dames et damoyselles, aux moynnes et à tous aultres qui leans estoient : « Tenez vous là à cest huys, et n'y ait homme, ne femme qui se meuve, car qui fera le contraire, je luy fendray la teste jusques aux dens. » Lors veissiez dames et moynnes de trembler, pleurer, et mauldire l'heure que ilz estoient là assemblez. Lors il vint à ma dame, et luy dist : « De vostre grâce très voulentiers voulsistes estre juge de la lucte de damp Abbez et de moy ; or vous prye et supplie, si très humblement que je puis, que le vueillez estre de la lucte à laquelle j'ay apprinz à lucter, et que avec moy .so3'ez à faire la requeste à damp Abbez. — Je ne sçay quelle requeste, dist ma dame ; se vous luy faictes ung seul desplaisir, je l'advoue fait à moy, et le prens en ma garde. » Le seigneur de Saintré vint à damp Abbez, et luy dist : « Damp Abbez, à la requeste de ma dame et de la vostre, je luctay

deux fois à vous, deux saulx de trousse, dont encores me sens, et n'y valut me excuser que, à sa requeste et à la vostre, ne passasse par là; ores je vous requiers et prie, aussi pour l'amour de ma dame que si loyaulment aymez, que nous luctons à la façon que j'ay apprins à lucter. — Ha! monseigneur de Saintré, dist damp Abbez, je ne sçauroye lucter armé. » Alors le seigneur de Saintré dist : « Par cy, ou par la fenestre passerez. » Ma dame, qui de tous poins veoit le seigneur de Saintré à combatre meu et délibéré, felonneusement luy dist : « Sire de Saintré, nous voulons et vous commandons, sur paine d'encourir nostre indignacion, que incontinent tous deux vous desarmez; et se vous ne le faictes, comme fel et couart, nous vous ferons du corps et de la vie courcer et pugnir. » Quant le seigneur de Saintré se voit ainsi villainer et menacer, à la faveur et pour l'amour de damp Abbez, luy dist : « Or, faulce, desloyalle, telle, telle et telle que vous estes, je vous ay si très loyaulment servie longuement que oncques homme puist servir et complaire à femme, et maintenant pour ung ribault moj-nne, dont vous estes accointée si faulcement et desloyaulment, vous estes deshonnorée, et m'avez habandonné ; et à celle fin qu'il vous en souviengne, que pour luy ne aultre ne me devez villainer ne menasser, je

VOUS donray tel loyer, non mye tel qu'il y affiert à l'exemple des aultres desloyalles femmes. » Lors la prent par le toupet de son atour, et haulsa la paulme pour luy donner une couple de souffletz; mais à coup se retint, ayant mémoire des grans biens qu'elle luy avoit faitz, et qu'il en pouroit estre blasmé. Et tout en pleurant, et comme de dueil pasmée, la fist cheoir sur le banc, que oncque ne s'en osa mouvoir. Lors fist apporter deux haiches et deux daignes, qu'il fait saindre et bailler es mains de damp Abbez, pour en prendre choiz, puis luy dist : « Damp Abbez, souviengne vous des injures qu'avez dictes des chevaliers et escuiers qui vont par le monde faire armes pour leurs honneurs accroistre, car vous le comparerez ; or vous deffendez, damp Abbez ! » Et lors baissa sa visière, et fist baisser celle de damp Abbez, et desmarcha contre luy. Et quand damp Abbez vit que c'estoit contre luy, forcé de soy combatre et re van cher, haulsa sa haiche, et par telle force que s'il eust actaint le seigneur de Saintré, à la puissance qu'il avoit, et aussi à l'avantaige d'estre plus grant, sans nul remède il l'eust à terre porté ou navré ; ce que ma dame eust bien voulu ; mais par la voulonté de Dieu et des avantaiges qu'il sçavoit en tels faicts d'armes, il se couvrit et receut ce coup sur sa haiche ; et ce

fait, le seigneur de Saintré, de la pointe de sa haiche, l'enferra, et le fist à force reculler jusques à ung banc viz à viz de ma dame ; et là tomba à la renverse, et au cheoir se donna un tel coup qu'il sembloit que tout fondit en bas, criant : « Mercy ! mercy ! mercy ! ma dame. Ah! monseigneur de Saintré, pour Dieu, mercy I » Le seigneur de Saintré, esprins de mal tallent à cause des villainies et mocqueries dont a esté cy devant parlé, délibéré fut de le mectre à fin ; et en haulsant sa haiche, en mémoire luy vindrent les vers qui s'ensuivent, ausquelz sont contenues les sainctes parolles que nostre Seigneur dist ou vieil Testament, au neufviesme chapitre de Genesis, qui dient : Quicumçue effuderit hiimanum sa7tguineni,fundetur sanguis illius. Encores dist en la Passion : Qui gladio percusserit , gladio peribit. Encores dist il à David : Non edificabis michi domum, quia vir sanguinis es. Encores dist il par la bouche de David : Vir sanguineus et dolosus non videbit dies suos. Encores par la bouche de David dit : Virum sanguinum et dolosum abominabitur Domtnics. Encores là mesme dist : Si occideris, Deus, peccatores : viri sanguinum, declinate a me. Et tant d'aultres petiz mercys et miséricordes nous a il commandé et en sa propre personne monstre, que, par ce, ledit seigneur de Saintré se tint

de procédera la mort; toutesfois fut par vengeance et par divine voulenté, que à cause du si très évident et manifeste pechié, eust permis ainsi le faire pugnir, il gecta au loing sa haiche, et print sa dague en sa main ; puis luy haulsa sa visière, et luy dist : « Ores, damp Abbez, congnoissez que Dieu est le vray juge, quant vostre force et vostre maulvais et injurieux parler n'ont eu povoir que ne soyez chastié, et présent celle de qui vous vous teniez si fier, pour laquelle avez si deshonnestement menty et parlé contre les chevaliers et escuiers ; et pour ce, celle très faulce langue le comparera. » Lors luy persa de sa dague la langue et les deux joues, et en ce point le laissa, et luy dist : « Damp Abbez, ores, avez vous le harnois bien et loyaulment gaigné. » Si se fist desarmer, et quant il fut tout desabillé, et vit ma dame deschevelée et son atour renversé, luy dist : « Adieu, dame la plus faulce qui oncques fut ! » Et, en ce disant, la veit sainte d'ung tyssu bleu, ferré d'or, lors la dessaingnit, disant : « Et comment, ma dame, avez vous, cueur de porter sainture bleue? car couleur bleue signifie loyaulté.. et vraiment vous estes la plus desloyalle que je congnoisse; plus ne la porterez. » Lors luy osta, puis la ploya et mist en son seing. Puis vint aux dames et damoyselles, aux moynnes et aux aul-

4l6 LE PETIT JEHAN DE SAINTRÉ

très gens qui, comme brebis, aux coings de la salle estoient plourans, si leur dist : « Vous estes tesmoings des choses dictes et faictes, qui à mon grant desplaisir sont cause d'avoir fait ce que j'ay fait ; et quant à la desplaisance que avez eue, et avez, le me pardonnez, je vous en prie, et à Dieu soyez ! » Lors fut l'huys ouvert, et descendit en bas, et à l'oste dist : « Se damp Abbez veult le grant harnoys, si luy laissez ; mais le petit et les deux haiches à Jacques les rendrez, et luy dictes qu'il viengne à moy bien brief; bel hoste, estes vous bien content? » Et, en ce disant, il monta à cheval, et commande à Dieu son hoste. Et à tant laisseray cy à parler de luy qui s'en va à la court ; et diray de ma dame, de damp Abbez et de leurs gens, qui demeurèrent bien esbahys et en très grant dueil et melencolie, n'en fault m3'e doubter.